Медициналық мәжбүрлеу шаралары

Пән: Медицина
Жұмыс түрі: Реферат
Тегін: Антиплагиат
Көлемі: 5 бет
Таңдаулыға:

Медициналық мәжбүрлеу шаралары дегеніміз не?

Өмірде есі ауысқан аурумен ауыратын адамдардың қылмыс жасайтын жағдайлары көптеп кездесіп жатады. Мысалы, 1996 жылдың басында Қазақстан Республикасындағы 17 миллион тұрғынға 300 мың психикалық ауруы бар науқас деп танылған адам сәйкес келген екен. Қылмыстық заңнамала бұл ескерілген.

Мұндай адамдарға қылмыстық жаза қолдану мүмкін емес екенін ескере отырып, заң медициналық мәжбүрлеу шараларын қолдануды белгілейді. Медициналық мәжбүрлеу шаралары-бұл есі дұрыс емес жағдайда қоғамға қауіпті әрекеттер жасаған немесе есі дұрыс кезінде қылмыс жасап, кейін есі ауысқан ауруға шалдыққан адамдарға соттың тағайындауымен қолданылатын мәжбүрлеу әдістері. Осындай жағдайдағы адамдарға созылмалы алкоголизм, нашақорлық, уытқұмарлық ауруларымен ауыратын адамдар тең келеді.

Заңнамаға сәйкес, сот медициналық сипаттағы мәжбүрлеу шараларын мынадай адамдарға:

а) есі дұрыс емес жағдайда Қылмыстық кодекстің Ерекше бөліміндегі баптарда көзделген әрекеттерді жасаған;

б) қылмыс жасағаннан кейін психикасы жазаны тағайындау немесе орындау мүмкін емес болып бұзылған;

в) қылмыс жасаған және есінің дұрыстығын жоққа шығармайтын психикасының бұзылуынан зардап шегетін;

г) қылмыс жасаған және алкоголизмнен немесе нашақорлықтан, уытқұмарлықтан емдеуге мұқтаж деп танылған адамға тағайындау мүмкін.

Аталған адамдарға медициналық сипаттағы мәжбүрлеу шаралары психикасының бұзылуы бұл адамдардың өзге елеулі зиян келтіру мүмкіндігінен не өзіне басқа адамдарға қауіп төндіруге байланысты жағдайларда ғана тағайындалады.

Медициналық сипаттағы мәжбүрлеу шараларын орындаудың тәртібі ҚР Қылмыстық жазаны атқару кодексімен және денсаулық сақтау туралы заңдарға сәйкес белгіленеді.

Сот жоғарыда аталған және өзінің психикалық жағдайы бойынша қауіп келтірмейтін адамдарды емдеу немесе ҚР денсаулық сақтау заңдарында көзделген тәртіппен психиатриялық -неврологиялық мекемелерге жіберу туралы мәселені шешу үшін денсаулық сақтау органдарына қажетті материалдар жібере алады.

Қылмыстық заңнамада медициналық сипаттағы мәжбүрлеу шараларын қолдану мақсаттары анықталады. Ол Қылмыстық кодекстің 89-бабында белгіленген:

Қылмыстық кодекстің 88-бабының бірінші бөлігінде аталған адамдарды емдеу немесе олардың психикалық жағдайын жақсарту, сондай-ақ олардың «Қылмыстық»кодекстің ерекше бөліміндегі баптарда көзделген жаңа әрекеттерді жасауын болғызбау медициналық сипаттағы мәжбүрлеу шараларын қолданудың мақсаттары болып табылады.

Медициналық сипаттағы мәжбүрлеу шараларының түрлері

Сот медициналық сипаттағы мәжбүрлеу шараларының мынадай түрлерін белгілейді:

а) емханалық мәжбүрлеп қадағалау және психиатрда емделу;

б) жалпы үлгідегі психиатриялық стационарда мәжбүрлеп емдеу;

в) мамандандандырылған үлгідегі пссихиатриялық стационарда мәжбүрлеп емдеу;

г) интенцивті қадағаланатын мамандандырылған үлгідегі психиатриялық стационарда мәжбүрлеп емдеу;

Есі дұрыс күйінде жасалған қылмыс үшін сотталған, бірақ алкоголизммен, нашақорлықтан емдеуді не психикасының есі дұрыстығын жоққа шығармайтындай бұзылуынан емдеуді қажет ететін адамдарға сот жазамен бірге емханалық мәжбүрлеп қадағалау және психиатрда емдеу түрінде медициналық сипаттағы мәжбүрлеу шараларын тағайындауы мүмкін.

Егер адам өзінің психикалық жай-күйі бойынша психиатриялық стационарға орналастырып емдеуді қажет етпесе, емханалық мәжбүрлеп қадағалау және психиатрда емдеу тағайындалуы мүмкін.

Егер адамның психикасының бұзылу сипаты тек психиатриялық стационарда ғана жүзеге асырыла алатын емдеудің, күтудің, ұстаудың және қадағалаудың шарттарын талап ететін болса, психиатриялық стационарда осындай мәжбүрлеп емдеу тағайындалуы мүмкін.

Жалпы үлгідегі психиатриялық стационарда мәжбүрлеп емдеу өзінің психикалық жай-күйі мен жасаған қоғамға қауіпті әрекетінің сипаты бойынша стационарлық емдеу мен қадағалауды қажет ететін, бірақ интенсивті қадағалауды қажет етпейтін адамға тағайындалуы мүмкін.

Мамандандырылған үлгідегі психиатриялық стациоонарда мәжбүрлеп емдеу өзінің психикалық жай-күйі мен жасаған қоғамға қауіпті әрекетінің сипаты бойынша тұрақты қадағалауды талап ететін адамға тағайындалуы мүмкін.

Интенсивті қадағалайтын мамандандырылған үлгідегі психиатриялық стационарда мәжбүрлеп емдеу өзінің психикалық жай-күйімен жасаған қоғамға қауіпті әрекетінің сипаты бойынша өзіне немесе басқа адамдарға айрықша қауіпті болған тұрақты және интенсивті қадағалауды талап ететін адамдарға тағайындалуы мүмкін.

Медициналық мәжбүрлеу шараларын ұзарту, өзгерту және тоқтату

Медициналық сипаттағы мәжбүрлеу шараларын ұзартуды, өзгертуді және тоқтатуды психиатр-дәрігерлер комиссиясының қорытындысы негізінде мәжбүрлеп емдеуді жүзеге асыратын мекеме әкімшілігінің ұсынуы бойынша сот белгілейді.

Медициналық мәжбүрлеу шарасы белгіленген адам сотқа осындай шараны тоқтату туралы немесе өзгерту туралы ұсыныс енгізу үшін негіздердің бар екені жөнінде мәселені шешу үшін кемінде алты айда бір рет психиатр -дәрігерлер комиссиясында куәландырылп отыруы тиіс.

Медициналық мәжбүрлек шарассын қолдануды тоқтату немесе өзгерту үшін негіздер болмаған кезде мәжбүрлеп емдеуді жүзеге асыатын мекеменің әкімшілігі мәжбүрлеп емдеуді ұзарту үшін сотқа өзінің қорытындысын береді. Мәжбүрлеп емдеуді бірінші ұзарту емдеу басталған кезден бастап алты ай өткеннен кейін жүргізілуі мүмкін. Мәжбүрлеп емдеуді одан кейін ұзарту жыл сайын жүргізіледі.

Медициналық мәжбүрлеу шарасын өзгертуді немесе тоқтатуды адамның психикалық жай-күйі өзгеріп, бұрын тағайындалған шараны қолдану қажет болмай қалған немесе медициналық сипаттағы өзге мәжбүрлек шарасын тағайындау қажет болған жағдайда сот жүзеге асырады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.