Халықтың санитарлық-эпидемиологиялық салауаттылығы
Халықтың санитарлық-эпидемиологиялық салауаттылығы туралы
2002 жылғы 4 желтоқсандағы № 361-II Қазақстан Республикасының Заңы
(2008.04.12. берілген өзгерістер мен толықтырулармен)
1-тарау. Жалпы ережелер (1 - 3
баптар)
2-тарау. Халықтың санитарлық-эпидемиологиялық салауаттылығы (4 - 17
баптар)
саласындағы мемлекеттік реттеу
3-тарау. Халықтың санитарлық-эпидемиологиялық салауаттылығы (18 - 20
баптар)
саласындағы жеке тұлғалардың, жеке кәсіпкерлердің және
заңды тұлғалардың құқықтары мен міндеттері
4-тарау. Санитарлық-эпидемиологиялық сараптама (21 - 23
баптар)
5-тарау. Санитарлық-індетке қарсы (профилактикалық) (24 - 30
баптар)
іс-шараларды ұйымдастыру және жүргізу
6-тарау. Қорытынды ережелер (31 - 32
баптар)
Осы Заң Қазақстан Республикасы халқының санитарлық-эпидемиологиялық
салауаттылығын қамтамасыз етудiң құқықтық, экономикалық және әлеуметтiк
жағдайын белгілейдi.
1-тарау. Жалпы ережелер
1-бап. Осы Заңда пайдаланылатын негiзгi ұғымдар:
Осы Заңда мынадай негiзгi ұғымдар пайдаланылады:
1) санитарлық-эпидемиологиялық тексеру актiсi - объектiнiң халықтың
санитарлық-эпидемиологиялық салауаттылығы саласындағы Қазақстан
Республикасы заңдарының талаптарына сәйкестiгін тексеру нәтижелерi бойынша
мемлекеттiк санитарлық-эпидемиологиялық қадағалауды жүзеге асыратын
лауазымды адам беретiн құжат;
2) адамның тiршілік етуiне қолайлы жағдайлар - тiршiлiк ету ортасы
факторларының адамға зиянды ықпалы жоқ кездегi жай-күйi;
3) зиянды өндiрiстiк фактор - әсерi белгілі бiр жағдайда жұмыс
iстеушiнің еңбекке қабiлеттілiгiнің кәсiби тұрғыда, уақытша немесе тұрақты
түрде төмендеуiн тудыруы, соматикалық және жұқпалы аурулардың жиiлiгiн
арттыруы, денсаулығының бұзылуына әкелуi мүмкiн ортаның және еңбек
процесiнiң факторы;
4) адамға зиянды әсер - тiршiлiк ету ортасының адамның өмiрiне немесе
денсаулығына қауiп төндiретiн әсерi;
5) гигиеналық норматив - тiршiлiк ету ортасының белгiлi бiр факторын
адам үшiн қауiпсiздiгi және (немесе) зиянсыздығы тұрғысынан сипаттайтын
көрсеткiштiң зерттеулер арқылы белгiленген шектi мөлшердегi ең көп немесе
ең аз сандық және (немесе) сапалық мәнi;
6) мемлекеттiк санитарлық-эпидемиологиялық қадағалау - халықтың
денсаулығын сақтау мен тiршiлiк ету ортасын қорғау мақсатында санитарлық-
эпидемиологиялық қызмет органдарының халықтың санитарлық-эпидемиологиялық
салауаттылығы саласындағы Қазақстан Республикасы заңдарын бұзушылықтың
алдын алу, анықтау, жолын кесу жөнiндегi қызметi;
2006.07.07. № 171-III ҚР Заңымен 6-1) тармақшамен толықтырылды
6-1) халықтың санитарлық-эпидемиологиялық салауаттылығы саласындағы
уәкілетті орган - денсаулық сақтау саласындағы уәкілетті органның құзыреті
шегінде атқарушылық, бақылау және қадағалау функцияларын, сондай-ақ
халықтың санитарлық-эпидемиологиялық салауаттылығы саласында басшылықты
жүзеге асыратын аумақтық бөлімшелері бар, Қазақстан Республикасының Үкіметі
айқындайтын мемлекеттік орган;
7) дезинфекция, дезинсекция және дератизация - өндiрiстiк, тұрғын үй
ғимараттарында, көлікте, қоғамдық орындардың үй-жайларында және аумақтарда
жүйелi түрде жүргiзiлетiн, жұқпалы және паразиттiк аурулардың
қоздырғыштарын, тұрмыстағы жәндiктер мен кемiргiштердi жоюға бағытталған
шаралар кешенi;
8) дезинфекциялық, дезинсекциялық және дератизациялық қызмет көрсету -
дезинфекция, дезинсекция және дератизация құралдары мен препараттарын
дайындауға, өндiруге, өңдеуге және көтерме саудада сатуға байланысты
қызмет, сондай-ақ оларды пайдалануға байланысты жұмыстар мен қызмет көрсету
түрлерi;
9) халықтың декреттелген тобы - қызмет көрсету саласында жұмыс iстейтiн,
айналасындағы адамдарға жұқпалы және паразиттiк аурулар жұқтыру қаупiн
көбiрек төндiретiн адамдар;
10) жұқпалы және паразиттiк аурулар - тiршiлiк ету ортасы биологиялық
факторларының адамға әсер етуi себептi туындайтын және таралатын адам
аурулары;
11) жеке медициналық кiтапша - мiндеттi медициналық қараулардың
нәтижелерi енгiзiлетiн, халықтың декреттелген тобының өкiлiне берiлетiн
жеке құжат;
12) санитарлық-эпидемиологиялық қадағалау объектiлерi - жеке және заңды
тұлғалар, қызметi, қолданылуы мен пайдалануға берiлуi адам денсаулығының
жай-күйiне және қоршаған ортаға зиян келтiруi мүмкiн ғимараттар,
құрылыстар, өнiмдер және өзге де объектiлер;
13) шектеу iс-шаралары, оның iшiнде карантин - жұқпалы аурулардың
таралуын болдырмауға бағытталған және шаруашылық пен өзге де қызметтің
ерекшe режимiн көздейтiн шаралар;
14) улану - тiршiлiк ету ортасының химиялық, биологиялық және өзге де
факторларының қатты немесе созылмалы әсер етуi кезiнде туындайтын адам
аурулары;
2006.07.07. № 171-III ҚР Заңымен 14-1) тармақшамен толықтырылды
14-1) тәуекелді бағалау - жұқпалы және паразиттік ауруларды қоздырғыштар
мен жұқтырғыштардың ену және таралу ықтималдығына, сондай-ақ қолданылуы
мүмкін санитарлық-індетке қарсы (профилактикалық) шараларды және осыларға
байланысты ықтимал медициналық-биологиялық және экономикалық салдарды
есепке ала отырып, санитарлық-эпидемиологиялық қызмет жүргізетін, химиялық,
микробиологиялық, радиологиялық ластануға байланысты халықтың денсаулығына
қауіп төндіретін тауарларды өндіру мен әкелуге ғылыми негізделген баға
беру;
2006.07.07. № 171-III ҚР Заңымен 15) тармақша өзгертілді (бұр. ред. қара)
15) мерзiмдi медициналық қарау - денсаулықтың жай-күйiн ширақ
қадағалауды қамтамасыз ету, аурудың бастапқы белгiлерiн дер кезiнде
анықтау, жалпы, кәсiби, жұқпалы және паразиттiк аурулардың алдын алу және
оларды таратпау мақсатында, денсаулық сақтау саласындағы уәкілетті орган
белгiлеген мерзiмде жүргiзiлетiн халықтың денсаулығын қарау;
16) қауіптілігi ықтимал химиялық және биологиялық заттар - белгiлi бiр
жағдайларда және белгiлi бiр шоғырлануы адамның немесе адамдардың келешек
ұрпақтарына зиянды әсерiн тигiзуi мүмкiн, қолданылуы мен пайдаланылуы
санитарлық ережелермен және гигиеналық нормативтермен регламенттелетiн
заттар;
17) алдын ала медициналық қарау - жұмысқа алынатын және оқуға түсетiн
адамдар денсаулығының жай-күйiн анықтау, жазатайым оқиғалардың, жалпы,
кәсiби, жұқпалы және паразиттiк аурулардың алдын алу және оларды таратпау
мақсатында қарау;
2006.07.07. № 171-III ҚР Заңымен 18) тармақша өзгертілді (бұр. ред. қара)
18) халықтың денсаулығына қауiп төндiретiн өнiм - халықтың санитарлық-
эпидемиологиялық салауаттылығы саласындағы мемлекеттік орган белгiлеген,
оларды қолдану немесе пайдалану кезiнде адамның денсаулығына зиянды әсер
етуi мүмкiн өнiмнiң түрлерi;
19) азық-түлiк шикiзаты - тамақ өнiмдерiн дайындау үшiн пайдаланылатын,
өсiмдiктен, жануардан алынатын, микробиологиялық, минералды және жасанды
түрдегi шикiзат;
20) санитарлық паспорт - мемлекеттiк санитарлық-эпидемиологиялық
қадағалауға жататын объектiнің, көлiк құралының халықтың санитарлық-
эпидемиологиялық салауаттылығы саласындағы нормативтiк құқықтық актiлердiң
талаптарына сәйкестiгiн растайтын және оларды пайдалануға немесе қолдануға
құқық беретiн құжат;
21) санитарлық-эпидемиологиялық нормалау - санитарлық-эпидемиологиялық
қызметтiң санитарлық-гигиеналық және iндетке қарсы ережелер мен
нормативтердi әзiрлеу, жүйелеу және олардың орындалуын бақылауды жүзеге
асыру жөнiндегi қызметi;
22) санитарлық-эпидемиологиялық ережелер мен нормалар (бұдан әрi
санитарлық ережелер) - сақталмауы адам өмiрiне немесе денсаулығына қауiп
төндiретiн, сондай-ақ аурулардың пайда болу және таралу қаупiн туғызатын,
санитарлық-эпидемиологиялық талаптарды (соның iшiнде тiршiлiк ету ортасы
факторларының адам үшiн қауіпсiздiк және (немесе) зиянсыздық белгiлерiн)
белгiлейтiн нормативтiк құқықтық актiлер;
23) санитарлық-iндетке қарсы (профилактикалық) iс-шаралар - тiршiлiк ету
ортасы факторларының адамға зиянды әсерiн жоюға немесе азайтуға, жұқпалы,
паразиттiк аурулардың пайда болуына және таралуына, жаппай улануды
болдырмауға және оларды жоюға бағытталған шаралар;
24) халықтың санитарлық-эпидемиологиялық салауаттылығы - тiршiлiк ету
ортасының адамға зиянды әсер ету факторлары жоқ және оның тiршiлiк етуiне
қолайлы жағдайлар қамтамасыз етiлетiн кездегi халық денсаулығының жай-күйi;
25) санитарлық-эпидемиологиялық жағдай - белгiлi бiр уақытта белгiлi бiр
аумақтағы халықтың денсаулығы мен тiршiлiк ету ортасының жай-күйi;
26) санитарлық-эпидемиологиялық қорытынды - жобалық құжаттаманың,
тiршiлiк ету ортасы факторларының, шаруашылық және өзге де қызметтiң,
өнiмдердiң, жұмыстар мен қызмет көрсетулердiң санитарлық ережелер мен
гигиеналық нормативтерге сәйкестiгiн (сәйкес еместiгiн) куәландыратын
құжат;
27) санитарлық-эпидемиологиялық мониторинг - халық денсаулығы мен
тiршiлiк ету ортасының жай-күйiн қадағалаудың, оларды талдаудың, бағалау
мен болжаудың, сондай-ақ халық денсаулығының жай-күйi мен тiршiлiк ету
ортасы факторларының әсерi арасындағы себеп-салдарлық байланысты
айқындаудың мемлекеттiк жүйесi;
2006.07.07. № 171-III ҚР Заңымен 28) тармақша жаңа редакцияда (бұр. ред.
қара)
28) санитарлық-эпидемиологиялық сараптама - органолептикалық, санитарлық-
гигиеналық, эпидемиологиялық, микробиологиялық, паразитологиялық,
санитарлық-химиялық, токсикологиялық, радиологиялық және басқа да
зерттеулер мен физикалық факторлар өлшемдері кешені, сондай-ақ өнімдер
жобаларының, жұмыстардың, қызмет көрсетулер мен шаруашылық және өзге қызмет
объектілерінің санитарлық ережелерге және гигиеналық нормативтерге
сәйкестігін анықтау мақсатында жобаларды сараптау;
29) санитарлық-карантиндiк бақылау - ел аумағына жұқпалы және паразиттiк
ауруларды, сондай-ақ адам денсаулығына қауiптілігi ықтимал заттар мен
өнiмдi кiргiзуге жол бермеу мақсатында өткiзiлетiн, адамдар мен жүктердiң
мемлекеттiк шекара арқылы өтуiн бақылау;
30) әлеуметтiк-гигиеналық мониторинг - халық денсаулығының жай-күйi мен
қоршаған орта объектiлерiн бақылаудың, олардың арасындағы себеп-салдарлық
байланысты анықтаудың, оларды бағалау мен болжаудың мемлекеттiк жүйесi;
31) адамның тiршiлiк ету ортасы (бұдан әрi - тiршiлiк ету ортасы) -
табиғи, антропогендiк және әлеуметтiк факторлардың, адамның тiршiлiк ету
жағдайын белгiлейтiн ортаның (табиғи және жасанды) жиынтығы;
2006.07.07. № 171-III ҚР Заңымен 32) тармақша жаңа редакцияда (бұр. ред.
қара)
32) денсаулық сақтау саласындағы уәкілетті орган - азаматтардың
денсаулығын сақтау, медициналық және фармацевтикалық ғылым, медициналық
және фармацевтикалық білім беру, халықтың санитарлық-эпидемиологиялық
салауаттылығы, дәрілік заттар айналымы, медициналық қызмет сапасын бақылау
саласында мемлекеттік реттеуді жүзеге асыратын орталық атқарушы орган;
33) тiршiлiк ету ортасының факторлары - тiршілік ету ортасының адамға
және (немесе) келешек ұрпақ денсаулығының жай-күйiне әсер ететiн немесе
әсер ете алатын биологиялық, химиялық, физикалық, әлеуметтiк және өзге де
факторлары;
34) iндет - жұқпалы аурулардың әдетте тiркелетiн науқастану деңгейiнен
айтарлықтай жоғары жаппай таралуы;
35) эпидемиологиялық маңызды объектiлер - шығаратын өнiмi және (немесе)
қызметi халықтың санитарлық-эпидемиологиялық салауаттылығы саласындағы
Қазақстан Республикасы заңдарының талаптары бұзылған жағдайда халық
арасында тамақтан уланулардың және жұқпалы аурулар таралуының пайда болуына
әкеп соғуы мүмкiн объектiлер.
2-бап. Қазақстан Республикасының халықтың санитарлық- эпидемиологиялық
салауаттылығы саласындағы заңдары
1. Қазақстан Республикасының халықтың санитарлық-эпидемиологиялық
салауаттылығы туралы заңдары Қазақстан Республикасының Конституциясына
негiзделедi және осы Заң мен Қазақстан Республикасының өзге де нормативтiк
құқықтық актiлерiнен тұрады.
2. Егер Қазақстан Республикасы бекiткен халықаралық шартта осы
Заңдағыдан өзгеше ережелер белгiленген болса, халықаралық шарттың ережелерi
қолданылады.
3-бап. Халықтың санитарлық-эпидемиологиялық салауаттылығын қамтамасыз
етудің мiндеттерi мен принциптерi
Халықтың санитарлық-эпидемиологиялық салауаттылығын қамтамасыз етудiң
мiндеттерi мен принциптерi:
1) азаматтардың денсаулығын сақтауға, тiршiлiк етудiң қолайлы
жағдайларына және санитарлық-эпидемиологиялық салауаттылыққа құқықтары мен
мiндеттерiн iске асыру;
2) халықтың санитарлық-эпидемиологиялық салауаттылығын қамтамасыз ету
жөнiндегi қызметтің профилактикалық сипаты, тiршiлiк ету ортасы
факторларының халық денсаулығына зиянды әсер етуiнiң алдын алу;
3) халықтың санитарлық-эпидемиологиялық салауаттылығы саласындағы
жариялылық;
4) санитарлық-iндетке қарсы (профилактикалық) iс-шараларды орындау және
лауазымды, жеке және заңды тұлғалардың Қазақстан Республикасының халықтың
санитарлық-эпидемиологиялық салауаттылығы туралы заңдарын мiндеттi түрде
сақтауы;
5) халықтың санитарлық-эпидемиологиялық салауаттылығын қамтамасыз ететiн
iс-шаралардың ғылыми-практикалық негiздiлiгi;
6) Қазақстан Республикасының халықтың санитарлық-эпидемиологиялық
салауаттылығы саласындағы заңдарын бұзғаны үшiн жауапкершiлiк;
7) жеке және (немесе) заңды тұлғалар Қазақстан Республикасының халықтың
санитарлық-эпидемиологиялық салауаттылығы туралы заңдарын бұзуы салдарынан
адамның немесе бiр топ адамдардың денсаулығына келтiрген залалын өтеу
мiндеттiлiгi болып табылады.
2-тарау. Халықтың санитарлық-эпидемиологиялық салауаттылығы
саласындағы мемлекеттік реттеу
4-бап. Санитарлық-эпидемиологиялық қызмет жүйесi
Қазақстан Республикасының санитарлық-эпидемиологиялық қызметi
мемлекеттiк органдар, сондай-ақ санитарлық-эпидемиологиялық қызмет ұйымдары
кiретiн бiртұтас жүйе болып табылады.
1. Мемлекеттiк санитарлық-эпидемиологиялық қызмет органдарына:
2006.07.07. № 171-III ҚР Заңымен 1) тармақша өзгертілді (бұр. ред.
қара); 2008.04.12. № 97-IV ҚР Заңымен 1) тармақша өзгертілді (2009 жылғы 1
қаңтарда қолданысқа енді) (бұр.ред.қара)
1) халықтың санитарлық-эпидемиологиялық салауаттылығы саласындағы
мемлекеттік орган, оның Мемлекеттiк шекарадағы, көліктегі және тиісті
аумақтардағы аумақтық бөлiмшелерi;
2004.20.12. № 13-III ҚР Заңымен 2) тармақша жаңа редакцияда (01.01.05 ж.
бастап қолданысқа енгізілді) (бұр. ред. қара)
2) 2008.04.12. № 97-IV ҚР Заңымен алып тасталды (2009 жылғы 1 қаңтарда
қолданысқа енді) (бұр.ред.қара)
3) халықтың санитарлық-эпидемиологиялық салауаттылығы саласындағы
қызметтi жүзеге асыратын мемлекеттiк органдардың бөлiмшелерi жатады.
2. Санитарлық-эпидемиологиялық қызметке кiретiн ұйымдар:
1) республикалық санитарлық-эпидемиологиялық станция;
2004.20.12. № 13-III ҚР Заңымен 2) тармақша өзгерді (01.01.05 ж. бастап
қолданысқа енгізілді) (бұр. ред. қара)
2) Мемлекеттiк шекарада, аумақтарда, көлiкте санитарлық-эпидемиологиялық
сараптаманы жүзеге асыратын мемлекеттiк ұйымдар, сондай-ақ мемлекеттiң
лауазымды тұлғаларының қатысуымен ресми iс-шаралар өткiзу кезiнде
санитарлық-эпидемиологиялық сараптаманы жүзеге асыратын, мемлекеттiк ұйым;
2004.20.12. № 13-III ҚР Заңымен 3) тармақша өзгерді (01.01.05 ж. бастап
қолданысқа енгізілді) (бұр. ред. қара)
3) Қазақстан Республикасының заңдарына сәйкес халықтың санитарлық-
эпидемиологиялық салауаттылығы саласындағы қызметтi жүзеге асыратын
республикалық ғылыми-зерттеу ұйымдары;
4) обаға қарсы мемлекеттiк мекемелер болып табылады.
5-бап. Қазақстан Республикасының санитарлық-эпидемиологиялық қызметiн
қаржыландыру
2004.20.12. № 13-III ҚР Заңымен 1-тармақ және 1) тармақша жаңа
редакцияда (01.01.05 ж. бастап қолданысқа енгізілді) (бұр. ред. қара)
1. Санитарлық-эпидемиологиялық қызметтi қаржыландыру:
1) бюджет қаражаты;
2) жеке және заңды тұлғалармен жасасқан шарттар бойынша санитарлық-
эпидемиологиялық қызмет ұйымдарының жұмыстар мен қызметтер орындағаны үшiн
түсетiн қаражаттар;
3) жеке және заңды тұлғалардың ерiктi жарналары мен қайырмалдықтары;
4) Қазақстан Республикасының заңдарымен тыйым салынбаған басқа да
көздердiң есебiнен жүзеге асырылады.
2. 2004.20.12. № 13-III ҚР Заңымен алып тасталды (01.01.05 ж. бастап
қолданысқа енгізілді) (бұр. ред. қара)
3. 2004.20.12. № 13-III ҚР Заңымен алып тасталды (01.01.05 ж. бастап
қолданысқа енгізілді) (бұр. ред. қара)
4. 2004.20.12. № 13-III ҚР Заңымен алып тасталды (01.01.05 ж. бастап
қолданысқа енгізілді) (бұр. ред. қара)
6-бап. Халықтың санитарлық-эпидемиологиялық салауаттылығы саласындағы
Қазақстан Республикасы Үкiметiнің құзыретi
Қазақстан Республикасының Үкiметi:
2006.07.07. № 171-III ҚР Заңымен 1) тармақша өзгертілді (бұр. ред. қара)
1) халықтың санитарлық-эпидемиологиялық салауаттылығы саласындағы
мемлекеттiк саясаттың негiзгi бағыттарын айқындайды;
2008.04.12. № 97-IV ҚР Заңымен 2) тармақша өзгертілді (2009 жылғы 1
қаңтарда қолданысқа енді) (бұр.ред.қара)
2) орталық атқарушы органдардың халықтың санитарлық-эпидемиологиялық
салауаттылығын қамтамасыз ету мәселелерi жөнiндегi қызметiне басшылықты
жүзеге асырады;
3) Қазақстан Республикасының мемлекеттiк шекарасында жұқпалы және
паразиттiк аурулардың әкелiнуiне және таралуына санитарлық-карантиндiк
бақылауды жүзеге асырудың және Қазақстан Республикасының шекарасы мен
аумағын санитарлық қорғауды қамтамасыз етудің тәртiбiн белгiлейдi;
4) Қазақстан Республикасының аумағында iндет пайда болған кезде халықтың
өмiр сүруiнiң және шаруашылық қызметiн жүргiзудiң ерекше жағдайлары мен
режимдерiн белгiлейдi;
2004.20.12. № 13-III ҚР Заңымен 5) тармақша өзгерді (01.01.05 ж. бастап
қолданысқа енгізілді) (бұр. ред. қара)
5) халықтың санитарлық-эпидемиологиялық салауаттылығы саласындағы
бағдарламаларды әзiрлейдi;
6) халықтың санитарлық-эпидемиологиялық салауаттылығы саласындағы
нормативтiк құқықтық актiлердi бекiтедi;
7) 2004.20.12. № 13-III ҚР Заңымен алып тасталды
2006.07.07. № 171-III ҚР Заңымен 8) тармақшамен толықтырылды
8) денсаулық сақтау саласындағы уәкілетті орган басшысының ұсынуы
бойынша Қазақстан Республикасының Бас мемлекеттік санитарлық дәрігері
лауазымына тағайындайды және лауазымынан босатады;
2006.07.07. № 171-III ҚР Заңымен 9) тармақшамен толықтырылды
9) халықтың пайдалануы мен қолдануына, сондай-ақ шаруашылық
қызметтеріне арналған өнімдерді Қазақстан Республикасының аумағына әкелуге
тыйым салу, сондай-ақ өндіру, қолдану және тарату тәртібін айқындайды;
2006.07.07. № 171-III ҚР Заңымен 10) тармақшамен толықтырылды
10) оларға қарсы алдын ала егу жүргізілетін аурулардың тізбесін, оларды
жүргізу тәртібін, мерзімдерін және жоспарлы егілуге жатқызылатын халықтың
топтарын айқындайды;
2006.07.07. № 171-III ҚР Заңымен 11) тармақшамен толықтырылды
11) шектеу іс-шараларын, оның ішінде карантинді жүзеге асыру тәртібін
белгілейді;
2006.07.07. № 171-III ҚР Заңымен 12) тармақшамен толықтырылды
12) пайда болу және таралу қаупі туындаған кезде шектеу іс-шаралары,
оның ішінде карантин енгізілетін жұқпалы аурулардың тізбесін белгілейді.
2006.07.07. № 171-III ҚР Заңымен 7-бап жаңа редакцияда (бұр. ред. қара)
7-бап. Денсаулық сақтау саласындағы уәкілетті органның
құзыретi
Денсаулық сақтау саласындағы уәкілетті орган:
1) халықтың санитарлық-эпидемиологиялық салауаттылығы саласында бірыңғай
мемлекеттік саясатты жүргізеді;
2) Қазақстан Республикасының Үкіметіне Қазақстан Республикасы аумағында
шектеу іс-шараларын, оның ішінде карантинді енгізу (тоқтату) туралы ұсыныс
енгізеді;
3) санитарлық-эпидемиологиялық қызметтің материалдық-техникалық базасын
нығайту жөніндегі шараларды айқындайды;
4) халықтың санитарлық-эпидемиологиялық салауаттылығы саласында
халықаралық ынтымақтастықты жүзеге асырады;
5) Қазақстан Республикасының мемлекеттік сатып алу туралы заңнамасында
белгіленген тәртіппен мемлекеттік сатып алуды ұйымдастырады және
профилактикалық (иммунобиологиялық, диагностикалық, дезинфекциялайтын)
препараттарды сақтау, тасымалдау және пайдалану тәртібін айқындайды;
6) санитарлық-эпидемиологиялық қызметтің мемлекеттік органдары мен
ұйымдарының қызметін регламенттейтін санитарлық ережелерді және нормативтік
құқықтық актілерді бекітеді;
7) жұқпалы, паразиттік, кәсіби аурулар мен улануларды тіркеу, есепке алу
тәртібін, сондай-ақ олар бойынша есептілік жүргізу тәртібін белгілейді;
8) халықтың санитарлық-эпидемиологиялық салауаттылығы саласындағы есепке
алу, есептілік тәртібін және құжаттамалар нысанын белгілейді;
9) халықтың декреттелген топтарын жұмысқа тұру және жұмысқа жіберу
кезінде міндетті алдын ала медициналық тексеру тәртібін және оларды өткізу
кезеңділігін белгілейді;
10) алдын ала және мерзімді медициналық тексеріп-қарау міндетті болатын
зиянды өндірістік факторлардың, кәсіптердің тізбесін белгілейді;
11) медициналық құжаттарды беру, есепке алу және жүргізу тәртібін
айқындайды;
12) санитарлық-эпидемиологиялық және әлеуметтік-гигиеналық мониторинг
жүргізу тәртібін бекітеді;
13) санитарлық-эпидемиологиялық сараптама жүргізу тәртібін бекітеді;
14) санитарлық-эпидемиологиялық қызмет ұйымдары зертханаларының
санитарлық ережелерге сәйкестігіне және тиісті құжат бере отырып, тәуекелді
бағалауды жүзеге асыру құқығына аттестаттаудан өткізу тәртібін белгілейді;
15) санитарлық паспорт беру, оны есепке алу және жүргізу тәртібін
айқындайды;
16) актілер, хаттамалар, қаулылар, нұсқамалар нысандарын, оларды жасау
және беру тәртібін бекітеді;
17) адамдардың жұқпалы, паразиттік, кәсіби аурулармен науқастану және
улану жағдайларын санитарлық-эпидемиологиялық қызмет мамандары тексеруінің
тәртібін белгілейді;
18) балалар тағамы өнімін, тамаққа тағамдық және биологиялық жұғымды
қоспаларды (нутрицевтиктерді), генетикалық түрлендірілген көздерді,
бояғыштарды, сумен және тамақ өнімдерімен араласатын материалдар мен
бұйымдарды, адам денсаулығына зиянды әсер ететін химиялық заттарды, өнімдер
мен заттардың жекелеген түрлерін мемлекеттік тіркеу, қайта тіркеу және
мемлекеттік тіркеу туралы шешімді кері қайтарып алу тәртібін белгілейді.
