Бастауыш сыныпта математиканы оқыту ерекшелігі



Пән: Педагогика
Жұмыс түрі:  Материал
Тегін:  Антиплагиат
Көлемі: 9 бет
Таңдаулыға:   
Бастауыш сыныпта математиканы оқыту ерекшелігі

Математиканы оқыту - математика пәнінің ерекшеліктеріне негізделген оқу-тәрбие жүйесі жайындағы ғылым. Бұл жүйені меңгеру математиканы оқыту мен математика пәні арқылы оқушыларды тәрбиелеу ісін ұйымдастыруға мүмкіндік береді.
Математиканы оқыту - педагогикалық ғылым, сондықтан да ол қоғамның талаптарына сай, педагогика ғылымы анықтап берген жалпы білім беру мен тәрбиелеудің мақсаттары мен міндеттеріне сәйкес құрылады. Математиканы оқыту математикалық материалдарды оқып үйренудің ерекшеліктеріне қарай, барлық пәндерге ортақ педагогикалық қағидаларға негізделген.
Математика пәні бойынша І-ІV сыныптарға арналған оқу-әдістемелік топтама
1) Қазақстан Республикасы бастауыш білімнің мемлекеттік стандарты;
2) Бағдарлама;
3) Оқулықтар;
4) Дәптер №1, №2;
5) Математиканы оқыту әдістемесі;
6) Математикадан дидактикалық материалдар;
7) Математикадан дидактикалық ойындар және қызықты тапсырмалар;
8) Көрнекі көрсету кестесі, 1 - сынып. Көрнекі көрсету кестелеріне әдістемелік нұсқау, үлестірмелі дидактикалық материалдар;
9) Көру-есту техникалық құралдарына арналған материалдар;
10) Ата-аналарға арналған түсіндірме.
Бағдарлама 3 бөлімнен тұрады:
1. Түсіндірме бөлімі. Онда математиканы оқытудың мақсаты мен міндеті, мазмұны, әдіс-тәсілдері айтылған.
2. Білім мазмұнының сыныптар бойынша бөлінуі.
3. Оқушылардың математикалық дайындығына қойылатын талаптардың міндетті және мүмкін деңгейлері.
Оқушылардың білім, білік және дағдыларына қойылатын талаптар:
Мүмкіндік деңгей:
oo натурал сан және оның қасиеттері туралы;
oo нөл саны және оның басқа сандардың арасындағы орны туралы;
oo арифметикалық амалдардың мән-мағынасы туралы;
oo қосу-азайту және көбейту-бөлу амалдарының өзара кері амалдар болатыны туралы;
oo амалдардың заңдары және қасиеттері жайында;
oo сызықтар түзу, қисық, сынық, сәуле, кесінді, тұйықталған және тұйықталмаған сызықтар, олардың орналасу қалпы жайында;
oo бұрыштардың түрлері, көпбұрыштардың топқа бөлінуі, көлемі болатын фигуралар текше, тік бұрышты параллелепипед жайында;
oo шамалар ұзындық, масса, сыйымдылық, уақыт аралығы, аудан жылдамдық, баға, көлем және оларды өлшеу жайында;
oo математикалық жаттығулардың ерекше түрі ретіндегі есептің ерекшеліктері және белгілері туралы;
oo геометриялық фигуралардың нүктелердің жиыны екендігі жайында;
oo микрокалькулятордың есептеулер жүргізу жұмысын жеңілдететін және шапшаңдататын мүмкіндіктері жайында;
oo тура және тура емес теңдіктер мен теңсіздіктер туралы;
oo сандарды салыстырудың және өрнектерді салыстырудың мән-мағынасы туралы;
oo есепті алгебралық тәсілмен шешудің мән-мағынасы туралы түсінігінің болуы тиіс.
oo натурал сандар қатарының ретін;
oo қосу мен көбейтудің заңдарын;
oo амалдарға байланысты таңбаларды және терминдерді;
oo бір таңбалы сандарды қосу және көбейту кестелерін;
oo тік төртбұрыштың шаршының бұрыштары мен қабырғалардың қасиеттерін;
oo есептің құрамды бөліктерін шарты, сұрағы, берілгені, ізделіндісі және оны шешудің кезеңдерін мәтінді оқу, шешу жоспарын құру, шешуін жазу, жауапты бөліп көрсету және тексеру;
oo арифметикалық амалдардың орындалуының рет-тәртібін;
oo шамалардың ұзындық, уақыт, масса, аудан, сыйымдылық, баға атауларын және олардың негізгі өлшем бірліктері мен араларындағы қатынастарды см, дм, м, км, кг, г, т, ц, тн, сек, мин, сағ, тәулік, мм2, см2, м2, л, 1 км = 1000 м, 1 м = 100 см, 1 м = 10 дм, 1 дм = 10 см, 1 т = 1000 кг, 1 кг = 1000 г, 1 тәулік = 24 сағ, 1 сағ = 60 мин, 1 мин = 60 сек, 1 м2 = 100 дм2, 1 дм2 = 100 см2, 1 теңге = 100 тн білуі тиіс.
oo натурал сандарды және нөл санын оқуды, жазуды және салыстыруды;
oo қосу және көбейту кестелерін пайдаланып азайту мен бөлуді орындауды;
oo кез келген көп таңбалы сандарды қосу мен азайтуды орындауда тиімді тәсілдерді қолдануды;
oo көп таңбалы сандарды бір және екі таңбалы сандарға көбейту мен бөлуді орындағанда жазбаша тәсілдерді қолдануды;
oo көп таңбалы сандарды бір және екі таңбалы сандарға қалдықпен бөлуді орындауы;
oo бір таңбалы сандардың және 10 санының квадраттары мен кубтарын табуды;
oo 2-4 амалдан тұратын, жақшалы және жақшасыз санды өрнектің мәнін табуды;
oo 2-3 амалдан тұратын, жақшалы және жақшасыз санды және әріпті өрнекті құру, оқу, жазу мәнін табуды;
oo бір ғана әріпі бар кез келген әріпті өрнектің мәнін табуды;
oo қарапайым теңдеулерді және амалдың қандай да бір компоненті немесе нәтижесі санды өрнек болып келетін теңдеулерді шешуі;
oo кез келген жай есепті шығарумен байланысты амалды таңдап алуды және негіздеп беруді;
oo 2-3 амалмен шығарылатын есепті шешумен байланысты амалдарды және олардың ретін анықтауды және негіздеп беруді;
oo 1-2 амалмен шығарылатын есептерді құруды және шешуді;
oo геометриялық фигураларды (нүкте, түзу, кесінді, сәуле, бұрыш) сызуды және белгілеуді;
oo берілген периметрлері бойынша тік төртбұрыш (шаршы) салуды, берілген кесінділерге тең немесе берілген ұзындығы бойынша кесінділерді сызуды;
oo үшбұрыштың, тік төртбұрыштың (шаршының) периметрін, тік төртбұрыштың (шаршының) ауданын, тік бұрышты параллелепипедтің (текшенің) көлемін анықтауды;
oo геометриялық фигураларды (түзу, сәуле, кесінді, сынық сызық, қисық сызық, тік бұрыш, сүйір бұрыш, доғал бұрыш, үшбұрыш, шаршы, тік төртбұрыш, текше, тік бұрышты параллелепипед, дөңгелек, шеңбер, көпбұрыш) ажыратуды үйренуі тиіс.
Мүмкіндік деңгейі:
oo натурал сандар санаудың, шаманы өлшеудің және амалдың нәтижелері екені, натурал сандар қатарының шексіздігі, санаудың ондық жүйесінің мән-мағынасы және ерекшеліктері туралы;
oo нөлдің мән-мағынасы туралы; қосу, азайту, көбейту және бөлу амалдарының математикалық мән-мағынасы жайында;
oo белгілі геометриялық фигуралардың жазықтықта немесе кеңістікте орналасу мүмкіндігі жайында;
oo геометриялық салудың мән-мағынасы жайында;
oo бөлшектің, бүтіннің бөлігі болатындығы жайында түсінігінің болуы тиіс.
oo натурал сандарды үш таңбалы санға жазбаша көбейту мен бөлуді;
oo амалдардың заңдарын есептеулерді жеңілдету және өрнектерді ықшамдау үшін пайдалануды;
oo төрт амалға берілген кез келген есепті шығаруды және оны шешудің ең тиімді жолын табуды;
oo есепті теңдеудің көмегімен шешуді;
oo берілген деректерді пайдаланып 3-4 амалмен шығарылатын есептер құрастыруды;
oo есептің шешуін тексеруді және мазмұны бойынша оны шешу алгаритімін өздігінен құруды;
oo х + 4 + 21 = 45; у - 47 - 19 = 81; 2 * х + 5 = 205 және т.с.с. теңдеулерді шешуді;
oo жақшалы және жақшасыз, бестен кем емес амалдардан тұратын санды өрнектің мәнін табуды;
oo жақшалы және жақшасыз, құрылысы күрделірек әріпті өрнектің мәнін табуды;
oo өрнектің мәнін табу және есеп шығару үшін микрокалькуляторды пайдалануды;
oo санның шаршысы мен текшесін жазбаша және микрокалькулятордың көмегімен есептеп табуды;
oo амалдар реті көрсетілген өрнек, кесте, блок-сызба түрінде берілетін алгаритімді атқаруды және құруды;
oo шамалардың өлшем бірліктерін мм, см, дм, м, км, г, кг, ц, т, теңге, тиын, сек, мин, сағ, тәулік, апта, ай, жыл, мүшел, ғасыр, м2, дм2, см2, а (ар), га, м3, см3, дм3, л (литр), т.с.с. және олардың арасындағы қатынастарды есептеулер жүргізу және есеп шығару барысында пайдалануды;
oo жылдамдық, уақыт және ара қашықтықтың; баға, саны және құнның; тік төртбұрыштың ені, ұзындығы және ауданның арасындағы қатынасты пайдаланып, 3-4 амалмен шығарылатын есепті теңдеудің көмегімен шешуді;
oo әр түрлі өлшем бірлігінде екі шаманың және құрылысы күрделірек екі өрнектің мәндерін салыстыру; геометриялық фигураларды салу алгоритмін құруды және атқаруды;
oo кез келген жазық фигураның ауданын табу үшін палетканы пайдалануды;
oo тік бұрышты параллелепипедтің кубтың көлемі мен оның биіктігі, ені және ұзындығы арасындағы тәуелділікті есепті шығару үшін пайдалануды;
oo бүтінді тең бөліктерге бөлу арқылы бөлшекті шығарып алуды;
oo бұрыштарды өлшеу үшін транспортирді қолдануды;
oo транспортирдің және екі сызғыштың немесе циркульдің көмегімен үшбұрыш салуды үйренуі тиіс.
Қазақстан Республикасының мемлекеттік жалпыға міндетті білім беру стандартында ұсынылған типтік оқу жоспарына сәйкес 1-4 - сыныптардағы Математика пәні бойынша оқу жүктемесі 1 - сынып - аптасына 4 сағат, барлығы 136 сағат, 2 - сынып - аптасына 4 сағат, барлығы 136 сағат, 3 - сынып - аптасына 5 сағат, барлығы 170 сағат, 4 - сынып - аптасына 5 сағат, барлығы 170 сағат бөлінген. Сыныптар бойынша оқушылардың дайындық деңгейіне қойылатын талаптар, яғни 1-4 - сынып оқушылары бағдарлама бойынша нені меңгеруі керек екені көрсетіліп тұр.
Бағдарлама балалардың математикалық білім, біліктерін қалыптастыру; ой-өрісін кеңейту; шығармашылығын, қиялдау қабілетін дамыту; оқытудың өмірмен байланысын нығайту мақсатындағы қосалқы әдістемелік тәсіл ретінде өздігінен есептер құрастырып шығаруды ұсынады. Осындай шығармашылық жұмыс берілген есепке кері есеп құрастыру және шығару; шығарылуы, берілген қатынас, дайын сызба және сурет бойынша есептер құрастыру; сұраққа сәйкестендірілген шартты іріктеп алу және керісінше, шартқа сәйкесетін сұрақты сұрыптау; есептің шартын және сұрағын түрлендіру, шамаларды өлшеудің нәтижелерін немесе қосымша материалдарды пайдаланып, өздігінен әр түрлі есептер құрастыру және тиімді жолдармен шығару сияқты мәселерді қамтиды. Бағдарлама негізгі мектепте алгебра мен геометрияның жүйелі курсын оқып-үйренуге қажетті даярлықтың практикалық негізін құрайтын алгебра мен геометрияның элементтерін қарастырудың мүмкін жолдарының бірін ұсынады. Мұнда алгебра мен геометриялық қарапайым түсініктер мен ұғымдарды, практикалық білік пен дағдыларды қалыптастыру көзделеді. Оларға алгебра саласы бойынша өрнек, санды өрнек, санды теңдік пен теңсіздік, санды өрнектің мәні, әріпті өрнек, әріпті өрнектің мәні, қарапайым теңдеулер және оларды шешу тәсілдері, құрылымы күрделі теңдеулер және оларды шешу тәсілдері, алгебралық тәсілмен, яғни теңдеу құру арқылы есептер шығару және т.б. жатады. Ал геометрия саласы бойынша кеңістік туралы түсінік, геометриялық фигуралармен байланысты қарапайым ұғымдар, оларды ажырату, геометриялық шамаларды өлшеу, фигураларды салу бойынша алғашқы біліктерді қалыптастыру және т.б. ... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Сандар мен өрнектер
Математиканы оқытудың теориясылық негізі
Бастауыш сыныптарда математиканы оқытудың міндеттері.
Бастауыш сыныпта компьютерді қолданып математиканы оқыту нәтижесін бақылау тиімділігін арттыру жолдары
Бастауыш сыныптарда математиканы оқыту әдістемесі
Алгебра элементтерін дамыта оқыту (4-сынып)
Бастауыш сыныпта информатика пәнінің оқыту ерекшелігі
Екінші сынып математика пәні мазмұнының ерекшеліктері
2 – сынып математика пәні мазмұнының ерекшеліктерін зерттеу
СЫНЫПТАРДА АЛГЕБРАЛЫҚ МАТЕМАТИКАНЫ ОҚЫТУ ӘДІСТЕРІ
Пәндер