Тұрғын үй - коммуналдық шаруашылықтағы жылу пунктін TIA Portal программалық қамтамасы негізінде сымды байланысы бар үлестірілген өндірістік желіні құрастыру және зерттеу мәселелері

Жұмыс түрі: Дипломдық жұмыс
Тегін: Антиплагиат
Көлемі: 103 бет
Таңдаулыға:

1

2

3

4

Аңдатпа

Бұл дипломдық жобада тұрғын үй-коммуналдық шаруашылықтағы

жылу пунктін TIA Portal программалық қамтамасы негізінде сымды

байланысы бар үлестірілген өндірістік желіні құрастыру және зерттеу

мәселелері қарастырылған.

Бірінші бөлімде жылу желілерін автоматтандыру туралы әдебиеттерге

шолу жасалынды. Зерттеу объектісі сипатталып, таңдалынған объектінің

технологиялық сұлбалары құрастырылды. Жылу пунктін автоматтандыру

жүйесінің аппараттық және бағдарламалық жабдықтары талданды.

Екінші бөлімде жылу пункті аппараттық қамтамасының көп деңгейлі

құрылымы жасалынды. Өндірістік бақылауыш пен байланыс жүйесі

таңдалынды.

Үшінші бөлімде жылу пунктінің диспетчерлік бақылау және басқару

жүйесінің макеті құрылды.

Экономикалық негіздеу бөлімінде тұрғын үй-коммуналдық

шаруашылықтағы жылу пунктінің диспетчерлік бақылау және басқару

жүйесін құрудың тиімділіктері анықталды.

Өміртіршілік

қауіпсіздігі бөлімінде тұрғын үй-коммуналдық

шаруашылықтағы жылу пунктінің жұмысын қадағалайтын оператордың еңбек

жағдайын талдау, операторлық бөліміндегі шуды есептеу және шудан қорғану

шаралары қарастырылды.

Аннотация

В данном дипломном проекте рассмотрены вопросы разработки и

исследования распределенной промышленной сети с проводной связью на

базе программного обеспечения TIA Portal на примере теплового пункта

жилищно-коммунального хозяйства.

В первой части сделан обзор литературы по автоматизации тепловых

сетей. Описан объект исследования, построены технологические схемы

данного объекта. Произведен анализ аппаратного и программного

обеспечения системы автоматизации тепловых пунктов.

Во второй части разработана многоуровневая структура аппаратного

обеспечения теплового пункта. Выбран промышленный контроллер и система

связи.

В третьей части построен макет системы диспетчерского контроля и

управления тепловым пунктом.

В экономической части рассчитаны расходы на создание проекта и

определена его эффективность.

В разделе безопасности жизнедеятельности решена задача шума

операторской комнаты, рассмотрены меры защиты от шума и определены

рабочие условия оператора.

