Қазақстан Республикасының салық жүйесі және инвестицияны ынталандыру

Жұмыс түрі: Дипломдық жұмыс
Тегін: Антиплагиат
Көлемі: 76 бет
Таңдаулыға:

Мазмұны

Кіріспе . . . 3

Тарау 1. Қазақстан Республикасының салық жүйесі және инвестицияның теориялық аспектілері мен басқару әдістері

1. 1 Қазақстан Республикасының салық жүйесі және оны басқару . . . 6

1. 2 Қазақстан Республикасында инвестициялық саясаттың маңызы . . . 24

1. 3 Шетел тәжірибесіндегі салық жүйесі . . . 35

Тарау 2. Солтүстік Қазақстан облысы бойынша Салық Комитетінің қаржылық қызметтерін талдау.

2. 1 Солтүстік Қазақстан облысы бойынша Салық Комитетінің қаржылық қызметін талдау . . . 41

2. 2 Уәлиханов ауданындағы Салық Комитетінің қаржылық қызметін талдау . . . 47

2. 3 ҚР кәсіпорындардың инвестициялық стратегиясын қалыптастыру ерекшеліктерін талдау (Солтүстік Қазақстан облысы мысалында) . . . 52

Тарау 3. Қазақстан Республикасының салық және инвестициялық жүйелерін жетілдіру жолдары.

3. 1. Уалиханов ауданындағы Салық Комитетінде салықты және

инвестицияны ынталандыру қызметін жетілдіру . . . 59

3. 2. Инвестициялық салық преференцияларын жетілдіру жолдары . . . 61

3. 4 ҚР инвестициялық саясаттың маңызы және мемлекеттің инвестициялық саясатын қалыптастыру негіздері . . . 72

Қорытынды . . . 81

Қолданылған әдебиеттер тізімі . . . 84

Қосымша . . . 87

Кіріспе.

Салықтар - мемлекет белгілейтін, белгілі бір мөлшерде және мерзімде алынатын міндетті төлемдер.

Салықтардың экономикалық мәні өз қызметін жүзеге асыру үшін мемлекетте жинақталатын ұлттық табыстың бөлігін білдіреді.

Мемлекетке алынатын барлық салық түрлерінің жиындығы, олардың құрылуының әдістері мен нысандары, салық қызметі органдары мемлекекеттің салық жүйесін құрайды.

Салық жүйесі - көптеген салық түрлері, салық төлеушілер, салық жинау әдістері, салықтық женілдіктерінің болуына байланысты күрделі модель болып келеді.

Салықтарды әр түрлі принциптер бойынша бөлуге болады:

- мемлекет пен төлеушінің қарым - қатынастары және салық салу объектісіне байланысты; пайдалануы бойынша; салық жинаушы органы, экономикалық сипаты бойынша.

Бірінші сипаты бойынша салықтар тікелей және жанама болып бөлінеді.

Тікелей салықтар табыс немесе мүлікке ғана (табысқа, пайдаға, мүлікке және жерге салынатын салық) салынады.

Тікелей салықтар өз кезегінде нақты және жанама болып бөлінеді.

Нақты салық мүліктің пайдалану тиімділігіне емес, сыртқы сипатына байланысты салынады; нақты тікелей салықтарға жер, мүлік, ақша қапиталына салықтар жатады.

Жеке салықтарда табыс қана емес, төлеушінің қаржылық жағдайы да ескеріледі, мысалы отбасы жағдайы. Оған мыналар жатады: табысқа салынатын салық, сый мен мұраға салынатын салық, жан басына және т. б. салықтар.

Жанама салықтар - тауар, қызметтер бағалары арқылы (қосылған құнға салынатын салық, акциздер, кедендік баждар) алынады. Салық сомаларының иесі тауар және қызметтерді өткізгесін мемлекетке тапсырылады.

Инвестицияны әлеуметтік салаға тартудың жоғарыда көрсетілген бағыттарынан басқа да тетіктеріне кепілдік қоры, ипотекалық несиелендіру және де инвестицияның тұрақты, уақыт талабына сай заңдық негіздерін құру жатады.

Сонымен, инвестициялық процесті пайда тауып, жоғары әлеуметтік тиімділікке жеткізетін процесс ретінде қарастыру керек. Инвестициялық іс-әрекетті талдауды оның тиімділігіне экономикалық факторлардан кем әсер етпейтін әлеуметтік факторларды есептемей жасау мүмкін емес. [15]

Елбасы Нұрсұлтан Назарбаев Қарағандыда Қазақстан Республикасы Президенті жанындағы Шетелдік инвесторлар кеңесінің 13-ші отырысын өткізді.

«Орталық Азияның өңірлік экономикалық дамуындағы Қазақстанның рөлі» деген тақырыптағы отырыста Мемлекет басшысы Нұрсұлтан Назарбаев жиналғандар алдында сөз сөйледі. Президент жанындағы шетелдік инвесторлар кеңесінің Қазақстанда жұмыс істей бастағанына 7 жыл толды, деп бастады сөзін Елбасы. Оның қызметінің тиімділігін уақыттың өзі дәлелдеп берді. Қазақстан адам басына шаққандағы тікелей шетелдік инвестициялар көлемі жөнінен ТМД елдері арасында алда келеді.

Шетелдің салық жүйесі өте жақсы дамыған. Сонымен қатар, әр елдің өзінің Салық Кодексімен бекіткен салық жүйесі дамыған. Енді әрбір елдің салық жүйесіне жеке - жеке тоқталып өтейін.

Германияның салық жүйесі.

Германияның салық жүйесі салықтардың 50 түрін белгілеген. Олар төлеушілер тобымен, салық базасымен, салық ставкасымен ажыратылады. Салықтардың көптігімен бірге олардың шоғырлануға деген тенденциясын да ескеру қажет.

Салықтық түсімдердің үлесі негізінен екі ірі салықпен - жеке тұлғалардың табыс салығы және импорт айналымына салынатын салықты қоса алғандағы қосылған құнға салынатын салықпен анықталады. Одан кейін мұнай өнімдері мен темекіге акциздер, корпоративтік салықтар, автокөлік иесінің салықтары, жер салығы, мүлік салығы.

Дипломдық жұмысымның тақырыбы: «Қазақстан Республикасының салық жүйесі және инвестицияны ынталандыру» - өте маңызды болып тадылады.

Дипломдық жұмысымның мақсаты, «Солдтүстік Қазақстан облысы бойынша Уәлиханов ауданының Салық Комитеті» қызметі мысалында зерттелуі қажет болып табылады және бұл негізде - бұл процестерді жетілдіру бойынша ұсыныстарды өңдеу. Қойылған мақсаттарға жету үшін келесі таптырмаларды орындадым:

- Қазақстан Республикасының салық жүйесі және оны басқару;

- Қазақстан Республикасында инвестициялық саясаттың маңызы;

- Шетел тәжірибесіндегі салық жүйес;

- Солтүстік Қазақстан облысы бойынша Салық Комитетінің қаржылық қызметін талдау;

-Уәлиханов ауданындағы Салық Комитетінің қаржылық қызметін талдау;

- Уәлиханов ауданындағы Салық Комитетінде салық және

инвестицияны ынталандыру қызметтін жетілдіру;

- Салық Комитетінде инвестициялық қызметтің даму ерекшеліктері

мен мәселелері;

Дипломдық жұмысымды жазу кезінде салықтың зерттеу әдіснамасымен ұстанымын ашатын шетел және отандық авторлардың экономикалық әдебитттерін қолдандым. Берілген тақырып үшін көптеген ақпараттар ұсынылды.

Дипломдық жұмысымның тәжірибелік маңызы Қазақстан Республикасында салықтардың жүйесін және инвестицияны ынталандыруды жетілдіру, сонымен бірге өзінің қаржылық көрсеткіштерін жоғарлатуға көмек жасайды.

1 Тарау. Қазақстан Республикасының салық жүйесі және инвестицияның теориялық аспектілері мен басқару әдістері

1. 1 Қазақстан Республикасының салық жүйесі және оны басқару.

Жанама салықтар мемлекеттің фискалдық мүддесін сипаттайды. Жанама салықтың орынды қолдануы, бағаны белгілеу үдерісіне және тұтіну құрылымына оң әсер етуі мүмкін. Салық төлеушілер үшін табысқа тікелей салынатын салықтың өсуі қолайлырақ. Сатудан алынатын салық, қосылған құнға салынатын салық, акциздер тәрізді тұтынуға салынатын салықтарын пайдалану қолайлырақ, себебі:

- одан бас тарту қиынырақ;

- экономикалық бүрмалаушылықтар аз кездеседі;

- еңбекке деген ынтаны азырақ қызқартады;

- тапшылықтың, сонымен қоса алмастырушы тауарлардың болмауы салдарынан, тұтынушыларға таңдау құқығын береді.

Жанама салыққа қызметтен түскен түсім жатады (кедендік баж сипатындағы кеден табысы, экспортқа салынатын салық, ішкі нарықта өткізілетін тауар құнының және факторлық құнның айырылымы) .

Мемлекеттік бюджет табысына жанама салықтан түсетін түсім 25 % -ды құрайды. Тұтыну салығына инфляциялық және регрессивті сипатқа ие және өсудің өзіндік кемшіліктері тән.

Егер де бағаның өсуімен қатар бюджеттің шығыны өссе, онда осы салықтан түсетін түсім, бағаның өсуімен бірге ұлғаяды.

Бұл, әлеуметтік бағдарламаны жүзеге асыру үшін қажетті қаражат алуға мүмкіндік береді. Бюджет жүйесіне автоматты түрде инфляцияға қарсы механизм енгізіледі. 1992 жылы енгізілген жанама салықтың бір түрі - қосылған құнға салынатын салық, ол мемлекеттік бюджетке түскен жалпы түсіммнің 20 % -ын құрайды.

Жанама салықтың екінші түрі кедендік төлемдер, яғни транзит қызметтері мен заттарынан, тауарларынан және әкелім мен әкетілетін тауарлардан, қызметтерден, заттардан алынатын баждар мен алымдар.

Жанама салықтың 3-ші тобына акциздер жатады. Ол бюджеттің салық түсімдерінде 4 % құрайды.

Акциз - тауарларға салынатын салық. Тауар өндірушілер акциздерді төлейді. Акциздер жеке және әмбебап болып бөлінеді. Жеке акциздер көп болуы мүмкін. Басқа елдерден импортталатын өнімдерге және ішкі өндіріс тауарлары мен өнімдерге акциздер берілген.

Сонымен, осылайша тізімдердің көп бөлігі өнімдер мен тауарларды қамтиды, оларға бірінші қажеттіліктің заттары кірмейді.

Акцизделетін тауарлардың тізімі оларға қойылатын ставка сияқты өзгертіп отырады, яғни жеке тауарлардың тұтынуды реттеу қажетімен мемлекеттің ағымды фисқалдық мақсатымен аңықталады.

Акциздің ставкасы тауар құкына пайызбен, яғни адвалорлық немесе атаулы бірлік өлшеміне абсолютті сомада белгіленеді.

Қазақстанда акциздерді салу объектісі болып республика аумағына өткізілетін (айырбасқа, қайта өңдеуге) немесе берілетін акцизделетін тауарларға (қызметтер) байланысты операциялар; импорт кезінде импорталатын акцизделетін тауарлардың көлемі (акциздің тұрақты ставкасы бекітілген немесе акцизделетін тауарлардың кедендік құны (адвалорлық ставканы қолданған жағдайда) табылады.

Қазақстан Республикасында өткізілетін алкоголь өнімдері және темекі бұйымдары акциз алымының толықтығын қамтамасыз ету және заңсыз өндірісі, шығарылуы, айналымын болдырмау үшін міндетті түрде маркалануы керек. Маркалау жауапкершілігі өнімдерді өндірушілер мен импортерлерге жүктеледі.

Нақты жағдайда акциздер акциз маркасының алымы бекітілген нысанды сату бойынша алынады, ал оның құны акциздер бойынша аванстық төлем болып табылады. Заңға сәйкес, экспорт (салық салудан босатуға негіздері болған жағдайда), импорт тауарлар бойынша салық жеңілдіктері қарыстырылған. Жекелеген жағдайларда жеңілдік дәрі-дермек жасау үшін қолданылатын этиль спиртіне (квота мөлшерінде) ; шетел дипломаттары және оларға теңестірілген өкілдердің тауарларына; осы өкілдердің жанұяларының тауарларына, жолаушылар мен жүктердің халықаралық көлік тасымалына, т. б. қолданылады.

Пайдалану сипаты бойынша салықтар жалпы және арнайы болып бөлінеді. Жалпы салықтар мемлекетке түсіп, белгілі бір пайдалану барысында тұлғасыздандырады.

Арнайы салықтар белгілі бір мақсатқа ие болып келеді (мысалы: әлеуметтік салық, зейнетақы төлемдері үшін пайдаланылады) .

Салықты жинайтын және оны билейтін органына байланысты орталық (жалпы мемлекеттік) және жергілікті салықтар болып бөлінеді.

Объектінің экономикалық сипаты бойынша салықтар табысқа және тұтынуға салынатын салықтар болып бөлінеді: біріншісі - салық төлеушінің кез келген объектідін алған табысына салық салу, екінші жағдайда - бұл тауалар мен қызметкерді тұтынғанда төленетін шығындарға салынатын салық.

Салық салу объектісін есепке алу және бағалануы бойынша салық алудың төрт тәсілі бар: кадастрлық, декларация бойынша, көзіне байланысты, патент бойынша .

Кадастрлық әдіске сәйкес салық салу және есепке алу қамтамасыз ету объектілерінің тізімі негізінде, оның табыс әкелу нормасын (әсер мүліктік) көрсете отырып, нақты табысын ескермей жүзеге асады.

Салық төлеуші декларацияда табыс көлемін, керекті жеңілдіктерді, шегерімдерді ескере отырып, салық сомасын есептейді.

Төлем көзіне байланысты салықты табысты алған жердегі бухгалтерия есетпет, төленеді.

Патент негізінде салық әр түрлі қызметтен табыс алуға байланысты бөлінеді. Бұл бойынша салық төлемін анықтау және ескеру өте қиын.

Салықтық есептің екі әдісі пайдаланылады: кассалық және есептеу әдісі.

Кассалық әдіске сәйкес табыстар мен шығындар жұмыстарды жүргізу кезінен бастап қызметтерді, мүліктерді қабылдау және ол бойынша төлеу жүргізіледі. Төлеу уақытынан тәуелсіз есептелетін есептеу әдісі бойынша табыстар мен шығыстар жұмыс жүргізу уақытынан есептеледі.

Екінші әдіс - салық қызметтері үшін қолайлы және оны Қазақстанның барлық салық төлеушілері қолданады. Оның төлеушілер үшін кемшілігі - салық төлемдерін жеткізу уақытында болмаған жағдайдың өзіндек төленіп, айналым қаржыларының оқшаулануына әкеліп соғады.

Қазақстанның жаңа Салық Кодексінде төмендегі салықтар енгізілген:

1) корпоративтік табысқа салынатын салық;

2) жеке табыс салығы;

3) қосылған құнға салынатын салық;

4) акциздер;

5) жер қойнауын пайдаланушылардың арнайы төлемдері мен салығы (қол қойылған бонус, коммерциялық табу бонусы, роялти, үстем пайда салығы) ;

6) әлеуметтік салық;

7) жер салығы;

8) көлік құралдарына салынатын салық;

9) мүлікке салынатын салық.

Жекелеген салық төлеушілер топтары үшін арнайы салық режимі қараластырылған. Оларға жататындар: шағын бизнес субъектілері, шаруа қожалықтары, ауылшаруашыдық өнімдерін өндіруші заңды тұлғалар, кәсіпкерлік қызметтің жекелеген түрлері.

Бұл режимді салық төлеу мынадай негізде жүргізіледі: патент; бір жолғы талон; біртұтас жер салығы; оңайлатылған декларация. Бұл режим табысқа мүлікке, әлеуметтік, жанама салықтардың комбинациясын сипаттайды.

Сонымен, Қазақстанның салық жүйесі салық басқа міндетті төлемдер түрлері айтарлықтай дифференцияланған.

Салық қатынастарын реттейтін құқықтық нормалар Қазақстан Республикасының Салық Кодексінде және сәйкес ережелерде көрсетілген.

Мемлекеттік салық қызметі органдары Қазақстанда Қаржы министрлігімен және облыстардағы, аудандардағы, қалалардағы және қала облыстардағы, аудандардағы, қалалардағы және қала аудандарындағы, сонымен қатар қаржы полдициясымен көпрсетілген.

Салық қызметі салықтар мен бюджетке төленетін басқа да міндетті төлемдер туралы республика заңдарының орындалуына бақылау жасайды.

Енді жеке - жеке салықтардың түрлеріне тоқталып өтейік.

1. Корпоративтік табыс салығы

Корпоративтік табыс салығының Қазақстандағы мемлекеттік бюджетке түсетін түсімі маңызды орын алады, яғни шанамен 28 %-ды құрайды.

Корпоративті табыс салығын салу механизмі заңды тұлғалардың салықты төлеу тәртібі, мерзімі, алыну шарты, санкция мен жеңілдіктерді арқылы анықталады.

Салықты табыс алатын заңды тұлғалар, Қазақстан республиқасының резиденттері мен резидент еместері және кәсіпкерлік қызметтен табыс алатын бюджеттік және коммерциаялық емес ұйымдар төлейді.

Салықты салудың объектісі салық салынатын табыс болып табылады, ол жылдық жиынтық табыс пен заңда бекітілген шегерім арпасындағы айырма арқылы аңықталады.

Жылдық жиынтық табысқа резидент заңды тұлғаның әр түрлі көздерден түскен табысы жатады.

Оның құрамына: өнімді (жұмыс пен қызметтен) өткізуден түскен табыс; өзге де активтер мен ғимаратты өткізу кезіндегі құнның өсімінен түскен табыс; міндеттемелерді есептен шығарудан түскен табыс; мүліктерді жалға беруден түскен табыс; тегін алынған мүлік және орындалған жұмыс; қызмет көрсету; оң бағамды айырма; санкция бойынша алынған сумма; дивидендтер; банктің сыйақысы; ұтыс; роялти; сақтандыру ұйымдары, сақтандыру қорлары мен банктің провизия көлемінің төмендеуінен түскен табыс; өзге де табыстар жатады.

Алынған жылдық жиынтық табысқа түзету жүргізіледі: төлем көзінен бұрын салық салынған девиденттер, меншікті акцияның құнының номиналдық құннан асып түсуі; мемлекеттік бағалы қағаздар бойынша сыйақы; төтенше жағдайлардың пайда болу салдарынан ізгілік көмек түрінде алынған мүліктің құны;

Үкіметтің шешімі бойынша мемлекеттік кәсіпорындардан алынған негізгі құралдардың құны; зейнетақы активтерін орналастыфрудан алынған инвестициялық табыстар.

Салық шегеріміне Қазақстан Республикасы заңнамасымен бекітілген мөлшерде жылдық жиынтық табысты алуға кеткен шығындар жатады. Оған тауарлы - маткериалдық шығындар бойынша, еңбек ақыны төлеу; қызмет көрсету және өндіріске кеткен шығындар; басқа шегерімдер; тіркелген активтер бой ынша, сыйақы бойынша; күмәнді міндеттер мен талаптар бойынша; теріс бағалық айырымдар бойынша; резервтік қорларға айырым жасау бойынша, сақтандыру төлемдерді жарналары бойынша; әлеуметтік төлемақы шығындары; табиғи ресурстарды өндіруге дайындық жұмыстары мен геологиялық зерттеулерге кеткен шығындар бойынша; негізгі қорларды жөндеуге кеткен шығындар бойынша; үстеме мен айыппүл; бюджетке төленген салықтар жатады.

Шегерімнен кейін анықталған салық салынатын табысқа түзету жасалады.

Салық төлеуші ұйымның балансында көрсетілген әлеуметтік саланың объектілері, яғни жатақхана, тұрғын үй, емхана, балалар лагері, мектеп жасына дейінгі балаларды тәрбиелеу және оқыту ұйымдары, аурухана бойынша шығындар сомасы азатылады.

Коммерциялық емес ұйымдардың тегін берілген мүліктері, жеке тұлғалардың атаулы әлеуметтік көмек сомасы шегеріледі. Мүгедектердің еңбегін пайдаланатын өндірістік ұйымдардың салық салынатын табысына (мүгедектердің еңбекақысын төлеуге кеткен шығындар екі мәрте мөлшерінде) түзету жүрзізіледі.

Кәсіпкерлік қызметтің залалы 3 жылға; жер қойнауын пайдаланумен байланысты залал 7 жылға мерзімге көшіріледі: Залал дегеніміз салық салынатын табыстың азаюын білдіреді, бұндай жағдайда табыс азаяды, сонымен қатар төленетін салық та азаяды.

Бұған ғимаратты, құрылымды, бағалы қағаздарды өткізу бойынша залалар жатады.

Табыс салылығын ставкасы - 30 %.

Бағалы қағаздар мен депозит бойынша сыйақы мен дивидентерге, резидент емес заңды тұлғаның таза табысы мен үтысына салынатын салық мөлшері - 15 %.

Қазақстандағы көздерден алынған шетелдік заңды тұлғалардың табысына келесідей мөлшерде салық салынады:

1) сыйақы және қатысу үлесі бойынша табыстарға, дивидендтерге-15%;

2) тәуекелдікті сақтандыру және қайта сақтандыру шарты бойынша төленетін салықтың сыйақысына - 10%;

3) халықаралық тасымалдаушылардың транспорттық қызметтері мен халықаралық байланыстардың телекоммуни-кациялық қызметтеріне - 5%;

4) өзге де табыстарға - 20 %

Қазақстан Республиқасында тұрақты мекеме арқылы қызмет жасайтын шетелдік заңды тұлғалар алынған табыстары бойынша корпоративтік табыс салығын төлеуші болып табылады.

Тұрақты мекемелер арқылы қызмет жасайтын шетелдік заңды тұлғалардың табыс салығының ставкасы қазақстандық заңды тұлгалардың ставкалары сияқты, яғни - 30 %.

Тұрақты мекеме арқылы Қазақстан Республикасында қызметтен алынған шетелдік заңды тұлғалардың таза табысынакорпоративтік табыс салығы 15 % ставкамен салынады.

Таза табыс дегеніміз салық салынатын табыс пен төленген корпоративтік табыс салығының айырмасы.

Салықты төлеушілер әрбір айдың 20-шы күнінен кешіктірмей ай сайын салықтық кезенде аванс түрінде төлемді бюджетке төлеуге міндетті.

Салық бойынша түпкілікті есеп айырысу, корпоравиттік табыс салығының декларациясын тапсырғаннан кейін 10 күн ішінде жүргізіледі. Төленуге тиісті аванстық төлем мөлшері алдыңғы салық кезеңінде төленген аванстық төлемдердің орташа айлық мөлшерді негізінде анықталады.

2. Жеке табыс салығы

Барлық салық түсімдеріндегі бұл салықтың бюджеттегі үлесі 11 % шамасында.

Жеке табыс салығын төлеушілер жеке тұлға мен шетелдік жеке тұлғалар болып табылады.

Салық төлем көзінен салық салынатын табыстары және төлем көздерінен салық салынбайтын табыстардан алынады.

Бірінші жағдайдағы табысқа: жұмысшылардың табысы, бір жолғы түскен батыс, жинақтаушы зейнетақы қорына зейнетақы төлемдері, сыйақы, дивиденд, ұтыс, стипендия түріндегі табыс, жинақтаушы зейнетақы шарты бойынша табыс жатады.

Төлем көзінен салық салынбайтын табысқа: мүліктік табыс, жеке кәсіпкерліккее салық салынатын табыс, адвокаттың табысы, өзге де табыстар жатады. Мүліктің табысқа кәсіпкерлік қызметке қолданылмайтын мүлікті өткізудегі қүнның өсіреді кіреді, яғни мүлікті жалға беру арқылы алынған табысты атайды.

Салық мөлшерді табыс көлеміне байланысты сатылы прогрессия түрінде, яғни 5%-дан 20% -ға дейін бекітілген.

Жеке табыс салығы бойынша жеңілдіктер, яғни Ұлы Отан соғысына қатысқандарға және мүгедектердің табысына салық салудан босату қарастырылған. Қазақстаннан тысқары жерде төленген жеке табыс салығының сомасы Қазақстанда салық төлеген кезде есепке алынады.

Резидент жеке тұлғалардың табысына Қазақстан Республиқасындағы көздерден алынған табысы, сонымен қатар Қазақстаннан тысқары жерде алған табыстары кіреді. Резидент еместердің жеке табыс салығының төлемдерін, ұстап қалуын, есептеу тәртібін, салық салынатын табысын анықтау қызметтің сипатына байланысты жүргізеледі. Резидент емес, тұрақты мекемелермен байланысы жоқ жеке тұлғалар шегерімсіз, 5%-дан 20%-ға дейінгі ставкамен төлем көздерінен түскен табыскың түріне байланысты салық төлейді.

3. Қосылған құн салығы.

Салық төлеуші бағаны көтеру арқылы салық төлеу жауапкершілігін тұтынушыға аударады.

Салық объектісі болып «Қосылған құн» табылады, ол материалдық шығынсыз өнімді білдіреді; қосымша өнімге кешенді шығындар қосылуы мүмкін, мысалы жанама шығындары және басқа да шығандар.

«Салық туралы және бюджетке төленетін міндетті төлемдер» туралы Қазақстан Республиқасының заңына сәйкес, қосылған құн салығы деп тауар айналымы мен өндіріс үдерісіне қосылған, өткізу бойынша салық салынатын айналамының, сонымен қатар Қазақстан Республиқасының аумағындағы тауар импорты бойынша құнның бір бөлігін бюджетке аударуды айтамыз. Айналым бойынша бюджектке төленуге тиісті қосылған құн салығы бұл салық салынатын, яғни, өткізілген тауарға (көрсетілген қызметке немесе орындалған жұмысқа) төлеуге тиісті ҚҚС сомасы мен өткізілген тауарларға (көрсетілген қызметке орындалған жұмысқа) есептелінген ҚҚС сомасы арасындағы айырмасы арқылы анықталады.

4. Акциздер.

Сонымен, осылайша тізімдердің көп бөлігі өнімдер мен тауарларды қамтиды, оларға бірінші қажеттіліктің заттары кірмейді. Акцизделетін тауарлардың тізімі оларға қойылатын ставка сияқты өзгертіп отырады, яғни жеке тауарлардың тұтынуды реттеу қажетімен мемлекеттің ағымды фисқалдық мақсатымен аңықталады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.