Оңтүстік кореяның Қазақстандағы мүдделері

Жұмыс түрі: Дипломдық жұмыс
Тегін: Антиплагиат
Көлемі: 44 бет
Таңдаулыға:

Мазмұны 2
Кіріспе 3
1 Негізгі бөлім
1.1 Әлемдік дискурстағы Кореяға жалпы сипаттама. 4
2 Қазақстандағы заманауи дискурстағы Кореяның рөлі.
2.1 Қазақ елі мен Корей елінің коммуникациялық даму ерекшіліктері. 5
2.2 Кореядағы ЕХРО-2012дегі Қазақстанның ұлттық күні 6
2.3 Екі елдің арасындағы ұқсастықтың бірі. 7
2.4 Корея мен Қазақстанның байланысу негіздері 8
2.5 Оңтүстік Кореяның Қазақстан Республикасындағы мүдделері 9
3 Екі ел арасындағы дағдарысты жоюдың жаңа технологиялары 10
3.1 Корея және ЕКСПО 2017 12
3.2 Корея мен Қазақстан арасындағы ынтымақтастық 13
4 Қазақстандағы төртінші жүз 13
4.1 Қазақстан мен Корея арасындағы мәдениетаралық қарым қатынас 17
4.1.1Мәдени ынтымақтастықтың бастапқы кезеңі 18
4.2 Халлю-корей мәдениет толқыны 21
4.3 Мәдени ынтымақтастықтың жаңа кезеңдері 26
4.3.1 Корея Республикасындағы Қазақстан жылы 28 4.3.2 2011 ж. - Қазақстан Республикасындағы Корея жылы 32
4.4 Астанадағы Корей мәдени орталығы 35
4.4.1Қазақстан мен Корея арасындағы мәдени ынтымақтастықта мемлекеттік корей театры 37
5 Білім беру саласындағы ынтымақтастық 39
5.1 Жоғарғы оқу орындары арасынндағы қарым-қатынастар 43
6 Корея Республикасының халқының мәдениетінің Казақстан 46 Республикасының азаматтарының өміріне енуі
7 Қазақстан мен Оңтүстік Корея арасындағы ынтымақтастықтың негізгі 49 кезеңдері
7.1 Корея Республикасының президенті мен Қазақстан республикасының 53 президентінің өзара мемлекеттің сапарлары
7.2 Қазақстан мен Оңтүстік Кореядағы дипломатиялық миссиялардың 61 қызметі

Кіріспе
Қазақстан Республикасы мен Оңтүстік Корея республикасы арасындағы дипломатиялық қарым - қатынасқа 26 жылдың көлемінде болды. Осы (26 жылдың ішінде екі ел арасында барлық дерлік салада қарым - қатынас нығайып, байланыстар беки түсті деуге болады. Қазақстан мен Оңтүстік Корея арасындағы байланыстың негізі 1992 жылы қаланды. Ал 1993 жылы Алматы қаласында Корей елшілігі ашылып, араға екі жыл сала Сеулде қазақ елінің елшілігінің іргетасы қаланды.
Екі ел арасындағы достық қарым-қатынастың бастамасы болған елбасымыз Н.Ә.Назарбаевтың 1995 жылдың 15 - 18 мамыр аралығындағы Кореяға сапары еді. Осы сапарда Қазақстан Республикасы мен Корея Республикасының арасындағы Ынтымақтастық пен әріптестіктің негізгі ұстанымдары туралы декларация қабылданды. Бұл екі ел басшыларының қол қоюы мен маңызды құжатқа айналды. Міне, 1990 жылдарының басынан басталған екі ел арасындағы көп салалалы достық қарым - қатынастың одан әрі нығая түсіп, жылдар сайын барынша артып жатқанына куәгерміз. Осы жылдар аралығында екі ел басшылығының өзара көптеген сапар алмасуы екі жақты байланыстың тереңдеуіне себепкер. Сөзге тиек ете отырып, екі ел арасында жыл сайын кем дегенде екі іс сапар болады. Бұл кездесулер ел басшыларының өзара байланысты тереңдетуге деген ниеттестіктернің жоғарғы деңгейде екендігін көрсетеді. 2009 жылы Корея Республикасының экс президенті Ли Мен Бактың елімізге сапарында көлік, энергетика, құрылыс, коммуникациялық технология және өзгеде салалардағы стратегиялық әріптестікті орнату жайлы мәлімдемеге қол қойғанын атап өту керек. Араға бір жыл салып елбасымыз Н.Ә.Назарбаевтың Кореяға жасаған сапарында атом өндірісі, машина жасау және энергетика саласы бойынша 23 келісімге қол қойып келді. Міне, осылайша екі жақты сауда айналымы 50,3 пайызға артты. Нақтылап айта кетер болсақ экспорт - 125,3млн, импорт - 271млн доллар болды. Еліміздегі экспорттың басым бөлігін құрыш пен темір прокаттары, алтын мен мыс, күміс құрап отса, Корей елінен электроника және машина жасау өнімдері алынды.

1.1 Әлемдік дискурстағы Кореяға жалпы сипаттама.
Бүгінгі таңда Оңтүстік Корея еліміздің негізгі серіктестерінің бірі. Елбасымыз Н.Ә.Назарбаевтың Оңтүстік Кореяны еліміздің №1 инвесторлар санатына қосып отқанын айта кету керек. Екі ел арасындағы сауда - инвестициялық байланыстар жоғарғы деңгейде қарқынды дамуда. Еліміздің ұлттық банкінің деректеріне сүйенетін болсақ осы 25 жыл ішінде Оңтүстік Кореяның елімізге салған инвестициясы 4,5 млрд долларды құраған. Ал, еліміздің Оңтүстік Кореяға салған инвестициясының көлемі 65 млн АҚШ доллар шамасында.
Екі елдің энергетика саласында жедел түрде дамып келеді. Бұған 2002 жылы энергетика және минералды ресурстар саласындағы ынтымақатастық жөніндегі Қазақстан - Корея комитетінің құрылыуы себеп болды. Еліміз Оңтүстік Кореяны уранмен ірі көлемде қамтамасыз етуші елдердің санатында. Және де елімізде бірнеше үлгідегі кореялық автокөліктерді құрастыру ісі ерекеше оқиғалардың қатарында. Қостанай қаласында Ssang Yong маркалы көліктер құрастылып жатса, Алматыда Hyundai автобустары мен жүк көлікері шығарылуда. Елімізде шамамен 700 шақты Қазақ - Корей кәсіпорындары жұмыс істеуде. Олардың арасында Самсунг, ЭлДжи Электроникс, ЭлДжи Интернэшил, Эс - Кей Корперейшн, Хёндэ сияқты әлемге кеңінен танымал брендтер бар.
Қазіргі күні еліміз бен Оңтүстік Корея арасындағы қатынастар білім беру, мәдениет, ғылым, денсаулық сақтау салаларында да тиімді дамуда. Осы орайда 2003 жылы 11 баптан тұратын Қазақстан Республикасының Білім және Ғылым министрлігі мен Оңтүстік Корея Республикасының Білім және Адам ресурстарын дамыту министрлігінң арасында білім саласындағы ынтымақтастық туралы бағдарламаға қол қоюлуы маңызды келісімдердің бірі болып табылады. Білім беру саласындағы екі ел арасындағы ынтымақтастықтың айқын көрінісі - 2006 жылы Кангнам университетінің қазақтану бөлімі ашылып, Әл - Фараби атындағы Қазақ ұлттық университеті мен Қорқыт ата мемлекеттік университетімен байланыс орнату болып табылады. Кореядағы әлем тілдер университетінде қазақ тілі факультетінің ашылуы айрықша оқиға болып табылады. Қазақстан мен Корея арасындағы сәтті серіктестік екі ел тұрғындары бір - бірінің тілін, тарихы мен мәдениетін білуге деген қызығушылығына байланысты өрлеу үстінде. Бұған дәлел жыл сайын Кореяға тілдік машықтанудан өту үшін кететін еліміздің студенттерінің санының өсуі және де корей халқының қазақ тіліне деген қызығушылығының артуы. Соңғы жылдары екі елдің ЖОО - ы арасында көптеген келісімге қол қойылды. Нақтырақ айтқанда ЖОО - аралық серіктестікті оқытушы құрамымен студенттерді алмастыру жағдайлары қарастырылған.
2.1 Қазақ елі мен Корей елінің коммуникациялық даму ерекшіліктері
Негізінен екі мемлекет арасында екі жақты гуманитарлық байланыстардың алатын орны ерекше. Қазіргі кезде елімізбен Оңтүстік Корея мемлекеттерінің ғылыми орталықтары, емханалары мен медициналық жоо - ы арасындағы бірқатар меморандумға қол қойылғаны белгілі. Бұл құжаттар диагностика және ауруларды емдеуде жоғары технологияларды пайдалану, еліміздің азаматтарын Корея ауруханаларына диагностика өтуге, емдеуге жіберу, медицина мамандарының біліктілігін арттыру, ағза органдарына трансплантация жасау, әртүрлі ғылыми зерттеулер жүргізу үшін таптырмас мүмкіндіктер тудырады.
Сонымен қатар, екі ел арасындағы мәдени байланыстар да ерекше даму үстінде. Екі ел үшінде еліміздің үкіметі мен Оңтүстік Корея республикасының арасындағы мәдени ынтымақтастық жөніндегі 1995жылы қол қойылған келісімнің маңыздылығы үлкен рөл атқарады. Осы келісім негізінде әлеуметтік сипаттағы әртүрлі мәдени іс - шаралар атқарылып, екі елдің арасында тығыз мәдени байланыс орнатылды. 2008 жылы Алматы облысы мен Кенги аймағының бауырлас атануы, 2010 жылы астанамызда жоғарғы технологиялық Корей мәдениет орталығының ашылуы корей халқының елімізді танып білуіне үлкен себепкер болса, соңғы жылдары телеарналарымызда көрсетіле басталған тарихқа, үлгі өнегеге бай корей фильмдері екі ел жұртын жақындастыруға өз көмегін тигізуде. 2010 жылы Кореяда Қазақстан жылы болып аталынып өтсе, келесі жылы яғни 2011 жыл елімізде Корея жылы болып аталынды. Осыған орай астанамызда Оңтүстік Корея апталығы болып, әртүрлі салатанатты іс - шаралар өткізілген болатын. Қазақстандағы Корея жылы Алматыда өткен гала - концертпен аяқталған болатын. Осыдан бірнеше жыл бұрын екі ел арасындағы достық қарым - қатынастардың орнағанының 20 жылдығына орай Сеулде Қазақстанның мәдени күндері аталып өтті. Бір қызығы, елеіміздің таңдаулы өнер шеберлерінің концерті ең таңдаулы УриАрт Холл мәдени сарайында өтті.
Қазіргі таңда еліміз бен Оңтүстік Корея арасында өзара ынтымақтастық тереңдеу мен кеңеюдің тенденциясына ие. Екі ел өзара қарым - қатынастық орнаған 25 жыл ішінде барлық салада тиімді әріптестік қатынастарға қол жеткізді. Болашақта екі мемлекеттің алдында бірлескен кәсіпорындар санын көбейту, қосымща жұмыс орындарын көбейту, екі елдің экономикалық жағдайын нығайта түсу сияқты бірлесе атқаратын жұмыстар тұр.

2.2 Кореядағы ЕХРО-2012дегі Қазақстанның ұлттық күні
2012 жылы Оңтүстік Кореяның Ёсу қаласында халықаралық мамандандырылған ЕХРО көрмесі өтті. Ол ЕХРО - ның тақырыбы Кореяның географиядағы нақты орнын білдіретіндей Жанды мұхит және жағалау аймағы деген тақырыпта өтті. Бұл кең көлемді көрменің бір күні Қазақстанның ұлттық күні болып аталып өтті. Ол көрмеге еліміздің делегациясын сол кездегі экономикалық даму және сауда министрі Бақытжан Сағынтаев басқарып барды. Сол бір күні еліміздің ресми өкілдері үлкен құрметке бөленіп, көк аспанда туымыз желбіреп, әнұранымыз шырқалды. Бұл Қазақстанның Оңтүстік Кореяға деген қарым - қатынасының маңыздылығын ескеріп, әріптестіктің одан әрі нығая түсуіне үміттерін білдірген еді. Елімізде өткен ЕХРО 2017 көрмесі сол кезден бастап - ақ жарнамалана бастады. Еліміздің экспозициясында мәдениет пен ғылым, бизнес пен туризм саласындағы дәстүрлер мен инновациялар көрініс тапты. Экспозиция еліміздің тарихы мен салт - дәстүрлері туралы айтып қана қоймай, еліміздің болшағы жайлы әңгімелейді. Еліміздің повильонында өткен 2017 ЕХРО көрмесін өткізуге астанамыздың үміткерлегін баса айқындай өтті. Мен Қазақстандық повильонға келіп, сіздердің мәдени бағдарламаларыңызды көрдім, бейнероликтер мен интероактивті карта арқылы мен Қазақстан сияқты соншалықты әдемі ел туралы көп нәрсені білмегенмін, әсіресе көркем таулары, далалары мен өзендерін көргенім ерекше ұнады деді көрменің бас комиссары Ли Джун Хи. Қазақстанның ұлттық күні аталып өткен кезде повильонымыз ЕХРО - ға келушілердің назарын өзіне қаратты. Ұлттық күнге арналған бағдарламаларымызда қонақтардың көңілінен шықты. Сахна төрінде Тұран фольклорлық - этнографиялық ансамблі өнер көрсетті. Бұл ерекше ансамбль ескі аспаптармен орындалған этнографиялық композицияларының әуендерімен тындармандарының жүрегін еріксіз жаулап алды. Қонақтар әуеннің ырғағына тербетіле отырып, Қазақстанның ұлан - байтақ даласын сезініп, Алтай мен Атыраудың арасына барып келгендей сезімде қалды.
Бүгінде елімізде 150 - ден астам Корея компаниялары еркін жұмыс жасап жатыр. Олардың басым бөлігі электроника бұйымдары компьютер секілді тұрмысқа қажетті заттармен қамтамасыз етеді. Оңтүстік Корея металлға бай ел болғанымен, мұнай мен газ қорлары аздау. Бірақ, мұнай өнімдерін тұтыну жағынан әлем бойынша алтыншы орында тұр. Ал, бізідің еліміз әлемге мұнай қорымен танымал болғандықтан Оңтүстік Корея экономикалық әріптестік орнатуға мүдделі. Ықылас танытып қана қоймай, оның алғы шарттарын іске асыруға кірісіп те кетті. Екі ел арасында болған ресми кездесуде геология саласындағы ынтымақтастықты одан әрі дамыту жайлы талқыланып, ресми құжат келісімі бекітілді. Бірнеше қатар меморандумдар қабылданды.
2.3 Екі елдің арасындағы ұқсастықтың бірі.
Сеул сөзі - астана деген мағынаны білдіреді. Ал, ондай атаумен аталатын бас қалалар саусақпен санарлықтай. Мұны екі ел арасындағы ұқсастық деп айтса болады. Бір қызығы Сеул қаласы біздің астанамыз секілді оң жақ жағалау және сол жақ жағалау болып екіге бөлінеді. Корея астанасын Есілге ұқсас Ханьган өзені жарып жатыр.
Жалпылай алғанда корей халқының болмысы, менталитеті қазаққа ұқсас. Ол күнделікті тұрмыс тіршілігінде, баяғы салт - дәстүрлерінен - ақ аңғаруға болады. Мәселен, корей отбасында ер адамның маңызы зор. Ал, әрбір корей әйелі үй тірлігімен бала тәрбиесінен басқаға алаңдамағаны жөн. Отбасын асыраудан бастап, басы артық тірлік ер адамның мойнында. Әсіресе, бойжеткен қыз баланың тәрбиесіне аса мән беріледі. Көшеде жанына ер - азаматын ертпей жүрген бейсауат қыз - келіншекті көрмейсіз. Ал, тамағын қос ағашпен шұқып жейді демесеңіз жерге жайғасып, көрпеше үстінде көсіліп отырып, бір табақтан дәм тату бабаларынан қалған ғұрыптарының бірі. Корей халқы жанына жақын тартқан адамынан осындай ірілі - ұсақты ұқсастықтар іздеп отырады.

2.4 Корея мен Қазақстанның байланысу негіздері
Корея мен Қазақстанды байланыстыратын негіздерге келетін болсақ
Орталық Азиядағы оның ішінде Қазақстан көшпенділіктің көп тараған жері болып табылады. Бұдан басқа, ең қызықтысы, отырықшы тұрмыс кешкен корей халқының қанында ат үстінде жүретін халықтың өзін - дік ерекшелігі сақталған. Бұл, ат үстіне жайғасқан халыққа тән ерекшелік болып табылатын корей халқының тұтастығы мен жігерлілігінің сақталғанының кепілі болып табылады. Сондықтан да, ат үстінде күн кешкен корейлер белсенді және әлемдік нарықта бастамашылдығымен сақталған деп айтуға болады. Бұлар қола дәуіріндегі тасқа жазылған суреттерде анық сипатталған. Есте қаларлығы, Корея аралдарында болған Силла атты ежелгі мемлекеттен қалған жәдігерлердің ішінен көшпенділер өмірін сипаттайтын қола қазан табылған.Сөйтіп, біздің эрамызға дейінгі алтайлық мол жәдігерлердің Корей мен Қазақстаннан табылуы, корей халқының бабалары Орталық Азияның көшпенді халықтарымен ежелден жақын байланыс жасағанын дәлелдейді.
Алтайлық бір тілдік топ бойынша жақындық Корей және қазақ тілдерінің тамыры бір, яғни, екеуі де алтайлық тілдік топтан деген болжам бар. Лингвистердің пікірінше, корей мен қазақ тілдерінде 300-ге жуық сөз өте ұқсас болып келеді екен, мысалы: чагын-шағын (маленький), бурак-булак(село), катал-қа - тал(требовательный) және т.б. Қазақ - стандағы ең биік шың Хан Тәңірі деп ата - лады. Тәңірі сөзі ежелгі шаманизмнен шыққан Құдай деген мағынаны береді. Ал, корей тілінде бұл сөз Таңғұн деп айтылады, корей халқының ру басы деген мағынаны береді. Біздің бабаларымыз сөздерін иероглифтарда жазған, сондықтан, иероглифтен оқығанда айтылуға оңай астала сөзі асадал болып айтылу жағынан өзгеріске ұшыраған. Алтайлық тіл - түрік, монғол, тұңғыс-мәнжүр тілдерінің тармақтарының басын қосатын тілдік топ. Зерттеушілер жоғарыда айтылған тілдер өзара байланысты болып табылады деп санайды. Шынында, бұл тілдерде дауыстылар үндестігі, жалғамалылығы және т.б ұқсастықтары кездеседі.Сонымен бірге, қазақ тілі түркі тілінен, корей тілі тұңғұс тілінен туған деген топшылау бар. Әрине, корей тілі мен оның теориясының тууы туралы түрлі пікір бар, оған қоса алтайлық тілдер тобына корей тілін енгізу.
Корейліктерге бәрінен де Қазақстанның орталық-шығысы өңірінде тұратын Орта жүз қазақтары ұқсайды екен. Олар Шыңғыс ханның негізгі ұрпақтары деген болжам бар.
Корей халқының алтайлық өңірмен тарихи жақындығы бар.Көптеген тарихшылар 3-4 мың жыл бұрын корейліктердің бір бөлігі Алтай өңірінде өмір сүрген деп санайды. Қазіргі кезде көп адам Корей мен Қазақстан арасындағы қарым-қатынас осыдан 70 жыл бұрын корейліктерді Орталық Азияға күштеп жер аударғаннан кейін орнады деп есептейді, бірақ, шынына келгенде екі елдің қарым-қатынасы одан ертеректе басталған болатын.
Қазақстан - мәдениеттер тоғысқан көпұлтты ел. Сондықтан, қазақтар басқа халықтардың тәжірибелері мен мәдениетін зерттейді және жақсы түсініп, қабылдайды. Қазақстанда бейбіт әрі үйлесімді өмір сүріп жатқан 140 ұлттың ішінде өздерін 4-ші Жүзбіз деп есептейтін (қазақтардың дәстүрлі бірлестігі) корей диаспорасы, қазақтардың туған бауырларымыз деп санайды және жергілікті тұрғындармен жақсы әрі тығыз байланыста өмір сүруде. Сонымен қатар, Оңтүстік Корея мен Қазақстан арасындағы дипломатиялық қарым-қатынастың орнағанына 21 жыл ғана болса да, көп қазақтар корей кинофильмдері мен телехикаяларын жақсы көреді әрі музыкасын сүйіп тыңдап, Кореяны Азиядағы ең басты әріптесі ретінде санайды.Әрине, қырғи қабақ соғыс жылдарында бірін-бірі туралы аз білсе де қысқа уақыттың ішінде саяси кедергілердің жоқтығы мен өзара экономикалық толықтырушы құрылымдарының арқасында екі елдің әріптестік қарым-қатынасы дәуірлеп дамып келеді. Осы айтылғанмен ғана екі елдің қарым-қатынасын толық жеткізу мүмкін емес. Корей халқының қанына сіңген солтүстік халықтарының ұрпағы сияқты ат үстінде жүруге бейімділігімен қа - заққа ұқсас қасиеттері, жаңа сұраныстарды игерудегі ұтымды іскерлігі мен табандылығы одан ары жақындастыра түсті. Одан басқа, корей және қазақ тілдеріндегі көп ұқсастық та ынтымақтастықтың артуына дәнекер болды. Екі тілдің бір-біріне ұқсастығы кездейсоқтық емес. Бұнымен қоса, корей ғалымдарының зерттеулерімен дәлелденген екі халықтың антропологиялық жақындығы да бізді таңдандырады. Мұндай ұқсастықты тек қана екі халықтың шығу тегінің бір еке - німен және өз уақытында белсенді араласып тұрғанымен түсіндіруге болады. Ұқсас мақалдар, аңыздар мен ертегі - лердің ұқсас атаулары, бірқатар тарихи материалдардың бір уақытта пайда бол - ғаны Корея мен Қазақстанның о баста жақындығы барын тағы да дәлелдей түседі. Мұндай жағдайда, халықаралық аренада өзіне көп көңіл аудартып отырған Қазақстанмен ынтымақтастықты арттыру және екі елдің сыбайластығы мен ортақ тарихы, екі елдің жақындығы, қандай бағытта болмасын дамудың шапшаңдығын арттырады. Әр дәуірдің өз қажеттілігіне сәйкес жаңа экономикалық және саяси байланыстар орнатуға болады, бірақ, тарихи әрі мәдени туыстықты қолдан жасау мүмкін емес.Тарихи әрі мәдени ортақ негізде қаланған Қазақстан мен Кореяның қарым-қатынасы өзара ынтымақтастықты арттыруға, соның ішінде мәдени салада әріптестікті дамытуға мүмкіндік береді. Қазіргі екі жақты құрылымдық байланысты жаңа деңгейге көтеру үшін айтарлықтай негіз қаланды деп айтуға болады. Тек қана ынтымақтастықтың дәнін сеуіп, арамшөптерді тұрақты тазалап, сумен және тыңайтқышпен қамтамасыз етіп тұру керек. Дәл осындай жағдайда біздің жақындығымыз, рухани және мәдени құндылықтармен байланысымыз, оңтүстік кореялық және американдық қарым-қатынастағыдай біздің экономикалық мүдделерімізді қарқынды дамытудың өрісін кеңейтеді.
2.5ОҢТҮСТІК КОРЕЯНЫҢ ҚАЗАҚСТАНДАҒЫ МҮДДЕЛЕРІ
Астанадағы бизнесc - форумда сөйлеген сөзінде Ли Мен Бак екі ел экономикасындағы дағдарыстық ахуалды еңсеру үшін Қазақстан мен Оңтүстік Кореяның мүмкіндіктерін біріктіру жөнінде ұсыныс айтылды.
Оңтүстік Корея басшысының айтуынша, оның елінің жаңа технологиялары мен Қазақстанның орасан - зор жер әрі табиғи қорларының мүмкіндіктерін біріктіру екі елге де өздерінің экономикаларының әлеуетін нығайтып, жаңартуға жол ашпақшы. Энергетика саласындағы тереңдетілген ынтымақтастық мультипликативтік әсер беріп, инфрақұрылым тәрізді өнеркәсіптің түрлі салаларының дамуына игі ықпал етер еді деп мәлімдеді Ли Мен Бак. Сонымен қатар, Оңтүстік Корея басшысы жасыл энергетика, яғни экологиялық таза энергетиканы дамытуда да күш біріктіру жайлы ұсыныс айтқан. Бұл дағдарыс біткеннен соң келетін кезеңде қос мемлекеттің халықаралық нарықтағы әлеуетін нығайтуға сеп болмақ.
Корея Республикасында Қазақстан президенті әріптесі Пак Кын Хемен нәтижелі келіссөздер жүргізді. Ел басшылары xалықаралық күн тәртібіндегі өзекті мәселелерді, Қазақстан-Корея қарым-қатынасын талқылап, келіссөздер нәтижесінде тараптар бірқатар стратегиялық құжаттарға қол қойды. Сондай-ақ, тараптар күн тәртібіндегі халықаралық және өңірлік өзекті жайттар, атап айтқанда, ядролық қарусыздану мен таратпау, киберқылмыс қатерінен төніп отырған жаһандық қауіпсіздікті қамтамасыз ету мәселелері жөнінде пікір алмасты. Екі жақты байланыстарды одан әрі дамыту мен өзара тауар айналымын жандандыру перспективалары айқындалды. Екі елдің басшылары Қазақстан мен Кореяның стратегиялық серіктестігін жаңа сапалы деңгейге көтеру бағытындағы жұмысты жалғастыруға уағдаласты. Келіссөз барысында Корея тарапы Қазақстанның БҰҰ Қауіпсіздік кеңесінің 2017-2018 жылдардағы тұрақты емес мүшесі болып сайлануына байланысты Нұрсұлтан Назарбаевтың ядролық қаруға қарсы бастамаларының жүзеге асырылуының қарқын ала түсетініне сенім білдірді. Энергетикадағы ынтымақтастықты жандандыру жолдары, мұнай мен газ өңдеу, медициналық туризм салаларындағы бірлескен жобаларды іске асыру, сондай-ақ Корея Республикасы мен Еуразиялық экономикалық одақ арасындағы еркін сауда аймағын құру мүмкіншілігі қарастырылды. Корея тарапы көлік-транзиттік өзара іс-қимыл перспективаларына ерекше қызығушылық танытты. Корея президенті Нұрсұлтан Назарбаевпен елдеріміз арасында дипломатиялық қарым-қатынас орнағанына 25 жыл толу қарсаңында кездесіп отырғанына айрықша қуанышты екенін жеткізді. "Мемлекеттер басшыларының арасындағы өзара сенімге негізделген жеке достық қарым-қатынастың қалыптасқаны елдеріміздің стратегиялық әріптестігінің де нығая түсуіне септігін тигізеді. Қазақстан мен Кореяның қарым- қатынасы бір-бірін өзара толықтырушы ынтымақтастық негізінде жедел қарқынмен дамып келеді.
3. Екі ел арасындағы дағдарысты жоюдың жаңа технологиялары
2009 жылы Қазақстанда Оңтүстік Корея 5миллиард АҚШ долларына бара бар инвестициялық жобаларды іске асырмақ болған. Сол жылдың 13 мамыры күні Астанадағы бизнес форумда сөз сөйлеген Ли Мен Бак екі ел арасындағы дағдарыстық жағдайдың бетін қайтару мақсатында екі ел мүмкіндіктерін біріктіре отырып жұмыс жасауды ұсынған болатын. Ли Мен Бактың айтуы бойынша Корея елінің жаңа технологиялары мен біздің елдің табиғи қорларының күшін біріктірер болса екі елде өзінің экономикалық жағдайын жоғарғы деңгейге көтереді. Энергетика саласындағы тереңдетілген достастық инфрақұрылым тәрізді өнеркәсіптің біршама саласынаның дамуына ықпалын тигізер еді деді Ли Мен Бак. Сонымен қатар ол жасыл энергетика саласы бойынша да күш біріктіру туралы ұсыныстар айтқан болатын.
Екі ел басшыларының арасындағы кездесу барысында болған келісімшарттар тек қана экономикалық салада ғана емес, гуманитарлық белсенді салаларда да ынтымақтастықты одан ары нығайта түсуі керек болды. Сонымен қоса екі ел арасындағы қатынастарды қарқынды дамытуға серпін беретін іс-әрекет жоспарын қол қойды. Газетте келтірілген ақпаратқа сүйенсек 2008 жылы екі ел арасындағы сауда көлемі 700 млн АҚШ долларын құраса, соның 350 млн АҚШ долларына Кореяға тауар сатып, 348 млн АҚШ долларына сол елден тауар әкелген-мыс. 2010 жылға дейінгі Кореяның елімізге құйған инвестициясы 2,2 млрд АҚШ долларына пара-пар екен.
Оған қоса Оңтүстің Корея елінің жеке яғни мемлекеттік емес компаниялары мен фирмалары біздің елімзге екі есе артық инвестиция құюға яки 5 млрд АҚШ долларын құймақ ниетте болған.
Оңтүстік Корея елінің бұрыңғы презтиденті Ли Мен Бактың Орта АЗияға жасаған сапарының астарында екі ел нарығындағы өзінің ықпалын арттыру ғана емес сонымен қатар Ресейдің нарығымен сауда кеңістігіне бойлай енудің негізін қалау болып табылатынын өзі де жария түрде мәлімдеген болатын.
Ол кезде Оңтүстік Корея өзінің экономикасын түзелтіп келе жатқан кезі болатын. Сол жылдың өзінде кәріс елі экономикалық өсу кезеңіне енген болатын. Сол жылдары орын алған қаржы дағадарысы кәріс еліне өзінің ықпалын аса тигізе қойған жоқ немесе ол ел өзіне тиіп жатқан ықпалды аса қатты байқаттыра қоймады-мыс.
Өзіміз білетіндей Оңтүстік Корея елі әлемге жаңа технологиялық өндірістерді дамытумен әйгілі. Олардың қатарына ақпараттық және интернет - технологияларды енгені бізге мәлім екені өтірік емес. Уақыт келе сымсыз интернет бұрыңғыға қарағанда әлдеқайда кең қолданыс тауып қарапайым интернетті толық ығыстырып тастады десекте болады.
Ауыз толтырып айтарлықтай бір жағдай. Ақтөбе өңірінің әкімі Бердібек Сапарбаев Қазақстан-корей ынтымақтастығын дамыту орталығының АҚ-ның директоры Джонг Хи Ву арасында әріптестік меморандумға қол қойылды.
Бұл кездесу барысында облыс әкімі екі ел арасындағы экономикалық қарым-қатынас жылдан жылға артып келе жатқандығын алға тартты. Оның ішінде Ақтөбе өңірінде жүзеге асырылып жатқан жобалар тілге тиек етілді. Тек қана 2016 жылдың ішінде екі ел арасындағы болған сауда-саттық көлемі 100 млн АҚШ долларын құраған. Бұл көрсеткіш 2015 жылға қарағанда 15 пайызға өскендігін көрсетеді.Қазіргі таңда Ақтөбеде мұнай саласы бойынша Корея елінің 15 ке жуық компаниясы жұмыс істейді.
Ақтөбе- ауыл шаруашылығы және өзгеде салаларды дамытуға қолайлы аймақ екенін барша халық біледі. Өңір әкімі егерде Корея тарапынан қандайда бір ұсыныс болса қолдау дайын екенін білдірді. Сондай ақ аймақ басшысы еліміздің көп ұлтты екенін, олардың тілі мен салт-дәстүрін дамыту барлық жағдайлар жасалғанын атап өтті. Оның ішінде кәріс халқының дәстүрі мен мәдениетін сақтауға толық жағдай жасалғанын ескерте өтті. Қазіргі таңда Ақтөбеде кәрістердің ұлттық-мәдени орталығы жұмыс істейді. Өңірдегі осы ұлт өкілдері мәдени іс-шараларға белсене ат салысады. Кәрістердің елімізге қоныстанғанына 85 жылға таяу уақыт болып қалды. Соңғы жылдары екі ел арасында тек қана экономикалық емес сонымен қатар мәдени достастықта дамып келе жатқандығын ескеріп өту қажет.
3.1 Корея және ЕКСПО 2017
Елімізде дүркіреп өткен ЕКСПО-2017 көрмесінен кейін осы көрмеге белсене ат салысқан Корея павильоны көрменің жабылы салтанатынан кейін корей мектебін зиярат етіп барды. Астанада орналасқан Мугунхва кәріс мектебіне КOTRA (кәріс сауданы дамыту және инвестициялау агенттігі) вице-президенті И Тэ Шик мырза барды. Бұл салтанатты жиынға KOTRA мүшелерімен Қазақстан Республикасындағы Кәріс ассоциация мүшесі Роман Ким және Мугунхва кәріс мектебі оқушылары қатысты.
Осы жиында Корея павильонында ЕКСПО кезінде қолданылған планшеттерді осы мектепте тарту ету туралы келісімшартқа қол қойылды. Бұл жиын Қазақ еліне кәрістердің қоныс аударуына 80 жыл толуына орай ұйымдастырылған болатын.ЕКСПО кезінде бұл планшеттер Корея павильонының павильонға келген дүйім жұртқа арналған жолдауын жеткізуге арналған.
Бұдан кейін бұл планшеттер кәріс халқының келер ұрпағының тәлім-тәрбиесіне орасан зор үлесін қосуы керек. Сонымен қатар Қазақстандағы кәрістермен Кореядағы кәрістерді арасындағы достық қарым-қатынасты нығайта түсуі керек. Осы арқылы келер ұрпақ екі ел арасындағы қарым-қатынасты дамытатын негізгі күшке айналатынына сенімін білдірді.
Кәріс ассоциациясы өз кезегінде алғыс білдіре отырып екі ел арасындағы салалық қарым-қатынасты сөз қылды. Екі тарап болашақта екі жақты бизнестік және де кәсіби білім тарапынан біліктіліктерін бөлісіп отыруға келісті. КОТРА басшысы И Те Шик өз кезегінде осы планшеттер кәріс халқының келер ұрпағының лидерлікке үйретуге үлесін қосады деген сенімде екенін білдірді. Және де Корея елі кәрістерді мақтан тұтатынын және осы елдегі кәріс династиясы өз кезегінде екі ел арасында көпір бола отырып жан-жақты дамудағы басты рөлді атқарады деп сенетіндігін білдірді. Айта кетерлігі ЕКСПО кезінде Корея павильоны 93 күн ішінде 550 мың көрермен жинап соның арқасында көрмедегі алдыңғы орындағы павильондардың біріне айналды. Бұлда қазақ халқының Корея еліне деген қызуғышылығының арта түскенінің басты бір дәлелі.
3.2 Корея мен Қазақстан арасындағы ынтымақтастық
Елбасымыз кездесу барысында екі ел арасындағы арасындағы сауда-экономикалық қарым-қатынастың күннен күнге дамып жатқанын және оны әрі қарай арттыра түсуге мүдделі екенін атап өтті. "Қазақстан Корея Республикасымен жақсы қарым-қатынас орнатқан. Елдеріміз арасындағы тауар айналымының көлемі екі миллиард долларға жуықтады. Сіздердің тауарларыңыздың біздің елге Ляньюньган порты арқылы келіп жатқаны қуантады, онда біздің логистикалық терминалымыз бар. Қазақстан Кореямен жаңа және цифрлық технология, индустрияландыру, медицина және басқа да салаларда ынтымақтастық орнатуға ниетті", - деді елбасымыз . Сонымен қатар, ел басшысы екі ел арасындағы парламентаралық қарым-қатынастарды нығайтудың және оларды дамытудың маңыздылығын тілге тиек етті . Чон Се Гюн кездесуге және екі жақты қатынастар мәселесін талқылағаны үшін ел басшысына алғыс білдірді. Ұлттық Ассамблея спикері Астананың қарқынды дамып келе жатқанын айтып, Қазақстанда өткен жаһандық іс-шаралар - Халықаралық "ЭКСПО-2017" мамандандырылған көрмесі мен Дүниежүзілік XXVIII қысқы универсиадаға жоғары баға берді. Чон Се Гюн екіжақты байланыстың стратегиялық сипатта дамып келе жатқанына айтып, Қазақстан-2050 стратегиясының мақсаттарына жету жолында Корея Қазақстанға серіктес болуға дайын екенін атап өтті. Бұдан бөлек, Ұлттық Ассамблея спикері 1930-жылдары Қазақстанға жер аударылған этникалық кәрістерге көмек қолын созып, қолдау көрсеткені үшін еліміздің халқына алғыс білдірді.
4. Еліміздегі төртінші жүз
Еліміздегі корейлерді төртінші жүз деп аталатыны тегін емес . Сондықтан бұл адамдар біздің еліміздің көпұлтты ландшафтына араласып, ұлтымыздың жалпы бейнесінде орын алғаны соншалық, Қазақстанда бірде-бір кәріс болмады десе тірі жан сенбес еді.
Бүгінгі күні бұл фактор біздің еліміз бен Оңтүстік Корея арасындағы екіжақты қарым-қатынастардың негізгі факторларының бірі болғанына күмәнданудың қажеті жоқ. Атам қазақ айтқандай қан тартпай қоймайды дегеннің бір дәлелі, еліміздің төртінші жүзіне айналған кәрістерді тарихи отанындағы қандастары әрқашан уайымдап, жүректері қан жылайтыны анық. Тағдырға амал барма?!
Бұлмен не дегім келеді дейсіз бе? Біздің корейлеріміз Қазақстан мен біздің олардан үйреткеннен бұрын үйренеріміз көп Оңтүстік Кореяның арасындағы тығыз байланысқа айналғаны айқын. Хангук мемлекетінің (корейлердің өзіндік аты) экономикалық жетістіктері өз өздерінің кім екенін айқын айтып тұр.
Егер сіз Кореяның тарихын еске түсірсеңіз, онда бұл шын мәнінде ғасырлардан асады. Шынайы мемлекеттілігімен, корольдік әулеттерімен, дәстүрлерімен, мәдениетімен және т.б. Уақыт өте келе, генетикалық деңгейде адамдар патшаны өздеріне мойындап, заңға бағынуға үйренді. Патшалар өз күштерін ешқашан асыра пайдаланған емес. Өйткені олар өз халқына құрмет көрсетті. Және, мүмкіндігінше, халқының қамын жасады.
Қазіргі кезеңде корей президенттерінің кейбірі зұлымдықтың азғыруына бой алдырып, үлкен қателіктер жіберді. Нәтижесінде, олардың біреуі түрмеге қамалып, тағы біреулеріне тергеулер жүргізіліп абыройларына нұқсан келді.Бұның бәрі жемқорлықтың кесірі.
Оңтүстік Кореяны бүкіл әлем біледі. Бірақ бұл ел аумағы Қазақстанға қарағанда жиырма есе аз және адамдар саны үш есеге артық бола тұра, ал табиғи байлығы өте шектеулі болғанына қарамастан, аграрлық жағынан артта қалған елден қуатты индустриалдық жержаваға айналғанын бәрі біле бермейді.
Оңтүстік Кореяның бір кездері кедей болғаны қазір ештеңені білдірмейді. Өткен ғасырдың алпысыншы жылдары Корея еліне аса қиын болды. Бірақ корейлер бір кездері батыстық валюта және ХВҚ-ның несиесніе жүгіне отырып бір ақ сәтте төбесі бұлттарға жететін ғимараттар мен технологияларын әлемге дамытты деген адамға сенбеңіз. Шын мәнінде барлығы басқаша және бір мезгілде қиын болды. Олар бәрін жұмсақ аю, пижамалар, көрпе мен көрпешенің тыстарын тігіп шетелдік нарыққа шығарып бастаған болатын. Бұл білікті жұмыс күшін, күрделі технологияларды немесе үлкен капиталды талап етпеді.Мұны кез-келген кәріс әйел жасай алатын еді.
Өткен ғасырдың алпысыншы жылдары барлық Корея экспортының жартысын тоқыма, киім және балалар ойыншықтары құрады. Жалпы айтқанда бәрі жеңіл өнеркәсіптің дамуымен басталды.
Кореялық министрлер мен губернаторлар бұдан түскен қаржыны өз қалталарынан емес, металлургияны одан әрі дамытуға жұмсады. Кеме жасау, химия өнеркәсібі және т.б. Ал бұл саладан түскен ауқымды қаржыны автомобиль индустриясында және электроника саласына құйды. Барлығы біртіндеп, біртіндеп, ең бастысы - бұл ақылға қонымды болды.
Бірақ бүгін бұл туралы емес. Соңғы жылдары елімізде корей мәдениеті мен өнеріне деген қызығушылық байқалып келе жатыр. Жыл сайын Шығыс елдеріне қызығушылық танытатын адамдар саны көбейіп келеді. 2010 жыл Корея Республикасында Қазақстан Республикасының жылы болды. 2011 жыл - Қазақстан Республикасындағы Корея Республикасының жылы болды. 2012 жылы Қазақстан Президенті Нұрсұлтан Назарбаев Оңтүстік Кореяға ресми сапармен барып қайтты. Екі ел арасындағы қарым-қатынас жылдан-жылға артып келеді. Дегенмен, екі мемлекеттің де саяси және экономикалық қарым-қатынастарымен ғана емес, сонымен бірге мәдениет, спорт және туризм саласындағы ынтымақтастыққа мүдделі.
Біздің корейлік серіктестерімізге келетін болсақ, оларда бұл достастықта табысқа жету үшін өте қолайлы позициялар бар: бай тарих, ерекше сәулет және қызықты дәстүрлер, көркем табиғат, достық климат және демалысқа арналған барлық жағдай, сауда және ойын-сауық үшін қолайлы жағдайлар. Және керемет жолдар мен қызмет көрсетудің жоғары деңгейі бар.
Жалпы алғанда, Кореяда туризм өте әртүрлі, онда демалыс түрлерінің әртүрлі түрлерін таңдауға мүмкіндік береді. Яғни, онда мұхиттың маңындағы ең таза құмды жағажайларға жату үшін, толқындарда шаңғы тебу үшін, жергілікті сауықтыру орындарына барып емделу үшін барады. Пластикалық хирургияны пайдалану немесе көптеген басқа елдердің емдеуге қауқарсыз болып келе жатқан аурулардан емделу үшін де таптырмас ел.
Соңғы уақытқа дейін, бүкіл кеңестік кеңістіктен тек Ресейдің Қиыр Шығысындағы тұрғындары ғана Оңтүстік Кореяға баруға мүмкіндік алды, Сеулге немесе Пусанға бару біздің Үрімшіге барып келгеніміздей оңай. Бірақ қазір жағдай өзгерді. Кореялықтар біздің азаматтарымыздың көпшілігі Корея еліне баруына және Кореяның көптеген азаматтары Қазақстанға келуіне шынымен қызығушылық танытады.
-Мен Кореяны Қазақстанда ғана танытып емес, Қазақстан туралы Кореяда да көбірек ақпарат алуына өз үлесін қосқанын тілеймін, - деді Корея Республикасының Алматыдағы Бас консулы Джон Син Минг. - Яғни өзара тиімді ынтымақтастықта. Қазақстанның туризм индустриясын дамыту үшін және екі ел арасындағы ынтымақтастық күшейуі үшін.
Бізде қонақ күте аламыз
Бас консулдың айтуы бойынша, ол бір жарым жыл бойы Қазақстанда болған кезінде, Алтын Емел табиғат қорығында, Үлкен Алматы көлінде, Шымбұлақта болып керемет бір сезімде болғанын айтты. Дипломат қазақтың ұлттық музыкасын, музыкалық аспаптарын, киіз үйді, жылқы аттарын ұнатқанын айтады. Оның пікірінше, мұның бәрі, Корея азаматтарының да қызығушылықтарын тудырады.
Қазақстан үлкен туристік потенциалға ие деп есептеймін, - деп жалғастырды Джон Сеунг Мин сөзін. - Қазақстан туризм саласын дамыту керек. Экономиканы әртараптандыру үшін тек энергияға ғана емес, туристік ресурстарға да назар аударыңыз. Мен туризм индустриясын табиғи қорлардан бастап дами алатын үздік сала деп есептеймін.
Егер біздің елдеріміздің өзара экономикалық ынтымақтастығының көрсеткіштері туралы айтатын болсақ, 1992 жылы тауар айналымы 10 млн. АҚШ долларын құрады. Ал 2016 жылға қарай ол 62 есе өсті. 2014 жылы 35 мың қазақстандық азамат Кореяға барып, 25 мыңға жуық кәріс Қазақстанға келді.
Айта кету керек, қазақстандықтардың шынымен корей мәдениетіне деген сүйіспеншілігі артты. Жыл сайын Алматыдағы Корей тілін үйрену орталығына келетін адам саны 2500 ді құрайды. Өкінішке орай, барлығына орын жеткіліксіз.
Біздің қарқынды дамып келе жатқан қатынастарымыздың дәлелі - Корея мен Қазақстан арасындағы тікелей әуе қатынасы. Айта кету керек, Қазақстан мен Жапония арасында тікелей әуе қатынасы жоқ. Ал Корея мен Қазақстан арасында аптасына сегіз рейс. Бұл, дипломаттың айтуынша, көп нәрсені білдіреді.
Мен Кореяның Ұлттық туристік ұйымы Қазақстанда, яғни Алматыда өзінің өкілдігін ашқаны өте маңызды деп есептеймін, - дейді Бас Консул. - Бұл Орталық Азиядағы жалғыз өкілдік. Менің ойымша,бұл көп нәрсені ұғындырады. Ең алдымен, біздің елдеріміз арасындағы достық қарым-қатынастардың дәлелі. Бұл біздің мемлекеттеріміз арасындағы дипломатиялық қарым-қатынастардың орнағанына 25 жыл толуына орай биылғы жылы болғаны өте үлкен оқиға.
Айтпақшы, Кореяның туризм тарихы да тереңге бойлап үлгермеген. Ол шамамен 1989 жылы пайда болды. Осы жылдан бастап Корея азаматтары басқа елдерге баруға мүмкіндік алды.
Джон Сеунг Минг: 1989 жылы миллиондаған корейлер шетелге шықты. - Ал 2016 жылы олардың саны 20 млн. адамға жетті. Кореяда туризмде жиналған сома 63 миллиард долларға жетеді. Туризм - бұл өте жоғары табыс әкелетін экологиялық таза индустрия.
Корей-қазақстан дипломатиялық қатынастарының 25 жылдығына орай былтырғы жылдың қыркүйек айында Алматыда Корей мәдениеті мен туризм фестивалі деп аталатын ресми іс-шара жоспарланған болатын. Фестивальдің алғашқы күні корей мәдениеті мен туризм көрмесі өтіп, екінші күні жастар арасында өте танымал болып табылатын корей поп-мәдениетінің концерті ұйымдастырылды.
Соңғы жылдары Кореялық толқынның таралуы себебінен Оңтүстік Кореяда туристік сұраныстың жылдам өсуі байқалады, сондай-ақ визалық саясатты жақсаруы және Орталық Азия елдерінде тікелей рейстердің санын артуы, - дейді корея өкілдігінің директоры Сон Фил Сэнг. - Әсіресе, Орталық Азиядағы басқа елдермен салыстырғанда ашық нарыққа ие ел болып табылатын Қазақстан. Бұл табиғи ресурстарға бай, сатып алу қабілеттілігі жөнінен жоғары деңгейге ие және халықтың шетелге шығуы қабілеті бар маңызды мұнай өндіруші ел. Соңғы үш жыл ішінде Корея Республикасы мен Қазақстан Республикасы арасындағы визасыз режим туралы келісімге қол қойылғаннан кейін қазақстандық туристердің өсуі жоғары деңгейді ұстап отыр. 2016 жылы осы елге келген қазақстандықтардың саны 34 068 адамды құрады. 2015 жылмен салыстырғанда бұл 38,5 пайызға көп. Бұл көрсеткіш бойынша Қазақстан Қытай, АҚШ, Жапония және Ресей Федерациясы сияқты елдермен қатар бесінші орында тұр

4.1. Қазақстан мен Кореяның мәдениет саласындағы қарым-қатынасы
Соңғы 20 жылда Қазақстан мен Оңтүстік Кореяда мыңдаған көрермендер мен тыңдаушылардың назарын аударатын көптеген концерттер, көрмелер, театр қойылымдары, сән көрсетілімдері, көркем фильмдер және басқа да мәдени шаралар өтті. Бірнеше рет документальды фильмдер мен республика туралы бағдарламалар таратқан Оңтүстік Кореяның ең ірі телерадио компанияларының командалары бірнеше рет келді. Соңғы жылдары еліміздің жетекші телеарналарында үлкен табыстарға қол жеткізген Оңтүстік Кореялық телесериалдарды күн сайын қазақ және орыс тілдерінде жүздеген мың көрермендер көреді.
Өз кезегінде танымал қазақстандық әншілер, вокал және хореографиялық ансамбльдер, музыканттар бірнеше рет Оңтүстік Кореяда өз өнерлерін көрсетті. Мәдениет алмасу үшін маңызды Қазақстандық суретшілердің экскурсияларда ғана қатысуы емес, сондай-ақ Оңтүстік Корея астанасында өткен мемлекет басшысының, үкіметтік делегациялардың, халықаралық форумдар мен көрмелердің сапарлары сияқты маңызды іс-шараларға, мәдени бағдарламаларға қатысу.
4.1.1Мәдени ынтымақтастықтың бастапқы кезеңі
Бастапқыда мәдениет саласындағы байланыстар эпизодтық болды, кейде белсенді шығармашылық танушылардың жеке арналары арқылы және белгілі бір мүдделі тұлғалардың немесе ұйымдардың бастамасы арқылы жүрді. Екі ел арасындағы мәдени байланыстарды дамытудың маңызды құралы халықаралық ынтымақтастықтың шарттық негізін қалыптастыру болды. Осы мақсатта Қазақстан мен Оңтүстік Корея үкіметтері, мәдениет министрліктері, бауырлас қалалар мен жекелеген институттар арасында келісімдер мен ниеттер хаттамасы жасалды.
Екі елдің мәдениет саласындағы байланыстарын дамытудың құқықтық негізі 1995 жылы 16 мамырда Сеулде өткен ҚР Президенті Н.Назарбаевтың Корея Республикасына алғашқы сапары аясында мәдени ынтымақтастық туралы үкіметаралық келісімге қол қойды. Уағдаласушы тараптар мәдениет, білім беру, бұқаралық ақпарат құралдары, туризм, спорт және жастар ісі саласындағы екі ел арасындағы ынтымақтастықты дамытуға уәде берді.
Оңтүстік Корея, бастапқы кезеңде Қазақстандағы отандастарына айтарлықтай назар аударды. Олар корей халқының тарихына, мәдениетіне, дәстүрлері қызуғышылық танытқанымен,олар өз тарихын білмеді. 1994 жылы, радио және теледидар корпарациясы MBS 21-сериялық Корейлер атты шығармашылық фильм түсірді. Бұл фильмде Ресейдің Қиыр Шығысына көшкеннен бастап, Орталаық Азияға депортациялауға мәжбүр болғаны туралы суреттейді. Осы фильмге Корея актерлері ғана емес, сондай-ақ қазақ орыс актерлері Алматы корей театрынан қатысты.
Мәдени алмасу саласындағы алғашқы капитал жобаларының бірі 2003 жылы Қазақстан Республикасының Орталық мемлекеттік мұражайында корей ұлттық мәдениетінің тұрақты экспозициясы ашылу болды. Сеулден ... жалғасы

Сіз бұл жұмысты біздің қосымшамыз арқылы толығымен тегін көре аласыз.