Қызылорда қаласының әлеуметтік-экономикалық дамуының 2006 жылғы 1 шілдедегі қорытындылары

Пән: Өнеркәсіп, Өндіріс
Жұмыс түрі: Материал
Тегін: Антиплагиат
Көлемі: 7 бет
Таңдаулыға:

Қызылорда қаласының әлеуметтік-экономикалық дамуының 2006 жылғы 1 шілдедегі қорытындылары
Өнеркәсіп. 2006 жылдың қаңтар – маусым айларында қаланың өнеркәсіп кәсіпорындары 209098,8
млн.теңгенің өнеркәсіп тауарларын өндіріп, өнім көлемі өткен жылдың салыстырмалы кезеңімен
116,8 пайызды құрады.
Кен өндіру өнеркәсібінде өнім көлемі 203090,0 млн.теңге болып, өткен жылдың салыстырмалы
кезеңімен 116,7 пайызды құрады. Бұл жалпы өнеркәсіп өнімінің 97,1 пайызын құрайды. Барлығы
5469,7 мың тонна мұнай өндіріліп, өткен жылдың салыстырмалы кезеңімен 116,5 пайызды
құрады.
Өңдеуші өнеркәсіп саласының өнім көлемі 3007,1 млн.теңгені құрап, өткен жылдың
салыстырмалы кезеңінен 18,1 пайызға артты. Бұл барлық өнімнің 1,4 пайызын құрайды. Сүт
өнімдерін өндіру 41,6 пайызға, целлюлоза-қағаз өнеркәсібі, баспа өндірісінде өнім көлемі
8,6 есеге, резеңке және пластмасса өнімдерін өндіру- 10,4 пайызға, өзге де металл емес
минералды өнімдер өндіру – 39,8 пайызға, машина жасау – 43,4 пайызға, өнеркәсіптің басқа
салалары – 98,4 пайызға артты.
Электр қуатын, суды және газды өндіру және тарату саласында өнім көлемі 3001,8 млн.теңге
болып, өткен жылдың салыстырмалы кезеңімен 121,9 пайызды құрады. Бұл жалпы өнімнің 1,4
пайызын құрайды. Оның ішінде газды өндіру және тарату көлемі 225,5 млн.теңгені құрады.
Электр қуатын өндіру және тарату 35,1 пайызға, суды жинау, тазалау және бөлу 4,3 пайызға
артты.
Ауыл шаруашылығы. Мал шаруашылығында 2006 жылдың 1 шілдесіне меншіктің барлық нысандары
бойынша 10735 бас ірі қара мал, 4307 бас сиыр, 60179 бас қой мен ешкі, 1475 бас жылқы, 492
бас түйе, 1044 бас шошқа,180159 құс өсірілуде. Өткен жылдың салыстырмалы кезеңінен ірі
қара мал 1,4 пайызға, сиыр-1,0 пайызға, шошқа – 3,1 пайызға пайызға өсті.
Есепті мерзімде 780,1 (тірілей салмақпен) тонна ет, 1999,2 тонна сүт, 11731,0 мың дана
жұмыртқа өндіріліп, өткен жылдың салыстырмалы кезеңінен ет 0,4 пайызға, сүт 0,7 пайызға,
жұмыртқа 11,7 пайызға артты.
Негізгі дақыл күрішті егу үшін қажетті 902 тонна тұқым толық тексеріліп, 40 тоннасы I
класты, 700 тоннасы - II класты, 162 тоннасы III-класты себу дәрежесіне жеткізіліп
себілді. Қажетті 2640 тн минералды тыңайтқыштардың 1615 тоннасына, оның ішінде 512 тн
фосфорлы, 1103 азотты тыңайтқыштарға субсидия алуға сұраныс тапсырылып, облыстық
ауылшаруашылығы департаментімен келісім –шарт жасалынды. Қазіргі таңда оның 400 тонна
азотты тыңайтқышы алынды. Ауылшаруашылығы құрылымдары 2160 тонна тыңайтқыштарды өз
күштерімен әртүрлі мекемелер арқылы алуды қамтамасыз етті.
Көктемгі дала жұмыстарын атқаруға мемлекет тарапынан субсидия арқылы 600 тонна жанар-жағар
май бөлініп отыр.
Көктемгі егіске барлығы 92 дана тракторлар және 107 дана түрлі ауылшаруашылығы техникалары
қатысты.
Қалаға қарасты ауылшаруашылығы құрылымдарының барлық нысандары бойынша 2006 жылы 3005 га
күріш, 420 га жаздық бидай, 870 га картоп, 860 га көкөніс, 505 га бақша дақылы, 330 га
жаңа жоңышқа егіліп, қолда бар 550 га ескі жоңышқа тырмаланып, суғарылып, күтімге алынды.
Негізгі капиталға инвестиция салу. 2006 жылдың қаңтар-маусым айларында негізгі капиталға
меншіктің барлық нысанындағы кәсіпорындар мен ұйымдар 13619,1 млн. теңгенің күрделі
қаржысын салды, бұл өткен жылдың салыстырмалы кезеңімен 86 пайызды құрайды.
Инвестицияның 894,4 млн.теңгесі республикалық бюджет, 136,4 млн.теңгесі жергілікті бюджет,
12203,4 млн.теңгесі кәсіпорындар мен ұйымдардың қаржысы, 75,8 млн.теңгесі шетел
инвестициясының, 309,1 млн.теңгесі қарыз алынған қаржы есебінен игерілді.
Өткен мерзімде жалпы көлемі 49013 шаршы метр 449 тұрғын үй іске қосылды. Бұл өткен жылдың
салыстырмалы кезеңімен 149,1 пайызды құрайды.Оның ішінде жеке тұрғындар қаржысы есебінен
35843 шаршы метр тұрғын үй, екі 8 пәтерлі, екі 14 пәтерлі және 70 пәтерлі ипотекалық
көпқабатты тұрғын үйлер және 60 пәтерлі коммуналдық тұрғын үй пайдалануға берілді.
Көлік және байланыс. Қала бойынша қаңтар-маусым айларында автокөлік кәсіпорындарымен
1206,22 мың тонна жүк тасымалданды. Жүк көлемі өткен жылдың салыстырмалы кезеңінен 35,5
пайызға артты.
Автокөлік кәсіпорындары есепті мерзімде 2768,1 мың жолаушы тасымалдады. Жолаушылар
тасымалдау өткен жылдың салыстырмалы кезеңінен 17,1 пайызға артты.
Қала бойынша қаңтар-мамыр айларында 439,5 млн. теңгенің байланыс қызметі көрсетілді. Бұл
қызмет көлемінің 9,1 пайызын немесе 40,1 млн. теңгесі пошта байланысы, ал 90,9 пайызы
немесе 399,4 млн. теңге телекоммуникация байланысы бойынша көрсетілген.
Шағын кәсіпкерлік. Облыстық статистика басқармасының мәліметі бойынша 2006 жылдың 1
шілдесіне қалада 2304 шағын бизнес кәсіпорындары (заңды тұлғалар) тіркелді. Бұл облыс
бойынша тіркелгендердің 74 пайызын құрайды. Бүгінгі күнге оның 1883-і (тіркелгендердің
81,7 пайызы) жұмыс жасайды. Жұмыс істеп тұрғандардың ішінде 919 кәсіпорын белсенділер
қатарына жатады.
Жыл басынан бері кәсіпкерлік саласында жаңадан 621 жұмыс орындары ашылды. Оның ішінде 25-і
өндіріс саласында, 275-і сауда саласында, 9-і білім және денсаулық сақтау саласында, 312-і
басқа салаларда.
Қаржы саясаты. 2006 жылдың 1 шілдесіне қала бойынша заңды және жеке тұлғалардан бюджетке
барлығы 90753,7 млн. теңге салықтар мен басқа төлемдер түсірілді. Болжам 102,1 пайызға
орындалды. Оның ішінде республикалық бюджетке 85448,5 млн.теңге, жергілікті бюджетке
5305,2 млн.теңге қаржы түсті.
Қала бюджетінің кірістер бөлігі, трансфертті қоса есептегенде 104,5 пайызға немесе
жоспарланған 3734,1 млн.теңге орнына 3903,6 млн.теңгеге орындалды. Оның ішінде өз
кірістері жоспарланған 1883,6 млн.теңгенің орнына 2094,4 млн.теңгені құрап, 111,2 пайызға
орындалды.
Тұрғын үй құрылысын дамытудың 2005-2007 жылдарға арналған мемлекеттік бағдарламасы бойынша
ипотекалық пәтерлер сатудан қала бюджетіне 356,2 млн.теңге түсті, оның 341,0 млн.теңгесі
республикалық бюджетке аударылды.
Коммуналдық шаруашылық. Қаланың санитарлық тазалығы тендер жеңімпаздары болған мекемелер
күшімен 14 секторға бөлу арқылы жүргізілуде. Атап айтқанда “Спецавтотранс”, “Қызылорда
Пауэр”, Ақмешіт Сарқырама, “Иман”, “Қызылорда гүлдері”, “Шапағат”, “Пристань”, Рүстем”,
Тазалық сервис ЖШС-тері, “Көркейту”, “Тасбөгет”, Тұрғын үй қызметі МК-дары айналысады.
Осы мекемелердің түрлі 25 техникасының және 220 адамның күшімен күнделікті 180-200м3
күл-қоқыстар шығарылуда. Жыл басынан бері 12460 м3 күл-қоқыс шығарылып, қала сыртындағы
полигонда залалсыздандырылды. Сонымен қатар қалалық СЭС қызметкерлерімен бірлесіп қала
бойынша анықталған 32 иесіз күл-қоқыс орындары тазартылып, жалпы көлемі 2773 м3 қоқыс
шығарылды.
Қаланы көгалдандыру және егілген ағаш көшеттерін аяқ сумен қамтамасыз ету мақсатында 25,7
шақырым магистральды каналдар мен 178 шақырым арықтар тазаланып, 11 насос қондырғылары
орнатылды. Жалпы қаладағы аяқ сумен қамтамасыз етілетін арық жүйелері бойына барлығы 72000
түп ағаш көшеттері, оның ішінде 57000 дана саялы ағаш және 15000 дана қаламшалар
отырғызылып, оны күтіп-баптау жұмыстары жүргізілуде.
Қаланың экологиялық ахуалын жақсарту мақсатында 24355 шаршы метр жерге отырғызылған
газондар мен 9038 шаршы метр гүлзарлар Зеленстрой, Ақмешіт-Сарқырама, Қызылорда
гүлдері, Спецавтотранс күшімен күтіп бапталуда.
Көп қабатты тұрғын үй аулаларын күл-қоқыс жәшіктерін қоятын арнайы орындармен қамтамасыз
ету мақсатында Шұғыла, Сәулет мөлтек аудандары және Титов қыстағында 48 арнайы орындар
салынды.
Сонымен қатар, қаладағы 531 көп қабатты тұрғын үйлерге Риапан ЖШС-гі күшімен
дезинфекциялық залалсыздандыру жұмыстары жүргізілді.
Қаланың Жібек жолы, Байсейітова көшелері мен Абай даңғылына, қала халқы демалатын Сырдария
жағалауына барлығы 240 дана кіші қоқыс жәшіктері (урна) орнатылды.
Көп қабатты тұрғын үй аулаларында балалар ойнайтын алаңдар салу жұмыстары жалғастырылуда.
Шұғыла мөлтек ауданының №25,26,27 көп қабатты тұрғын үйлері мен Панфилов көшесі №30 үй,
Амангелді көшесі №2 үй, Төле би №139-141 а, Бегім ана көшесі №3,7 көп қабатты тұрғын үйлер
аулаларында балалар ойнайтын алаңдар салынып, Қазантаев көшесі №19, Ақмешіт мөлтек ауданы
№10,11, Мұратбаев көшесі №15,17, Әуезов көшесі №5а, Қорқыт ата көшесі №3а және №7 тұрғын
үйлер аулаларына орналастыру жұмыстары жалғасын табуда.
Қала жолдарын ағымдағы жөндеу жұмыстарын ДЭУ-54 ЖШС жүргізуде. Ағымдағы жөндеу жұмыстары
31 көшеге (23 мың шаршы метр) –Төле би, Қорқыт ата, Қ.Яссауи, Ғ.Мұратбаев, Бұқарбай батыр,
Қонаев, Қазантаев, Әйтеке би, Желтоқсан, Алтынсарин, Журба, Әбуов көшелеріне және Абай
даңғылына жүргізілді.
Шұғыла мөлтек ауданындағы №25, 26, 27 көпқабатты тұрғын үйлер аулаларының тротуарлары
жөнделіп, 830 шаршы метр автокөлік тұрағы салынды. Бегім ана көшесі №3-7 көп қабатты
тротуары қайта жөнделіп, 400 шаршы метр жер асфальттанды.
Ауыл округтерінде ағымдағы жол жөндеу жұмыстары жүргізіліп, Ақжарма ... жалғасы

Сіз бұл жұмысты біздің қосымшамыз арқылы толығымен тегін көре аласыз.