Интерактив ойындар арқылы тіл дамыту әдістемесі

Жұмыс түрі: Дипломдық жұмыс
Тегін: Антиплагиат
Көлемі: 50 бет
Таңдаулыға:

Мазмұны

Кіріспе . . . 3

I тарау. Педагогикалық техналогиялар туралы ғылыми негіздер . . . 6

II тарау. Интерактив ойындар арқылы тіл дамыту әдістемесі . . . 13

2. 1. Дидактикалық ойындардың сипаттамалық негізі . . . 16

2. 2. Интерактив ойындарды меңгертудің негізі - тілдік қатысым. . 20

2. 3. Рөлдік ойындар . . . 26

2. 4. Іскерлік ойындар арқылы оқушыларды диалогтық,

монологтық сөйлеуге үйрету . . . 26

2. 5. Тапқырлық ойындар арқылы лексиканы оқыту . . . 29

2. 6. Тапқырлық ойындар арқылы тіл салаларын оқыту . . . 32

2. 7. Қазақ тілінің дыбыс жүйесін ізденімдік ойындар арқылы

игерту . . . 32

Қорытынды . . . 50

Пайдаланылған әдебиеттер . . . 51

Кіріспе

Қазақстан Республикасының Білім және Ғылым министірлігі білім кеңестігінде білім сатысын арттыру мақсатында инновациялық оқыту технологиясы арқылы оқу мен тәрбие жұмысын дамыту және еліміздің әлеуметтік - экономикалық жағдайын жақсарту бағытында оқушыларға жүйелі, нақты білім беруді өзекті мәселе ретінде ұсынып отыр.

Қазақстан Республикасының «Білім туралы» заңында: «Білім жүйесінің басты міндеті - ұлттық және жалпы адамзаттық құндылықтар, ғылым мен практика жетістіктері негізінде жеке адамды қалыптастыруға және кәсіби шыңдауға бағытталған білім алу үшін қажетті жағдай жасау, оқытудың жаңа технологиясы мен инновациялық әдіс-тәсілдерді енгізу, білім беруді ақпараттандыру, халықаралық ғаламдық коммуникациялық желілерге шығу», - деп білім беру жүйесін одан әрі дамыту міндеттерін көздейді. Бұл міндеттерді іс жүзіне асыру мұғалімнің шеберлігіне, ізденісіне байланысты. [1]

Қазақ тілі өзінің мәртебесін алғаннан бері оны өзге тілді мектептер мен аудиторияларды оқыту мәселелері терең зерттеліп, ғылыми диссертациялар қорғалып, әдіскер ғалымдар қалыптасты.

Қазақстан Республикасының «Білім туралы» заңында (1999) білім беру саласындағы мемлекеттік саясатының ұстанымдарының бірі - жеке тұлғаны қалыптастыруға бағытталған рөлі және педагог қызметкерлер оқушылардың мемлекеттік білім беру стандартында көзделген деңгейден төмен емес білім, білік, дағды алуын қамтамасыз етуге, олардың жеке шығармашылық қабілеттерінің дамуы үшін жағдай жасауы қажеттілігі қарастырылған. [1]

Дәстүрлі оқыту білімді мемлекеттік стандарт деңгейінде толық меңгеруіне кепілдік бермей отырғандығы оқушылардың білім жетістіктерінің нәтижелерінен көрініс табуда. Осыған орай, оқу - тәрбие үрдісін жетілдірудің қазіргі технологияларын жетілдіріп, мектептегі оқу үрдісіне енгізу арқылы білім сапасын жақсартуға болатындығына басым бағыт берілуде. Мектепте оқытуды технологияландыру қазіргі нарықта экономика жағдайында өмір талабынан туындап отыр. Жаңа ақпараттық технологияның жылдан-жылға кең құлаш жайып және дамып, ғылымның барлық саласына кеңінен ену кезеңінде оқытушы мен оқушының өзара бірлікте шығармашылық белсенділігін дамытатын әдістер мен тәсілдерді тілді оқыту мақсатында қолдану арқылы нәтижеге жету міндеті өзекті болып отыр. Жаңа ақпараттық технологияның ерекшелігі - мұғалімдер мен оқушыларға өзара ынтымастықта креативтік белсенділікте және ізденім жұмысын бірлікте жүргізуге мүмкіндік береді. Мектептердің оқу үрдісіне жаңа ақпараттық технологияны енгізу арқылы оқу сапасын жақсартып, дамыта оқыту жүзеге асырылып, сабақ қарқыны жеделдетіліп, жеке тұлғамен жұмыс істей отырып, саралап, даралап оқытуға мүмкіндік туады. Онда сабақты тиімді өткізуге, оқушылардың танымдық белсенділігін арттыруға, әрбір оқушының өз беттерінше ізденіп білім алуларына көмектесуге болады. Жаңа технология оқушының өзіндік жұмыс атқаруына және ең бастысы оқушының білім жетістіктерін жақсартуға ықпал етеді.

Бүгінгі қоғамдағы өзгерістер мен реформалар білім беру саясатына да өз әсерін тигізуде. Қазіргі заманғы тілді оқытудың жаңа бағыты, тілді оқыту үрдісін жаңғарту, өзгерту және ғылыми жұмысының тұжырымдамасын қайта жасауға, тиімді стратегиялық әдістемесін құруға және жаңа типтегі оқулық пен оқу құралын дайындауға мол мүмкіндік беруде.

Ең басты бағыт - отандық әдістеме ғылымның жаңаруы, соның негізінде қатысымға түсудің коммуникативтік құзіретін қалыптастыратын интерактивтік оқу материалдарын, коммуникативтік стратегия мен тактиканы, технологияны қазақ тілін оқытуға қолдану әрекетін жандандыруда. Жалпы білім беретін орта мектептерде қазақ тілін интерактив немесе коммуникативтік ойындар арқылы оқыту оқушылардың шығармашылық белсенділігін дамытатын және заман талабына сәйкес тәрбиелі жастардың азаматтық болмысын қалыптастырудың бірден-бір жолы. Себебі мұндай қатысымға түсу белсенділігін дамытатын ойындар оқушылардың сабаққа қызығушылығын арттырады, сол арқылы ана тілін терең меңгеру қабілетін дамытады. Сабақтағы белсенділік оқушының тіл сабағына қызығушылығын арттырады, әрі пікірталасқа түсу арқылы ойлау қабілетін жетілдіретін, өз пікірін дәлелдеуге қалыптастыратын болмысына үлкен ықпал етеді.

Оқу үрдісінде интерактив ойындардың мәселесін ерекше көңіл аударып, оны қолданудың ғылыми-әдістемелік негіздерін жасаған ғалымдар Н. Құрманова, К. Жақсылықова, Ж. Сүлейменова, Қ. Қадашева және тағы басқа ғалымдар.

Дегенмен де бүгінгі күнге дейін интерактив ойындарды сабақта ұтымды қолданудың ғылыми тұрғыдан айқындалмағаны әрі зерттелмегендігі белгілі. Сол себепті бұл тақырып өзекті.

Қазақстан Республикасының 2010 жылға дейінгі білім беруді дамытудың мемлекеттік бағдарламасында: «Орта білім берудің мақсаты - қарқынды өзгеріп отырған дүние жағдайында игерілген терең білімнің, кәсіби дағдылардың негізінде еркін бағдарлама алуға, өзінің іс-әрекетін жұмылдыруға, өзін-өзі дамытуға және өз бетінше дұрыс, адамгершілік тұрғысынан жауапты шешім қабылдауға қабілетті жеке тұлғаны қалыптастыру » екендігі атап көрсетілген. [2] Бұдан оқытудың мазмұны мен құралдарына, әдіс-тәсілдеріне, ұйымдастыру формасына түрлі жаңалықтардың, өзгерістердің қажеттілігі туындайды.

Бүгінгі қоғамның дамуы, ғылым мен техниканың алға шарықтауы мектептегі оқу үрдісін жаңа әдістер мен технологиялар арқылы ұйымдастыруда. Бұл талаптың орындалуы оқушының білімін арттырып қана қоймай, оның сана-сезімін, ойлау қабілетін, тұлғалық қасиеттерін жан-жақты дамытуға, сол арқылы ертеңгі еліміздің әлеуметтік-экономикалық тұрмыс деңгейіне де әсер етеді. Қазақ тілі сабағында оқушының өз ойын, пікірін ана тілінде еркін, дұрыс, жатық әрі түсінікті етіп жеткізіп қана қоймай, қазақ тілін тек теориялық тұрғыдан ғана үйренбей, білім практикалық өмірде кеңінен қолдануы маңызды рөл атқарады. Мұны іске асыруда ойын әрекетінің орны ерекше.

Ойын әрекетінің философиялық негіздерін ғылыми тұрғыдан қарастырған: К. Гросс, Г. Спенсер, И. Хейзинга, И. Кант, Г. Гегель, В. Вундт, Ф. Шиллер т. б. ғалымдар ойын теориясының қалыптасуы мен дамуын, ойын іс-әрекетінің әлеуметтік жақтарын айқындап, оның бала қиялы мен ойлау қабілетіне оң әсер ететінін анықтаған. Бұл жұмыстың өзектілігі де осында.

Зерттеу нысанасы. 5-6 сыныпта қазақ тілі сабағында интерактив ойындар арқылы оқушының білім сапасын арттыру.

Зерттеу пәні. Тілдерді оқыту үрдісінде интерактив ойындар арқылы оқушылардың танымдық қызығушылығын арттыру.

Зерттеу мақсаты. Интерактив ойындарды оқушылардың білім сапасын арттырудың құралы ретінде пайдалануды теориялық тұрғыдан негіздеу.

Зерттеу міндеттері .

оқыту үрдісінде интерактив ойындарды оқушылардың білім сапасын арттыру мақсатында пайдаланудың әдістемелік негіздерін анықтау;
дидактикалық ойындар арқылы оқушылардың білім сапасын арттыру;
қазақ тілін интерактив ойындар арқылы оқытудың ұтымды жолдарын айқындау;
дидактикалық ойындардың түрлерін белгілеу және олардың 5-6 сыныптарда қазақ тілін оқытудағы ұтымдылығын көрсету;

Дипломдық жұмыстың ғылыми жаңалығы. Қазақ тілін оқыту әдістемесіндегі ғылыми тұжырымдар мен практикалық бағыттар, оқытудың озық технологиялары бойынша пікір-көзқарастар қорытыла отырып, ойындар арқылы оқушының қызығушылығын, ойын дамытатын интерактив ойын түрлері жүйеленді.

Дипломдық жұмыстың құрылымы. Диплом кіріспеден, екі тараудан, қорытындыдан, пайдаланылған әдебиеттерден тұрады.

I тарау. Педагогикалық технологиялар туралы ғылыми негіздер

Қазіргі қоғамда болып жатқан күрделі әлуметтік және экономикалық өзгерістер, ғылыми-техникалық, саяси және экономикалық саладағы интеграциялық құбылыстар біз қарастырып отырған мәселеге негізгі себепші болып отыр. Бұл құбылыстар білім беру үрдісіне оң әсерін тигізіп қана қоймай және педагогикалық интеграциялық формалары, түрлері мен әр түрлі бағыттарында көрініс таба бастады. Сонымен қатар білім берудің барлық деңгейлерінде дерлік қолданылуы (бастауыш, орта және жоғары сыныптар, жоғары оқу орны) орын алуда.

Мектеп практикасына интеграциялық бағдарламалардың еңгізілуі - жаңа жағдайға бағдарлауға мүмкіндік беретін мұғалімнің дайындық деңгейін қажет етуде. Интеграциялық оқытудың мүмкіндіктерін толық пайдалану, педагогикалық жаңалықтарға, қоғамның әлеуметтік және экономикалық дамудың перспективалы құбылыстарға бейімделуге мүмкіндік береді. Соңғы жылдары жеке адамды қалыптастыруды дамыту мен оған жан-жақты терең білім беру мақсатында көптеген технологиялар ұсынылуда. Оқыту үрдісіне белгілі мөлшерде адамды дамытады. Оқитын пән қаншалықты жаңа, бағалы болса да, мұғалім оқушының өз белсенділігін туғыза алмаса, берген білім күткен нәтиже бермейді. Оқушының адам ретінде қалыптасуы белсенділік арқылы жүзеге асады. Жаңа технологияның басты мақсаттарының бірі - баланы оқыта отырып, оның еркіндігін, белсенділігін қалыптастыру, өз бетінше шешім қабылдауға дағдыландыру. Жаңа әдістерді пайдалануда өзіміз қолданып жүрген әдістерді жаңа жағдайға бейімдей пайдалануымыз керек. Өзіміз қолданылып жүрген «Сын тұрғысынан ойлауды дамыту» бағдарламасына тоқталсам, бұл жүйеде қойылатын сұрақтар проблемалы, ойлануды қажет ететіндей беріледі. Оқушы сондай сұраққа өз ойын, өз пікірін білдіруге және жауап беруге дағдыланады. Жаңа материалды талдауға үйренеді. Сын тұрғысынан ойлауды дамыту бағдарламасы - әлемдік ғалымдардың бірлескен еңбегі. Бағдарламаның негізі Ж. Пиаже, Л. С. Выготский теорияларын басшылыққа алады.

Мақсаты - барлық жастағы оқушыларға кез келген мазмұнға сыни тұрғыдан қарап, өзіндік пікір айтуға, саналы шешім қабылдауға үйрету.

Қазіргі таңда жаңа технологиялық әдіс-тәсілдердің бірнеше түрлері жарық көруде. Енді осы жаңа технологияның тиімді әдістерін дұрыс таңдай білу - бүгінгі таңдағы басты талап.

Педагогикалық технология кәсіптік қызметтің ерекше түрі болып табылады. Оқыту технологиясын меңгеру үшін педагогикалық аса зор тәжірибені жұмылдыру қажет болады. Бұл өз қызметінде шығармашылықпен қарайтын, жеке басының іскерлік қасиеті бар адамдары қажет ететін жұмыс. Шындығында әрбір педагог жаңа технологияны меңгеру барысында өзін-өзі қалыптастырады. [3, 30]

Технологиялық білім саласының басты мақсаты - оқушыларды өздігінен еңбек етуге дайындау. Оқушыларды шығармашылық жөне эстетикалық дамуы, оқушылардың өзін-өзі тану мүмкіндіктерін қамтамасыз етеді.

Қазіргі заманғы оқыту технологияларын меңгеру - өте күрделі де ұзак үрдіс. Кейде ол мұғалімнен оқытудың үйреншікті әдіс-тәсілдерінен арылуды талап етеді. Шындығында әр сабақты тиімді ұйымдастыру үшін тек қана оқу материалдары мен оның әдістемесін жете меңгерту аз, сонымен қатар мұғалім оқушыларды бір қалыпты өткізілген сабақ нұсқасымен жалықтырып алмау қажеттілігін де ескеріп отыру керек. Бұл қағиданы әр мұғалімнің шығармашылық ізденімпаздығынан аңғаруға болады. Әсіресе, қазіргі уакытта сабаққа мұғалімнің көбірек ізденіп, оқушы талғамына сай дайындықпен баруды талап етеді.

Бүгінгі күні педагогикалық жаңа технологияларының бірі - білім берудегі ойындық оқыту технологиясы болып отыр. Ойын өмірде өте ерте жастан-ақ өзінен-өзі бала сапасында бастала отырып, адамның кәсіпті толық меңгергенінше жалғасады және оқыту мәселесінде басқа технологиялармен тығыз байланыста болады.

Енді « ойын » дегеніміз не? Бұл мәселеге тоқталып өтетін болсақ, онда жан-жақты қарастырғанымыз жөн. Ойын теориясы мен практикасын отандық және шетелдік педагогтар, психологтар. социологтар зертеуде. Мысалы; Йохан Хейзингтің "Ойынша адам". Д. Б. Элькониннің "Ойын психологиясы", Эрик Берннің "Адамдар ойнайтын ойындар" атты еңбектері бар. Ойын теориясын зерттеуші ресей ғалымдарынан А. В. Вербицкий, Т. В. Кудрявцева. И. П. Пидкасистый _; ал қазақстандық ғальшдардан Н. К. Ахметов, Ж. С. Хайдаров, Г. Т. Жайнақбаев т. б. атауға болады.

«Ойын - маңызды қызметі жағынан көп мағынасы бар түсінік. Қандай да бір ойын болмасын ең алғашында басымызға «емін-еркін, кең іс-әрекет» деген ой келеді. Ойын күнделікті өмірде қозғалыс пен өміршендігі жағынан маңызды орын алады. Өмірден өз орнын, дербестігін құрушы іс-әрекет - осы ойын » деп Йохан Хейзинг өз еңбегінде нақтылай және жекелеп анықтама береді. [4, 20]

Адамзат ойынының сан жылғы тәжірибесі ойындық біліктің құндылығын дәлелдеді. Оған балалық кезеңдегі ақыл-ойды дамыту ойындарынан бастап, мәдениетке, бизнеске және басқарудың барлық салаларынан мамандар даярлауға байланысты бағдарламаларды игеру барысындағы ойындар жатады. Адамдардың ойын әрекеттерінің формалары мен әдістері және мазмұны қарапайым козғалыстар жасаудан бірте-бірте фантастикалық шындық деңгейіндегі видеокомпьютерлік ойындарға дейін ауысады.

Ойынды оқу үрдісінде қалай игеруге болады? Адамның ойын әрекеті негізгі үш түрлі даму деңгейлерінен тұрады : кәсіптік ойындары, әуестену ойындары, оқу жаттығу ойындары.

Ойын оқу процесінде оқытудың әрі формасы, әрі әдісі ретінде дербес дидактикалық категория бола алады. Сонымен бірге ойын оқытушылар мен студенттердің, мұғалімдер мен оқушылардың, мектеп жасына дейінгі балалар мен тәрбиешілердің бірлескен оқу әрекетінің өзара байланысты технологиясы ретінде де қолдануға болады. Балалар ойыны да үлкендер ойыны да мәнді тұлғаның әрекеті ретінде қарастырылады. Адам өзінің және басқалардың ойынының нәтижесін бақылай, талдай, қорытындылай отырып, оны өзінің жақсы да жаман істерінде ұтымды қолдануға машықтанады.

Адам ойынының жалпы құрылымдары түрінде ұйымдастырылған оқытушының белсенді бірлескен оқу және оқыту әрекеті - оқытудың ойын формасы (ООФ) деп аталады . [5, 9]

Қазіргі кездегі оқытудың ойын формасын зерттеудің мәні мен міндеті оның түрлерін: имитациялық, символдық және оқу-зерттеу деп бөле отырып осы оқу ойындарының технологиясын талдау болып отыр. Барлық оқыту ойындары негізінен үш- түрде сипатталалы:

- оқытушы немесе мұғалім студенттер мен оқушылармен араласу кезіндегі тікелей дидактикалық түрде ықпал ету;

- оқытушы немесе мұғалім ойын әркетінен тысқары байқаушы, бақылаушы ретінде жанама дидактикалық түрде ықпал ету;

- оқытушы немесе мұғалім ойын әркетіне жүгінуші, арбитр, сарапшы. кеңес беруші маман ретінде аралас дидактикалық түрде ықпал ету.

Оқытудың ойын формасын (ООФ) қолдануға екі жақты дидактика байқалады: біріншіден ойнау үшін білу, үйренудің қажеттілігі, екіншіден, адамның ойнай отырып өзіндік білім алуы, өмір тәжірибесін жинақтаудың қажеттілігі.

Мектепте пәндері оқытуды жетілдірудің жаңа технологиясын іздестіру жолында ғалымдар, жаңашыл педагогтар, мұғалімдер еңбек етуде. Олардың ғылыми еңбектерін зерттеу жұмыстарын саралағанда берік білім берудің, оқу белсенділігін арттырудың маңызды жолдарының бірі ойын элементтерін тиімді пайдалану екендігін байқатады. «Баланың ынтасын тарту үшін оқылатын нәрседе бір жаңалық болу керек», - деп жазады Ж. Аймауытов.

Педагогтың балалар ойындарындағы ролі өте маңызды және өзінше ерекше. Ол көбіне ойынды ұйымдастырушы, ойынның мазмұны жөніндегі ақыл-кеңесшісі, балалардың даулы нәрселерін шешіп беретін әділ төрешісі, сонымен бірге ойын барысында олардың жолдасы да бола алады. Мұғалім балалардың ойын үстінде әр алуан сезімдер мен эмоциялық күйге бөленетінін ( қуану, ренжу, мақтан ету, риза болу, қызғану, өкіну ) және бұл сезімдердің ойындағы ұтысқа немесе ұтылысқа, көмек көрсетуге не көмек алуға байланысты болатының есте ұстауы қажет. Әдетте ойын үстінде топ мүшелері арасындағы қарым-қатынастар қалыпқа келеді: жеке табыстар, кейінгі тұсқа ысырылады, талас-тартыс ұмытылады, бәрі де ортақ мүдде туралы ойлай бастайды. Дегенмен, ойын барысында қарым-қатынастың жағымсыз жағы да туындауы мүмкін. Балалардың бәсекелес топты "дұшпан" ретінде тануы оларды келенсіз әрекеттерге итермелейді. Мысалы, қарсыластары ұтқан жағдайда ыза, қызғаныш пайда болып, кез-қелген, тіпті әділетсіз әдістер арқылы өз тобын жеңіске жеткізудің жолдарын іздестіреді.

Мұғалімнің міндеті - ойын барысында балалар арасында адамгершілік қарым-қатынастарды талдап, зерттеу, оны тиімді әдістермен басқару, балалардың достығын қолдау.

Білімді жүйелі түрде меңгерту мақсатында сабақтың ойын түрінде өткізілуі оқушылардың жоғары көңіл-күйін туғызып олардың белсенділігін, дербес ойлауын, қызығушылығын арттырып, білімді қабылдауға барынша қолайлы ықпалын тигізеді.

Оқытудың ойындық әдісі ерте кезден бастап күні бүгінге дейін қолданылып, ұрпақтан-ұрпаққа жалғасып келеді. Бұл әдіс, әсіресе, халықтық педагогикада, мектепке дейінгі, мектепте және мектептен тыс мекемелерде кеңінен пайдаланылуда. Қазіргі кезде оқу процесінің тиімділігін арттырып, оқушылардың белсенділігін көтеру мақсатында ойын әдісі төмендегі бағытта қолданып жүр:

- оқу пәнінің бір тақырыбын немесе бір бөлімін өткенде, ұғымдарды меңгеру барысында өзіндік технология ретінде;

- барынша көлемді әрбір технологияның элементі ретінде;

- тұтас ойын сабағы немесе сабақтың кіріспе жаңа сабақты түсіндіру, бекіту, жаттығу, тексеру кезеңдерінде қолданылатын сабақ бөлігі ретінде;

- сыныптан тыс жұмыстар технология ретінде .

«Ойындарды пайдаланудың педагогикалық технологиясы» ұғымы педагогикалық процесті әр түрлі педагогикалық ойындар түрінде ұйымдастырудың көптеген әдістері мен амалдарын қамтиды. Педагогикалық ойындардың жалпы ойындардан елеулі айырмашылығы - оқытуды алдына белгілі бір педагогикалық нәтиже көздейтін мақсат қойып және оқутанымдық сипат алуынла. Ойын арқылы оқыту сабақта оқушыны оку әрекетіне қызықтырып ынталандырады.

Сабақта ойындарды пайдаланудың мынадай негізгі бағыттары бар: дидактикалық мақсат оқушылар алдына ойын арқылы оны шешу арқылы қойылады, оқушыларлың оку әрекеті ойын ережелеріне бағындырылады, яғни оқу материалы ойын құралы ретінде пайдаланылады, оқу әрекетіне дидактикалық мақсаты ойынмен алмастыратын, ойын арқылы жүзеге асыратын жарыс, сайыс элементтері енгізіледі: дидактикалық мақсаттың орындалуы ойын нәтижесінен көрінеді. [6, 50]

Ойын аркылы оқыту технологиясын қолдану үшін оған лайық орта болу керек, яғни пәндердің оқыту барысында заттармен немесе затсыз үстел үстінде, бөлмеде, көшеде, табиғатта ойналатын ойындар үшін өзіне ыңғайлы жағдай туғызған жөн. Ал компьютерлік және техникалық құралдарды пайдаланып ойналатын ойындардың арнайы орны, құралдары тағы да баска жағдайлары болуы тиіс.

Оқушылардың білім қорын байыту, дүниетанымын кеңейту, білімге құштарлығын, сабақты меңгеру ынтасын, сөйлеу тілін дамытудың арттыру мақсатында ойындар технологиясын пайдаланудың маңызы зор. Оқушылардың білім беру ісін өмір тәжірибесімен байланыстыру сабақ процесінде оқыту мен тәрбиелеу жұмыстарын өзара бірлікте жүргізу, оқушыларды өздігінен еңбек етіп, білім алуға үйрету мәселелері - бүгінгі күнде мектептің алдына қойылып отырған ең күрделі мәселелер. Осы мәселелердің бәрі де мұғалімнің ой толғауы еңбек сіңіруі, күш-жігер жұмсауы арқасында ғана орындалады.

Қазіргі кезде білім беру жүйесінде оқытуды гуманитаризациялау тенденциясы басым болып отыр. Бұл идеялардың іске асырудың бір жолы жоғарғы нәтижені және білім сапасын «ойлаудың жаңа стилі» авторитарлауын ауыстыруды қоғамдық талаптарға жауап беруді қамтамасыз ететін ағартушылық қызметтің арнайы формаларын пайдалану болып табылады. «Ойлаудың жаңа стилін» моденизациялауда келесі қажеттілік ескерілуі керек: біріншіден, жоғарғы нәтижеге жету; екіншшіден, гуманизация және гуманитаризация принциптерін іске асыру. Білім берудің гуманизациялануы білімді «адамдандырады», мұндай педагогикалық процесс кезінде оқулық жекеленуіне, білім беру және тәрбиеде белгілі бір мағынаға ие болады.

«Интерактивті білім беру» ұғымының анықтамасын қарастырайық. Интерактивті білім беру мәселелерін қарастыру бұл құбылыстың маңыздылығын және ұйымдастырушылық білім беру нысанының адекватты әдістерін сипаттайды. «Interaktiv learning» - қарым-қатынасқа негізделген білім. В. В. Гузеев сабақтар типологиясын оның құрылысын сипаттай отырып, басқалардың арасында интерактивті режимді ақпарат ағымы екі жақты (диалогты) болғандықтан, оқулық әрдайым субьектісі-обьектісі бола алады. В. В. Гузеевтің айтуы бойынша бұл режим әңгімелесу сияқты нысандарға сәйкес келеді. [7. ]

... жалғасы

Сіз бұл жұмысты біздің қосымшамыз арқылы толығымен тегін көре аласыз.