Әртүрлі жас топтарында сурет салуға үйрету

Пән: Педагогика
Жұмыс түрі: Материал
Тегін: Антиплагиат
Көлемі: 7 бет
Таңдаулыға:

ТҮСІНІКТЕМЕ

Қазіргі заман талабы болашақ ұрпақтың эстетикалық тәрбиесі мен көркемдік білімін жетілдіру қажеттілігін тудырып отыр. Сұлулық қоғамдық тәжірибеге, адамдар қарым-қатынасына, олардың қажеттіліктеріне, эстетикалық көзқарастар мен көркемдік талғамдарына бірте - бірте еніп келеді. Осыған байланысты мектепалды жасындағы балаларға эстетикалық тәрбие беру талабы өсіп отыр. Бейнелеу өнері балаларға эстетикалық тәрбие беруді, шығармашылық тәжірибе мен балалардың эстетикалық көзқарастарын қалыптастыруды, көркемдік шығармашылықтарын дамытуды көздейді.

Пәннің мақсаты, оның оқу үрдісіндегі орны

Студенттердің эстетикалық мәдениетін көтеру және мектеп жасына дейінгі балаларды бейнелеу өнері құралдары арқылы оқыту мен тәрбиелеудің әдістеріне үйрету.

Пәнді оқыту міндеттері:

болашақ балалар мекемелері қызметкерлерін бейнелеу өнерінің тарихы мен

теориясы әдістеріне үйрету;

сурет салуда, кескіндемеде, композицияда, бейнелеу әсерлі құралдарын пайдалану
дағдылары мен біліктерін қалыптастыру;
көрнекі құралдар, дидактикалық материалдар жасау, оларды сабақта қолдануға

үйрету;

педагогикалық және әдістемелік әрекеттерге дайындау.

Студенттер пәнді оқу нәтижесінде білуге тиіс:

- адам өміріндегі өнердің тарихын;

- қазақстанның әйгілі мүсіншілері мен суретшілерінің шығармалары;

- мектеп жасына дейінгі балалардың көркемдік- шығармашылық қабілеттерін дамыту

ерекшеліктерін;

- балалардың сабақтағы және өзіндік көркемдік жұмыстардағы бейнелеу іс-әрекетін ұйымдастыру

ПӘН МАЗМҰНЫ

1. Курстың пәні мен міндеттері.

Пән обьектісі, міндеттері, басқа пәндермен байланысы философия, педагогика, психология, эстетика, мәдениеттану және т. б.

Курсты оқыту әдістері- әдебиеттерді оқу, педагогикалық үрдісті бақылау, эксперимент, балалар жұмыстарын педагогикалық- психологиялық талдау, тәжірибе қорыту, бейнелеу өнері шығармаларын идеялық-көркемдік талдау.

2. Бейнелеу өнерінің теориясы, оның түрлері мен жанрлары

Бейнелеу өнерінің қоғамдағы ролі, пайда болуы мен дамуы. Өнердегі көркемдік бейнелер Өнердегі мазмұн, форма, үйлесім. Бейнелеу өнерінің түрлері мен жанрлары.

Кескіндеме - заттар мен құбылыстардың түрлі-түсті материалдар негізінде кеңістікте бейнеленуі. Кескіндеме түрлері: монументті, станокты, театрлық-декорациялық, миниатюра.

Кескіндеме техникасы: фреска, өрнек, мозаика, витраждар. Станокты сәндік кескіндеменің жанрлары: пейзаж, натюрморт, портрет, тарихи, тұрмыстық жанр т. б.

Графика. Оның бейнелеу құралдары. Графика түрлері: плакаттық, кітаптық, станокты, журнал-газеттік, сатиралық графика. Балалар кітаптарын иллюстрациялау.

Мүсін - көлемдік - кеңістікте бейнелерді мүсіндеу өнері. Мүсіннің техникасы мен материалдары.

Сәулет өнері мен оның өзіндік ерекшеліктері. Сәулет өнерінің әсерлі құралдары: пропорция, ырғак, симметрия, қарама-қарсылық, үйлесімділік, әшекейлеу элементтері. Сәулет өнерінің стилі. Халықтық және сәндік қолданбалы өнер. Халық өнерінің ерекшелігі. Сәндік - қолданбалы өнер материалдары (ағаш, темір, жүн, сазбалшық, сүйек, әйнек жәнет. б. )

3. Шетел және отандық бейнелеу өнерінің даму сатылары

Өнердің тарихи сипаты. Ежелгі Египет және Рим империясының өнері. Қайта өрлеу дәуірінің өнері /Леонардо Да Винчи, Микеланджело Буаноротти, Рафаэль Санти т. б/

Орыс бейнелеу өнері. Сәулеттік ескерткіштер, портреттік кескіндеме. XIX ғасырдағы бейнелеу өнері. (И. Репин, В. Суриков, И. Левитан, И. И. Шишкин т. б) Қазіргі бейнелеу өнері

Орта Азия өнері. Қазақтын халық сәндік-қолданбалы өнерінің өзіндік ерекшеліктері, оның шығу тарихы мен дамуы. Қазақтың-халықтық дәстүрлі қол өнері.

Қабырғадағы суреттер, тас мүсіндер. Қазақстанның мүсін ескерткіштері /Бабаджа-Қатын, Ахмет Яссауи, Айша-Биби мазарлары мен Отырар қаласы

Қазақстандағы қазіргі сәулет өнері

Қазақстанның бейнелеу өнері шеберлері /А. Қастеев, А. Ғалымбаева, Г. Исмайлова, К. Тельжанов, С. Мәмбеев, О. Таңсықбаев, М. Қисаметдинов, Н. Г. Хлудов, Б. Иткина, Е. Сидоркин, Х. Наурызбаев, С. Романов, Т. Досмағамбетов, Е. Мергенов т. б/ Қазақстан жас мүсіншілері мен суретшілерінің шығармалары.

4. Бейнелеу іс-әрекетіне үйрету әдістерінің дамуына қысқаша шолу

Әдістеменің дамуындағы негізгі бағыттар. Алғашқы бағдарламалар. Эстетикалық тәрбие беру саласындағы Е. Флерина, Н. Ветлугина, Н. Сақулина, Богатеева З. А., Григорьева Г. Г., Казакова, И. С Комарова., В. С Мухина, Г. Н. Пантелеева, С. Т. Халезова сынды зерттеуші ғалымдардың еңбектері.

Эстетикалық тәрбие беруде қазақ педагогтары мен ағартушыларының идеялары. /Ш. Уалиханов, А. Кұнанбаев, Ы. Алтынсарин/. Қазақстандағы көркемдік тәрбие беру саласындағы педагогикалық зерттеулер /М. К-Балтабаев, С. Ұзақбаева, Б. Сатқанов, П. Дамақов, Т. А. Левченко, Ф. Н. Жұмабекова т. б/

Балаларға эстетикалық тәрбие берудегі Ы. Алтынсарин атындағы білім Академиясының жұмыстарының негізгі бағыттары. Бейнелеу өнеріндегі қабілеттілік ұғымының анықтамасы. Қабілеттілікті дамытудың анатомиялық-физиологиялық негіздері. Бейнелеу іс-әрекетіндегі шығармашылық. Шығармашылық жұмыстарына психологиялық дайындық /тәжірибе жинақтау, іскерлік пен дағдыларды қалыптастыру, есте сақтауды дамыту/. Балалардың шығармашылығын дамыту шарттары мен басшылық жасау әдістері. Шығармашылық іс-әрекеттін мотивтері. Балалардың шығармашылық жұмыстарын бағалау көрсеткіштері.

Қазақстандағы эстетикалық тәрбие берудегі қазіргі бағдарламалардың сипаттары /«Балбөбек» / және оның ғылыми негіздері - балалардың жас ерекшеліктерін есепке алу, бейнелеу дағдылары мен шығармашылықтарын қалыптастыру заңдылықтары. Бағдарламаның құрылымдағы жалпы дидактикалық принциптер /тәрбиелік сипаты, оқытудың өмірмен байланыстылығы, түсініктілігі/. Бейнелеу өнеріне үйретудің әдістемелік құралдары мен авторлық бағдарламалары.

5. Әр түрлі жас топтарында бейнелеу іс - әрекетін ұйымдастыру

Бейнелеу іс-әрекетінің ұйымдастыру. Сабақ және балалардың өзіндік көркемдік іс-әрекеттері. Материалдар мен құрал-жабдықтарға қойылатын гигиеналық және эстетикалық талаптар.

Күн тізбесіндегі сабақтын алатын орны. Сабақтың түрлері: жана сабақ бейнелеу дағдыларына жаттығу, есте сақтау, кіріктіру сабақтары. Тәрбиешінің сабаққа дайындығы. Материалдар мен арнайы құралдарды сақтау. Әдістер мен тәсілдердің топталуы мен сипаттамасы /көрнекілік, сөздік, ойын/. Олардың өзара байланысы.

Мектеп жасына дейінгі балаларды бейнелеу іс-әрекетіне үйретудегі көрнекілік әдістері, оны психологиялық-педагогикалық жағынан негіздеу. Қоршаған өмірді бақылау оқытудың негізі. Заттарды зерттеуге үйрету тәсілі. Иллюстрациялар, слайдтар, диафильмдер, кинофильмдер мен нақты заттар. Сөздік әдіс-тәсілдер: сипаттық әңгіме. түсіндіру, нұсқау, сұрақтар, қайта түсіндіру, көркем сөз қолдану /жанылтпаштар, жұмбақтар, тақпақтар. мақалдар т. б/. Мектеп жасына дейінгі балаларды үйретудегі ойын тәсілдері /ойын ұйымдастыру. ойын түріндегі көрнекілік-әрекеттік жаттығулар/. И. Я. Лернер ұсынған әдістер мен тәсілдер топтамасы: ақпараттық-рецептивтік, репрподуктивтік, зерттеу, эвристикалық, проблемалық мазмұндау әдісі.

6. Әртүрлі жас топтарында сурет салуға үйрету және олардың шығармашылықтары

Мектеп жасына дейінгі балалардың жеке басының дамуындағы сурет салудың алатын орны. Балабақшадағы сурет салу түрлері: заттық, мазмұндық, сәндік. Заттарды бейнелеуге үйретудің мазмұны мен міндеттері. Бейнені әсерлі бере білу талаптары. Сурет салу техникасына үйрету мен бейнелеу әсерлі құралдарын қолдану жолдары.

Мазмұнды сурет салу. Мектепке даярлық тобында сурет салудың мазмұны мен міндеттері. Кеңістікпен байланысты бірнеше заттың суретін салуда жақындағы және алыстағы объектілердің композициялық орналасуын бере білуге біртіндеп көшу. Әсерлеу және бейнелеу құралы ретіндегі түспен қолоритті пайдалану. Сәндік сурет салуға үйретудің мазмұны мен міндеттері. Көркемдік талғам мен эстетикалық дамуды қалыптастырудағы сәндік сурет салудың мәні. Балаларды халықтың сәндік қол өнерімен таныстыру ою-өрнек әдістеріне үйретудің негізі. Әр түрлі жас топтарында заттық, мазмұндық-тақырыптық, сәндік сурет салуға үйретудің әдістері мен тәсілдері.

Бірінші сәбилер тобындағы сурет салудың өзіндік ерекшеліктері Көрнекілікке, ойын элементтеріне, ойын - драматизациялар, такырыптын бейнелілігіне негізделген үйрету тәсілдері. Екінші сәбилер тобындағы балалардың көзқарастарын жетілдіру. Үйрету тәсілдердің ойындық сипаты. Бала суретіндегі бейненің қалыптасуы, тақырыпқа қызығушылығы мен бейненің нақтылығы үшін суреттер мен картиналар көрсету. Жұмыс тәсілдерін көрсету. Тәрбиешінің іс - әрекетті сөзбен түсіндіруі. Балалар жұмыстарын талдау.

Естиярлар тобында балалардың заттың негізгі бөліктерін көре және бейнелей білу қабілеттіліктерін дамыту. Көрнекілік пен бейнелі сөз үйлесілімдігіне негізделген әртүрлі әдістер мен тәсілдер қолдану. Ересек топ балаларының бейнені дұрыс құра білу, әр түрлі бейнелеу құралдарын өз бетімен пайдалану қабілеттерін дамыту бағытындағы жұмыстар. Нақты затты пайдалану, бейнелеу тәсілдерін көрсету. Кеңістікте бейнелеу қабілеттерін қалыптастыру мақсатында суреттер, слайдтар, кинофильмдер көрсету.

Балалардың көніл-күйі мен сурет салуға деген қызығушылығын арттыру мақсатында көркем әдебиет образдары мен музыкалық шығармаларды пайдалану. Балалар жұмыстарын талдауды ұйымдастыру. Өз бетінше жұмыс істей білуге, өз жұмысына сын көзбен қарауға, бағалауға тәрбиелеу.

Мектеп жасына дейінгі баланың жеке басын дамытудағы бейнелеу өнерінің маңызы. Баланың эстетикалық дамуының педагогикалық эстетикалық мәдениетіне байланыстылығы. Балабақшаны безендіруде, сабақтар өткізуде, көрмелер мен топ серуендер ұйымдастыруда бейнелеу өнерін пайдалану. Мектеп жасына дейінгі балалардың қабылдауына қарай бейнелеу өнері шығармаларын (кескіндеме, мүсін, халық өнері) таңдауға қойылатын кітаптар. Өнер туыңдыларымен таныстыру. Мақсатты және берік қабылдауды дамыту тәсілдері. Балалардың өзіндік іс-әрекеттерін ұйымдастыру. Оның күн тәртібіндегі алатын орны. Жұмыс орнын тандау. Өзіндік көркем іс-әрекетке жанама әсер ету жолдары мен әдістері. Мерекелік ойын-сауықтар, сахналандырылған ойындар, балалар жұмыстарының көрмесі.

6. Әр түрлі жас топтарында мүсіндеуге үйрету және олардың шыгармашылықтары

Балалардың эстетикалық тәрбиесіндегі мүсіндеудің ролі. Балабақшаның әр түрлі жас топтарындағы мүсіндеу сабақтарының түрлері мен саны.

Затты мүсіндеу. Міндеттері. Бағдарламалық талаптардың бір топтан екінші топқа біртіндеп күрделенуі. Мүсіндеу техникасының сазбалшықты алақанда илеуден бастап саусақтардың белсенді қызметіне қарай ауысуы. Саусақ бұлшық еттері мен тепе-теңдік дәлелдігін дамыту. Мазмұнды мүсіндеу. Міндеттері. Сәбилер, естиярлар, ересектер топтарындағы бағдарлама талаптарынын біртіндеп күрделенуі. Қатар тұрған жеке заттарды мүсіндеуден біріккен мүсіндік топтарды бейнелеуте көшу. Зат мүсінің берудегі бөліктердің ролі.

Сәндік мүсіндеу. Әр түрлі жас топтарында сәндік мүсіндеуге үйретудің мазмұны мен міндеттері. Жазықтықта басыңқы және шығыңқы бейнеленген заттарды сәндік безендіру Әр түрлі жас топтарындағы мүсіндеуге үйрету әдістемесі. Сенсориканы дамытуға арналған дидактикалық ойындар. Балаларды көлемді денелердің бөліктерімен таныстыру, затты құрылысы қарапайым денелермен салыстыра білуге үйрету. Балалалардың пішін туралы ұғымдарын қалыптастыру үшін кіші мүсін шығармаларын қабылдау.

8. Әр түрлі жас топтарында жапсырмалауға үйрету және олардың шығармашылықтары

Халықтық сәндік - қолданбалы өнердің бір түрі ретіндегі жапсырмалаудың өзіндік ерекшелігі және эстетикалық маңыздылығы. Әр түрлі жас топтардағы жапсырмалау сабақтарының мазмұны мен міндетері. Төрт жастағы балалардың қарапайым дайын геометриялық фигураларды орналастырулары және жапсырулары.

Жапсыру техникасын менгерту. Мектеп жасына дейінгі сәбилердің ойлауынын нақтылық -бейнелік сипатын ескере отырып, геометриялық пішіндерді жапсырудың бейнелік принціпі. 2-ші сәбилер тобындағы сәндік жапсырмалаудың мүмкіндіктері.

Қайшымен қию тәсілі естиярлар және ересектер тобындағы негізгі міндеттердің бірі Балаларды қайшымен қиюға біртіндеп үйрету. Дайындық тобындағы силуэттік кесудің күрделі тәсіліне түзу қию арқылы үйрету. Заттық, мазмұнды және сәндік жапсырмалау тапсырмаларының өзіндік ерекшеліктері. Жапсырмаған пішіндерді орналастыру арқылы кеңістікті бағдарлау мен көзбен мөлшерлеуді дамыту.

Кесу және жапсыру жапсыру тәсілдерін көрсетуге қойылатын талаптар. Жапсырмалау сабақтарында қолданылатын әдістемелік тәсілдер: үлгілердің алуан түрлілігі, заттың сұлбасына талдау жасау арқылы қиып жапсыру, қайшымен қию тәсілдерін көрсету. Балалардың өз жұмысындағы қателіктерді табуы және талдауы. Мектепке дайындық тобындағы жапсырмалаудың ұжымдық жұмыс мүмкіндіктері. Жапсырмалау сабақтарында балалардың шығармашылығын дамыту. Балаларды құрастыру мен көркемдік еңбекке үйрету.

Құрастырудың өзіндік ерекшелігі. Оның ақыл-ой дамуындағы, техникалық қызығушылықтарының қалыптасуындағы. тапқырлықты, ойлауды дамытудағы мәні Мінез-құлықтың ерік, табандылық, төзімділік, ұйымшылдық сияқты сипатын қалыптастыру. Құрастыру іс-әрекеті арқылы балалардың эстетикалық даму мүмкіндіктері. Кеңістік туралы ұғымдарды кеңейту, үш мөлшерлі пішіндердің атауларын, конструкторлардың бөліктерін, шамаларын. бағыттарын меңгерту. Құрылыс материалдары мен әр түрлі конструкторлар арқылы өтілетін құрастыру сабақтарының мазмұны, міндеттері және әдістері.

... жалғасы

Сіз бұл жұмысты біздің қосымшамыз арқылы толығымен тегін көре аласыз.