Микробтық паразитизм және патогенді микроағзалардың пайда болу эволюциясы

I. Кіріспе.
II. Негізгі бөлім.
• Микробтық паразитизмнің жалпы түсінігі;
• Эволюция сатысында пайда болуы;
• Паразитизмнің дамуы;
• Паразиттер түрлері;
• Патогенді микроағзалардың пайда болу эволюциясы.
III. Қорытынды.

Макроағзалар мен микроағзалар арасында симбиозды қарым-қатынастың бірнеше формалары болады. Соның бірі паразитизм болып табылады. Оның өзі микроб өзінің иесіне нақты зиян келтірумен түсіндірілетін сондай қатынас формасын айтады. Бірақ мұндай қатынас кезінде зиянның деңгейі мен нәтижесі кең аумақта тербеліп отырады, яғни симптомсыз микроб тасушыдан инфекциялық аурулардың клиникалық формаға дейін аралықты қамтиды.
Паразитизм, басқа симбиоз формалары сияқты, эволюция сатысында пайда болып, дамып және жетілді. Егер еркін өмір сүруші сапрофиттер 2,5млрд жыл бұрын біздің планетамызда тіршілік ете бастағанда пайда болса, микроб-паразиттер – кейінірек, яғни өсімдік, содан кейін жануарлар әлемі қалыптасқанда пайда болды.
Сонымен қатар, паразитизм пайда болу негізінде микроб-сапрофиттердің экологиялық мүмкіншілігінің кеңейіп өңделуі жатыр. Берілген эволюциялық процестің негізі бірқатар мутациялар мен жаңа экологиялық орталарға үйреніп кеткен мұндай микроағзалар формаларының тұрақты жиынтығы болып табылады.
Мұндай селекцияларының нәтижесінде микроб-паразиттер алдында ұрпағын жалғастырушы жаңа тараудағы экологиялық ортаның ашылуына үлкен мүмкіншілік болды. Осыдан кейін ең басында факультативті паразиттер, яғни қоршаған ортада жеке өмір сүре алу мүмкіншілігін білдіріп, сақталып қала алатын өзінің беделін жұмсамайтындар пайда болды. Ал кейін өз иесінің ағзасында ғана көбейетін облигатты паразиттер пайда болды. Солардың ішінде ағзада әртүрлі патологиялық өзгерістер тудыратын патогенді формалар қалыптасты.