Компьютерлік графиканың тарихы, қолданылу саласы

Пән: Информатика, Программалау, Мәліметтер қоры
Жұмыс түрі: Материал
Тегін: Антиплагиат
Көлемі: 67 бет
Таңдаулыға:

Компьютерлік графиканың тарихы, қолданылу саласы.

Шығару құрылғыларының классификациясы.

Графиканың тарихы 1930 жылдан басталады деп санауға болады, өйткені осы жылы АҚШ-та Владимир Зворыкин “Вестингхаус” (Westinghouse) компаниясында қызмет етіп жүріп электрондық -сәулелі түтіктерді (электронная лучевая трубка, ЭЛТ) ойлап тапты. Электрондық -сәулелі түтіктер қазіргі заманғы телевизиялық кинескоптардың негізі болып табылады. Ал компьютерлік графиканың тарихы 1951 жылдың желтоқсаныннан басталады. Осы жылы Массачусет технологиялық институтында (МТИ) АҚШ әскери-теңіз флоты үшін «Вихрь» компьютеріне алғашқы дисплей жаратылды. Осы дисплейді ойлап тапқан МТИ инженері Джей Форрестер. Компьютерлік графиканың негізін қалаушы ғалымдар қатарына Айвен Сазерландты атауға болады. Ол 1962 жыды МТИ-да «Sketchpad» компьютерлік графика бағдарламасын құрды. Бұл бағдарлама қарапайым фигураларды (нүкте, түзу, доға, . . ) салып қана қоймай, фигураларды айналдыра алатын еді. Осы бағдарламадан соң, кейбір “Дженерал моторз”, “Дженерал электрик” сияқты ірі компаниялар компьютерлік графика саласында зерттеу жұмыстарын жүргізді. 1982 жылдан бастап компьютерлік графика киномотография саласында пайдалана бастады.

Компьютерлік графика - әр түрлі кескіндерді (суреттерді, сызбаларды, мультипликацияларды) компьютердің көмегімен алуды қарастыратын информатиканың маңызды саласы.

Дербес компьютерді пайдаланушылардың қатарында компьютерлік графикамен айналысатындардың саны күн санап артып келеді. Қазіргі кез-келген мекемеде кей уақытта газеттер мен журналдарға жарнамаларға тапсырыс беру немесе жарнамалық парақшалар мен буклеттер басып шығару қажеттілігі туындайды. Олардың кейбіреулері осындай жұмыстарды арнайы дизайнерлік бюролар мен жарнамалық агенттіктерге тапсырса, кейбіреулері қолда бар программалық құралдарын пайдаланып, өз күштерімен жасауға тырысады.

Қазіргі танымал программалардың ешқайсысы компьютерлік графикасыз жұмыс істемейді. Статистикаға сүйенсек, жаппай қолданыста жүрген программаларды жасап шығарушы программистік ұжымның қызметкерлері өз жұмыстарының 90 % уақытын осы графикамен шұғылдануға жұмсайды екен.

Графикалық программаларды кең көлемде қолдану қажеттілігі Интернеттің және бірінші кезекте миллиондаған интернет парақтарын бір «өрмекпен» байланыстырған World Wide Web қызметінің пайда болуынан туындады. Өйткені компьютерлік графикасыз безендірілген web-парақтың бүкіләлемдік желіде басқалардың көзіне түсіп, танымал болуы екіталай.

Қазіргі компьютерлік графика тек көркемдеу мен безендірумен үшін ғана емес, ғылым мен медицинаның барлық саласында, коммерциялық және әкімшілік қызмет орындарында алуан түрлі ақпаратты көрнекі түрде көрсету үшін сызбалар, графиктер, диаграммалар жасау үшін қолданылады.

Конструкторлар автомобильдің немесе ұшақтың жаңа үлгілерін құрастырған кезде олардың соңғы көрінісін алу үшін үшөлшемді графикалық объектілерді қолданады. Архитекторлар монитор экранында болашақ ғимараттың кең көлемді кескінін жасап, оның жер бедерімен қалай жанасатынын алдын-ала болжай алады.

