Жасыл екпелерді күтіп-ұстау және қорғау
Пән: Экология, Қоршаған ортаны қорғау
Жұмыс түрі: Курстық жұмыс
Тегін: Антиплагиат
Көлемі: 68 бет
Таңдаулыға:
Жұмыс түрі: Курстық жұмыс
Тегін: Антиплагиат
Көлемі: 68 бет
Таңдаулыға:
Жасыл екпелерді күтіп-ұстау және қорғау, Астана қаласының аумағын абаттандыру қағидалары
1. Жалпы ережелер
1. Осы Жасыл екпелерді күтіп-ұстау және қорғау, Астана қаласының аумағын абаттандыру қағидалары (бұдан әрі - Қағидалар) Қазақстан Республикасының Азаматтық кодексіне, Қазақстан Республикасының Жер кодексіне, Қазақстан Республикасының Экологиялық кодексіне, Қазақстан Республикасының Әкімшілік құқық бұзушылық туралы кодексіне, Қазақстан Республикасының Қазақстан Республикасындағы сәулет, қала құрылысы және құрылыс қызметі туралы, Қазақстан Республикасындағы жергілікті мемлекеттік басқару және өзін-өзі басқару туралы заңдарына және өзге де нормативтік-құқықтық актілерге сәйкес әзірленді.
2. Қағидалар Жасыл екпелерді күтіп-ұстау және қорғау, Астана қаласының аумағын абаттандыру салсындағы қарым-қатынасты реттейді және тәртібін белгілейді. Қағидалар меншік нысанына қарамастан Астана қаласының аумағында орналасқан жерлердің, ғимараттар мен құрылыстардың, жапсарластыра салынған орын-жайлардың, тұрғын үйлердегі тұрғын емес орын-жайлардың және басқа объектілердің иелері немесе пайдаланушылары болып табылатын барлық заңды және жеке тұлғалар үшін міндетті болып табылады.
3. Жасыл екпелерді күтіп-ұстау және қорғау, Астана қаласының аумағын абаттандыру бойынша жұмыстарды үйлестіру және ұйымдастыру мынадай Астана қаласы әкімдігінің (бұдан әрі - әкімдік), басқарудың уәкілетті органдары, мекемелердің басшылары және абаттандыру мен көгалдандыру кәсіпорындарының лауазымды тұлғаларына жүктеледі.
4. Осы Қағидаларда негізге ұғымдар пайдаланылады:
1) қаланы абаттандыру - сол немесе өзге аумақты халықтың өмір тіршілігіне қолайлы, салауатты және ыңғайлы жағдай жасауға, мақсаты бойынша дұрыс қолдану, құрылысқа жарамды етуге келтіру мақсатында жүзеге асырылатын іс-шаралар мен жұмыстардың жиынтығы;
2) тасталған көлік - меншік иесі белгіленген тәртіпте бас тартқан және (немесе) жылжымайтын күйде тұрған көлік құралы;
3) жасыл екпелерді мәжбүрлі кесу - елді мекеннің бас даму жоспарын іске асыру мақсатында және қауіпсіздік талаптарына сәйкес келтіру үшін жасыл екпелерді кесу;
4) гүл бағы - шөптер, гүлбақшалар, ағаштар мен бұталар отырғызылатын жасанды абатттандыру элементі;
5) дендрологиялық жоспар - 1:500 масштабтағы жоспарланатын және сақталатын сүректi-бұта өсiмдiктерiнiң ашық гүлзарлар учаскелерi, алаңқайлар, аяқ жолдар, сутоғандар, сондай-ақ пейзаждар және көрiнiстердi қиюластырып тұрғызу және орналастыру көрсетiлген сызба;
6) сұйық қалдықтар - халықтың тұрмыстық қызметі нәтижесінде пайда болған (тұрмыстық-нәжістік), сондай-ақ қазылған шұңқырлардан алынған сұйық қалдықтар (шөгінділер);
7) бекітілген аумақ - Аумақты абаттандыру төлқұжатында көрсетілген санитарлық тазарту және жинау жұмыстарын жүргізу үшін белгіленіп берілген учаске;
8) бекітілген аумақтың объектісі - қала көшелері жағындағы бөлінген учаскелер шекарасынан, өтпе жол шетімен шектелген аумақ, орамішілік аумақтың учаскелері, ауланың ішкі аумағы, сақтауға және жинақтауға уақытша пайдаланылатын аумақ, инженерлік желілердің қорғалатын аймақтарының бөлінген және іргелес аумағы;
9) бекітілген аумақтың субъектілері - кондоминиум объектісін басқару мақсатында құрылған көп пәтерлі тұрғын үйлердегі пәтерлер меншік иелерінің коммерциялық емес ұйымдары (ПМИК); ғимараттар мен құрылыстардың меншік иелері және (немесе) пайдаланушылары; жер учаскелерінің меншік иелері және (немесе) пайдаланушылары болып табылатын жеке және заңды тұлғалар;
10) жасыл екпелердi қорғау - жасыл екпелердi, көгалдандырылған аймақтарды және жасыл алаптарды жасауға, сақтауға және қайта өндiруге бағытталған, құқықтық, ұйымдастырушылық және экономикалық шаралар жүйесi;
11) ғимарат - көтергіш және қоршау құрылғыларынан тұратын, міндетті түрде жер үсті тұйық көлемін жасайтын, функционалдық қызметіне қарай, адамдардың тұруы немесе болуына, өндірістік үдерістерді орындау үшін, сондай-ақ материалдық құндылықтарды орналастыру мен сақтауға арналып салынған жасанды құрылыс;
12) жапсарластыра салынған орын-жайлар - негізгі ғимараты көлемінде жеке кіреберісті ұйымдастырумен орнатылған қоғамдық мақсаттағы орын-жайлар;
13) жапсарластыра-жанастыра салынған орын-жайлар - негізгі ғимаратқа жанастыра салынған және оның бөлігіне жапсарластыра салынған орын-жайлар;
14) жасыл алап - түрінің құрамына қарамастан 0,1250 га ауданы аумақта кемінде 50 дана ағаштардан тұратын жасыл аумақ;
15) жасыл екпелер - Қазақстан Республикасының азаматтық заңнамасына сәйкес жылжымайтын мүлік болып табылатын және қаланың бірыңғай жасыл қорын құрайтын шығу тегi табиғи және жасанды отырғызылған ағашты-бұталы және шөптесін өсімдіктер;
16) Астана қаласының жасыл белдеуі - Астана қаласының аумағын қоршаған және қорғау, санитарлық-гигиеналық, мәдени-сауықтыру, оңалту және туристік қызметтерді орындайтын арнайы мақсаттағы көгалдандырылған аумақ;
17) жасыл құрылыс - қалада, өнеркәсіптік және басқа объектілерде жасыл екпелердің ауданын құру, сақтау және ұлғайту жөніндегі іс-шаралар жүйесі;
18) Астана қаласының жасыл қоры - Астана қаласының әкімшілік аумағы шегінде жалпы, шектеулі және арнайы пайдаланудағы көгалдандырылған аумақты қамтитын жасыл екпелер аумағының жиынтығы;
19) жалпы пайдаланудағы жерлер - алаңдар, көшелер, жаяу соқпақтар, өтпе жолдар, жағалаулар, саябақтар, бақтар, қала ормандары, желек жолдар, суаттар, жағажайлар, зираттар және халықтың мұқтажын қанағаттандыратын өзге де объектілердің (жалпы пайдаланылатын инженерлік жүйелер) алып жатқан жерлері;
20) жасыл екпелерді түгендеу - жасыл екпелердің сандық және сапалық мінездемесін жан-жақты сипаттаумен, көгалдандыру объектілерін есепке алу бойынша кешенді іс-шаралар, сондай-ақ жоспарлы негізде көгалдандырудың әрбір элементін кескіндемелік бейнелеу;
21) коммуналдық қалдықтар - елді мекендерде, оның ішінде адамның тіршілік етуінің нәтижесінде қалыптасқан тұтыну қалдықтары, сондай-ақ құрамы мен қалыптасу сипаты бойынша оларға жақын өндіріс қалдықтары;
22) өтемдік отырғызу - жойылған немесе зақымдалған жасыл екпелердің орнына жасыл екпелерді отырғызу;
23) контейнер - коммуналдық, қатты тұрмыстық қалдықтарды жинауға арналған стандартты ыдыс;
24) ) объекті (екпе) жағдайының (тіршілік қабілетінің) коэффиценті (бұдан әрі - ОЖК) - кесуге ұсынылған объектінің тіршілік қабілетін ескеретін, жасыл екпелердің сапалық жай-күйі, оның одан әрі өмір сүруінің әлеуетті қабілеті;
25) iрі габаритті қалдық (бұдан әрі - ІКҚ) - тұтыну қасиеттерін жоғалтқан, көптеген әртүрлі заттардың қалдықтары (тұрмыстық және ас үй техникасы, жиһаз, үй тұрмысының ірі көлемді басқа заттары, аумақты абаттандыру кезінде кесілген ағашгтар мен бұтақтар, құрылыс қалдықтары және т.б.).
26) жасыл алқаптардағы ландшафты кесу - қураған, фаутты, төмен декоративтік және рекреациялық әсерге төзімділігі нашар, ағаш сапасын жақсарту үшін басты жоғары декоративті тұқымның дамуына кедергі болатын ағаштар мен бұталарды кесу;
27) жасыл екпелерді орман патологиялық зерттеу - зиянкестердің (жәндіктердің) болуына арнайы зерттеу, ауру белгілері мен ошақтарының болуын, дің, тамыр жүйесі және бөрікбастың саңырауқұлақ аурулармен зақымдану белгілерін анықтауға арналған арнайы тексеру;
28) шағын сәулеттік нысандар - сәндік сипаттағы және іс жүзінде пайдаланылатын объектілер (мүсiндер, субұрқақтар, барельефтер, гүл құмыралары, сауда павильондары, күркелер, отырғыштар, құтылар, балалар ойындары және ересектердiң демалысына арналған жабдықтар мен конструкциялар);
29) қоқыс тасушы ұйым - сұрыптауды, залалсыздандыруды және кейіннен жойылатын етіп коммуналдық қалдықтарды қайта өңдеуді жүзеге асыратын мамандандырылған кәсіпорындармен шарттық қатынастары бар коммуналдық қалдықтарды мамандандырылған көлікпен шығаруды жүзеге асыратын ұйым;
30) сынап шамдар мен құралдардың жиналуы - белгіленген тәртіпте өңделген сынап шамдары мен құралдардың рұқсат етілген көлемін жеке тұлғалардан басқа сынап шамдары мен құралдарды тұтынушылардың сақтауы;
31) қоқыстың рұқсат етілмеген жиналуы - оларды өз бетінше (рұқсат етілмеген) шығару (орналастыру) немесе үю нәтижесінде пайда болған өндіріс және тұтыну қалдықтарының жиналуы;
32) қалдықтармен жұмыс істеу - қалдықтардың пайда болуының алдын алуды және азайтуды, есепке алу мен бақылауды, қалдықтардың жиналып қалуын, дұрыс жинауды, өңдеуді, қайта кәдеге жаратуды, жоюды, залалсыздандыруды, тасымалдауды, сақтауды (жинап қоюды) және жоюмен байланысты қызмет түрлері;
33) көгалдандырылған аймақ - табиғи жолмен өнiп шыққан өсiмдiктер шыққан, жасанды жолмен жасалған бау-саябақ кешендерi және объектiлер, желек жолдар, бақтар, гүл бақтары, гүлбақшалар орналасқан жерлерге арналған жер аумақтары;
34) жалпы пайдалануғы көгалдандырылған аймақ - қала тұрғындарының демалысы үшiн арналған аймақ (қалалық ормандар, орман-бақтар, бақтар, саяжайлар, саябақтар, желекжолдар);
35) шектеулі пайдаланудағы көгалдандырылған аймақ - тұрғын үй құрылысының, емдеу, балаларға арналған оқу және ғылыми мекемелерінің, өнеркәсіптік кәсіпорындар, спорт кешендерінің аумағы;
36) арнайы мақсаттағы көгалдандырылған аймақ - көгалдандырылған санитарлық-қорғаныс, су қорғау, мелиоративтiк-қорғаныс, өрттен сақтану белдеуi, зираттар, автокөлiк және темiр жол бойындағы екпелер, ботаникалық, зоологиялық және жемiс бақтары, тәлiмбақтар, гүлдiк-оранжереялық шаруашылық аймақтар;
37) жасарту - қаңқалы және жартылай қаңқалы бұтақтарды өте қатты қысқарту, бүршіктерді сирету және реттеу, ересек ағаштарда кемінде 3,5 м биіктікте, төбелер мен бұтақтардың кебу салдарынан өзінің декоративтік сапасын жоғалтқан сау ағаш діңімен жасарту үшін ағаш діңін кесу;
38) ұйым - жүргізілетін жұмысқа қажетті қызметті жүзеге асыратын, материалдық және білікті еңбек ресурстары бар жеке кәсіпкерлік субъектісі немесе дауыс беретiн акцияларының (жарғылық капиталға қатысу үлестерінің) елу және одан астам пайызы мемлекетке тиесiлi заңды тұлға және олармен үлестес заңды тұлғалар;
39) бөлінген аумақ - Қазақстан Республикасының заңнамасымен қарастырылған уәкілетті органдар шешіміне сәйкес қолдану, иелікке немесе жер пайдаланушыға (кәсіпорын, мекеме, жеке тұлғаға және т.б.) оған тиісті нысандарын орнату үшін берілген жер участкесі;
40) пайдаланылған сынап шамдары мен құралдары - құрамында сынап бар қалдықтар, пайдаланып істен шыққан, кәдеге жаратуға жарамды жарық беру құралдары мен электро шамдары, құрамында 0,01 пайыздан кем емес сынап бар құралдар;
41) өндірістік және тұтыну қалдықтары (одан әрі - қалдықтар) - өндіру және тұтыну кезінде пайда болған шикізат, материалдар, жартылай өңделген өнімдердің, басқа да бұйымдар мен тағамдардың қалдықтары, сондай-ақ өздерінің тұтыну қасиеттерін жоғалтқан тауарлар (өнімдер);
42) қорғау куәлiгi - көгалдандырылған аймақтарды иеленушiлерге (жалға алушыларға) жасыл желектердi қорғау жөнiндегi Уәкiлеттi органмен есеп жүргiзу объектiсiнiң төлқұжаты негiзiнде беріледі;
43) аумақтарды абаттандыру паспорты - объектілерге тексеріс жүргізу нәтижелері бойынша құрастырылған және аудан әкімімен бекітілген, абаттандыру және санитарлық жабдықтау жұмыстарын ұйымдастыру үшін қажет болып табылатын объектінің техникалық, идентификациялық сипаттамалары көрсетілген бекітілген нысанды құжат;
44) қайта есептеу ведомості - жасыл желектердің жағдайының жалпы сипаттамасын беретін ағаштар мен бұталардың саны туралы ведомость;
45) өтемдік (кепілдік) отырғызу жоспары - рұқсат етілген санитарлық кесуге, мәжбүрлі кесуге немесе рұқсат етілмей кесуге ұшыраған, оның ішіне сандық бөлігі, тұқымдық құрамы, көлемі, отырғызудың күнтізбелік мерзімі, сонымен қатар жобалық негізге байланған отырғызғылардың орналасуының кескіндік сызбасы кіретін жасыл желектердің көлемін бірдей өтейтін ағаштарды отырғызу жоспары;
46) жасыл екпелердің зақымдануы - ағаштың ұшар басына, дiңiне, сүректi-бұта өсiмдiктерiнiң бұтақтарына, олардың тамыр жүйесiне, өсу процесiнiң тоқтауына, шөптесiн өсiмдiктердiң тамыр жүйесiне және жер бетiндегi бөлiгiнiң зақымдануына зиянды әсерiн тигiзедi. Бұтақтардың, тамыр жүйесiнiң, қабық тұтастығының бұзылуы, топырақтың тiршiлiк қабаты тұтастығының бұзылуы, жасыл екпелердің ластануы, не тамыр аумағындағы топырақтың зиянды заттармен ластануы, өртеу және басқа да зиянды әсерлерден зақымдануы - механикалық зақымдану болып табылады;
47) іргелес жатқан аумақ - тікелей ғимараттар, орын-жайлар, қоршаулар, құрылыс алаңшаларының, сауда, жарнама объектілеріне және заңды немесе жеке тұлғалардың теңгеріміндегі меншігінде, иелігінде, жалға алып пайдаланылуындағы басқа объектілер шекараларына (периметрі бойынша 5 м шекарадағы) жанасып жатқан аумақ;
48) өту жолдары, өтетін жер - тұрғын үйлер мен қоғамдық ғимараттарға, мекемелерге, кәсіпорындарға және басқа да аудандар, шағын аудандар, орамдар ішіндегі қалалық құрылыс объектілеріне көлік құралдарының кіруін қамтамасыз етуші жол элементі;
49) бұзылған көлік - негізгі тораптар мен агрегаттар, шанақ бөлшектері, тиеу, шыны және доңғалағы жоқ, оларды сәйкестендіруді мүмкін емес етіп тұрған терең коррозияға ұшыраған көлік;
50) Астана қаласындағы жасыл екпелердің тiзiлiмi - Астана қаласы аумағындағы жасыл екпелердің саны, реңдiк құрамы, түрi туралы мәлiметтер жиыны;
51) күту тәртібі - ауа райының өзгеруіне уақтылы әрекет ету мақсатында жұмыс орнында болу мен күту (техникалар, жұмысшылар) кезеңі;
52) санитариялық-қорғаныш аймағы - арнайы мақсаттағы аймақтарды, сондай-ақ елді мекендегі өнеркәсіп ұйымдары мен басқа да өндірістік, коммуналдық және қойма объектілерін жақын маңдағы селитебті аумақтардан, тұрғын үй-азаматтық мақсаттағы ғимараттар мен құрылыстардан оларға қолайсыз факторлардың әсер етуін азайту мақсатында бөліп тұратын аумақ;
53) санитарлық кесу - апаттық жағдайларды туындататын (электрлік желі, газ құбырлары үстінде жататын, ғимарат жабындысын бұзатын, жол қозғалысы қауіпсіздігіне қауіп туындататын) ауру, кепкен, қураған және зақымданған бұтақтарды жою;
54) санитариялық тазарту - мақсаты елді мекенде халықтың тіршілік әрекеті нәтижесінде пайда болатын қалдықтарды жинау, жою және залалсыздандыру болып табылатын іс-шаралар жүйесі;
55) таңдаулы санитарлық кесу - құрғақ, өлі, жел құлатқан, қар құлатқан барлық жастағы ағаштар мен бұталарды кесу, сонымен қатар тамыр ысқышпен, орақпен және басқа да саңырауқұлақ аурулармен зақымданған ағаштарды кесу;
56) жаппай санитарлық кесу - жасыл алаптарда, саябақтарда, шағын гүлбақтарда жел құлатқан, қар құлатқан, қураған және ауру ағаштардың үлкен көлемі бар (40 %) белгілі бір ауданда өткізілетін ағаштар мен бұталарды кесу;
57) жеке тұлғалардың аралас аумағы - қалалық аумақтың ортақ пайдалану жерлерімен шекаралас жасыл екпелер өсетін, жеке тұлғалардың иелігіндегі аумақтардың учаскесі;
58) жолдарды күтіп ұстау - нәтижесінде автомобиль жолдарын пайдалану ережелерінің талаптарына сәйкес келетін жол мен жол құрылғыларының көліктік-пайдалану жағдайны сақтайтын жұмыстар кешені;
59) жасыл екпелерді күтіп-ұстау және қорғау - жасыл екпелерді, көгалдандырылған аумақтар мен жасыл алаптарды құруға, сақтауға және қайта өсіруге (оның ішінде жойылған немесе зақымдалған жасыл екпелерді өтемдік қалпына келтіруге) бағытталған құқықтық, әкімшілік, ұйымдастырушылық және экономикалық шаралар жүйесі;
60) жасыл екпелерді сақтау - абаттандыру мен құрылыс жұмыстарына енетін жасыл желектердің аса құнды тұқымдарын сақтауға бағытталған кешенді іс-шаралар;
61) арнайы ұйым - қажетті материалдық және еңбек ресурстары бар белгілі бір қызметті орындауға мамандырылған заңды тұлға;
62) арнайы коммуналдық қорғалатын тұрақ - осы Қағидаларды және Қазақстан Республикасының басқа да нормативтік құқықтық актілерін бұзғаны ұсталған көліктер құралдарын, аз мөлшерлі ыдысты сақтауға арналған тұрақ;
63) құрылыс қалдықтары - ғимараттарды, құрылғыларды, өнеркәсіптік объектілерді, жолдар мен инженерлік коммуникацияларды көшіру, бұзу, қайта жаңарту, жөндеу (соның ішінде күрделі) мен салу үдерісінде пайда болған қалдықтар;
64) қатты тұрмыс қалдықтары (бұдан әрі - ҚТҚ) - қатты формадағы коммуналдық қалдықтар;
65) көгалдандыру резерві аумағы - Астана қаласын дамытудың Бас жоспарына сәйкес қаланың жасыл қорын дамытуға арналған қолайсыз аумақтар;
66) техникалық қадағалау - жобада белгіленген жұмыс өндірісінің құнын, мерзімін, көлемі мен сапасын нақты сақтауды қамтамасыз ету мақсатында жүзеге асырылатын сараптамалық-тексеру іс-шараларының кешені;
67) жаяужолдар - жаяу жүргіншілердің жүруіне арналған, жолға жалғасып жатқан немесе одан гүл бақтарымен немесе арық жүйесімен бөлініп жатқан жолдың бөлшегі;
68) жасыл екпелерді жою - олардың жойылуына алып келген жасыл екпелердің зақымдалуы;
69) уәкілетті орган - табиғатты пайдалануды реттеу мен тұрмыс-коммуналдық шаруашылық саласындағы қызметті жүзеге асыратын жергілікті атқарушы орган;
70) жасыл желектерді қорғау бойынша уәкілетті орган - жасыл екпелерді күтіп-ұстау және қорғау бойынша жұмысты ұйымдастыру мақсатында табиғатты пайдалануды реттеу саласында функцияларды жүзеге асыратын әкімдіктің атқарушы орган (бұдан әрі - атқарушы орган);
71) есеп жүргiзу объектiсi - тағайындалған шегi бар және жауапты иеленушiлер - мекемелерге, ұйымдарға, кәсiпорындарға немесе жеке тұлғалардың меншiгiне немесе жалға берiлген жер учаскелерi;
72) бөрікбасты түзу - жеке ағаштар, бұталар және қалыптауға келетін желілі желектердің бүршіктері мен бұтақтарын белгілі бір эстетикалық нысанға келтіру мақсатында кесу.
2. Жасыл екпелерді күтіп-ұстау және қорғау.
§ 1. Жасыл желектерді күтіп-ұстау және қорғау
5. Республикалық және жергілікті маңызы бар ерекше қорғалатын табиғи аумақтарда, жеке тұрғын үй және жеке меншік қосалқы шаруашылық аумақтарында, саяжай учаскелерінде және коммуналдық қызметтердің қарауына жататын зираттардың учаскелерінде өсетін жасыл екпелерді қоспағанда барлық жасыл екпелер бiрыңғай жасыл қорды құрайды және қорғалуға жатады.
6. Азаматтар, лауазымды және заңды тұлғалар, жасыл екпелердің қорғау жөнiндегi шараларды жүзеге асыруы, жасыл екпелердiң зақымдалуына немесе жойылуына әкелiп соғатын заңсыз әрекеттерге немесе әрекетсiздiкке жол бермеуі тиіс.
7. Тұрғын үй және қоғамдық құрылыс объектілерінің меншік иелері, жалға алушылар шектеулі пайдаланымдағы іргелес аумаққа көгалдандыру жүргізуге міндетті.
8. Жасыл екпелер орналасқан жер учаскелерінің меншік иелері, жалға алушылар олардың жай-күйіне бақылау жүргізуді жүзеге асыруы, жасыл екплерді қанағаттанарлық жағдайын және қалыпты дамуын қамтамасыз етуі тиіс. Агротехникалық іс-шараларды жүргізумен байланысты жасыл екпелерді күтіп-ұстау бойынша жұмыстарды мамандандырылған ұйымдармен жүзеге асырылады.
9. Жобалау, құрылыс және шаруашылық қызметтерi, Қазақстан Республикасы заңнамасымен және осы Қағидалармен белгіленген жасыл екпелерді қорғау жөнiндегi талаптардың сақталуымен жүзеге асырылады. Жоба алды және жобалық құжаттамалар құрылыс, шаруашылық және басқа да қызметтердi ұйымдастыру, жасыл екпелердің жай-күйi туралы толық және нақтыланған мәлiметтерді қамтуы тиiс, ал жобалық құжаттама, бұдан басқа, жасыл екпелердің жобаланатын объектiлер әсерiнiң толық бағасын қамтуы тиiс.
10. Жасыл екпелердің тiршiлiк әрекетiн қамтамасыз етумен үйлеспейтін көгалдандырылған аймақтарды және жасыл алаптарды пайдалануға жол берілмейді. Қала аймағы көлемiнде орналасқан жасыл алаптар, құрылыс салуға жатпайды. Көгалдандырылған аймақтарды дамыту, ұзақ мерзiмдi кешендi көгалдандыру сызбасына сәйкес жүргiзiледi.
11. Жалпы пайдаланудағы көгалдандыру объектiлерiнде құрылысты (саябақтарда, бақтарда, гүл бақтарында, бульварларда), сондай-ақ жалпы пайдаланудағы екпелердi жасауға арналған жер учаскелерінде орналастыру, олардың тiршiлiк етуiн және қызмет көрсетуiн қамтамасыз етуге арналған құрылыстарды қоспағанда, жол берілмейдi.
12. Еңбектен кейiнгi демалыс, әлеуметтiк және мәдени-тұрмыстық инфрақұрылымның күрделi емес (уақытша) объектiлерiн орналастыру мақсатында саябақтардың, бақтардың, гүл бақтарының, желек жолдардың, жүргiншi саяжолдарының бөлек учаскелері сатып алу құқығынсыз жалға берiлуi мүмкiн.
13. Жалпы пайдаланудағы көгалдандырылған аймақтарды жалға беру кезiнде, жасыл екпелерді сақтау қамтамасыз етiлуi тиiс.
14. Жалпы пайдаланудағы көгалдандырылған аумақтар Астана қаласының коммуналдық меншігінде болады, сондай-ақ жерге құқық субъектілеріне байланысты республикалық және жеке меншікте болуы мүмкін. Қазақстан Республикасының қолданыстағы заңнамасына сәйкес жалпы пайдаланымдағы көгалдандырылған аумақ шекарасындағы жер учаскелерін шаруашылық пайдалану бойынша меншік иелерінің, жерді иеленушілердің, жалға алушылардың құқықтары шектеледі.
15. Жалпы пайдаланымдағы көгалдандырылған аумақтардың жер учаскелеріне тұрақты жер пайдалану құқығы Қазақстан Республикасының қолданыстағы заңнамасына сәйкес тиісті аудан әкімдерінің аппараттарына ресімделеді. Астана қаласының санитарлық-қорғау аймағы жасыл белдеуінің жер учаскелеріне тұрақты жер пайдалану құқығы Қазақстан Республикасының қолданыстағы заңнамасына сәйкес жасыл екпелерді қорғау жөніндегі уәкілетті органға ресімделеді.
