Математика сабағында бастауыш сынып оқушыларының қозғалысқа қатысты есептерді шығару дағдыларын дамыту

ДИПЛОМДЫҚ ЖҰМЫС

Қазақстан Республикасы

Білім және ғылым министрлігі

Қ. А. Ясауи атындағы Халықаралық қазақ-түрік университеті

«Қорғауға жіберілді»

«Бастауыш оқыту теориясы мен

әдістемесі» кафедрасының

меңгерушісі, п. ғ. к., доц. м. а.

Тоққұлова Г. Т.

« ___ » 2014ж

ДИПЛОМДЫҚ ЖҰМЫС

Тақырыбы: Математика сабағында бастауыш сынып оқушыларының қозғалысқа қатысты есептерді шығару дағдыларын дамыту

5В010200 -«Бастауыш оқыту педагогикасы мен әдістемесі» мамандығы

Орындаған Исмаилова Ж.

Ғылыми жетекшісі,

аға оқытушы Дәулетбекова Б.

Түркістан - 2014

Мазмұны

Нормативтік сілтемелер

Осы дипломдық жұмыста келесі нормативтік құжаттарға сілтеме жасалған:

• Қазақстан Республикасы 2007-жылғы 27-шілдедегі «Білім туралы» заңы;
• Оқу бағдарламасы Қазақстан Республикасы Үкіметінің 2012-жылғы 23-тамыздағы №1080 қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандарты.
• Университеттің ішкі нормативтік ережесі:

УЕ-ХҚТУ-015-2014 Дипломдық жұмысты (жобаны) әзірлеу мен рәсімдеуге қойылатын жалпы талаптар;

Анықтамалар

1. Дипломдық жұмыс (жоба) - бұл студенттің кешенді дербес жұмысы, мамандығы бойынша өзекті мәселелерді теория тұрғысынан сипаттама жасау, зерттеу және жан-жақты талдау болып табылатын оқудың соңғы аяқталу кезеңінде орындалатын жазбаша бітіру жұмысы.

2. Білімнің базалық мазмұны - жалпы бастауыш білім беретін ұйымдардың меншік нысанына, типі мен түріне қарамастан, меңгеруге міндетті бастауыш білім берудің келесі деңгейлерінде оқуды жалғастыруға жеткілікті болатын білім мазмұнының құрамы мен көлемі;

3. Оқу жүктемесінің ең жоғарғы көлемі - үлгілік оқу жоспарының инварианттық және вариативтік (мектеп және оқушы) компоненттеріндегі оқу пәндерінің мазмұнын меңгеру үшін қажетті және білім беру деңгейлері мен оқу жылы бойынша белгіленген оқу уақытының көлемі;

4. Білім беру - бұл қоғам мүшелерінің адамгершілік, интеллектуалдық, мәдени дамуының жоғарғы деңгейін және кәсіби біліктілігін қамтамасыз етуге бағытталған тәрбие беру мен оқытудың үздіксіз үдерісі;

5. Оқу жұмыс жоспары - білім алушының білім алу мүдделерін ескере отырып, үлгілік оқу жоспары негізінде жалпы орта (бастауыш) білім беретін ұйымдар әзірлейтін құжат;

6. Білім алушының дайындық деңгейі - тұлғалық, жүйелік-әрекеттік және пәндік нәтижелерінен көрінетін білім алушылардың бастауыш білім мазмұнын меңгеру деңгейі;

7. Білім мазмұнын меңгерудің базалық деңгейі - білім алушылардың білім, шеберлік және дағдының міндетті көлемін меңгеру деңгейі;

8. Білім мазмұнын жетік меңгерудің жетік деңгейі - білім алушылардың білім, шеберлік және дағдының кеңейтілген және тереңдетілген көлемін меңгеру деңгейі.

9. Есеп - берілген шарттары қанағаттандыратын математикалық нысанды анықтау жөніндегі талап. Жалпы білім беретін мектепте оқылатын математикалық есептер әр түрлі: арифметикалық амалдар қолдану есебі,

алгебралық теңдеулер құру есептері, дәлелдеу есептері, салу есептері, геометриялық есептер т. б. болып ажыратылады.

Белгілеулер мен қысқартулар

Университет-Қ. А. Ясауи атындағы Халықаралық қазақ-түрік университеті;

ТІМSS - Ғылымижаратылыстану және математикалық білім беру сапасын зерттеудің халықаралық салыстырмалы мониторингы

TIMSS - Международное сравнительное мониторинговое исследование качества математического и естественнонаучного образования

TIMSS - Trends in Mathematics and Science Study

СИ - интернационалдық жүйе

Аннотация

Развитие навыков учеников начальных классов при решении задач на движение на уроке математики.

Development of skills in the classroom mathematics of primary school students in solving problems on the movement of

Sınıf matematik ilköğretim okulu öğrenci hareketi üzerinde sorunların çözümünde becerilerinin geliştirilmesi

Кіріспе

Зерттеу жұмысының өзектілігі: Егеменді еліміздің бүгінгі таңдағы ең басты мақсаты жан-жақты әлемдік білім кеңістігінен орын алу болып табылады. Бүгінде қоғамды дамыту факторы ретінде білім беру жүйесін қайта құру, ұлттық мектептерде білім сапасын жақсарту мәселесі қолға алына бастады.

Қазақстан Республикасының «Білім туралы» заңында, білім беру жүйесінің басты міндеті - ұлттық және жалпы адамзаттық құндылықтар ғылым мен практика жетістіктері негізінде жеке адамды қалыптастыруға және кәсіби шыңдауға бағытталған білім алу үшін қажетті жағдайлар жасау, оқытудың жаңа технологияларын енгізу, білім беруді ақпараттандыру, халықаралық ғаламдық коммуникация желілерге шығу деп білім жүйесін одан әрі дамыту міндеттері көзделеді [1] .

Математиканы оқыту - математика пәнінің ерекшеліктеріне негізделген оқу-тәрбие жүйесі жайындағы ғылым. Бұл жүйені меңгеру математиканы оқыту мен математика пәні арқылы оқушыларды тәрбиелеу ісін ұйымдастыруға мүмкіндік береді.

Математиканың бастауыш курсы негізінен шамалар арасындағы тәуелділіктің төрт тобын: тауардың құнын, оның саны мен бағасын; бір заттың массасын, заттардың санын және жалпы массаны; тік төртбұрыштың ұзындығын, енін және ауданын; түзу сызықты бірқалыпты қозғалыс уақытын, жылдамдығын және жолын қарастырады. Сондай - ақ жұмыстың көлемі, жұмыс уақыты және еңбек өнімділігі сияқты шамалар арасындағы тәуелділік те қарастырылады.

Математика ғылым ретінде есептен пайда болған және есеп арқылы дамиды. Мектеп математикасын есепсіз құру мүмкін емес. Математикалық есептер оқушылардың ұғымдарын, теорияны және математика әдістерін меңгерудің тиімді де, айырбасталмайтын құралы болып табылады. Баланың ойлау қабілетін дамытуда, оларды тәрбиелеуде, біліктіліктері мен дағдыларының қалыптасуына, математикалық практикамен байланысын көрсетуде есептің алатын орны зор. Математиканы оқытудағы басты мақсаттарға жетуге есеп басты қызметші болып табылады. Сондықтан математика сабақтарының жарты уақыты есеп шығаруға арналады [2] .

Қозғалысқа байланысты есептер, яғни жылдамдық, уақыт, қашықтық шамаларына қатысты есептер IV сыныпта қарастырылады. Қозғалысқа байланысты есептерді шығаруға дайындық жұмысы балалардың қозғалыс туралы түсінігін қорытуды, жаңа шамамен - жылдамдықпен танысуын, жылдамдық, уақыт, қашықтық шамаларының арасындағы байланыстарды айқындай түсу жағын қарастырады.

Балалардың қозғалыс жөніндегі түсініктерін жалпылау үшін транспорттың қозғалысын бақылауға арналған арнайы экскурсия өткізген

айдалы, содан кейін бақылауды сынып аясында жүргізу керек, онда қозғалысты балалардың өздері көрсетеді [3] .

Зерттеу нысаны: Бастауыш мектептің 4-сыныбында қозғалысқа қатысты есептерді іріктеу және оқыту үдерісі.

Зерттеу пәні: 4 - сынып математикасы

Зерттеу мақсаты: Математика сабағында бастауыш сынып оқушыларының қозғалысқа қатысты есептерді шығару дағдыларын дамытуды теориялық жағынан негіздей отырып, оны меңгертудің әдістемелік жүйесін ұсыну және оны тәжірбие арқылы дәлелдеу.

Қойылған зерттеу мақсатына жету мен тексеру үшін зерттеу жұмысының төмендегідей міндеттерін шешу қажет болды:

- Бастауыш сыныпта математиканың оқыту ерекшеліктеріне сипаттама беру;

- Шамаларды оқытудың теориялық негіздерін талдау;

- Қозғалысқа қатысты есептерді іріктеу және талдау;

- Қозғалысқа қатысты есептерді шығару дағдыларын дамыту жолдарын анықтау;

Зерттеу жұмысының әдіснамалық және теориялық негіздері: Таным, білім, жеке тұлға және оның іс-әрекеті, ақыл-ой, ойлау құндылықтары туралы философиялық, психологиялық, педагогикалық теориялар мен тұжырымдамалар, білім сапасы және оны арттырудағы қозғалысқа қатысты есептерді шешудің алатын рөлі мен атқаратын қызметі.

Зерттеу көздері: ҚР «Білім туралы» заңы, ҚР Конституциясы, қаулы-қарарлары, философ, психолог, педагогтардың материалдары, ҚР Білім стандарты, кәсіби оқыту орындарының оқу жоспары, бағдарламалары мен оқу-тәрбие үдерісі.

Зерттеу әдістері: Зерттеу тақырыбының мазмұнына қатысты философия, педагогика, психологиялық және әдістемелік еңбектермен танысу және талдау жасау; бастауыш мектеп бағдарламасына, математика оқулықтарына, есептер жинағына дидактикалық материялдар және оқу құралдарына зерттеу мәселесі тұрғысынан талдау жасау; бастауыш сыныптарда математиканы оқыту үдерісінде құрама есептерге мән беру, одан қорытынды жасау.

Зерттеудің ғылыми болжамы: Қозғалысқа қатысты есептерді талдау - математикалық білімді өмірмен тығыз байланыстыруға, сондай-ақ оқушылардың өмірден алған тәжірибелерін математиканы оқып-білуге кеңінен пайдалануға және мектепте алған білімдерін еңбекпен байланысты іс-әрекеттерінде қолдана білуге көмектеседі.

І. Бастауыш сыныптарда математиканы оқытудың

педагогикалық негіздері

1. 1 Математиканы оқыту ерекшеліктеріне сипаттама

Математиканы оқыту - педагогикалық ғылым, сондықтан да ол қоғамның талаптарына сай, педагогика ғылымы анықтап берген жалпы білім беру мен тәрбиелеудің мақсаттары мен міндеттеріне сәйкес құрылады. Математиканы оқыту математикалық материалдарды оқып үйренудің ерекшеліктеріне қарай, барлық пәндерге ортақ педагогикалық қағидаларға негізделген.

Математика пәні бойынша І-ІV сыныптарға арналған оқу-әдістемелік топтама

1. Қазақстан Республикасы бастауыш білімнің мемлекеттік стандарты;
2. Бағдарлама;
3. Оқулықтар;
4. Дәптер №1, №2;
5. Математиканы оқыту әдістемесі;
6. Математикадан дидактикалық материалдар;
7. Математикадан дидактикалық ойындар және қызықты тапсырмалар;
8. Көрнекі көрсету кестесі, 1 - сынып. Көрнекі көрсету кестелеріне әдістемелік нұсқау, үлестірмелі дидактикалық материалдар;
9. Көру-есту техникалық құралдарына арналған материалдар: Интербелсенді тақта;
10. Ата-аналарға арналған түсіндірме.

Бағдарлама 3 бөлімнен тұрады:

1. Түсіндірме бөлімі. Онда математиканы оқытудың мақсаты мен міндеті, мазмұны, әдіс-тәсілдері айтылған.
2. Білім мазмұнының сыныптар бойынша бөлінуі.
3. Оқушылардың математикалық дайындығына қойылатын талаптардың міндетті және мүмкін деңгейлері [4] .

Қазақстан Республикасының мемлекеттік жалпыға міндетті білім беру стандартында ұсынылған типтік оқу жоспарына сәйкес 1-4 - сыныптардағы «Математика» пәні бойынша оқу жүктемесі 1 - сынып - аптасына 4 сағат, барлығы 136 сағат, 2 - сынып - аптасына 4 сағат, барлығы 136 сағат, 3 - сынып - аптасына 5 сағат, барлығы 170 сағат, 4 - сынып - аптасына 5 сағат, барлығы 170 сағат бөлінген. Сыныптар бойынша оқушылардың дайындық деңгейіне қойылатын талаптар, яғни 1-4 - сынып оқушылары бағдарлама бойынша нені меңгеруі керек екені көрсетіліп тұр.

Бағдарлама балалардың математикалық білім, біліктерін қалыптастыру; ой-өрісін кеңейту; шығармашылығын, қиялдау қабілетін дамыту; оқытудың өмірмен байланысын нығайту мақсатындағы қосалқы әдістемелік тәсіл ретінде өздігінен есептер құрастырып шығаруды ұсынады. Осындай шығармашылық жұмыс берілген есепке кері есеп құрастыру және шығару; шығарылуы, берілген қатынас, дайын сызба және сурет бойынша есептер құрастыру; сұраққа сәйкестендірілген шартты іріктеп алу және керісінше, шартқа сәйкесетін сұрақты сұрыптау; есептің шартын және сұрағын түрлендіру, шамаларды өлшеудің нәтижелерін немесе қосымша материалдарды пайдаланып, өздігінен әр түрлі есептер құрастыру және тиімді жолдармен шығару сияқты мәселерді қамтиды. Бағдарлама негізгі мектепте алгебра мен геометрияның жүйелі курсын оқып-үйренуге қажетті даярлықтың практикалық негізін құрайтын алгебра мен геометрияның элементтерін қарастырудың мүмкін жолдарының бірін ұсынады. Мұнда алгебра мен геометриялық қарапайым түсініктер мен ұғымдарды, практикалық білік пен дағдыларды қалыптастыру көзделеді. Оларға алгебра саласы бойынша «өрнек», «санды өрнек», «санды теңдік пен теңсіздік», «санды өрнектің мәні», «әріпті өрнек», «әріпті өрнектің мәні», «қарапайым теңдеулер және оларды шешу тәсілдері», «құрылымы күрделі теңдеулер және оларды шешу тәсілдері», «алгебралық тәсілмен, яғни теңдеу құру арқылы есептер шығару» және т. б. жатады. Ал геометрия саласы бойынша «кеңістік туралы түсінік», «геометриялық фигуралармен байланысты қарапайым ұғымдар, оларды ажырату», геометриялық шамаларды өлшеу», «фигураларды салу бойынша алғашқы біліктерді қалыптастыру» және т. б. жатады [5] .

Бастауыш сынып математикасын оқыту үрдісінде есепті шығара білу шеберлігін қалыптастыру, жетілдіру және дамытудың шешуші бағыттарына тоқталайық.

1. Есеп шығаруға үйрету - математиканы оқытудағы ең қиын әрі күрделі мәселелердің бірі. Бұл балалардың шама-шарқына, психологиялық жас ерекшелігіне сәйкес салыстыру, жан-жақты талдау жасау, қарама-қарсы қою. Жалпылау, түрлендіру, зерттеу, әр алуан категорияларға біріктіру, қорытындылау, абстракциялау сияқты түрліше меңгеруіне байланысты бірдей дәрежеде орындала береді.
2. Балалардың топтық, өзіндік ерекшеліктері қабілет деңгейлерінің әр түрлілігіне байланысты, олардың бәрінен де бір тарақтың жүзінен шыққандай есепті шығара білуге біркелкі үйренеді деуге болмайды.
3. Есеп шығаруға үйрету алғашқы сабақтардың өзінде-ақ басталып, сынып ілгерілеген сайын бірте-бірте сәйкес шеберлік те қалыптаса бастайды.

Ауызша есептеуге үйрету бастауыш сыныптан басталатыны бәрімізге мәлім. Ол уақыт үнемдеу тұрғысынан тиімді. Бір ғана мысалдың нәтижесін бірнеше тәсілмен есептегенде берілетін түсіндірмелер, аралық нәтижелердің қалай шығатыны, ақтық нәтижеде не болатыны ауызша айтылады да, оларды жазуға уақыт жұмсалмайды. Оған қоса қай тәсілді қолдану оқушының өз еркінде болғанымен, олардың барынша тиімдісін іріктеп алуды үйретуге мүмкіндік мол.

Математика сабағында ауызша есептеу дағдыларын қалыптастыру жұмыстарын жүргізудің маңызы зор. Сабақта оқушылардың ойлау қабілетін дамыту үшін есеп шығарғанда орындайтын амалдарды ойша шешіп алуды дағдыландырған жөн.

Бастауыш сыныпта математиканы оқыту тек математикалық білімді берумен шектелмейді. Бұл пән оқушылардың логикалық ойлауын дамытуда маңызы өте зор. Оқушылардың ойлау үдерісінің нақтылығын, тереңдігін анықтау үшін олардың белсенді іс-әрекетімен бірге өз бетінше жұмысын ұйымдастыру керек.

Ауызша есептеуге үйретуде оқушылардың білімі мен дағдысын тексеру кезінде арифметикалық диктант ретінде қолдануды ескеру қажет. Диктант кейін тексеруді ауызша жүргізген қолайлы.

Барлық сабақтың елеулі бөлігінде өз бетімен жұмыс істегенде оқушы жұмыстың мақсатын айқын түсіне білуі, оны орындауы, тексеруі және қателіктерді түзетуі сияқты өз бетімен істелетін жұмыстың жалпы әдістерін бірте-бірте игеріп алуы тиіс.

Оқушылардың сабақта өздігінен орындайтын жұмыстарын тиімді ұйымдастыру үшін дидактикалық материалды, үлестірмелі материалдар, баспа негіздегі дәптерлер, тағы басқа оқу құралдары жинастырылуы қажет. Дегенмен оқушыларға оқулықпен жұмыс істеуді үйретудің орны ерекше. Барлық ғылыми-техникалық білімнің көзі - кітапқа, оның ішінде оқулыққа оқушылардың сүйіспеншілігі мен құрметін арттыру, олармен өздігінен жұмыс істеуді үйрету мұғалімнің басты міндетінің бірі. Әр сынып оқулықтары қажетіне орай орындалуға тиісті жаттығулармен, есептермен, практикалық тапсырмалармен, суреттермен қамтамасыз етілген. Өздігінен жұмыс істеуді оқушылардың сабақ үстіндегі қызметіне енгізу сабақтың құрылымын да, элементтеріне де әсерін тигізеді.

Математика сабақтарында білім берудің барлық негізгі принциптері бір-бірімен байланысты жүзеге асады. Мысалы: саналық, көрнекілік, жүйелілік, беріктік, шамаға лайықтылық және тағы басқалар. Бастауыш сыныпта математикадан оқушылардың білім деңгейін көтеруде көрнекілік принциптерінің рөлі ерекше.

Оқулық - пәнді оқыту үдерісі жобасын түзеді, яғни мұғалім мен оқушылардың бірлескен іс-әрекеттерін (әрекеттесуін) айқындайтын, пәнді оқытудың нақты және дербес міндеттерінен туындайтын оқыту нәтижелеріне (білім, білік, дағды, оқушы тұлғасының қалыптасуы және дамуы) бағдарланған, нақты ғылыми идея мен көзқарасқа (мәселен, тұлға қалыптастыру, дамыта оқыту, оқушылардың өзіндік іс-әрекетінің басымдығы және т. б. ) негізделген оқыту технологиясы нұсқасын анықтайды, - деп түйіндеген жөн демекпіз.

Демек, оқулыққа қатысты аталған басты талап оны дайындау барысында басшылыққа алынуы тиіс. Алайда, оқулық дайындау біздер үшін тың мәселе екендігі және тәжірибе жинақталмандығы, осыған байланысты бастаманың бірнеше кезеңде іске асырыла бастағаны белгілі. Шындығында Қазақстан Республикасы мектептерінің бастауыш сыныптарында өткен ғасырдың 80 жылдарына дейін математика пәні Ресей оқулықтарының аударма нұсқасымен оқытылып келген болатын. Сондықтан оқулық дайындау мәселесімен қазақстандық әдіскер-ғалымдар мен мұғалімдердің айналысуына қажеттілік туындамады, мүмкіндік болмады, рұқсат берілмеді. Алайда алты жасарларды оқытуға көшудің жоспарлануына байланысты Қазақстанның жағдайына лайықталған 1-сыныпқа арналған математика оқулығын дайындау 1986 қолға алынды және 1986-1987 оқу жылында тәжірибеге енгізілді. Содан кейін математикадан егемен және тәуелсіз Қазақстанның төлтума оқулықтарының жаңа нұсқасы 1991-1992 оқу жылында дүниеге келді. Осы оқулықтардың негізінде дайындалған жаңа буын төлтума оқулықтарымен бастауыш сыныптарда математика пәні 1997-1998 оқу жылынан бастап оқытылып келе жатыр.

Тәжірибеге қарағанда қазіргі талапқа сай дайындалған және «Атамұра» баспасы шығарған бастауыш сыныптарға арналған математика оқулықтары пәнді оқыту үдерісін жобалау және оны іске асыру барысында білім беруші мен білім алушылардың бірлескен іс-әрекетін басқаруды қамтамсыз ететін оқыту технологиясын жасақтауға және іске асыруға мүмкіндік беріп, бүгінде оң нәтижелерге жеткізіп отырғандығы байқалады. Мәселен, кіші жастағы оқушыларға математикалық білім беруде қол жеткен нәтижелер қуантарлық деген жөн. Өйткені, он жылдан астам уақытта математиканы оқытуда қолданыста болған бірден-бір оқулық - жаңа буын төл оқулықтарынан білім алған Қазақстан Республикасы мектептерінің 4-сынып оқушылары математика пәні бойынша Халықаралық Ассоциация жүргізген ТІМSS-2007 зерттеуінде жоғары көрсеткішке қол жеткізді, яғни Сингапур, Малайзия, Жапония, Қытай-Тайбей елдерінен кейін бесінші нәтиже көрсеткені бүгінде баршаға мәлім. Оқушылардың осындай сапалы дайындығына қол жеткізу бастауыш сыныптарда жұмыс істейтін ұстаздар қауымы еңбегінің жемісі және қолданыстағы жаңа буын математика оқулықтары ұсынып отырған білім мазмұнының оңтайлылығы және оқыту технологиясының тиімділігі деуге толық негіз бар. Сонымен бірге мұны бастауыш сыныптарға арналған математика оқулықтарының ғылыми негізін, жүйесін түсінген және қабылдаған мұғалімдер қауымының, сондай-ақ тәуелсіз сарапшылардың оң пікірлері айғақтайды. Осының дәлелі ретінде «Математика - 1» («Атамұра». 2008, Алматы) оқулығын жеті индикатор (мәтіннің қабылдану деңгейі, дамытпалы оқулық, тапсырмалардың Блюм таксономиясымен өзара байланыстылығы, ақпараттың қабылдануы мен оқушылардың іс-әрекеті түрлерінің тең ұсталуы, қиындылығы, «Мәтін - безендіру» қатынасы) бойынша бағалаған «Оқытуда - шекара жоқ» атты қазіргі педагогикалық орталық (Монрель, Канада) жүргізген сараптаманың қорытындысын айтуға болады.

Бастауыш сыныптарға арналған математика оқулықтары оқытудың күтілетін нәтижелеріне және тұлғаны зияттық (интеллектуалдық) дамытуға бағдарланған технологияға бейімделіп жазылған. Қазіргі кезде бастауыш сыныптарда қолданыстағы математиканы оқыту технологиясының нәтижеге бағдарланғандығын Мемлекеттік бастауыш математикалық білім стандартында және оқу бағдарламасында бастауыш буынның соңына қарай, сондай-ақ әр сыныпты аяқтауға сәйкес оқушылар дайындығының міндетті (минимум) деңгейіне қойылатын талаптардың берілуі, сондай-ақ түрі мен мазмұны, көлемі тұрғысынан алғанда барынша оңтайлы және әр сабақта нақты нәтижеге қол жеткізуге мүмкіндік туғызатын қажетті және жеткілікті жаттығулардың оқулықтарда жекелеген сабақтарға лайықталып іріктелгендігі айғақтайды.

Алайда математиканы оқыту барысында білім берумен қатар оқушыларды тәрбиелеу мен дамыту да көзделеді. Өйткені бүгінгі білім беру ісінің мақсаты тек білім, білік және дағдыларды меңгерту емес, өзін-өзі дамытуға ұмтылатын, ақылды, алғыр, ой-өрісі кең, ақпарат көздерін өз бетімен қолдана алатын қабілетті де талантты, абзал және парасатты адам тәрбиелеу. Сондықтан да математика курсының мазмұны, танымдық және коммунативтік (қатысымдық) іс-әрекет пен өздігінен білім алу, еңбекке бейімделу, сондай-ақ ата-дәстүр, әдет-ғұрып, салт-сана, халықтық және ұлттық болмысты дүниежүзілік мұралармен үндестіру арқылы баланы тұлға ретінде қалыптастыруға оқулықтың мазмұны бағдарланған. Демек, қазіргі тәжірибе бастауыш сыныптарға арналған жаңа буын математика оқулықтарының оқушы тұлғасын қалыптастырудағы негізгі құрал болып отырғандығын да айғақтап отыр.

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс