Педагогикалық мамандықтарды жаңа бағытта дайындау

Пән: Педагогика
Жұмыс түрі: Материал
Тегін: Антиплагиат
Көлемі: 5 бет
Таңдаулыға:

Педагогикалық мамандықтарды жаңа бағытта дайындау

Қазақстан Республикасы Президентінің Қазақстан -2030 стратегиялық
бағдарламасында елімізде болашақ педагог мамандарды жаңа жүйеде дайындау
арқылы әлімдік білім беру кеңістігіне ену міндетін шешу қажеттігі айтылған
болатын[1]. Осы келелі тапсырманы орындауда елімізде екі бағдарлама: 2005-
2010 ж. және 2011-2020 жылдарға арналған Қазақстан Республикасында білім
беруді дамытудың мемлекеттік бағдарламалары қабылданып, көптеген шаралар
жүзеге асырылуда.
Қазақстан Республикасында білім беру жүйесін модернизациялау бағытында
жүргізіліп жатқан іс-шаралар мен олардың нәтижелері елімізде білім беру
реформасының жаңа фазаға өтуге бет алғанын куәләндіріп отыр. Білім беру
саласын дамытудағы стратегиялық бағыттардың өміршеңдігін, Болон
декларациясының принциптерін жүзеге асыру арқылы әлемдік білім кеңістігіне
енуді қамтамасыз ететін білім беруді түбегейлі жаңарту қажеттілігіне
басымдылық беру мәселесі күн тәртібіне қойылып отыр. Елбасы Н.Назарбаев
Қазақстан Республикасы Үкіметінің жаңа құрамының қатысуымен өткен
кеңейтілген мәжілісте (17.04.2011ж.) үкімет алдына бүгінгі күннің базалық
міндеттерінің қатарына Қазақстанды әлемдік деңгейдегі білім орталығына
айналдыру мәселесін қойып, оны жүзеге асырудың жолдарын көрсеткен
болатын, атап айтқанда, әлемнің дамыған елдерінде білім беру жүйесінің
табыстылығы ең алдымен педагог кадрларды даярлау сапасымен, педагог
кадрларды іріктеудің қатаңдығымен және педагог статусымен
айқындалатындығына басты назар аударылды.
Осы тұрғыда жоғары педагогикалық білім беру жүйесін жаңарту, болашақ
педагогтарды даярлаудың кәсіби-педагогикалық қызметін модельдеу және оның
тиімділігін көрсету мәселесі әлі де толық шешімін таппағанын айта кеткен
жөн.
Қазақстанда аталған мәселелерді шешуде құзырлылық қатынасты жүзеге асыру
қажеттілігі негізге алынғанымен оны жүзеге асырудың механизмдері
жеткілікті айқындалмаған. Білім беру мазмұнының соңғы нәтижеге бағдарлануы
және білімгерлер мен профессор-оқытушылардың академиялық ұтқырлығын
қамтамасыз ету құзырлылық қатынасты қалыптастыруға жағымды ықпал жасайды.
Сондықтан болашақ мұғалімнің кәсіби және әлеуметтік белсенділігін
қамтамасыз ететін жаңа мазмұн, әдістер және ұйымдастыру формалары керек.
Осы мақсатта білімгерлердің академиялық ұтқырлығын дамытуға мүмкіндігі
жоғары білімдік бағдарламалардың сапасын арттыру қажет, яғни шетелдік
университеттермен бірлесе дайындалатын бағдарламалардың үлес салмағын
арттырған жөн. Бұл білімгерлердің өзіндік білім алу траекториясын құру
сапасына және мүмкіндік шегін кеңейтуге жағдай жасайды. Болон
декларациясының негізгі принциптерінің бірі болып табылады.
Елімізде бүгінгі күні педагог кадрларды даярлау сапасын арттырудың ең
басты қажеттіліктерінің бірі мемлекеттік білім беру стандарттарына қойыла-
тын талаптарды жетілдіру болып отыр. 2010 жылы өткен математик
мұғалімдердің 1 съезінде Қазақстан Республикасының білім және ғылым
министрі Б.Т.Жұмағұлов мемлекеттік білім беру стандарттарының сапасының
төмендігіне ерекше назар аударды[2].
Сол себепті 2010 жылдан бастап жоғары педагогикалық оқу орындарында
болашақ мұғалімдерді даярлаудың мемлекеттік стандарттарында кәсіби-
педагогикалық білім беру қызметі құзырлылық қатынас негізінде жүргізілу
қажеттігі айқындалды, алайда болашақ педагог мамандарға қажетті
құзыреттіліктерді қалыптастыруға қойылатын талаптар мамандану салалары
бойынша нақтыланбағандығы және оларды жетілдіру мәселесі әлі де күн
тәртібінен алынбағаны айқындалып отыр.
Өйткені, жоғары педагогикалық білім берудің мемлекеттік стандарттары
идеал-стандарт сипатында даярланған, ал бұл жағдайда оның талаптарын
ешқандай мамандық иелері орындай алмайды, тек жақындайды. Идеал-
стандарттың қоятын талаптарының өлшемдік критерийлері мамандық
мүмкіндіктерінен жоғары өлшемдерді негізге алады. Біздің стандарттарымыздың
құрылымдық мазмұнында жалпы білімдік пәндер және базалық пәндер блоктарында
қажетсіз пәндер жиі кездеседі. Сондықтан Европалық жоғары білім беру
кеңістігінде жақсы нәтиже көрсеткен стандарт-минимумға жақындаудың
мүмкіндігін есепке алған жөн. Оның артықшылығы болашақ мұғалімнің бойында
қалыптасуы тиіс кәсіби құзыреттіліктердің кезеңдік мүмкіндіктерін нақты
өлшемдермен беретіндігінде және олардың орындалуын өте қатаң есепке
алуында. Бұл жүйенің тағы ұтымдылығы мұғалім өзінің қызмет ету барысында
басқа жоғары біліктілік деңгейіне көтерілуі үшін жаңа мазмұнды стандартқа
сәйкестігін дәлелдеуі тиіс, яғни мұғалім өзінің сапалық өсуін қаматамасыз
ететін бірнеше сатылық даярлау жүйесінен өтеді. Бұл оның жағымды статусын
және жоғары ақылы қызметке бару мүмкіндігін қамтамасыз ете алады. Осындай
стандарт-минимум ... жалғасы

Сіз бұл жұмысты біздің қосымшамыз арқылы толығымен тегін көре аласыз.