ЖИА және артериалды гипертония фармакотерапиясы үшін дәрілерді таңдаудағы клиникалық-фармакологиялық жолдың принциптері

Пән: Медицина
Жұмыс түрі: Іс-тәжірибеден есеп беру
Тегін: Антиплагиат
Көлемі: 19 бет
Таңдаулыға:

ҚММУ Ф 43-0402

2007 ж. 14 маусымдағы ОӘК №6 НХ

Қарағанды мемлекеттік медицина университеті

Дәлелді медицина және клиникалық фармакология кафедрасы

ДӘРІС

Тақырыбы: ЖИА және артериалды гипертония фармакотерапиясы үшін дәрілерді
таңдаудағы клиникалық-фармакологиялық жолдың принциптері

Пән фармакотерапия

Мамандығы 5В 110300 Фармация

Курс 3

Сағат көлемі (ұзақтығы) – 1сағ.

Карағанды 2012 ж.

Кафедра отырысында бекітілді

03.09.2012ж. Хаттам 1 а

Кафедра меңгерушісі, доцент ______Калиева Ш.С.

Тақырыбы: ЖИА және артериалды гипертония фармакотерапиясы үшін дәрілерді
таңдаудағы клиникалық-фармакологиялық жолдың принциптері

Мақсаты: ЖИА және артериальды гипертензия фармакотерапиясы үшін дәрілік
заттарды таңдаудың клинико-фармакологиялық жолдарының негізгі принциптерін
үйрету

Дәріс жоспары:
1. ЖИА фармакотерапиясы үшін дәрілік заттарды таңдаудың клинико-
фармакологиялық жолдарының негізгі принциптері
2. Артериальды гипертензия фармакотерапиясы үшін дәрілік заттарды
таңдаудың клинико-фармакологиялық жолдарының негізгі принциптері

Жүректің ишемиялық ауруы (ЖИА) — жүрек тамырларындағы атеросклероздық үрдіс
салдарынан миокардың қанмен қамтамасыз етілуінің нашарлауы немесе мүлдем
тоқтауынан дамитын жүректің жедел және созылмалы ауруы.
ЖИА қауіп факторлары:
• ер адамдар әйел адамдарға қарағанда жиі сырқаттанады;
• сырқаттану қаупі жас ұлғайған сайын жоғарлайды, әсіресе 40 жастан
асқанда;
• тұқымқуалаушылық факторы (егер ата – аналарында ЖИА немесе гипертониялық
ауру болса);
• диспротеинемия: гиперхолестеринемия (ашқарынға жалпы холестерин мөлшері
6.5 ммольл жоғары болса), гипертриглицеридемия (триглицеридтер деңгейі 2.3
ммольл жоғары болса), гипоальфахолестеринемия (0.9 ммольл жоғары болса);
• артериалды гипертензия: АҚ деңгейі 16095 мм сн. бағ. жоғары болса;
• артық дене салмағы (Кетле индексі бойынша анықталады). Дене салмағы
қалыпты болса Кетле индексі 20-25-тен аспайды; I—II дәрежелі семіздікте
Кетле индексі 25-30; III дәрежелі семіздікте Кетле индексі 30-дан артық;
• темекі шегу (аз дегенде күнде бір темекіден шексе);
• гиподинамия — жұмыс күнінің жартысынан көбін отырып істеу, дене
шынықтырумен айналыспау;
• психоэмоционалды күйзеліс;
Казіргі кездегі ЖИА ең негізгі қауіп факторлары болып артериалды
гипертензия, гиперхолестеринемия, темекі шегу болып табылады.
ЖИА этиологиясы
ЖИА негізгі этиологиялық факторлары келесі аталғандар:
1. Тәжді артериялардың атеросклерозы. Жиі сол жақ тәжді артерияның алдыңғы
қарынша аралық тармағы, сирек – оң жақ тәжді артерия зақымдалады.
2. Тәжді артериялардың спазмы. Қазіргі кезде ЖИА дамуындағы
коронароспазмның маңызы, селективті коронароспазм көмегімен дәлелденген.
Көбінде коронароспазм атеросклероз аясында болады.
ЖИА клиникалық көріністерінің туындауына себепкер болатын факторлар:
• физикалық ауыртпашылық;
• стрестік эмоционалды және психосоциалды жағдайлар.
ЖИА патогенезі.
ЖИА негізгі патофизиологиялық механизмі болып, миокардың оттегіні қажет
етуімен жүректің тәжді артерияларының оны қамтамасыз ете алмауы.
Бұл сәйкессіздікті келесі патогенетикалық механизмдер қамтамасыз етеді және
оларды науқастарды емдеген кезде есте ұстаған жөн.
1. Тәжді артериялардың атеросклероздық процеске негізделген органикалық
обструкциясы.
• тамыр қабырғаларының атерогенді липопротеиндермен инфйильтрациялануы,
фиброздың дамуы, атеросклерозды түйіннің дамып, артерия саңылауын
тарылтуына негізделген;
• тәжді артерияның саңылауында тромбтың түзілуі.
2. Тәжді артериялардың динамикалық обструкциясы — артериялардың
атеросклероздық өзгерістері аясында коронароспазммен сипатталады.
3. Тромбоциттер агрегациясының жоғарлауы.
ЖИА тромбоциттер агрегациясы жоғарлап, тәжді артериялардың тармақтарында
микроагрегаттар пайда болып, микроциркуляция нашарлап, миокард ишемиясы
тереңдей түседі.
4. Миокардтың оттегіні қажет етуінің жоғарлауы. .
• физикалық ауыртпашылық;
• эмоционалды стресс (бұл кезде катехоламиндердің мөлшері қанда жоғарлап,
тәжді артерияларының спазмы, гиперкоагуляция туындайды; сонымен қоса,
гиперкатехоламинемия кардиотоксикалық әсер етеді);
• миокардтың жиырылғыштық қасиетінің төмендеуі (бұл кезде соңғы диастолалық
қысым жоғарлауы салдарынан сол жақ қарыншаның көлемі ұлғайып, миокард
оттегіні көп мөлшерде қажет етеді).
5. "тәжді артериялар аралық ұрлану" феноменінің дамуы
Коллатералдары жақсы дамыған, тәжді артериялардың стеноздаушы атеросклерозы
және бар ЖИА сырқаттанған науқастарда вазодилятация салдарынан
зақымдалмаған тамырларда қан айналым күшейіп, зақымдалған артерияның
стеноздалған жерінен дистальды миокард ишемиясы дамиды.
6. Коллатеральды қан айналым жеткіліксіздігі.
7 Липидтердің тотығу белсенділігінің жоғарлауы.
ЖИА липидтердің тотығу белсенділігі жоғарлауы салдарынан тромбоциттердің
агрегациясы күшейеді. Липидтердің тотығуы салдарынан пайда болған өнімдер
миокардтың ишемиясын тереңдете түседі.
8 Арахидон қышқылы метаболизмінің липооксигеназды жолының белсенуі..
ЖИА тәжді артерияларда 5-липоксигеназа ферментінің белсенділігі артып,
арахидон қышқылынан лейкотриендер түзіледі, олар тәжді артерияларға
тарылтушы әсер көрсетеді.
9. Энкефалиндер мен эндорфиндер түзілуінің нашарлауы.
Энкефалиндер мен эндорфиндер — эндогенді опиоидты пептидтер. Они Олардың
ауырсынуды басу, стреске қарсы әсернлері бар. Сонымен қоса олар миокардты
катехоламиндердің зақымдаушы әсерінен қорғайды және ишемияны төмендетеді.
ЖИА кезінде энкефалиндер мен эндорфиндердің өндірілуі азайып, миокард
ишемиясының өршуіне әкеліп соғады.

ЖИА жіктелуі
ЖИА жедел түрлеріне миокард инфарктісі, стенокардияның тұрақсыз формасы,
жедел ошақты дистрофия жатады, ал созылмалы түріне - кардиосклероз, тұрақты
стенокардия, жүрек ырғағының бұзылыстары жатады.

ЖИА клиникалық жіктелуі (1984).
I. Жедел коронарлы өлім, жүректің кенеттен тоқтауы.
II. Стенокардия.
A. Күш түсу стенокардиясы.
1. Алғаш рет дамыған стенокардия.
2. Тұрақты стенокардия (функционалды класстар I-1V).
3. Өршімелі күш түсу стенокардиясы.
B. Спонтанды стенокардия.
Ш. Миокард инфарктісі.
A. Ірі ошақты (трансмуралды).
B. Ұсақ ошақты.
IV. Инфаркттан кейінгі кардиосклероз.
V. Жүрек ырғағының бұзылысы.
VI. Жүрек жеткіліксіздігі.

ЖИА тексеру әдістері

Электрокардиография — арнайы аппарат электрокардиограф көмегімен жүректе
пайда болатын электр толқындарын тіркеп, жүректің функционалдық жағдайын
анықтайтын әдіс.
Коронарография жүректің тәжді артерияларына рентгенконтрасты препарат
жіберіп, рентгеноскопия жасау. Бұл зерттеу арқылы тәжді артериялардың
жағдайын, бітелген бітелмегендігін және миокардтың коллатеральды қан
айналымына баға беруге болады.
Радионуклидты әдіс. Миокардтың қан айналымын сцинтиграфия көмегімен
акнықтау (талии-201). Бұл радионуклид сау микардтың тініне сіңіріліп, ал
қанмен дұрыс қамтамасыз етілмеген аймақта деффект болып, сцинтиграммада
миокардтың көрінісін анық көруге мүмкіндік береді.
Эхокардиография — жүрек құрылымының ультразвуты импульстарды сіңіріп,
көрініс беруіне негізделген электронды әдіс. Эхокардиография көмегімен
жүрек камераларының көлемін, қақпақшалардың ақауын, қақпақшалар мен
аортаның атеросклероздық белгілерін, жүрек қуысындағы тромбтарды анықтауға
болады.
Миокард некрозының биохимиялық маркерлары миокард инфарктісі мен тұрақсыз
стенокардияның диагностикасы үшін қолданылады. Бұл маркерлар миокард тіні
өлеттенгенде қан айналымға түсетін, миокард клеткаларының құрылымдық
заттары мен ферменттері.

Миокард некрозының биохимиялық маркерлары

Маркер Миокард Миокард Қалыпты деңгейіне
инфарктісінен инфарктісінен оралуы
кейін маркерлардыңкейін маркерлардың
қан құрамында қан құрамында
жоғарлау уақыты, максимальды
сағатпен концентрациясының
байқалу уақыты,
сағатпен
миоглобин 1-4 6-7 сағат 24 сағат
Миозиннің 6-12 2-4 тәулік 6-12 тәулік
жеңіл тізбегі
Тропонин I 3-12 24 сағат 5-10 тәулік
Тропонин Т 3-12 12 сағат-2 тәулік 5-14 тәулік
МВ-креатининки3-12 24 сағат 48-72 сағат
наза фракциясы
Лактатдегидрог10 24-48 сағат 10-14 сағат
еназа
Миозиннің ауыр48 5-6 тәулік 14 тәулік
тізбегі

Стенокардия — ЖИА жиі кездесетін көрінісі болып табылады. Стенокарпдияның
себебі - миокардтағы қан айналымымен, оның оттегі мен қажет етуінің
сәйкессіздігі. Ауырсыну физикалық немесе эмоционалды күш түскенде пайда
болады (күш түсу стенокардиясы). Коронарлы қан айналымының ауыр
бұзылыстарында ауырсыну тыныштық кезінде де дамуы мүмкін (тыныштық
жағдайдағы стенокардия).
Стенокардияның симптомокомплексы. Стенокардияға ұстама тәрізді жиі төс
артының ауырсынуы тән. Әдетте қысып ауырады және сол қолға, мойынға,
астынғы жақ сүйегіне, арқаға таралуы мүмкін. Стенокардия кезіндегі
ауырсынуды кеуде қуысының ауырсынуынан келесі белгілер бойынша ажыратып
алуға болады:
• Стенокардия ұстамасына тән төс артының ауырсынуы физикалық күш
түскен кезде немесе жүргенде пайда болады да, тыныштық кезінде 1-
2 минуттен соң басылады.
• Ауырсынудың ұзақтылығы 2-5 минут, сирек 10 минут. Бірнеше сағат
бойы ұздіксіз ауырсыну стенокардияға тән емес.
• Тіт астына нитроглицерин қабылдағанда ауырсыну тез басылады
(бірнеше секунд немесе бірнеше минут ішінде).
Ұстама кезінде науқас қозғалмауға тырысады, өлім қорқынышын сезінеді.
Сирек жағдайда стенокардия ұстамасында ентігу, тахикардия, жүрек ырғағының
бұзылыстары көрініс береді.
Науқастың шағымдарына сүйене отырып, бір қатар қосымша зерттеулер жасалады.

Зерттеу әдістері Ескерту
ЭлектрокардиографЭКГ да ұстама кезінде ST сегментінің 1 мм артық
ия (сондай ақ горизонтальды ығысу байқалады, бір немесе бірнеше
ұстама кезінде тіркемеде коронарлы Т тісшесінің теріс болуы, жүрек
де) ырғағының және өткізгіштігінің қайтымды бұзылыстары.
Лабораторлық Гемоглобин (анемия), аш қарындағы глюкозаның деңгейі
зерттеулер (қант диабеті), липидтер (холестерин, триглицеридтер)
Кеуде қуысының Тек жүрек жеткіліксіздігі, жүрек ақаулары, перикард
рентгенографиясы аурулары, аорта аневризмасы, өкпе аурулары бар
науқастарға жасалады.
Эхокардиография ЭКГ-сында өзгерістері бар жұрек ақаулары кезінде
жасалады
Тредмил. ЭКГ-да ишемия белгілері жоқ кезде ғана жасалады.
дипиридамол
немесе
аденозинмен
стресс-тест
Ангиография Ишемия белгілері жоқ кезінде, ем нәтижесіз болғанда,
қарыншалық аритмиясы бар науқастарға, стенокардиямен
қоса жүрек жеткіліксіздігі болса, хирургиялық ем алдында
жасалады.

Стенокардия емінің клинико-фармакологиялық жолдары Стенокардияның емі
бірнеше басты мақсаттарды көздейді:
• ұстаманы басу;
• стенокардия ұстамасының алдын алу;
• ЖИА екінші реттік алдын алу;
• өмір сапасын жақсарту;
Стенокардия ұстамасын тез басу мақсатында нитраттарды қолданады
(нитроглицерин – сублингвальды, буккальды формасы, аэрозоль түрінде;
изосорбид динитрат – аэрозоль, таблетка түрінде)
Екінші реттік алдын алу мақсатында в-адреноблокаторлар қолданылады.
Стенокардия ұстамасын емдеу үшін жиі нитроглицеринді қолданады, сондықтанда
науқас нитроглицеринді әр дайым өзімен бірге ұстау керек.
Стенокардияның ұзақ мерзімді емі аспирин мен в-адреноблокаторларын
қабылдауды көздейді. Қосымша (в-адреноблокаторлар тиімсіз немесе науқас
көтере алмаса) ұзақ әсерлі нитраттар немесе кальций каналдарының
блокаторлары қолданылады.

Дәлелді ұсыныстарДЗ Ескертулер
Класс I. Аспирин Қарсы корсеткіштер болмаған жағдайда
Тиімділігі жақсы
дәлелденген
ұсыныстар
в-адреноблокаторларБұрын жедел миокард инфарктісімен
сырқаттанған және стенокардиясы бар
науқастарға.
баяу кальций в-адреноблокаторларды тағайындауға
каналдарының қарсы көрсеткіштер болған жағдайда.
блокаторлары және
ұзақ әсерлі
нитраттар
баяу кальций в- адреноблокатор мен емдеу тиімсіз
каналдарының болған жағдайда.
блокаторлары және
ұзақ әсерлі
нитраттар +
в-адреноблокаторлар

Нитроглицерин Сублингвальды және спрей түрінде
ұстаманы басу үшін.
Гиполипидемиялық Холестерин деңгейі 130 мгдл асқанда
препараттар (холестерин деңгейін 130 мгдл төмен
түсіру мақсатымен)
Класс II. Клопидогрель Аспиринді тағайындауға қарсы
көрсеткіштер болған жағдайда.
Тиімділігі төмен Ұзақ әсерлі баяу
- деген дәлелді кальций Стенокардиянын бастапқы терапиясында
ұсыныстар каналдарының в-адреноблокаторлардың орнына
блокаторлары
Тікелей емес Аспиринмен емдеуге қосымша.
антикоагулянттар

Миокард ишемиясының ауырсынусыз жүретін эпизодтарын емдеу
ЖИА бұл түрінде емнің тактикасы физикалық күш сынамасының, ЭКГ-мен
тәуліктік мониторлау нәтижелеріне байланысты. Физикалық ауыртпашылықты
науқас жақсы көтерсе ЖИА ның бұл түрінің емінде тек негізгі фактор болып
табылатын физикалық ауыртпашылықты шектеумен шектелуге болады. Егер жиі
қайталанатын эпизодтар болса антиангиналды препараттар тағайындайды (бірақ
науқастың жағдайын велоэргометрия, тредмил-тест жүргізген соң бақылап
тоырады). Көбіне в-адреноблокаторлар тағайындайды. Егер эпизодтар жиі
қайталанса ұзақ әсерлі в-адреноблокаторлар ұтымды болып табылады. Тұрақсыз
стенокардия – ЖИА тұрақсыз ағымымен, жедел миокард инфарктісі мен кенеттен
өлу даму қаупінің жоғарлауымен сипатталатын түрі.
Тұрақсыз стенокардияға жатады:
• алғаш рет дамыған стенокардия (1 ай бұрын пайда болған күш түсу және
тыныштық стенокардиясы);
• өршімелі күш түсу стенокардиясы (ұстаманың жиілеуі, қарқындылығының
күшеюі және ұзаққа созылуы, физикалық және эмоционалды ауыртпашылыққа
тұрақтылықтың төмендеуі, нитроглицеринді жиі қабылдау);
• инфаркттан кейінгі кезеңде (алғашқы 10-14 күн) стенокардияның дамуы;
• Принцметалл стенокардиясы (вариантты стенокардия) тәуліктің белгілі бір
уақытында, аралығы 2-10 минут (15-45 минут), бірінен соң бірі жүретін 2-5
ұстаммен сипатталатын, SТ- сегментінің 2мм –ден артық ығысуы және жүрек
ырғағының бұзылыстарымен жүретін ЖИА бір түрі. ЭКГ-дағы өзгерістер
ауырсыну басылған соң қалпына келеді.
Тұрақсыз стенокардия емінің клинико-фармакологиялық жолдары стенокардияның
ауырлығына байланысты ауруханада жүргізіледі. Тез әсер ететін нитраттарды
тіл астына, көк тамырға тағайындайды. Ауырсыну 20 минут ішінде басылмаса
наркотикалық анальгетиктер тағайындалады. Қарсы көрсеткіштер болмаса в-
адреноблокаторларды алғашқыда көк тамырға содан соң ауыз арқылы ішке
тағайындайды. Қауіп аса жоғары болмаса в-адреноблокаторларды бірден ішке
тағайындайыды. Аспиринді протромбин уақытын тексере отрып, гепаринмен
қосарлап тағайындайды. Кальции антагонистерін тағайындауды шектеген жөн,
тек ишемия кезінде в-блокаторлар көмектеспеген жағдайда, вариантты
стенокардиясы бар науқастармен, артериальды гипертензиясы бар науқастарға
тағайындалады.
Миокард инфарктісі – тәжді артериялардың окклюзиясы немесе тромбозы
салдарынан жүрек тінінің өлектенуі.
Миокард инфарктісінің симптомокомплексі. Миокард инфарктісі нитрадтармен
басылмайтын, қарқынды ауырсынумен, жүрек ырғағының тұрақсыз бұзылыстарымен,
артериалды қысымның тұрақсыздығымен сипатталады.

Миокард инфарктісінің диагностикалық критерилері:
• Төс артының қатты ауырсынуы, әлсіздік, тұншығу, жүрек ырғағының
бұзылыстары. Нитроглицериннің көмек теспеуі;
• Ұстама кезінде және одан кейін ЭКГ-да миокард инфарктісіне тән
өзгерістердің пайда болуы;
• Алғашқы 24 сағат бойы қанда миокард инфарктісінің биохимиялық
маркерлерінің анықталуы;
Миокард инфарктісін емдеуді клинико-фармакологиялық жолдары. Алғашқы көмек
бағытталады:
• ауырсынуды басуға;
• жүрек қан айналымын жақсартуға;
• некроз көлемін шектеуге;
• ерте асқыныстарын алдын алуға, әсіресе өмірге қауіпті аритмияларды;
• асқыныстарды емдеу.
Бастапқы ем. Науқасқа оттегі, тіл астына нитроглицерин, ішке аспирин
тағайындайды. Көмектеспеген жағдайда наркотикалық анальгетиктер енгізіледі.
Көрсеткіштер бойынша фибринолитикалық терапия жүргізіледі.
Алғашқы тәуліктегі ем:
• қозғалысты шектеу;
• гепаринді тағайындау;
• көк тамырға нитроглицериннің инфузиясы 24-48 сағат аралығында
(гипотензия, тахи және брадикардия болмаған жағдайда);
• Қарсы көрсеткіштер болмаса қан қысымымен жүректің соғу жиілігін қадағалай
отырып, в-адреноблокаторларды көк тамырға тағайындау;
• гипотензиясы жок науқастарға АПФ ингибиторлары тағайындалады;

ЖИА кезінде қолданылатын дәрілік заттардың негізгі топтпры

1. НИТРАТТЫ ПРЕПАРАТТАР

Нитроглицерин. Орталық және шеткері гемодинамикаға әсер етеді және тәжді
артерияларға кеңейтуші әсер көрсетеді. Нитроглицерин әсерінен дамитын
орталық гемодинамика өзгерістері: жүректің сол жақ қарыншасының соңғы
диастолалық және соңғы систолалық қысымдарының төмендеуі, оның көлемінің
кішіреюі, соның салдарынан жүрек жұмысы төмендеп оттегіні аз қажет етеді.
(тікелей емес әсер); шеткері гемодинамика өзгерістері: шеткері көк
тамырларға кеңейтуші әсер көрсетіп, жүрекке қайтатын венозды қанның
мөлшерін азайтады, артерияларды аз деңгейде кеңейтеді. Соның салдарынан
жүрекке күш аз түседі.
Нитроглицериннің дәрілік формалары: нитроглицерин, тринитролонг, сустак,
нитронг, нитро-мак.
Изосорбид динитраты: нитросорбид (изокет, изомак ретард), ұзақ әсерлі
құрамында нитроглицерині бар препарат. Сустакқа қарағанда күшті әсер
көрсетеді. Оның әсері көк тамырлармен артериялардың жазық бұлшық еттерінің
босаңсуымен байланысты.
Изосорбид-5-мононитрат изосорбид динитраттың фармакологиялық белсенді
метаболиті болып табылады.
Нитраттардың жанама әсерлері. Бастың ауыруы жиі кедесетін жанама әсер болып
табылады, мөлшерін азайту, анальгетиктерді қолдану бастың ауырғанын басады.
Емді біраз жалғастырған соң біртіндеп өзі жоғалады. Постуралды гипотензия
бас айналумен, әлсіздікпен, аз уақытқа естен айырылумен сипатталады.
Алкоголді қабылдау бұл құбылыстарды күшейте түседі. Метгемоглобинемия және
нитраттармен улану жиі балаларда кездеседі. Кейбір науқастарда тұрақтылық
дамуы мүмкін, оның қарқындылығы нитраттарды қабылдау жиілігі мен мөлшеріне
байланысты.
Қарсы көрсеткіштер: препаратты көтере алмау (тахикардия, гипотония, бастың
ауыруы); гипотония немесе коллапспен жүретін жедел миокард инфарктісі; миға
қан құйылу; бас сүйек ішілік қысымның жоғарлауы; обструктивті
кардиомиопатия; глаукома

Нитраттар емін қадағалау. Науқастың жалпы жағдайымен қан қысымын қадағалау,
ЭКГ жасау.

2. В - АДРЕНОБЛОКАТОРЛАР
Бұл топтың препараттары симпатикалық жүйке жүйесінің жүрекке әсерін
тежейді, соның салдарынан жүрек жұмысы төмендеп, миокардтың оттегіні қажет
етуі де төмендейді. Жүректің в-адренорецепторлары тежелуі арқылы жүректің
соғу жиілігі және миокардтың жиырылу қасиеті төмендейді (хинидинтәрізді
әсер). Соның салдарынан жүретің бір жиырылғанда айдайтын қанының көлемі
азайады.
β-блокаторлардың жіктелуі:
• Кардиоселективті емес, олар β1- және β2-адренорецепторларды тежейді
(тимолол, пропранолол, соталол, надолол, окспренолол, алпренолол,
пиндолол)
• кардиоселективті, негізінен β1-адренорецепторларды тежейді (метопролол,
атенолол, ацебутолол, практолол).
Кейбір препараттардың (мысалы, окспренолол, алпренолол, пиндолол,
ацебутолол, талинолол) симпатомиметикалық белсенділігі бар. Бұл қасиеті
жүрек жеткіліксіздігі, брадикардия, бронхиальды астма сияқты аурулардың
емінде қолдануға мүмкіндік береді.
β-блокаторлардың кейбір фармакокинетикалық қасиеттерінің тәжірибеде маңызы
зор.
• Ұзақ әсерлі препараттар (соталол, надолол, атенолол), әсер ету ұзақтығы
орташа (пиндолол)
• Қысқа әсерлі препараттар (пропранолол, тимолол, окспренолол, алпренолол,
метопролол, ацебутолол)
Фармакокинетикалық ерекшеліктері препараттың химиялық құрылымына,
липофильділігі мен гидрофильділігіне негізделген:
• Липофильді препараттар - пропранолол, пенбутолол, окспренолол,
метопролол, тимолол, пиндолол, ацебутолол
• Гидрофильді препараттар - надолол, соталол, атенолол.
β – авдреноблокаторлардың жанама әсерлері. β-адреноблокаторлармен емдеген
кезде брадикардия, артериалды гипотензия, сол жақ қарынша жеткіліксіздігі,
бронхиалды астманың өршуі, әр түрлі дәрежедегі атриовентрикулярлы блокада,
Рейно синдромының өршуі мүмкін (шеткері қан айналымның нашарлауына
байланысты), гиперлипидемия, глюкозаға тұрақтылықтың өзгерістері, сирек
жағдайда ... жалғасы

Сіз бұл жұмысты біздің қосымшамыз арқылы толығымен тегін көре аласыз.