Қазіргі компьютерлік графика қолданылу әдісі бойынша мынадай негізгі салаларға бөлінеді:

Ғылыми графика. Алғашқы компьютерлер тек ғылыми және өндірістік есептерді шығару үшін қолданылды. Есептерден шыққан нәтижелерді дұрыс түсіну үшін оларды графикалық тұрғыда өңдеп, графиктер, мен диаграммалар, сызбалар тұрғызған. Машинадағы алғашқы графиктерді символдық режимде басып шығаратын. Кейін сызбалар мен графиктерді қағазға қаламұштың көмегімен сызатын арнайы құрылғылар - графиксалғыштар (плоттерлер) пайда болды.

Қазіргі заманғы ғылыми компьютерлік графика әр түрлі есептеу тәжірибелерін жүргізіп, олардың нәтижесін көрнекі түрде көрсетуге мүмкіндік береді.

Іскерлік графика - қандай да бір мекеме жұмысының көрсеткіштерін көрнекі түрде ұсыну үшін қолданылатын компьютерлік графиканың маңызды саласы. Іскерлік графиканың көмегімен жоспар көрсеткіштерін, есеп құжаттарын, статистикалық есептерді және т. б. объектілерді көрнекі түрде ұсынуға болады. Іскерлік графиканың программалық жабдықтары электронды кестелердің құрамында болады.

Контрукторлық графика - инженер-конструкторлардың, архитекторлардың, жаңа техниканы ойлап шығарушы өнертапқыштардың жұмысында қолданылады. Компьютерлік графиканың бұл түрі САПР-дың(систем автоматизации проектирования- жобалауды автоматтандыру жүйесі) міндетті элементі болып табылады. Конструкторлық графика құралдарын пайдалана отырып жазықтықтағы кескіндерді (проекциялар, сызбалар) ғана емес, кеңістіктегі үшөлшемді кескіндерді де жасауға болады.

Суреттеу графикасы (көркем графика) деп компьютер экранында ерікті түрде сурет салу мен сызуды айтады. Суреттеу графикасының пакеттері жалпы мақсатта пайдаланылатын қолданбалы программалық жасақтамалардың қатарына енеді. Суреттеу графикасында қолданылатын қарапайым программалық жабдықтарды графикалық редакторлар деп атайды.

Жарнамалық графика - теледидар пайда болғаннан кейін танымал бола бастады. Қазір компьютердің көмегімен жарнамалық роликтер, мультфильмдер, компьютерлік ойындар, видеодәрістер мен видеопрезентациялар жасалады. Оларды жасау үшін қолданылатын графикалық пакеттер осы мақсатта қолданылатын компьютерлердің жады мен жұмыс істеу жылдамдығына үлкен талап қояды. Осы графикалық пакеттердің басты ерекшелігі ретінде олардың шыншыл кескіндер мен «қозғалатын суреттерді» жасау мүмкіндігін айтуға болады. Үшөлшемді объектілерден тұратын суреттерді салу, оларды бұру, жақындату, аластату, деформациялау үлкен көлемде математикалық есептеулерді қажет етеді. Мысалға, объектінің жарықтылық деңгейін сол объектіге түсіп тұрған жарық көзін, оны қоршаған заттардың, олардың көлеңкелерін есепке ала отырып бейнелеу үшін оптиканың заңдарын есепке алатын күрделі есептеулерді жүргізу қажет.

Компьютерлік анимация деп дисплей экранында қозғалатын кескіндерді жасау өнерін айтады. Суретші қозғалатын объектінің бастапқы және соңғы қалпын бейнелейтін суреттерді ғана салады, ал осы екі суреттің арасындағы барлық қозғалысты компьютер осы объектіні қозғалтуға қажетті алдын-ала белгіленген математикалық есептеулерді орындай отырып өзі суреттеп шығады. Белгілі бір жиілікпен бірінен кейін бірі пайда болатын осындай суреттердің жиынтығы экранда қозғалатын суреттерді бейнелеуге мүмкіндік береді.

Мультимедиа деп - компьютер экранындағы жоғары сапалы кескінді дыбыстық сүйемелдеумен біріктіруді айтады. Мультимедиа құралдары оқу-ағарту саласында, электронды ақпарат құралдарында және т. б. мақсатта қолданылады. Мультимедиа мүмкіндіктерін толық пайдалану үшін компьютерге арнайы программаларды орнатып қана қоймай, арнайы құрылғыларды қосу қажет.

Компьютерлік графиканың түрлері

Компьютерлік графика үш түрге: растрлық, векторлық және фракталдық болып бөлінеді. Олар бір-бірінен монитор экранында бейнелену және қағаз бетіне басып шығарылған кезде кескіндердің қалыптасу принциптері бойынша ажыратылады.

Растрлық графикада кескіндер түрлі-түсті нүктелердің жиынтығынан тұрады. Графикалық ақпараттың осындай нүктелер жиыны немесе пиксельдер түрінде ұсынылуы растрлық түрдегі ұсынылу болып табылады. Растрлық кескінді құрайтын әрбір пиксельдің өз орны мен түсі болады және әр пиксельге компьютер жадында бір ұяшық қажет.

Растрлық кескіннің сапасы сол кескіннің өлшеміне (тігінен және көлденең орналасқан пиксельдердің саны) және әр пиксельді бояуға қажетті түстердің санына тәуелді болады.

Мұндай типті кескіндер Adobe Photoshop, Corel Photo, Photofinish секілді қуатты графикалық редакторларда өңделеді. Растрлық кескіндер векторлық кескіндерге қарағанда сапасы жоғары, әсерлі болады. Қарапайым фотосуреттердің өзі компьютерде растрлық кескін түрінде сақталады. Растрлық кескіндерді Paint, Adobe Image Ready секілді программаларды қолданып қолдан жасауға да болады.

Растрлық кескіндердің артықшылықтары да, кемшіліктері де бар.

Артықшылығы: растрлық кескінді түзетуге, әдемілей түсуге, яғни оның кез-келген бөлігін өзгертуге болады; нүктелерді қажет болмаса ішінара алып тастауға немесе қоюлатуға, сондай-ақ кескіннің әр нүктесін ақ-қара немесе басқа кез келген түске өзгертуге болады.

Кемшілігі: растрлық кескін өлшемінің масштабын өзгерткенде (бір немесе бірнеше бағытта созу немесе сығу) кескіннің сапасын жоғалтатыны. Мысалы, кескінді үлкейткенде, оның көрінісі дөрекіленіп кетсе, кішірейткенде - кескін сапасы өте нашарлап кетеді (нүктелерін жоғалтқандықтан) .

Растрлық кескіндердің тағы бір кемшілігі - файлдар өлшемдерінің өте үлкендігінде (түстері неғұрлым көп және сапасы жоғары болған сайын, олар соғұрлым үлкен болады) .

Бірақ бұл кемшіліктеріне қарамастан, қазіргі техникада растр өте жоғары сапалы кескін алуға мүмкіндік береді. Сондықтан растрлық кескіндер көркем графикада кеңінен қолданылады.

Растрлық графика электронды (мультимедиалық) және полиграфиялық басылымдарды жасап шығару үшін де жиі қолдылады. Растрлық графикалық редакторлар көбінесе жаңа суреттерді салу үшін емес, дайын суреттерді өңдеу үшін қолданылады. Осы мақсатта көбінесе суретшілердің қолымен салынған дайын суреттер сканерленіп алады немесе фотосуреттер алынады. Соңғы кездері растрлық кескіндерді компьютерге енгізу үшін сандық фотокамералар мен видеокамералар кеңінен қолданылуда.

Векторлық кескіндер, бұл - сызық, доға, шеңбер және тікбұрыш сияқты геометриялық объектілер жинағынан тұратын кескіндер. Бұл жерде вектор дегеніміз - осы объектілерді сипаттайтын мәліметтер жиынтығы.

Векторлық графиканың басты артықшылығы оған кескін сапасын жоғалтпай өзгеріс енгізуге, оңай кішірейтуге және үлкейтуге болатындығы. Келесі артықшылығы - векторлық кескіндердің ақпараттық көлемі растрлық кескіндермен салыстырғанда әлдеқайда аз болады. Векторлық кескіндер СorelDRAW, Adobe illustrator, Micrografx Draw секілді векторлық графикалық редакторларда жасалады.

Векторлық графикамен жұмыс істеуге арналған программалық құралдар бірінші кезекте кескіндерді өңдеу үшін емес, оларды жаңадан салу үшін қолданылады. Бұндай құралдар жарнама агенттіктерінде, дизайнерлік бюроларда, редакциялар мен баспаханаларда кеңінен қолданылады. Қарапайым геометриялық объектілер мен қаріптерді пайдалануға негізделген безендіру жұмыстары векторлық графика құралдарының көмегімен әлдеқайда оңай іске асады.

Фракталды графиканың жасалу әдісі сурет салуға немесе безендіруге емес, програмалауға негізделеді. Егер растрлық графикада растр (пиксель), ал векторлық графикада сызық базалық элемент болып табылса, фракталдық графикада математикалық формуланың өзі базалық элемент болып табылады, бұл компьютердің жадында ешқандай объект сақталмайды, кескін тек қана теңдік бойынша салынады деген сөз.

Интерактивті графикалық жүйелердің негізгі есептері.

ИГЖ-ді қолдану аймағы.

ИГЖ-ді қолданудың жіктелуі.

ИГЖ қысқаша тарихы.

Компьютердің ең маңызды функциясы - ақпаратты өңдеу. Кескіндермен байланысты ақпаратты ерекше атап өтуге болады. Ол негізгі үш бағытқа бөлінеді: компьютерлік графика (КГ), кескіндерді өңдеу және кескіндерді тану.

Компьютерлік графиканың мақсаты - көрсетушілік (визуализация), яғни кескінді құру. Көрсетушілік сипатталатын затты бейнелеуден тұрады. Көрсетушіліктің көптеген әдістері мен алгоритмдері бар. Олардың бір-бірінен нені бейнелеу керек және оны қалай бейнелеу керек екендігі жөнінде айырмашылықтары бар. Мысалға, адамның ойында тек қана мына бейнелер болуы мүмкін - функция графигі, диаграмма, схема, карта. Немесе керісінше - компьютерлік ойындарда, көркем фильмдерде, тренажерда, архитекторлық жобалау жүйелерінде сценаны кескіндеу. Мұнда ең маңызды және бір-бірімен байланысты факторлар кадрларды өзгерту жылдамдығы, сценаның объектілермен толтырылуы, кескіндеу сапасы, графикалық құрылымдардың ерекшеліктерінің тіркелуі болып табылады. Ақпаратты өңдеу кезінде, яғни мониторда кескіндеумен байланысты үш бағыт бар: COMPUTER VISION, IMAGE PROCESS-ING және COMPUTER GRAPHICS. Образдарды танудың негізгі есебі бар кескіндеуді символдардың түсінікті форальді тілінде түрлендіру болып табылады. Образдарды танып білу немесе техникалық көру жүйесі (COMPUTER VISION) деп - кескіндеуді сипаттауды алу әдісі, немесе берілген кескіндеуді қандай да бір класқа жатқызуды (бұл жағдайда мысалға, почтаны сараптауды) айтамыз. COMPUTER VISION-нің негізгі есебі болып объектілердің склетизациясы жатады, яғни объект негізі, «скелеті». Мысалыға қандай да бір сцена бар делік (аудитория, бөлме және т. б. ) . Компьютер осы сценаға сипаттама беруі керек (онда заттар бар ма, қандай жарықтану және т. б. ) . Computer Vision (CV) кескіндеуді сипаттауға ауыстырады.

Кескіндерді өңдеу (IMAGE PROCESSING) кіру және шығу деректері кескіндеу болатын есептерді қарастырады. Мысалы, шумды болдырмау және деректерді сығымдауда кескіндерді беру, кескіндеудің бір түрден екінші түрге ауысуы (түрлі-түстіден ақ-қараға) және тағы басқа. Image Processing - кескіндеуді өңдеу.

Кескіндеуді өңдеу есептері:

1. Кескіндеуде дефектіні алып тастау (мысалы, фото-пленкада қарды алып тастау

2. Кескіндеуді жақсарту (мысалы, ұсталынбаған фотосуретті сәл қараңғылау)

3. Кескіндеуді жеңілдету (мысалы, түрлі-түстіні ақ-қараға, каркасқа)

Компьютерлік (машиналық) графика (COMPUTER GRAPHICS) - Бейнеленбейтін табиғат мәліметі шығатын бейнелеуді қайта түрлендіру. Мысалы экспериментальді деректерді графика, гистограмма немесе диаграмма түрінде көрсету, компьютерлік ойындарда ақпаратты экранға шығару, тренажерда сценаны синтездеу болып табылады.

Сурет 1. 1

Компьютерлік графика - құру, сақтау және модельдерді өңдеу және оларды ЭЕМ көмегімен кескіндеуді оқып үйренетін ғылым. Егер қолданушы объектілердің сипаттамаларын басқаратын болса онда оны интерактивті компьютерлік графика деп түсінуге болады.

Мынадай схеманы аламыз

Кескіндеу

Объектіден таралатын және контуры мен деталын көрсететін оптикалық сәуле жүйесі нәтижесінен өтетін сурет - оптикалық кескін болады. Кескіндеуді оптикалық сыйымдылық функциясы көмегімен сипаттауға болады:

I = g(x, y) - үздіксіз жарық функциясы

Егер де біз белгілі бір нүктелерде функцияның мәнін алатын болсақ, онда матрицаны аламыз (gij матрицаның әрбір элементінде (i, j) - нүктесіндегі интенсивті функция мәні) . Осы матрицаның көмегімен кескін машинаға беріледі. Бейнеленетін матрицаның элементі - picture element- pixel.

Егер кескін ақ-қара болса, онда бізге градация да жеткілікті:

0 - жарықтың жоқтығы (қара) ;

255- ақ.

Сондықтан бізге әрбір пикселге 1 байт жеткілікті.

Интерактивті компьютерлік графиканың аппараттық қамтамасыздандыруы

Бұл дәрісте біз негізінен графикамен тиімді жұмыс істеудегі компьютерге қойылатын талаптарды қарастырамыз. Мұнда біз компьютерлік техниканың қарыштап дамуына байланысты бұл талап үнемі өсіп отырғанын атап өтуіміз керек. Келесі ішкі пунктер қарастырылады:

Кескінді енгізу және шығару әдістері жайындағы алдын-ала ескертулер;
Компьютер құрлымы мен кешені;
Компьютердің графикалық жүйесі;
Периферия;
Графикалық мәліметтерді енгізу құрылғысы.

Бейнені енгізу және шығару құралдары жөнінде алдын-ала ескертулер

Компьютерде сандық кескінді басқару үшін тек қана графикалық редактор емес сонымен бірге оларға сәйкес ДК аппараттық бөлігі қажет. Сіздің жабдығыңыз тиімді жұмыс істеуі үшін ДК мынандай сипаты болу керек, графикалық ақпаратты тез, қолайлы және ыңғайлы өңдеуді қамтамасыз ету керек. Бұл дәрісте біз компьютерлік “темірдің” құрамын және құрлымын қарастырамыз. Дәрістік матералдарды дайындаған кезде графика ауданындағы компьютерге деген минимальді талаптар жиыны келесідей болды:

қолдау параметрі 1024 х 768 нүкте және одан жоғары деңгейге рұқсатталады;
түс тереңдігі 24 бит (TrueColor) ;
64 Мбайт кем емес ЖСҚ (ОЗУ) болуы ;
CD-ROM болуы.

Компьютер құрылымы және комплектісі. Монитордың негізгі сипаттамалары. Графикалық бейнелерді баспаға шығару. Графикалық жұмыс станциялары.

Дерес компьютердің базалық конфигурациясы келесі құрылғыдан тұрады:

- жүйелік блок;

- монитор;

- пернетақта;

- басқарушы «тышқан».

Компьютерге қосымша құрылғы қосылады. Оларды перифериялық деп атайды: принтер, джойстик, сканер, музыкалық қойлым, модем, плоттер, дигитайзер, сандық фотокамера, жарықтық перо, графикалық планшет және т. б. Үстелдік ДК компьютерлерден басқа тасымалдау компьютерлер бар. Қазіргі тасымалдау компьютерлерін ағылшынша «ноутбук» (note-book, немесе блокнот түріндегі компьютер ) деп жиі атайды.

Жүйелік блок

Жүйелік блок дербес компьютердің орталық компоненті болып табылады. Оның корпусының ішінде компьютердің негізгі электрондық құрлымдар бар, оларға мыналар кіреді:

видеоадаптерлі жүйелік тақта;
қорек блогы;
қатты және иілгіш магниттік дискілердегі жинағыштар.

Олардан басқа, жүйелік блокта компакт-дискідегі жинағышты, дыбысты тақтаны, видеобластерді, перифериялық құрылғылар бақылаушы тақтасын ішкі модемді орналастырады.

Корпус

Жүйелік блок корпусы екі типте дайындалады:

горизонтальді корпус - desktop (сөзбе сөз «үстел беті») ;
вертикальді корпус - tower (мұнара), бірнеше варианттар кіреді:
Mini-Tower, Midi-Tower, BigTower, Super-Big-Tower, File Server.

Аналық(жүйелік) тақта

Аналық (жүйелік) тақта жүйелік блоктың негізгі элементі болып табылады. Оған компьютердің жүйелік блогының жеке компоненттері орнатылады. Сондықтан оның сапасы компьютердің әртүрлі түйіні арасындағы әсер ету жылдамдығы және беріктігімен анықталады.

Манипуляторлар

Алғашқы дербес компьютерлер ақпаратты енгізу үшін қолданған және компьютердің бір ғана құрылғысымен басқарған (пернетақтамен) . Бұдан қарапайым басқаруды жүзеге асыру үшін жүйеге қосымша параллельді пернетақта құру қажет болды. Бұл талапты Стенфорд зерттеу институтынан (АҚШ) Дуглас Энджелбарт шешті. 1970 жылы ол манипуляторға патент алды. Басында мұндай манипулятор «X-Y позиция индикаторы» деп аталды. Ол қазіргі тышқанның бұрынғы бейнесін берді. Соңынан манипулятордың басқа түрлері құрылды- трекболдар және джойстиктер.

Тышқан

Тышқан компьютерде графикалық ақпаратты енгізудің маңызды құралы болып табылады. Қазіргі программалық өнімде қүрделі қабықшасы бар, тышқан программаны басқаратын негізгі құрал. Тышқанның элементі ретінде кең тараған конструкциясы тығыз резинкапластикадан жасалған шар оның қозғалысын қадағалайды

Трекболдар

Трекбол - бұл үлкен өлшемді шарлы аударылған тышқан түрінде елестетуге болатын ақпарат енгізу құрылғысы. (сурет. 1. 2) . Трекболдың деректерді беру және әсер ету принципі тышқандікіндей.

Джойстиктер

Джойстик ақпаратты енгізетін координаттық құрылғы және ол компьютерлік ойын және компьютерлік жаттығу облысында көп қолданылады.

Пернетақта

Пернетақта - бұл компьютерге ақпарат енгізетін құрал. Ол бастырманы басқан кезде шағылысатын белгілі электрлік тізбектерді қабылдайтын механикалық тіркемелер жиыны. Қазіргі кезде пернетақтаның екі түрі таралған: механикалық және мембраналық айырып қосқышты пернетақталар.

