Инфляция және жұмыссыздық.Медициналық қызмет нарығындағы жұмыссыздық

Пән: Экономика
Жұмыс түрі: Материал
Тегін: Антиплагиат
Көлемі: 2 бет
Таңдаулыға:

Қарағанды мемлекеттік медицина университеті

Қазақстан тарихы және әлеуметтік-саяси пәндер кафедрасы

Қуанышбай Айнұр Қуанышбайқызы

1-001топ ЖМФ

Эссе

Инфляция және жұмыссыздық. Медициналық қызмет нарығындағы жұмыссыздық.

Инфляция және жұмыссыздық - бұл экономикамыздың бұрыннан келе жатқан күрделенген мәселелері. Жеке -жеке тоқталатын болсақ:

инфляция - алғаш рет Солтүстік Америкада пайда болған. Инфляция - ақшаның құнсыздануы. Инфляция - ол көрсетілетін қызметтердің және тауарлардың бағаларының өсуі, өндірістік шығындардың өсуі.

Инфляция кезінде көрсетілетін қызмет сапасы төмен болып, сонымен қатар тауардың жетіспеуі, яғни осының себебінен ақшаның құнсыздануы мен тауарды сатып алудың төмендеуі пайда боладнгы. Ол мемлекетіміздің кірісі мен шығысының сәйкес келмеуінен пайда болады, яғни мемлекеттік бюджеттің аздығы және айналымдағы қағаз ақшалардың көп шығарылуы. Ал жұмыссыздыққа тоқталатын болсақ: Жұмыссыздық - бұл еңбекке қабілетті, жарамды адамдардың жұмыспен қамтылмауы. Халықтың жұмыспен қамтылмауы біріншіден - өндірістің дұрыс жұмыс істемеуі, екіншіден - ғылыми-техникалық прогрестің дамуы, яни адамдарды автоматтандырылған машиналардың ауыстыруы. Енді осы жұмыссыздық пен инфляция мәселелері өзіміздің елімізде, яғни Қазақстан Республикасында қалай соған тоқталсақ. Елімізде инфляция жағдайы күннен-күнге өршуде, төл теңгеміздің құны күннен-күнге құлдырап, доллар бағасы өсуде. Инфляцияны ауыздықтау масатында Үкімет пен Ұлттық банк бірлесе отырып, теңгенің айырбас бағамын еркіне жіберіп үміттеніп еді, алайда бұл нәтиже бермеді. Осы жағдайға орай жұмыссыздық та көбеюде. Осы инфляция мен жұмыссыздық мәселелерін елімізде ауыздықтау қиынға түсіп тұр. Қазақстанда алғашқы рет 1991 жылы жұмыссыздар тіркелді. Осы жылы жұмыссыздықты болдырмау мақсатында жер-жерде халықты жұмыспен қамту және әлеуметтік бөлімдері ашылған, сонымен бірге «Халықтың жұмыспен қамтылуы туралы» заңы қабылданды. Еліміздің Президенті Н. Назарбаевтың бастамасымен кәсіпкерлікке қолдау көрсетілді, осы кәсіпкерлік арқылы тұрғындар өз кәсібін ашып, жаңа жұмыс орындарының пайда болуы. Президенті өз кәсібін ашқысы келетін адамдарға жеңілдікпен несиелер беру жөнінде жағдай жасалуда. Өнеркәсіпте қандай мамандар қажет, сол мамандықтар бойынша қайта оқыту. Халықтың аз қамтылған бөлігіне әлеуметтік төлемдер төленеді.

2016 жылғы статистикалық санақ жүргізу бойынша елімізде 45, 76 мың адам жұмыссыздар қатарында, медицина мамандары да бар. Әлемдік тәжірибе бойынша ел неғұрлым кедейлене түссе, соғұрлым оның медицина жағынан мүмкіндіктері азаяды, сондықтан денсаулыққа жұмсалатын шығындардың көлемі ұлғаяды. Елдің экономикалық дамуы мен халыққа тегін медициналық қызмет көрсету өзара тығыз байланыста.

Ел неғұрлым экономикасы жоғары дамыған болса, соғұрлым халыққа тегін медициналық қызмет көрсете алады. Алайда елімізде медицина саласында көптеген шешуін таппаған мәселелер жетерлік: елімізде емдік дәрілерді шығару өндірістерінің аздығы, шеттен әкелінетін дәрілердің қымбаттығы. Сонымен қатар жоғары озық технологиялар жабдықтарының, құралдарының аздығы. Жоғары дәрежедегі мамандардың жетіспеуі. Медициналық емдеу орындарының аздығы. Міне осы жағдайлардың барлығы медицина нарығындағы жұмыссыздыққа әкеліп соғады.