Қазақстан Республикасында кедендік ресімдеудің жеңілдетілген түрін жетілдіту

Пән: Кеден ісі
Жұмыс түрі: Дипломдық жұмыс
Тегін: Антиплагиат
Көлемі: 64 бет
Таңдаулыға:

Жоспар

Кіріспе

I. Кедендік ресімдеудің түсінігі мен жүргізілу тәртібі . . .

1. 1. Кедендік ресімдеуге қажетті құжаттар. Декларация түсінігі

1. 2. Кеден брокері және оның қызметі мен міндеттері

II. Қазақстан Республикасында кедендік ресімдеудің жеңілдетілген түрін жетілдіту

2. 1. Қазақстан Республикасындағы декларациялаудың алдын ала және мерзімдік декларациялау түрі

III. «Талдықорған» кеден бекетіндегі кедендік ресімдеу бөлімі

IV. Қорытынды

V. Қолданылған әдебиеттер

Кіріспе

Бітіру жұмысының өзектілігі. Еліміздің экономикасы тағы бір жаңа кезеңнің алдында тұр. Ол - Қазақстанның Дүниежүзілік сауда ұйымына қосылу кезеңі. Елбасы Н. Назарбаев бірнеше ресми мәліметтерінде, әсіресе Д. Ахметов бастаған жаңа Үкіметтің міндеттеріне тоқталғанда еліміздің бәсекеге қабілетті 50 мемлекеттің бірі болу стратегиялық саясатының бір құралы ретінде ДСҰ-на кіру және аталмыш ұйымға кіру мәселесіне жауапты қарап, жан-жақты дайындық, соның ішінде кеден саласында анрайы дайындық қажет екенін атап өтті. Құрылғанына 59 жыл толған (ГАТТ, 1947ж) . Қазіргі таңда 146 мемлекет мүше болып отырған Дүниежүзілік сауда ұйымының ережелері біздің қалыптасқан ұлттық экономикалық кеңістігімізге әрқилы әсер тигізері ешбір күмәнсіз. Оны осы ұйымға кірген көптеген елдердің тәжірибесінен байқауға болады. Ұтқандар да бар, ал ұтылған мемлекеттердің де саны аз емес.

Бұдан бізге осы ұйымға қосылу керек пе деген сұрақ тумайды. Бүкіл әлем елдерінің 75 пайыздан астамы мүше болып отырған осындай халықаралық бірлестіктен тыс қалу біздің еліміздің жүргізіп отырған саясатымызға жатпайды. Біз ашық сауданы барынша ынталандыру негізінде, нарықтық экономика жүйесін қалыптастырып жатқан елміз. Және де аталмыш ұйымға Шығыстан Қытай кірді, Оңтүстіктен бауырымыз қырғыздар кірді. Ал мынау Солтүстіктегі көршіміз Ресей кірген кезде біз қалыс қаруға тиіс емеспіз. (Мұнда біздің еліміздің кеден заңдарының Ресеймен 50 пайыз ұқсастығын айта кеткен дұрыс шығар) . ДСҰ-на енуде «Кеден - елдің экономикалық шекарасы» дегендей, кеден ісі қызметінің маңызы зор. Дүниежүзілік кеден ұйымының төрағасы Мишель Дане мырза «Кеден елдің экономикасының құлдырауы мен кереметтей гүлденуіне тікелей себепші бола алады» - деген. Әлемдік сауданың отынын көсеп, сорпасын сапырған тәжірибелі маманның осы сөзі кеден қызметінің мәнін кереметтей ашып бергендей.

Маңыздылығына тоқталсақ, кеден ісі қызметінің маңыздылығы сонау ертеден бастау алады. «Таможня» сөзі көне түріктің «тамға», яғни әміршінің белгісі немесе таңбасы деген сөзден шыққан. Ал «кеден» сөзі көне қазақшадан аударғанда шекарадағы талас деген мағынаны береді екен.

Қазіргі Қазақстан территориясында алғашқы кедендік алымдар сақтар ханшайымы Томиристің хандығында алынып басталыпты. Кеден ісінің маңыздылығы Ұлы Жібек жолы кезеңінде арта түсті.

Ұлы Жібек жолының негізгі жолдарын Қазақстанның Тараз, Отырар, Түркістан, Сығанақ сияқты қалалары алып жатты. Аталған қалалар кедендік алымдардың орталығы болып есептелінді. Ал Алтын Орда дәуірінде кедендік салықтың 150-дей түрі болды. Осы кезде кеденшілердің дәрежесі жоғары болды. Және қазынаға түстін кірістің 80 пайызы кедендік алымнан түсіп отырды.

Қазіргі таңда да үкімет қазынасы кірісінің көр бөлігін кедендік төлемдер мен салықтар құрап отыр.

Бітіру жұмысының мақсаты ӘСҰ-на өту кезеңіндегі шетелдік тәжірибені қарастырып сәйкесінше Қазақстанға бейімдеу арқылы мүмкін мәселелерді анықтау мен қатар оны шешудің жолдары бойыша ұсыныстар құру. Осы мақсатқа жету үшін төмендегідей міндеттер алға қойылды:

- Кеден саясаты, кеден ісінің мақсаты, міндеті және принциптерін талдау;

- Кеден ісін ұйымдастыру аспектілерін қарастыру бойынша ұсыныстар құру. Біз үлкен бір кезеңнің алдында тұрмыз. Біздің жүргізген кеден саясатымызбен еліміздің экономикасының өсуі мен дағдарысқа ұшырауы тікелей байланысты. Дүниежүзілік сауда ұйымының тек қана заңдары 400 парақ, ал ережелері, анықтамалары, түсініктемелері 22000 парақ.

I. Кедендік ресімдеудің түсінігі мен жүргізілу тәртібі

Кедендік ресімдеу кеден кодексте және соған сәйкес қабылданатын кеден ісі саласындағы нормативтік құқықтық актілерде айқындалатын тәртіппен жүргізіледі. Қазақстан Республикасының халықаралық шарттарына сәйкес кедендік ресімдеуді оңайлату және жеделдету мақсатында басқа мемлекеттердің кедендік ресімдеу үшін пайдаланылатын кедендік құжаттары қолданылуы мүмкін.

Кедендік ресімдеуді жүргізудің тәртібі мен технологиясы мыналарға:

1) Қазақстан Республикасының кедендік шекарасы арқылы өткізілетін тауарлардың санаттарына;

2) Осындай өткізу үшін пайдаланылатын көлік түріне;

3) тауарларды өткізетін тұлғаларға байланысты сараланған.

Кедендік ресімдер тауарлар шығарылатын, жөнелтілетін және жеткізілетін елге қарамастан бірдей қолданылады.

Тауарлар мен көлік құралдарын кедендік ресімдеу - кедендік шекарасы арқылы өткізілетін тауарлар мен көлік құралдарына қатысты құжаттарды кеден органына берген немесе тұлғаның ауызша мәлімдеуі не кедендік ресімдеуді жүзеге асыру ниетін куәландыратын өзге де іс-әрекеттер жасаған кезінен басталады. Ветеринариялық, фитосанитарлық және мемлекеттік бақылаудың басқа да түрлеріне қатысты кедендік ресімдеу осындай бақылауды жүзеге асыратын тиісті уәкілетті мемлекеттік органдармен келіскеннен кейін ғана аяқталуы мүмкін. Кедендік ресімдеу тауарларды кедендік режимге орналастыру үшін қажетті кедендік операциялар жасағаннан кейін, сондай-ақ кедендік төлемдер және салықтар есептелік, өндіріліп алынғаннан кейін аяқталады.

Тауарлар мен көлік құралдарын декларациялау және оларды белгілі бір кедендік режимге орналастыру бойынша іс-әрекет негізгі кедендік ресімдеу деп танылады. Тауарларды негізгі кедендік ресімдеу жөніндегі кедендік операциялар кеден органдары орналасқан жерде және олардың жұмыс уақытында жасалады. Декларанттың дәлелді сұрауы бойынша тауарларды негізгі кедендік ресімдеу жөніндегі кедендік операциялар кеден органдары орналасқан жерден тыс және олардың жұмыс уақытынан тыс жасалуы мүмкін. Тауарларды алушы, жіберуші не олардың құрылымдық бөлімшелері тіркелген кеден органының қызметі аймағынан тыс жерде тауарларды негізгі кедендік ресімдеу жүзеге асырылған кезде декларант басқа кеден органының қызмет аймағында кедендік операциялардың жасалғаны туралы хабарлама беруге міндетті. Хабарлама берілген кезінен бастап төрт сағаттан аспайтын мерзімде кеден органында тіркелуге тиіс. Хабарламаны тіркеу нысаны мен тәртібін кеден ісі мәселелері жөніндегі уәкілетті орган белгілейді.

Қазақстан Республикасының кедендік аумағына табиғи зілзаланың, авариялардың, апаттардың зардаптарын жоюға қажетті тауарларды, сондай-ақ тез бұзылатын тауарларды, тірі жануарларды, радиоактивті материалдарды, жарылғыш заттарды, бұқаралық ақпарат мақсаты үшін хабарламалар мен материалдарды және осы тектес тауарларды әкелу және осы аумақтан әкету кезінде ресімдеу басым тәртіпте жүргізіледі. Кеден брокері ретіндегі қызметті жүзеге асыруға лицензиясы бар мамандандырылған көлік-экспедициялық ұйымдар жетпіс екі сағат ішінде алушыға дейін жеткізу мақсатында көліктің кез келген түрімен өткізілетін тауарлар экспресс-жүк деп танылады. Кедендік ресімдеудің басым тәртібінде жүктің толық кедендік декларациясын кеден органына кейіннен бере отырып, уақытша кедендік декларация ретінде қаралатын өтініш және тауардың ілеспе құжаттары берілуі көзделеді. Өтініште тауарларды жіберушілер мен алушылар, тауарлар жіберетін және жеткізілетін елдер туралы мәліметтер, тауарлардың атауы, сипаты, саны, брутто салмағы және құны, тауарларды пайдалану мақсаты туралы, сондай-ақ, мәлімделетін тауарларды орналастыру болжанатын кедендік режим туралы мәлімет, жүктің кедендік декларациясын, кедендік мақсат үшін қажетті құжаттар мен мәліметтерді белгіленген мерзімде беру туралы міндеттеме болуға тиіс. Жүктің толық кедендік декларациясы тауарлардың шартты шығу күнінен бастап күнтізбелік отыз күннен кешіктірілмей кеден органына беріледі. Кедендік ресімдеу кезінде декларанттың өтініші мен тауарлардың ілеспе құжаттарын кеден органы тіркеген күні қолданыста болған нормативтік құқықтық актілер қолданылады. Кедендік төлемдер және салықтар салынатын тауарлар кедендік төлемдердің және салықтардың төленуі қамтамасыз етілген жағдайда ғана басым тәртіппен ресімделеді.

Кедендік ресімдеуді жетілдіру мақсатында кеден ісі жөніндегі уәкілетті орган тауарлар мен көлік құралдарын бірдейлендіру үшін қажетті мәліметтердің ең аз көлемі берілген кезде тауарлар мен көлік құралын шығаруды көздейтін, тауарлар мен көлік құралдарын ресімдеудің оңайлатылған тәртібі белгіленеді.

Алдын ала жүргізілетін операцияларға негізгі кедендік ресімдеу және тауарлар мен көлік құралдарын белгілі бір кеден режиміне орналастыру алдындағы кеден ісіне қатысты барлық іс-әрекеттер жатады. Алдын ала жүргізілетін операциялар тауарлар мен көлік құралдарын негізгі кедендік ресімдеуді және оларды белгілі бір кеден режиміне орналастыруды жеңілдетуге және тездетуге тиіс. Алдын ала жүргізілетін операциялар кезінде Қазақстан Республикасының кеден органдары әкелу мен әкетуге тыйым салынған тауарлар мен көлік құралдарын Қазақстан Республикасына әкелуге және Қазақстан Республикасынан әкетуге жол бермеуге, сондай-ақ кеден мақсаты үшін тауарлар мен көлік құралдарын теңдестіруге бағытталған алдын ала кедендік ресімдеу жүргізіледі. Тауарлар мен көлік құралдарын Қазақстан Республикасының кеден аумағына әкелген кезде, сондай-ақ тауарлар мен көлік құралдарын еркін экономикалық аймақтар мен еркін қоймалар аумағынан Қазақстан Республикасының кеден шекарасынан өткендігі туралы Қазақстан Республикасының кеден органына хабардар етеді. Тауарлар мен көлік құралдарын Қазақстан Республикасының кеден аумағынан тысқары жерлерге әкеткен кезде тауарлар мен көлік құралдарын өткізуші тұлға осы тауарлар мен көлік құралдарын әкету ниеті туралы

Қазақстан Республикасының кеден органдарын хабардар етеді. Қазақстан Республикасының кеден органдары мұндай хабарларды тіркейді және одан әрі кедендік ресімдеуді жүзеге асыру үшін тауарлар мен көлік құралдары келуге тиіс уақыт пен орынды тағайындайды. Егер тауарларды өткізуші тұлға осылайша хабардар етпейтін болса, онда мұндай міндет тасымалдаушыға жүктеледі. Тауарларды, көлік құралын және олардың құжаттарын жеткізу құралдарының, белгіленген сапар бағыты мүмкіндіктері мен тасымалдың басқа да шарттарын негізге ала отырып, Қазақстан Республикасының кеден органы айқындаған мерзімдерде, бірақ айына екі мың километр есебімен белгіленген шекті мерзімнен асырмай жүргізуге тиіс.

Тасымалдаушы оның көлік құралы осы заңның ережелерінің сақталуына кепілдік бере алмайды деп санауға Қазақстан Республикасы кеден органының негіздері болған жағдайда Қазақстан Республикасының кеден органы тауарлар мен олардың құжаттарының көлік құралы тиісінше жабдықталған кедендік алып жүру болған жағдайда ғана тасымалын жүргізуін белгілеуге құқылы. Тасымалдаушының көлік құралы тиісінше жабдықтауға кеткен шығынын Қазақстан Республикасының кеден органы өтемейді. Аталған құралдарды пайдалану мүмкіндігі болмайтын реттерде тауарлар мен олардың құжаттарын тасымалдауға депозитке тиесілі саланы енгізуді қоса кеден бажы мен салықтарының төленуі қамтамасыз етілген жағдайда беріледі. Жеткізілген жерінде тауарлар мен көлік құралдары Қазақстан Республикасының кеден органына ұсынылады, ал олардың құжаттары соған табыс етіледі. Ұсыну тауарлар мен көлік құралдарының келгені туралы олар келгеннен кейін бір тәуліктен кешіктірілмей хабарлама беруден көрінеді. Тауарларға қатысты өкілеттігі бар тұлғалар мен олардың өкілдері Қазақстан Республикасы кеден органының рұқсатымен тауарларды ұсынғаннан кейін кеден құжаттарын ресімдеу мақсатында тауарлардың сынамалары мен үлгілерін алуы мүмкін, сонымен қатар кеден лабораторияларымен бірлесе отырып, оларға зерттеу жүргізуге құқылы.

Тауарлардың сынамалары мен үлгілерін осындай алу кезінде куәлар қатысады. Тауарлардың сынамалары мен үлгілерін алу тәртібін, оларды зерттеу мерзімдері мен тәртібін, сондай-ақ оларға иелік ету тәртібін Қазақстан Республикасының орталық кеден органы белгілейді.

Кедендік ресімдеудің рәсімі алдын ала жасалатын операциялардан және негізгі кедендік ресімдеуден тұрады.

1. Алдын-ала жасалатын операциялар.

Алдын-ала жасалатын операциялардың мақсаты тауарлар мен транспорттық көлік құралдарын белгілі бір кеден режиміне орналастыру және негізгі кедендік ресімдеуді тездету мен жеңілдету болып табылады.

Алдын-ала жасалатын операциялар кезінде лауазымды тұлғалар мынадай кедендік ресімдеуді жүргізеді:

1) Қазақстан Республикасының кеден территориясынан әкелінген тауарларды қабылдау;

2) Қазақстан Республикасының кеден территориясынан тауарлар мен транспорттық көлік құралдарын әкету кезіндегі ресім;

3) кеден бақылауындағы тауарларды жеткізу ережесіне сәйкес тауар жеткізуін ресімдеу;

4) тауарлар мен транспорттық көлік құралдарын уақытша сақтау қоймасына ресімдеу және бақылау;

5) қысқаша декларацияны қабылдау;

6) тауарлардың сынамалары мен үлгілрін алу;

7) ресімделген құжаттарды лауазымды тұлғаларға беру.

Автокөлік транспортымен әкелінген тауарларды шекаралық және транспорттық бақылаудан өткеннен кейін мынадай алдын-ала операцияларға кіретін әрекеттер жасалады:

1) Қазақстан республикасының кеден шекарасында, кеден мақсаты үшін қажетті құжаттарды тексеру мен ресімдеу;

2) барлық транспорттық көлік құралдарымен тасымалданатын тауарлардың аты, салмағы, саны, құны туралы құжаттарды көрсету;

3) транспорттық көлік құралдарын тексеру;

4) Қазақстан Республикасының заңымен бекітілген тәртіпке сәйкес тауарлардың сынамалары мен үлгілерін алу.

2. Негізгі кедендік ресімдеу.

Негізгі кедендік ресімдеудің мақсаты тауарлар мен транспорттық көлік құралдарын белгілі бір кеден режиміне орналастыру, сонымен қатар орналастырылған режимге сәйкес тауарларды шығару және осы режимге сәйкес әрекетті аяқтау болып табылады. Негізгі кедендік ресімдер тауар алушының немесе жіберушінің қызмет аймағында, кеден аймағында жүргізіледі. Негізгі кедендік ресімдеу бес сатыдан тұрады:

1) кеден декларациясын қабылдау, тіркеу сатысы;

2) Ішкі экономикалық қызметтің тауар номенклатурасына сәйкес тауарлардың шыққан елінің кодын дұрыс анықтауды бақылау және тарифтік емес реттеу шараларын орындау сатысы;

3) кедендік құнды және валюталық бақылау сатысы;

4) кедендік төлемдерді бақылау сатысы;

5) тексеру және шығару сатысы.

1. Кедендік декларацияны қабылдау.

Кедендік декларацияларды қабылдау, тіркеу сатысында Қазақстан Республикасының кеден органына міндетті түрде көрсетілетін қажетті құжаттар мен декларацияны қабылдау, сонымен қатар электрондық кеден декларациясының көшірмесін тексеру және барлық декларацияларға номер қою жатады.

2. Тауарлардың кодын анықтау және тарифтік емес реттеу шараларының сақталуына бақылау.

Бұл сатыда Ішкі экономикалық қызметінің тауар номенклатурасы бойынша тауар кодын, шығу елін дұрыс анықтауға бақылау жүргізіледі, сонымен қатар тауарлардың шығу еліне анықтайтын құжаттар мен мәліметтерді тексеру, тауарларды белгілі бір кеден режиміне сәйкес

орналастыруда қойылатын талаптардың сақталуына бақылау жасау.

3. Кедендік құнды бақылау және валюталық бақылау.

Бұл сатыда мына әрекеттер жасалады:

- валюталық заңдылықтың талаптарына сәйкес жүргізілетін ішкісауда келісім шарттары мен құжаттарын тексеру;

- валюталық бақылауды жүзеге асыруда көрсетілетін кеден декларациясындағы мәліметтердің сәйкестігін тексеру;

- кедендік ресімдеу кезінде тауардың кедендік құнын анықтайтын құжаттардың дұрыстығын тексеру;

- уақытша тауар бағасы.

4. Кеден төлемдеріне бақылау.

Бұл сатыда мына тексерулер жұргізіледі:

- кедендік төлемдерді және кедендік берешекті төлеуде тұлғалардың жауапкершілігін;

- тарифтік және кедендік жеңілдіктер мен преференциялардың негізділігіне;

- декларанттың бақылауымен бекітілген мерзімде кедендік декларацияны тапсыру;

- кеден төлемдерін есептеудің дұрыстығын.

5. Тауарларды тексеру және шығару сатысы.

Бұл сатыда мына әрекеттер жүргізіледі:

- жүкті қарап шығу тапсырысы негізінде тексеру;

- тексеру нәтижесі кедендік тексеру актісінде көрсетіледі, қажет болған жағдайда кедендік тексеру актісінің қосымша бетінде көрсетіледі;

- тауарлар мен көлік құралдарының шығуы мүмкін емес немесе шыққаны туралы шешім қабылдау жолымен кедендік ресімдеудің аяқталуы.

Қажетті тексерулер алдыңғы кедендік ресімдеу сатысында қабылдана береді. Бұл жағдайда, лауазымды тұлға кеден декларациясына “тексерілді” деген белгі қойып, тексеріс шешімін тауарды шығаруға жауапты тұлғаға хабарлайды. Кеден декларациясын тексеру, құжаттар мен тауарларды тексеру кеден органдарымен кеден декларациясын қабылдағаннан кейін үш күннің ішінде жүзеге асырылады. Тауарларды шығару туралы шешім қабылданғаннан кейін қүктің кедендік декларациясында “шығаруға рұқсат етіледі” деген белгі қойылады. Егерде ресімдеу кезінде тауардың шығуы мүмкін болмаған жағдайда “тексерілді” сонымен қатар “шығаруға рұқсат етілмейді” деген белгі қойылып, оның қысқаша себебі көрсетіледі.

Тауарларды шығармау туралы шешімді кеден ресімдеу бөлімінің бастығы мен оның орынбасары қабылдайды.

1. 1. Кедендік ресімдеу үшін қажетті құжаттар мен декларация түсінігі.

Кедендік ресімдеуді жүзеге асыру үшін тауарлар мен транспорттық көлік құралдарын алып өтуші тұлғалар және кеден органдарына құжаттар мен мәліметтерді мәлімдеуші декларанттар Қазақстан Республикасының Кедендік бақылау агенттігінің нормативтік актілеріне бекітілген құжаттар тізімін және тәртібін көрсетуге міндетті. Кедендік ресімдеуге қажетті құжаттар тізімі көбінесе тауарлардың әкелуіне немесе әкетілуіне, таңдалған кеден режиміне, сонымен қатар сыртқы экономикалық қызметінің тауар номенклатурасы бойынша тауар кодына байланысты болады.

Кедендік ресімдеуге қажетті құжаттар тізімі:

1) Ресімделетін тауардың коммерциялық құжаты:

- сату-сатыпалу туралы келісім шарт;

- айырбас келісім шарты;

- шақыру;

- хат (гуманитарлық көмек) .

2) Тауардың құнын айқындайтын құжаттар:

- тауар партиясының шот фактурасы;

- спецификация (өзіндік құн)

Транспорттық тауар құжаттары:

- коносамент (капитан қолхаты) ;

- тауарды буып-тию қағазы;

- қол жүгімен жүкті жеткізудегі қол жүгінің тізімі;

- қол жүгінің квитанциясы;

-жүкті тиеу актісі;

- халықаралық автомобиль жүк құжаттамасы;

- әуе жүк құжаттамасы;

- темір жол жүк құжаттамасы.

Тауарларды кеден органына жеткізгенде жасалатын кедендік

ресімдеуге қажетті құжаттар:

- банк кепілдігі;

- уақытша декларация.

Тауарларды жеткізуді бақылау құжаттары:

а) ішкі тауар транзитінің декларациясы;

б) МДП кітапшасы (CARNEТ TIR) ;

в) кеден тасымалдаушысының тіркеу карточкасы мен лицензиясы.

Кеден төлемдерін төлегендігін айқындайтын құжаттар:

- төлемақы тапсырысы;

- төлемді аудару туралы арыз;

- квитанция.

Керекті жағдайда тауардың шыққан елі туралы сертификат:

- ТМД мемлекеттерінің кеден территориясынан тауардың шыққандығын айқындайтын “СТ-1” нысаны бойынша тауардың шыққан елі туралы сертификат;

- “А” нысаны бойынша тауарды дамушы және дамыған мемлекеттен шыққандығын айқындайтын құжаттар.

Тауарды жіберуші мен алушының арасындағы есептеуді айқындайтын құжаттар:

- егер төлемдер келісім шарт бойынша Қазақстан Республикасының валютасымен өндірілсе - төлемақы тапсырысы;

- егер төлемдер келісім шарт бойынша шетел валютасымен өндірілсе - төлемді аудару туралы арыз.

Барлық көрсетілген құжаттар негіздемесі ретінде немесе көшірмесі түрінде берілуі тиіс Қазақстан Республикасының кеден органдарының келісімімен көрсетілген құжаттар кеден органдарының лауазымды тұлғалары игерген шетел тілімен жасалуы мүмкін.

Декларация дегеніміздің өзі - Қазақстан Республикасының кедендік шекарасы арқылы өткізілетін және кедендік бақылаудағы тауарлар мен көлік құралдары туралы мәліметтерді мәлімдеуді айтамыз.

Декларациялау кеден органына тауарлар туралы, олардың кедендік режимі туралы дұрыс мәліметтерді және кедендік мақсаттар үшін қажетті басқа да мәліметтерді белгілеген нысан бойынша жазбаша, ауызша, электрондық мәлімдеу жолымен жүргізіледі. Кедендік декларацияда көрсетілуге тиіс мәліметтер тізбесі кедендік төлемдерді және салықтарды есептеу және алу, кедендік статистикасы қалыптастыру және Қазақстан республикасының кеден заңдарын қолдану мақсаттары үшін қажетті мәліметтермен ғана шектеледі.

Тауарларды декларациялау кезінде кедендік декларациялардың мынадай түрлері қолданылады:

1) жүктің кедендік декларациясы;

2) жолаушының кедендік декларациясы.

Жүктің кедендік декларациясы - декларант беретін және тауарлар мен көлік құралдары туралы, олардың кедендік режимі туралы мәліметтерді және кедендік мақсат үшін қажетті басқа да мәліметтерді қамтитын құжат. Жүктің кедендік декларациясы мынадай жағдайларда, егер:

1) тауардың декларацияланатын легінің кедендік құны тиісті қаржы жылына арналған республикалық бюджет туралы заңда белгіленген тоқсан айлық есептік көрсеткіштен асса;

2) тауарларға қатысты тарифтік емес реттеу шаралары белгіленсе.

... жалғасы

Сіз бұл жұмысты біздің қосымшамыз арқылы толығымен тегін көре аласыз.