2006.07.07. № 171-III ҚР Заңымен 7-1-баппен толықтырылды
7-1-бап. Халықтың санитарлық-эпидемиологиялық салауаттылығы
саласындағы мемлекеттік органның құзыретi
Халықтың санитарлық-эпидемиологиялық салауаттылығы саласындағы
мемлекеттік орган:
1) Қазақстан Республикасының аумағында мемлекеттік санитарлық-
эпидемиологиялық қадағалауды жүзеге асырады;
2) жұқпалы, паразиттік аурулардың әкелінуі мен таралуынан Қазақстан
Республикасының аумағын санитарлық қорғау жөніндегі іс-шараларды
ұйымдастырады;
3) халыққа жұқпалы ауруларға қарсы профилактикалық егудің ұйымдастырылуы
мен жүргізілуіне бақылау жүргізеді;
4) тамақтан улану, жұқпалы, паразиттік және басқа да аурулар, оның
ішінде этиологиясы белгісіз аурулар кезінде өз құзыреті шегінде санитарлық-
індетке қарсы (профилактикалық) іс-шаралар кешенін ұйымдастырады және
жүзеге асырады;
5) өз құзыреті шегінде жобалардың мемлекеттік сараптамасына қатысады;
6) халықтың санитарлық-эпидемиологиялық салауаттылығы саласында
Қазақстан Республикасының аумағында барлық жеке және заңды тұлғалардың
орындауы үшін міндетті болып табылатын шешімдер қабылдайды;
7) мемлекеттік органдар мен санитарлық-эпидемиологиялық қызмет
ұйымдарының қызметін үйлестіреді;
8) осы Заңның талаптарын бұзған жағдайда мемлекеттік органдар мен
санитарлық-эпидемиологиялық қызмет ұйымдарының басшыларына өз қаулысымен
тәртіптік жаза қолданады;
9) мемлекеттік органдардың қарауына халықтың санитарлық-эпидемиологиялық
салауаттылығы жөнінде ұсыныстар енгізеді;
10) халықтың санитарлық-эпидемиологиялық салауаттылығының мемлекеттік,
салалық (секторлық) және өңірлік бағдарламаларын іске асыру жөнінде
салааралық үйлестіруді, сондай-ақ қоғамдық ұйымдармен өзара ic-қимылды
жүзеге асырады;
11) гигиеналық нормативтерді және мемлекеттік органдар мен санитарлық-
эпидемиологиялық қызмет ұйымдарының қызметін регламенттейтін құқықтық
актілерді бекітеді;
12) санитарлық-эпидемиологиялық қадағалау объектілерін тексерудің
дүркіндігін белгілейді;
13) санитарлық ережелер мен гигиеналық нормативтерге сәйкестігі (сәйкес
еместігі) туралы санитарлық-эпидемиологиялық қорытындылар береді;
14) халықтың санитарлық-эпидемиологиялық салауаттылығы мәселелерін
қозғайтын нормативтік құқықтық актілер мен бағдарламаларды Қазақстан
Республикасының халықтың санитарлық-эпидемиологиялық салауаттылығы туралы
заңнамасына сәйкес келтіру туралы талап қояды;
15) өз құзыреті шегінде лицензиялауға жататын қызмет түрлеріне лицензия
беруге байланысты қызметті жүзеге асырады және лицензиаттардың Қазақстан
Республикасының заңнамасын сақтауына мемлекеттік бақылауды қамтамасыз
етеді;
16) Қазақстан Республикасында қолдануға тыйым салынған, ықтимал қауіп
төндіретін химиялық, биологиялық заттардың және Қазақстан Республикасында
қолдануға рұқсат етілген заттар мен өнімдердің мемлекеттік тізілімін
жасайды және жүргізеді;
17) өнімге, тауарларға, процестерге, қызмет көрсетулерге және жобалау
нормаларына мемлекеттік стандарттар жобаларын келіседі;
18) халықтың санитарлық-эпидемиологиялық салауаттылығы саласында ғылыми-
зерттеу және ғылыми-практикалық тақырыптар әзірлеу жөніндегі қызметті
жүзеге асыратын ғылыми-зерттеу ұйымдарының және өзге де ұйымдардың қызметін
үйлестіреді, олардың орындалуына қатысады, ғылыми жетістіктерді практикалық
қызметке енгізеді;
19) салауатты өмір салтын насихаттауға қатысады және халықты аурулар,
тіршілік ету ортасының жай-күйі және өткізілетін санитарлық-індетке қарсы
(профилактикалық) іс-шаралар туралы уақтылы хабардар ету жөніндегі іс-
шараларды жүзеге асырады;
20) балалар тағамы өнімін, тамаққа тағамдық және биологиялық жұғымды
қоспаларды (нутрицевтиктерді), генетикалық түрлендірілген көздерді,
бояғыштарды, сумен және тамақ өнімдерімен араласатын материалдар мен
бұйымдарды, адам денсаулығына зиянды әсер ететін химиялық заттарды, өнімдер
мен заттардың жекелеген түрлерін мемлекеттік тіркеу, қайта тіркеу және
мемлекеттік тіркеу туралы шешімдерді кері қайтарып алу жөнінде сараптамалық
комиссиялар құрады;
21) балалар тағамы өнімін, тамаққа тағамдық және биологиялық жұғымды
қоспаларды (нутрицевтиктерді), генетикалық түрлендірілген көздерді,
бояғыштарды, сумен және тамақ өнімдерімен араласатын материалдар мен
бұйымдарды, адам денсаулығына зиянды әсер ететін химиялық заттарды, өнімдер
мен заттардың жекелеген түрлерін мемлекеттік тіркеу, қайта тіркеу және
мемлекеттік тіркеу туралы шешімдерді кері қайтарып алу тәртібін белгілейді,
Қазақстан Республикасында қолдануға рұқсат етілген заттар мен өнімдердің
Мемлекеттік тізілімін мерзімді баспа басылымдарында жариялайды;
22) 2007.27.07. № 315-III ҚР Заңымен алып тасталды (бұр.ред.қара)
23) гигиеналық оқытуды және салауатты өмір салтын насихаттауды
ұйымдастырады;
24) санитарлық-эпидемиологиялық және әлеуметтік-гигиеналық мониторингі
ұйымдастырады және жүргізеді;
25) жұқпалы, паразиттік, кәсіби және басқа да аурулар мен улануларды
тіркеуді жүзеге асырады;
26) тәуекелдерді бағалаудың халықаралық практикада жалпыға бірдей
қабылданған әдістерін ескере отырып, тәуекелдерді бағалауға құқығы бар
барлық ұйымдар үшін бірыңғай әдіснаманы айқындайды және тәуекелдерге
бағалау жүргізу тәртібін белгілейді;
27) егер осы іс-шаралар Қазақстан Республикасы аумағында халықтың
санитарлық-эпидемиологиялық салауаттылығының тиісті деңгейін қамтамасыз
ететін болса, басқа елдердің санитарлық-індетке қарсы (профилактикалық) іс-
шараларын баламалы ретінде таниды;
28) аурулардан таза немесе аурулардың таралу деңгейі төмен аумақтарды
немесе олардың бөліктерін айқындайды;
29) жобаларға санитарлық-эпидемиологиялық сараптама жүргізеді;
2004.20.12. № 13-III ҚР Заңымен 7-1-баппен толықтырылды (01.01.05 ж.
бастап қолданысқа енгізілді); 2006.07.07. № 171-III ҚР Заңымен 7-1-баптың
тақырыбы өзгертілді (бұр. ред. қара); 2006.07.07. № 171-III ҚР Заңымен 7-2-
бап өзгертілді (бұр. ред. қара); 2008.04.12. № 97-IV ҚР Заңымен 7-2-бап
өзгертілді (2009 жылғы 1 қаңтарда қолданысқа енді) (бұр.ред.қара)
7-2-бап. Қазақстан Республикасының Мемлекеттiк шекарасындағы,
көліктегі және тиісті аумақтардағы халықтың санитарлық-эпидемиологиялық
салауаттылығы
саласындағы мемлекеттік органның аумақтық бөлiмшелерiнiң құзыретi
Қазақстан Республикасының Мемлекеттiк шекарасындағы және көлiктeгі
халықтың санитарлық-эпидемиологиялық салауаттылығы саласындағы мемлекеттік
органның аумақтық бөлiмшелерi:
2008.04.12. № 97-IV ҚР Заңымен 1) тармақша жаңа редакция (2009 жылғы 1
қаңтарда қолданысқа енді) (бұр.ред.қара)
1) мемлекеттік санитарлық-эпидемиологиялық қадағалауды жүзеге асырады;
2) санитарлық-эпидемиологиялық сараптама ұйымдастырады;
3) Қазақстан Республикасының аумағын жұқпалы, паразиттiк аурулардың
әкелiнуiнен және таралуынан санитарлық қорғау жөнiнде iс-шаралар
ұйымдастырады;
2008.04.12. № 97-IV ҚР Заңымен 4) тармақша өзгертілді (2009 жылғы 1
қаңтарда қолданысқа енді) (бұр.ред.қара)
4) жұқпалы, паразиттiк аурулар, сондай-ақ адам денсаулығына қауiптiлiгi
ықтимал заттар мен өнiмдер әкелiнген және таралған жағдайда, автомобиль,
теңіз, темiр жол және әуе жолдарында Қазақстан Республикасының Мемлекеттiк
шекарасы арқылы өткiзу пункттерiнде санитарлық-карантиндiк бақылауды жүзеге
асырады және санитарлық-iндетке қарсы (профилактикалық) iс-шаралар
жүргiзедi;
5) өз құзыретi шегiнде улану, жұқпалы, паразиттiк және басқа да аурулар,
оның iшiнде этиологиясы белгiсiз аурулар кезiнде санитарлық-iндетке қарсы
(профилактикалық) iс-шаралар кешенiн ұйымдастырады және жүзеге асырады;
2008.04.12. № 97-IV ҚР Заңымен 6) тармақша өзгертілді (2009 жылғы 1
қаңтарда қолданысқа енді) (бұр.ред.қара)
6) халықтың санитарлық-эпидемиологиялық салауаттылығы мәселелерi
жөнiндегi бағдарламаларды іске асырады;
7) тиiстi деректер қорын қалыптастыра отырып, санитарлық-
эпидемиологиялық және әлеуметтiк-гигиеналық мониторингтi жүзеге асырады,
есепке алуды және статистиканы жүргiзедi;
8) адамдарды, тамақ өнiмдерiн, азық-түлiк шикiзатын, шаруашылық-ауыз
суын, химиялық, уытты және радиациялық заттарды тасымалдау үшiн
пайдаланылатын көлiк құралдарының санитарлық ережелер мен гигиеналық
нормативтерге сәйкестiгiн тексерудi жүзеге асырады, сондай-ақ оларды
пайдалануға келiсiм бередi;
9) халықтың санитарлық-эпидемиологиялық салауаттылығы саласында өзге де
мемлекеттiк органдармен және ұйымдармен өзара iс-қимыл жасайды;
10) халықты аурулар, тiршiлiк ету ортасының жай-күйi және жүргiзiлiп
жатқан санитарлық-iндетке қарсы (профилактикалық) iс-шаралар туралы уақтылы
хабардар ету жөнiндегi iс-шараларды жүзеге асырады;
11) халықтың декреттелген тобын санитарлық ережелер мен гигиеналық
нормативтерге оқытуды ұйымдастырады және салауатты өмiр салтын насихаттауға
қатысады;
12) өз құзыретi шегiнде жобалау алдындағы және жобалық құжаттаманы
қарайды және келiседi;
13) дезинфекциялауды, дезинсекциялау мен дератизациялауды ұйымдастырады
және объектiлер мен ошақтарда дезинфекциялау, дезинсекциялау және
дератизациялау iс-шараларының жүргiзiлуiн бақылауды жүзеге асырады.
2006.07.07. № 171-III ҚР Заңымен 14) тармақшамен толықтырылды
14) жобаларға санитарлық-эпидемиологиялық сараптама жүргізеді;
2006.07.07. № 171-III ҚР Заңымен 15) тармақшамен толықтырылды
15) тәуекелді бағалауды жүзеге асыруды ұйымдастырады.
2008.04.12. № 97-IV ҚР Заңымен 16) тармақшамен толықтырылды (2009 жылғы
1 қаңтарда қолданысқа енді)
16) халықтың санитарлық-эпидемиологиялық салауаттылығын қамтамасыз ету
жөнінде шешімдер қабылдайды және тиісті аумақта олардың орындалуын
бақылауды жүзеге асырады;
2008.04.12. № 97-IV ҚР Заңымен 17) тармақшамен толықтырылды (2009 жылғы
1 қаңтарда қолданысқа енді)
17) тиісті аумақта жұқпалы аурулардың профилактикасы жөнінде іс-шаралар
ұйымдастыру мен өткізуді бақылауды жүзеге асырады;
2008.04.12. № 97-IV ҚР Заңымен 18) тармақшамен толықтырылды (2009 жылғы
1 қаңтарда қолданысқа енді)
18) өнімге, тауарларға, процестерге және көрсетілетін қызметтерге
өңірлік стандарттарды қарайды және келіседі, сондай-ақ өз құзыреті шегінде
тиісті аумақта міндетті лицензиялануға жататын қызмет түрлеріне
қорытындылар береді;
2008.04.12. № 97-IV ҚР Заңымен 19) тармақшамен толықтырылды (2009 жылғы
1 қаңтарда қолданысқа енді)
19) тиісті аумақта санитарлық-эпидемиологиялық нормалаудың мемлекеттік
жүйесі құжаттарының, халықтың санитарлық-эпидемиологиялық салауаттылығы
саласындағы нормативтік құқықтық актілердің, есепке алудың және есептілік
нысандарының жобаларын әзірлеу жөнінде ұсыныстар енгізеді;
2008.04.12. № 97-IV ҚР Заңымен 20) тармақшамен толықтырылды (2009 жылғы
1 қаңтарда қолданысқа енді)
20) тиісті аумақта санитарлық-эпидемиологиялық қызмет ұйымдары
зертханаларының санитарлық ережелерге сәйкестігін аттестаттауды жүргізеді;
2008.04.12. № 97-IV ҚР Заңымен 21) тармақшамен толықтырылды (2009 жылғы
1 қаңтарда қолданысқа енді)
21) тиісті аумақта халықтың санитарлық-эпидемиологиялық салауаттылығы
саласындағы ғылыми-зерттеу жұмыстарын жүргізуді ұйымдастырады;
2008.04.12. № 97-IV ҚР Заңымен 22) тармақшамен толықтырылды (2009 жылғы
1 қаңтарда қолданысқа енді)
22) тиісті аумақта профилактикалық (иммунобиологиялық, диагностикалық,
дезинфекциялайтын) препараттардың сақталуын, тасымалдануын және
пайдаланылуын бақылауды жүзеге асырады.
2004.20.12. № 13-III ҚР Заңымен (01.01.05 ж. бастап қолданысқа енгізілді)
(бұр. ред. қара) ; 2006.07.07. № 171-III ҚР Заңымен 8-бап өзгерді (бұр.
ред. қара)
8-бап. 2008.04.12. № 97-IV ҚР Заңымен алып тасталды (2009 жылғы 1
қаңтарда қолданысқа енді) (бұр.ред.қара)
2004.20.12. № 13-III ҚР Заңымен 9-бап жаңа редакцияда (01.01.05 ж. бастап
қолданысқа енгізілді) (бұр. ред. қара)
9-бап. Санитарлық-эпидемиологиялық қызмет ұйымдарының құзыретi
1. Республикалық санитарлық-эпидемиологиялық станция:
1) санитарлық-эпидемиологиялық қызметтiң мемлекеттiк органдары мен
ұйымдарына халықтың санитарлық-эпидемиологиялық салауаттылығын қамтамасыз
ету мәселелерi жөнiнде ұйымдастырушылық-әдiстемелiк көмек көрсетедi;
2) санитарлық-эпидемиологиялық қызметтiң мемлекеттiк органдары мен
ұйымдарына Қазақстан Республикасының аумағына жұқпалы, паразиттiк аурулар
әкелiнген және таратылған және улану болған жағдайда, iндетке қарсы
(профилактикалық) iс-шаралар ұйымдастыруда практикалық көмек көрсетедi;
3) республикалық деректер қорын құра отырып, санитарлық-эпидемиологиялық
және әлеуметтiк-гигиеналық мониторингтi жүзеге асырады, есепке алуды және
статистиканы жүргiзедi;
4) санитарлық-эпидемиологиялық нормалаудың мемлекеттiк жүйесiнiң
құжаттарын әзiрлейді;
5) жұқпалы және паразиттiк аурулардың диагностикасына қатысады;
6) санитарлық-химиялық, бактериологиялық, вирусологиялық,
паразитологиялық, радиологиялық және уыттылық зертханалық зерттеулердi,
шуыл мен вибрация, электромагниттiк өрiстердi және адамның тiршілік ету
ортасының өзге де факторларын өлшеудi орындайды;
7) санитарлық ережелерге сәйкестiгiне санитарлық-эпидемиологиялық қызмет
ұйымдары зертханаларын аттестаттауды және сынақ орталықтары мен
зертханаларын аккредиттеудi жүргiзуге қатысады;
8) халықтың санитарлық-эпидемиологиялық салауаттылығы саласында жаңа
аспаптар мен жабдықтарды, зертханалық зерттеулер және өлшеу әдiстемелерiн
сынақтан өткiзедi және енгiзедi;
9) азаматтар мен заңды тұлғалардың арызы бойынша шарт негiзiнде
сертификаттық зерттеулер жүргiзуге қатысады;
2006.07.07. № 171-III ҚР Заңымен 10) тармақша өзгертілді (бұр. ред. қара)
10) зертханалық зерттеулер мен тіршілік ету ортасы факторларын өлшеу
бөлігінде санитарлық-эпидемиологиялық сараптама жүргiзедi;
11) санитарлық-эпидемиологиялық қызметтiң мемлекеттiк органдары мен
ұйымдарының материалдық-техникалық қамтамасыз етiлу жағдайын зерделейдi;
12) жоба алдындағы және жобалық құжаттаманы, өнiмдерге, тауарларға,
процестерге және қызмет көрсетулерге стандарттарды қарайды.
2006.07.07. № 171-III ҚР Заңымен 10) тармақшамен толықтырылды
13) тәуекелді бағалауды жүзеге асырады.
2. Қазақстан Республикасының Мемлекеттiк шекарасында, аумақтарда,
көлiкте санитарлық-эпидемиологиялық сараптаманы жүзеге асыратын мемлекеттiк
ұйым және мемлекеттiң лауазымды тұлғаларының қатысуымен ресми iс-шаралар
өткiзу кезiнде санитарлық-эпидемиологиялық сараптаманы жүзеге асыратын
мемлекеттiк ұйым өз құзыретi шегiнде:
2006.07.07. № 171-III ҚР Заңымен 1) тармақша өзгертілді (бұр. ред. қара)
1) зертханалық зерттеулер мен тіршілік ету ортасы факторларын өлшеу
бөлігінде санитарлық-эпидемиологиялық сараптама жүргiзедi;
2) санитарлық-химиялық, бактериологиялық, вирусологиялық,
паразитологиялық, радиологиялық және уыттылық зертханалық зерттеулердi,
шуыл мен вибрация, электромагниттiк өрiстер мен адамның тiршiлiк ету
ортасының өзге де факторларын өлшеудi орындайды;
3) дезинфекциялық iс-шаралар жүргiзедi;
4) санитарлық-эпидемиологиялық және әлеуметтiк-гигиеналық мониторинг
жүргiзуге қатысады;
5) жұқпалы және паразиттiк аурулардың диагностикасына қатысады;
6) шарт негiзiнде азаматтар мен заңды тұлғалардың өтiнiшi бойынша
сертификаттық зерттеулер және сараптама жүргiзуге қатысады;
7) жаңа аспаптар мен жабдықтарды, зертханалық зерттеулердi және өлшеу
әдiстемелерiн сынақтан өткiзедi және енгiзедi;
8) профилактикалық (иммунобиологиялық, диагностикалық, дезинфекциялаушы)
препараттарды сақтауды жүзеге асырады.
2006.07.07. № 171-III ҚР Заңымен 9) тармақшамен толықтырылды
9) тәуекелді бағалауды жүзеге асырады.
3. Халықтың санитарлық-эпидемиологиялық салауаттылығы саласындағы
қызметтi жүзеге асыратын республикалық ғылыми-зерттеу ұйымдары:
1) республиканың түрлi өңiрлерiндегi жұқпалы және паразиттiк аурулардың
эпидемиялық процестерiнiң ерекшелiктерiн зерттеудi, бағалауды және болжауды
жүргiзедi, олардың алдын алу бойынша ғылыми негiздеген бағдарламалар
әзiрлейдi;
2) жұқпалы, паразиттiк аурулар және улану кезiнде санитарлық-iндетке
қарсы (профилактикалық) iс-шараларды жүзеге асырады;
3) иммунобиологиялық препараттар шығарады, жаңа вакциналар, қоректiк
орта және диагностикумдар шығаруды игередi;
4) санитарлық-эпидемиологиялық нормалау жүйесiнiң құжаттарын әзiрлейдi
және олардың ғылыми негiздемесiн жүргiзедi;
5) халықтың және оның жекелеген топтарының денсаулық жағдайын тiршiлiк
ету ортасының қолайсыз факторларымен байланыста зерттейдi, тиiстi ұсынымдар
әзiрлейдi;
6) санитарлық-эпидемиологиялық қызметтiң мемлекеттiк органдары мен
ұйымдарына Қазақстан Республикасының аумағында санитарлық-iндетке қарсы
(профилактикалық) iс-шаралар кешенiн жүргiзуде практикалық көмек көрсетедi;
7) санитарлық-эпидемиологиялық және әлеуметтiк-гигиеналық мониторинг
жүргiзуге қатысады;
8) санитарлық-химиялық, бактериологиялық, вирусологиялық,
паразитологиялық, радиологиялық және уыттылық зертханалық зерттеулердi,
шуыл мен вибрация, электромагниттiк өрiстердi және адамның тiршiлiк ету
ортасының өзге де факторларын өлшеудi орындайды.
2006.07.07. № 171-III ҚР Заңымен 9) тармақшамен толықтырылды
9) тәуекелді бағалауды жүзеге асырады.
4. Обаға қарсы мемлекеттiк мекемелер:
1) оба бойынша эпидемиялық салауаттылықты қамтамасыз ету жөнiнде
профилактикалық iс-шаралар кешенiн ұйымдастырады және жүргiзедi;
2) медицина ұйымдарының iндетке қарсы тұрақты дайындығын қамтамасыз
етедi;
3) оба, тырысқақ және басқа да аса қауiптi жұқпалы аурулардың ошағын
оқшаулау және жою жөнiндегi iндетке қарсы iс-шаралар ұйымдастыруға және
жүргiзуге қатысады;
4) меншiк нысанына қарамастан 1-2 топтағы аса қауiптi жұқпалы аурулардың
қоздырғыштарын анықтайтын зерттеулердi жүзеге асыратын зертханаларда
iндетке қарсы режимдi қамтамасыз етедi;
5) санитарлық-эпидемиологиялық мониторинг жүргiзуге қатысады.
2006.07.07. № 171-III ҚР Заңымен 6) тармақшамен толықтырылды
6) тәуекелді бағалауды жүзеге асырады.
10-бап. Мемлекеттiк санитарлық-эпидемиологиялық қадағалауды жүзеге
асыратын лауазымды тұлғалар
2004.20.12. № 13-III (01.01.05 ж. бастап қолданысқа енгізілді) (бұр.
ред. қара); 2006.07.07. № 171-III (бұр. ред. қара) ҚР Заңдарымен 1-тармақ
өзгертілді; 2008.04.12. № 97-IV ҚР Заңымен 1-тармақ өзгертілді (2009 жылғы
1 қаңтарда қолданысқа енді) (бұр.ред.қара)
1. Осы Заңға сәйкес мемлекеттiк санитарлық-эпидемиологиялық қадағалауды
жүзеге асыруға Қазақстан Республикасының санитарлық-эпидемиологиялық
қызметiнің лауазымды адамдары:
Қазақстан Республикасының Бас мемлекеттiк санитарлық дәрiгерi және оның
орынбасарлары;
халықтың санитарлық-эпидемиологиялық салауаттылығы саласындағы
мемлекеттік органның құрылымдық бөлiмшесiнiң басшысы мен мамандары;
халықтың санитарлық-эпидемиологиялық салауаттылығы саласындағы
мемлекеттік органның аумақтық бөлiмшелерiнiң басшылары - Мемлекеттік
шекарадағы, көліктегі және тиісті аумақтардағы бас мемлекеттiк санитарлық
дәрiгерлер, олардың орынбасарлары мен мамандар;
халықтың санитарлық-эпидемиологиялық салауаттылығы саласындағы қызметті
жүзеге асыратын мемлекеттік органдардың бөлімшелерінің басшылары мен
мамандары уәкілетті болып табылады.
2. Қазақстан Республикасының Бас мемлекеттiк санитарлық дәрiгерiн
халықтың санитарлық-эпидемиологиялық салауаттылығы саласындағы уәкiлеттi
орган басшысының ұсынуы бойынша Қазақстан Республикасының Үкiметi қызметке
тағайындайды және қызметтен босатады.
2006.07.07. № 171-III ҚР Заңымен 3-тармақ өзгертілді (бұр. ред. қара)
... жалғасы
Сіз бұл жұмысты біздің қосымшамыз арқылы толығымен тегін көре аласыз.
2002 жылғы 4 желтоқсандағы № 361-II Қазақстан Республикасының Заңы
(2008.04.12. берілген өзгерістер мен толықтырулармен)
1-тарау. Жалпы ережелер (1 - 3
баптар)
2-тарау. Халықтың санитарлық-эпидемиологиялық салауаттылығы (4 - 17
баптар)
саласындағы мемлекеттік реттеу
3-тарау. Халықтың санитарлық-эпидемиологиялық салауаттылығы (18 - 20
баптар)
саласындағы жеке тұлғалардың, жеке кәсіпкерлердің және
заңды тұлғалардың құқықтары мен міндеттері
4-тарау. Санитарлық-эпидемиологиялық сараптама (21 - 23
баптар)
5-тарау. Санитарлық-індетке қарсы (профилактикалық) (24 - 30
баптар)
іс-шараларды ұйымдастыру және жүргізу
6-тарау. Қорытынды ережелер (31 - 32
баптар)
Осы Заң Қазақстан Республикасы халқының санитарлық-эпидемиологиялық
салауаттылығын қамтамасыз етудiң құқықтық, экономикалық және әлеуметтiк
жағдайын белгілейдi.
1-тарау. Жалпы ережелер
1-бап. Осы Заңда пайдаланылатын негiзгi ұғымдар:
Осы Заңда мынадай негiзгi ұғымдар пайдаланылады:
1) санитарлық-эпидемиологиялық тексеру актiсi - объектiнiң халықтың
санитарлық-эпидемиологиялық салауаттылығы саласындағы Қазақстан
Республикасы заңдарының талаптарына сәйкестiгін тексеру нәтижелерi бойынша
мемлекеттiк санитарлық-эпидемиологиялық қадағалауды жүзеге асыратын
лауазымды адам беретiн құжат;
2) адамның тiршілік етуiне қолайлы жағдайлар - тiршiлiк ету ортасы
факторларының адамға зиянды ықпалы жоқ кездегi жай-күйi;
3) зиянды өндiрiстiк фактор - әсерi белгілі бiр жағдайда жұмыс
iстеушiнің еңбекке қабiлеттілiгiнің кәсiби тұрғыда, уақытша немесе тұрақты
түрде төмендеуiн тудыруы, соматикалық және жұқпалы аурулардың жиiлiгiн
арттыруы, денсаулығының бұзылуына әкелуi мүмкiн ортаның және еңбек
процесiнiң факторы;
4) адамға зиянды әсер - тiршiлiк ету ортасының адамның өмiрiне немесе
денсаулығына қауiп төндiретiн әсерi;
5) гигиеналық норматив - тiршiлiк ету ортасының белгiлi бiр факторын
адам үшiн қауiпсiздiгi және (немесе) зиянсыздығы тұрғысынан сипаттайтын
көрсеткiштiң зерттеулер арқылы белгiленген шектi мөлшердегi ең көп немесе
ең аз сандық және (немесе) сапалық мәнi;
6) мемлекеттiк санитарлық-эпидемиологиялық қадағалау - халықтың
денсаулығын сақтау мен тiршiлiк ету ортасын қорғау мақсатында санитарлық-
эпидемиологиялық қызмет органдарының халықтың санитарлық-эпидемиологиялық
салауаттылығы саласындағы Қазақстан Республикасы заңдарын бұзушылықтың
алдын алу, анықтау, жолын кесу жөнiндегi қызметi;
2006.07.07. № 171-III ҚР Заңымен 6-1) тармақшамен толықтырылды
6-1) халықтың санитарлық-эпидемиологиялық салауаттылығы саласындағы
уәкілетті орган - денсаулық сақтау саласындағы уәкілетті органның құзыреті
шегінде атқарушылық, бақылау және қадағалау функцияларын, сондай-ақ
халықтың санитарлық-эпидемиологиялық салауаттылығы саласында басшылықты
жүзеге асыратын аумақтық бөлімшелері бар, Қазақстан Республикасының Үкіметі
айқындайтын мемлекеттік орган;
7) дезинфекция, дезинсекция және дератизация - өндiрiстiк, тұрғын үй
ғимараттарында, көлікте, қоғамдық орындардың үй-жайларында және аумақтарда
жүйелi түрде жүргiзiлетiн, жұқпалы және паразиттiк аурулардың
қоздырғыштарын, тұрмыстағы жәндiктер мен кемiргiштердi жоюға бағытталған
шаралар кешенi;
8) дезинфекциялық, дезинсекциялық және дератизациялық қызмет көрсету -
дезинфекция, дезинсекция және дератизация құралдары мен препараттарын
дайындауға, өндiруге, өңдеуге және көтерме саудада сатуға байланысты
қызмет, сондай-ақ оларды пайдалануға байланысты жұмыстар мен қызмет көрсету
түрлерi;
9) халықтың декреттелген тобы - қызмет көрсету саласында жұмыс iстейтiн,
айналасындағы адамдарға жұқпалы және паразиттiк аурулар жұқтыру қаупiн
көбiрек төндiретiн адамдар;
10) жұқпалы және паразиттiк аурулар - тiршiлiк ету ортасы биологиялық
факторларының адамға әсер етуi себептi туындайтын және таралатын адам
аурулары;
11) жеке медициналық кiтапша - мiндеттi медициналық қараулардың
нәтижелерi енгiзiлетiн, халықтың декреттелген тобының өкiлiне берiлетiн
жеке құжат;
12) санитарлық-эпидемиологиялық қадағалау объектiлерi - жеке және заңды
тұлғалар, қызметi, қолданылуы мен пайдалануға берiлуi адам денсаулығының
жай-күйiне және қоршаған ортаға зиян келтiруi мүмкiн ғимараттар,
құрылыстар, өнiмдер және өзге де объектiлер;
13) шектеу iс-шаралары, оның iшiнде карантин - жұқпалы аурулардың
таралуын болдырмауға бағытталған және шаруашылық пен өзге де қызметтің
ерекшe режимiн көздейтiн шаралар;
14) улану - тiршiлiк ету ортасының химиялық, биологиялық және өзге де
факторларының қатты немесе созылмалы әсер етуi кезiнде туындайтын адам
аурулары;
2006.07.07. № 171-III ҚР Заңымен 14-1) тармақшамен толықтырылды
14-1) тәуекелді бағалау - жұқпалы және паразиттік ауруларды қоздырғыштар
мен жұқтырғыштардың ену және таралу ықтималдығына, сондай-ақ қолданылуы
мүмкін санитарлық-індетке қарсы (профилактикалық) шараларды және осыларға
байланысты ықтимал медициналық-биологиялық және экономикалық салдарды
есепке ала отырып, санитарлық-эпидемиологиялық қызмет жүргізетін, химиялық,
микробиологиялық, радиологиялық ластануға байланысты халықтың денсаулығына
қауіп төндіретін тауарларды өндіру мен әкелуге ғылыми негізделген баға
беру;
2006.07.07. № 171-III ҚР Заңымен 15) тармақша өзгертілді (бұр. ред. қара)
15) мерзiмдi медициналық қарау - денсаулықтың жай-күйiн ширақ
қадағалауды қамтамасыз ету, аурудың бастапқы белгiлерiн дер кезiнде
анықтау, жалпы, кәсiби, жұқпалы және паразиттiк аурулардың алдын алу және
оларды таратпау мақсатында, денсаулық сақтау саласындағы уәкілетті орган
белгiлеген мерзiмде жүргiзiлетiн халықтың денсаулығын қарау;
16) қауіптілігi ықтимал химиялық және биологиялық заттар - белгiлi бiр
жағдайларда және белгiлi бiр шоғырлануы адамның немесе адамдардың келешек
ұрпақтарына зиянды әсерiн тигiзуi мүмкiн, қолданылуы мен пайдаланылуы
санитарлық ережелермен және гигиеналық нормативтермен регламенттелетiн
заттар;
17) алдын ала медициналық қарау - жұмысқа алынатын және оқуға түсетiн
адамдар денсаулығының жай-күйiн анықтау, жазатайым оқиғалардың, жалпы,
кәсiби, жұқпалы және паразиттiк аурулардың алдын алу және оларды таратпау
мақсатында қарау;
2006.07.07. № 171-III ҚР Заңымен 18) тармақша өзгертілді (бұр. ред. қара)
18) халықтың денсаулығына қауiп төндiретiн өнiм - халықтың санитарлық-
эпидемиологиялық салауаттылығы саласындағы мемлекеттік орган белгiлеген,
оларды қолдану немесе пайдалану кезiнде адамның денсаулығына зиянды әсер
етуi мүмкiн өнiмнiң түрлерi;
19) азық-түлiк шикiзаты - тамақ өнiмдерiн дайындау үшiн пайдаланылатын,
өсiмдiктен, жануардан алынатын, микробиологиялық, минералды және жасанды
түрдегi шикiзат;
20) санитарлық паспорт - мемлекеттiк санитарлық-эпидемиологиялық
қадағалауға жататын объектiнің, көлiк құралының халықтың санитарлық-
эпидемиологиялық салауаттылығы саласындағы нормативтiк құқықтық актiлердiң
талаптарына сәйкестiгiн растайтын және оларды пайдалануға немесе қолдануға
құқық беретiн құжат;
21) санитарлық-эпидемиологиялық нормалау - санитарлық-эпидемиологиялық
қызметтiң санитарлық-гигиеналық және iндетке қарсы ережелер мен
нормативтердi әзiрлеу, жүйелеу және олардың орындалуын бақылауды жүзеге
асыру жөнiндегi қызметi;
22) санитарлық-эпидемиологиялық ережелер мен нормалар (бұдан әрi
санитарлық ережелер) - сақталмауы адам өмiрiне немесе денсаулығына қауiп
төндiретiн, сондай-ақ аурулардың пайда болу және таралу қаупiн туғызатын,
санитарлық-эпидемиологиялық талаптарды (соның iшiнде тiршiлiк ету ортасы
факторларының адам үшiн қауіпсiздiк және (немесе) зиянсыздық белгiлерiн)
белгiлейтiн нормативтiк құқықтық актiлер;
23) санитарлық-iндетке қарсы (профилактикалық) iс-шаралар - тiршiлiк ету
ортасы факторларының адамға зиянды әсерiн жоюға немесе азайтуға, жұқпалы,
паразиттiк аурулардың пайда болуына және таралуына, жаппай улануды
болдырмауға және оларды жоюға бағытталған шаралар;
24) халықтың санитарлық-эпидемиологиялық салауаттылығы - тiршiлiк ету
ортасының адамға зиянды әсер ету факторлары жоқ және оның тiршiлiк етуiне
қолайлы жағдайлар қамтамасыз етiлетiн кездегi халық денсаулығының жай-күйi;
25) санитарлық-эпидемиологиялық жағдай - белгiлi бiр уақытта белгiлi бiр
аумақтағы халықтың денсаулығы мен тiршiлiк ету ортасының жай-күйi;
26) санитарлық-эпидемиологиялық қорытынды - жобалық құжаттаманың,
тiршiлiк ету ортасы факторларының, шаруашылық және өзге де қызметтiң,
өнiмдердiң, жұмыстар мен қызмет көрсетулердiң санитарлық ережелер мен
гигиеналық нормативтерге сәйкестiгiн (сәйкес еместiгiн) куәландыратын
құжат;
27) санитарлық-эпидемиологиялық мониторинг - халық денсаулығы мен
тiршiлiк ету ортасының жай-күйiн қадағалаудың, оларды талдаудың, бағалау
мен болжаудың, сондай-ақ халық денсаулығының жай-күйi мен тiршiлiк ету
ортасы факторларының әсерi арасындағы себеп-салдарлық байланысты
айқындаудың мемлекеттiк жүйесi;
2006.07.07. № 171-III ҚР Заңымен 28) тармақша жаңа редакцияда (бұр. ред.
қара)
28) санитарлық-эпидемиологиялық сараптама - органолептикалық, санитарлық-
гигиеналық, эпидемиологиялық, микробиологиялық, паразитологиялық,
санитарлық-химиялық, токсикологиялық, радиологиялық және басқа да
зерттеулер мен физикалық факторлар өлшемдері кешені, сондай-ақ өнімдер
жобаларының, жұмыстардың, қызмет көрсетулер мен шаруашылық және өзге қызмет
объектілерінің санитарлық ережелерге және гигиеналық нормативтерге
сәйкестігін анықтау мақсатында жобаларды сараптау;
29) санитарлық-карантиндiк бақылау - ел аумағына жұқпалы және паразиттiк
ауруларды, сондай-ақ адам денсаулығына қауiптілігi ықтимал заттар мен
өнiмдi кiргiзуге жол бермеу мақсатында өткiзiлетiн, адамдар мен жүктердiң
мемлекеттiк шекара арқылы өтуiн бақылау;
30) әлеуметтiк-гигиеналық мониторинг - халық денсаулығының жай-күйi мен
қоршаған орта объектiлерiн бақылаудың, олардың арасындағы себеп-салдарлық
байланысты анықтаудың, оларды бағалау мен болжаудың мемлекеттiк жүйесi;
31) адамның тiршiлiк ету ортасы (бұдан әрi - тiршiлiк ету ортасы) -
табиғи, антропогендiк және әлеуметтiк факторлардың, адамның тiршiлiк ету
жағдайын белгiлейтiн ортаның (табиғи және жасанды) жиынтығы;
2006.07.07. № 171-III ҚР Заңымен 32) тармақша жаңа редакцияда (бұр. ред.
қара)
32) денсаулық сақтау саласындағы уәкілетті орган - азаматтардың
денсаулығын сақтау, медициналық және фармацевтикалық ғылым, медициналық
және фармацевтикалық білім беру, халықтың санитарлық-эпидемиологиялық
салауаттылығы, дәрілік заттар айналымы, медициналық қызмет сапасын бақылау
саласында мемлекеттік реттеуді жүзеге асыратын орталық атқарушы орган;
33) тiршiлiк ету ортасының факторлары - тiршілік ету ортасының адамға
және (немесе) келешек ұрпақ денсаулығының жай-күйiне әсер ететiн немесе
әсер ете алатын биологиялық, химиялық, физикалық, әлеуметтiк және өзге де
факторлары;
34) iндет - жұқпалы аурулардың әдетте тiркелетiн науқастану деңгейiнен
айтарлықтай жоғары жаппай таралуы;
35) эпидемиологиялық маңызды объектiлер - шығаратын өнiмi және (немесе)
қызметi халықтың санитарлық-эпидемиологиялық салауаттылығы саласындағы
Қазақстан Республикасы заңдарының талаптары бұзылған жағдайда халық
арасында тамақтан уланулардың және жұқпалы аурулар таралуының пайда болуына
әкеп соғуы мүмкiн объектiлер.
2-бап. Қазақстан Республикасының халықтың санитарлық- эпидемиологиялық
салауаттылығы саласындағы заңдары
1. Қазақстан Республикасының халықтың санитарлық-эпидемиологиялық
салауаттылығы туралы заңдары Қазақстан Республикасының Конституциясына
негiзделедi және осы Заң мен Қазақстан Республикасының өзге де нормативтiк
құқықтық актiлерiнен тұрады.
2. Егер Қазақстан Республикасы бекiткен халықаралық шартта осы
Заңдағыдан өзгеше ережелер белгiленген болса, халықаралық шарттың ережелерi
қолданылады.
3-бап. Халықтың санитарлық-эпидемиологиялық салауаттылығын қамтамасыз
етудің мiндеттерi мен принциптерi
Халықтың санитарлық-эпидемиологиялық салауаттылығын қамтамасыз етудiң
мiндеттерi мен принциптерi:
1) азаматтардың денсаулығын сақтауға, тiршiлiк етудiң қолайлы
жағдайларына және санитарлық-эпидемиологиялық салауаттылыққа құқықтары мен
мiндеттерiн iске асыру;
2) халықтың санитарлық-эпидемиологиялық салауаттылығын қамтамасыз ету
жөнiндегi қызметтің профилактикалық сипаты, тiршiлiк ету ортасы
факторларының халық денсаулығына зиянды әсер етуiнiң алдын алу;
3) халықтың санитарлық-эпидемиологиялық салауаттылығы саласындағы
жариялылық;
4) санитарлық-iндетке қарсы (профилактикалық) iс-шараларды орындау және
лауазымды, жеке және заңды тұлғалардың Қазақстан Республикасының халықтың
санитарлық-эпидемиологиялық салауаттылығы туралы заңдарын мiндеттi түрде
сақтауы;
5) халықтың санитарлық-эпидемиологиялық салауаттылығын қамтамасыз ететiн
iс-шаралардың ғылыми-практикалық негiздiлiгi;
6) Қазақстан Республикасының халықтың санитарлық-эпидемиологиялық
салауаттылығы саласындағы заңдарын бұзғаны үшiн жауапкершiлiк;
7) жеке және (немесе) заңды тұлғалар Қазақстан Республикасының халықтың
санитарлық-эпидемиологиялық салауаттылығы туралы заңдарын бұзуы салдарынан
адамның немесе бiр топ адамдардың денсаулығына келтiрген залалын өтеу
мiндеттiлiгi болып табылады.
2-тарау. Халықтың санитарлық-эпидемиологиялық салауаттылығы
саласындағы мемлекеттік реттеу
4-бап. Санитарлық-эпидемиологиялық қызмет жүйесi
Қазақстан Республикасының санитарлық-эпидемиологиялық қызметi
мемлекеттiк органдар, сондай-ақ санитарлық-эпидемиологиялық қызмет ұйымдары
кiретiн бiртұтас жүйе болып табылады.
1. Мемлекеттiк санитарлық-эпидемиологиялық қызмет органдарына:
2006.07.07. № 171-III ҚР Заңымен 1) тармақша өзгертілді (бұр. ред.
қара); 2008.04.12. № 97-IV ҚР Заңымен 1) тармақша өзгертілді (2009 жылғы 1
қаңтарда қолданысқа енді) (бұр.ред.қара)
1) халықтың санитарлық-эпидемиологиялық салауаттылығы саласындағы
мемлекеттік орган, оның Мемлекеттiк шекарадағы, көліктегі және тиісті
аумақтардағы аумақтық бөлiмшелерi;
2004.20.12. № 13-III ҚР Заңымен 2) тармақша жаңа редакцияда (01.01.05 ж.
бастап қолданысқа енгізілді) (бұр. ред. қара)
2) 2008.04.12. № 97-IV ҚР Заңымен алып тасталды (2009 жылғы 1 қаңтарда
қолданысқа енді) (бұр.ред.қара)
3) халықтың санитарлық-эпидемиологиялық салауаттылығы саласындағы
қызметтi жүзеге асыратын мемлекеттiк органдардың бөлiмшелерi жатады.
2. Санитарлық-эпидемиологиялық қызметке кiретiн ұйымдар:
1) республикалық санитарлық-эпидемиологиялық станция;
2004.20.12. № 13-III ҚР Заңымен 2) тармақша өзгерді (01.01.05 ж. бастап
қолданысқа енгізілді) (бұр. ред. қара)
2) Мемлекеттiк шекарада, аумақтарда, көлiкте санитарлық-эпидемиологиялық
сараптаманы жүзеге асыратын мемлекеттiк ұйымдар, сондай-ақ мемлекеттiң
лауазымды тұлғаларының қатысуымен ресми iс-шаралар өткiзу кезiнде
санитарлық-эпидемиологиялық сараптаманы жүзеге асыратын, мемлекеттiк ұйым;
2004.20.12. № 13-III ҚР Заңымен 3) тармақша өзгерді (01.01.05 ж. бастап
қолданысқа енгізілді) (бұр. ред. қара)
3) Қазақстан Республикасының заңдарына сәйкес халықтың санитарлық-
эпидемиологиялық салауаттылығы саласындағы қызметтi жүзеге асыратын
республикалық ғылыми-зерттеу ұйымдары;
4) обаға қарсы мемлекеттiк мекемелер болып табылады.
5-бап. Қазақстан Республикасының санитарлық-эпидемиологиялық қызметiн
қаржыландыру
2004.20.12. № 13-III ҚР Заңымен 1-тармақ және 1) тармақша жаңа
редакцияда (01.01.05 ж. бастап қолданысқа енгізілді) (бұр. ред. қара)
1. Санитарлық-эпидемиологиялық қызметтi қаржыландыру:
1) бюджет қаражаты;
2) жеке және заңды тұлғалармен жасасқан шарттар бойынша санитарлық-
эпидемиологиялық қызмет ұйымдарының жұмыстар мен қызметтер орындағаны үшiн
түсетiн қаражаттар;
3) жеке және заңды тұлғалардың ерiктi жарналары мен қайырмалдықтары;
4) Қазақстан Республикасының заңдарымен тыйым салынбаған басқа да
көздердiң есебiнен жүзеге асырылады.
2. 2004.20.12. № 13-III ҚР Заңымен алып тасталды (01.01.05 ж. бастап
қолданысқа енгізілді) (бұр. ред. қара)
3. 2004.20.12. № 13-III ҚР Заңымен алып тасталды (01.01.05 ж. бастап
қолданысқа енгізілді) (бұр. ред. қара)
4. 2004.20.12. № 13-III ҚР Заңымен алып тасталды (01.01.05 ж. бастап
қолданысқа енгізілді) (бұр. ред. қара)
6-бап. Халықтың санитарлық-эпидемиологиялық салауаттылығы саласындағы
Қазақстан Республикасы Үкiметiнің құзыретi
Қазақстан Республикасының Үкiметi:
2006.07.07. № 171-III ҚР Заңымен 1) тармақша өзгертілді (бұр. ред. қара)
1) халықтың санитарлық-эпидемиологиялық салауаттылығы саласындағы
мемлекеттiк саясаттың негiзгi бағыттарын айқындайды;
2008.04.12. № 97-IV ҚР Заңымен 2) тармақша өзгертілді (2009 жылғы 1
қаңтарда қолданысқа енді) (бұр.ред.қара)
2) орталық атқарушы органдардың халықтың санитарлық-эпидемиологиялық
салауаттылығын қамтамасыз ету мәселелерi жөнiндегi қызметiне басшылықты
жүзеге асырады;
3) Қазақстан Республикасының мемлекеттiк шекарасында жұқпалы және
паразиттiк аурулардың әкелiнуiне және таралуына санитарлық-карантиндiк
бақылауды жүзеге асырудың және Қазақстан Республикасының шекарасы мен
аумағын санитарлық қорғауды қамтамасыз етудің тәртiбiн белгiлейдi;
4) Қазақстан Республикасының аумағында iндет пайда болған кезде халықтың
өмiр сүруiнiң және шаруашылық қызметiн жүргiзудiң ерекше жағдайлары мен
режимдерiн белгiлейдi;
2004.20.12. № 13-III ҚР Заңымен 5) тармақша өзгерді (01.01.05 ж. бастап
қолданысқа енгізілді) (бұр. ред. қара)
5) халықтың санитарлық-эпидемиологиялық салауаттылығы саласындағы
бағдарламаларды әзiрлейдi;
6) халықтың санитарлық-эпидемиологиялық салауаттылығы саласындағы
нормативтiк құқықтық актiлердi бекiтедi;
7) 2004.20.12. № 13-III ҚР Заңымен алып тасталды
2006.07.07. № 171-III ҚР Заңымен 8) тармақшамен толықтырылды
8) денсаулық сақтау саласындағы уәкілетті орган басшысының ұсынуы
бойынша Қазақстан Республикасының Бас мемлекеттік санитарлық дәрігері
лауазымына тағайындайды және лауазымынан босатады;
2006.07.07. № 171-III ҚР Заңымен 9) тармақшамен толықтырылды
9) халықтың пайдалануы мен қолдануына, сондай-ақ шаруашылық
қызметтеріне арналған өнімдерді Қазақстан Республикасының аумағына әкелуге
тыйым салу, сондай-ақ өндіру, қолдану және тарату тәртібін айқындайды;
2006.07.07. № 171-III ҚР Заңымен 10) тармақшамен толықтырылды
10) оларға қарсы алдын ала егу жүргізілетін аурулардың тізбесін, оларды
жүргізу тәртібін, мерзімдерін және жоспарлы егілуге жатқызылатын халықтың
топтарын айқындайды;
2006.07.07. № 171-III ҚР Заңымен 11) тармақшамен толықтырылды
11) шектеу іс-шараларын, оның ішінде карантинді жүзеге асыру тәртібін
белгілейді;
2006.07.07. № 171-III ҚР Заңымен 12) тармақшамен толықтырылды
12) пайда болу және таралу қаупі туындаған кезде шектеу іс-шаралары,
оның ішінде карантин енгізілетін жұқпалы аурулардың тізбесін белгілейді.
2006.07.07. № 171-III ҚР Заңымен 7-бап жаңа редакцияда (бұр. ред. қара)
7-бап. Денсаулық сақтау саласындағы уәкілетті органның
құзыретi
Денсаулық сақтау саласындағы уәкілетті орган:
1) халықтың санитарлық-эпидемиологиялық салауаттылығы саласында бірыңғай
мемлекеттік саясатты жүргізеді;
2) Қазақстан Республикасының Үкіметіне Қазақстан Республикасы аумағында
шектеу іс-шараларын, оның ішінде карантинді енгізу (тоқтату) туралы ұсыныс
енгізеді;
3) санитарлық-эпидемиологиялық қызметтің материалдық-техникалық базасын
нығайту жөніндегі шараларды айқындайды;
4) халықтың санитарлық-эпидемиологиялық салауаттылығы саласында
халықаралық ынтымақтастықты жүзеге асырады;
5) Қазақстан Республикасының мемлекеттік сатып алу туралы заңнамасында
белгіленген тәртіппен мемлекеттік сатып алуды ұйымдастырады және
профилактикалық (иммунобиологиялық, диагностикалық, дезинфекциялайтын)
препараттарды сақтау, тасымалдау және пайдалану тәртібін айқындайды;
6) санитарлық-эпидемиологиялық қызметтің мемлекеттік органдары мен
ұйымдарының қызметін регламенттейтін санитарлық ережелерді және нормативтік
құқықтық актілерді бекітеді;
7) жұқпалы, паразиттік, кәсіби аурулар мен улануларды тіркеу, есепке алу
тәртібін, сондай-ақ олар бойынша есептілік жүргізу тәртібін белгілейді;
8) халықтың санитарлық-эпидемиологиялық салауаттылығы саласындағы есепке
алу, есептілік тәртібін және құжаттамалар нысанын белгілейді;
9) халықтың декреттелген топтарын жұмысқа тұру және жұмысқа жіберу
кезінде міндетті алдын ала медициналық тексеру тәртібін және оларды өткізу
кезеңділігін белгілейді;
10) алдын ала және мерзімді медициналық тексеріп-қарау міндетті болатын
зиянды өндірістік факторлардың, кәсіптердің тізбесін белгілейді;
11) медициналық құжаттарды беру, есепке алу және жүргізу тәртібін
айқындайды;
12) санитарлық-эпидемиологиялық және әлеуметтік-гигиеналық мониторинг
жүргізу тәртібін бекітеді;
13) санитарлық-эпидемиологиялық сараптама жүргізу тәртібін бекітеді;
14) санитарлық-эпидемиологиялық қызмет ұйымдары зертханаларының
санитарлық ережелерге сәйкестігіне және тиісті құжат бере отырып, тәуекелді
бағалауды жүзеге асыру құқығына аттестаттаудан өткізу тәртібін белгілейді;
15) санитарлық паспорт беру, оны есепке алу және жүргізу тәртібін
айқындайды;
16) актілер, хаттамалар, қаулылар, нұсқамалар нысандарын, оларды жасау
және беру тәртібін бекітеді;
17) адамдардың жұқпалы, паразиттік, кәсіби аурулармен науқастану және
улану жағдайларын санитарлық-эпидемиологиялық қызмет мамандары тексеруінің
тәртібін белгілейді;
18) балалар тағамы өнімін, тамаққа тағамдық және биологиялық жұғымды
қоспаларды (нутрицевтиктерді), генетикалық түрлендірілген көздерді,
бояғыштарды, сумен және тамақ өнімдерімен араласатын материалдар мен
бұйымдарды, адам денсаулығына зиянды әсер ететін химиялық заттарды, өнімдер
мен заттардың жекелеген түрлерін мемлекеттік тіркеу, қайта тіркеу және
мемлекеттік тіркеу туралы шешімді кері қайтарып алу тәртібін белгілейді.
2006.07.07. № 171-III ҚР Заңымен 7-1-баппен толықтырылды
7-1-бап. Халықтың санитарлық-эпидемиологиялық салауаттылығы
саласындағы мемлекеттік органның құзыретi
Халықтың санитарлық-эпидемиологиялық салауаттылығы саласындағы
мемлекеттік орган:
1) Қазақстан Республикасының аумағында мемлекеттік санитарлық-
эпидемиологиялық қадағалауды жүзеге асырады;
2) жұқпалы, паразиттік аурулардың әкелінуі мен таралуынан Қазақстан
Республикасының аумағын санитарлық қорғау жөніндегі іс-шараларды
ұйымдастырады;
3) халыққа жұқпалы ауруларға қарсы профилактикалық егудің ұйымдастырылуы
мен жүргізілуіне бақылау жүргізеді;
4) тамақтан улану, жұқпалы, паразиттік және басқа да аурулар, оның
ішінде этиологиясы белгісіз аурулар кезінде өз құзыреті шегінде санитарлық-
індетке қарсы (профилактикалық) іс-шаралар кешенін ұйымдастырады және
жүзеге асырады;
5) өз құзыреті шегінде жобалардың мемлекеттік сараптамасына қатысады;
6) халықтың санитарлық-эпидемиологиялық салауаттылығы саласында
Қазақстан Республикасының аумағында барлық жеке және заңды тұлғалардың
орындауы үшін міндетті болып табылатын шешімдер қабылдайды;
7) мемлекеттік органдар мен санитарлық-эпидемиологиялық қызмет
ұйымдарының қызметін үйлестіреді;
8) осы Заңның талаптарын бұзған жағдайда мемлекеттік органдар мен
санитарлық-эпидемиологиялық қызмет ұйымдарының басшыларына өз қаулысымен
тәртіптік жаза қолданады;
9) мемлекеттік органдардың қарауына халықтың санитарлық-эпидемиологиялық
салауаттылығы жөнінде ұсыныстар енгізеді;
10) халықтың санитарлық-эпидемиологиялық салауаттылығының мемлекеттік,
салалық (секторлық) және өңірлік бағдарламаларын іске асыру жөнінде
салааралық үйлестіруді, сондай-ақ қоғамдық ұйымдармен өзара ic-қимылды
жүзеге асырады;
11) гигиеналық нормативтерді және мемлекеттік органдар мен санитарлық-
эпидемиологиялық қызмет ұйымдарының қызметін регламенттейтін құқықтық
актілерді бекітеді;
12) санитарлық-эпидемиологиялық қадағалау объектілерін тексерудің
дүркіндігін белгілейді;
13) санитарлық ережелер мен гигиеналық нормативтерге сәйкестігі (сәйкес
еместігі) туралы санитарлық-эпидемиологиялық қорытындылар береді;
14) халықтың санитарлық-эпидемиологиялық салауаттылығы мәселелерін
қозғайтын нормативтік құқықтық актілер мен бағдарламаларды Қазақстан
Республикасының халықтың санитарлық-эпидемиологиялық салауаттылығы туралы
заңнамасына сәйкес келтіру туралы талап қояды;
15) өз құзыреті шегінде лицензиялауға жататын қызмет түрлеріне лицензия
беруге байланысты қызметті жүзеге асырады және лицензиаттардың Қазақстан
Республикасының заңнамасын сақтауына мемлекеттік бақылауды қамтамасыз
етеді;
16) Қазақстан Республикасында қолдануға тыйым салынған, ықтимал қауіп
төндіретін химиялық, биологиялық заттардың және Қазақстан Республикасында
қолдануға рұқсат етілген заттар мен өнімдердің мемлекеттік тізілімін
жасайды және жүргізеді;
17) өнімге, тауарларға, процестерге, қызмет көрсетулерге және жобалау
нормаларына мемлекеттік стандарттар жобаларын келіседі;
18) халықтың санитарлық-эпидемиологиялық салауаттылығы саласында ғылыми-
зерттеу және ғылыми-практикалық тақырыптар әзірлеу жөніндегі қызметті
жүзеге асыратын ғылыми-зерттеу ұйымдарының және өзге де ұйымдардың қызметін
үйлестіреді, олардың орындалуына қатысады, ғылыми жетістіктерді практикалық
қызметке енгізеді;
19) салауатты өмір салтын насихаттауға қатысады және халықты аурулар,
тіршілік ету ортасының жай-күйі және өткізілетін санитарлық-індетке қарсы
(профилактикалық) іс-шаралар туралы уақтылы хабардар ету жөніндегі іс-
шараларды жүзеге асырады;
20) балалар тағамы өнімін, тамаққа тағамдық және биологиялық жұғымды
қоспаларды (нутрицевтиктерді), генетикалық түрлендірілген көздерді,
бояғыштарды, сумен және тамақ өнімдерімен араласатын материалдар мен
бұйымдарды, адам денсаулығына зиянды әсер ететін химиялық заттарды, өнімдер
мен заттардың жекелеген түрлерін мемлекеттік тіркеу, қайта тіркеу және
мемлекеттік тіркеу туралы шешімдерді кері қайтарып алу жөнінде сараптамалық
комиссиялар құрады;
21) балалар тағамы өнімін, тамаққа тағамдық және биологиялық жұғымды
қоспаларды (нутрицевтиктерді), генетикалық түрлендірілген көздерді,
бояғыштарды, сумен және тамақ өнімдерімен араласатын материалдар мен
бұйымдарды, адам денсаулығына зиянды әсер ететін химиялық заттарды, өнімдер
мен заттардың жекелеген түрлерін мемлекеттік тіркеу, қайта тіркеу және
мемлекеттік тіркеу туралы шешімдерді кері қайтарып алу тәртібін белгілейді,
Қазақстан Республикасында қолдануға рұқсат етілген заттар мен өнімдердің
Мемлекеттік тізілімін мерзімді баспа басылымдарында жариялайды;
22) 2007.27.07. № 315-III ҚР Заңымен алып тасталды (бұр.ред.қара)
23) гигиеналық оқытуды және салауатты өмір салтын насихаттауды
ұйымдастырады;
24) санитарлық-эпидемиологиялық және әлеуметтік-гигиеналық мониторингі
ұйымдастырады және жүргізеді;
25) жұқпалы, паразиттік, кәсіби және басқа да аурулар мен улануларды
тіркеуді жүзеге асырады;
26) тәуекелдерді бағалаудың халықаралық практикада жалпыға бірдей
қабылданған әдістерін ескере отырып, тәуекелдерді бағалауға құқығы бар
барлық ұйымдар үшін бірыңғай әдіснаманы айқындайды және тәуекелдерге
бағалау жүргізу тәртібін белгілейді;
27) егер осы іс-шаралар Қазақстан Республикасы аумағында халықтың
санитарлық-эпидемиологиялық салауаттылығының тиісті деңгейін қамтамасыз
ететін болса, басқа елдердің санитарлық-індетке қарсы (профилактикалық) іс-
шараларын баламалы ретінде таниды;
28) аурулардан таза немесе аурулардың таралу деңгейі төмен аумақтарды
немесе олардың бөліктерін айқындайды;
29) жобаларға санитарлық-эпидемиологиялық сараптама жүргізеді;
2004.20.12. № 13-III ҚР Заңымен 7-1-баппен толықтырылды (01.01.05 ж.
бастап қолданысқа енгізілді); 2006.07.07. № 171-III ҚР Заңымен 7-1-баптың
тақырыбы өзгертілді (бұр. ред. қара); 2006.07.07. № 171-III ҚР Заңымен 7-2-
бап өзгертілді (бұр. ред. қара); 2008.04.12. № 97-IV ҚР Заңымен 7-2-бап
өзгертілді (2009 жылғы 1 қаңтарда қолданысқа енді) (бұр.ред.қара)
7-2-бап. Қазақстан Республикасының Мемлекеттiк шекарасындағы,
көліктегі және тиісті аумақтардағы халықтың санитарлық-эпидемиологиялық
салауаттылығы
саласындағы мемлекеттік органның аумақтық бөлiмшелерiнiң құзыретi
Қазақстан Республикасының Мемлекеттiк шекарасындағы және көлiктeгі
халықтың санитарлық-эпидемиологиялық салауаттылығы саласындағы мемлекеттік
органның аумақтық бөлiмшелерi:
2008.04.12. № 97-IV ҚР Заңымен 1) тармақша жаңа редакция (2009 жылғы 1
қаңтарда қолданысқа енді) (бұр.ред.қара)
1) мемлекеттік санитарлық-эпидемиологиялық қадағалауды жүзеге асырады;
2) санитарлық-эпидемиологиялық сараптама ұйымдастырады;
3) Қазақстан Республикасының аумағын жұқпалы, паразиттiк аурулардың
әкелiнуiнен және таралуынан санитарлық қорғау жөнiнде iс-шаралар
ұйымдастырады;
2008.04.12. № 97-IV ҚР Заңымен 4) тармақша өзгертілді (2009 жылғы 1
қаңтарда қолданысқа енді) (бұр.ред.қара)
4) жұқпалы, паразиттiк аурулар, сондай-ақ адам денсаулығына қауiптiлiгi
ықтимал заттар мен өнiмдер әкелiнген және таралған жағдайда, автомобиль,
теңіз, темiр жол және әуе жолдарында Қазақстан Республикасының Мемлекеттiк
шекарасы арқылы өткiзу пункттерiнде санитарлық-карантиндiк бақылауды жүзеге
асырады және санитарлық-iндетке қарсы (профилактикалық) iс-шаралар
жүргiзедi;
5) өз құзыретi шегiнде улану, жұқпалы, паразиттiк және басқа да аурулар,
оның iшiнде этиологиясы белгiсiз аурулар кезiнде санитарлық-iндетке қарсы
(профилактикалық) iс-шаралар кешенiн ұйымдастырады және жүзеге асырады;
2008.04.12. № 97-IV ҚР Заңымен 6) тармақша өзгертілді (2009 жылғы 1
қаңтарда қолданысқа енді) (бұр.ред.қара)
6) халықтың санитарлық-эпидемиологиялық салауаттылығы мәселелерi
жөнiндегi бағдарламаларды іске асырады;
7) тиiстi деректер қорын қалыптастыра отырып, санитарлық-
эпидемиологиялық және әлеуметтiк-гигиеналық мониторингтi жүзеге асырады,
есепке алуды және статистиканы жүргiзедi;
8) адамдарды, тамақ өнiмдерiн, азық-түлiк шикiзатын, шаруашылық-ауыз
суын, химиялық, уытты және радиациялық заттарды тасымалдау үшiн
пайдаланылатын көлiк құралдарының санитарлық ережелер мен гигиеналық
нормативтерге сәйкестiгiн тексерудi жүзеге асырады, сондай-ақ оларды
пайдалануға келiсiм бередi;
9) халықтың санитарлық-эпидемиологиялық салауаттылығы саласында өзге де
мемлекеттiк органдармен және ұйымдармен өзара iс-қимыл жасайды;
10) халықты аурулар, тiршiлiк ету ортасының жай-күйi және жүргiзiлiп
жатқан санитарлық-iндетке қарсы (профилактикалық) iс-шаралар туралы уақтылы
хабардар ету жөнiндегi iс-шараларды жүзеге асырады;
11) халықтың декреттелген тобын санитарлық ережелер мен гигиеналық
нормативтерге оқытуды ұйымдастырады және салауатты өмiр салтын насихаттауға
қатысады;
12) өз құзыретi шегiнде жобалау алдындағы және жобалық құжаттаманы
қарайды және келiседi;
13) дезинфекциялауды, дезинсекциялау мен дератизациялауды ұйымдастырады
және объектiлер мен ошақтарда дезинфекциялау, дезинсекциялау және
дератизациялау iс-шараларының жүргiзiлуiн бақылауды жүзеге асырады.
2006.07.07. № 171-III ҚР Заңымен 14) тармақшамен толықтырылды
14) жобаларға санитарлық-эпидемиологиялық сараптама жүргізеді;
2006.07.07. № 171-III ҚР Заңымен 15) тармақшамен толықтырылды
15) тәуекелді бағалауды жүзеге асыруды ұйымдастырады.
2008.04.12. № 97-IV ҚР Заңымен 16) тармақшамен толықтырылды (2009 жылғы
1 қаңтарда қолданысқа енді)
16) халықтың санитарлық-эпидемиологиялық салауаттылығын қамтамасыз ету
жөнінде шешімдер қабылдайды және тиісті аумақта олардың орындалуын
бақылауды жүзеге асырады;
2008.04.12. № 97-IV ҚР Заңымен 17) тармақшамен толықтырылды (2009 жылғы
1 қаңтарда қолданысқа енді)
17) тиісті аумақта жұқпалы аурулардың профилактикасы жөнінде іс-шаралар
ұйымдастыру мен өткізуді бақылауды жүзеге асырады;
2008.04.12. № 97-IV ҚР Заңымен 18) тармақшамен толықтырылды (2009 жылғы
1 қаңтарда қолданысқа енді)
18) өнімге, тауарларға, процестерге және көрсетілетін қызметтерге
өңірлік стандарттарды қарайды және келіседі, сондай-ақ өз құзыреті шегінде
тиісті аумақта міндетті лицензиялануға жататын қызмет түрлеріне
қорытындылар береді;
2008.04.12. № 97-IV ҚР Заңымен 19) тармақшамен толықтырылды (2009 жылғы
1 қаңтарда қолданысқа енді)
19) тиісті аумақта санитарлық-эпидемиологиялық нормалаудың мемлекеттік
жүйесі құжаттарының, халықтың санитарлық-эпидемиологиялық салауаттылығы
саласындағы нормативтік құқықтық актілердің, есепке алудың және есептілік
нысандарының жобаларын әзірлеу жөнінде ұсыныстар енгізеді;
2008.04.12. № 97-IV ҚР Заңымен 20) тармақшамен толықтырылды (2009 жылғы
1 қаңтарда қолданысқа енді)
20) тиісті аумақта санитарлық-эпидемиологиялық қызмет ұйымдары
зертханаларының санитарлық ережелерге сәйкестігін аттестаттауды жүргізеді;
2008.04.12. № 97-IV ҚР Заңымен 21) тармақшамен толықтырылды (2009 жылғы
1 қаңтарда қолданысқа енді)
21) тиісті аумақта халықтың санитарлық-эпидемиологиялық салауаттылығы
саласындағы ғылыми-зерттеу жұмыстарын жүргізуді ұйымдастырады;
2008.04.12. № 97-IV ҚР Заңымен 22) тармақшамен толықтырылды (2009 жылғы
1 қаңтарда қолданысқа енді)
22) тиісті аумақта профилактикалық (иммунобиологиялық, диагностикалық,
дезинфекциялайтын) препараттардың сақталуын, тасымалдануын және
пайдаланылуын бақылауды жүзеге асырады.
2004.20.12. № 13-III ҚР Заңымен (01.01.05 ж. бастап қолданысқа енгізілді)
(бұр. ред. қара) ; 2006.07.07. № 171-III ҚР Заңымен 8-бап өзгерді (бұр.
ред. қара)
8-бап. 2008.04.12. № 97-IV ҚР Заңымен алып тасталды (2009 жылғы 1
қаңтарда қолданысқа енді) (бұр.ред.қара)
2004.20.12. № 13-III ҚР Заңымен 9-бап жаңа редакцияда (01.01.05 ж. бастап
қолданысқа енгізілді) (бұр. ред. қара)
9-бап. Санитарлық-эпидемиологиялық қызмет ұйымдарының құзыретi
1. Республикалық санитарлық-эпидемиологиялық станция:
1) санитарлық-эпидемиологиялық қызметтiң мемлекеттiк органдары мен
ұйымдарына халықтың санитарлық-эпидемиологиялық салауаттылығын қамтамасыз
ету мәселелерi жөнiнде ұйымдастырушылық-әдiстемелiк көмек көрсетедi;
2) санитарлық-эпидемиологиялық қызметтiң мемлекеттiк органдары мен
ұйымдарына Қазақстан Республикасының аумағына жұқпалы, паразиттiк аурулар
әкелiнген және таратылған және улану болған жағдайда, iндетке қарсы
(профилактикалық) iс-шаралар ұйымдастыруда практикалық көмек көрсетедi;
3) республикалық деректер қорын құра отырып, санитарлық-эпидемиологиялық
және әлеуметтiк-гигиеналық мониторингтi жүзеге асырады, есепке алуды және
статистиканы жүргiзедi;
4) санитарлық-эпидемиологиялық нормалаудың мемлекеттiк жүйесiнiң
құжаттарын әзiрлейді;
5) жұқпалы және паразиттiк аурулардың диагностикасына қатысады;
6) санитарлық-химиялық, бактериологиялық, вирусологиялық,
паразитологиялық, радиологиялық және уыттылық зертханалық зерттеулердi,
шуыл мен вибрация, электромагниттiк өрiстердi және адамның тiршілік ету
ортасының өзге де факторларын өлшеудi орындайды;
7) санитарлық ережелерге сәйкестiгiне санитарлық-эпидемиологиялық қызмет
ұйымдары зертханаларын аттестаттауды және сынақ орталықтары мен
зертханаларын аккредиттеудi жүргiзуге қатысады;
8) халықтың санитарлық-эпидемиологиялық салауаттылығы саласында жаңа
аспаптар мен жабдықтарды, зертханалық зерттеулер және өлшеу әдiстемелерiн
сынақтан өткiзедi және енгiзедi;
9) азаматтар мен заңды тұлғалардың арызы бойынша шарт негiзiнде
сертификаттық зерттеулер жүргiзуге қатысады;
2006.07.07. № 171-III ҚР Заңымен 10) тармақша өзгертілді (бұр. ред. қара)
10) зертханалық зерттеулер мен тіршілік ету ортасы факторларын өлшеу
бөлігінде санитарлық-эпидемиологиялық сараптама жүргiзедi;
11) санитарлық-эпидемиологиялық қызметтiң мемлекеттiк органдары мен
ұйымдарының материалдық-техникалық қамтамасыз етiлу жағдайын зерделейдi;
12) жоба алдындағы және жобалық құжаттаманы, өнiмдерге, тауарларға,
процестерге және қызмет көрсетулерге стандарттарды қарайды.
2006.07.07. № 171-III ҚР Заңымен 10) тармақшамен толықтырылды
13) тәуекелді бағалауды жүзеге асырады.
2. Қазақстан Республикасының Мемлекеттiк шекарасында, аумақтарда,
көлiкте санитарлық-эпидемиологиялық сараптаманы жүзеге асыратын мемлекеттiк
ұйым және мемлекеттiң лауазымды тұлғаларының қатысуымен ресми iс-шаралар
өткiзу кезiнде санитарлық-эпидемиологиялық сараптаманы жүзеге асыратын
мемлекеттiк ұйым өз құзыретi шегiнде:
2006.07.07. № 171-III ҚР Заңымен 1) тармақша өзгертілді (бұр. ред. қара)
1) зертханалық зерттеулер мен тіршілік ету ортасы факторларын өлшеу
бөлігінде санитарлық-эпидемиологиялық сараптама жүргiзедi;
2) санитарлық-химиялық, бактериологиялық, вирусологиялық,
паразитологиялық, радиологиялық және уыттылық зертханалық зерттеулердi,
шуыл мен вибрация, электромагниттiк өрiстер мен адамның тiршiлiк ету
ортасының өзге де факторларын өлшеудi орындайды;
3) дезинфекциялық iс-шаралар жүргiзедi;
4) санитарлық-эпидемиологиялық және әлеуметтiк-гигиеналық мониторинг
жүргiзуге қатысады;
5) жұқпалы және паразиттiк аурулардың диагностикасына қатысады;
6) шарт негiзiнде азаматтар мен заңды тұлғалардың өтiнiшi бойынша
сертификаттық зерттеулер және сараптама жүргiзуге қатысады;
7) жаңа аспаптар мен жабдықтарды, зертханалық зерттеулердi және өлшеу
әдiстемелерiн сынақтан өткiзедi және енгiзедi;
8) профилактикалық (иммунобиологиялық, диагностикалық, дезинфекциялаушы)
препараттарды сақтауды жүзеге асырады.
2006.07.07. № 171-III ҚР Заңымен 9) тармақшамен толықтырылды
9) тәуекелді бағалауды жүзеге асырады.
3. Халықтың санитарлық-эпидемиологиялық салауаттылығы саласындағы
қызметтi жүзеге асыратын республикалық ғылыми-зерттеу ұйымдары:
1) республиканың түрлi өңiрлерiндегi жұқпалы және паразиттiк аурулардың
эпидемиялық процестерiнiң ерекшелiктерiн зерттеудi, бағалауды және болжауды
жүргiзедi, олардың алдын алу бойынша ғылыми негiздеген бағдарламалар
әзiрлейдi;
2) жұқпалы, паразиттiк аурулар және улану кезiнде санитарлық-iндетке
қарсы (профилактикалық) iс-шараларды жүзеге асырады;
3) иммунобиологиялық препараттар шығарады, жаңа вакциналар, қоректiк
орта және диагностикумдар шығаруды игередi;
4) санитарлық-эпидемиологиялық нормалау жүйесiнiң құжаттарын әзiрлейдi
және олардың ғылыми негiздемесiн жүргiзедi;
5) халықтың және оның жекелеген топтарының денсаулық жағдайын тiршiлiк
ету ортасының қолайсыз факторларымен байланыста зерттейдi, тиiстi ұсынымдар
әзiрлейдi;
6) санитарлық-эпидемиологиялық қызметтiң мемлекеттiк органдары мен
ұйымдарына Қазақстан Республикасының аумағында санитарлық-iндетке қарсы
(профилактикалық) iс-шаралар кешенiн жүргiзуде практикалық көмек көрсетедi;
7) санитарлық-эпидемиологиялық және әлеуметтiк-гигиеналық мониторинг
жүргiзуге қатысады;
8) санитарлық-химиялық, бактериологиялық, вирусологиялық,
паразитологиялық, радиологиялық және уыттылық зертханалық зерттеулердi,
шуыл мен вибрация, электромагниттiк өрiстердi және адамның тiршiлiк ету
ортасының өзге де факторларын өлшеудi орындайды.
2006.07.07. № 171-III ҚР Заңымен 9) тармақшамен толықтырылды
9) тәуекелді бағалауды жүзеге асырады.
4. Обаға қарсы мемлекеттiк мекемелер:
1) оба бойынша эпидемиялық салауаттылықты қамтамасыз ету жөнiнде
профилактикалық iс-шаралар кешенiн ұйымдастырады және жүргiзедi;
2) медицина ұйымдарының iндетке қарсы тұрақты дайындығын қамтамасыз
етедi;
3) оба, тырысқақ және басқа да аса қауiптi жұқпалы аурулардың ошағын
оқшаулау және жою жөнiндегi iндетке қарсы iс-шаралар ұйымдастыруға және
жүргiзуге қатысады;
4) меншiк нысанына қарамастан 1-2 топтағы аса қауiптi жұқпалы аурулардың
қоздырғыштарын анықтайтын зерттеулердi жүзеге асыратын зертханаларда
iндетке қарсы режимдi қамтамасыз етедi;
5) санитарлық-эпидемиологиялық мониторинг жүргiзуге қатысады.
2006.07.07. № 171-III ҚР Заңымен 6) тармақшамен толықтырылды
6) тәуекелді бағалауды жүзеге асырады.
10-бап. Мемлекеттiк санитарлық-эпидемиологиялық қадағалауды жүзеге
асыратын лауазымды тұлғалар
2004.20.12. № 13-III (01.01.05 ж. бастап қолданысқа енгізілді) (бұр.
ред. қара); 2006.07.07. № 171-III (бұр. ред. қара) ҚР Заңдарымен 1-тармақ
өзгертілді; 2008.04.12. № 97-IV ҚР Заңымен 1-тармақ өзгертілді (2009 жылғы
1 қаңтарда қолданысқа енді) (бұр.ред.қара)
1. Осы Заңға сәйкес мемлекеттiк санитарлық-эпидемиологиялық қадағалауды
жүзеге асыруға Қазақстан Республикасының санитарлық-эпидемиологиялық
қызметiнің лауазымды адамдары:
Қазақстан Республикасының Бас мемлекеттiк санитарлық дәрiгерi және оның
орынбасарлары;
халықтың санитарлық-эпидемиологиялық салауаттылығы саласындағы
мемлекеттік органның құрылымдық бөлiмшесiнiң басшысы мен мамандары;
халықтың санитарлық-эпидемиологиялық салауаттылығы саласындағы
мемлекеттік органның аумақтық бөлiмшелерiнiң басшылары - Мемлекеттік
шекарадағы, көліктегі және тиісті аумақтардағы бас мемлекеттiк санитарлық
дәрiгерлер, олардың орынбасарлары мен мамандар;
халықтың санитарлық-эпидемиологиялық салауаттылығы саласындағы қызметті
жүзеге асыратын мемлекеттік органдардың бөлімшелерінің басшылары мен
мамандары уәкілетті болып табылады.
2. Қазақстан Республикасының Бас мемлекеттiк санитарлық дәрiгерiн
халықтың санитарлық-эпидемиологиялық салауаттылығы саласындағы уәкiлеттi
орган басшысының ұсынуы бойынша Қазақстан Республикасының Үкiметi қызметке
тағайындайды және қызметтен босатады.
2006.07.07. № 171-III ҚР Заңымен 3-тармақ өзгертілді (бұр. ред. қара)
... жалғасы
Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Пәндер
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz