Модульдік оқыту технологиясын Көмірсутектер тақырыбын оқытуда қолдану

Жұмыс түрі: Дипломдық жұмыс
Тегін: Антиплагиат
Көлемі: 30 бет
Таңдаулыға:

МАЗМҰНЫ

Кіріспе . . . 4

I ӘДЕБИ БӨЛІМ . . . 6

1. 1 Модульдік оқыту технологиясы . . . 6

1. 1. 1 Модульдік оқыту технологиясы ұғымы туралы жалпы сипаттама . . . 6

1. 1. 2 Модульді оқыту технологиясының мақсаттары, принциптері және ғылыми идеялары . . . 11

1. 2 Органикалық заттарды оқып үйрену әдістемесі . . . 15

1. 2. 1 Органикалық химия пәні және оның даму тарихы . . . 15

1. 2. 2 Органикалық химия пәнінің міндеттері, мазмұны мен құрылымы . . . 17

1. 3 Көмірсутектер класына жалпы сипаттама . . . 20

1. 3. 1 Қаныққан көмірсутектер . . . 23

1. 3. 2 Қанықпаған көмірсутектер . . . 26

1. 3. 3 Қанықпаған ацетиленді көмірсутектер (алкиндер) . . . 29

II ЭКСПЕРИМЕНТТІК БӨЛІМ . . . 31

2. 1 Модульдік оқыту технологиясын «Көмірсутектер» тақырыбын оқытуда қолдану . . . 31 2. 2 Модульдік оқыту технологиясын «Қанықпаған көмірсутектер» тақырыбын оқытуда қолдану . . . 44

Қорытынды . . . 50

Пайдаланылған әдебиеттер тізімі . . . 52

КІРІСПЕ

Қазіргі таңда жалпы мұғалімдердің алдында тұрған негізігі міндет - ұлттық менталитеті жоғары, сана-сезімі дамыған, өзіндік жеке көзқарасы бар жеке түлғаны қалыптастыру болып саналады. Осы бағытта жоғары мектепте берілетін ғылымның теориялық және әдістемелік негіздерінің, яғни сабақ түрлері мен оның сапасын арттыру жөнінде әр түрлі жұмыстар атқарылуда. Соның негізінде жалпы жаратылыстану пәндерінің ішінде химия ғылымы жоғары санатта оқытылатын негізгі пәндердің қатарында.

Технология - грекше «шеберлік» деген ұғымды білдіреді. Жаңа технология дегеніміз - педагогикалық шеберлікті жетілдірудің жолдары деген түйінге тоқтауымызға болады. Сабақты түсіндіру барысында белгілі бір технологияны қолдану мұғалімнің шеберлігін көздейді. Осындай жаңа технологияның бірі - модульдік оқыту жүйесі болып табылады.

Жаңа модульдік технология мынадай негізі үш бағыттан тұрады:

жеке тұлғаның ерекшеліктерін ескеру;
оның адамзат және өркениет мәдениетіне деген қызығушылықтарын ескеру;
оны тәрбие процесінің басты объектісі ретінде алып қарау.

Осындай жаңа технология бағыттарын қолдану, оқып үйрету, меңгеру және өмірге енгізу сабақты дамыту кезеңдері арқылы жүзеге асады. [1]

Тақырып өзектілігі: Қазіргі кезде орта мектептерде органикалық химия курсы терең мағыналы теориялық негізде құрастырылған. Демек, бұл мұғалімнің жан-жақты және тиянақты дайындығын талап етеді.

Біздің елімізде химия және химиялық-технологиялық білімдер мен ғылымдарға деген қызығушылық белең алуда. Оның себебі түсінікті де - елімізде химиялық шикізат көздері, атап айтқанда, мұнай, газ, көмір, металдар т. б кен байлықтары көп. Өкінішке орай, сол байлықтардың көпшілігі сан жылдар бойы шикізат ретінде ғана пайдаланылып келеді, тек қана сырт мемлекеттерге шығарылады. Осыған орай, жер байлықтарын шикізат емес, дайын өнім түрінде іске асыру мақсатында көптеген химиялық өнеркәсіп орындары салынып, біразі іске қосылуда. Бұл тұрғыда органикалық химия пәнінің атқаратын маңызы зор.

Осыған байланысты таңдап алынған зерттеу жұмыстың тақырыбы табиғат байлықтарының іргетасын құрайтын көміртек элементінен тұратын «Көмірсутектер» тақырыбын модульдік технология негізінде оқыту жүйесі.

Осыдан барлық табиғат шікізатының қорларының негізгі көзін құрайтын неге бір ғана көмірсутек деген сұрақ туындайды, осы және басқа да сұрақтар бойынша таңдап алынған зерттеу жұмысының тақырыбы өзекті болмақ.

Дипломдық жұмыстың мақсаты: Жұмысты жазу барысында модульдік оқыту технологиясына түсінік бере отырып, «Көмірсутектер» тақырыбын оқытуда оқушының өз бетінше барынша ізденіп жұмыс істей алу мүмкіндігін саралап дамыту, оқу материалдарын өңдеудің жекелей тәсілдерін қолдану арқылы жұмыс істей білуге үйрету.

Сол үшін төмендегідей міндеттерді орындау қажет:

Тақырып бойынша әдеби материал жинау және жүйелеу;
Модульдік оқыту технологиясына жалпы сипаттама беру;
Органикалық химия пәнінің шығу тарихы және оны оқып үйрену әдістемесін зерттеу;
Көмірсутектердің негізгі үш класына жалпы сипаттама беру;
Модульдік оқыту жүйесін пайдаланып практика негізінде өткізген бір сабақ жоспарымен таныстыру.

. Дипломдық жұмыстың зерттеу нысанасы: Органикалық химия сабағында «Көмірсутектер» тақырыбын оқытуда модуьдік жаңа технологияны пайдалану.

Дипломдық жұмыстың практикалық маңызы: Берілген зерттеу әдістемесін студенттер және мектеп мұғалімдері, сонымен қатар жоғары оқу орындарында органикалық химия пәнін оқыту барысында модульдік технологияны кеңінен қолдануға мүмкіншілігі бар. Барлық білім алушыларға органикалық химия пәні бойынша білімдерін жүйелі қайталап, нығайтуларына көмектеседі.

Дипломдық жұмыстың базасы : Қостанай мемлекеттік педагогикалық

институтының жаратылыстану ғылымдары кафедрасы және Қостанай ауданы білім бөлімінің басқармасы, Алтын дала ауылы, Красный октябрь орта мектебі.

I ӘДЕБИ БӨЛІМ

1. 1 Модульдік оқыту технологиясы

1. 1. 1 Модульдік оқыту технологиясы ұғымы туралы жалпы сипаттама

Қазіргі заман ғылым мен техниканың, білім мен танымның біте қайнасқан, күш біріктірген заманы. Әлемнің «алтын ғасыры» атанған XXI ғасырда бірде-бір технологиясыз сабақ өткізу мүмкін емес. Мінекей, қазіргі кезде тек әлемде ғана емес, елімізде де жаңа білім беру жүйесінің бағыты қалыптасып жатыр. Осыған орай, алдыңғы қатарлы педагогикалық технологияларды практикалық біліммен байланыстырып жаңа әдістер негізінде жаңа технологияық бағыттар жүргізілуде. Болашақ маман иесі, яғни ол студенттер қазіргі замандағы оқыту технологияларының түрлерін біліп, меңгеріп, соны өз мақсатына сабақта тиімді қолдана білуі керек. Осындай қазіргі заманның педагогикалық технологияларының біріне біздің қарастырғалы отырған модульдік оқыту технологиясы жатады.

Модульдік оқыту XX ғасырдың 60-жылдарының аяғынан бастап Европа, нақтырақ айтсақ, ағылшын тілді елдерде қарқынды дами бастады. Оның негізгі мәні - сабақтың жоспары, ақпараттар банкі және сабақтың дидактикалық мақсаттарына қол жеткізуге бағытталатын, сонымен қатар, әдістемелік нұсқалары бар оқу бағдарламасын оқушыларға ұсынып, сол бойынша оларға өз беттерімен жұмыс жасауға баулу, мұғалім тек қана бағыт - бағдар беруші, көмекші рөлін атқарушы. Осыған орай педагогтың қызметі әр түрлі болған; олар, оқушыларға ақпаратты игеруге көмектесу, қажетінше кеңес беріп отыру, бағыт беріп оқушының жұмысын ұйымдастырып, қажеттілігінше мейлінше бақылап отыру.

Модульдік оқыту «модуль» сөзінен шыққан. Модуль - бұл белгілі бір функционалдық жүктемесі бар қандай да бір жүйенің өз алдына жеке бөлігі, бөлшегі болып саналады. Оқыту теориясында функционалдық жүктеме болашақ маманның кәсіби білімі мен дағдыларын қалыптастыруға қажетті әрекеттердің және ақпараттың белгілі бір «мөлшері - дозасы» болып табылады. Осы айтылғандарды ескере отырып, модульге мынадай анықтама беруге болады: «Оқытушы модуль - бұл оқу пәнінің танымдық және кәсіби аспектілерден тұратын мазмұндық бөлігінің жүйелі түрде аяқталған формасы, ол оқушының берілген модульді толық меңгеру нәтижиесінде қалыптасатын білім, білік, дағды, танымдарын бақылап, тексерудің тиісті формасымен аяқталуы тиіс».

Модуль

ақпараттардың аяқталған блогынан;
оқушы іс-әрекеті бағдарламасынан;
бағдарламаны табысты жүзеге асыру үшін берілген мұғалімдердің айырықша нұсқауларынан тұрады.

Модульдер белгілі бір ережелерге сәйкесті сүйеніп жасалады, оларға атап айтсақ мыналар жатады:

оқытудың мақсаттарын айқындау;
қойылған мақсаттарға сәйкес оқу материалының мазмұнын тақырыпқа сай іріктеу және құрылымын жасау;
оқу нәтижиелерінің бағалау критерийлерін анықтау;
өзін-өзі тексеруге арналған тесттік тапсырмаларын дайындау.

Модульдік оқыту кейбір философиялық, әлеуметтік, психологиялық, физиологиялық және педагогикалық теориялар мен тұжырымдарға негізделген. Оларға ізгілендіру, оқыту мен оқуда, іс-әрекетте жетістіктерге міндетті түрде қол жеткізу және де жеке тұлғаға бағдарлай оқыту идеалары тән. Сондай-ақ модульдік оқыту технологиясы оқу үдерісін сипаттау мен ұйымдастырудағы құрылымдық нақтылығымен және де жоспарланғандығымен ерекшеленеді.

Оқу үрдісінде, бір жағынан, оқу мазмұнын жалпыға ортақ көлемде ұсыну оқушыларға жеңіл тиімді түрде түсіндіру мен баяндау, барлық оқушыға бірдей әдіс-тәсілдер, құрал-жабдықтар қолдану, уақытты шектеу мәселелері, ал екінші жағынан, білім мазмұнын меңгерудің жеке тәсілдері, оқушылардың әрқайсысының жеке мүмкіндіктері мен қарқындары арасындағы қарама-қайшылықтар туатыны белгілі. Модульдік оқыту кезінде қайшы талаптарға жол берілмейді, сонымен қатар «дәстүрлі емес оқыту» принциптеріне негізделген оқыту мазмұнын таңдауда өте қолайлы, ең тиімді тәсіл болып саналады. Әрине бұл жерде «дәстүрлі оқыту» формасы қайда қалады? деген сұрақ туындайды. Бұған жауап ретінде модульік оқыту технологиясы тек қана жаңа тәсілдерді пайдалану емес, ол дегеніміз «дәстүрлі оқыту» формасын жүйелі түрде пайдалану арқылы оны жаңа тәсілдермен кірістіре отырып сабақ мазмұнын ұштастыру. [2, 3]

Модульдік технология бағдарламалық оқыту базасында пайда болған, сондықтан да онымен сабақтастығы тығыз. Бірақта айтарлықтай айырмашылықтары да бар. Модульдік технологияның айырмашылығы мұнда оқытудың мақсаты айқын, яғни мақсатқа жету үшін жеткілікті көлеміне қарай ұсынылған оқыту мазмұны, оқушының қажеттіліктері есепке алынады, оқыту үрдісі оқушының дайындығына сәйкес құрастырылады.

Модульдік оқытудың мәнісі оқушы оқытудың әртүрлі жұмыс формаларын және амалдарын қолданып өз бетінше білім алуынан тұрады, ал мұғалім оқушының іс-әрекеті арқылы модульдік бағдарламада көрсетілгендей ұсыныстарды, сонымен қатар оқушының іс-әрекетін басқарып отырады.

Модульдік оқыту үрдісі бірнеше сатыларға бөлінуі мүмкін:

1. Оқушының алған білім деңгейін анықтау және оқыту мақсатын нақтылау;

2. Жеке себебін анықтау. Оқушылардың оқу іс-әрекетінің жалпы жоспарын игеруі;

3. Өзіндік оқу іс-әрекеті;

4. Оқытылған материалдарды және іс-әрекет тәсілдерін жалпылау;

5. Білімнің жалпы деңгейін және алдағы оқыту шешімін қабылдауды анықтау.

Бұл технологияның бір ерекшелігі - білімді меңгеруде емес, жеке тұлғаның қабілеттерін және танымдық үрдістерін арнайы жасалған оқуды дамытуға, жеке тұлғаның өзін-өзі дамытуға, өзін-өзі бекітуге, қарым-қатынас

жасауға, химия пәні бойынша шығармашылық қабілеттерін қанағаттандыруға негізделген.

Модульдік оқыту технологиясының «дәстүрлі оқыту» формасына қарағанда бірқатар ерекшеліктері бар. Соларға тоқтала өтсек:

модульдік оқытуда басты назар оқушылардың іс-әрекетіне бағытталып жүргізіледі;
әрбір оқушы өзіне оқу бағдарламасын таңдай алады;
оқушылардың даму, ойлау, сөйлеу, зейіні және тағы да басқа қабілеттері ашыла түсіп, өз сөзіне, пікіріне нақты жауап бере алады;
педагогпен қарым-қатынасы күшейеді;

Модульдік оқытудағы ең басты артықшылығы, оқу материалдарын қандай да бір деңгейде прагматикалық деп айтуға болады. Оқу материалының прагматикалығы деп оның оқушыны ойлауға, оқуға, нұсқаларды таңдай білуге және оларды талдай білу қабілетіне бағытталуынан көрінеді.

Модульдік оқытудың басқа оқыту жүйелерінен айырмашылығы да кездеседі:

Оқу мазмұнының меңгерілуі қойылған мақсатқа сәйкес жүзеге асатын жекеленген кешендер түрінде ұсынылады. Мақсат оқушы үшін қойылып, онда тек оқылатын мазмұн мен оның көлемі ғана көрсетіліп қана қоймай, оны толық және еркін меңгерудің деңгейі де анықталады. Сонымен қатар оқушы мұғалім арасындағы қарым-қатынаспен жұмыс істеу стилінің тиімді жолдары жазбаша нұсқада көрсетіледі.
Мұғалімнің оқушылармен арасындағы қарым-қатынасы өзгереді. Ол модульдер арқылы, басқарушы мен бағынушы баламасында жеке қарым-қатынас процесі арқылы жүзеге асады.
Оқушы көп уақыт өз бетінше жұмыс жасауды меңгереді, ол өз алдына мақсат қоюға, жоспарлауға, ұйымдастыруға. өзін-өзі бағалауға үйренеді.

Химия пәнінде модульдік бағдарламамен жұмыс жасағанда мына кепілдемелерді қолдану қажет:

Әр модульді оқытқан кезде интегративті мақсаттардан бастау алу қажет, ол оқушыға берілу керек. Мұны көбінесе дәріс оқыған кезде жасауға болады.
Ауқымды дәріс модульдің негізгі элементі болып саналады. Оқушының қызығушылығын тудырып, оларға анық мәселе ұсынуы қажет.
Мұғалім оқушыға үй тапсырмасы ретінде модульдік бағдарламамен байланыстыра отырып беруіне болады.
Оқушының өзінің оқып жатқан материалын меңгергенін білу үшін аралық бақылау немесе ашық тексеру жүргізу керек. Бақылаудың қорытындысын, оқушының жіберген қателіктерін келесі оқу процесінде жібермеуі үшін қатемен жұмыс жүргізу керек.
Жалпы сағат саны, меңгеруге тиісті сол және де басқа модульдің игерілуне жұмсалатын уақыты, берілген бағдарламадан аспау керек. [4]

Модульдік оқыту теориясы оқу үрдісін оған қатысушы екі жақтың әр қайсысы өзіне тиісті функцияларды атқаратын, яғни мұғалім - басқарушы, ал оқушы - өзін-өзі басқарушы болатын, оқушы мен педагогтың мақсатты, екі жақты, белсенді әрекеті қарастырылып түсіндіреді.

Модуль нақты дидақтикалық мақсаттарға қол жеткізуге, оқу материалын білу мен игеруге байланысты оқушының өзіндік танымдық іс-әрекетін басқаруға негізделген. Оқыту үрдісінің бірлігі ретінде модуль мынадай функцияларға ие болып, сол арқылы жұмыс жасайды. Ол функциялар атап айтсақ мыналар: мақсат қою, ақпарат көзі, дамыту және басқару. Осы функцияларға сәйкес әрбір модульдің мазмұны бір-бірімен байланысқан төрт блоктан тұрады. Осы төрт блокты төмендегі кестеден көруге болады.

Кесте-1 Модуль функцияларының блоктармен сәйкестігі

№

Модуль функциялары

Модуль блоктары

№: 1

Модуль функциялары: Мақсат қою

Модуль блоктары: Дидактикалық мақсаттар (оқушыларға арналған әрекеттің мақсатты бағдарламасына айналады)

№: 2

Модуль функциялары: Ақпарат көзі

Модуль блоктары: Берілген оқу материалдарын меңгерудің мүмкін жолдары мен тәсілдері туралы ақпарат (оқытудың жоспарланған нәтижиесіне қол жеткізеді)

№: 3

Модуль функциялары: Дамыту

Модуль блоктары:

Оқу материалдарын тереңірек қарастыру

( мұғалім қосымша тапсырмалар ұсынады)

№: 4

Модуль функциялары: Басқару

Модуль блоктары: Тексеру және өзін-өзі тексеру

Сонымен, дидактикалық мақсаттар блогы мақсат қою функциясынан бастау алады да әрі қарай оқушыларға оқудың жақын көкжиектерін ғана емес, алысты, болашақта, өз бетімен өмір сүру, өмір табалдырығын аттағанда қол жеткізуге тиісті жетістіктерін сезіне білуге, ауыртпалығын көтере білуге көмектеседі. Модульдік оқытудың мақсаттары оқушыларға танымдық іс-әрекет барысында қандай нәтижие көрсетіп тұрғанын айқындайды. Мұндай жағдай оқушылардың оқу үрдісіндегі оң мотивациясын қалыптастырады, өзіндік іс-әрекетін дамытады, белсенділігі мен санасын қамтамасыз етеді. Оқушы өз жағдайын үнемі назарында ұстап, жете бақылауға алып, өзін-өзі тексере білген жағдайда ғана оқу үрдісінде тең құқылы қатысушы яғни басқару функциясын атқара алады.

Модульдік оқыту өзінің көпжылдық өмір сүрген тарихында айтарлықтай өзгерістерді бастан кешірді. Оны қолданудың мақсаттары ғана өзгеріссіз қалды, олар: оқыту үрдісін жеке оқушыға бағыттау, оқу іс-ірекет құрылымын белсендіру, оқушылардың өзіндік әрекетін және мотивациялық әрекетін арттыру. 1967 жылы Америкалық педагогикалық зерттеулер институты орта білім беретін мектептерге арналған оқу пакеттерін дайындауды көздеді, осы мақсатта модульдік оқытудың негізін салушы педагогтардың бірі Дж. Д. Расселдің пайымдауынша, модуль оқу материалдарының тұжырымдық бірлігін қамтитын оқу пакеті болып табылады. Бұл пакеттің құрамына мына өзекті мәселелер кіреді:

қоршаған орта (заттар, құбылыстар, әдістер, тәсілдер, үдерістер, құрылымдар мен сапалар әлемі) туралы түсініктердің тізбесі;
оқыту мақсаттарының тізімі, осы мақсаттарға жетуге байланысты міндеттердің сипаттамасы;
жеке модульдер мен бөліктерге бөлінген, жеке сабақтар мен сабақтан тыс жұмыстар өткізуге арналған оқу құралдары: мұндай модульдер білімі, меңгеру қарқыны мен қабілеттері әр түрлі оқушылар деңгейіне арналған қиындығына қарай бірнеше бөлікті оқу материалдарын қамтиды;
әрбір оқушының оқуының тиімділігін тексеруге байланысты жеке жұмысты немесе щағын топтағы жұмысты ұйымдастыру туралы педагог қажеттілігіне арналған арнайы әдістемелік нұсқаулықтар;
оқушының өз жұмысының сапасын бағалауына арналған дидактикалық сызба-нұсқалар.

Кеңес педагогикасында модульдік оқыту XX ғасырдың соңғы 10-жылдығында жаңа оқыту технологияларының бәсең алуымен байланысты дамыды. Көптеген зерттеушілер (В. П. Беспалько, О. В. Долженко, В. Л. Шатуновский, П. А. Юцявичене т. б) жаңа оқыту технологияларын құрылымдық -мазмұндық жағынан алдын-ала жоспарланған оқу-танымдық үрдістің тәжірбиеде жүйелі және бірізділікке сүйеніп қарастырды. Олардың ойынша, модульдік оқыту технологиясына мүлдем басқаша анықтама сәйкес келді.

П. А. Юцявичене модульдік оқытудың мәні оқудың субъектісі, оқушы мен оқытушы арасында негізінен модуль түрінде ұсынылған оқу материалдарымен өздігінен жұмыс істеу принципінде деп көрсеткен болатын. Жеке алынған модуль әрекетінің мақсатты бағдарламасын, ақпарат банкін және де оқушылардың алдына қойылған мақсаттарға жетудің әдістемесін қамтиды.

Модульдік оқыту технологиясының бір ерекшелігі - оның білімді меңгертуде, жеке тұлғаның танымдық қасиет-қабілеттерін және танымдық үрдістерін: яғни зейіннің сан алуан түрлерін (есту, көру, қимыл, сөйлеу, ойлау және т. б. ) ынта, жігер, қабылдау қабілетін арнайы жасаған оқу және танымдық жағдайлар арқылы тануға, сондай-ақ индивидтің қауіпсіздігін, өзін-өзі бекіту, қарым-қатынас жасау, ойын танымдық және шығармашылық даму қабілеттері мен қажеттіліктерін қанағаттандыруға; белсенді сөздік қорын (ауызша тілде және жазбаша тілде) дамытуға бағытталып жүргізіледі.

Модульдік оқыту технологиясының екінші бір ерекшелігі - дарынды балалармен тұрақты және жүйелі түрде жұмыс жасауға мүмкіншілік туғызады. [5, 6]

1. 1. 2 Модульді оқыту технологиясының мақсаттары, принциптері және ғылыми идеялары

Модульдік оқыту ХХ ғасырдың 60-жылдарында қалыптасып, ағылшын тілді елдерде тез-ақ дами бастады. Біз бұл жұмыста П. Юцевичененің идеяларына сүйенеміз.

Модульдік оқыту технологиясы оқушылар өздігінен мақсатты, жеке бағдарламамен білім алатындай етіп оқыту процесін өзгертуді және қайта құруды көздейді.

Модульдік оқытудың «өзегі»-оқу модулі.

Ол:

ақпараттардың жиынтығы;
оқушы іс-әрекеттерінің міндеттелген бағдарламасынан;
бағдарламаны табысты жүзеге асыру бойынша берілген бекітілген мұғалімнің нұсқауларынан тұрады.

Модульдік оқыту білім мазмұны, білімді игеру қарқыны, өз бетінше жұмыс істей алу мүмкіндігі, оқудың әдісі мен тәсілдері бойынша оқытудың дербестігін қамтамасыз етеді.

Модульдік оқытудың мақсаты - оқушының өз бетінше барынша ізденіп жұмыс істей алу мүмкіндігін саралап дамыту, оқу материалдарын өңдеудің жекелей тәсілдерін қолдану арқылы жұмыс істей білуге үйрету.

Бастапқы ғылыми идеялары:

Модульдік оқыту іс-әрекет принципіне негізделген: оқушының кейде ғана емес, жүйелі түрде белсенді іс-әрекеті болғанда ғана білім мазмұны саналы меңгеріледі. Сондықтан мұғалім тапсырмаларды дайындағанда оқушыларды оқу мақсатына бағыттайды, оның қабылдануына жағдай жасайды, баллардың өзін-өзі бақылауын қадағалап, бақылау жүйесін саралау, сол арқылы өзін-өзі басқаратын рефлексивті оқыту процесін қамтамасыз етеді.
Дамыта оқыту идеясына негізделген: егер оқушы тапсырманы оқытушының немесе сыныптастарының көмегімен орындайтын болса, онда ол өзінің жақсы даму аймағында деп есептейді. Бұл баланың психологиялық функциясының жетілуіне септігін тигізеді, себебі ол ертеңгі күні басқалардың көмегімен орындаған тапсырманы өзі де үй жағдайында орындай алады, яғни бір айналым аяқталады да, оқушы актуальді даму аймағына енеді. Осылайша жаңа деңгейге өтуі басталады.

Модульдік оқытуда бұл цикл мұғалімнің оқушыға берілетін көмегінің мөлшері мен мазмұнын саралап, оқу әрекетін әр түрлі формада ұйымдастыру арқылы жүзеге асады.

Бағдарламалап оқыту идеясы: бағдарламалы оқытудың мынадай белгілері: іс-әрекеттің нақтылығы, логикасы, белсенділік пен оқушының өзінше жұмыс істеу мүмкіндігі, жеке жұмыстың қарқындылығы, нәтижиелерін салыстыру.
Модульдік технологияның қарқындылығы, интенсивтілігі оқыту процесін оңтайландырады, яғни аз күш, аз уақыт, аз құрал жұмсай отырып жоғары нәтижеге қол жетуді талап етеді.

Модульдік оқыту технологиясы іс-әрекет принципіне негізделген:

Оқушы кей уақыттары ғана емес, жүйелі түрде, уақытында сабаққа ден көңіл бөліп, жүйелі түрде белсенді іс-әрекет болғанда ғана білім мазмұны сапалы меңгеріледі. Сондықтан мұғалім тапсырмаларды дайындаған кезде оқушыларды аса ұқыптылықпен оқу мақсатына бағыттайды, оның жеткілікті қабылдауына жағдай жасайды, балалардың өзін-өзі бақылау мен бағалау жүйесін анықтай отырып, сол арқылы өзін-өзі басқара алатын рефлексивті оқыту үдерісін қамтамасыз етеді.

Модульдік оқытудың негізгі прнициптері:

модульдік принципі;
оқыту мазмұнынан ерекше мәселелер жүйесін бөліп алу принципі;
динамикалық принципі;
білім жүйесінің жылдамдығы;
икемділік принципі;
болашақ міндеттерді саналы түсіндіру;
жан-жақты методикалық кеңес беру және шолу;
паритеттілік принципі.

Осы принциптердің маңыздыларына жеке-жеке тоқталайық.

Модульдік принцип. Нақты дидиактикалық мақсатқа жету үшін бұл принцип бойынша оқытудың функциональдық түйіні модуль түрінде құрылады. Оқытудың мазмұнын, формасын және әдістерін анықтайды.

... жалғасы

Сіз бұл жұмысты біздің қосымшамыз арқылы толығымен тегін көре аласыз.