5

Мазмұны

Кіріспе

1 бөлім. Жылу желілерін автоматтандыру туралы әдебиеттерге шолу

1. 1 Жылумен қамтамасыз ету жүйесін зерттеу

1. 2 Жылу пунктін автоматтандыру есебі

1. 3 Жылу пунктін автоматтандыру жүйесінің аппараттық және

бағдарламалық жабдықтарына шолу

1. 4 Есептің қойылымы

2 бөлім. Аппараттық қамтаманы құрастыру

2. 1 Жылу пункті аппараттық қамтамасының көп деңгейлі құрылымын

жасау

2. 2 Өндірістік бақылауышты таңдау

2. 3 Байланыс жүйесін таңдау

3 бөлім. Бағдарламалық қамтаманы құрастыру

3. 1 Бөлменің температурасы бойынша реттеу жүйесінің синтезі

3. 2 TIA Portal көмегімен бағдарламалық қамтаманы құрастыру

3. 3 Жылу пунктінің диспетчерлік бақылау және басқару жүйесін құру

4 бөлім. Техника-экономикалық негіздеу

4. 1 Жобаның бейнеленуі

4. 2 Өндірістік жоспар

4. 3 Автоматтандыру жүйесінің эксплуатацияға кететін шығындары

4. 4 Қаржы жоспары

5 бөлім. Өміртіршілік қауіпсіздік бөлімі

5. 1 Еңбекті қорғау бойынша заңдық және нормативтік актілер

5. 2 Оператордың еңбек жағдайын талдау

5. 3 Операторлық бөліміндегі шуды есептеу

Қорытынды

Қолданылған әдебиеттер тізімі

А қосымша

Б қосымша

В қосымша

Г қосымша

6

Кіріспе

Қазіргі кезде энергия тұтынатын елдердің басым көпшілігі энергияны

үнемдеу мәселесін шешу жолдарын іздеуде. ҚР Президентінің бұйрығымен

2012 жылғы 13 қаңтардағы «Энергия үнемдеу және энергия тиімділігін

арттыру» және «Энергия үнемдеу және энергия тиімділігін арттыру

мәселелері бойынша заңнамалық актілерге өзгертулер мен толықтыруларды

енгізу» туралы заңдары қабылданды. Энергия ресурстарын, соның ішінде

жылу энергиясын үнемдеу және тиімді пайдалану туралы мемлекеттік

бағдарламасын іске асыру автоматтандырылған басқару жүйелерін, бақылау

кешендерін, соның ішінде жеке автоматтандырылған жылу пункттерін

(ЖАЖП) енгізуді көздейді.

Бүгінгі таңда жылу пункттерінің (ЖП) басым көпшілігі жылу

энергиясын бақылау орталықтарымен жабдықталған. Алайда, бақылау

орталықтары энергияны үнемдеу мәселесінің шешімі бола алмайды, олар тек

қана жылу энергиясын тұтынудың дәл есебін жүргізуге мүмкіндік береді.

Осындай есеп жүргізу коммуналдық төлемдерді тұтынған жылу

энергиясының нақты мәні бойынша орындап, жылумен қамтамасыз ету

орталықтарының қосымша үстеме шығындарды қоспай есеп жүргізуін

қамтамасыз етеді.

Коммуналдық төлем шамасын қысқартып, жылу энергиясының

үнемделуіне қол жеткізу үшін жылу пункттерін автоматтандыру керек. Бұл

жылу энергиясын пайдалануға кететін шығындарды келесі әрекеттер арқылы

қысқартады:

- жылы мезгілдер кезінде жылу беруді шектейді;

- түнгі уақыттарда, ресми мейрамдар және демалыстар кезінде

ғимараттағы температураны төмендетеді.

Алматы энергетика және байланыс университетінің үш корпусы

автоматтандырылған жылу пункттерімен жабдықталған. Олардың көмегімен

жылумен қамтамасыз етудің негізгі параметрлері, яғни, температура, қысым

және шығын шамаларын бақылау және реттеу үрдістері жүзеге асырылуда.

Жұмыстың мақсаты аталған жылу пункттерін бір өндірістік желіге біріктіріп,

орталықтандырылған диспетчерлік пунктін құру болып табылады. Осындай

диспетчерлік пункт үш корпустың жылу пункттерін қашықтықтан бақылауға,

реттеуге және басқаруға мүмкіндік береді.

Қойылған мақсатты жүзеге асыру үшін көптеген артықшылықтары бар

Siemens фирмасының еркін программалынатын логикалық бақылауыштарына

(ЕПЛБ) арналған TIA Portal программалық жабдығын қолдану көзделуде.

TIA Portal Siemens фирмасының Simatic программалық жабдықтарының

эволюциялық даму нәтижесінде пайда болған өнім. Құрамына логикалық

бақылауышты программалау пакеті Step7 және адам-машина интерфейсін

жасау пакеті WinCC кіреді.

7

1 бөлім. Жылу желілерін автоматтандыру туралы әдебиеттерге

шолу

1. 1 Жылумен қамтамасыз ету жүйесін зерттеу

Ғимараттарды

жылумен қамамасыз ету жүйесі жылыған

жылутасымалдағышты қажет ететін инженерлік жүйелерін жылу

энергиясымен қамтамасыз ету үшін арналған. Қазіргі кезде, көбіне,

жылутасымалдағыш ретінде

жылытылған су қолданылады. Көптеген

кемшіліктеріне орай су буы жылумен қамтамасыз ету жүйелерінде өте сирек

қолданылады. Қазіргі таңда су буын технологиялық қажеттіліктер үшін ғана

өндірістік ғимараттарда жылутасымалдағыш ретінде қолданады [1] .

Жылумен қамтамасыз ету жүйелері су немесе су буының қолданылуына

байланысты су және бу жылумен қамтамасыз ету жүйелері деп бөлінеді.

1. 1 кестеде су мен будың артықшылықтары көрсетілген.

1. 1 к е с т е - Су мен будың артықшылықтары

8

Кез келген жылумен қамтамасыз ету жүйесі үш негізгі элементтерден

тұрады:

1) жылу көзі. Бұл ЖЭС немесе қазандық (орталықтандырылған

жылумен қамтамасыз ету жүйесі үшін), немесе бөлек ғимаратта орналасқан

қазандық (жергілікті жылумен қамтамасыз ету жүйесі үшін) ;

2) жылу энергиясын тасымалдау жүйесі (жылу желілері) ;

3) абоненттік енгізу мен жергілікті жылу тұтыну жүйелері (жылу

радиаторлары және калориферлер) .

Жылумен қамтамасыз ету жүйелерінің екі түрі бар:

орталықтандырылған және жергілікті. Үлкен қалалар үшін

орталықтандырылған жүйелер - болашақтың талаптарына сай және ұтымды

шешім болып табылады. Орталықтандырылған жылумен қамтамасыз ету

жүйелері отынды көп мөлшерде шығындауды қажет етпейді. Жылу көздерінің

аз болуы түтін мұржаларының санын азайтып, қоршаған ортаға шығарылатын

жану өнімдерінің көлемін қысқарту арқылы ауаны ластамайды. Сонымен

қатар, қаланың бойында таралған шағын қазандықтарға отынды тарату және

сол қатты отынды сақтау қоймаларын құру, күл мен қоқысты алып шығару

жұмыстарын қажет етпейді.

Осыған орай орталықтандырылған жылумен қамтамасыз ету жүйелері

экологиялық жағынан қауіпсіз әрі сенімді жүйе болып табылады. Орталық

қазандықта өндірілген жылу құбырлар арқылы бірнеше ғимараттарға

таралады. Заманауи отын жағу және қоқысты тазарту технологиялары

қоршаған ортаға жағымсыз әсерлерді азайтады.

Жылумен қамтамасыз ету жүйелерінің тиімділігі жылу желісіне қосылу

түріне тәуелді болып келеді. Себебі, абоненттік енгізу сыртқы жылу желісі

мен жергілікті жылу тұтынушы арасындағы негізгі байланысу буыны болып

табылады.

Жергілікті жылумен қамтамасыз ету жүйелерінің сұлбалары

гидравликалық байланыс белгісі жағынан тәуелді және тәуелсіз болып

бөлінеді [2] .

Тәуелді байланысу жүйелерінде (1. 1 сурет) жылутасымалдағыш жылу

желісінен тікелей жылумен қамдау құралдарына келіп түседі.

Сөйтіп, жылу желісінде айналып жүрген жылутасымалдағыш жылыту

жүйесінде де қолданылады. Сондықтан, жергілікті жылыту жүйесіндегі

қысым режимі сыртқы жылу желісінің қысым режимімен анықталады.

Тәуелді жылумен қамтамасыз ету жүйесінің негізгі кемшілігі - жылумен

қамдауды жылудың шамадан тыс берілетін жылыту маусымының басы мен

соңында реттеу мүмкіндігінің жоқтығы. Осы кемшілік тұтынушының

жайлылығы мен жылудың шығындалуына әсер етеді.

Энергияны үнемдеу мақсатында қазіргі кезде тәуелді жүйеден тәуелсіз

жүйеге өту белсенді түрде елең алуда. Бұл жылу энергиясының шығындарын

жылына 10-40%-ға дейін қысқартады.

9

1. 1 сурет - Жылумен қамтамасыз етудің тәуелді жүйесі

Тәуелсіз сұлбаларда

жылутасымалдағыш

жылу желісінен

жылуалмастырғышқа келіп түседі де, жергілікті жылыту жүйесін толтырып

тұрған суды жылыту үшін ғана қолданылады. Жылу желісі мен жергілікті

жылыту жүйесі бір-бірінен толық изоляцияланған. Соның салдарынан

жергілікті құрылғылар жылу желісіндегі қысымның шамадан тыс арту немесе

кемуінен қорғалады. Әдетте, қысымның күрт өзгеруінен жылыту құралдары

бұзылып, жергілікті жылыту жүйелерінде жылутасымалдағыштың ағып кетуі

байқалады.

1. 2 суретте жергілікті жылумен және ыстық сумен қамтамасыз ету

жүйесінің жылу желісіне екі құбырлы тәуелсіз сұлба бойынша қосылған

суреті көрсетілген.

Жылумен қамтамасыз етудің тәуелсіз жүйесі тәуелді жүйеге қарағанда

біршама артықшылықтарға ие:

- тұтынушыға берілетін жылу мөлшерін реттеу мүмкіндігі (екінші ретті

жылутасымалдағышты реттеу арқылы) ;

- сенімділігі жоғары;

- энергияны үнемдеу (жылуды 10-40%-ға дейін үнемдейді) ;

- жылутасымалдағыштың техникалық және эксплуатациялық сапасын

арттыру мүмкіндігі. Сол арқылы қазандық құрылғыларын ластанудан сақтау.

Осы артықшылықтардың арқасында жылумен қамтамасыз етудің

тәуелсіз жүйесі жылулық жүктемелері көп болып, жылулық желілері үлкен

ара қашықтықтарға тартылған ірі қалаларда белсенді түрде қолданылуда.

10

Қазіргі кезде тәуелді жүйелерді тәуелсіз жүйелерге ауыстыру технологиялары

құрастырылып, үлкен шығындарға қарамастан, көптеген жерлерде енгізілуде.

1. 2 сурет - Жылумен қамтамасыз етудің тәуелсіз жүйесі

Жылытудың элеваторлық буындары. Тұрғын үйлер үшін жылыту

құралдарына баратын жылутасымалдағыштың санитарлық нормаларға [3] сай

температурасы 85°С-тан аспауы қажет. Ал жылу желілеріндегі (1. 3 сурет)

ыстық судың температурасы 100-150°С-қа дейін болуы мүмкін. Демек,

жылутасымалдағыш температурасын қажетті шамаға дейін төмендету керек.

Бұл ғимараттың жылыту жүйесінің буынында орналасқан элеватор арқылы

жүзеге асырылады.

1. 3 сурет - Жылыту элеваторының жұмыс принципі

11

Элеватордың жұмыс жасау принципі келесіде: магистралдан келетін

жылыған су алмалы конус тәріздес соплоға келіп түседі. Бұл соплода судың

жылдамдығы лезде артады да, соның нәтижесінде соплодан араласу

камерасына баратын су ағыны кері құбырдағы салқындатылған сумен

элеватордың ішкі қуысында араласады (1. 4 сурет) .

1. 4 сурет - Жылыту элеваторы

Сонымен бірге, элеваторда жылыту жүйесінің ыстық және

салқындатылған судың араласуы орын алады. Сөйтіп, жылыту жүйесінің

құралдарына керекті температурадағы су келіп түседі. Элеватордың конусына

ірі бөлшектердің түсіп кетуін болдырмау үшін элеватордың алдына міндетті

түрде лай жинағышты орнату керек. Себебі, желідегі ірі қоқыстар элеваторды

толық істен шығаруы мүмкін.

Толық алғанда, жылыту элеватор буыны бекітулі арматураларынан,

бақылау-өлшеу аспаптарынан, яғни манометрлер мен термометрлерден

тұрады. Элеватор буынының негізгі элементтері 1. 5 суретте көрсетілген.

1 - тура құбыр; 2 - кері құбыр; 3 - жапқыштар; 4 - су өлшегіш; 5 - лай

жинағыштар; 6 - манометрлер; 7 - термометрлер; 8 - элеватор; 9 - жылыту

жүйесінің қыздырғыш аспаптары.

1. 5 сурет - Жылыту элеваторы буынының негізгі элементтері

12

Элеваторлардың кезінде үлкен қолданысқа ие болуы олардың жылу

желісіндегі жылулық және гидравликалық режимдердің өзгеріп тұруына

қарамастан тұрақты жұмыс істеуімен тікелей байланысты. Сонымен қатар,

элеваторлар тұрақты бақылауды қажет етпейді. Ал оның өнімділігін реттеу

тек соплосының диаметрін таңдаумен ғана байланысты [4] . Элеватордың

артықшылықтары мен кемшіліктері 1. 6 суретте келтірілген.

1. 6 сурет - Элеватордың артықшылықтары мен кемшіліктері

Бұрын суды араластыру үшін су сорғалағыш реттелмейтін (1. 7а сурет)

және реттелетін (1. 7б сурет) сорғыларды (гидроэлеватор) орнатқан болатын.

Біріншілердің жұмысқа жарамсыздығына (суретте тұтас сызықпен сызылған)

және екіншілердің тиімсіздігіне (суретте нүктелі сызықпен сызылған) орай

термореттегіші бар екі құбырлы жылумен қамтамасыз ету жүйелерінде электр

сорғысы бар сұлбалар кең етек алған.

Екі құбырлы жүйеде гидроэлеватордың қолданылмау себебі:

қондырғылардың гидравликалық режимімен сәйкессіздігі және энергия

қолдану тиімділігіне қажетті клапандардың үйлесуі үшін су қысымының

аздығы.

Гидроэлеватор тұрақты гидравликалық режимде жұмыс жасайды, ал

термореттегіш екі құбырлы жүйеде айнымалы гидравликалық режимді

туындатады. Сондықтан жылыту жүйесі термостатикалық клапанмен

жабдықталған болса, элеваторды абоненттік енгізуде қолданылмайды деген

шешім қабылданған [9] .

13

1. 7 сурет - Сорғылардың принципиалды жалғану сұлбалары

Жүйені автоматты реттеу кезінде жүйені электрлік сорғы арқылы жалғау

қажет. Бұл талап екі құбырлы жүйеге ғана емес, бір құбырлы жүйелерге де

14

таралады. Себебі, орнатылуы міндетті болған термореттегіші бар бір құбырлы

жүйеде гидроэлеваторды қолдану тағы да тиімсіз болып табылады.

Гидроэлеватор мен термореттегішті бірге қолданған жағдайда,

термореттегіштен туындайтын жылутасымалдағыш қысымының ауытқуларын

жою мүмкін емес. Бұл ауытқулар екі құбырлы жүйедегі ауытқуларға

қарағанда аз болғанмен, олар жылутасымалдағыштың жылыту жүйесінің

тіреуіштері немесе құрылғылар тармақтары арасында, қайта үлестірілуіне

алып келеді. Бұл энергияның үнемделуіне жағымсыз әсер тигізеді.

Бір құбырлы жүйеде

жылутасымалдағыштың қайта үлестірілуін

болдырмай үшін шығынды шектейтін автоматты клапанды қолданған дұрыс

[9] . Гидроэлеватор мен термореттегіштер және шектеуші клапандардың

(шығын реттегіш) бірге қолданылуы жүйені жұмысқа жарамсыз етеді.

Өйткені, элеватор шығын реттегішті минималды талап етілетін қысыммен

қамтамасыз ете алмайды (шамамен 20 кПА) .

Элеватор бұрынғы

уақытта жүзеге асырылған көптеген

артықшылықтарға ие екендігі сөзсіз. Алайда, ол қазіргі жылумен қамтамасыз

ету жүйелерімен сәйкес келмейді.

Соңғы кездері үлкен қолданысқа ие болып отырған гидроэлеватор

арқылы соленоидты клапанмен реттеу әдісі бұрын

шағын жылыту

жүйелерінде сыртқы ауа температурасының оң шамаларында қолданылған

болса, қазіргі уақытта кейде биік ғимараттарда да қолданылады [6] . Заманауи

ғимараттарда мұндай реттеу заңдарын қолдану энергия үнемдеу жағынан

тиімсіз. Соленоидты клапанның әр жабылуы кезінде жылыту жүйесінің

гидравликалық тепе-теңдігі бұзылады. Ал клапанның ашылуы кезінде осы

тепе-теңдікті қайта қалпына келтіру үшін көп энергия және уақыт жұмсалады.

Зерттеу нәтижелеріне сәйкес [5], сыртқы ауа температурасының күндіз

+15 °С, түнде +10 °С шамаларында соленоидты клапанды элеватормен бір

жүйеде қолдану реттеу заңын қолданбаумен салыстырғанда 63% жылу

энергиясын үнемдеуге алып келеді. Ауа райы температурасының дәл осындай

шамаларында араластырғыш электр сорғысын қолдану жылу энергиясының

100% үнемделуіне әкеледі. Соленоидты клапанның жылу желісінде және

жергілікті жылыту жүйесінде қысымның күрт өзгеруін туындататынын

ескеретін болсақ, реттеудің гидроэлеваторлық үлгісін энергетикалық жағынан

да, тұтынушы жайлылығы мәселесін шешу жағынан да тиімсіз екені көрінеді.

Жылутасымалдағыштың реттелетін шығын мөлшері қаншалықты үлкен болса,

соншалықты қысымның секірісі де үлкен болады, сәйкесінше, жылыту

жүйесіне тигізетін зиянды әсері де жойқын болады. Бұл қысым секірістерін

көрші ғимараттарда немесе тіреуіштерде орналасқан қысым реттегіш

құралдары да жоя алмайды.

Соленоидты клапан шығынды реттемейді, ол тек келе жатқан ағынды

тоқтатады. Әдебиеттерде [8] көрсетілген классификацияға сәйкес соленоидты

клапанды бекіту арматурасына жатқызады. Себебі, бекіту арматурасы

құбырдағы ағынды бөгеу үшін арналған. Реттеу арматурасы деп жұмыс

ортасының параметрлерін шығын мөлшерін өзгерту арқылы реттейтін құбыр

15

арматурасын айтады. Сондықтан бекіту арматурасын реттеу арматурасы

ретінде қолдануға болмайды. Бұл талап соленоидты клапан гидроэлеватормен

бірге болсын, сорғымен бірге болсын қолданылмауы керек екендігін білдіреді.

Абоненттік енгізуде орналасқан жабдықтардың ерекше бөлімін

реттелетін гидроэлеваторлар құрайды (1. 7б

сурет) . Гидравликалық

көзқараспен қарағанда, оның кемшіліктері реттелмейтін жүйелердің

кемшіліктерімен бірдей болып келеді. Олардың қолданылуы заңнамалық

тұрғыдан қарағанда да, техникалық тұрғыдан қарағанда мүмкін емес. Себебі,

заңнамалық актілерге сәйкес барлық жаңадан құрастырылып жатқан

ғимараттардың жылыту жүйелері міндетті түрде термореттегіш құралдарымен

қамсыздандырылуы керек. Бұл гидроэлеваторларға тән емес.

Сыртқы ауа температура тетіктерін қолдана отырып ауа-райы

жағдайларын, жүйенің жылу

гидравликалық сипаттамаларын және

ғимараттың жылу сипаттамаларын есепке алатын абоненттің қосылу

жобасындағы сорғы абонент жүйелерін реттеудің энерго үнемді және

автоматтандырылған шешімдерін қолдануға мүмкіндік береді. Ғимараттың

жылу жүйесі ерекшеліктерін есепке алу және қолданатын

жылутасымалдағышты қысқарту арқылы жылу жүйесін кез-келген ауқымда

сандық және сапалық реттеу мүмкіндігі пайда болады.

Сорғыны қосудың негізгі жобалары 1. 7 суретте берілген. Автоматты

реттелетін жобалардың пайда болуынан, бұл жобалар гидроэлеватор

жобаларын ығыстыруда.

Бұл сорғылар қолдану артықшылықтарына

байланысты абонент жүйелерін реттеудің кез келген міндеттерін шешуге

мүмкіндік береді. Бұл міндеттерге орай сорғыны қондыру жерін де таңдайды.

Сорғыны су беретін және кері құбырдың тиіскен жеріне орнатады

(1. 7в сурет), кірістегі судың статистикалық қысым деңгейі бұл кезде

0, 05 . . . 0, 1 МПа-дан кем емес, бірақ шек деңгейден жоғары емес болуы керек.

Өтетін су деңгейіне байланысты мұндай жоба экономды болып саналады,

тиісінше кіші көлемдегі сорғы және электр қуаты қолданады. Алайда

сорғының мұндай орналасуында жылу жүйесіне қысым және жылу өзгерісі

әсер етеді. Жылу жүйесінде шығыстарды тұрақтандыру клапанын қондыру

арқылы бұл өзгерістерді реттеу мүмкін. Бұл кезде де, жүйенің шеткі

нүктелерінде тұтынушыға қажетті деңгейдегі су көлемін жеткізу

қиыншылықтары сақталуы мүмкін. Жүйедегі шығыс көлемі жылу ағымы

реттегіші қызметіне де байланысты, осыған орай бұл жобаны қолданбауға

ұсынылады. Аталған кемшіліктерді сорғыны су беретін немесе кері құбырда

орнату арқылы алдын алуға болады.

Көп қолданатын жылутасымалдағыштың өзгеру жобалары 1. 7г және

1. 7д суреттерінде берілген. Жылу жүйесіндегі тасымалдағыштың қажетті

температура деңгейі ECL электронды реттегіші арқылы анықталады. Бұл

орайда көбінесе

жылутасымалдағышты жақсы

қамтамасыз

етілуіне

байланысты клапан қолданылады. Үш жүрісті араластырғыш клапаны

жылутасымалдағышты өткізу қабілеті бойынша таңдалынып алынады. Бұл

таңдауды тура және кері құбырлардағы жылутасымалдағыш температурасы

16

мен шығынының айырымы арқылы есептік жолмен жүргізеді.

Орталықтандырылған

жылумен қамтамасыз ету

жүйесінде

клапанды

шығындар деңгейіне байланысты таңдайды. Бұл таңдау үш жүрісті

араластырғыш клапанның

жылыту жүйесіндегі тұрақсыз жұмысымен

байланысты. Бұл кемшілік үш жүрісті араластырғыш клапанды кері құбырда

орналастыру арқылы жоюға болады. Жылутасымалдағыштың екі контурында

клапанды дұрыс қамтамасыз етілмеуі қажетті шығыстан ауытқуына және

жылутасымалдағышты реттеу нәтижелігінің төмендеуіне алып келуі мүмкін.

Екі жүрісті жылу ағынын реттегішті қолдану арқылы реттеудің жақсы

нәтижелеріне қол жеткізуге болады. Оны су беретін және кері құбырда

орналастырады. Жылу ағымын реттегішті көп жағдайда араластырғыш сорғы

құбырында орналастырады. Жылутасымалдағыштың жоғарғы температурасы

кезінде су беретін құбырдағы клапанды кері құбырға ауыстырғандығы жөн.

Бұл кезде клапан қолайлы жағдайларда қызмет етеді.

Жылу жүйесі қарсылығынан өту үшін жүйедегі жылу қысымының

деңгей айырмасын есепке ала отырып, 7г және 7д суреттерде көрсетілгендей

сорғыларды орнатады. Бұл