Дарвинизм және биологиядағы қазіргі заманғы эволюциялық идеялар

Пән: Биология
Жұмыс түрі: Реферат
Тегін: Антиплагиат
Көлемі: 3 бет
Таңдаулыға:

Дарвинизм және биологиядағы қазіргі заманғы эволюциялық идеялар.

Эволюциялық идеялардың даму тарихы

Ғалымдар

Еңбектері

Ғалымдар: Карл Линней

Еңбектері: «Табиғат жүйесі» еңбегі 1735 жылы жарыққа шықты. Онда өсімдіктер мен жануарлар ағзаларын жіктеудің негізгі қағидалары сипатталады. «Ботаника философиясы» еңбегінде ағзалардың қосарланған атауын-қосарлы атаутізімді ғылымға енгізді. Карл Линней ғылым тарихына жүйелеу атасы ретінде енді. Жануарларды жіктеудегі табиғи жүйенің негізін қалады. 1735 жылы адамды сүтқоректілер класы, приматтар тобына жатқызған ғалым. Карл Линнейдің тірі ағзаларды жүйелеудегі жіберілген кемшіліктері - сыртқы ұқсастығына ғана негізделген. Креационизм теориясын қолдаған ғалым.

Ғалымдар: Ж. Б. Ламарк

Еңбектері:

«Зоология философиясы» еңбегінде адамның маймылдармен туыстығы туралы ойын айтты. Ең көрнекті трансформист, яғни тіріліктің өзгергіштігіне, трансформацияға сенді. Алғашқы тұтас эволюциялық теория жасады. 1802 жылы «Биосфера» терминін ғылымға енгізді.

Пікірі бойынша эволюцияның негізгі қозғаушы күші - біртіндеп көтерілу - градация. 10 классқа бөлу арқылы жіктеудегі табиғи жүйенің негізін қалаған. Саңырауқұлақтардың өздігінен дүниеге келуі туралы тұжырымдаманы ұсынған ғалым.

Ғалымдар: Ч. Дарвин

Еңбектері:

Органикалық дүние эволюциясының негізін салушы.

Тұқым қуалаушылық, өзгергіштік және сұрыптау эволюцияның қозғаушы күштері болып табылатын факторлар екенін ашқан ағылшын ғалымы. А. Уоллес пен Ч. Дарвиннің тұжырымы - табиғи сұрыпталу жүреді. Даралардың айналадағы әртүрлі күрделі орта жағдайларымен қарым-қатынасын Ч. Дарвин тіршілік үшін күрес деп атады. Еңбектері: 1859 ж «Табиғи сұрыпталу жолымен түрлердің пайда болуы», 1868 ж «Үй хайуанаттары мен мәдени өсімдіктердің өзгеруі», 1871 ж «Адамның шығу тегі және жыныстық сұрыпталу».

Эволюция (лат. evolutіo - өрлеу, өркендеу), биологияда - тірі табиғаттың қайта айналып келмейтін және тура бағытталған тарихи дамуы. Эволюциялық ілім жасауда Чарльз Дарвинның еңбегі зор. Ол ашқан ең маңызды жаңалыққа дейін көптеген ғалымдардың еңбегі болды. Эволюциялық үдерістер зандылығы өте күрделі және ғалымдар күні бүгінге дейін толық анықтай алған жоқ. Алайда эволюцияның неге жүретіні бізге нақтылы белгілі.

Эволюция терминін алғашқы рет швейцарлық табиғаттанушы және философы Шарль Бонне 1762 жылы эмбриологияға арналған еңбектерінде пайдаланды. Эволюция құбылысы тіршілік деңгейлерінің барлық сатыларында (молекула деңгейден биосфералық деңгейге дейін) байқалып, үнемі құрылысы мен атқаратын қызметтерінде бұрын болмаған жаңа құрылымдар мен олардың жаңа қызметімен ерекшеленеді. Эволюцияның ең қарапайым деңгейі - мутациялық өзгерістер болып есептелінеді. Табиғи сұрыпталу кезінде мутация арқылы пайда болған жаңа белгілер мен қасиеттер организмдердің жаңа орта жағдайларына бейімделуіне жағдай жасайды. Ең алғашқы Эволюциялық процестер тіршіліктің популяция деңгейінде пайда болады. Бұл кезде организмдердің генотипі өзгереді.

Биологиялық эволюцияның мынадай бірнеше анықтамалары бар:

Тірі ағзалардың тарихи дамуының қайталанбайтын үдерісі.
Биологиялық жүйелердін; біртіндеп, азды-көпті бағытта жоғары сатыға көтерілу үдерісі.
Тірі ағзалардың қарапайым формадан күрделірек (жетілген) формаға баяу өзгерген үдерісі.
Тірі зерзаттардын, ұзақ мерзімінде жоғары сатыға көтерілуі.

Эволюцияның қазіргі заманғы теориясы жаратылыстанудың көптеген салаларының мәліметтеріне сүйенеді, сол себептен оны кейде эволюцияның синтетикалық теориясы деп те атайды. Ол эволюциялық процестің екі деңгейін ажыратып көрсетеді: микро - және макроэволюция.

Эволюциялық процесс

Микроэволюция Макроэволюция

Микроэволюция - түр популяциясының ішінде жүретін және оның гендік қорын өзгертіп, жаңа түр түзілумен аяқталатын эволюциялық әрекеттер жиынтығы. «Микроэволюция» терминін Н. В. Тимофеев - Ресовский ұсынды.

Макроэволюция - түрден жоғары ірі жүйелік топтар: туыс, тұқымдас, отряд, класс т. б. түзілуіне әкеледі. «Макроэволюция» терминін Ю. А. Филипченко ұсынды.

Пайдаланылған әдебиеттер: