Георг Фридрих Гендель

Музыкаға деген құштарлық. Цахаудың сабақтары. Г. Ф. Гендель 1685 ж. 23 ақпан күні Галле қ. туды. Жас кезінен оның музыкалық қабілеті мен музыкаға қызығушылығы байқалды. Бірақ оның музыкалық әуестігі әкесінің қарсылығына ұшырады. Георг Гендель басқа немістің бюргерлері сияқты, музыкант мамандығын жақтырмады. Ол ұлының заңгер болғанын қалады. Бірақ кішкентай Гендельдің музыкаға деген ынтасы ешқандай қарсылықтарға тұрмады. Жеті жаста ол саксондік герцогті органда ойнап таң қалдырды. Осы кезден бастап, ол Галледағы ең жақсы музыкант және оқытушы, органшы Фридрих Вильгельм Цахаудан сабақ ала бастады.
Цахау- ақылды, білімді адам, дарынды композитор Гендельге ерекше ықпал етті.
Цахудың басшылығымен ол органдық полифония мен Фробергер, керль; Пахельбльдің импровизациялық стилін оқып- біледі. Ұлттық өнердің шығармаларын назар қойып және ойланып тыңдауға баулиды. Сонымен қатар итальяндық музыкамен танысады.
Он жастағы шағына бірінші шығармалары жатады: сүікті аспабы- гобойға арналған пьесалар топтамасы, гобой мен басқа аспапқа арналған 6 трио.
Цахаумен өткен сабақтар Гендельге кең музыкалық білім, орган мен клавесинде жақсы ойнау , оркестрлік аспаптарды білумен қатар әртүрлі музыкалық құбылыстарға тез бейімделу, өзіне керектігін іріктеуді үйретеді.
Гендель он екі жасында бірінші рет Берлинге Бранденбургтық корфюрсттың үйінебарды. Корфюрстқа Гендельдің ойнағаны ұнап, ол Гендельді өзінде қызметте қалдырғысы келді. Ол үшін Италяға барып, өнерін жетілдіруге ұсыныс жасады. Бірақ бұл жолы корфюрст Гендельдің әкесі жағынан қарсылық көрді; мүмкін әкесі Гендельді жас кезден сарайлық жұмыспен байланыстырғысы келмеген шығар және ұлын оқыған заңгер ретінде көруге үмітін үзбеді.
Университет. Органшы қызметі. 1697 жылы әкесінің қайтыс болып, музыкант мамандығын алуға ешкім тыйым салған жоқ. Оған қарамастан Гендель гимназияны бітіріп, университетке заңгерлік факультетке түсіп,