Ағымдағы игеру жағдайын талдау

2 Технологиялық бөлім

2. 1 Кен орынды игеру жүйесі

2. 1. 1 Ағымдағы игеру жағдайын талдау

Жайық мұнай-газ өндіру басқармасы алты негізгі мұнай кен орындарын игереді: С. Балғымбаев, Камышитовый, Жаңаталап, Ровное, Гран, Забурын, Оңтүстік-Шығыс Камышытовый.

Айдау ұңғылары қоры С. Балғымбаев кен орны бойынша істеп тұрғандар 27, су айдайтын 15 ұңғы, бақылау ұңғылары 12, консерванцияда 1 ұңғы.

С. Балғымбаев кен орны бойынша мұнай өндіру алдыңғы қатарлы жоғарғы қарқынмен жүргізіледі, сондықтан да гидродинамикалық және геофизикалық зерттеулер игеруді бақылауға маңызды міндет болып табылады.

Механикалық тәсілмен жұмыс істейтін барлық ұңғылар, графикке сәйкес динамограммаға түсіріледі. Барлық істейтін ұңғылар қоры бойынша, айына 2 реттен сирек емес механикалық қоспа, су құрамына сынақ өткізіледі.

С. Балғымбаев кен орнын өндірістік игеруге қосу үшін ұңғыларды өнімділікке зерттеді. Ұңғыларды өнімділікке зерттеу 3 және 14мм. штуцермен 3-4 режимде жүргізілді. Режимдегі жұмыс ұзақтығы 7, 2-ден 140 сағатты құрады.

Индикаторлық диаграмманы интерпретациялау нәтижесінде әрбір қабаттың өнімділігі, сонымен қатар 1м тиімді қалыңдықтың өнімділігі, гидроөткізгіштік, өткізгіштік, пьезоөткізгіштік коэффициенттері анықталды. Ұңғылардан алынған параметрлік көрсеткіштер бойынша әрбір қабаттың өнміділігі, гидроөткізгіштік, өткізгіштік, пьезоөткішгіштік коэффициенттері анықталды. Ұңғылардан алынған параметрлік көрсеткіштер бойынша әрбір горизонттың орташа мінездемесі жазылды. Кен орнында өнімділік қасиеті бойынша орта юра горизонты ерекшеленеді, жеке өнміділігі 54, 8 м ³ /тәу /МПа/м құрады. Ал, І және ІІ объектерде сәйкесінше бұл шама 6, 9 және 8, 1 м ³ /тәу/МПа/м болды. Жоғары өтімділік көрсеткіші І пайдалану объектісіне сәйкес келеді (3, 12 мкм ² ) .

С. Балғымбаев кен орны бойынша 1. 12. 2006 жылда 112 ұңғымен мұнай игерілді, олардың ішінде үшеуі тоқтап тұр. Тоқтап тұрғаннан пайдаланушыға үш ұңғы кіргізілді, 24, 40 және 130 айдау ұңғылары қорынан бір скважина (193) және бір скважина бақылау қорынан айдау скважинасы қорына ауыстырылады (19) Бұл мәліметті сурет В-да көрсетілген ағымдағы игеру картасынан көруге болады.

Кен орны бойынша су айдау 30 ұңғымен жүргізілуі керек болды, бірақ оның 3-і іске қосылмады. Кен орнының ұңғы қорлары туралы мәлімет 2. 1-кестеде толығырақ келтірілген.

2. 1-кесте. С. Балғымбаев кен орнының 01. 01. 2010 жылғы ұңғылар қоры жағдайы

С. Балғымбаев кен орнын өндірістік игеруге қосу үшін ұңғыларды өнімділікке зерттеді. Ұңғыларды өнімділікке зерттеу 3 және 14мм. штуцермен 3-4 режимде жүргізілді. Режимдегі жұмыс ұзақтығы 7, 2-ден 140 сағатты құрады.

