Адвокаттардың құқықтық жағдайы

Пән: Құқық, Криминалистика
Жұмыс түрі: Материал
Тегін: Антиплагиат
Көлемі: 13 бет
Таңдаулыға:

А.Ясауи атындағы Халықаралық қазақ-түрік университеті

№3 МӨЖ
Адвокаттардың құқықтық жағдайы

Қабылдаған: з.ғ.д., профессор Нақыпов Б.И.
Орындаған: Шәуенова Н.Қ.
МЗК - 711

Түркістан 2018
Мазмұны

Кіріспе

1. Адвокаттар көрсететін заң көмегінің түрлері

2. Адвокаттық қызметті лицензиялау

3. Адвокаттар қызметіне ақы төлеу және қорғау мен өкілдік етуге байланысты шығындарды өтеу

Қорытынды

Пайдаланылған әдебиеттер

Кіріспе

Еліміз өз тәуелсіздігіне ие болғаннан кейін дербес мемлекет пен оның азаматтарының өміріне тірек болатын барша құқық негіздері қайта қаралып, жаңалап құру қажеттігі туды. Осы жолда қыруар жұмыстар жүзеге асырылуда. Мемлекеттік басқару, экономика, әлеуметтік - саяси өмір, мәдениет, құқықтық тәртіпті сақтау, елді қорғау, сыртқы саясат салаларын реттейтін көптеген заңдар мен жорықтар қабылданып іске асырылуда. Заңдарды тиянақты және қолайлы жасауға заңгер - ғалымдар мен заңгер практиктер қатысып, олар халықаралық ұйымдар мен шетел мамандардың беделді сарапшылықтарынан өткен болатын. Қазақстан Республикасының Конституциясы - Ата Заңы бұған дәлел.
Қазақстан Республикасының Конституциясының 2-бөлімі 12 бапқа сәйкес адамдар құқықтары мен (міндеттерін) бостандықтарына кепілдік беріледі және танылады деп айтылған.
Сонымен қатар, демократия және азаматтардың құқықтары мен бостандықтарына негізделген құқықтық мемлекетті азаматтардың құқықтық санасын қалыптастырмай, олардың қоғам мен мемлекет алдындағы міндеттерін түсінбей, заңмен реттемей құру мүмкін емес.Дамыған шет мемлекеттерде адвокат қызметі аса жоғары бағаланады. Себебі, оған адам баласына, оның тағдырына араша түсу міндеті жүктелінетіні белгілі. Қазіргі заманның өзгеруіне байланысты Қазақстанда тәуелсіз адвокатураның қажеттілігі айқын бола түсті.
Адвокат - міндетті түрде адвокаттар алқасының мүшесі болып табылатын және "Адвокаттық қызмет туралы" заңмен реттелетін адвокаттық шеңберінде кәсіптік негізде заң көмегін көрсететін ҚР азаматы. Жоғары заң білімі, заңгер мамандығы бойынша кемінде екі жыл жұмыс стажы бар және адвокаттық қызметті жүзеге асыру құқығына лиценция алған адам адвокат бола алады.
Адвокат жоғары заң білімі бар, адвокаттық қызметті жүзеге асыру құқығына лиценция алған, міндетті түрде адвокаттар алқасының мүшесі болып табылатын және заңмен реттелетін адвокаттық қызмет шеңберінде кәсіптік негізде заң көмегін көрсететін ҚР азаматы.
Адвокаттың көмекшіліре мен тағлымдамадан өтушілері болуы мүмкін. Адвокаттың көмекшілері еңбек шартының негізінде заң консультациясында, адвокат кеңсесінде немесе адвокаттық қызметпен жеке дара айналысатын адвокаттың жанында жұмыс істей алады.
Адвокаттың көмекшілері адвокаттың нұсқаулары бойынша және соның жауапкершілігімен адвокаттың тапсырмаларын орындауға құқылы.
Жоғары заң білімі бар азаматтар ғана адвокаттың тағылымдамадан өтушілері болып табылады. Тағылымдамадан өтушілер адвокаттар алқасы төралқасы қаулысның негізінде кемінде бес жыл адвокаттық қызмет стажы бар адвокаттарда үш айдан бір жылға дейінгі мерзімге тағылымдамадан өтеді. Адвокат лицензия негізінде жұмыс істейді. Лицензия негізгі, тұрақты болып табылады және оның күші ҚР барлық аумағында қолданылады.
1. Адвокаттар көрсететін заң көмегінің түрлері

Адвокат көмек сұрап келген адамға ол мұқтаж болған кез-келген заң көмегін көрсетуге құқылы.
Адвокат өзіне өтініш жасаған адаммен заң көмегін көрсету туралы өз атынан келісім жасасады.
Заң көмегін көрсете отырып, адвокаттар:
1) ауызша және жазбаша нысанда да құқықтық мәселелер бойынша консультациялар мен анықтамалар береді;
2) арыздар, шағымдар, өтініштер мен құқықтық сипаттағы басқа да құжаттарды жасайды;
3) сенім білдірушінің өкілі ретінде азаматтық сот ісін жүргізуге қатысады;
4) қорғаушының немесе сенім білдірушінің өкілі ретінде қылмыстық және әкімшілік сот ісін жүргізуге қатысады;
5) медиация жүргізу кезінде, төрелікте және дауларды шешетін өзге де органдарда істерді талқылауға сенім білдірушінің өкілі ретінде қатысады;
6) мемлекеттік органдарда, қоғамдық бірлестіктер мен өзге де ұйымдарда сенім білдірушінің мүддесін білдіреді;
7) егер шет мемлекеттердің заңнамасында, халықаралық сот органдарының және өзге де халықаралық ұйымдардың жарғылық құжаттарында немесе Қазақстан Республикасының халықаралық шарттарында өзгеше көзделмесе, шет мемлекеттердің мемлекеттік органдарында, соттарында және құқық қорғау органдарында, халықаралық сот органдарында, шет мемлекеттердің мемлекеттік емес органдарында сенім білдірушінің мүддесін білдіреді;
8) сенім білдірушінің өкілі ретінде атқарушылық ісін жүргізуге, сондай-ақ қылмыстық жазаны орындау кезінде қатысады;
9) татуластыру рәсімдерін жүргізеді.
Адвокат, қорғаушы немесе өкіл ретінде әрекет жасай отырып, іс жүргізу заңына сәйкес:
-Барлық соттарда, құзыретіне тиісті мәселелерді шешу кіретін мемлекеттік, өзге де органдар мен ұйымдарда заң көмегін сұрап өтініш жасаған тұлғалардың құқықтары мен мүдделерін қорғауға және білдіруге.
-Барлық мемлекеттік органдардан және мемлекеттік емес ұйымдардан адвокаттық қызметті жүзеге асыруға қажетті мәліметтерді сұратуға.
-Заң көмегін көрсету үшін қажет нақты мәліметтерді дербес жинауға және дәлелдер табыс етуге.
-Көмек сұрап өтініш жасаған адамға қатысты материалдармен, соның ішінде іс жүргізу құжаттарымен, тергеу және сот істерімен танысуға және олардағы ақпаратты заң актілерінде тыйым салынбаған кез-келген тәсілмен белгілеп алуға.
-Іске қатысуға жіберілген сәттен бастап, жолығулар санын, олардың ұзақтығын шектемей және мұндай жолығулардың құпиялығын қамтамасыз ететін жағдайларда өзі қорғайтын адаммен жолығып тұруға.
-Заң көмегін көрсетуге байланысты туындайтын және ғылым, техника, өнер мен басқа да салаларды арнайы білімдіқажет ететін мәселелерді түсіндіру үшін шарттық негізде мамандардың қортындыларын сұратуға.
-Өтініштер мәлімдеуге, прокуратура, анықтау, алдын ала тергеу органдарымен соттың лауазымды адамдарының, сондай-ақ көмек сұрап өтініш жасаған адамдардың құқықтарына және заңдармен қорғалатын мүдделеріне қысым жасайтын өзге де лауазымды адамдардың әрекеттеріне белгіленген тәртіппен шағым жасауға.
-Мемлекеттік құпияларды құрайтын ақпаратпен, сондай-ақ әскери, коммерциялық, қызметтік және заңмен қорғалатын өзге де құпияны қамтитын ақпаратпен, егер бұл анықтау, алдын ала тергеу кезінде және сотта қорғау немесе өкілдік ету үшін қажет болса, заң актілерінде көзделген тәртіппен танысуға.
-Заң көмегін сұрап өтініш жасаған адамдардың құқықтары мен заңды мүдделерін қорғаудың заңдарда тыйым салынбаған барлық құралдары мен тәсілдерін пайдалануға.
-Заңдарға қайшы келмейтін өзге де әрекеттерді жасауға құқылы.
Мемлекеттік орган немесе лауазымды адам адвокаттық заң көмегін сұрап өтініш жасаған адамның мүддесін білдіру құқығын танудан бас тарта алмайды.
Адвокаттың мемлекеттік органдарын, соттардың, прокуратураның, анықтау және алдын ала тергеу органдарының әкімшілік үйлеріне кіруі осы органдар мен соттар белгілеген тәртіппен өзінің адвокаттық куәлігін көрсетуі бойынша жүзеге асырылады.
Адвокаттың ұсталғандар, тұтқынға алынғандар және жазасын өтеп жатқандар отырған орындарға кіруі белгіленген рұқсаттық режимге сәйкес жүзеге асырылады.
Адвокаттың міндетті сақтандыру қаражаты есебінен жүзеге асырылатын мемлекет кепілдік берген әлеуметтік қорғалуға құқылы.
Адвокаттар алқасының мүшелері белгілі бір құқықтарға ие болады және міндеттер атқарады. Сонымент Адвокаттардың құқықтарын екіге бөліп қарасақ та болады.
Бірінші топқа мен адвокаттардың алқалығының мүшесі ретіндегі құқықтарын жатқыздым.
Екінші топта адвокаттардың азаматтық істер бойынша өкілі ретінде және де қылмыстық істер бойынша қорғаушысы ретінде қатысқан жағдайдағы кәсіби құқықтары.
Алқаның мүшесі ретінде адвокаттардың құқықтары:
- адвокаттар алқасының органына таңдауға және таңдалу болуға;
- адвокаттар алқасының алдында сұрақ қоюға, осы жөнінде жұмысты жақсартуға ұсыныс енгізуге;
- адвокаттар алқасынан шығуға және т.б. құқықтарға ие. Өкіл немесе қорғаушы ретінде адвокаттардың құқықтары:
- заң көмегін сұрап келген тұлғалардың құқықтары мен мүдделерін қорғауға;
- барлық мемлекеттік органдардан және мемлекеттік емес ұйымдардан қажетті мәліметтерді сұратуға;
- заң көмегін көрсету үшін қажет нақты мәліметтерді дербес жинауға және дәлелдер табыс етуге;
- көмек сұрап өтініш жасаған адамға қатысты материалмен танысуға және олардағы ақпаратты заң актілерінде тыйым салынбаған кез-келген тәсілмен белгілеп алуға;
- заңдарға қайшы келмейтін өзге де әрекеттерд і жасауға құқылы.
бұл құқықтар толығымен адвокаттық қызмет туралы заңның 14 бабында көрсетілген.
Адвокаттың міндеттері. Өзінің заң талаптарын сақтауға, заң көрсеткен барлық құралдармен тәсілдерді пайдалануға. Адвокаттық қызмет туралы заңның 15 бабының 2 тармағында көрсетілген жағдайда заң көмегін көрсету туралы тапсырмадан бас тартуға міндетті. Заң көмегін көрсетуге байланысты өзіне мәлім болған мәліметтерді құпия сақтауға және басқа да заңда көрсетілген міндеттерді атқарады.
Адвокаттан өз кәсіби міндеттер ін жүзеге асыруға байланысты оған мәлім болған мән- жайлар туралы куәгер ретінде жауап алуға тыйым салынады.
Егер адвокат осы іс бойынша мүдделерді көмек сұрап өтініш жасаған адамның (тараптардың өзара келісім бойынша ара ағайын болған жағдайларды қоспағанда) мүдделеріне қайшы келетін адамдарға заң көмегін көрсетіп жүрсе немесе бұдан бұрын көрсеткен болса немесе судья, прокурор, анықтауды жүргізуші адам, тергеуші, сарапшы, маман аударушы, куә, жәбірленуші немесе куәгер, азаматтық талап қоюшы немесе азаматтық жауапкер ретінде іске қатысқан жағдайларда, сондай-ақ егер істі тергеуге немесе қарауға адвокатпен жақын туыстық қатынастағы лауазымды адам қатысса, ал заң көмегін көрсету туралы тапсырмадан бас тартуға міндетті.
Адвокат заң көмегін көрсетуге байланысты өзіне мәлім болған мәліметтерді құпия сақтауға міндетті және көмек сұрап өтініш жасаған адамның келісімінсіз оларды жария етуге құқығы жоқ.
Іс бойынша адвокаттық көмек сұрап өтініш жасаған адамның жағдайын нашарлататын құқықтық позиция ұстануына тыйым салынады.
Адвокаттың қылмыстық іс бойынша қабылданған тапсырмадан бас тартуға құқығы жоқ және ол қорғалатын адамның немесе адвокаттың өзінің көзқарасы бойынша әділетсіз үкім шығарылған жағдайда оған белгіленген тәртіппен шағым жасауға міндетті.
Адвокатқа мемлекеттік қызметте болуға және кәсіпкерлік қызметпен айналысуға, оқытушылық, ғылыми немесе шығармашылық қызметтен басқа өзге де ақы төленетін қызметпен айналысуға тыйым салынады.

2. Адвокаттық қызметті лицензиялау

Азаматтардың барлық жағдайда құқықтары мен бостандықтарын заң тұрғысынан көмек беріп, қорғайтын бірден бір жеке тұлға адвокат болып табылады.
Адвокат әркімге белгілі - жалпы азаматтарға заңдық көмек беруші тұлға болғандықтан өз өкілеттігін жүзеге асыруда басты міндеті азаматтың құқығы мен бостандығын қорғау арқылы жүргізеді.
Адвокат - Қазақстан Республикасының азаматы, міндетті түрде адвокаттар алқасының мүшесі болып табылатын және заң көмегін көрсететін адам.
Жоғарғы заң білімі бар, заңгер мамандығы бойынша жұмыс стажы екі жылдан кем емес және адвокаттық қызметті жүзеге асыру құқығына лицензия алған адам адвокат бола алады.
Бұрын басқа заң саласында жұмыс істеген болса, бұл мерзім алты ай болып есептеледі.
Адвокат болғысы келген заң мамандары әділет министрлігі бекіткен біліктілік комиссиясына арыз өтініш жазып адвокаттық қызметпен айналысу лицензиясын ала алады. Ол үшін біліктілік сынағынан өту қажет.
Қазақстан Республи касының әділет министрлігі берген адвокат лицензиясы лицензияда көрсетілген адамның адвокаттық қызметпен айналысуына рұқсатнама болып табылады.
Лицензия адвокаттар алқасында үш айдан бір жылға дейінгі мерзімде тағлымдамадан өткен адамдарға олар аттестаттаудан өткен жағдайда беріледі. Аттестаттаудан өту ережесін Қазақстан Республикасының Үкіметі бекітеді.
Ал аттестаттаудан өтпестен адвокаттық қызметпен айналысуға лицензия алуға тұрақты судьялардың және прокуратура, тергеу және анықтау органдарында кемінде он жыл жұмыс істеген прокурор, тергеушілер мен анықтаушылар адвокаттар алқасында тағлымадан өткеннен кейін емтихан тапсырудан босатылады. Бірақ бұған өз міндеттерін орындау кезінде атына кір келтіретін теріс қылықтары және заңды бұзғаны үшін қызметінен босатылған құқыққорғау органдарының қызметкерлері кірмейді.
Адвокаттық қызметпен айналысу құқығын беретін лицензяны беру мәселесін Қазақстан Республикасының Әділет Министрлігі шешеді.
Адвокаттық лицензия негізінен әділет министрлігінде тіркеліп нөмерлік сандары реестрінде көрсетіледі.
Лицензия біліктілік емтиханын тапсырған жағдайда беріледі. біліктілік емтиханын тапсыру тәртібін әділет біліктілік алқасы белгілейді.
Қазақстан республикасының ... жалғасы

Сіз бұл жұмысты біздің қосымшамыз арқылы толығымен тегін көре аласыз.