Банктерді ерікті және еріксіз қайта құру

Жоспар

Кіріспе . . . 3

1 Қазақстан Республикасындағы коммерциялық банктер және оларды

ұйымдастыру

1. Қазақстанда банк жүйесінің қалыптасу тарихы және дамуы . . . 6

1. 2 Екінші деңгейлі банк жүйесін құру және банк жүйесіндегі шетел банктердің рөлі . . . 11

1. 3 Банк ашуға рұқсат беру құжаттары . . . 19

2 Қазақстан Республикасында Банктік қызметті реттеуге арналған заңдар. Банк жүйесіндегі шетел банктердің рөлін талдау.

2. 1 Банктерді ерікті және еріксіз қайта құру . . . 24

2. 2 Банктерді тарату . . . 26

2. 3 Бүгінгі таңдағы Банктік қызметті реттеуге арналған заңдардың дамуының кейбір мәселелері . . . 28

Корытынды . . . 33

Қолданылған әдебиеттер тізімі . . . 35

Кіріспе

Курстық жұмыстың өзектілігі. Қазіргі нарық экономикасындағы коммерциялық банктердің қызметінің тиімділігі бағалау әдістері мен көрсеткіштер әрекеті өзінің барлық экономика секторларымен байланысының арқасында үлкен маңызға ие болып отырғандығында. Коммерциялық банктердің міндеті үздіксіз қаржы айналымы мен капитал айналымын қамтамасыз ету, өндірістік кәсіпорындарға, мемлекет пен тұрғындарға несие беру, халықшаруашылық қорын қалыптастыруға жағдай жасау.

Банктік жүйе - нарықтық экономиканың ең маңызды және бөлінбес құрылымы. Банктер де қаржылық делдалдар ретінде шаруашылық органдардың капиталын, халықтың салымдарын және басқа ақшалай айналымға шаруашылық іс-әрекеттер процесінде араласады және қарыз алушының уақытша тұтынымын қанағаттандырады, ақшалай төлем түрін жүргізіп, экономикамызда көптеген саналуан қызмет түрлерін көрсетеді, сол сияқты өндірістің тиімділігіне, айналымындағы жалпы өнімге де әсерін тигізеді. Еліміздегі жүргізіліп жатқан экономикалық реформада банк жұмысының дамуында жаңа кезеңін ашты.

1996 жылдың желтоқсанында екінші деңгейлі банктердің халықаралық стандартқа көшу бағдарламасының қабылдануы өзекті шешімдердің бірі болды. Осыған орай барлық екінші деңгейлі банктер капиталдарының, менеджмент деңгейі, бухалтерлік есеп, ақпарат жүргізу және оны тарту жағынан халықаралық стандарт деңгейіне қол жеткізуге тиіс болды.

Банк қызметінің халыққа неғұрлым жақын болуын, кәсіпкерлік белсенділікті арттыру және бәсекелестікті дамыту мақсатында Республикамызда жеке дара банктік іс-әрекетерді жүзеге асыратын ұйымдарды реттеп отыратын заңдылықтар нормасы қабылданды. Мұның қаржы қызметтерін дамыту ісіне аса маңызды қадам болғандығын атап көрсету қажет.

Қaзaқстaн Республикaсындaғы бaнк секторының дaмуы нaрықтық мехaнизмiнiң ең тaбысты және тұрaқты элементтерiнiң бiрi болып тaбылaды. Бiздiң бaнк жүйемiз ТМД елдерiнiң iшiнен aлдыңғы қaтaрлы деп сaнaлып, Ресейдiң бaнк жүйесiнен кейбiр көрсеткiштер бойыншa озып шығaды. Сондықтaн бaнк менеджментiнiң проблемaлaрын aшып көрсету өзектi болып сaнaлaды [1; 20 бет] .

Қазіргі банк филиалдары өздерінің банктік қызметтеріндегі өз құрылымдары атқаратын істерді айқындап алды. Клиенттер үшін неғұрлым тиімді қызмет түрлерін ұйымдастырудағы қалыпты бәсекелестік, клиенттерге кешенді қызмет көрсетуге ұмтылу, аймақта озық үлгідегі банктік технологияларды енгізу байқалып отыр. Бүгінгі күні коммерциялық банктер өз қызметін заман талабына сай ұйымдастыра білуде.

Банктік операцияларының орындалуының ең маңызды ерекшелігі - несие жүйесінің кең дамуы.

Қазақстанның коммерциялық банктері өздерінің клиенттеріне көптеген операциялар мен қызмет түрлерін көрсетіп, өздерінің табыс базасын кеңейтіп, рентабельдік пен бәсекелестікті көтеруге тырысуда.

«Қазақстан Республикасындағы банктер және банк қызметі туралы» Қазақстан Республикасы Занының 15-бабына сәйкес банктер акционерлік қоғамдар нысанында құрылады. Қазақстан Республикасы Азаматтық кодексінін 85-бабына сәйкес өзінің қызметін жүзеге асыру үшін қаражат тарту мақсатында акциялар шығаратын заңды тұлға акционерлік қоғам болып танылады. Акционерлік қоғамның акционерлері қолданыстағы заң актілерінде көзделгеннен басқа жағдайларда оның міндеттемелері бойынша жауап бермейді және өзіне тиесілі акциялар құнының шегінде қоғамның қызметіне байланысты шығындар тәуекелін көтереді.

Акционерлік қоғамның өз қатысушыларының мүлкіне оқшауланған мүлкі болады, өз міндеттемелері бойынша өз мүлкі шегінде жауапты болады және өз қатысушыларының міндеттемелері бойынша жауап бермейді. Акционерлік қоғамның құқықтық ережелері, акционерлердің құқықтары мен міндеттері Азаматтық кодекске, Заңнама актілеріне сәйкес белгіленеді. Мемлекеттік кәсіпорындарды жекеше өндіру жолымен құрылған немесе акцияларының бақылау пакеті мемлекетке тиесілі акционерлік қоғамдардың құқықтық жағдайларының ерекшеліктері Қазақстан Республикасының Заң актілерімен айқындалады.

Бүгінгі күні Егемендік жағдайында Қазақстан Республикасы, коммерциялық банктер, Үкімет бірлесе әрекет жасай отырып, қаржы тұрақтылығына қол жеткізді. Бұл инфляцияның өсу қарқынының азаюында, теңгенің тұрақты курсының сақталуы мен банктердің іс әрекеттеріне бірізді нормативті реттеу жүргізуде көрініс тапты.

Қазақстанның жаңа банктік жүйесі он бес жыл өмір сүріп, республика экономикасының игілігіне нәтижелі жұмыс істеуде және де шетелдік мамандардың бағалауы бойынша бұрынғы кеңес кеңістігіндегі елдердің ішінде басты орын алады. Банк жүйесі-нарық экономикасының ең маңызды ажыратылмас құрылымының бірі. Банктер мен тауарлық-ақшалық қатынастың жетілуі тарихи қатар жүріп, тығыз байланыста болды.

Мемлекеттің несие жүйесінің қызмет ету механизіміндегі үлкен рөл коммерциялық банктерге тиесілі. Коммерциялық банктер-нарық экономикасындағы кәсіпкерлік тәжірибеде белгілі қаржылық оперциялар мен қызметтердің басым көпшілігін орындайтын ең көне және несие мекемелерінің айрықша көпшілік тобы [2; 35 бет] .

Олар несие капиталы рыногының түрлі секторларында әрекет ететін көпфункционалды ұйымдар болып табылады. Банктер несие қорының негізгі бөлігін жинақтап, өзінің клиенттеріне қаржылық қызметтердің толық кешенін ұсынады, соның ішінде несие беру, депозит қабылдау, қызмет көрсетуге есеп айыру, құнды қағаздарды, шет ел валютасын сатып алу-сату әрі сақтау және тағы басқа қызметтер.

1997 жылы Қазақстан Республикасының Президенті Әбішұлы Нұрсұлтан Назарбаев «Қазақстан 2030» атты стратегиялық бағдарламасында Дамыған нарықтық экономикаға негізделген экономикалық өсуінде: «2010 жылға дейін бастапқы кезеңде өз мүмкіндіктері мен бәсекеге қабілетті тұрғысынан келешегі бар еңбекті қажет ететін салаларға көңіл бөлу керек. Бұл басымдық тәртібімен айтар болсақ-екінші деңгейлі банктерге, ауыл шаруашылығы, орман және ағаш өңдеу өнеркәсібі, жеңіл және тамақ өнеркәсібі, кәсіпорын, туризм, тұрғын үй құрылысы инфрақұрылым».

Бүгінде коммерциялық банк өзінің клиенттеріне 200-ге дейін әртүрлі өнімдер мен қызметтерді ұсынуға қабілетті. Операциялардың мұндай кең диверсификациясы коммерциялық банктерге өзінің клиенттерін сақтай отырып, аса қолайсыз коньюнктурада табысты бола беруіне мүмкіндік береді.

Кей операциялардың шығыны белгілі жағдаятта орындауға қолайлы басқа операциялардың кірісімен жабылады. Барлық нарықты экономикалы елдерде коммерциялық банктер несие жүйесінің негізгі операциялық буыны болып отырғандығы кездейсоқтық емес. Олар несиелік-ақшалай рыногының құбылмалы жағдайларына икемделу қабілетін көрсетіп отыр.

Сонымен қатар, халыққа жоғары сапалы қызмет көрсету, экономикамыздың дамытуына көп ықпалын тигізу үшін коммерциялық банктер алдымыздағы жылдарда елеулі еңбек атқарады деген ойдамын.

Курстық жұмыстың мақсаты. Қазақстан Республикасында банк құрылымын көрсету, коммерциялық банк орындайтын негізгі қызметтері мен операциялары арқылы «коммерциялық банк» түсінігінің мәнін ашужәне шетел банктердің рөлін талдау.

Курстық жұмыстың міндеттері. Қойылған мақсатқа, жетістікке жету үшін тезарада төмендегі міндеттерді шешу керек:

1. Қазақстан Республикасы банктер жүйесіндегі екінші деңгейлі банктердің құрылымы мен механизмдеріне сүйене отырып, оның ұйымдастырылу тәртібін жетілдіру мен бақылау құқықтық қызметін көтеру.
2. Несиелеу аумағындағы банктік қызметтің экономикалық аспектілерімен танысу;
3. Отандық банктер тәжірибесі негізінде несиелік ұсыныстардың дайындық тәжірибесіне баға беру.

Курстық жұмыс кіріспеден, екі бөлімнен, қорытынды және пайдаланған әдебиеттер тізімінен тұрады.

1 Қазақстан Республикасындағы коммерциялық банктер және оларды ұйымдастыру

1. Қазақстанда банк жүйесінің қалыптасу тарихы және дамуы

Кеңес үкіметі тұсында Қазақстан одақтас республикалардың бірі болғандықтан оның дербес банк-несие жүйесі болған жоқ. Қазақстан территориясында КСРО-ның орталықтанған банк-несие жүйесінің филиалдары мен бөлімшелері қызмет көрсетті. Сондықтан Қазақстанда банк жүйесінің қалыптасуы мен дамуы қазан төңкерісіне дейінгі патшалық Ресейдің және КСРО-ның банк жүйесінің тарихымен тығыз байланысты.

Ресейдің банк жұйесі батыс елдердің банк жүйесіне қарағанда әлдеқайда кеш қалыптаса бастап, өз даму жолында бірнеше кезендерден өтті. Алғашқы банктер XVIII ғ. Екінші жартысында мемлекеттік (қазыналық) банк түрінде пайда болып, XIX ғ. Аяғы және XX ғ. басында Ресейдің банк жүйесі негізінен мынадай банк-несие мекемелерінен құрылды.

Мемлекеттік банк ( 1860 ж құрылған)

Қоғамдық қалалық ( 252 банк) және жер банктері.

Көп буынды жеке банктер: акционрлік банктер (49 филиалдары бар 44 банк), өзара несиелейтін қоғамдар (83), коммерциалық банктер (32), несие-жинақтау серіктестіктері (729) және т. с. с.

Бұлардан басқа банктік операциалардың көпшілігін жүргізіп, сонымен қатар жоғары қауіпті операциалар жүргізу үшін клиенттердің қаражатын тартумен шұғылданатын банктік кенселер, сауда үйлері, айрбастау дүкендері болды.

1917 ж. қазан төнкерісінен кейін банк ісін ұйымдастыруды мемлекет монополиалы түрде өз қолына алып, нәтижесінде жеке коммерциалық банктер мен басқа несие мекемелері Мемлекеттік банкпен біріктірілді. Сонымен қатар Кеңес үкіметінің алғашқы жылдарында кооперативтік, жеке мемлекеттік - капиталистік, шетел капиталының қатысумен маемлекеттік және басқа банктер құрыла бастады. 1922ж Тұтыну коопирациасының банктері және Өнеркәсіп банкі құрылды.

1924 ж. акционерлік қоғам үлгісіндегі Сыртқы сауда банкі құрылып, оның акционерлері мемлекет, кооперативтік және қоғамдық ұйымдар болды. Ол КСРО-ның мемлекеттік банкісінің құрамында болып, сыртқы сауда операциаларын және халықаралық есеп айырысу жұмыстарын жүргізді. Сөйтіп 1925 ж. КСРО-да Мемлекеттік банк., Өнеркәсіп банкі, Сауда банкі және Ауыл шаруашылық банкі болды. Сондай-ақ Орталық коммуналды банкі (Цекомбанк), Коопиративтік ( Всекобанк) және акционерлік, салалық, аймақтық (Қиыр Шығыс, Орта Азия ) банктер құрылды. Ұсақ тауарлы өндірістің дамуына байланысты өзара несиелеу қоғамдары, ауыл шаруашылығын несиелейтін қоғамдар, жинақ кассалары, несиелік коопиративтер пайда болды [3; 15 бет] .

1927 ж. КСРО орталық атқару комитеті мен Халық комиссариаты Кеңесінің « несие жүйесін құру принциптері туралы» қауылысына сәйкес бүкіл банк жүйесін тікелей басқару Мемлекеттік банкке тапсырылды. Сол қаулыға сай маманданған банктер және банктердің проценттік саясат жүргізудегі дербестік құқығы жойылды. Банктер қысқа мерзімді және ұзақ мерзімді несие түрлері бойынша да ажыратылды. 1928ж Өнеркәсіп банкі мен Электробанкі бірыңғай өнеркәсіп пен электр шаруашылығын ұзақ мерзімді несиелеу Банкіне біріктірілді. Қысқа мерзімді несиені басқа шаруашылық салаларының бәріне олардың тоқсандық жоспарларына сай Мемлекеттік банк беруі тиіс болды. Жалпы 1927-1929ж. ж банктердің өзіне тән ерекше қызметі - банктік несие беру жойылып, несие мемлекеттік жоспарлары қаржыландырудың түріне айналды.

1930-32жж. жүргізілген несие реформасы елдегі банк жүйесінің дамуындағы жаңа кезеңнің басталуы еді. Бұл кезде 1929ж қабылданаған халық бірінші бесжылдық жоспары бойынша елдегі индустрияландыру және ауылшаруашылығын ұжымдастыру мемлекеттік бірыңғай жоспар бойынша орталықтан қаржыландырылуы қажет еді. Ол үшін ақша қаражатын қаржы-несие жүйесіне жинақтап, одан соң жоспарлы түрде шаруашылық салаларына бөліп беру керек. Бұл міндеттерді оған дейін айналым қаражатын өз бетімен жоспарсыз бөлумен шұғылданған әр түрлі несие мекемелері орындай алмады. Онымен қоса ірілі-уақты өнеркәсіп орындары біріне-бірі коммерциялық несие бергенде есеп айырысуды вексель берумен жүргізіп, банк бақылауынан тыс қалды. Іс жүзінде банктің несие алушымен, яғни тауар сатып алушымен байланысы болмады. Нәтижесінде шаруашылық орындарының бірін-бірі несиелеуі (яғни коммерциялық несие) тікелей мемлекеттік жоспарлы басқарумен қайшы келіп, елдегі несие қатынастарын түбегейлі өзгерту қажеттілігін тудырды.

Несие реформасын жүргізу үшін елде біраз алғы шаралар жүргізілді.

Біріншіден, бұл кезде экономика салаларында біраз жетістіктерге қол жетті және олардан жеке капитал ығыстырылды. Сөйтіп, 1930 жылы мемлекеттік сектордың өнеркәсіптегі үлес салмағы 99, 1%-ке, көтерме саудада 97, 2%-ке, ал бөлшек саудада 86, 5-ке жетті. Ауыл шаруашылығындағы мемлекеттік және ұжымдық шаруашылықтар тауарлы астықтың 55%-ін өндірді.

Екіншіден, халық шаруашылығын тікелей мемлекеттік жоспарды басқару жүзеге аса бастады. 1928 жылы Халық шаруашылығын өркендетудің бірінші бесжылдық жоспары дайындалып, олар шаруашылықтың әрбір буынына жеткізілді. Жоспар кәсіпорыннның өндірістік және қаржылық іс-әрекеттерін қамтыды.

Үшіншіден, шаруашылықтың негізгі буыны - өнеркәсіп мекемесі шаруашылық есепке көшірілді.

Төртіншіден, коммерциялық вексельді айналымнан шығарып, оның орнына есеп айырысуды тек банк арқылы жүргізудің және қысқа мерзімді несиені тек банктерде жинақтаудың нәтижесінде 1929 жылыдың 1 қарашасында халық шаруашылығына берген қысқа мерзімді несиенің 80%-ке жуығы банктер үлесіне тиді [3; 120 бет] .

Сонымен несие реформасын жүргізу үшін алғы шаралар жасалып, 1930 жылдың қаңтарында несие реформасы жүргізіле бастады. Несие реформасының мақсаты- несиелеу мен несие-есеп жұмыстарының жаңа түрлерін енгізу.

Несие реформасы төрт кезеңде жүргізіліп, негізгі мына мәселелер шешілді:

Шаруашылық орындарының бірін-бірі коммерциялық несиелеуін тікелей банктік несиемен өзгерту;

Мемлекеттік банктің бағытын нығайтатын есеп жұмысының жаңа түрін -шаруашылық есепті енгізу;

Халық шаруашылығын қысқа мерзімді несиелеу процесін Мемлекеттік банкке шоғырландыру. Өндіріс мекемелерінің өзінің және қарызға алған қаражаттарының жұмсалу бағыттарын ажырату, шаруашылықты несиелеудің принциптерін бекіту;

Несие-банк жүйесін қайта құру, яғни Мемлекеттік банк пен ұзақ мерзімді несие беретін арнаулы банктердің қызметін ажырату.

Сөйтіп несие реформасының негізгі мақсаты коммерциялық және жанама банктік несиелеуді тікелей банктік несиемен алмастыру жүзеге асырылды. Банктік несие деген несие алушыға, яғни тауар сатып алушы кәсіпорынға жоғары басқару органының жоспары бойынша тікелей банк беретін несие. Бұл банктік несиенің коммерциялық несиеден негізгі айырмашылығы.

Сонымен 1930-32жж. жүргізілген несие реформасының қорытындысында жоспарлы социалистік экономикаға сәйкес үйлестіру типіндегі несие-банк жүйесі құрылып, Мемлекеттік банк өндіріс пен тауар айналымын есепте»тін және бақылайтын бірыңғай аппаратқа айналды. Коммерциялық банктердің ролі төмендеп, кейін елде тек мемлекеттік банктерден тұратын монобанктік жүйе қалыптасты [4; 96 бет] .

Банк жүйесі көрсететін қызмет белгілеріне қарай қайта ұйымдасып, қысқа мерзімді несие беретін жалпы мемлекеттік банк және күрделі қаржымен қамтамасыз ететін маманданған банктер жүйесі құрылды. Бұндай бір буынды банк жүйесіне: КСРО Мемлекеттік банкі және күрделі қаржымен несиелейтін төрт Одақтық маманданған банктер- Өнеркәсіп банкі, Ауыл шаруашылық банкі, Орталық коммуналдық банкі, Сауда банкі-кірді. Сонымен бірге Орталық банк жүйесіне шетел банктерімен кең корреспонденттік қатынастарды ұйымдастыратын Сыртқы сауда банкі және халықтың бос қаржысын тарту, төлемдерін жүргізу мен мемлекеттің займдарын орналастыру арқылы халыққа қызмет көрсететін бірыңғай жалпы мемлекеттік несие мекемесі, яғни жинақ кассалары қарады.

1959 жылы ұзақ мерзімді несие беретін банк жүйесі қайта қаралды. Ауыл шаруашылық банкі мен Орталық коммуналдық банк таратылып, олардың қызметтері Мембанкке берілді. өнеркәсіп банкі мен Сауда банкісінің негізінде күрделі қаржы беретін Одақтық банк-Құрылыс банкі құрылды. Ол халық шаруашылығының әр түрлі салаларының (ауыл шаруашылығынан басқа) ұйымдары мен кәсіпорындарын қаржыландырумен және ұзақ мерзімді несиелеумен шұғылданды.

Қазақстан Республикасындағы банктік жүйеде 01. 01. 2009 жылғы статистикалық мәліметтер бойынша қазіргі жұмыс жасайтын екінші деңгейдегі банктердің барлығы дерлік акционерлік қоғам нысанындағы банктер, соның ішінде екі банк кана мемлекетке 100% тиесілі банктер, оларға: Қазақстан Даму банкі мен Тұрғын үй құрылысы банкі, ал шетел капиталының қатысуымен (100 - 10 банк, 50% - аса - 6 банк) құрылған банктерде саны - 16, онын ішінде еншілес банктер- 11.

Кесте-1

Банктік сектордың кұрылымы

90-жылдың басында банктердің саны 200-ден асты, әрине бұл, олардың экстенсивті жағынан дамуын сипаттаса, 95-жылдың орта кезінен бастап, 2000 жылғадейін Халықаралық стандартқа өтуі барысында банктеріміздің саны бірден кысқарды, әрине бұл құбылысты, олардың интенсивтік немесе сапалық өсуімен байланыстыруға болады.

2011 жылдың 1 қаңтарына Қазақстандағы жұмыс жасайтын банктер саны 38 құрады, соның ішінде Алматы қаласында 32 банк, 31 филиал және 284 есеп айырысу-кассалық бөлімдер қызмет етеді.

Жалпы банктердің 90%-ының бір ірі қалада болуы банк капиталының республиканың өзге өңірлерде дұрыс бөлінбеуіне ықпал етуін көрсетеді. Банктердің тек Алматы қаласында шоғырлануы, оның бұрынғы астана, қазіргі қаржы орталығына айналу себебіне байланысты болып отыр.

Біздің ойымызша, банктердің қатарында бүгінгі күні өңірлік банктер жетіспейді, қазіргі банктердің өңірлерде филиалдарын ұстауы аймақтардың экономикалық жағынан толық қамтамасыз ете алмайтыны сөзсіз, сондықтан ендігі жерде өңірлердің ез банктерінің ашылу мәселесін шешу қажет [5; 128 бет] .

Халықаралық сарапшылардың бағалауынша 15 млн. халқы бар ел үшін 33 банк көптік жасайды екен. Банктердің кептігі банктердің бәсекелестігін арттыра түсетіндігін ескерсек, Үкіметтің «үлкен үштіктің» банк нарығын монополияландыруы туралы айтылған сыны орынсыздау сияқты көрінеді. Әсіресе «үлкен үштіктің» банктік қызметтер нарығын монополияландыруы, олардың банктік топ құруымен тікелей байланысты болып отыр.

Қазақстан Республикасында бүгінгі күні мынадай банктерден кұралған 9 банктік топ қызмет етуде:

• «Қазкоммерцбанк» АҚ,
• «ТұранӘлемБанкі» АҚ,
• «Қазақстан Халык Банкі» АҚ,
• «Темірбанк» АҚ,
• «ЦентрКредитБанкі» АҚ,
• «НұрБанк» АҚ,
• «Каспий Банкі» АҚ,
• «АБН АМРО Қазақстан Банкі» ЕБ АҚ,
• «АСҚ Банкі» АҚ.

Еншілес банктердің немесе шетелдік банктердің қызмет етуінің біздің банктік сектордың дамуы үшін оң және теріс әсер етуі мүмкін. Оң жағы ондай банктердің болуы бәсекелестікті тудыра отырып, банктің қызметтері мен операцияларының сапаларын арттыруға ықпал етеді. Яғни жаңа технологиялармен жұмыс жасауға ынталандырады. Ал теріс әсері бүгінгі күні олардың көбі, шетелден қарыз алуға жатысты бар мүмкіндіктерін пайдаланып, банктердің сыртқы қарыздарының өсуіне ықпал етуде .

2003-2007 жылдар аралығында Қазақстан Республикасының банк секторы экономикалық өсу, халықтын, табысының, нақты сектор кәсіпорындарының несиелік қабілеттілігінің есуі жөне халықаралық капитал нарығындағы қаржы ресурстарынын, арзандауы жағдайында дамыды. Осы факторларға байланысты банктердегі халықтың салымдарының және банктердің жиынтық активтерінің көлемінің өсуі негізделді және банктердің жоғары несиелік белсенділігі мен жалпы банк қызметі ауқымының өсу үрдісі айқындалды.

Отандық банктердің сыртқы экономикалық қызметін кеңейтудің бір жолы болып шетелдерде және ТМД елдерінде өкілеттіктері мен еншілес банктерін ашу болып табылады. Бүгінгі күні отандық банктеріміздің 14 өкілдіктері республикамыздан тысқары жерлерде қызмет етуде. 2005 жылы «АСҚ банкі» АҚ-ның Ресей Федерациясында және «Альянс Банк» АҚ-ның Қырғызстанда еншілес банктері ашылды. Осындай тәсілмен, 2006 жылы Қазақстанның 4 коммерциялық банкінің көрші мемлекеттерде орналасқан 5 еншілес банкі пайда болды [6; 240 бет] .

1. 2 Екінші деңгейлі банк жүйесін құру және банк жүйесіндегі шетел банктердің рөлі

ҚР-ның қазіргі банк жүйесінің құрылуы 1990 ж. желтоқсанында Қаз КСР-ның Жоғары Кеңесі қабылдаған «Банктер және банк қызметі туралы» Заңынан бастау алады. Заңға сәйкес республикада екінші деңгейлі банк жүйесі құрылды: жоғары (бірінші) деңгейдегі банк - Қаз КСР-нің Мемлекеттік банкі және төменгі(екінші) деңгейдегі банк - коммерциялық банктер жүйесі .

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс