Еуразиялық экономикалық комиссия ЕАЭО-тың атқарушы органы ретінде

Жұмыс түрі: Реферат
Тегін: Антиплагиат
Көлемі: 11 бет
Таңдаулыға:

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТІРЛІГІ ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

СӨЖ

Тақырыбы: Еуразиялық экономикалық комиссия ЕАЭО-тың атқарушы органы ретінде

Орындаған: Иргебекова Ф.Б.-сырттай бөлім,3-курс
Тексерген: Адилгазы Серикхан

Алматы 2017ж

МАЗМҰНЫ:
1. КІРІСПЕ
2. НЕГІЗГІ БӨЛІМ
2.1. Еуразиялық экономикалық комиссияның қызметі және өкілеттілігі;
2.2. Комиссялық кеңес және комиссия алқа;
3. ҚОРЫТЫНДЫ
4. ҚОЛДАНЫЛҒАН ӘДЕБИЕТТЕР ТІЗІМІ

КІРІСПЕ
Еуразиялық экономикалық комиссия (ЕЭК) - Еуразиялық экономикалық одақтың тұрақты әрекет ететін реттеуші органы. 2012 жылғы 2 ақпаннан бастап әрекет етуін бастаған.
Еуразиялық экономикалық комиссияның негізгі мақсаты - ЕАЭО әрекет етуінің және дамуының шарттарын қамтамасыз ету, одан әрі интеграция саласындағы ұсыныстарды әзірлеу.
Қазіргі уақытта ЕЭК құрамында бес ел ұсынылып отыр: Армения Республикасы, Беларусь Республикасы, Қазақстан Республикасы, Қырғыз Республикасы және Ресей Федерациясы. ЕЭК басқарудың ұлттық органы ретіндегі мәртебеге ие және кез келген ұлттық үкіметтердің мүделерін өз шешімі ретінде айғақтамай, өз төңірегінде еуразиялық экономикалық интеграция жобасында жалпы мүше мемлекеттердің мүдделерін басшылыққа алады. Комиссияның шешімдері ЕАЭО мүше мемлекеттердің аумақтарында орындалуға міндетті болады.
ЕЭК құру жайлы шешімнің негізінде төрт мемлекет бірге жаһандағы тұрақсыздықтың жағымсыз салдарын төмендетіп қана қоймай, сонымен бірге, сыртқы нарықта өздерін белсенді танытатындығын ұғынуы жатыр. Еуразиялық экономикалық одақ бірлестіктің мақсаттарын қолдайтын және талап етілген міндеттемелерді қабылдауға дайын басқа да, мемлекеттерді қабылдауға ашық.
Комиссияның аса маңызды артықшылығы - барлық қабылданған шешімдердің алқалы негізде қабылданатындығында. Еуразиялық экономикалық комиссияның Алқасы 10 мүшеден (әр мүше мемлекеттен Комиссияның 2 Алқа Мүшесінен (Министрден) тұрады, соның ішіндегі біреуі Комиссия Алқасының Төрағасы болып табылады.
Алқаның Төрағасы және Алқаның өкілеттіктерін ықтималды түрде ұзарта отырып мемлекет басшыларының деңгейінде Жоғары Еуразиялық экономикалық кенестің шешімімен 4 жылға тағайындалады. Алқа дауыс беру арқылы шешім қабылдайды.
ЕЭК қызметі Алқа мүшелері (Министрлер) жетекшілік ететін функционалдық бағыттар бойынша құрылған. Әрбір бағыт салалардан құралған блоктан және экономикалық қызметтің саласын ұсынады. Алқа мүшелері мен ЕЭК департаменттері өз қызмет бағыттарының шеңберінде уәкілетті ұлттық билік органдарымен өзара әрекеттесіп отырады.
Қазіргі сәтте ЕЭК құрылымында 23 департамент әрекет етеді. Олардың қарамағында ЕЭК Алқасына ұсыныстарды әзірлеу және уәкілетті ұлттық билік органдары өкілдерімен консультациялар жүргізу мақсатымен 20 Консультативтік комитет құрылды. Өздерінің қызмет бағыттарына сәйкес Алқа мүшелері (Министрлер) комитеттердің төрағалары болып табылады.
Өз жұмысында Комиссия негізгі серіктестермен жан-жақты диалогтар жүргізуді қолдап отырады. Диалогтың алғашқы деңгейі - мемлекетаралық, шешімдерді әзірлеу және қабылдау үдерісінде ұлттық билік органдарымен тиімді өзара әрекеттесудің құрылуын көздейтін деңгей. Диалогтың екінші деңгейі - бизнес-қоғамдастықпен жұмыс жасаудың тікелей нысаны.
ЕЭК қызметінің негізгі кәсіби қағидаттары - саясатқа кірістірмеу, мүдделер тепе-теңдігі, тиімділік және айқындық болып табылады.
ЕЭК еуразиялық қоғамдастықтың қызметін ұсыну және еуропалық әрі азия-тынық мұхиты аймақтарындағы негізгі серіктестерді интеграциялық үдерістерге кірістіру мақсатымен халықаралық аренадағы белсенді көзқарасын ұстанып отыр.

2.1. Еуразиялық экономикалық комиссияның қызметі және өкілеттілігі;
Комиссияның негізгі міндеттері Еуразиялық экономикалық одақтың жұмыс істеу және даму жағдайларын қамтамасыз ету, сондай-ақ Еуразиялық экономикалық одақ шеңберіндегі экономикалық интеграция саласында ұсыныстар әзірлеу болып табылады.
Комиссия өз қызметін:
1) өзара пайданы, тең құқықты және мүше мемлекеттердің ұлттық мүдделерін есеп алуды қамтамасыз ету;
2) қабылданатын шешімдердің экономикалық негізділігі;
3) ашықтық, жариялылық және объективтілік қағидаттары негізінде жүзеге асырады.
3. Комиссия өз қызметін осы Шартта және Одақ шеңберіндегі халықаралық шарттарда көзделген өкілеттіктер шегінде:
1) кедендік-тарифтік және тарифтік емес реттеу;
2) кедендік реттеу;
3) техникалық реттеу;
4) санитариялық, ветеринариялық-санитариялық және фитосанитариялық шаралар;
5) кедендік әкелу баждарын есепке алу және бөлу;
6) үшінші елдерге қатысты сауда режимдерін белгілеу;
7) сыртқы және өзара сауда статистикасы;
8) макроэкономикалық саясат;
9) бәсекелестік саясаты;
10) өнеркәсіптік және ауылшаруашылық субсидиялары;
11) энергетикалық саясат;
12) табиғи монополиялар;
13) мемлекеттік және (немесе) муниципалдық сатып алу;
14) көрсетілетін қызметтердің өзара саудасы және инвестициялар;
15) көлік және тасымалдау;
16) валюта саясаты;
17) зияткерлік қызмет нәтижелерін және тауарларды, жұмыстарды және көрсетілетін қызметтерді дараландыру құралдарын күзету және қорғау;
18) еңбек көші-қоны;
19) қаржы нарықтары (банк саласы, сақтандыру саласы, валюта нарығы, бағалы қағаздар нарығы);
20) Шартта және Одақ шеңберіндегі халықаралық шарттарда айқындалған өзге де салаларда жүзеге асырады.
Комиссия өз өкілеттіктерінің шегінде Одақ құқығын құрайтын халықаралық шарттардың іске асырылуын қамтамасыз етеді.
Комиссия Одақ шеңберіндегі халықаралық шарттардың, Жоғары кеңес пен Үкіметаралық кеңес шешімдерінің депозитарийі функцияларын атқарады.
Жоғары кеңес Комиссияға Комиссияның құзыретіне кіретін мәселелер бойынша халықаралық шарттарға қол қою құқығын беруі мүмкін.
Еуразиялық экономикалық одақтың тиімді жұмыс істеуін қамтамасыз ету мақсатында және шешімдер қабылдау Комиссияның құзыретіне жататын жекелеген мәселелер бойынша консультациялар өткізу үшін Комиссия консультациялық органдар құруға құқылы.
Комиссия өзі қарайтын мәселелер бойынша Тараптардың позициясын сұратуға құқылы. Позицияны беру туралы сауал Тараптардың үкіметтеріне жіберіледі. Комиссияның мүше мемлекеттердің атқарушы билік органдарынан, заңды және жеке тұлғаларынан Комиссияның өз өкілеттіктерін жүзеге асыру үшін қажетті ақпаратты сұратуға да құқығы бар. Құпия ақпаратты қамтитын сұрауларды қоспағанда, Комиссияның заңды және жеке тұлғалардың мекенжайына жіберген сұрауларының көшірмелері бір мезгілде мүше мемлекеттің уәкілетті органына жолданады. Егер Шартта өзгеше белгіленбесе, позицияны немесе ақпаратты беру туралы сауалды Комиссияның атынан Комиссия Алқасының төрағасы немесе мүшесі жібереді.
Тараптардың атқарушы билік органдары олардан сұратылған ақпаратты өз мемлекетінің заңнамасына сәйкес мемлекеттік құпияға жатқызылған мәліметтерді немесе таратылуы шектеулі мәліметтерді қамтымайтын ақпарат болған жағдайда, оны Регламентте белгіленген мерзімде беруді қамтамасыз етеді.
Мүше мемлекеттердің заңнамасына сәйкес мемлекеттік құпияға немесе таратылуы шектеулі мәліметтерге жатқызылған ақпаратты алмасу тәртібі Одақ шеңберіндегі жекелеген халықаралық шарттарда белгіленеді.
Комиссия Одақтың бюджетін құрастыруға және оның орындалуы туралы есепті дайындауға жауапты, Комиссияның бюджеттік сметасы қаражатына билік жүргізуші болып табылады.
Комиссия заңды тұлға құқығын пайдаланады.
Комиссия Комиссия Кеңесінен және Комиссия Алқасынан тұрады. Комиссия Кеңесі және Комиссия Алқасы қызметінің тәртібі Жоғары кеңес бекітетін Еуразия экономикалық комиссиясының жұмыс регламентімен (бұдан әрі - Регламент) реттеледі.
Комиссия Кеңесі құрылымдық бөлімшелер (бұдан әрі - Комиссия департаменттері) құруға құқылы.
Комиссия өз өкілеттіктері шегінде нормативтік құқықтық сипаттағы және мүше мемлекеттер үшін міндетті шешімдерді, ұйымдастыру-өкімші сипаттағы өкімдерді және міндетті емес сипаттағы ұсынымдарды қабылдайды.
Комиссия шешімдері Одақ құқығына кіреді және мүше мемлекеттердің аумағында тікелей қолданылады.
Комиссияның шешімдерін, өкімдері мен ұсынымдарын Шартта белгіленген өкілеттіктер шегінде және Шарт пен Регламентте көзделген тәртіппен Комиссия Кеңесі және Комиссия Алқасы қабылдайды.
Комиссия Кеңесі мен Комиссия Алқасының өкілеттіктері мен функцияларын ажырату Регламентте айқындалады.
Комиссияның кәсіпкерлік қызметпен айналысу шарттарына әсер етуі мүмкін шешімдері осындай шешім жобаларының реттеуші әсерін бағалау жүргізу нәтижелері ескеріле отырып қабылданады.
Комиссияның көрсетілген шешімдері жобаларының реттеуші әсерін бағалау рәсімін өткізу тәртібі Регламентте айқындалады.
Егер Шартта және Одақ шеңберіндегі халықаралық шарттарда өзгеше көзделмесе, Комиссия шешімдері ресми жарияланған күнінен бастап кемінде күнтізбелік 30 күн өткен соң күшіне енеді.
2.2. Комисся Кеңесі және Комиссия Алқасы;
Комиссия Кеңесі-Еуразиялық экономикалық одақтағы интеграциялық процестерді жалпы реттеуді, сондай-ақ Комиссия қызметіне жалпы басшылық жасауды жүзеге асырады.
Комиссия Кеңесіне әрбір мүше мемлекеттен өз мемлекетінің заңнамасына сәйкес қажетті өкілеттіктер берілген үкімет басшысының орынбасары болып табылатын бір-бір өкіл кіреді.
Мүше мемлекеттер Комиссия Кеңесіндегі өкілі туралы бірін-бірі, сондай-ақ Комиссия Алқасын Регламентте белгіленген тәртіппен хабардар етеді.
Комиссия Кеңесі мынадай функциялар мен өкілеттіктерді жүзеге асырады:
Комиссия қол қоятын халықаралық шарттардың жобаларын Жоғары кеңестің мақұлдауына енгізеді;
Еуразиялық экономикалық одақтың қызметін құқықтық реттеуді жетілдіру жұмыстарын ұйымдастырады;
Еуразиялық экономикалық одақ шеңберіндегі интеграцияның негізгі бағыттарын Жоғары кеңестің бекітуіне енгізеді;
Одақ құқығын құрайтын халықаралық шарттардың орындалуына мониторинг және бақылау жүргізу туралы мәселені қарайды; Үкіметаралық ... жалғасы

Сіз бұл жұмысты біздің қосымшамыз арқылы толығымен тегін көре аласыз.