Әкімшілік қызметтегі заңдылықты қамтамасыз етудегі өзекті мәселелер

Жұмыс түрі: Дипломдық жұмыс
Тегін: Антиплагиат
Көлемі: 84 бет
Таңдаулыға:

2029 Әкімшілік қызметтегі заңдылықты қамтамасыз етудегі өзекті мәселелер

Мазмұны

Кіріспе . . . 6

1 Мемлекеттік басқаруда заңдылықты қамтамасыз ету . . . 9

1. 1 Мемлекеттік басқаруда заңдылықты қамтамасыз ету түсінігі . . . 9

1. 2 Қадағалау мемлекеттік басқаруда заңдылықты қамтамасыз ету тәсілі . . . 15

2 Әкімшілік қызметтегі заңдылық және құқықтық тәртіп . . . 20

2. 1 Әкімшілік қызметтегі заңдылық және құқықтық тәртіп түсінігі . . . 20

2. 2 Қоғам дамуындағы құқықтық тәртіп пен заңдылықтың өзара байланысы . . . ……… . . . …… . . . 22

3 Әкімшілік құқықтық режимдер. Әкімшілік қызметтегі заңдылық . . . 31

3. 1 Әкімшілік құқықтық режимдер - заңдылықты қамтамасыз етудегі орны . . . 31

3. 2 Заңдылықтың қамтамасыз етілуін бақылау . . . 57

3. 3 Заңдылықтың қамтамасыз етілуін қадағалау . . . 65

Қорытынды . . . . . . …… . . . 73

Пайдаланылған дерек көздер тізімі . . . … . . . 75

Кіріспе

Зерттеудің маңыздылығы. Заңдылық және оның сақталуы жөніндегі мәселелер әрқашанда Қазақстан Республикасы үшін көкейкесті сұрақтардың бірі болып саналған. Дәлірек айтқанда әсіресе қазір, қоғамдық өмірдің демократияланған заманында, адамның құқығы мен бостандығы ең негізгі құндылық болып саналғанда бұл мәселенің маңыздылығы ерекше көзге түседі. Қазақстан Республикасы демократиялық өзгерістің бағытымен жүре келе және адамның құқығы мен еркіндігінің басымдығын мойындай отыра, оларды сақтауға және қорғауға міндетті.

Адамның, азаматтың құқығы мен бостандығының дұрыс жүзеге асырылуын қамтамасыз ететін басты факторлардың бірі ішкі істер органдары қызметінің заңдылықты бұлжытпай сақтауына негізделген, өйткені көбінесе бұқаралық сипаты ерекше көрінеді, және жалпы мемлекеттік биліктің әрекеттерімен теңдестіріледі. Азаматтар осы қызметтердегі әрекеттердің заңға қаншалықты сәйкес екендігін бағалай отырып, мемлекет қаншалықты олардың құқықтары мен бостандықтарын қамтамасыз ететінін айқындайды.

Осыған орай әрине әкімшілік қызметтегі тұлғаның өзінің қызметтік жұмысында бекітілген құқықтық нормаларды сақтамай адамның құқығы мен бостандығын бұзуы рұқсат етілмейді. Бұндай жағдайда қарапайым азаматтардың бойында сенімсіздік пайда болып, билікке деген көзқарасы күрт өзгереді, ойына келгенін істеу мүмкіндігі жалпыға таратылады, заңды елемеу фактілері орын алуы мүмкін.

Тақырыптың өзектілігі. Бізге әрине құқықтық органдарымыздың қызметімен кез келген қарапайым, өнегелі, парасатты азаматтарымыз мақтан тұтатындай жұмыс істейтін қызметтер керек. Елімізде әкімшілік қызмет барысында заңдылықты сақтау уақыт қажеттiлiгі болып табылады. Өйткенi, елiмiздiң дамуына заңдылықты сақтай отырып қол жеткізуге болады. Яғни, елбасы өз жолдауында «Демократия тек заңдылықтар қатаң сақталған елдерде ғана тұрақты түрде дамиды», - дейдi елбасы Н. Назарбаев [1] . Осы тұрғыда тақырыпты зерттеу өзектi.

Әкімшілік қызметтерде орын алатын кері, жағымсыз құбылыстарды жою қажеттілігімен түсіндіріледі. Ішкі істер органдарында жұмыс істейтін қызметкерлердің арасында құқық бұзушылық фактілерінің өсу тенденциясы өте үлкен қауіп төндіріп тұр.