Индикаторлық диаграмманы интерпретациялау нәтижесінде әрбір қабаттың өнімділігі, сонымен қатар 1м тиімді қалыңдықтың өнімділігі, гидроөткізгіштік, өткізгіштік, пьезоөткізгіштік коэффициенттері анықталды. Ұңғылардан алынған параметрлік көрсеткіштер бойынша әрбір қабаттың өнміділігі, гидроөткізгіштік, өткізгіштік, пьезоөткішгіштік коэффициенттері анықталды. Ұңғылардан алынған параметрлік көрсеткіштер бойынша әрбір горизонттың орташа мінездемесі жазылды. Кен орнында өнімділік қасиеті бойынша орта юра горизонты ерекшеленеді, жеке өнміділігі 54, 8 м ³ /тәу /МПа/м құрады. Ал, І және ІІ объектерде сәйкесінше бұл шама 6, 9 және 8, 1 м ³ /тәу/МПа/м болды. Жоғары өтімділік көрсеткіші І пайдалану объектісіне сәйкес келеді (3, 12 мкм ² ) . Орта юра горизонтының жоғары пьезоөткізгіштігі, бұл қабат жынысының аз тұтқырлығымен түсіндіріледі (орта мәні - 1, 79 мПа·с) .

Игерудің екі объектісі бойынша (апт-неокомдық және ІІ неокомдық горизонттар) әрбір ұңғының жұту көрсеткіші бойынша гидромүмкіндігі анықталды. Апт-неоком горизонтындағы ұңғыларды (№8, 9, 19, 22) жұту көрсеткішіне сынау 3 режимде жүргізілді. Қысымдар 2, 0; 4, 0; 6, 0 МПа болғанда, орташа жұтылу мәні 491, 7м ³ тәулік болды. ІІ неоком горизонтындағы №5 және 7 ұңғыларға қысымдары 2, 0-ден 8, 0 МПа аралығында 3 режимде сынама жүргізілді. Орташа жұтылу көрсеткіші 79м ³ тәуліктен 720 м ³ /тәу аралығында болды.

Горизонттардың геологиялық сипаттамасымен зерттеу нәтижелері бойынша апт-неоком, І және ІІ неоком және орта юра горизонттарында активті контур суларының арыны анықталды. Тек тектоникалық жарылыммен орталық блок жан-жағынан қоршалған. Апт-неоком горизонтының оңтүстік қанатындағы мұнай-газды тұтқышы газсуарынды режимде. Кен орнының оңтүстік қанатының І және ІІ неоком горизонттарының мұнай тұтқышы үлкен көлемді және активті суарынды режимі бар. Кен орынның солтүстік-батыс қанатындағы барлық горизонттарындағы (тек 1 орталық алаң кірмейді), сонымен қатар орта юра горизонттарындағы мұнай тұтқышының көлемі кішірек және бұнда да активті суарынды режим қалыптасқан.

С. Балғымбаев кен орнының алғашқы қабат қысымы ашық ұңғы оқпанында және ұңғыны әрі қарай игеру кезінде анықталды.

ІІІ пайдалану объектісінің І және ІІ объектіден алшақ жатуына байланысты, объектер арасында қысым айырмашылығы бар екені көрінді. Нәтижесінде қысым өзгерісінің тереңдікке тәуелділігінің екі өзгеше сызығы тұрғызылды. І және ІІ объект бойынша тәуелділік теңдеуі мынадай $P$ тұрғызылды. I және II объект бойнша тәуелділік теңдеуі мынадай Рқаб =0, 0115·Н _абс + 0, 002. Қысым градиенті 0, 0115 МПа/м. Тереңдік бойынша қабат температурасының таралуын ұңғыларды сынау нәтижесінде алынды. 3 пайдалану объектісіне жалпы тәуелділік былай жазылды T=f(h) . Т=0, 063·Н _абс - 11, 386; Температуралық градиент 100 м. 6, 3 ⁰ С құрады, ал геотермиялық саты 15, 87 м/1 ⁰ С тең болады.

Алынған мәліметтердің анализі көрсеткендей, қазіргі таңда кен орынды алғашқы пайдалану кезеңіндегідей, ІІІ объект ұңғыларының өнімділік көрсеткіші жоғары болып тұр. Мұнда мұнайға қатысты өнімділік көрсеткіші 0, 296 м ³ /тәу/МПа/м болды. Ал, І және ІІ объекті шамалары, сәйкесінше 0, 050 және 0, 105 м ³ /тәу/МПа/м құрады. Бірақта орта юра горизонтына қарағанда І және ІІ пайдалану объектісінің коллекторлық қасиеттері жақсы. Бұл объекттердің орташа гидроөткізгіштік мәні үшінші объектімен салыстырғанда 2 есе жоғары, ал өтімділік коэффициенті 13-18 есе жоғары.

Қазіргі уақыттағы өнімділік және фильтрациялық шамаларын бастапқы кезеңмен салыстырғанда, бұлардың жалпы нашарлауы анықталады. Меншікті өнімділік ІІ объектіде 74 есе, ІІІ объектіде 185 есе төмендеген. Горизонттар бойынша гидроөткізгіштік коэффициенттерінің орташа төмендеуі 3, 4 еседен (ІІ объет) 19 есе (ІІІ объект) аралығында. Қабаттың соңғы (ІІІ объект) өтімділігінің төмендеуі 6% - тен 38, 7%.

Кен орнының өнімділік және фильтрациялық сипаттамаларының төмендеуі, кен орынды ұзақ уақыт пайдалану кезіндегі қабаттың сарқылуы әсерінен болды. Қазіргі уақытта кен орнынан 14339 мың т мұнай алынған, бұл алынатын қордың 90, 7% құрайды.

2. 1. 2 Ұңғылар қорының және олардың ағымдағы дебиттерінің, игерудің технологиялық көрсеткіштерін талдау

01. 01. 2006 ж. мәлімет бойынша С. Балғымбаев кен орнында бұрғыланған ұңғылар саны 209 бірлікті құрады. Бұның ішінде пайдалану қорында 114 өндіру ұңғысы бар. Оның 3-еуі күрделі және аралық жөндеуді күтіп тұрғандары, 3 ұңғы тоқтап тұр. Есептеу кезеңінде айдау ұңғыларының қоры 27 ұңғы болды, оның біреуі тоқтап тұр. 10 ұңғы бақылау категориясында, олардың үшеуі кезінде мұнай өндіру және су айдау пайдалану қорында болған. Су өндіру ұңғы қоры - 5 ұңғы, оның 4-еуі жұмыс істеп тұр, 1-еуі тоқтап тұр. Жабылған ұңғылар қоры 51 ұңғыны құрайды, бұлардың ішінде 34-і (3-өндіру, 6-барлау, 4-су жұтушы, 1-бақылау және 14-суөндіру ұңғылары) геологиялық және 17-сі (5-өндіру, 10-айдау, 1-бақылау және 1 барлау ұңғылары) техникалық жағдай бойынша жабылған. Жабылуын күтіп тұрған 2 ұңғы бар: бұлар өндіру қорындағы №45, 50 жоғары суланған ұңғылары.

Есепті кезеңде (2007 жыл) 4 жаңа ұңғы бұрғыланды: 129а - І объектіде, 179-ІІ объектіде, 203, 205-ІІІ объектіде.

Кен орнындағы өндіруші ұңғыларды пайдалану негізінен механикалық тәсілмен жүргізіледі.

Төменде ұңғыларды пайдалану қорын объектіге бөліп қарастырамыз. І объект (апт-неоком+неоком горизонттары)

01. 01. 2008 ж. мәлімет бойынша І объектінің өндіру ұңғылар саны 83 бірлікті құрады, оның 79-ы жұмыс істеп тұр (бұның ішіндегі 16 ұңғы, І және ІІ пайдалану объектісі бойынша ортақ пайдаланады) . Бір ұңғы (№32) суланған аумақты бөлшектеуді жүргізетін күрделі жөндеуді күтіп, уақытша тоқтап тұр. Осы жылы екі объекті бойынша ортақ жұмыс жасайтын 5 жоғары суланған ұңғылар (№№73, 74, 86, 87 және 146) айдау категориясына көшірілді.

Игерудің бүкіл кезеңінде 5 ұңғы жабылды: 4-і техникалық (№№47, 135, 145, 168) және 1-і (№17) геологиялық себептермен.

Жұмыс істеп тұрған айдау ұңғыларының саны 21 бірлік, бұның ішіндегі 2 ұңғы (№97 және 146) екі игеру объектісіне (І+ІІ) ортақ. Объектіні игерудің бастапқы кезеңінен бастап 16 ұңғы жабылды: 10 (№№7, 55, 64, 65, 67, 68, 69, 70, 25, 127) - техникалық және 6-уы (№5, 17, 27, 36, 66, 170) - геологиялық себептермен.

Есептеу кезеңінде бір ұңғы бұрғыланды: 129 а.

2 ұңғы (№45 және 50) жабылуын күтіп, тоқтап тұр.

ІІ объект (аралық+ІІ неоком горизонттары)

ІІ объектіде өндіруші пайдалану ұңғылар саны 39 бірлік, оның жұмыс істеп тұрғаны -37 (бұның ішіндегі 16 ұңғы, І және ІІ пайдалану объектілеріне ортақ) . Есептеу кезеңінде №98 және №163 ұңғылар жер асты жөндеуін күтіп тұр. Жұмыс істемей тұрған №161 ұңғы, сулануы жоғары болғандықтан (99%. ) бақылау қорына аударылды. Айдау ұңғылар қоры 10 бірлік, бұлардың бәрі жұмыс істеп тұр. Екі ұңғы І және ІІ пайдалану объектісіне ортақ.

ІІІ объект (орта юра горизонты)

ІІІ объектінің өндіруші ұңғылар саны 8 жұмыс істеп тұрған ұңғыны құрайды. Осы жылы №15 ұңғы, 1981-2005 жылдар аралығында бақылау қорында болған, өндіру қорына аударылды. 2004 жылдан бері жоғарғы сулану әсерінен жұмыс істемей тұрған №102 ұңғы, капиталды жөндеуден кейін 2005 жылдың мамыр айында есңе қосылды. ҰКЖ кейін ұңғының сулануы 88%-ке түсті. Есепті кезеңде екі ұңғы бұрғыланды: №203 және №205. Бұл объектіде ҚҚҰ жүргізілмейді.

Объектіні игеру басынан бастап 3 өндіру ұңғысы жабылды: екеуі (№2, 103) - геологиялық және біреуі (№101) - техникалық себептермен.

Кесте 2. 2-де және кесте 2. 3-де өндіру және айдау ұңғыларының соңғы бес жылдағы пайдалану көрсеткіші мен қолдану көрсеткіші келтірілген. Кестеден көріп тұрғанымыздай, объектерде айдау ұңғыларын тиімді қолдануының өсіп отырғанын байқаймыз. Соған сәйкес пайдалану ұзақтығыда артты. Ал, өндіру ұңғыларына келсек, І объекті бойынша қолдану коэффициенті 2007 жылы 0, 980-нен 0, 964-ке төмендеді, бұл жұмыс істемей тұрған ұңғылардың өсуімен түсіндіріледі. ІІ және ІІІ объектерде тұрақтылық байқалады.

2. 2-кесте. 2006-2010 жылдары ұңғыны қолдану коэффициенті

2. 3-кесте. 2006-2010 жылдары ұңғыны пайдалану коэффициенті

2. 3-кестеде 01. 01. 2008 ж. І объекті бойынша өндіру ұңғыларының пайдалану коэффициентінің орташа мәні 0, 819, айдау ұңғылар қорінікі - 0, 977, II объекті бойынша өндіру ұңғылары-0, 871, айдау ұңғылары-0, 972, ІІІ объекті бойынша ұңғыларды тиімді пайдалану коэффициенті 0, 853 ү. б. құрады. Алдыңғы жылдармен салыстырғанда, барлық объекттердің өндіру ұңғыларының пайдалану коэффициенттерінің төмендеуі, ұңғылардың жөндеуде ұзақ тұруымен, сонымен қатар, 2006 ж. аяғында кейбір өндіру ұңғыларын айдау ұңғыларына ауыстыруымен түсіндіріледі.

Кен орнында 2002-2006 жылдар аралығында максималды мұнай және сұйық дебиті 2004 жылы болды. Бұл жылы мұнай дебиті тәулігіне 2, 4 т, ал

сұйық 37, 6 т құрады.

2. 4-кесте. Ұңғы қорын мұнай және сұйық дебитіне байланысты бөлу

2. 4-кестеден көріп тұрғанымыздай, кен орындағы ұңғылардың тәуліктік мұнай өндіру көлемі төмен. Жұмыс істеп тұрған ұңғылардың жартысына жуығының (46, 5%) мұнай дебиті 1 т/тәулікті құрайды, бұл төмен дебитті қор деп саналады, қалғандары 44, 1% - дебиті 1-5 т/тәулік, 4, 7% дебиті 5-10 т/тәу, 4, 7% - 10-20 т/тәу болып келді. Соңғы үш жылда төмен дебитті қордың өсуі ұңғылардағы өнімнің сулауына байланысты.

2. 5-кесте. Өндіруші ұңғылар қорының сулануы бойынша жіктелу

2. 5-кестеден көріп отырғанымыздай жоғары суланған ұңғылар (90% және одан жоғары) саны І объектіде 79 бірлік (жұмыс істеп тұрған қордың 92%), ІІ объектіде 29 (жұмыс істеп тұрған қордың 83%), ІІІ объектіде 1 (жұмыс істеп тұрған қордың 17%) бірлікті құрады. Сусыз ұңғылар жоқ. Сулануы 70% дейін болған 4 ұңғы, 2006 жылдан бастап өнімнің сулануының өсуіне байланысты жоғары суланған категорияға ауыстырылды.

Есепті кезең кесте 2. 6-да көрсетілген, І объектінің айдау ұңғысының орташа жұтылу көрсеткіші 185, 8 м ³ /тәу, ал ІІ объектіде 167, 9 м ³ /тәу болды. Бұл мәлімет кесте 2. 5-те көрсетілген І объектінің 2 ұңғысының жұтылу көрсеткіштері 300 м ³ /тәу жоғары, 19 ұңғының жұтылу көрсеткіштері 50-300 м ³ /тәу аралығында. ΙΙ объекті ұңғыларының жұтылу көрсеткіштері 50-300 м ³ /тәу аралығында.

2. 6-кесте. Айдау ұңғыларын жұтылу көрсеткіштеріне сай жіктеу

2002-2006 жылдар аралығында айдау ұңғыларының орташа жұтылу көрсеткіші айтарлықтай өзгерген жоқ: 2002 ж. кен орнында жұмыс істеп тұрған 26 ұңғының тек біреуінің ғана жұтылу көрсеткіші 100 м ³ /тәу төмен болды, бірақ 2006 жылы бұл сан 6-ға өсті, алайда жұмыс істеп тұрған айдау ұңғыларының саны екі бірлікке артты.

2. 7-кестеде келтірілген мәліметке сай жаңа ұңғылар қандай өзгерістер әкелгені туралы:

- Орта юра горизонтындағы ұңғыларды пайдаланудың 3-4 айында мұнай дебиті тұрақты 11 т/тәу, сулануы - 48% болды;

- І объектінің жаңа ұңғысының мұнай дебиті - 6 т/тәу, сулануы - 67% құрады;

- ІІ объектінің жаңа ұңғысының мұнай дебиті - 9т/тәу, сулануы - 57%.

2. 7-кесте. Жаңа ұңғылардың көрсеткіштері

Айта кететін жайт, жаңа іске қосылған ұңғылардың мұнай дебиті, жалпы объекттердің мұнай дебитінен жоғары, ал сулануы жалпы объектілерге қарағанда төмен.

2. 1. 3 Мұнай және газ қорларының өндіруін талдау

С. Балғымбаев кен орнын игеру 1968 жылдан басталады. 01. 01. 2008 ж. мәлімет бойынша кен орнынан жалпы 14439, 9 мың т мұнай өндірілді, бұл балансты қордың 51, 4%, алынатын қордың 92, 0% құрайды. Сонымен қатар 74381, 3 мың т сұйық, 273, 2 млн. м ³ газ өндірілді. Объектілер бойынша жалпы өндірілген өнім көлемі келесідей бөлінеді: максималды үлес І объектіде - 77, 6%, ІІ объектіде - 19, 0%, ІІІ объектіде 3, 4%.

2007 жылы мұнай өндіру сурет Г-да көрсетілгендей 99, 1 мың т құрады. Ол объекттер бойынша былай жіктелген: 57, 9 мың т - І объект; 26, 3 мың т - ІІ объект; 14, 9 мың т-ІІІ объект. Өндірілген мұнайдың сулануы 93, 4% болды.

Жалпы кен орны бойынша соңғы мұнай алу коэффициенті 0, 51% құрады. І және ІІ объекті қабаттарына жылдық су айдау 1650, 0 мың т болды.

Динамиканы анализ жасау кезінде әрбір игеріліп жатқан горизонттың, игерудің негізгі технологиялық көрсеткіштері: мұнай және сұйық өндірудің өсуі, тұрақтауы және төмендеуі, өндіру ұңғылардың орта тәуліктік өнімділігіне тәуелді деңгейдің өзгеруі, айдау ұңғыларының жұту көрсеткіштері, өнімнің сулануы, су айдау көлемі, ұңғылар қоры және т. б. тұрғызылды.

І объект. Объектіні игеру 1968 жылдан басталады. Игерудің басынан бастап объектіден 11134, 4 мың т мұнай, 59538, 2 мың т сұйық, 212, 5 млн. м ³ газ өндірілді. Бастапқы қордан өнім алу қарқыны 0, 5 % құрады, соңғы мұнай беру көрсеткіші - 0, 51%.

Объектіден мұнай өндірудің динамикасын бақылап отырсақ, екі кезеңді ерекшелеуге болады:

- Игерудің бастапқы кезеңінен 1973 жылға дейін жылдық мұнай өндіру көлемі өсіп отырды, ол 1973 жылы максималды 786, 0 мың т құрады. Бұл өсім, объектіні интенсивті бұрғылау нәтижесінде пайдалануға жаңа өндіру ұңғыларын қосумен (63 бірлік) түсіндіріледі. Алғашқы өнімнің сулануы 23, 4 % болды. Алғашқы екі жылда объектіні игеру табиғи режимде жүрді, 1970 жылдан бастап қабатқа су айдай бастады, оның жылдық көлемі 1973 жылы 4 айдау ұңғылар қорымен 1026, 3 мың м ³ құрады. Компенсациясы - 80, 9% болды. Қарастырып отырған кезең соңында, орта тәуліктік мұнай және сұйық дебиті сәйкесінше 27, 5 және 49, 6 т/тәу жетті;

- Келесі кезең интенсивті (1973-2007 жылдар аралығы), содан кейін қазіргі күнге дейін жалғасып жатқан жылдық мұнай өндірудің біртіндеп төмендеу кезеңі. 1982 жылға дейін жылдық мұнай өндіру көлемінің төмендеуі, жылдық сұйық өндірумен су айдау көлемінің өсуімен пропорционалды келді. Бұл өндірілген өнімнің интенсивті сулануымен сипатталады (94, 4%) . Ұңғылар қорын арттырғанымен, орташа мұнай дебиті біртіндеп 37, 5 т/тәу-тен 12, 0 т/тәу төмендеді, ал ұңғылардағы сұйықтың орташа тәуліктік өнімі тікелей пропорционалды өсті де, игерудің осы кезеңінде максималды деңгейге жетті (77 т/тәу) . 1983 жылдан бері жылдық су айдау деңгейі 3768, 8 мың м ³ -тан 1453, 0 мың м ³ дейін төмендеді. Компенсация 120, 7% құрады. 01. 01. 2008 жылы айдау ұңғыларының саны 20 бірлікті құрап, олардың орташа жұтылу көрсеткіші 168, 0 м ³ /тәу болды және өндіру ұңғылары 97 бірлікті құрап, орташа дебиті 2, 0 т/тәу болды, ал өндірілген өнімнің сулануы соңғы бес жылда тұрақты 95% құрады.

ІІ объект. Объектіні өндірістік пайдалану 1968 жылдан басталады. 01. 01. 2008 жылғы жағдай бойынша объектіден өндірілген мұнайдың жалпы жинақталған қоры 2822, 6 мың т мұнай, 13332, 7 мың т сұйық және 52, 6 млн. м ³ газды құрайды.

Негізгі динамикалық көрсеткіштер бойынша, жалпы объектіні игеру кезеңін келесі этаптарға бөлуге болады:

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс