New face модель мектебіндегі маркетингтік қызметті ұйымдастыру және басқаруын талдау

Жұмыс түрі: Дипломдық жұмыс
Тегін: Антиплагиат
Көлемі: 57 бет
Таңдаулыға:

Мазмұны

Кіріспе . . . 3

1 Маркетингті басқару және ұйымдастырудың теорияның иемденуі

1. 1 Маркетингті басқару және ұйымдастырудың мәні, мазмұны . . . 6

1. 2 Маркетингті басқару тұжырымдамалары және қағидалары . . . 9

2 «New face» модель мектебіндегі маркетингтік қызметті ұйымдастыру және басқаруын талдау

2. 1 Маркетинг үрдісі, функциялары және түрлері . . . 23

2. 2 Маркетингтік стратегия мен қалыптасқан ахуал (жағдай) . . . 31

2. 3 Жарнама және өткізуді ынталандыру . . . 33

3 Маркетинг жүйесіндегі жарнаманың орны мен маңыздылығы

3. 1 Халықаралық маркетинггің қазіргі кездегі өзекті мәселелері . . . 39

3. 2 Сыртқы нарыққа маркетингтік зерттеулер жүргізу үрдісі мен ерекшеліктері . . . 42

3. 3 Шетел нарықтарының дамуын болжау . . . 47

Қорытынды . . . 55

Пайдаланылған әдебиеттер тізімі . . . 54

Қосымшалар

КІРІСПЕ

Тақырыптың өзектілігі. Қазіргі кездегі нарықтық экономиканың дамуына маркетингтің жаңа экономикалық жағдайдағы өндірістік жүйелерін басқару. Халықаралық маркетингтің ерекшелігі, бірінші кезекте, аса қатаң бәсекелестігі бар сыртқы рыноктар, оларға ұсынылатын тауарлар мен көрсетілген қызметтерге сапасы, сервисі, жарнамасы жағынан аса жоғары талаптар қоятындығымен анықталады.

Сонымен қатар, әлемдік нарықта жүздеген ұлттық нарықтардың тұратын конгломерат екенін естен шығармау керек. Олардың әрқайсысының жалпы сипаты, сондай-ақ сол нарықтың өзіне ғана тән ерекшелігі болады.

Халықаралық нарықтардың мүмкіншіліктерін анықтау және кәсіпорынның өзінің сыртқы сауда әлуетін бағалау - халықаралық маркетинг стратегиясының бастапқы ұстанымы. Нарықты жақсы білмей тұрып, өзінің экспорттық мүмкіншіліктеріне дұрыс баға беру шын мәнінде мүмкін емес. Өйткені, мұндай бағалау нарықтың элементтері мен талаптарын кәсіпорын қызметінің тиісті параметрлерімен салыстыруды талап етеді.

Маркетингтік тәсілдемеде ең бастысы - барлық шаралардың мақсатты бағдарлануы, зерттеулердің жекеленген бағыттарын бірыңғай технологиялық үдеріске біріктіру. Сондықтан да, халықаралық ұйымдар - өндірістік кәсіпорындар мен бірлестіктер, сыртқы сауда фирмалары қазір халықаралық маркетингтің қағидалары мен әдістерін сыртқы сауда операцияларын жемісті жүргізуге қару етіп алуларына болады, яғни ашып айтатын болсақ, жаңа тауарды жасаудан оны сатып алушыдан қабылдауға дейін. Халықаралық маркетингті шетел рыноктарында өндірістік-коммерциялық қызметтің тиімділігін арттырудың құралы ретінде қолдану қажеттілікке айналып, оны жүзеге асыру мүмкін болуда. Әрине, егер кәсіпорындар (бірлестіктер, компаниялар) - тауар өндірушілер өздерінің шаруашылық қызметтерінде әлемдік рынок жайғасымына төтеп беруге, алдына қойылған рыноктық мақсаттарға, басқа елдің рыноктарына бағдарланған стратегияларға қол жеткізудің өндірістік және өзге де мүмкіншіліктерін, өз қорларын шебер пайдалануға мүмкіндік беретін толық еркіндіктері бар. Қазір кәсіпорындар, бір жағынан толық құқыққа ие болып, екінші жағынан сыртқы рынокқа шығудың жолдарын ұлгайту керек болғандарында экспорттық маркетингті пайдалану олар үшін нағыз қажеттілік болып отыр.

Дегенмен, оны ұтымды пайдалану ұйымдық және техникалық сипаттағы ғана емес, сондай-ақ психологиялық тұрғыдағы белгілі қиындықтармен бірге жүреді. Тек шаруашылық бірліктердің басқарушы бөлімшелерінің ғана емес, тұтастай, қатардағы (жай) қызметкерлердің, еңбек етуші топтардың ойлау қисындары мен мінез-құлық психологияларының өзгертілуі талап етіледі.

Маркетингке деген қызығушылықты, әдетте, ең бірінші болып, сыртқы нарыққа шығудың проблемалары қинайтын кәсіпорындар танытады. Бірақ шаруашылық жүргізуші басшылар, еңбек етуші топтар тапсырыс қоржындарын жинақтаудың, компания өз қызметін жүзеге асырып отырған елдерде өндірісті жөнге салудың, сол ел тұтынушыларының сұранысына бағдарланған тауар қозғалысы мен өнімді өткізу әдістерін жеткілікті түрде білмейді, не болмаса олар туралы тіпті хабарлары жоқ. Сол елдің резиденттерінің өздері халықаралық деңгейде басқа кәсіпорындармен бәсекелестік жағдайларында өз қызметтеріне күдікпен қарайды.

Еріксіз мынадай сұрақ туындайды: шетел нарықтарында жемісті қызмет ету үшін неліктен халықаралық маркетинг қажет? Ең бірінші, халықаралық маркетингтің стратегиялары мен тактикаларына сүйеніп отырған фирма жұмысының негізіне, тауарды өткізу көзқарасы бойынша ең тиімді қағида алынады: ең әуелі, әлуетті тұтынушының қандай тауарды, қандай бағамен, қанша мөлшерде, қандай тұтынушылық қасиеттермен және ол тауарды қай елдерден сатып алғысы келетінін білуі керек, содан кейін ғана өндірісті немесе сауданы ұйымдастыруды ойластыруы керек.

Кешенді маркетингтік зерттеулер жергілікті нарықта, сондай-ақ әсіресе шетел нарықтарында компанияның кәсіпкерлік және өткізу қызметін дамыту стратегиясы мен бағдарламасы туралы шешімдер қабылдаудың негізін құрайды. Нарықты болжау, халықаралық нарықтарға шығудың стратегияларын әзірлеу және ондағы өз іс-әрекеттерін жоспарлау, әлемдік нарық сұранысын қалыптастыру - сыртқы экономикалық басқарудың маркетингтік концепцияларының негізгі қағидалары. Басқару концепцияларынан айырмашылығы - шетел нарықтарындағы стратегиялық басқару, басқа елдер нарықтарына қойылатын талаптардың өзгеруіне сәйкес фирманың іс-әрекеттерін алдын ала болжау, тауар өткізу, баға және ынталандыру саясаты аясында әлемдік ауқымдағы бәсекелестердің мүмкін реакциясын ескере отырып, өзара байланысқан шаралар кешенін әзірлеу және т. б. фирманың елден тыс өндірістік-өткізу және ғылыми-техникалық қызметін басқаруға маркетингтік ыңғайлануының айтарлықтай артықшылықтарын ұсынады.

Халықаралық маркетингтік бағдарламалар ұзақ мерзімді стратегиялық саясат жүргізуге, экономикалық және әлеуметтік залалдардан аулақ болып, тұрақты даму мен келешекте табыстарға жетуге мүмкіндік береді.

Жұмыстың зерттелу деңгейі. Дипломдық жұмыста шетел вторларының еңбектері Котлер Ф., Васильев Г. А. Дубров А. М., Лагоша Б. А., Хрусталев Е. Ю., Даниэлс Д. Д., Радеба Л. Х. отандық ғалым экономистері Бекиш Р., Есенгазиев Б., Алтынбаев Б. А., Истаев А. А., Бердалиев К., Қамшыбаев Р. А., Баймағамбетов Л. Қ. т. б

Зерттеудің мақсаты мен міндеті. Нарықтың талабына тұтынушылардың мүделерін бейімдендіретін нарықтық зерттеу, өткізуді жандандыру, тауардың бәсекеге қабілетін көтеру шараларының тізбегін анықтау. Осы мақсатқа жету үшін келесі міндеттерді орындау қажет:

- бәсекеге қасқая қарау, оның әр түрлі мүмкін деген жақтарын зерттеу (өнім, тауар өткізу, ақпарат, ұсыну әдістері) ;

- қойылған межелерге жету жолында бағдарламалы - мақсатты әдіспен жан-жақты қадам қолдану.

- тауар қозғалысын және сатылымдарды ұйымдастыру;

- өткізу мен жарнаманы көтермелеу.

Зерттеу объектісі. «Нью фест модель» мектебіндегі маркетингтік қызметті ұйымдастыру және басқаруының мысалы бойынша.

Зерттеудің теориялық және әдістемелік негіздері. Халықаралық маркетинг проблемалары бойынша біршама отандық және шетелдік еңбектер басылып шығарылған, онда Ресейдің жоғары дамыған рыноктық экономикасы жағдайындағы маркетинг қызметінің тәжірибесі көрсетілген. Дегенмен, отандық экономиканың ерекшеліктерін ескерген қазақстандық зерттеушілердің жұмысы қазіргі таңда аса маңызды болып табылады.

Жұмыста әртүрлі зерттеу тәсілдері қолданылады. Дипломдық жұмыстың методологиялық негізгі ретінде отандық және шетелдік экономистердің ғылыми және оқу әдістемелік еңбектері, Қазақстан Республикасының Үкіметінің заңдары және нормативтік актілері, негіз болып табылады.

Зерттеу жұмысының құрылымы. Дипломдық жұмыс кіріспеден, бөлімдерге бөлінген үш тараудан, қорытындыдан, қолданылған әдебиеттер тізімінен, қосымшадан тұрады.

Бірінші тарауда басқару және ұйымдастыру, тұжырымдамалары мен қағидаларының маркетингінің тоериялық негіздері қарастырылған.

Екінші тарауда «Нью фест модель» мектебіндегі маркетингтік қызметті ұйымдастыруына талдау жасалған.

Үшінші тарауда Халықаралық маркетинггің қазіргі кездегі өзекті мәселелері көрсетілген.

1 Маркетингті басқару және ұйымдастырудың теорияның иемденуі

1. 1 Маркетингті басқару және ұйымдастырудың мәні, мазмұны

Бұған дейін айтылғандай, маркетинг кәсіпорынды нарыққа бағыттап басқарудың философиясы болып танылады. Ал практикалық маркетингтің кешені, маркетингтік іс-қимыл - бұл өндіріс немесе ғылыми-зерттеу жұмыстары сияқты басқарудың объектісі. Осыған байланысты маркетингті басқару жүйесі және оның құрылымы мен қызметтері: жоспарлау, ұйымдастыру, бақылау, реттеу және санақтау жөнінде сөз көтеруге міндеттіміз. Бұл мәселе әлі толығымен анықталмаған, сондықтан оның ең анық элементтеріне тоқтала кетейік[1] .

Жоғарыда айтылғандардан бізге мыналар белгілі: маркетингтік қызметтердің ең маңыздылары болып нарықты зерттеу және тауар өндіруші кәсіпорынның нарықтық мүмкіндіктерін талдау және жоспарлау, маркетингтік саясаттың кешенін құрастырып және іске асыру танылады. Осы жерде тағы айта кетелік, маркетинг өндірісті, жоспарлауды және т. б. қызметтерді өзі атқармайды, ол тек осы және басқа қызметтердің түрлерін, тауар өндірушінін нарықтық мақсаттарын ескере отырып, шешімдер қабылдауда қажетті ақпаратпен қамтамасыз етеді.

Маркетинг үрдістерін және оны ұйымдастыруды іске асыратын керекті саладағы мамандар бөлімдер мен қызметтерге маркетингті басқару жүйесін құрастырудың негізінде алынған принциптерге және фирманың -ндіретін тауарларының ерекшеліктеріне байланысты бөлінеді.

Басқару құрылымы. Маркетингті басқару жүйесінің құрылымы функционалдық немесе жағрапиялық принципке, шығарылатын тауарлар немесе игерілмек нарықтар түріне, тауарлы-нарықтық жобаға және басқа әдістерге сәйкестене қалыптастырылады. Маркетингті басқаруды функционалды ұйымдастырудың мағынасы мынадай: маркетингтің жеке элементтерін іске асыратын бөлімдерді (қызметтерді) мамандар басқарады, ал барлық жұмысты толығынан басқару және бөлімлердін жұмыстарын үйлестіру фирманың маркетинг-директорына (вице-президент дәрежесі) тапсырылады. Маркетингті басқарудың функционалдық сызық жобасы 1-суретте келтірілген.

1-сурет Маркетинг басқару құрылымының функционалдық принципі

Басқаруды осылай ұйымдастырудың артықшылығы құрылымның оңайлығында және әрбір буынның қызметінің айқындығында болып табылады. Әрбір нарыққа және әрбір тауарға арналған маркетингтің әрбір қызметі бойынша жеке жоспар қабылдап, іске асыру керектігі, осы секілді фирманың іс-қимылын, әсіресе, тауар және игерілмек нарық түрлерінің өскен шағында, үйлестірудің күрделілігі оның кемістігі болып табылады. Суретте көрсетілген қызметтермен қатар функционалдық құрылымда басқалар да болуы мүмкін: маркетингті жоспарлау бөлімі, сервистік және тауар тасымалдау қызметтері[2] .

Әрбір қызметті, бөлімшені өзіне лайық функционалды-бағыттық жетекші басқарады және олар қызметкерлер тобынан тұрады, ал бұлардың саны фирманың параметрлерімен анықталады. Кейбір жеке жағдайларда бірнеше немесе, тіпті, барлық қызметтер бір маманнан түруы мүмкін. Нарыққа өту кезеңінде Қазақстанның кәсіпорындарында, әрине; кең тарамдалған маркетинг құрылымын бірден қабылдау асқандық болар, әзірге бір немесе бірнеше қызметкер іс атқарса да жеткілікті.

Көрсетілген құрылымдағы жекелеген қызметтерді жұмыстың ауқымы мен көлемі айтарлықтай өскен уақытта әр түрлі сипаттар негізінде әрі қарай бөлуге болады. Мысалы, егер кәсінорын-тауар өндіруші өте аумақты жерге қызмет ететін болса, онда өткізу бөлімі жағрапиялық принцип бойынша дамиды: өнімді өткізуге ірі аймақта, әрбір аймақта аудандар бойынша, әр ауданда кішігірім бөлімшелер бойынша өткізуге жауапты адамдар тағайындалады. Осылайша тарамдалғаң торап белгілі өндірушінің барлық рыноктарда барлық тауарлардың өткізілуін қамтиды (2-сурет) . Әрбір саудалық агент әрбір ауданда кішігірім жер аумағына қызмет етеді, әдетте ол сол жерде тұрады және сол жердің тұрғындарымен қоян-қолтық жұмыс істейді.

2-сурет Территориялық принципті маркетинг басқару құрылымы

Мұндай ұйымдастыру кем дегенде екі есептен тиімді: фирмаға және оның тауарына деген күшті сеңім тууы мүмкін, тұтынушылармен байланыс ұстау үшін уақыт пен қаржы өте аз деңгейде талап етіледі.

Осыған ұқсас әдіспен функционалдық құрылым тауарлық принцип бойынша да дамыған болар еді. Жаңа тауарлар қызметі тауарлық номенклатура қызметіне айналады да, тауар топтары бойынша қызметтерге (төменгі бөлімдерге) жіктеледі, жеке тауарлар бойынша жетекшілер (мамандар) тағайындалады. Әрине, басқару құрылымының мұндай нұсқасы фирма әр түрлі тауарлар немесе олардың көптеген түрлерін шығаратын жағдайда қолданылады. Іс жүзінде әрбір тауарлық жетекші өндіріс жоспарларын жасайды және жедел істермен шұғылдана отырып, олардың орындалуын бақылайды[3] .

Құрылымның функциалдық нұсқасына жекелеген нарықтардағы жетекшілердің қызметің басқаратын нарықты жұмысты ұйымдастыру қызметің де кіргізуге болады. Бұлардың міндеті - әрбір нарық аумағында жекелеген қызметтерді түйістіру және іске асыру. Мұндай ұйымдастыру, егер тауар өндіруші өз өнімін іске сипаты жағынан әр түрлі нарықта өткізсе, осымен қатар бұл нарықтарда әр түрлі қажеттіктер, тауарлық талғамдар болған жағдайларда, орын тебе алады. Мұндай жүйенін артықшылығы кәсіпорының нақтылы нарықтық сегменттердегі тұтынушылардың қажеттігіне тікелей жұмыс істеу мүмкіндігінде. Мысалы, өндіруші азық-түлік тауарларымен кәсіпорынларды, ұйымдарды, кеңселерді қамтамасыз ететін болса, онда ол мектептердін, аурухана, зауыттардың, театрлардын және т. б. әр түрлі қажеттіктер мен талаптарына бағытталуы керек.

Маркетингті басқару құрылымын қалыптастыруда тауарлық және нарықтық принциптерді бірлестіре қолдану матрицалық нұсқаны пайдаланғанда іске асыра алынады. Мұнда тауарлар жөніндегі жетекші тауарды өткізуді жоспарлауға және іске асыруға, осымен бірге оларды сатудан түсетін пайда жөнінде де жауап береді. Нарықтар бойынша жетекшілер оларды қалпында ұстауды және кәсіпорынның қолдағы және ықтимал тауарларын өткізе алатындай етіп дамытуды іске асырады. Бұлардың міндеті нақтылы нарыққа тауарларды жылжыту мүмкіндігін жасағаннан төрі, әрбір нақтылы қажет тауарлар жасап және шығару болып танылады. Матрицалдық ұйымдастыру қызметкерлер арасындағы байланыс сандарынын көптігімен және олардың арасында қайшылықтар болуы мүмкіндігімен күрделі.

Маркетингті басқару құрылымының қандай да болмасын нұсқасы қабылданса да, ол келісті бағыттағы және дайындық деңгейдегі мамандар санымен қамтамасыз етілуі керек. Маркетингті басқаруда әр түрлі мамандардың еңбегі пайдаланылады, мысалы: ҒЗТКЖ, өндіріс, сервис, өткізу және тауарлар жылжыту; баға тағайындау; сыртқы сауда істері, жарнама; нарықты зерттеу, стратегиялық жоспарлау; социология; информатика және есептеу техникасы және т. б. саласындағы мамандар.

1. 2 Маркетингті басқару тұжырымдамалары және қағидалары

Маркетинг кәсіпорынның өндірістік өткізушілік қызметін ұйымдастырудың жаңа шаруашылық тәжірибесінің әдісі болып саналады. Маркетингті игеру мен енгізудің басты шарты - басшылар мен басқарудың барлық деңгейіндегі мамандардың экономикалық ойлауын өзгерту.

Маркетинг тұжырымдама мен іс-әрекет түрі ретінде ұзақ мерзімді мақсаттардың артықшылықты басымдылықтарына негізделеді. Маркетингке бағдарланған кәсіпорындар әдетте, барлық қызметтің ең маңызды міндеті етіп, өндіріс көлемінің, өткізу мен кірістердің тез ұлғаюын емес, қаржылық жағдай мен нарықтағы бәсекеге қабілеттіліктің нығаюына жол ашатын ұзақ мерзімді келешектегі пайданың тұрақты өсуін қояды.

Маркетингті меңгеру мен енгізудің екінші бір міндетті шарты - маркетингтің негізгі принциптерін, әдістері мен тәсілдерін үйретіп, оқыту үшін басшылар мен мамандарды ұйымдастыру. Бұл, біріншіден, шаруашылық жүргізуші - басқарушыларға тауарларды жасау мен өткізу, нарық талаптарына икемді ыңғайлану мен нарыққа бәсекеге қабілетті жаңа тауарлар енгізу мәселелерін шешуге арналған жүйелі тәсілдер төңірегінде жеткілікті негіздемелі білім алуы үшін қажет[5] .

Екіншіден, маркетинг - өте күрделі, ерекшелікті әр түрлі. Оны жүзеге асыру өндіріс, сауда, қаржы, әлеуметтану мен психологияны ұйымдастыру және экономика саласында жарнама ұйымдастыруда іргелі білімді талап етеді.

Үшінші маңызды шарт, кәсіпорындардағы, ұйымдардағы маркетингтің арнайы қызметі түріндегі қажетті ұйымдастырушылық құрылымын құру. Маркетингтің мұндай қызметін құрғанда мақсатқа сәйкестілік пен тауарлық нарықты түгел қамту принципі үдесінен шығу керек.

Шаруашылық тәжірибесінде маркетингтің принциптерін табысты жүзеге асырудың төртінші ең маңызды шарты - маркетинг зерттеулерін сенімді, анық жұмыс істейтін ғылыми-әдістемелікпен қамтамасыз ету.

Нарықтық экономиканың тұжырымдамалық (концептуальды) негізін мыналар құрайды:

- өндірістің жетілу тұжырымдамасы (жаппай сұраныстағы салыстырмалы арзан тауарлар шығаруға бейімделуі) ;

- тауардың жетілу тұжырымдамасы (жоғары сапалы бұйымдарды өндіруге бейімделу) ;

- коммерциялық күш-жігерді үдету (кәсіпкерлік қызметтің басты жағдайлары тауарды өткізу мәселелеріне шоғырланатын) ;

- маркетинг тұжырымдамасы (нашар нарықтық қызметті негізінде бәрінен бұрын қажеттіліктер, талғамдар тұтынушылар сұранысы) ;

- әлеуметтік-этикалық маркетинг тұжырымдамасы (барлық қажеттіліктер түгелдей қанағаттандырылуы тиіс емес, ал адам құндылықтары тәлімін қалыптастыратындары - қоғам мен жеке тұлғаның үйлесімді дамуына жол ашады) .

Маркетингтің мәнін сипаттай келе екі негізгі аспектіні атап көрсетеді: маркетинг кәсіпорынды басқарудағы ойлау жүйесі ретінде - «іс-әрекет амалын» қалыптастыратын, нарықтың өзіндегі кәсіпорынның қызмет ету жүйесі.

Кәсіпорынды жетілдіру тұжырымдамасы тұтынушылардың кеңінен таратылған және бағасы қол жетерліктей - тауарларға ықыласты болатындығына көз жеткізеді. Ф. Котлердің пікірі бойынша бұл тұжырымдаманы екі жағдайда қолдануға болады:

1) тауарға сұраныс ұсыныстан артса;

2) тауардың өзіндік құны өте жоғары болса, онда оны төмендету керек, ол үшін өнімділікті арттыру талап етіледі.

Тауарды жетілдіру тұжырымдамасы тұтынушылардың пайдалану сипаттамасы ең жақсы, өте жоғары сапалы тауарларға игі ниетте қарайтынын болжайды. Сондықтан өндірілетін тауарларды үнемі жетілдіру, жаңа енгізулер мен тауар сапасы мен басқарудың озық жүйелерін енгізу талап етіледі.

Коммерциялық күш-жігерді үдету (интенсификация) тұжырымдамасы ұйым тауарларды өткізу мен сатылымдарды көтермелеу саласында едәуір қам-қарекет жасамаса, тұтынушылар олардың тауарын молынан сатып алатынын айғақтады. Бұл тұжырымдама тұтынушыларға ерекше тәсілдермен «жеткізілуі» керек, бәсең сұраныстағы тауарларға қолданылуы тиіс.

Әлеуметтік-этикалық маркетингтің пайымдауынша, тұтынушы мен қоғамның тұтастай игілігін сақтап, нығайта отырып, мақсатты нарықтардың мұқтаждықтары мен қажеттіліктерін, мүдделерін айқындау және ең өнімді (бәсекелестермен салыстырғанда) тәсілдермен қалаған тілекті қанағаттандыру ұйымның міндеті болып табылады. Ф. Котлердің пікірінше, әлеуметтік-экономикалық маркетингтің тұжырымдамасы негізінде үш фак-тор жатыр: қоғам (адамдардың әл-ауқаты), сатып алушылар (қажеттіліктерді қанағаттандыру), фирма (пайда) [4] .

Ұғым мәнін қысқаша былай тұжырымдауға болады: «Маркетингті басқару - ұйымның (фирманың) өмірлік циклдің барлық сатыларындағы сұранысты басқару».

Маркетинг өзінің мән-мағынасын негізгі принциптері арқылы бейнелейді.

Бірінші - тұтынушыларды жан-жақты, олардың талғамдары мен тілектерін зерттеу, нарықты білу.

Екінші - сұранысқа сәйкес тауарларды шығару, нарыққа икемделу.

Үшінші - нарыққа әсер ету, сұранысты қалыптастыру, сатылымдарды көтермелеу.

Осы принциптерге сәйкес маркетингтің мынадай бірқатар негізгі функциялары атқарылады:

- маркетингті зерттеу;

- өнімді жоспарлау;

- тауар қозғалысын және сатылымдарды ұйымдастыру;

- өткізу мен жарнаманы көтермелеу. Кәсіпорын қызметінің түпкі нәтижелері мен ұйымдастырылуына ықпал ете алатын факторлардың барлық жиынтығының есебі жалпы маркетингті басқару мен оның проблемаларын шешуде міндетті талап болып табылады:

- ішкі (бақыланатын) ;

- сыртқы (бақыланбайтын) .

Факторлардың бірінші тобына ішкі фирмалық жоспарлау мен басқару барысында кәсіпорын тарапынан реттеуге келетін және қажетті уақыт пен қажетті қарқында жұмыс істей алатын өндіріс пен өткізу жағдайлары жатады: өндірістік процесті ұйымдастыру, қаржы, қамтамасыз ету, ҒЗТКЖ (ғылыми-зерттеу тәжірибелік конструкторлық жұмыс, кадрлар, басқару кұрылымы, жұмыста бір-бірімен байланыстылар және т. б. ) . Екінші топқа әдетте объективті экономикалық, әлеуметтік және саяси жағдайлар кіреді, олардың шеңберінде кәсіпорын жұмысын жүргізеді және оның қарқынына қарай заңнама жүйесі, бәсекелестік, ҒТП (ғылыми-техникалық прогресс), нарық конънктурасы, демографиялық және әлеуметтік-мәдени факторлар, тұтынушылар құқығын қорғау жүйесі және т. б. қалыптасады[6] .

Маркетинг тұжырымдамасы тәжірибелік маркетингтің немесе іс-әрекет амалы ретіндегі маркетингтің әдіснамалық (методологиялық) негізін құрайды. Бұл тұжырымдамадан нақты өнімге айналатын білімді табу жөніндегі барлық функциялардың бірігіп-кірігуі мен үйлестірілуіне, сұранысты қалыптастыру мен тауарды өндірушідегі, түпкі тұтынушыға дейін жылжытуға негізделген кәсіпорынның шаруашылық іс-әрекетін ұйымдастырудың арнайы тәсілі түсініледі.

Маркетинг қолданатын ең басты сала - материалдық өндіріс және нақты тауар өндірісі мен қызмет көрсетудің әр түрін ұсынуға байланысты барлық басқадай қызмет екендігін баса айту қажет.

Тәжірибелік маркетинг мынадай міндеттерді шешуді көздейді:

- бар немесе концептуальды сұранысты айқындау жолымен өнім өндірісінің мақсатқа сәйкестілігі мен қажеттілігін негіздеу;

- өнім үлгілері мен модельдерін жасау жөніндегі ғылыми-зерттеу мен жобалау-конструкторлық жұмысты, сондай-ақ тұтынушылардың тілегіне сай тауарлар шығаруды ұйымдастыру;

- кәсіпорынның өндірістік, өткізушілік және қаржылық қызметін үйлестіру мен жоспарлау;

- өнімді өткізу жүйесі мен тәсілдерін ұйымдастыру мен жетілдіру;

- фирманың барлық қызметін реттеу мен бағыттау, бұған өнімді өткізу мен өндіріс аумағындағы жоспарланған мақсаттарға жетуге арналған тасымал, буып-түю, орау, өткізу, жарнама, техникалық және сервистік қызмет көрсетуді, өндірісті ағымдағы оралымды басшылық та қосылады.

Маркетинг қызметінің мағынасы. Маркетингтің негізгі элементтері мыналар: маркетингтік зерттеулер мен ақпаратты жинау, өнімнің ассортиментін жоспарлау, өткізу мен сату, өткізуді жарнамалау мен көтермелеу. Олар (1 кестеде) көрсетілгендей жалғастықпен жүзеге асады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.