Тақырыптың зерттелу деңгейіне тоқталатын болсақ, мемлекеттік органдардағы басқаруды ұйымдастыру сұрақтарына келесі отандық және Ресей ғалымдары өздерінің жұмысын арнаған: А. П. Алехин, А. И. Афанасьев, В. Г. Афанасьев, Д. Н. Бахрах, И. Л. Бачило, И. И. Веремеенко, М. И. Еропкин, Н. М. Конин, А. П. Коренев, Б. М. Лазарев, А. Е. Лунев, В. М. және т. б.

Соңғы он-он бес жыл ішінде ішкі істер органдарының қызметіндегі заңдылық мәселесі бойынша бірқатар диссертациялық зерттеулер мен арнайы жұмыстар басылып шыққан. Дегенмен бұл жұмыстарда заңдылық мәселесі мен оның кепілдігі негізінен ішкі істер органдары қызметінде адамның, азаматтың құқығы мен бостандығын қамтамасыз ету шегінде қарастырылды, ал заңдылықты бұзудың алдын алу мәселесі туралы көбінесе жол-жөнекей, үзілді-кесілді айтылған. Сонымен қатар, бірнеше жұмыстар салалық (қолданбалы) немесе криминологиялық сипатта жазылған. Дегенмен құқық теориясында аталған проблема бойынша шешілмеген мәселелер, талдануды қажет ететін сұрақтар бар.

Диплом жұмысының мақсаты мен міндеттері. Жұмыстың негізгі мақсаты-мемлекеттегі әкімшілік қызметтегі заңдылықты қамтасмасыз етудегі өзекті мәселелерге талдау жасау болып табылады. Зерттеу жұмысының жоғарыда көрсетілген алдына қойған мақсатына жету үшін төмендегі міндеттерді шешу:

Мемлекеттік басқаруда заңдылықты қамтамасыз етуге талдау жасау;
Қадағалау мемлекеттік басқаруда заңдылықты қамтамасыз ету тәсілін айқындау;
Әкімшілік қызметтегі заңдылық және құқықтық тәртібін саралау;
Әкімшілік құқықтық режимдер әкімшілік қызметтегі заңдылық ерекшелігін ажыратып көрсету;
Заңдылықтың қамтамасыз етілуін бақылауды талдау;
Заңдылықтың қамтамасыз етілуін қадағалау қажеттілігін сипаттап беру.

Жұмыстың объектісі әкімшілік қызметте заңдылықты қамтамасыз етуді жүзеге асыру барысында орын алатын қоғамдық қарым - қатынастар және өзекті мәселелер болып табылады.

Жұмыстың пәні әкімшілік қызметте заңдылықты қамтамасыз етудің әдіс-тәсілдерін, принциптерін, мәртебесін, нысандарын, ұйымдық- құқықтың табиғатын қарастыру болып табылады.

Зерттеу жұмысының ғылыми жаңалығы. Жұмыстың басты арқауы болып отырған тақырып әкімшілік қызметтегі заңдылықты қамтамасыз ету жүйесіндегі өзекті мәселелерін теориялық жүзінде негіздеу жүйелі түрде және жан-жақты талданып отыр. Әкімшілік қызметтегі заңдылықты қамтамасыз етудегі өзекті деп белгіленген мәселелер тың мәліметтермен қазақ тілінде алғаш рет толықтырылып берілген. Сонымен қатар, әкімшілік қызметтегі заңдылықты қамтамасыз ету жолдары туралы теориялық негізді байлам- түйіндер берілген.

Зерттеу жұмысының теориялық және тәжірибелік маңызы. Зерттеу жұмысының негізгі нәтижелері әкімшілік қызметтегі заңдылықты қамтамасыз етудегі өзекті деп белгіленген мәселелер әкімшілік саласындағы қатынастарды одан әрі тереңірек зерттеуге теориялық негіз қалайды және еліміздегі әкімшілік саласындағы заңдылықтың орнықтыруға деген қалыптасқан көзқарастар мен ой тұжырымдарды одан әрі байыта түседі.

Зерттеудің әдістері және әдістемесі . Іздену жұмысын әзірлеу барысында әкімшілік қызметтегі заңдылықты қамтамасыз ету шаралары зерделеген барлық ғылыми еңбектерді ой сүзгісінен өткізіп, толық пайдалануга ұмтылды.

Зерттеу жұмысында коғамдық ғылымдарға ортақ жалпы және арнайы танымдық әдістер жүйесі: диалектикалық, салыстырмалы, талдау, жүйелеу әдістер басшылыққа алынды.

Жұмыстың құрылымы және көлемі. Диплом жұмысы кіріспеден, 3 тараудан, 6 бөлімшеден, қорытынды мен пайдаланылған дерек көздер тізімінен тұрады.

1 Мемлекеттік басқаруда заңдылықты қамтамасыз ету

1. 1 Мемлекеттік басқаруда заңдылықты қамтамасыз ету түсінігі

Мемлекеттік басқарудағы заңдылық - бұл басқару қатынастарының барлық субъектілерінің ҚР Конституциясын және мемлекеттің аумағында қолданылып жүрген басқа нормативті - құқықтық актілерін дәл, қатаң және мүлтіксіз сақтауы мен орындауы. Оның мәні мемлекеттік басқару сферасында адам мен азаматтың құқықтары мен бостандықтарын бекіту және нақты іске асыруды қамтамасыз ету. Мемлекеттік басқаруда заңдылықты және тәртіпті қамтамасыз ету - заңдылық - биліктік өкілеттілікке иеленген мемлекеттік құрылымдардың қызметі. Олар мыналарға бағытталған:

1) мемлекеттік билік органдарының қызметінде, олардың лауазымды тұлғаларының заңдарға және одан туындайтын актілерінің талаптарының бұзылуына жол бермеу;

2) оларға себеп болатын жағдайларды іздестіру;

3) оларды бұзғаны үшін жауапкершіліктің пайда болуы;

4) табылған құқық бұзушылықтарды уақытында және оперативтік тұрғыда жолын кесу және жою;

5) заңдылық пен тәртіпті бұзған кінәлілерді белгіленген жауапкершілкке тарту;

6) заңдылық пен тәртіптің бұзылуына себеп болатын жағдайларды жоюға шаралар қолдану.

Заңдылық қағидалары - негіз болатын идеялар, басшылыққа алынатын бастамалар.

1) Заңның басымдылығы;

2) Заң алдындағы теңдік;

3) Жеке адамның құқықтары мен бостандықтарының кепілдігі;

4) Заңдылықты бұзғаны үшін жазалаудың болмай қоймайтындығы;

5) Заңдылықтың кепілдіктері;

6) Заңдылықты қамтамасыз етудің жалпы шарттары

7) Заңдылықты қамтамасыз етудің арнайы құралдары;

Мемлекеттік тәртіп - мемлекеттің және оның өкілетті органдарының тәртібі, ол бойынша барлық мемлекеттік органдар, кәсіпорындар, мекемелер, ұйымдар, лауазымды тұлғалар мен азаматтар өздеріне жүктелген мақсаттар мен міндеттерді дер кезінде және дәл орындауға тиіс. Заңдылық пен тәртіпті қолдау және нығайту міндеті жүктелген мемлекеттік органдардың ерекше жүйесі әрекет етеді. Олардың жүзеге асыратын әр түрлі құқықтық және ұйымдық қызметтерінің түрлері мен әдістері, қоланатын практикалық амал - тәсілдері, операциялары, жұмыс түрлері заңдылықты қамтамасыз ету тәсілдері деп аталады. . [2, 4б]

Бақылау - объектілердің белгіленген көрсеткіштерден (параметрлардан) ауытқуларын жою мақсатында оның қызмет ету процесін байқау және тексеру жүйесі. Атқарушы билік сферасындағы бақылаудың мәні осыған өкілетті органның ұйымдық-құқықтық тәсілдерді және құралдарды пайдалана отырып атқарушы билік органның немесе лауазымды тұлғаның қызметінде заңдылықтан қандай - да бір ауытқулар бар ма, жоқ па соны айқындайды, ал егерде осындай ауытқулар болса, онда оларды өз уақытында жояды, бұл кезде бұзылған құқықтарды қалпына келтіреді, жауапкершілікке тартады, заңдылықты және тәртіпті бұзудың алдын алуға шаралар қабылдайды. Мемлекеттік басқару заңдылық пен құқықтық тәртіпті қамтамасыз ету амал-тәсілдерінің жүйесі Заңдылықты қамтамасыз ету тәсілдері:

1) басқару субъектілері бойынша бақылау - президенттік, парламенттік, үкіметтік, жергілікті атқарушы билік органдарының, сала аралық, және салалық, әкімшілік қадағалау;

2) Прокуратураның қадағалауы:- Конституцияның, заң күшіндегі актілердің және Президент актілерін бұзуды анықтау және жою шараларын қабылдау; - жедел-іздестіру қызметінің, алдын - ала анықтау және тергеудің, әкімшілік және атқарушы өндірістің заңдылығын қадағалау; - кәсіпорындардың, мекемелердің және ұйымдардың актілерін қадағалау

3) Заңдылықты қамтамасыз ету бойынша соттың қызметі:

а) әкімшілік құқықтық қатынастардан туындайтын істерді қарау;

б) лауазымды тұлғалардың актілерін және әрекеттерінің заңсыздығын анықтау;

в) азаматтардың құқықтары мен бостандықтарын қалпына келтіру бойынша шешім қабылдау және оларды жауапкершілікке тарту.

Қадағалау мемлекеттік басқаруда заңдылықты қамтамасыз ету тәсілі ретінде қадағалау атқарушы билік сферасында заңдылықты қамтамасыз ету әдістерінің бірі болып табылады. Қадағалау - бұл мемлекеттік органдар, мекемелер, кәсіпорындардың, ұйымдардың ұйымдастырылуның құқықтық меншік нысанына қарамастан, олардың лауазымды тұлғаларының, қызметкерлерінің және азаматтардың заңдарды дәл және біркелкі орындауларын тексеру. Қадағалаудың мынадай түрлері бар:

1) прокуратураның жалпы қадағалауы - барлық мемлекеттік органдардың, лауазымды тұлғалардың, азаматтардың, мемлекеттік емес ұйымдардың, мекемелер, кәсіпорындар, бірлестіктердің ҚР заңдарын бұлжытпай орындауын қадағалау;

2) арнайы қадағалау - әкімшілік қадағалау - әкімшілік мемлекеттік басқару органдарының, бірқатар құқық қорғау органдарының қызметінің арнайы түрі:

а) орган басшыларының және олар құратын комиссиялардың негізгі және ішінара жүргізілетін қадағалауы (оларға түскен өтініштер, шағымдар және т. б. ) ;

б) арнайы ведомстволар, қызметтер және органдарға мұндай қызмет бастапқы немесе маңызды болып саналатын қадағалау, мысалы, ІІО қадағалауы ҚР Конституциясына сәйкес прокуратура мемлекеттің атынан жоғарғы қадағалауды жүзеге асыруды және оның қадағалауы негізгі бағыттар бойынша іске асырылады:

1) лауазымды тұлғалардың және азаматтардың заңдарды, Президент актілерін және өзге де нормативті - құқықтық актілердің біркелкі орындалуын қадағалау;

2) шұғыл іздестіру қызметінің, тергеудің заңдылығын;

3) соттарда істерді қарауда заңдардың орындалуын қадағалау;

4) ұсталғандарды ұстайтын орындарды, алдын-ала қамауға алу орындарында, бас бостандығынан айыру орындарын жартылай өтеуде, сот тағайындаған өзге де мәжбүрлеу сипатаныдағы шараларды орындауда заңдардың сақталуын қадағалау. Прокурорлық қадағалаудың барлық бағыттарының ішіндегі ең бастысы прокуратураның жалпы қадағалауы. Ол барлық министрліктердің, комитеттердің, ведомстволардың, кәсіпорындардың, мекемелер мен ұйымдардың, азаматтардың заңды тура және біркелкі орындауында жүзеге асырылады. Жалпы қадағаулаудың негізгі міндеттері:

1) басқару органдарының және қоғамдық ұйымдар органының барлық актілерінің заңдарға және басқа да нормативті актілеріне сәйкестігін тексеру;

2) басқару аппаратының лауазымды тұлғаларының заңдрды орындауларын қадағалау.

Прокуратура органдары тек заңдылық тұрғысынан ғанга қадағалау жасайды, сондықтан олар қадағалауындағы объектілердің шұғыл-шаруашылық қызметтеріне араласпайды, олардың актілерінің күшін жоймайды және өзгертпейді. Заңмен белгіленген тәртіп бойынша прокуратура органдары заңның негізінде қадағалау объектілеріне баруға, басшылардан қажетті ақпараттарды алуға, талап етуге, тексеру жүргізуге құқылы. Қадағалау бойынша сыртқы нысандарға мыналар жатады: наразылық, ұсыныс. Наразылық - бұл заңсыз актілер мен әрекеттерге прокурордың нақты және ресми әсер етуі. Прокурордың ұсынысы заңды бұзған фактілерді, сонымен қатар бұзушылыққа әкелген себептер мен жағдайларды көрсетуге бағытталған. Ұсыныс бұзушылықты жою бойынша шаралар қабылдауға құқығы бар мемлекеттік органдарға, қоғамдық бірлестіктерге немесе коммерциялық ұйымдарға, лауазымды тұлғаларға беріледі. Жалпы қадағалауды жүзеге асыруда прокуратура органдары мына өкілеттіліктерді істеуге құқылы:

1) орталық және жергілікті басқару органдары, лауазымды тұлғалары шығаратын құқықтық актілерді заңға сәйкестілігін тексеру үшін талап етуге;

2) қадағалауындағы органдардан, лауазымды тұлғалардан барлық қажетті материалдарды, мәліметтерді, құжаттарды талап етуге;

3) басқару органының, лаазымды тұлғалардың заңдылықты бұзу туралы өтініштерімен байланысты заңдардың орындалуын тексеру;

4) азаматтардың әкімшілік ұстаудың, оларға әкімшілік ықпал ету шараларын қолданудың заңдылығына тексеру жүргізуге;

5) орталық және жергілікті басқару органдарының заңға қайшы қабылданған актілеріне, сонымен қатар лаузымды тұлғалардың әрекеттері мен заңсыз басқару шешімдеріне наразылық білдіруге құқылы. [3, 79б]

Бақылау түсінігі мен түрлері

Бақылау - бұл белгіленген мөлшердегі параметрлерден ауытқуды жою мақсатында қызмет ету процесін бақылау (байқау) және тексеру жүйесі. Атқарушы билік органдарының қызметіне бақылау жасаудың мәні - ол осығн өкілетті мемлекеттік органдар мен қоғамдық ұйымдар ұйымдық - құқықтық тәсілдер мен құралдарды пайдаланып бақылаудағы атқарушы билік органдары мен олардың лауазымды тұлғаларының қызметтерінде заңдылықтан қандайда болмасын ауытқулар жіберілді ме соны анықтайды. Егер осындай ауытқулар болса, соны өз уақытында жойып, осы кезде бұзылған құқықтарды орнына келтіріп, кінәлілерді жауапкершілікке тартады, заңдылықты және тәртіпті бұзуды болдырмауға шаралар қабылдайды. Бақылауды мемлекеттік билік органдары, жалпы, салалық және сала аралық құзырлы мемлекеттік басқару органдары, сот органдары қолданады. [4, 79б]

Бақылау субъектілеріне байланысты былай бөлінеді:

1) Президенттік бақылау;

2) Парламенттік бақылау;

3) Үкіметтік бақылау;

4) соттық бақылау.

Президенттік бақылауды Президенттің өзі және оның әкімшілігі жүзеге асырады. Президент конституциялық өкілеттіліктер шегінде мемлекеттік биліктің заң шығарушы, атқарушы және соттық тармақтарының келісімді өзара әрекетін бақылайды. Билік тармақтарының өзара әрекеті Конституцияға және басқа да нормативті-құқықтық актілерге негізделген. Президенттің бақылауы мыналардан тұрады: Президент Сенат ұсынған заңды 15 күннің ішінде:

а) қол қоюға және оны жариялауға құқылы;

б) заңды және оның жеке баптарын қайта талқылап дауыс беру үшін қайтаруға құқылы.

- Президент ел басы, оның ең жоғарғы лауазымды тұлғасы бола отырып, кадр саясатына белсенді қпал етеді. Лауазымды тұлғаларды тағайындайды және орнынан босатады (Парламенттің келісімімен және жеке) ;

- Президент биліктің біртұтастығын қамтамасыз ету мақсатында және билік тармақтарының өзара әрекетіндегі келіспеушіліктерді болдырмау мақсатында мемлекет органдарын құрады және бақылау жасайды. Сондықтан оған мынадай өкілеттіліктер берілген:

а) Парламентті таратуға;

б) Үкіметтің өкілеттілігін тоқтату жайлы шешім қабылдауға және Премьер-министрді, үкімет мүшелерін лауазымынан босатуға құқылы;

в) Қауіпсіздік Кеңес, Жоғарғы Сот Кеңесін құруда, Қарулы Күштердің жоғарғы командованиесін лауазымға тағайындайды және бостады;

г) Үкіметтің отырысында ерекше маңызды сұрақтар бойынша төрелік етеді;

д) Үкіметтің және облыс, республикалық маңызы бар қалалар мен астана әкімдерінің актілерінің күшін жояды немесе тоқтатады.

Бақылау функциялары былай жүзеге асырылады: Республикалық бюджетті және Үкіметтің есебін бекітуде; -Бюджетке өзгертулер мен толықтырулар кіргізуде;

-Премьер-министрдің, ҚР Ұлттық банксінің төрағасын Президент тағайындағанда келісім беруде;

-ҚР Үкіметінің бағдарламасы туралы Премьер-министрдің баяндамасын тыңдауда; -елімізде Конституциялық заңдылық жағдайы туралы ҚР Конституциялық Кеңесінің жолдамаларын жыл сайын тыңдауда. Тек қана Сенаттың жүргізілуіне жататын бақылау: ҚР Президентінің ұсынысы бойынша Жоғарғы Соттың төрағасын, Жоғарғы алқасының төрағаларын және соттарды сайлауда және лауазымынан босатуда;

- ҚР Паламентінің Бас прокуроры мен ҰҚК төрағасын тағайындағанда келісім беру;

- Бас прокурор, Жоғарғы Сот төрағасы мен соттарын жеке басына қол сұғылмаушылықтан айыру;

Мәжіліс өзінің атқарушы өкілеттілігін мына жолдармен іске асырады:

- ҚР Парламентінің ұсынысы бойынша орталық сайлау комиссиясының төрағасын, хатшысын және мүшелерін сайлайды және лауазымынан босатады;

- мемлекетке опасыздық жасағанда, Парламентке қарсы кінәлауды қорғау.

Мемлекеттік басқаруда соттық бақылау.

ҚР Конституциясына сәйкес ҚР әділ соттылықты тек сот қана жүзеге асырады. Сот билігі ҚР атынан жүргізіледі және оның мақсаты азаматтар мен ұйымдардың құқықтарын, бостандықтарын және заңды мүдделерін қорғау, Конституциялық заңдардың өзге де нормативті актілердің, Республиканың халықаралық келісімшарттарының орындалуын қамтамасыз ету. ҚР Конституциясының осы жағдайларын жүзеге асыру үшін сотқа мемлекеттік органдардың, олардың лауазымды тұлғаларының әрекеттерін және олар шығаратын актілердің заңға сәйкестілігін тексеру бойынша және қажетті жағдайда сәйкес құқықтық санкцияларды қолдану функциялары берілген. Осы бақылаудың ерекшелігі және өзге де қарастырылған бақылаулардан айырмашылығы ол тек қылмыстық, азаматтық немесе әкімшілік істерді қарастыруда ғана жүзеге асырылады. [5]

Әкімшілік қадағалау - мемлекеттік басқаруда заңдылықты қамтамасыз етудің арнайы тәсілдерінің бірі. Әкімшілік қадағалау - атқарушы биліктің қарамағындағы ұжымдық және жеке субъектілердің құқық нормаларын сақтау үшін жүргізетін, үстінен қарайтын бақылау. Әкімшілік қадағалаудың мән-маңызы - ол басқару сферасында әрекет ететін заңдарда және заң күшіндегі актілерде бекітілген арнайы ережелер мен талаптардың орындалуын байқау, бақылау. Бұл жол жүру ережелерін, қауіпсіздік ережелерін, сауда, санитарлық, табиғатты қорғау нормаларын орындалуын қадағалау. Әкімшілік қадағалау атқарушы билік органдарын, кәсіпорын, мекеме, ұйым, қоғамдық бірлестіктер, азаматтарға қатысты жүргізіледі. Оны арнайы органдар жүзеге асырады. Көптеген ведомстволарда арнайы қадағалау қызметтері бар және олар мемлекеттік инспекциялар деп аталады. Мемлекеттік инспекция - жеке және заңды тұлғалардың нақты ережелерді сақтау үшін қадағалау жүргізетін арнайы мемлекеттік органдар. Сонымен қатар салықты және бюджетке міндетті түрде төлейтін төлемдерді төлеу үшін бақылау жасайды, таулы жерде жұмыс жүргізу мен атомдық өндірістерде қауіпсіздікті бақылайтын, энергетикалық қондырғылардың қауіпсіздігі үшін, қалаларда архитектуралық стилдерді сақтау үшін бақылау жүргізетін инспекциялар бар. Мемлекеттік инспекцияларға функционалды билік және барлық органдардың үстінен қарайтын өкілеттіліктер берілген, соның ішінде бұзушыларға әкімшілік мәжбүрлеу шараларын қолдану да көзделген. Арнайы қадағалау ведомстволары ҚР Үкіметіне бағынады, ведомстволық қызметтер - сәйкес арнайы құзырлығы бар орталық органдарға бағынады. Әкімшілік қадағалаудың ерекшелігі қадағалау субъектісі мен объектісінің арасында бағыныштылық жоқ және нақты жағдайда қадағалау объектісіне қадағалау субъектісі әкімшілік мәжбүрлеу шараларын қолдана алады. [ 6]

Қандайда болмасын құқық саласының зерттеу пәні болады, яғни осы саламен реттелетін біртекті қоғамдық қатынастардың тобын айқындауы. Көптеген заңгер-ғалымдардың пікірі бойынша, әкімшілік құқық мемлекеттік басқаруды немесе атқарушы-бұйырушы қызметті жүзеге асыру процесінде қалыптасатын қоғамдық қатынастарды реттейді. Сонымен, әкімшілік - құқықтық реттеу мемлекеттік қызметтің бір түрінің, атап айтқанда мемлекеттік басқару шегінде шектелген, яғни әкімшілік құқық реттейтін қоғамдық қатынастар басқарушылық сипатта болады. Осы айтылғандарды ескере отырып айтатын болсақ, әкімшілік құқықтың пәні деп басқарушылық сипаттағы қоғамдық қатынастарды айтамыз. Сөйтіп, егер "адмнистрация" -"әкімшілік" - бұл басқару бойынша қызмет болса, онда "әкімшілік құқық" осы "әкімшілік қызметті" жүзеге асыру барысында туындайтын қоғамдық қатынастарды реттейді. Әкімшілік құқық - бұл қоғамдық қатынастардың ерекше тобын реттеуге арналған ҚР құқық жүйесінің саласы. Сөйтіп, Әкімшілік құқықтың пәні - бұл мемлекеттік басқару сферасында қалыптасқан және әкімшілік құқықтың нормаларымен реттелетін қоғамдық қатынастар.

Әкімшілік құқықтың пәнін құрайтын қоғамдық қатынастарды сипаты және мазмұны бойынша да топтауға болады.

Әкімшілік құқықтың реттеу әдісі - бұл қоғамдық қатынастарға ықпал ету тәсілдерінің, амал-жолдардың, құралдардың жиынтығы. [7, 16б]

Әкімшілік құқықтың реттеу әдісінің мынадай түрлері болады:

1) Билік әдісі - бағындыру, немесе тура бұйыру әдісі ( қатынастар әкімшілік құқықтың шегінде біреуінің екіншісіне бағынуына тұрғызылады) ;

2) Ұсыну әдісі (басқару субъектісінің ұсыныстары егерде оны басқару екінші қатысушысы қабылдаған жағдайда заңды күшке ие болады) ;

3) Келісу әдісі (өзара бағыныштылықта болмайтын қатысушылар арасында) ;

4) Теңдік әдісі (мемлекеттік механизмнің бір деңгейінде тұратын субъектілер әкімшілік келісімшарт түрінде бірлескен әрекеттерді қабылдайды) .

... жалғасы

Сіз бұл жұмысты біздің қосымшамыз арқылы толығымен тегін көре аласыз.

Ұқсас жұмыстар

Құқықтық мәдениет пен құқықтық нигилизмді құқықтық реттеу

Қазақстан Республикасындағы прокуратура органдарының жеке тұлғалардың құқықтық мәртебесін қамтамасыз етудегі рөлі

Мемлекеттік басқару мен басқарушылық шешімдерді заңдылықты қамтамасыз етудегі тәртіптің орнын көрсету

Қазақтан Республикасының мемлекетті басқарудың жетілдіру жолдарын талдау

Азаматтардың қауіпсіздігі мен қоғамдық тәртіпті қамтамасыз етудегі мемлекеттік басқару жүйесіндегі ішкі істер органдары

Конституциялық бақылаудың мәртебесі

Прокуратура туралы жалпы түсінік

Қазақстан Республикасының мемлекеттiк наградалары

Коммерциялық банктер және оның қаржылық жағдайы

Құқықтық мәдениет және құқықтық нигилизм

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz