Жаңа тұрпатты жаңғырудың ең басты шарты - сол ұлттық кодыңды сақтай білу

Жұмыс түрі: Реферат
Тегін: Антиплагиат
Көлемі: 3 бет
Таңдаулыға:

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ СЕМЕЙ ҚАЛАСЫНЫҢ ШӘКӘРІМ АТЫНДАҒЫ

МЕМЛЕКЕТТІК УНИВЕРСИТЕТІ

Инженерлік-технологиялық факультет

(факультет атауы)

Техникалық физика және жылуэнергетика

(кафедраның атауы)

5В071700- «Жылуэнергетика»

(шифр, мамандықтың атауы)

СӨЖ

Мәңгілік ел

(пән аты)

Орындаған: Тексерген:

ТЭ-701 тобының студенті: Камиева К. Р.

Асанова Н. А.

Семей

2017 ж.

Эссе

Ұлттық код дегеніміз не

және оны сақтау не үшін қажет?

Қазіргі таңда мемлекетіміздің басты мақсаты - мәңгілік ел болу, әлемдегі ең дамыған 30 елдің қатарына қосылу, әлемдік статусқа ие болу. Жаһанданудың бұл жаңа қадамы рухани жаңғырудан басталып отырғаны мәлім. Ел басшысы Н. Назарбаев «Әжептәуір жаңғырған қоғамның өзінің тамыры тарихының тереңінен бастау алатын рухани коды болады. Жаңа тұрпатты жаңғырудың ең басты шарты - сол ұлттық кодыңды сақтай білу. Онсыз жаңғыру дегеніңіздің құр жаңғырыққа айналуы оп-онай», -деген екен. Ал ұлттық кодты сақтау дегеніміз - ұлттық болмысты сақтай отырып, заманға сай даму, яғни кеңістік пен уақытта жаһандық мүмкіндіктерді пайдалана отырып даму ұстанымы. Осы орайда туындайтын сұрақ, еліміздің ұлттық кодын сақтап қалу не үшін қажет?

Біріншіден, рухани код мемлекетімізді ерекше мемлекет етіп көрсетеді Ұлттық код дегеніміз бізді өзгелерден ерекшелейтін ана тіліміз, дәстүріміз бен салтымыз, мінезімізді айқындайтын діліміз, ұлттық мәдениетіміз. Ұлттық кодымызда ізгілік, адалдық, адамгершілік, этикет, ақыл парасаттылық кеңінен қамтылған. Осындай құндылықтарсыз мемлекеттің ілгері дамуы, жаһандануы мүмкін емес, себебі, егер жаңғыру елдің ұлттық-рухани тамырынан нәр алмаса, ол адасуға бастайтыны анық. Қазақтың ұлттық кодында әділдік тұжырымдамасы ежелгі дәуірден бастап жинақталып, туыстығы жоқ үлкенге деген сыйластық болып танылған. Сыйластық пен ізгілік, ізеттілік пен имандылық қазір енді этикетке айналған тұста, осы ұлттық кодты дамыта отырып, рухани мәдениетімізді жаңғыртуымыз қажет. Ұлттық кодымызда ұят категориясы бар. Бесіктен белі шықпаған баладан бастап, ұят боладыны айтып өсірген ата-ана баласын жақсылық пен жауыздықтың бөлінетінін айтып, мінезін қалыптастырады. Жауыздықпен күрес пен жақсылықты дәріптеу коды қазіргі мораль мен өнегелік категориясын дамыта түседі.

Екіншіден, ұлттық кодты сақтау - терең тарихмызды сақтау. Тарихы жоқтың болашағы жоқ екенін баршамыз білеміз. Осы орайда жүзеге асырылып жатқан бағдарлама - Қазақстанның киелі тарихи ескерткіштерінің белдеуі. Біздің жерде бүкіл әлемге танымал болған ескерткіштердің бірі -

Ботай мәдениеті бар. Одан кейінгі Шығыс Қазақстандағы Берел ескерткіштері, патшалардың обалары саналатын - Шатыр ескерткішін сөз етсек болады. Сайрам, Сауран, Тараз, Сығанақ секілді Оңтүстік Қазақстандағы ерте ортағасырлық қалалар да тарихи маңызды ескерткіштерге жатады. Бұлардың барлығы - халқымыздың әртүрлі тарихи кезеңдегі жасаған туындысы. Елбасы осының барлығын жаңғыртып, бүгінгі қоғамға дәріптеудің ұлт санасында, ұлттық болмысты қалыптастыруда, ұлттық кодты сақтауда үлкен рөл атқаратынына мән берген.

Қорытындылай келе, ұлттық код сақталса, бұзылмаса, біз кез-келген заманда ұлт ретінде жаһанданып, лайықталып бой түземіз деген ойдамын. Мен халқымның тағылымы мол тарихы мен ықылым заманнан арқауы үзілмеген ұлттық салт-дәстүрлерін алдағы өркендеудің берік діңі ете отырып, әрбір қадамын нық басуын, болашаққа сеніммен бет алуын қалаймын. Бұл ретте, тұтас қоғамның және әрбір қазақстандықтың санасына ұлттық кодты сіңіру аясында жастар, яғни біз, сол ұлт кодының тұғырнамасын берік ұстануымыз қажет деп ойлаймын. Сонда ғана еліміз рухани жаңғыра алады.

Пайдаланған әдебиеттер тізімі