16. Жалпы пайдаланымдағы көгалдандырылған аумақпен қамтылған жерлер айналымнан шығарылады. Жалпы пайдаланымдағы көгалдандырылған аумақтың жекелеген учаскелері қоршаған ортаны қорғау жөніндегі мемлекеттік уәкілетті органмен келісім бойынша егер ұсынылған қызметтер жалпы пайдаланымдағы көгалдандырылған аумақты құру саласындағы нормативтік құқықтық актілерге қайшы келмесе және жасыл екпелердің қалыпты өмір тіршілігін қамтамасыз етуге кедергі болмайтын болса, келушілерге үздіксіз қызмет көрсетуді ұйымдастыру мақсатында сатып алу, қосалқы жалға беру, кепілге қою құқығынсыз жалға беріледі.
17. Шектеулi пайдаланулағы көгалдандырылған аймақтар тұрғын үй қоры меншiк иелірінің, басқа да меншiк иелерінің және жалға алушылардың иелiгiнде болады.
18. Шектеулi пайдаланудағы көгалдандырылған аймақтар, азаматтармен және заңды тұлғалармен тұрғын және қоғамдық құрылыс салу объектiлерiн орналастыру үшiн пайдаланатын аймақтарда орналасқан айналымда болады және бекiтiлген қала құрылысы құжаттамаларына сәйкес сатып алу құқығымен жалға, қосалқы жалгерлікке кепiлдікке берiлуi мүмкiн.
19. Арнайы мақсаттағы көгалдандырылған аймақ шекарасындағы жер учаскелерi және олардың қорғаныс аймағы меншiк иелерінен және жалгерлерден алып қойылмайды. Қазақстан Республикасының қолданыстағы заңнамасына сәйкес арнайы мақсаттағы көгалдандырылған аймақ шекарасындағы жер учаскелерін шаруашылықта пайдалану жөнiнен меншiк иелерінің, жер иеленушiлердiң, жердi пайдаланушылардың құқықтары шектеледi.
20. Арнайы мақсаттағы көгалдандырылған аймаққа белгiленген жерлер, айналымнан босатылады. Айрықша күзетiлетiн табиғат аймақтарының жекелеген учаскелері қоршаған ортаны қорғау жөнiндегi мемлекеттiк өкiлеттi органдардың келiсiмi бойынша сатып алу құқығысыз жалға, қосалқы жалгерлліке, кепілдікке демалысына қызмет көрсетудi ұйымдастыру мақсатында кепiлдеу, егер ұсынылған қызметтер көгалдандырылған арнайы аймақты жасау мақсатына қарсы келмеген жағдайда және күзетiлген табиғи кешендерге және объектiлерге зиянын келтiрмеген жағдайда берiлуi мүмкiн.
21. Көгалдандыру жөнiндегi жұмыстың барлық түрлерiн, белгiленген тәртiпте бекітілген жобалар бойынша, жұмысшы сызбаларына сәйкес орындау қажет. Көгалдандыру және абаттандыру жұмыстарын жүргiзу кезiнде жоба авторлары орындалатын жұмыстардың бекiтiлген жобаларға, жұмыс сызбаларына сәйкестiгiн және сапалылығын бақылауы тиiс.
22. Жасыл екпелерді күтіп-ұстау көгалдандыру бойынша жұмыстардың негізгі түрлерін қамтиды:
1) жасыл екпелерді отырғызу;
2) ағаштардың діңгек қуысын орнатумен қыртыстарды қопсыту, ағаштарды ақтау;
3) гүлдерді, көгалдарды орналастыру, арамшөптерді отау, шөптерді шабу;
4) барлық вегетациялық кезеңде жасыл екпелерді суару;
5) жасыл екпелерді қырқу, қайта отырғызу, кесу (апаттық, құрғаған, жасамыс ағаштарды және бұтақтарды санитариялық кесу);
6) тыңайтқыштарды салу;
7) жасыл екпелердің зиянкестерімен және ауруларымен күресу.
23. Қағидалардың күші қолданыстағы жеке тұрғын үйдің аумағына, азаматтардың саяжай учаскелеріне және қаланың коммуналдық қызметтерінің қарамағындағы зираттардың учаскелеріне және республикалық және жергілікті маңызы бар ерекше қорғалатын табиғи аумақтарға қолданылмайды.
24. Санитарлық кесу, мәжбүрлі кесу, бөрікбасты түзу, жасарту және жасыл желектерді қайта отырғызу республикалық және жергілікті маңызы бар ерекше қорғалатын табиғи аумақтардан басқа, олардың өз қалауы бойынша ортақ табиғат пайдалану тәртібінде, рұқсат беруді ресімдеусіз жүзеге асырылады.
§ 2. Азаматтардың және жасыл екпелер меншік иелерінің (жалгерлердiң) құқықтары
25. Азаматтар:
1) бақтарда, саябақтарда, гүл бақтарында еркiн жүруге, жасыл желектер орын алған мемориалдық кешендерде және басқа да аймақтарда өздерiнiң мәдени-сауықтыру және эстетикалық қажеттiлiгiн қанағаттандыру, қыдыру, спортпен айналысу үшiн және басқа да мақсаттарда, осы Қағидалардың талаптарын сақтай отырып, пайдалана алады. Қала жұртшылығының көгалдандырылған арнайы және айрықша қорғалатын табиғи аймақтарының жекелеген учаскелерін пайдалануға, Қазақстан Республикасының қолданыстағы заңнамасына сәйкес, жартылай немесе толық шек қойылуы мүмкiн;
2) қаланың жасыл қорын болашақта дамыту және сақтау шаралары,
жай-күйi туралы нақты мәлiметтер алуға;
3) көгалдандыру құрылысы жобаларын талқылауға, сондай-ақ баламалық жобаларды өңдеуге қатысуға;
4) iске асырылуы қаланың жасыл қорына зиян келтiруi мүмкiн жобалық құжаттамасына қоғамдық экологиялық сараптама жүргiзуге бастамашылық етуге;
5) қаланы, ауданды, ауланы көгалдандыру, көгалдандырылған аймақтарды санитарлық тазарту бойынша iс-шараларға қатысуға құқылы.
26. Көгалдандырылған аймақтардағы жеке және заңды тұлғалар, меншік иелері және жалға алушылар:
1) жасыл екпелердi сақтауға және бiлiктi күтiммен қамтамасыз етуге;
2) жасыл желектердiң кадастырн жүргізетін уәкiлеттi органға белгiленген нысан бойынша жасыл екпелердi түгендеу материалдарындағы өзгерiс туралы (бұзу, жаңарту, қайта отырғызу, отырғызу) ақпараттарды жыл сайын берiп отыруға;
3) уәкілетті органының нұсқаулық-әдістемелік нұсқауларына сәйкес, барлық агротехникалық шаралар кешенін тұрақты жүргізу, оның ішінде гүлзарлар, ағаштар мен бұталарға су құю, арамшөптер, зиянкестер және аурулармен күрес жүргізу, жасыл екпелерді түзеу және жасарту, гүлзарларды күзеу;
4) өзiнiң жеке қаражаты есебiнен қала құрылысы, экологиялық, санитарлық-гигиеналық нормаларға сәйкес жасалған, бекітілген дендрологиялық жобалар бойынша бекiтiлген аймақтардағы жасыл екпелерді кезектi жөндеу және көгалдандыру жүргiзу;
5) жасыл екпелерді жою (қайта отырғызу) Қағидалардың талаптарымен белгіленген тәртiпте ресiмдеуге;
6) ағаштарды жасартып қию, ағаш-бұталарды бөрікбастарды қалыптастыру, іріктемелі және жаппай санитарлық кесуді уәкілетті органның және тиісті аудан әкімінің хабарламасына сәйкес жүргізуге;
7) қорғаныс аймағындағы тоқ өткiзетiн сымдарды (1 м радиуста), сонымен қатар көше көрсеткiштерiн және үйлердiң нөмiрлiк белгiлерiн жауып тұрған бұталарды қырқуды уақтылы жүргiзу, бұталарды қырқу, электр желiлерi иесiнiң келiсiмiмен және олардың жұмыс технологиясының сақталуын бақылау арқылы, кесте бойынша жүргiзiледi;
8) аймақтың санитарлық тазартуын, сынған ағаштар және бұталарды жоюды жүргізуге;
9) көгалдандыру объектiлерiнде сутоған бар болған кезде, оларды тазалықта ұстау және оларды кем дегенде 10 жылда бiр рет күрделi тазартуды жүргiзуге;
10) бақтарды, саябақтарды, гүл бақтарын, бульварларды аралаған кезде жасыл екпелердi қорғау жөнiндегi талаптарды сақтауға;
11) көшелер мен алаңдарды тазалау үшін роторлы машиналарды қолдану, машиналарда қардың (қар салмағының) желектерге түсуіне жол бермейтін арнайы бағыттайтын құрылғылары бар болған кезде жүзеге асырылатын жағдайды қоспағанда, жасыл екпелерге қарды тастау үшін роторлы қар тазалау машиналарын пайдаланбауға;
12) ағаштарға зиянын келтіруі мүмкін заттарды (аспалы төсектерді, әткеншекті, кір жаятын жіптерді, жарнама қалқандарын, электр сымдарын, электр және жалаушалы гирляндаларды, тікенекті сым) ілуге, бекітуге жол бермеуге;
13) құрылыс-монтаждау жұмыстарын жүргізу кезінде осы учаскеде сақталуға жататын барлық жасыл екпелер олардың қорғау тиімділігін қамтамасыз ететін механикалық және басқа зақымдалулардан арнайы қорғаныс қоршауларымен сақталады;
14) қаланың өтетін жолдарына, алаңдарға, аулалар мен жиекжолдарға төсем салу және асфальт төсеу кезінде, кейіннен темір бетон шарбақты орнатумен немесе діңнің айналасындағы топырақтың нығыздалуының алдын алатын басқа да жабынды жабуымен, ағаштың айналасынан диаметрі кемінде 2 м болатын бос кеңістік қалдыруға;
15) кабель, кәріздік құбырлар және басқа да қондырғылар орнату кезінде траншея қазуды ағаштан діңнің қалыңдығы 15 см дейін екі метрден кем болмайтын қашықтықта, діңнің қалыңдығы 15 см аспайтын - 3 (үш) м кем емес қашықтықта, шеткі қаңқа бұтағының негізінен қашықтықты есептей отырып, бұтадан 1,5 метрден кем емес қашықтықта жүргізу қажет;
16) өсіп тұрған екпелер ауданында жолдар, жиекжолдар және басқа да орын-жайларды қайта жаңарту және салуда, оларды төмендету немесе биіктету кезінде, тігінен белгілерді қолданыстағы белгілерінен 5 см артық өзгертуге жол бермеуі тиіс.
27. Ағаштарды жасарту және қалың өскен ағаштарды сирету жұмыстары вегетация басталғанға дейін немесе кеш күзде жүргізіледі.
28. Жасыл екпелерді қайта отырғызу жыл ішінде арнайы қайта отырғызу технологиясы сақталған жағдайда жүзеге асырылады. Жапырақты және қылқан жапырақты ағаштардың тиімді ұласып өсуі мақсатында оларды күз түскен кезеңнен бастап көктемнің бас кезіне дейін отырғызу ұсынылады.
29. Жасыл екпелер орын алған жер учаскелерін сату, сатып алу, сыйға беру, жалға беру және Қазақстан Республикасының жер заңнамасымен қарастырылған басқа да жер айналымы нысанымен жасыл екпелерді күтiп-ұстау және қорғау құқығы басқа меншiк иесiне, жалға алушыға өтедi.
30. Көгалдандырылған аймақтардың жер айналымын куәландыратын құжаттамалар, уәкiлеттi органмен келiсуге жатады.
31. Жасыл екпелерді күтiп-ұстауға арналған күзет куәлiгi, ал жекелеген жағдайларда аймақтарды көркейту және тазалау шарты, жасыл екпелер орналасқан жер телiмдерiне құқық белгiлейтiн құжаттар ресiмделгенге (қайта ресiмдеуге) дейiн жасалады.
§ 3. Уәкілеттi органның өкiлдiгi
32. Уәкiлеттi органның құзырына:
1) жасыл екпелердің тізілімін қала аудандары әкімдерінің аппараттарынан алынған мәліметтерді жинақтау арқылы жүргізу;
2) жасыл екпелер орын алған жер учаскелерін пайдалануға рұқсат беру (беруден бас тарту) туралы шешiмдердi қабылдау;
3) жасыл екпелерді бұзуға, қайта отырғызуға рұқсат беру;
4) кепілдік өтемдік отырғызулар және жасыл желектерді күтіп-баптау жұмыстарының жүргізілуін бақылауды ұйымдастыру кіреді.
§ 4. Жасыл екпелердің есебiн жүргiзу,
күтiп-ұстау және қорғау
33. Астана қаласындағы жасыл екпелердің есебiн жүргiзу, олардың санын, түрлiк құрамын және жай-күйiн анықтау мақсатында, есеп жүргiзу объектiсiнiң шегiнде орналасқан жасыл екпелерді түгендеу арқылы жүзеге асырылады.
34. Жасыл екпелерді түгендеу және басқа да түрлi тексерулер, белгiленген тәртiппен белгіленген нұсқаулық-әдiстемелiк құжаттарға, әр ағаш бойынша есеп жүргiзу, контуры бойынша қайта санау, есеп жүргiзу объектiсi шекарасында орналасқан жасыл екпелердің құрылымдық бөлшектерiнiң күрделiлігiне байланысты баға кесу әдiстерiне сәйкес жүргiзiледi.
35. Жасыл екпелердің есебiн жүргiзу:
1) Астана қаласы аумағындағы жасыл екпелердің сандық және сапалық сипаттамалары туралы нақты мәлiметтер алу;
2) жауапты иеленушiлердiң көгалдандырылған аймақтардағы жүзеге асырылған қызметтерiнiң аумақтық белгiленген функционалдық мақстана сәйкестiгiн анықтау;
3) қала аймағындағы жасыл екпелердің жай-күйiн талдау;
4) Астана қаласының көгалдандырылған аймақтарын ұтымды пайдалануды ұйымдастыру үшiн ақпараттық база құру мақсатта жүргiзiледi.
36. Жасыл екпелердің барлық түрлері есепке алынуға жатады: ағаштар, бұталар, гүлзарлар, гүлбақшалар. Жасыл екпелерге зерттеу жүргізуді агротехникалық іс-шаралар жүргізу жөніндегі мамандандырылған ұйымдар жүзеге асырады.
37. Жасыл екпелердің есебiн жүргiзу нәтижесiн көрсететiн құжат - бекiтiлген нысан бойынша Қағидаларға 1-қосымшаға сәйкес жасалған есеп жүргiзу объектiсiнiң төлқұжаты болып табылады.
38. Есеп жүргiзу объектiсiнiң төлқұжаты 5 жылда 1 рет жоспарлы жаңартуға жатады.
39. Жауапты иеленушi өзiне тиiстi жер учаскесіндегі жасыл екпелердің есебiн жүргiзудi ұйымдастырады және алынған мәлiметтердi есеп объектiсi төлқұжатына түсiрудi қамтамасыз етедi.
40. Есептік объектінің паспорты жауапты меншік иесімен бекітіледі және Астана қаласының тиісті ауданы әкімі аппаратының өкілімен және уәкілетті органымен келісіледі.
41. Белгiленген тәртiпте жасалған есеп жүргiзу объектiсiнiң паспорты, жауапты иеленушi арқылы осы Ережелердің 2-қосымшасына сәйкес Астана қаласының тиiстi ауданының әкімі аппаратына, жасыл желектердiң тiзiмдемесiне мәлiметтердi жинау үшiн берiледi.
42. Резервтегi аймақтарға есеп жүргiзу объектiсiнiң паспорты, жасыл екпелерді зерттеу негiзiнде талаптарға сәйкес жасалынады.
Көрсетiлген паспорттардың мәлiметтерi, аудандардың Жасыл екпелер тiзiлiмiне белгiленген тәртiпте жинақталады.
43. Астана қаласының жасыл екпелер тiзiлiмi:
1) Астана қаласындағы жасыл екпелердің саны және жай-күйi туралы нақты кешендi ақпараттар алу;
2) Астана қаласындағы жасыл екпелердің саны және жай-күйiнiң мониторингiн жүргiзу;
3) қалалық саясаттың, қаланың көгалдандырылған аймақтарын қорғау, сақтау және даму аумағындағы негiзгi бағытын анықтау;
4) жасыл екпелерді қорғаудың, сақтаудың және дамытудың ең тиiмдi тәсiлдерін әзірлеу;
5) қаладағы жасыл екпелердің саны және жай-күйi туралы халықты, үкiмет және басқару органдарын анық ақпараттармен қамтамасыз ету мақсатында жүргiзiледi.
44. Тiзiлім, есеп жүргiзу объектiлерiнiң төлқұжаттарында мазмұндалған, сондай-ақ қаланың иесiз және резервтегi жерлерiнде (бұдан әрi - жасыл екпелер туралы мәліметтер) орналасқан жасыл екпелерді түгендеу нәтижесiнде алынған ақпараттар негiзiнде жүргiзiледi.
45. Жасыл екпелердің тізілімін жүргізу бойынша жұмыстарды ұйымдастыру аудан әкімдері аппараттарымен жердің қызметтік тағайындауы бойынша топтаумен белгіленген нысан бойынша оларға ведомтстволық бағынысты көгалдандырылған аумақтың шекараларында жүргізіледі.
46. Жасыл екпелердің тiзiлiмi, жасыл желектердi қорғау жөнiндегi уәкiлеттi органның қалалық ақпараттар жүйесiне одан арғы мәлiметтер жиыны үшiн өткiзiледi.
47. Астана қаласы аудандарының әкiмдерi аппаратына және уәкiлеттi органға қарасты көгалдандырылған аймақтарда орналасқан - Жасыл екпелер тiзiмдемесi мәлiметтерiн жаңарту 2 жылда 1 рет жүргiзiледi.
48. Қорғау және күтiп-ұстау:
1) бау-бақшалар, саябақтар, гүл бақтары, желек жолдар, жүргінші саяжолдары уәкілетті органға, аудандар әкімдерінің аппараттарына, мамандандырылған коммуналдық кәсіпорындарға, сондай-ақ көгалдандырылған аумақтардың меншік иелері мен жалға алушыларына жүктеледі;
2) мәдени және демалыс саябақтары, балалар саябағы, мамандандырылған саябақтар - осы мекемелердiң әкiмшiлiгiне жүктеледi;
3) жалпы пайдаланудағы көгалдандырылған аймақтардың учаскелері: гүл бақтары, көшелер, желек жолдар және жүргiншi саяжолдары, сауда объектiлерiнiң қасбет тобының (кiреберiс) ажырағысыз бөлiгiн құрайтын қызмет көрсету, банк, кеңселер, кәсiпорындар, жеке меншiк үйлерi және т.б. меншiк иелерiне және осы орын-жайларды жалға алушыларға жүктеледi;
4) кәсiпорындар, мекемелер, ұйымдар аймақтарындағы, сондайй-ақ оларға бекiтiлген учаскелердегі жасыл екпелер, тiкелей осы кәсiпорындармен, мекемелермен, ұйымдармен жүргiзiледi;
5) санитарлық-қорғау аймақтарын - санитарлық-қорғау аймақтары шекараларында жер учаскелері бар жер иеленушiлермен, жердi пайдаланушылармен және жалға алушылармен жүргiзiледi;
6) квартал iшiндегi жасыл екпелердi, жердi пайдалану шегiндегi үйаралық аумақтардағы екпелердi, тұрғын үй қоры (тұрғын үй-пайдалану кәсiпорындарының пайдаланушылары) меншiк иелерiне жүктеледi.
§ 5. Жасыл екпелердi жою және көшiрiп отырғызу
49. Құрылыс салуға немесе басқа жұмыстар жүргiзуге бөлiнетін учаскелерде жасыл екпелерді сақтау мүмкiн болмаған жағдайда, жасыл екпелерді кесу немесе қайта отырғызу жүргізіледі.
50. Жасыл екпелерді кесу:
1) бекітілген және келісілген қала құрылысы құжаттамасында көзделген құрылыстың объектілерін орналастыру үшін жағдай жасауды қамтамасыз ету;
2) инженерлік абаттандыру объектілеріне, жер үсті коммуникацияларына қызмет көрсету;
3) апаттық және төтенше жағдайларды жою, оның ішінде инженерлік абаттандыру объектілерінде жою;
4) адамның өмірі мен денсаулығы қауіпсіздігіне қауіп төндіретін, сондай-ақ жеке және заңды тұлғалардың мүлкіне залал келтіруі мүмкін ескі екпелерді санитариялық кесу;
5) жасыл екпелердің сапалық және түрлік құрамын жақсарту қажеттілігі жағдайларында жүзеге асырылуы мүмкін.
51. Уәкілетті органмен берілетін Қағидаларға 3-қосымшаға сәйкес белгіленген нысандағы рұқсат бойынша Қағидаларға 4-қосымшаға сәйкес объектіні тексерудің бастапқы актісі негізінде ғана жасыл екпелерді бұзу және қайта отырғызуға жол беріледі.
Бұзу, қайта отырғызу тәртібі және бұзуға және қайта отырғызуға рұқсат беру уәкілетті органмен анықталады.
52. Жасыл екпелерді санитарлық кесуге, мәжбүрлі кесуге, қайта отырғызуға рұқсат алу үшін қажетті құжаттардың тізбесі:
1) қайта салынуға немесе қалпына келтіруге жататын объектілер үшін:
а) уәкілетті орган басшысының атына жасыл екпелерді кесуге немесе қайта отырғызуға өтінім берушінің аты-жөні, мекенжайы және байланыс телефондары көрсетілген өтінім;
б) объект құрылысына (қалпына келтіруге), соның ішінде жеке тұрғын-үй құрылысы үшін жер учаскелерін беру туралы жергілікті атқарушы орган шешімінің көшірмесі;
в) жер учаскесіне құқық белгілейтін құжаттардың көшірмесі;
г) мемлекеттік экологиялық сараптама қорытындысының көшірмесі;
д) өтінім беруші бекіткен және Астана қаласының тиісті аудан әкімі аппаратымен келісілген жасыл екпелердің экспликациясы бар өтемдік отырғызу жоспары;
е) жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмыстарын жүзеге асыру шартымен көшеттерді отырғызу мерзімі көрсетілген өтемдік отырғызу жөніндегі кепілдік хат;
ж) мамандандырылған ұйыммен өтемдік отырғызуға жасалған шарт;
з) жасыл екпелерді қайта отырғызу кезінде - мамандандырылған ұйыммен жасалған шарттың көшірмесі;
и) қайта отырғызылған жасыл желектерді жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмысын жүзеге асыру шартымен кепілдік хат;
к) жасыл екпелерді қайта отырғызу кезінде - қайта отырғызу жұмыстары жүргізілетін қала ауданының шегінде, Астана қаласы тиісті аудан әкімі аппаратымен келісілген қайта отырғызу орны белгіленген жоспардың немесе сызбанұсқаның болуы;
2) жаңадан салынып жатқан инженерлік желілер үшін:
а) уәкілетті орган басшысының атына жасыл екпелерді кесуге немесе қайта отырғызуға сұрап жатқан өтінім берушінің аты-жөні, мекенжайы және байланыс телефоны көрсетілген өтінім;
б) белгіленген тәртіпте келісілген инженерлік желілердің жобасы;
в) мемлекеттік экологиялық сараптама қорытындысының көшірмесі;
г) өтінім беруші бекіткен және Астана қаласы тиісті аудан әкімі аппаратымен келісілген жасыл екпелердің экспликациясы бар өтемдік отырғызу жоспары;
д) жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмыстарын жүзеге асыру шартымен көшеттерді отырғызу мерзімі көрсетілген өтемдік отырғызу жөніндегі кепілдік хат;
е) мамандандырылған ұйыммен өтемдік отырғызуға жасалған шарт көшірмесі;
ж) жасыл екпелерді қайта отырғызу кезінде - мамандандырылған ұйыммен жасалған шарттың көшірмесі;
з) қайта отырғызылған жасыл желектерді жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмысын жүзеге асыру шартымен кепілдік хат;
и) жасыл екплелерді қайта отырғызу кезінде - қайта отырғызу жұмыстары жүргізілетін қала ауданының шегінде, Астана қаласы тиісті аудан әкімі аппаратымен келісілген қайта отырғызу орны белгіленген жобаның немесе сызбанұсқаның болуы;
3) аумақты абаттандыру, сондай-ақ қолданыстағы объектілердің жасыл екпелерінің сапалық және түр құрамын жақсарту және эстетикалық түрге келтіру үшін:
а) уәкілетті орган басшысының атына жасыл екплелерді кесуге немесе қайта отырғызуға өтінім берушінің аты-жөні, мекенжайы және байланыс телефондары көрсетілген өтінім;
б) жер учаскесіне құқық беруші құжаттардың көшірмесі;
в) өтінім беруші бекіткен және Астана қаласы тиісті аудан әкімі аппаратымен келісілген жасыл желектердің экспликациясы бар өтемдік отырғызу жоспары;
г) жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмыстарын жүзеге асыру шартымен көшеттерді отырғызу мерзімі көрсетілген өтемдік отырғызу жөніндегі кепілдік хат;
д) мамандандырылған ұйыммен өтемдік отырғызуға жасалған шарт.
53. Мемориалдық, тарихи және бiрегей эстетикалық құндылығы бар, белгіленген тәртiпте статусы бекiтiлген ағаштарды кесу; Қызыл кiтапқа енгiзiлген сүректi және бұта өсiмдiктерiнiң түрлерi, сонымен қатар ерекше қорғалатын, жергiлiктi маңызы бар табиғи аймақтарда орналасқан ағаштарды кесуге тыйым салынады. Төтенше жағдайда, ерекше қорғалатын екпелердi кесу қажеттiгi туғанда, кесудiң мақсатқа сәйкестiгiн сараптау, Астана қаласы әкiмiмен құрылған комиссия арқылы жүргiзiледi.
54. Ағаштар мен бұталарды бұзу, белгіленген тәртіпте ресімделген рұқсаттама құжаты болған жағдайда, мамандандырылған ұйыммен жүргізіледі.
Рұқсаттама құжаттарын алдын-ала ресімдемей жасыл екпелерді бұзуға және қайта отырғызуға жол берілмейді.
55. Қала құрылысы қызметін іске асыру кезінде жасыл екпелерді бұзуды немесе қайта отырғызуды келісу мынадай тәртіпте жүргізіледі:
1) құрылысқа бастапқы-рұқсаттама құжаттамасын дайындау кезінде жобалау ұйымы белгіленген тәртіпте жобаны әзірлейді;
2) жобалау ұйымының хаты және уәкілетті органның жобасы негізінде, құрылыс жүргізу болжанған учаскеде зерттеу жүргізіледі және осы Қағидаларға 4-қосымшаға сәйкес жасыл екпелерді зерттеу актісі жасалады, онда ағаштар мен бұталардың саны, олардың көрнекілік құрамы, жай-күйі, гүлзарлардың, шөп жабындары, гүлдердің болуы көрсетіледі;
3) зерттеу актісі негізінде уәкілетті орган жобалау ұйымына ағаштар мен бұталарды барынша сақтап қалу мақсатында, жасыл екпелердің саны мен құрылысты орналастырудың ерекше талаптарын көрсетумен, аталған учаскеде құрылысты жүргізу мүмкіндігі туралы қорытынды береді;
4) жобалау құжаттамасы уәкілетті органмен келісілген бастапқы-рұқсаттама құжаттамасы негізінде әзірленеді.
56. Инженерлiк қатынастарға күрделi немесе ... жалғасы
Сіз бұл жұмысты біздің қосымшамыз арқылы толығымен тегін көре аласыз.
1. Жалпы ережелер
1. Осы Жасыл екпелерді күтіп-ұстау және қорғау, Астана қаласының аумағын абаттандыру қағидалары (бұдан әрі - Қағидалар) Қазақстан Республикасының Азаматтық кодексіне, Қазақстан Республикасының Жер кодексіне, Қазақстан Республикасының Экологиялық кодексіне, Қазақстан Республикасының Әкімшілік құқық бұзушылық туралы кодексіне, Қазақстан Республикасының Қазақстан Республикасындағы сәулет, қала құрылысы және құрылыс қызметі туралы, Қазақстан Республикасындағы жергілікті мемлекеттік басқару және өзін-өзі басқару туралы заңдарына және өзге де нормативтік-құқықтық актілерге сәйкес әзірленді.
2. Қағидалар Жасыл екпелерді күтіп-ұстау және қорғау, Астана қаласының аумағын абаттандыру салсындағы қарым-қатынасты реттейді және тәртібін белгілейді. Қағидалар меншік нысанына қарамастан Астана қаласының аумағында орналасқан жерлердің, ғимараттар мен құрылыстардың, жапсарластыра салынған орын-жайлардың, тұрғын үйлердегі тұрғын емес орын-жайлардың және басқа объектілердің иелері немесе пайдаланушылары болып табылатын барлық заңды және жеке тұлғалар үшін міндетті болып табылады.
3. Жасыл екпелерді күтіп-ұстау және қорғау, Астана қаласының аумағын абаттандыру бойынша жұмыстарды үйлестіру және ұйымдастыру мынадай Астана қаласы әкімдігінің (бұдан әрі - әкімдік), басқарудың уәкілетті органдары, мекемелердің басшылары және абаттандыру мен көгалдандыру кәсіпорындарының лауазымды тұлғаларына жүктеледі.
4. Осы Қағидаларда негізге ұғымдар пайдаланылады:
1) қаланы абаттандыру - сол немесе өзге аумақты халықтың өмір тіршілігіне қолайлы, салауатты және ыңғайлы жағдай жасауға, мақсаты бойынша дұрыс қолдану, құрылысқа жарамды етуге келтіру мақсатында жүзеге асырылатын іс-шаралар мен жұмыстардың жиынтығы;
2) тасталған көлік - меншік иесі белгіленген тәртіпте бас тартқан және (немесе) жылжымайтын күйде тұрған көлік құралы;
3) жасыл екпелерді мәжбүрлі кесу - елді мекеннің бас даму жоспарын іске асыру мақсатында және қауіпсіздік талаптарына сәйкес келтіру үшін жасыл екпелерді кесу;
4) гүл бағы - шөптер, гүлбақшалар, ағаштар мен бұталар отырғызылатын жасанды абатттандыру элементі;
5) дендрологиялық жоспар - 1:500 масштабтағы жоспарланатын және сақталатын сүректi-бұта өсiмдiктерiнiң ашық гүлзарлар учаскелерi, алаңқайлар, аяқ жолдар, сутоғандар, сондай-ақ пейзаждар және көрiнiстердi қиюластырып тұрғызу және орналастыру көрсетiлген сызба;
6) сұйық қалдықтар - халықтың тұрмыстық қызметі нәтижесінде пайда болған (тұрмыстық-нәжістік), сондай-ақ қазылған шұңқырлардан алынған сұйық қалдықтар (шөгінділер);
7) бекітілген аумақ - Аумақты абаттандыру төлқұжатында көрсетілген санитарлық тазарту және жинау жұмыстарын жүргізу үшін белгіленіп берілген учаске;
8) бекітілген аумақтың объектісі - қала көшелері жағындағы бөлінген учаскелер шекарасынан, өтпе жол шетімен шектелген аумақ, орамішілік аумақтың учаскелері, ауланың ішкі аумағы, сақтауға және жинақтауға уақытша пайдаланылатын аумақ, инженерлік желілердің қорғалатын аймақтарының бөлінген және іргелес аумағы;
9) бекітілген аумақтың субъектілері - кондоминиум объектісін басқару мақсатында құрылған көп пәтерлі тұрғын үйлердегі пәтерлер меншік иелерінің коммерциялық емес ұйымдары (ПМИК); ғимараттар мен құрылыстардың меншік иелері және (немесе) пайдаланушылары; жер учаскелерінің меншік иелері және (немесе) пайдаланушылары болып табылатын жеке және заңды тұлғалар;
10) жасыл екпелердi қорғау - жасыл екпелердi, көгалдандырылған аймақтарды және жасыл алаптарды жасауға, сақтауға және қайта өндiруге бағытталған, құқықтық, ұйымдастырушылық және экономикалық шаралар жүйесi;
11) ғимарат - көтергіш және қоршау құрылғыларынан тұратын, міндетті түрде жер үсті тұйық көлемін жасайтын, функционалдық қызметіне қарай, адамдардың тұруы немесе болуына, өндірістік үдерістерді орындау үшін, сондай-ақ материалдық құндылықтарды орналастыру мен сақтауға арналып салынған жасанды құрылыс;
12) жапсарластыра салынған орын-жайлар - негізгі ғимараты көлемінде жеке кіреберісті ұйымдастырумен орнатылған қоғамдық мақсаттағы орын-жайлар;
13) жапсарластыра-жанастыра салынған орын-жайлар - негізгі ғимаратқа жанастыра салынған және оның бөлігіне жапсарластыра салынған орын-жайлар;
14) жасыл алап - түрінің құрамына қарамастан 0,1250 га ауданы аумақта кемінде 50 дана ағаштардан тұратын жасыл аумақ;
15) жасыл екпелер - Қазақстан Республикасының азаматтық заңнамасына сәйкес жылжымайтын мүлік болып табылатын және қаланың бірыңғай жасыл қорын құрайтын шығу тегi табиғи және жасанды отырғызылған ағашты-бұталы және шөптесін өсімдіктер;
16) Астана қаласының жасыл белдеуі - Астана қаласының аумағын қоршаған және қорғау, санитарлық-гигиеналық, мәдени-сауықтыру, оңалту және туристік қызметтерді орындайтын арнайы мақсаттағы көгалдандырылған аумақ;
17) жасыл құрылыс - қалада, өнеркәсіптік және басқа объектілерде жасыл екпелердің ауданын құру, сақтау және ұлғайту жөніндегі іс-шаралар жүйесі;
18) Астана қаласының жасыл қоры - Астана қаласының әкімшілік аумағы шегінде жалпы, шектеулі және арнайы пайдаланудағы көгалдандырылған аумақты қамтитын жасыл екпелер аумағының жиынтығы;
19) жалпы пайдаланудағы жерлер - алаңдар, көшелер, жаяу соқпақтар, өтпе жолдар, жағалаулар, саябақтар, бақтар, қала ормандары, желек жолдар, суаттар, жағажайлар, зираттар және халықтың мұқтажын қанағаттандыратын өзге де объектілердің (жалпы пайдаланылатын инженерлік жүйелер) алып жатқан жерлері;
20) жасыл екпелерді түгендеу - жасыл екпелердің сандық және сапалық мінездемесін жан-жақты сипаттаумен, көгалдандыру объектілерін есепке алу бойынша кешенді іс-шаралар, сондай-ақ жоспарлы негізде көгалдандырудың әрбір элементін кескіндемелік бейнелеу;
21) коммуналдық қалдықтар - елді мекендерде, оның ішінде адамның тіршілік етуінің нәтижесінде қалыптасқан тұтыну қалдықтары, сондай-ақ құрамы мен қалыптасу сипаты бойынша оларға жақын өндіріс қалдықтары;
22) өтемдік отырғызу - жойылған немесе зақымдалған жасыл екпелердің орнына жасыл екпелерді отырғызу;
23) контейнер - коммуналдық, қатты тұрмыстық қалдықтарды жинауға арналған стандартты ыдыс;
24) ) объекті (екпе) жағдайының (тіршілік қабілетінің) коэффиценті (бұдан әрі - ОЖК) - кесуге ұсынылған объектінің тіршілік қабілетін ескеретін, жасыл екпелердің сапалық жай-күйі, оның одан әрі өмір сүруінің әлеуетті қабілеті;
25) iрі габаритті қалдық (бұдан әрі - ІКҚ) - тұтыну қасиеттерін жоғалтқан, көптеген әртүрлі заттардың қалдықтары (тұрмыстық және ас үй техникасы, жиһаз, үй тұрмысының ірі көлемді басқа заттары, аумақты абаттандыру кезінде кесілген ағашгтар мен бұтақтар, құрылыс қалдықтары және т.б.).
26) жасыл алқаптардағы ландшафты кесу - қураған, фаутты, төмен декоративтік және рекреациялық әсерге төзімділігі нашар, ағаш сапасын жақсарту үшін басты жоғары декоративті тұқымның дамуына кедергі болатын ағаштар мен бұталарды кесу;
27) жасыл екпелерді орман патологиялық зерттеу - зиянкестердің (жәндіктердің) болуына арнайы зерттеу, ауру белгілері мен ошақтарының болуын, дің, тамыр жүйесі және бөрікбастың саңырауқұлақ аурулармен зақымдану белгілерін анықтауға арналған арнайы тексеру;
28) шағын сәулеттік нысандар - сәндік сипаттағы және іс жүзінде пайдаланылатын объектілер (мүсiндер, субұрқақтар, барельефтер, гүл құмыралары, сауда павильондары, күркелер, отырғыштар, құтылар, балалар ойындары және ересектердiң демалысына арналған жабдықтар мен конструкциялар);
29) қоқыс тасушы ұйым - сұрыптауды, залалсыздандыруды және кейіннен жойылатын етіп коммуналдық қалдықтарды қайта өңдеуді жүзеге асыратын мамандандырылған кәсіпорындармен шарттық қатынастары бар коммуналдық қалдықтарды мамандандырылған көлікпен шығаруды жүзеге асыратын ұйым;
30) сынап шамдар мен құралдардың жиналуы - белгіленген тәртіпте өңделген сынап шамдары мен құралдардың рұқсат етілген көлемін жеке тұлғалардан басқа сынап шамдары мен құралдарды тұтынушылардың сақтауы;
31) қоқыстың рұқсат етілмеген жиналуы - оларды өз бетінше (рұқсат етілмеген) шығару (орналастыру) немесе үю нәтижесінде пайда болған өндіріс және тұтыну қалдықтарының жиналуы;
32) қалдықтармен жұмыс істеу - қалдықтардың пайда болуының алдын алуды және азайтуды, есепке алу мен бақылауды, қалдықтардың жиналып қалуын, дұрыс жинауды, өңдеуді, қайта кәдеге жаратуды, жоюды, залалсыздандыруды, тасымалдауды, сақтауды (жинап қоюды) және жоюмен байланысты қызмет түрлері;
33) көгалдандырылған аймақ - табиғи жолмен өнiп шыққан өсiмдiктер шыққан, жасанды жолмен жасалған бау-саябақ кешендерi және объектiлер, желек жолдар, бақтар, гүл бақтары, гүлбақшалар орналасқан жерлерге арналған жер аумақтары;
34) жалпы пайдалануғы көгалдандырылған аймақ - қала тұрғындарының демалысы үшiн арналған аймақ (қалалық ормандар, орман-бақтар, бақтар, саяжайлар, саябақтар, желекжолдар);
35) шектеулі пайдаланудағы көгалдандырылған аймақ - тұрғын үй құрылысының, емдеу, балаларға арналған оқу және ғылыми мекемелерінің, өнеркәсіптік кәсіпорындар, спорт кешендерінің аумағы;
36) арнайы мақсаттағы көгалдандырылған аймақ - көгалдандырылған санитарлық-қорғаныс, су қорғау, мелиоративтiк-қорғаныс, өрттен сақтану белдеуi, зираттар, автокөлiк және темiр жол бойындағы екпелер, ботаникалық, зоологиялық және жемiс бақтары, тәлiмбақтар, гүлдiк-оранжереялық шаруашылық аймақтар;
37) жасарту - қаңқалы және жартылай қаңқалы бұтақтарды өте қатты қысқарту, бүршіктерді сирету және реттеу, ересек ағаштарда кемінде 3,5 м биіктікте, төбелер мен бұтақтардың кебу салдарынан өзінің декоративтік сапасын жоғалтқан сау ағаш діңімен жасарту үшін ағаш діңін кесу;
38) ұйым - жүргізілетін жұмысқа қажетті қызметті жүзеге асыратын, материалдық және білікті еңбек ресурстары бар жеке кәсіпкерлік субъектісі немесе дауыс беретiн акцияларының (жарғылық капиталға қатысу үлестерінің) елу және одан астам пайызы мемлекетке тиесiлi заңды тұлға және олармен үлестес заңды тұлғалар;
39) бөлінген аумақ - Қазақстан Республикасының заңнамасымен қарастырылған уәкілетті органдар шешіміне сәйкес қолдану, иелікке немесе жер пайдаланушыға (кәсіпорын, мекеме, жеке тұлғаға және т.б.) оған тиісті нысандарын орнату үшін берілген жер участкесі;
40) пайдаланылған сынап шамдары мен құралдары - құрамында сынап бар қалдықтар, пайдаланып істен шыққан, кәдеге жаратуға жарамды жарық беру құралдары мен электро шамдары, құрамында 0,01 пайыздан кем емес сынап бар құралдар;
41) өндірістік және тұтыну қалдықтары (одан әрі - қалдықтар) - өндіру және тұтыну кезінде пайда болған шикізат, материалдар, жартылай өңделген өнімдердің, басқа да бұйымдар мен тағамдардың қалдықтары, сондай-ақ өздерінің тұтыну қасиеттерін жоғалтқан тауарлар (өнімдер);
42) қорғау куәлiгi - көгалдандырылған аймақтарды иеленушiлерге (жалға алушыларға) жасыл желектердi қорғау жөнiндегi Уәкiлеттi органмен есеп жүргiзу объектiсiнiң төлқұжаты негiзiнде беріледі;
43) аумақтарды абаттандыру паспорты - объектілерге тексеріс жүргізу нәтижелері бойынша құрастырылған және аудан әкімімен бекітілген, абаттандыру және санитарлық жабдықтау жұмыстарын ұйымдастыру үшін қажет болып табылатын объектінің техникалық, идентификациялық сипаттамалары көрсетілген бекітілген нысанды құжат;
44) қайта есептеу ведомості - жасыл желектердің жағдайының жалпы сипаттамасын беретін ағаштар мен бұталардың саны туралы ведомость;
45) өтемдік (кепілдік) отырғызу жоспары - рұқсат етілген санитарлық кесуге, мәжбүрлі кесуге немесе рұқсат етілмей кесуге ұшыраған, оның ішіне сандық бөлігі, тұқымдық құрамы, көлемі, отырғызудың күнтізбелік мерзімі, сонымен қатар жобалық негізге байланған отырғызғылардың орналасуының кескіндік сызбасы кіретін жасыл желектердің көлемін бірдей өтейтін ағаштарды отырғызу жоспары;
46) жасыл екпелердің зақымдануы - ағаштың ұшар басына, дiңiне, сүректi-бұта өсiмдiктерiнiң бұтақтарына, олардың тамыр жүйесiне, өсу процесiнiң тоқтауына, шөптесiн өсiмдiктердiң тамыр жүйесiне және жер бетiндегi бөлiгiнiң зақымдануына зиянды әсерiн тигiзедi. Бұтақтардың, тамыр жүйесiнiң, қабық тұтастығының бұзылуы, топырақтың тiршiлiк қабаты тұтастығының бұзылуы, жасыл екпелердің ластануы, не тамыр аумағындағы топырақтың зиянды заттармен ластануы, өртеу және басқа да зиянды әсерлерден зақымдануы - механикалық зақымдану болып табылады;
47) іргелес жатқан аумақ - тікелей ғимараттар, орын-жайлар, қоршаулар, құрылыс алаңшаларының, сауда, жарнама объектілеріне және заңды немесе жеке тұлғалардың теңгеріміндегі меншігінде, иелігінде, жалға алып пайдаланылуындағы басқа объектілер шекараларына (периметрі бойынша 5 м шекарадағы) жанасып жатқан аумақ;
48) өту жолдары, өтетін жер - тұрғын үйлер мен қоғамдық ғимараттарға, мекемелерге, кәсіпорындарға және басқа да аудандар, шағын аудандар, орамдар ішіндегі қалалық құрылыс объектілеріне көлік құралдарының кіруін қамтамасыз етуші жол элементі;
49) бұзылған көлік - негізгі тораптар мен агрегаттар, шанақ бөлшектері, тиеу, шыны және доңғалағы жоқ, оларды сәйкестендіруді мүмкін емес етіп тұрған терең коррозияға ұшыраған көлік;
50) Астана қаласындағы жасыл екпелердің тiзiлiмi - Астана қаласы аумағындағы жасыл екпелердің саны, реңдiк құрамы, түрi туралы мәлiметтер жиыны;
51) күту тәртібі - ауа райының өзгеруіне уақтылы әрекет ету мақсатында жұмыс орнында болу мен күту (техникалар, жұмысшылар) кезеңі;
52) санитариялық-қорғаныш аймағы - арнайы мақсаттағы аймақтарды, сондай-ақ елді мекендегі өнеркәсіп ұйымдары мен басқа да өндірістік, коммуналдық және қойма объектілерін жақын маңдағы селитебті аумақтардан, тұрғын үй-азаматтық мақсаттағы ғимараттар мен құрылыстардан оларға қолайсыз факторлардың әсер етуін азайту мақсатында бөліп тұратын аумақ;
53) санитарлық кесу - апаттық жағдайларды туындататын (электрлік желі, газ құбырлары үстінде жататын, ғимарат жабындысын бұзатын, жол қозғалысы қауіпсіздігіне қауіп туындататын) ауру, кепкен, қураған және зақымданған бұтақтарды жою;
54) санитариялық тазарту - мақсаты елді мекенде халықтың тіршілік әрекеті нәтижесінде пайда болатын қалдықтарды жинау, жою және залалсыздандыру болып табылатын іс-шаралар жүйесі;
55) таңдаулы санитарлық кесу - құрғақ, өлі, жел құлатқан, қар құлатқан барлық жастағы ағаштар мен бұталарды кесу, сонымен қатар тамыр ысқышпен, орақпен және басқа да саңырауқұлақ аурулармен зақымданған ағаштарды кесу;
56) жаппай санитарлық кесу - жасыл алаптарда, саябақтарда, шағын гүлбақтарда жел құлатқан, қар құлатқан, қураған және ауру ағаштардың үлкен көлемі бар (40 %) белгілі бір ауданда өткізілетін ағаштар мен бұталарды кесу;
57) жеке тұлғалардың аралас аумағы - қалалық аумақтың ортақ пайдалану жерлерімен шекаралас жасыл екпелер өсетін, жеке тұлғалардың иелігіндегі аумақтардың учаскесі;
58) жолдарды күтіп ұстау - нәтижесінде автомобиль жолдарын пайдалану ережелерінің талаптарына сәйкес келетін жол мен жол құрылғыларының көліктік-пайдалану жағдайны сақтайтын жұмыстар кешені;
59) жасыл екпелерді күтіп-ұстау және қорғау - жасыл екпелерді, көгалдандырылған аумақтар мен жасыл алаптарды құруға, сақтауға және қайта өсіруге (оның ішінде жойылған немесе зақымдалған жасыл екпелерді өтемдік қалпына келтіруге) бағытталған құқықтық, әкімшілік, ұйымдастырушылық және экономикалық шаралар жүйесі;
60) жасыл екпелерді сақтау - абаттандыру мен құрылыс жұмыстарына енетін жасыл желектердің аса құнды тұқымдарын сақтауға бағытталған кешенді іс-шаралар;
61) арнайы ұйым - қажетті материалдық және еңбек ресурстары бар белгілі бір қызметті орындауға мамандырылған заңды тұлға;
62) арнайы коммуналдық қорғалатын тұрақ - осы Қағидаларды және Қазақстан Республикасының басқа да нормативтік құқықтық актілерін бұзғаны ұсталған көліктер құралдарын, аз мөлшерлі ыдысты сақтауға арналған тұрақ;
63) құрылыс қалдықтары - ғимараттарды, құрылғыларды, өнеркәсіптік объектілерді, жолдар мен инженерлік коммуникацияларды көшіру, бұзу, қайта жаңарту, жөндеу (соның ішінде күрделі) мен салу үдерісінде пайда болған қалдықтар;
64) қатты тұрмыс қалдықтары (бұдан әрі - ҚТҚ) - қатты формадағы коммуналдық қалдықтар;
65) көгалдандыру резерві аумағы - Астана қаласын дамытудың Бас жоспарына сәйкес қаланың жасыл қорын дамытуға арналған қолайсыз аумақтар;
66) техникалық қадағалау - жобада белгіленген жұмыс өндірісінің құнын, мерзімін, көлемі мен сапасын нақты сақтауды қамтамасыз ету мақсатында жүзеге асырылатын сараптамалық-тексеру іс-шараларының кешені;
67) жаяужолдар - жаяу жүргіншілердің жүруіне арналған, жолға жалғасып жатқан немесе одан гүл бақтарымен немесе арық жүйесімен бөлініп жатқан жолдың бөлшегі;
68) жасыл екпелерді жою - олардың жойылуына алып келген жасыл екпелердің зақымдалуы;
69) уәкілетті орган - табиғатты пайдалануды реттеу мен тұрмыс-коммуналдық шаруашылық саласындағы қызметті жүзеге асыратын жергілікті атқарушы орган;
70) жасыл желектерді қорғау бойынша уәкілетті орган - жасыл екпелерді күтіп-ұстау және қорғау бойынша жұмысты ұйымдастыру мақсатында табиғатты пайдалануды реттеу саласында функцияларды жүзеге асыратын әкімдіктің атқарушы орган (бұдан әрі - атқарушы орган);
71) есеп жүргiзу объектiсi - тағайындалған шегi бар және жауапты иеленушiлер - мекемелерге, ұйымдарға, кәсiпорындарға немесе жеке тұлғалардың меншiгiне немесе жалға берiлген жер учаскелерi;
72) бөрікбасты түзу - жеке ағаштар, бұталар және қалыптауға келетін желілі желектердің бүршіктері мен бұтақтарын белгілі бір эстетикалық нысанға келтіру мақсатында кесу.
2. Жасыл екпелерді күтіп-ұстау және қорғау.
§ 1. Жасыл желектерді күтіп-ұстау және қорғау
5. Республикалық және жергілікті маңызы бар ерекше қорғалатын табиғи аумақтарда, жеке тұрғын үй және жеке меншік қосалқы шаруашылық аумақтарында, саяжай учаскелерінде және коммуналдық қызметтердің қарауына жататын зираттардың учаскелерінде өсетін жасыл екпелерді қоспағанда барлық жасыл екпелер бiрыңғай жасыл қорды құрайды және қорғалуға жатады.
6. Азаматтар, лауазымды және заңды тұлғалар, жасыл екпелердің қорғау жөнiндегi шараларды жүзеге асыруы, жасыл екпелердiң зақымдалуына немесе жойылуына әкелiп соғатын заңсыз әрекеттерге немесе әрекетсiздiкке жол бермеуі тиіс.
7. Тұрғын үй және қоғамдық құрылыс объектілерінің меншік иелері, жалға алушылар шектеулі пайдаланымдағы іргелес аумаққа көгалдандыру жүргізуге міндетті.
8. Жасыл екпелер орналасқан жер учаскелерінің меншік иелері, жалға алушылар олардың жай-күйіне бақылау жүргізуді жүзеге асыруы, жасыл екплерді қанағаттанарлық жағдайын және қалыпты дамуын қамтамасыз етуі тиіс. Агротехникалық іс-шараларды жүргізумен байланысты жасыл екпелерді күтіп-ұстау бойынша жұмыстарды мамандандырылған ұйымдармен жүзеге асырылады.
9. Жобалау, құрылыс және шаруашылық қызметтерi, Қазақстан Республикасы заңнамасымен және осы Қағидалармен белгіленген жасыл екпелерді қорғау жөнiндегi талаптардың сақталуымен жүзеге асырылады. Жоба алды және жобалық құжаттамалар құрылыс, шаруашылық және басқа да қызметтердi ұйымдастыру, жасыл екпелердің жай-күйi туралы толық және нақтыланған мәлiметтерді қамтуы тиiс, ал жобалық құжаттама, бұдан басқа, жасыл екпелердің жобаланатын объектiлер әсерiнiң толық бағасын қамтуы тиiс.
10. Жасыл екпелердің тiршiлiк әрекетiн қамтамасыз етумен үйлеспейтін көгалдандырылған аймақтарды және жасыл алаптарды пайдалануға жол берілмейді. Қала аймағы көлемiнде орналасқан жасыл алаптар, құрылыс салуға жатпайды. Көгалдандырылған аймақтарды дамыту, ұзақ мерзiмдi кешендi көгалдандыру сызбасына сәйкес жүргiзiледi.
11. Жалпы пайдаланудағы көгалдандыру объектiлерiнде құрылысты (саябақтарда, бақтарда, гүл бақтарында, бульварларда), сондай-ақ жалпы пайдаланудағы екпелердi жасауға арналған жер учаскелерінде орналастыру, олардың тiршiлiк етуiн және қызмет көрсетуiн қамтамасыз етуге арналған құрылыстарды қоспағанда, жол берілмейдi.
12. Еңбектен кейiнгi демалыс, әлеуметтiк және мәдени-тұрмыстық инфрақұрылымның күрделi емес (уақытша) объектiлерiн орналастыру мақсатында саябақтардың, бақтардың, гүл бақтарының, желек жолдардың, жүргiншi саяжолдарының бөлек учаскелері сатып алу құқығынсыз жалға берiлуi мүмкiн.
13. Жалпы пайдаланудағы көгалдандырылған аймақтарды жалға беру кезiнде, жасыл екпелерді сақтау қамтамасыз етiлуi тиiс.
14. Жалпы пайдаланудағы көгалдандырылған аумақтар Астана қаласының коммуналдық меншігінде болады, сондай-ақ жерге құқық субъектілеріне байланысты республикалық және жеке меншікте болуы мүмкін. Қазақстан Республикасының қолданыстағы заңнамасына сәйкес жалпы пайдаланымдағы көгалдандырылған аумақ шекарасындағы жер учаскелерін шаруашылық пайдалану бойынша меншік иелерінің, жерді иеленушілердің, жалға алушылардың құқықтары шектеледі.
15. Жалпы пайдаланымдағы көгалдандырылған аумақтардың жер учаскелеріне тұрақты жер пайдалану құқығы Қазақстан Республикасының қолданыстағы заңнамасына сәйкес тиісті аудан әкімдерінің аппараттарына ресімделеді. Астана қаласының санитарлық-қорғау аймағы жасыл белдеуінің жер учаскелеріне тұрақты жер пайдалану құқығы Қазақстан Республикасының қолданыстағы заңнамасына сәйкес жасыл екпелерді қорғау жөніндегі уәкілетті органға ресімделеді.
16. Жалпы пайдаланымдағы көгалдандырылған аумақпен қамтылған жерлер айналымнан шығарылады. Жалпы пайдаланымдағы көгалдандырылған аумақтың жекелеген учаскелері қоршаған ортаны қорғау жөніндегі мемлекеттік уәкілетті органмен келісім бойынша егер ұсынылған қызметтер жалпы пайдаланымдағы көгалдандырылған аумақты құру саласындағы нормативтік құқықтық актілерге қайшы келмесе және жасыл екпелердің қалыпты өмір тіршілігін қамтамасыз етуге кедергі болмайтын болса, келушілерге үздіксіз қызмет көрсетуді ұйымдастыру мақсатында сатып алу, қосалқы жалға беру, кепілге қою құқығынсыз жалға беріледі.
17. Шектеулi пайдаланулағы көгалдандырылған аймақтар тұрғын үй қоры меншiк иелірінің, басқа да меншiк иелерінің және жалға алушылардың иелiгiнде болады.
18. Шектеулi пайдаланудағы көгалдандырылған аймақтар, азаматтармен және заңды тұлғалармен тұрғын және қоғамдық құрылыс салу объектiлерiн орналастыру үшiн пайдаланатын аймақтарда орналасқан айналымда болады және бекiтiлген қала құрылысы құжаттамаларына сәйкес сатып алу құқығымен жалға, қосалқы жалгерлікке кепiлдікке берiлуi мүмкiн.
19. Арнайы мақсаттағы көгалдандырылған аймақ шекарасындағы жер учаскелерi және олардың қорғаныс аймағы меншiк иелерінен және жалгерлерден алып қойылмайды. Қазақстан Республикасының қолданыстағы заңнамасына сәйкес арнайы мақсаттағы көгалдандырылған аймақ шекарасындағы жер учаскелерін шаруашылықта пайдалану жөнiнен меншiк иелерінің, жер иеленушiлердiң, жердi пайдаланушылардың құқықтары шектеледi.
20. Арнайы мақсаттағы көгалдандырылған аймаққа белгiленген жерлер, айналымнан босатылады. Айрықша күзетiлетiн табиғат аймақтарының жекелеген учаскелері қоршаған ортаны қорғау жөнiндегi мемлекеттiк өкiлеттi органдардың келiсiмi бойынша сатып алу құқығысыз жалға, қосалқы жалгерлліке, кепілдікке демалысына қызмет көрсетудi ұйымдастыру мақсатында кепiлдеу, егер ұсынылған қызметтер көгалдандырылған арнайы аймақты жасау мақсатына қарсы келмеген жағдайда және күзетiлген табиғи кешендерге және объектiлерге зиянын келтiрмеген жағдайда берiлуi мүмкiн.
21. Көгалдандыру жөнiндегi жұмыстың барлық түрлерiн, белгiленген тәртiпте бекітілген жобалар бойынша, жұмысшы сызбаларына сәйкес орындау қажет. Көгалдандыру және абаттандыру жұмыстарын жүргiзу кезiнде жоба авторлары орындалатын жұмыстардың бекiтiлген жобаларға, жұмыс сызбаларына сәйкестiгiн және сапалылығын бақылауы тиiс.
22. Жасыл екпелерді күтіп-ұстау көгалдандыру бойынша жұмыстардың негізгі түрлерін қамтиды:
1) жасыл екпелерді отырғызу;
2) ағаштардың діңгек қуысын орнатумен қыртыстарды қопсыту, ағаштарды ақтау;
3) гүлдерді, көгалдарды орналастыру, арамшөптерді отау, шөптерді шабу;
4) барлық вегетациялық кезеңде жасыл екпелерді суару;
5) жасыл екпелерді қырқу, қайта отырғызу, кесу (апаттық, құрғаған, жасамыс ағаштарды және бұтақтарды санитариялық кесу);
6) тыңайтқыштарды салу;
7) жасыл екпелердің зиянкестерімен және ауруларымен күресу.
23. Қағидалардың күші қолданыстағы жеке тұрғын үйдің аумағына, азаматтардың саяжай учаскелеріне және қаланың коммуналдық қызметтерінің қарамағындағы зираттардың учаскелеріне және республикалық және жергілікті маңызы бар ерекше қорғалатын табиғи аумақтарға қолданылмайды.
24. Санитарлық кесу, мәжбүрлі кесу, бөрікбасты түзу, жасарту және жасыл желектерді қайта отырғызу республикалық және жергілікті маңызы бар ерекше қорғалатын табиғи аумақтардан басқа, олардың өз қалауы бойынша ортақ табиғат пайдалану тәртібінде, рұқсат беруді ресімдеусіз жүзеге асырылады.
§ 2. Азаматтардың және жасыл екпелер меншік иелерінің (жалгерлердiң) құқықтары
25. Азаматтар:
1) бақтарда, саябақтарда, гүл бақтарында еркiн жүруге, жасыл желектер орын алған мемориалдық кешендерде және басқа да аймақтарда өздерiнiң мәдени-сауықтыру және эстетикалық қажеттiлiгiн қанағаттандыру, қыдыру, спортпен айналысу үшiн және басқа да мақсаттарда, осы Қағидалардың талаптарын сақтай отырып, пайдалана алады. Қала жұртшылығының көгалдандырылған арнайы және айрықша қорғалатын табиғи аймақтарының жекелеген учаскелерін пайдалануға, Қазақстан Республикасының қолданыстағы заңнамасына сәйкес, жартылай немесе толық шек қойылуы мүмкiн;
2) қаланың жасыл қорын болашақта дамыту және сақтау шаралары,
жай-күйi туралы нақты мәлiметтер алуға;
3) көгалдандыру құрылысы жобаларын талқылауға, сондай-ақ баламалық жобаларды өңдеуге қатысуға;
4) iске асырылуы қаланың жасыл қорына зиян келтiруi мүмкiн жобалық құжаттамасына қоғамдық экологиялық сараптама жүргiзуге бастамашылық етуге;
5) қаланы, ауданды, ауланы көгалдандыру, көгалдандырылған аймақтарды санитарлық тазарту бойынша iс-шараларға қатысуға құқылы.
26. Көгалдандырылған аймақтардағы жеке және заңды тұлғалар, меншік иелері және жалға алушылар:
1) жасыл екпелердi сақтауға және бiлiктi күтiммен қамтамасыз етуге;
2) жасыл желектердiң кадастырн жүргізетін уәкiлеттi органға белгiленген нысан бойынша жасыл екпелердi түгендеу материалдарындағы өзгерiс туралы (бұзу, жаңарту, қайта отырғызу, отырғызу) ақпараттарды жыл сайын берiп отыруға;
3) уәкілетті органының нұсқаулық-әдістемелік нұсқауларына сәйкес, барлық агротехникалық шаралар кешенін тұрақты жүргізу, оның ішінде гүлзарлар, ағаштар мен бұталарға су құю, арамшөптер, зиянкестер және аурулармен күрес жүргізу, жасыл екпелерді түзеу және жасарту, гүлзарларды күзеу;
4) өзiнiң жеке қаражаты есебiнен қала құрылысы, экологиялық, санитарлық-гигиеналық нормаларға сәйкес жасалған, бекітілген дендрологиялық жобалар бойынша бекiтiлген аймақтардағы жасыл екпелерді кезектi жөндеу және көгалдандыру жүргiзу;
5) жасыл екпелерді жою (қайта отырғызу) Қағидалардың талаптарымен белгіленген тәртiпте ресiмдеуге;
6) ағаштарды жасартып қию, ағаш-бұталарды бөрікбастарды қалыптастыру, іріктемелі және жаппай санитарлық кесуді уәкілетті органның және тиісті аудан әкімінің хабарламасына сәйкес жүргізуге;
7) қорғаныс аймағындағы тоқ өткiзетiн сымдарды (1 м радиуста), сонымен қатар көше көрсеткiштерiн және үйлердiң нөмiрлiк белгiлерiн жауып тұрған бұталарды қырқуды уақтылы жүргiзу, бұталарды қырқу, электр желiлерi иесiнiң келiсiмiмен және олардың жұмыс технологиясының сақталуын бақылау арқылы, кесте бойынша жүргiзiледi;
8) аймақтың санитарлық тазартуын, сынған ағаштар және бұталарды жоюды жүргізуге;
9) көгалдандыру объектiлерiнде сутоған бар болған кезде, оларды тазалықта ұстау және оларды кем дегенде 10 жылда бiр рет күрделi тазартуды жүргiзуге;
10) бақтарды, саябақтарды, гүл бақтарын, бульварларды аралаған кезде жасыл екпелердi қорғау жөнiндегi талаптарды сақтауға;
11) көшелер мен алаңдарды тазалау үшін роторлы машиналарды қолдану, машиналарда қардың (қар салмағының) желектерге түсуіне жол бермейтін арнайы бағыттайтын құрылғылары бар болған кезде жүзеге асырылатын жағдайды қоспағанда, жасыл екпелерге қарды тастау үшін роторлы қар тазалау машиналарын пайдаланбауға;
12) ағаштарға зиянын келтіруі мүмкін заттарды (аспалы төсектерді, әткеншекті, кір жаятын жіптерді, жарнама қалқандарын, электр сымдарын, электр және жалаушалы гирляндаларды, тікенекті сым) ілуге, бекітуге жол бермеуге;
13) құрылыс-монтаждау жұмыстарын жүргізу кезінде осы учаскеде сақталуға жататын барлық жасыл екпелер олардың қорғау тиімділігін қамтамасыз ететін механикалық және басқа зақымдалулардан арнайы қорғаныс қоршауларымен сақталады;
14) қаланың өтетін жолдарына, алаңдарға, аулалар мен жиекжолдарға төсем салу және асфальт төсеу кезінде, кейіннен темір бетон шарбақты орнатумен немесе діңнің айналасындағы топырақтың нығыздалуының алдын алатын басқа да жабынды жабуымен, ағаштың айналасынан диаметрі кемінде 2 м болатын бос кеңістік қалдыруға;
15) кабель, кәріздік құбырлар және басқа да қондырғылар орнату кезінде траншея қазуды ағаштан діңнің қалыңдығы 15 см дейін екі метрден кем болмайтын қашықтықта, діңнің қалыңдығы 15 см аспайтын - 3 (үш) м кем емес қашықтықта, шеткі қаңқа бұтағының негізінен қашықтықты есептей отырып, бұтадан 1,5 метрден кем емес қашықтықта жүргізу қажет;
16) өсіп тұрған екпелер ауданында жолдар, жиекжолдар және басқа да орын-жайларды қайта жаңарту және салуда, оларды төмендету немесе биіктету кезінде, тігінен белгілерді қолданыстағы белгілерінен 5 см артық өзгертуге жол бермеуі тиіс.
27. Ағаштарды жасарту және қалың өскен ағаштарды сирету жұмыстары вегетация басталғанға дейін немесе кеш күзде жүргізіледі.
28. Жасыл екпелерді қайта отырғызу жыл ішінде арнайы қайта отырғызу технологиясы сақталған жағдайда жүзеге асырылады. Жапырақты және қылқан жапырақты ағаштардың тиімді ұласып өсуі мақсатында оларды күз түскен кезеңнен бастап көктемнің бас кезіне дейін отырғызу ұсынылады.
29. Жасыл екпелер орын алған жер учаскелерін сату, сатып алу, сыйға беру, жалға беру және Қазақстан Республикасының жер заңнамасымен қарастырылған басқа да жер айналымы нысанымен жасыл екпелерді күтiп-ұстау және қорғау құқығы басқа меншiк иесiне, жалға алушыға өтедi.
30. Көгалдандырылған аймақтардың жер айналымын куәландыратын құжаттамалар, уәкiлеттi органмен келiсуге жатады.
31. Жасыл екпелерді күтiп-ұстауға арналған күзет куәлiгi, ал жекелеген жағдайларда аймақтарды көркейту және тазалау шарты, жасыл екпелер орналасқан жер телiмдерiне құқық белгiлейтiн құжаттар ресiмделгенге (қайта ресiмдеуге) дейiн жасалады.
§ 3. Уәкілеттi органның өкiлдiгi
32. Уәкiлеттi органның құзырына:
1) жасыл екпелердің тізілімін қала аудандары әкімдерінің аппараттарынан алынған мәліметтерді жинақтау арқылы жүргізу;
2) жасыл екпелер орын алған жер учаскелерін пайдалануға рұқсат беру (беруден бас тарту) туралы шешiмдердi қабылдау;
3) жасыл екпелерді бұзуға, қайта отырғызуға рұқсат беру;
4) кепілдік өтемдік отырғызулар және жасыл желектерді күтіп-баптау жұмыстарының жүргізілуін бақылауды ұйымдастыру кіреді.
§ 4. Жасыл екпелердің есебiн жүргiзу,
күтiп-ұстау және қорғау
33. Астана қаласындағы жасыл екпелердің есебiн жүргiзу, олардың санын, түрлiк құрамын және жай-күйiн анықтау мақсатында, есеп жүргiзу объектiсiнiң шегiнде орналасқан жасыл екпелерді түгендеу арқылы жүзеге асырылады.
34. Жасыл екпелерді түгендеу және басқа да түрлi тексерулер, белгiленген тәртiппен белгіленген нұсқаулық-әдiстемелiк құжаттарға, әр ағаш бойынша есеп жүргiзу, контуры бойынша қайта санау, есеп жүргiзу объектiсi шекарасында орналасқан жасыл екпелердің құрылымдық бөлшектерiнiң күрделiлігiне байланысты баға кесу әдiстерiне сәйкес жүргiзiледi.
35. Жасыл екпелердің есебiн жүргiзу:
1) Астана қаласы аумағындағы жасыл екпелердің сандық және сапалық сипаттамалары туралы нақты мәлiметтер алу;
2) жауапты иеленушiлердiң көгалдандырылған аймақтардағы жүзеге асырылған қызметтерiнiң аумақтық белгiленген функционалдық мақстана сәйкестiгiн анықтау;
3) қала аймағындағы жасыл екпелердің жай-күйiн талдау;
4) Астана қаласының көгалдандырылған аймақтарын ұтымды пайдалануды ұйымдастыру үшiн ақпараттық база құру мақсатта жүргiзiледi.
36. Жасыл екпелердің барлық түрлері есепке алынуға жатады: ағаштар, бұталар, гүлзарлар, гүлбақшалар. Жасыл екпелерге зерттеу жүргізуді агротехникалық іс-шаралар жүргізу жөніндегі мамандандырылған ұйымдар жүзеге асырады.
37. Жасыл екпелердің есебiн жүргiзу нәтижесiн көрсететiн құжат - бекiтiлген нысан бойынша Қағидаларға 1-қосымшаға сәйкес жасалған есеп жүргiзу объектiсiнiң төлқұжаты болып табылады.
38. Есеп жүргiзу объектiсiнiң төлқұжаты 5 жылда 1 рет жоспарлы жаңартуға жатады.
39. Жауапты иеленушi өзiне тиiстi жер учаскесіндегі жасыл екпелердің есебiн жүргiзудi ұйымдастырады және алынған мәлiметтердi есеп объектiсi төлқұжатына түсiрудi қамтамасыз етедi.
40. Есептік объектінің паспорты жауапты меншік иесімен бекітіледі және Астана қаласының тиісті ауданы әкімі аппаратының өкілімен және уәкілетті органымен келісіледі.
41. Белгiленген тәртiпте жасалған есеп жүргiзу объектiсiнiң паспорты, жауапты иеленушi арқылы осы Ережелердің 2-қосымшасына сәйкес Астана қаласының тиiстi ауданының әкімі аппаратына, жасыл желектердiң тiзiмдемесiне мәлiметтердi жинау үшiн берiледi.
42. Резервтегi аймақтарға есеп жүргiзу объектiсiнiң паспорты, жасыл екпелерді зерттеу негiзiнде талаптарға сәйкес жасалынады.
Көрсетiлген паспорттардың мәлiметтерi, аудандардың Жасыл екпелер тiзiлiмiне белгiленген тәртiпте жинақталады.
43. Астана қаласының жасыл екпелер тiзiлiмi:
1) Астана қаласындағы жасыл екпелердің саны және жай-күйi туралы нақты кешендi ақпараттар алу;
2) Астана қаласындағы жасыл екпелердің саны және жай-күйiнiң мониторингiн жүргiзу;
3) қалалық саясаттың, қаланың көгалдандырылған аймақтарын қорғау, сақтау және даму аумағындағы негiзгi бағытын анықтау;
4) жасыл екпелерді қорғаудың, сақтаудың және дамытудың ең тиiмдi тәсiлдерін әзірлеу;
5) қаладағы жасыл екпелердің саны және жай-күйi туралы халықты, үкiмет және басқару органдарын анық ақпараттармен қамтамасыз ету мақсатында жүргiзiледi.
44. Тiзiлім, есеп жүргiзу объектiлерiнiң төлқұжаттарында мазмұндалған, сондай-ақ қаланың иесiз және резервтегi жерлерiнде (бұдан әрi - жасыл екпелер туралы мәліметтер) орналасқан жасыл екпелерді түгендеу нәтижесiнде алынған ақпараттар негiзiнде жүргiзiледi.
45. Жасыл екпелердің тізілімін жүргізу бойынша жұмыстарды ұйымдастыру аудан әкімдері аппараттарымен жердің қызметтік тағайындауы бойынша топтаумен белгіленген нысан бойынша оларға ведомтстволық бағынысты көгалдандырылған аумақтың шекараларында жүргізіледі.
46. Жасыл екпелердің тiзiлiмi, жасыл желектердi қорғау жөнiндегi уәкiлеттi органның қалалық ақпараттар жүйесiне одан арғы мәлiметтер жиыны үшiн өткiзiледi.
47. Астана қаласы аудандарының әкiмдерi аппаратына және уәкiлеттi органға қарасты көгалдандырылған аймақтарда орналасқан - Жасыл екпелер тiзiмдемесi мәлiметтерiн жаңарту 2 жылда 1 рет жүргiзiледi.
48. Қорғау және күтiп-ұстау:
1) бау-бақшалар, саябақтар, гүл бақтары, желек жолдар, жүргінші саяжолдары уәкілетті органға, аудандар әкімдерінің аппараттарына, мамандандырылған коммуналдық кәсіпорындарға, сондай-ақ көгалдандырылған аумақтардың меншік иелері мен жалға алушыларына жүктеледі;
2) мәдени және демалыс саябақтары, балалар саябағы, мамандандырылған саябақтар - осы мекемелердiң әкiмшiлiгiне жүктеледi;
3) жалпы пайдаланудағы көгалдандырылған аймақтардың учаскелері: гүл бақтары, көшелер, желек жолдар және жүргiншi саяжолдары, сауда объектiлерiнiң қасбет тобының (кiреберiс) ажырағысыз бөлiгiн құрайтын қызмет көрсету, банк, кеңселер, кәсiпорындар, жеке меншiк үйлерi және т.б. меншiк иелерiне және осы орын-жайларды жалға алушыларға жүктеледi;
4) кәсiпорындар, мекемелер, ұйымдар аймақтарындағы, сондайй-ақ оларға бекiтiлген учаскелердегі жасыл екпелер, тiкелей осы кәсiпорындармен, мекемелермен, ұйымдармен жүргiзiледi;
5) санитарлық-қорғау аймақтарын - санитарлық-қорғау аймақтары шекараларында жер учаскелері бар жер иеленушiлермен, жердi пайдаланушылармен және жалға алушылармен жүргiзiледi;
6) квартал iшiндегi жасыл екпелердi, жердi пайдалану шегiндегi үйаралық аумақтардағы екпелердi, тұрғын үй қоры (тұрғын үй-пайдалану кәсiпорындарының пайдаланушылары) меншiк иелерiне жүктеледi.
§ 5. Жасыл екпелердi жою және көшiрiп отырғызу
49. Құрылыс салуға немесе басқа жұмыстар жүргiзуге бөлiнетін учаскелерде жасыл екпелерді сақтау мүмкiн болмаған жағдайда, жасыл екпелерді кесу немесе қайта отырғызу жүргізіледі.
50. Жасыл екпелерді кесу:
1) бекітілген және келісілген қала құрылысы құжаттамасында көзделген құрылыстың объектілерін орналастыру үшін жағдай жасауды қамтамасыз ету;
2) инженерлік абаттандыру объектілеріне, жер үсті коммуникацияларына қызмет көрсету;
3) апаттық және төтенше жағдайларды жою, оның ішінде инженерлік абаттандыру объектілерінде жою;
4) адамның өмірі мен денсаулығы қауіпсіздігіне қауіп төндіретін, сондай-ақ жеке және заңды тұлғалардың мүлкіне залал келтіруі мүмкін ескі екпелерді санитариялық кесу;
5) жасыл екпелердің сапалық және түрлік құрамын жақсарту қажеттілігі жағдайларында жүзеге асырылуы мүмкін.
51. Уәкілетті органмен берілетін Қағидаларға 3-қосымшаға сәйкес белгіленген нысандағы рұқсат бойынша Қағидаларға 4-қосымшаға сәйкес объектіні тексерудің бастапқы актісі негізінде ғана жасыл екпелерді бұзу және қайта отырғызуға жол беріледі.
Бұзу, қайта отырғызу тәртібі және бұзуға және қайта отырғызуға рұқсат беру уәкілетті органмен анықталады.
52. Жасыл екпелерді санитарлық кесуге, мәжбүрлі кесуге, қайта отырғызуға рұқсат алу үшін қажетті құжаттардың тізбесі:
1) қайта салынуға немесе қалпына келтіруге жататын объектілер үшін:
а) уәкілетті орган басшысының атына жасыл екпелерді кесуге немесе қайта отырғызуға өтінім берушінің аты-жөні, мекенжайы және байланыс телефондары көрсетілген өтінім;
б) объект құрылысына (қалпына келтіруге), соның ішінде жеке тұрғын-үй құрылысы үшін жер учаскелерін беру туралы жергілікті атқарушы орган шешімінің көшірмесі;
в) жер учаскесіне құқық белгілейтін құжаттардың көшірмесі;
г) мемлекеттік экологиялық сараптама қорытындысының көшірмесі;
д) өтінім беруші бекіткен және Астана қаласының тиісті аудан әкімі аппаратымен келісілген жасыл екпелердің экспликациясы бар өтемдік отырғызу жоспары;
е) жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмыстарын жүзеге асыру шартымен көшеттерді отырғызу мерзімі көрсетілген өтемдік отырғызу жөніндегі кепілдік хат;
ж) мамандандырылған ұйыммен өтемдік отырғызуға жасалған шарт;
з) жасыл екпелерді қайта отырғызу кезінде - мамандандырылған ұйыммен жасалған шарттың көшірмесі;
и) қайта отырғызылған жасыл желектерді жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмысын жүзеге асыру шартымен кепілдік хат;
к) жасыл екпелерді қайта отырғызу кезінде - қайта отырғызу жұмыстары жүргізілетін қала ауданының шегінде, Астана қаласы тиісті аудан әкімі аппаратымен келісілген қайта отырғызу орны белгіленген жоспардың немесе сызбанұсқаның болуы;
2) жаңадан салынып жатқан инженерлік желілер үшін:
а) уәкілетті орган басшысының атына жасыл екпелерді кесуге немесе қайта отырғызуға сұрап жатқан өтінім берушінің аты-жөні, мекенжайы және байланыс телефоны көрсетілген өтінім;
б) белгіленген тәртіпте келісілген инженерлік желілердің жобасы;
в) мемлекеттік экологиялық сараптама қорытындысының көшірмесі;
г) өтінім беруші бекіткен және Астана қаласы тиісті аудан әкімі аппаратымен келісілген жасыл екпелердің экспликациясы бар өтемдік отырғызу жоспары;
д) жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмыстарын жүзеге асыру шартымен көшеттерді отырғызу мерзімі көрсетілген өтемдік отырғызу жөніндегі кепілдік хат;
е) мамандандырылған ұйыммен өтемдік отырғызуға жасалған шарт көшірмесі;
ж) жасыл екпелерді қайта отырғызу кезінде - мамандандырылған ұйыммен жасалған шарттың көшірмесі;
з) қайта отырғызылған жасыл желектерді жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмысын жүзеге асыру шартымен кепілдік хат;
и) жасыл екплелерді қайта отырғызу кезінде - қайта отырғызу жұмыстары жүргізілетін қала ауданының шегінде, Астана қаласы тиісті аудан әкімі аппаратымен келісілген қайта отырғызу орны белгіленген жобаның немесе сызбанұсқаның болуы;
3) аумақты абаттандыру, сондай-ақ қолданыстағы объектілердің жасыл екпелерінің сапалық және түр құрамын жақсарту және эстетикалық түрге келтіру үшін:
а) уәкілетті орган басшысының атына жасыл екплелерді кесуге немесе қайта отырғызуға өтінім берушінің аты-жөні, мекенжайы және байланыс телефондары көрсетілген өтінім;
б) жер учаскесіне құқық беруші құжаттардың көшірмесі;
в) өтінім беруші бекіткен және Астана қаласы тиісті аудан әкімі аппаратымен келісілген жасыл желектердің экспликациясы бар өтемдік отырғызу жоспары;
г) жапырақты ағаштарды - бір жыл, қылқан жапырақты ағаш түрлерін - екі жыл күтіп-баптау жұмыстарын жүзеге асыру шартымен көшеттерді отырғызу мерзімі көрсетілген өтемдік отырғызу жөніндегі кепілдік хат;
д) мамандандырылған ұйыммен өтемдік отырғызуға жасалған шарт.
53. Мемориалдық, тарихи және бiрегей эстетикалық құндылығы бар, белгіленген тәртiпте статусы бекiтiлген ағаштарды кесу; Қызыл кiтапқа енгiзiлген сүректi және бұта өсiмдiктерiнiң түрлерi, сонымен қатар ерекше қорғалатын, жергiлiктi маңызы бар табиғи аймақтарда орналасқан ағаштарды кесуге тыйым салынады. Төтенше жағдайда, ерекше қорғалатын екпелердi кесу қажеттiгi туғанда, кесудiң мақсатқа сәйкестiгiн сараптау, Астана қаласы әкiмiмен құрылған комиссия арқылы жүргiзiледi.
54. Ағаштар мен бұталарды бұзу, белгіленген тәртіпте ресімделген рұқсаттама құжаты болған жағдайда, мамандандырылған ұйыммен жүргізіледі.
Рұқсаттама құжаттарын алдын-ала ресімдемей жасыл екпелерді бұзуға және қайта отырғызуға жол берілмейді.
55. Қала құрылысы қызметін іске асыру кезінде жасыл екпелерді бұзуды немесе қайта отырғызуды келісу мынадай тәртіпте жүргізіледі:
1) құрылысқа бастапқы-рұқсаттама құжаттамасын дайындау кезінде жобалау ұйымы белгіленген тәртіпте жобаны әзірлейді;
2) жобалау ұйымының хаты және уәкілетті органның жобасы негізінде, құрылыс жүргізу болжанған учаскеде зерттеу жүргізіледі және осы Қағидаларға 4-қосымшаға сәйкес жасыл екпелерді зерттеу актісі жасалады, онда ағаштар мен бұталардың саны, олардың көрнекілік құрамы, жай-күйі, гүлзарлардың, шөп жабындары, гүлдердің болуы көрсетіледі;
3) зерттеу актісі негізінде уәкілетті орган жобалау ұйымына ағаштар мен бұталарды барынша сақтап қалу мақсатында, жасыл екпелердің саны мен құрылысты орналастырудың ерекше талаптарын көрсетумен, аталған учаскеде құрылысты жүргізу мүмкіндігі туралы қорытынды береді;
4) жобалау құжаттамасы уәкілетті органмен келісілген бастапқы-рұқсаттама құжаттамасы негізінде әзірленеді.
56. Инженерлiк қатынастарға күрделi немесе ... жалғасы
Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Пәндер
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz
Реферат
Курстық жұмыс
Диплом
Материал
Диссертация
Практика
Презентация
Сабақ жоспары
Мақал-мәтелдер
1‑10 бет
11‑20 бет
21‑30 бет
31‑60 бет
61+ бет
Негізгі
Бет саны
Қосымша
Іздеу
Ештеңе табылмады :(
Соңғы қаралған жұмыстар
Қаралған жұмыстар табылмады
Тапсырыс
Антиплагиат
Қаралған жұмыстар
kz