Компьютердің графикалық жүйесі

Компьютердің графикалық жүйесіне видеокарта және монитор кіреді, сондықтан видеокартаны монитормен бірге алуға болады, сонымен бірге жақсы видеокарты -жақсы монитормен.

Мониторлар

Компьютер мониторы экранға мәтіндік және графикалық ақпаратты шығаруға арналған. Бұл әрі қарай модельдеуге келмейтін компьютердің бір ғана элементі. Екінші маңызды фактор - бұл аппаратуралық тор ұяшығының ені немесе нүкте өлшемі. Ол 0, 24-0, 25 мм артық болмауы керек. Бүгінгі күнгі ең кең тараған дисплейлер түрі - бұл CRT (Cathode Ray Tube), немесе ЭСТ (ЭЛТ) -мониторлар. Олар өз атауларын өздерінің негізгі компонентіне байланысты алған - электрондық -сәулелі түтіктер (ЭЛТ) . Олардың конструкциялары әр түрлі болуы мүмкін.

Ұқсас мониторлар

Берілген тип мониторлардың электронды- сәулелі түтігі видеоадаптерден түсетін ұқсас сигналдармен басқарылады. Монитордың электронды- сәулелі түтігі жұмыс істеу принципі теледидар түтігі жұмысы сияқты. Ұқсас мониторлар VGA (640 х 480 пиксель) және одан жоғары стандартты қолдайды.

Сұйықкристалдық дисплей

Сұйықкристалдық дисплей экраны (СКД-ЖКД) екі әйнек пластинадан тұрады, олардың арасында сұйық кристалдар болады. Кристалдар ұсынылған электр зарядына тәуелді өзінің оптикалық қасиетін өзгертеді. Сұйық кристалдар өздері жарықтанбайды, сондықтан ЖКД ішкі жарықтандыруды қажет етеді. ЖКД негізгі жетістігі олардың габариттері (жазық экран ені 5-6 см) . Кемшілігіне экранда кескінді өзгерткен кезде әсер етуінің баяу болуы, ол тышқан курсорын қойғанда байқалады, сонымен қатар кескін жарықтығы көз бұрышына тәуелдігі.

Газоплазмалық мониторлар

Газоплазмалық мониторлар екі пластинадан тұрады, олардың арасында электрондық импульс әсерінен жарықтанатын газ қоспасы болады . Ондай мониторлардың кемшілігі жоқ, бірақ оларды тасымалданатын аккумулятор және батарейкамен қоректенетін компьютерлерге қолданбайды, өйткені олар көп ток қажет етеді

Графикалық деректерді шығаратын құрылғыларға мониторлардан басқа принтер де жатады. Принтер (printer), немесе баспаға шығаратын құрылғы ақпаратты қағазға шығаруға арналған. Бүгінгі күні принтердің бірнеше мыңдаған моделі белгілі, оларды негізгі төрт типке бөлуге болады- матрицалы, бүрікіш ( сруйный), лазерлі және жарықдиодты

Матрицалық принтерлер

Жақында ғана матрицалық (ине тәрізді) принтерлер ДК -да шығаратын негізгі стандартты құрылғы болған, өйткені бүріккіш принтерлердің жұмысы қанағатсыз, ал лазерлік принтерлердің бағасы өте жоғары еді. Қазіргі күні матрицалық принтерлер өте аз қолданылады. Осы принтерлердің артықшылығы: қанағаттандырарлық баспа жылдамдығы және әмбебаптығы, кез-келген қағазбен жұмыс істеу қабілетінің болуы, сонымен қатар баспа бағасының төмен болуы. Кемшіліктері: басылған өнімнің, әсіресе графикалық өнімнің сапасының төмен болуы. Басқа кемшілігі: ине тәрізді принтер механикалық құрылғы, механикалық түйіндер жұмысы әрқашан шулы болады.