Қуаттылығы тәулігіне 22-26 тонна өнім өндіретін тоқаш-кондитер өнеркәсібінің технологиялық қамтылуы

Жұмыс түрі: Дипломдық жұмыс
Тегін: Антиплагиат
Көлемі: 78 бет
Таңдаулыға:

«ҚАЗАҚ ҰЛТТЫҚ АГРАРЛЫҚ УНИВЕРСИТЕТІ»

КОММЕРЦИЯЛЫҚ ЕМЕС АКЦИОНЕРЛІК ҚОҒАМ

Гунеш Гүлмира Абдулхалыққызы

Қуаттылығы тәулігіне 22-26 тонна өнім өндіретін тоқаш-кондитер өнеркәсібінің технологиялық қамтылуы

ДИПЛОМДЫҚ ЖҰМЫС

Мамандық: 5В072800 - «Қайта өңдеу өндірістерінің технологиясы»

Алматы 2018

«ҚАЗАҚ ҰЛТТЫҚ АГРАРЛЫҚ УНИВЕРСИТЕТІ»

КОММЕРЦИЯЛЫҚ ЕМЕС АКЦИОНЕРЛІК ҚОҒАМ

«Технология және биоресурстар» факультеті

«Тағам өнімдерінің технологиясы және қауіпсіздігі» кафедрасы

ДИПЛОМДЫҚ ЖҰМЫС

Тақырыбы: Қуаттылығы тәулігіне 22-26 тонна өнім өндіретін тоқаш-кондитер өнеркәсібінің технологиялық қамтылуы

Беттер саны

Сызбалар мен көрнекті

материалдар саны

Орындаған: Гунеш Гүлмира Абдулхалыққызы

2018ж. «___» қорғауға жіберілді

Кафедра меңгерушісі,

қауым. профессоры, б. ғ. к. Л. А. Мамаева

Жетекшісі, қауым. профессоры, т. ғ. к С. Т. Дайрашева .

Арнайы . тараулар кеңесшілері С. Т. Дайрашева

Норма бақылу,

Техниика ғылым. канд., профессоры А. К. Тимурбекоа

Алматы 2018ж.

«ҚАЗАҚ ҰЛТТЫҚ АГРАРЛЫҚ УНИВЕРСИТЕТІ»

КОММЕРЦИЯЛЫҚ ЕМЕС АКЦИОНЕРЛІК ҚОҒАМ

«Технология және биоресурстар» факультеті

«Тағам өнімдерінің технологиясы және қауіпсіздігі» кафедрасы

Дипломдық жұмысты орындау

ТАПСЫРМАСЫ

Студент: Гунеш Гүлмира Абдулхалыққызы

Дипломдық жұмыс тақырыбы:

Қуаттылығы тәулігіне 22-26 тонна өнім өндіретін тоқаш-кондитер өнеркәсібінің технологиялық қамтылуы

Университет бойынша 2018 ж. «___»№бұйрығымен бекітілген

Дайын жұмысты тапсыру мерзімі 2018 ж. «__»

Дипломдық жұмыста қарастырылатын сұрақтардың тізімі:

Мазмұны

НОРМАТИВТІК СІЛТЕМЕЛЕР6

БЕЛГІЛЕУЛЕР МЕН ҚЫСҚАРТУЛАР7

КІРІСПЕ8

1 ТОҚАШ-КОНДИТЕР ӨНЕРКӘСІБІНІҢ СИПАТТАМАСЫ9

2 ӨНДІРІСТІК ТЕХНОЛОГИЯЛЫҚ СЫЗБАЛАРДЫ ТАЛДАУ ЖӘНЕ ҚҰРАСТЫРУ11

3 ТЕХНОЛОГИЯЛЫҚ БӨЛІМ18

3. 1 Нормативтік рецептура18

3. 2 Пешті талдау және есептеу21

3. 3. Өнім шығымын есептеу26

3. 4 Фазалы рецептурасын есептеу29

3. 5 Қамыр дайындау бөлімі38

3. 5. 1 Өндірістік рецептураны есептеу38

3. 5. 2 Қамыр дайындайтын бөлімін есептеу48

3. 6 Қамыр бөлшектейтін жабдықтарды есептеу52

3. 7 Дайын өнімдерді сақтайтын жабдықтарды есептеу55

3. 8 Негізгі қосымша шикізаттар есебі. 57

3. 8. 1 Қапсыз ұн сақтайтын қоймалар есебі62

3. 8. 2 Елегіш бөлім есебі62

3. 8. 3 Өндірістік аландардың есебі63

4 ТЕХНО-ХИМИЯЛЫҚ БАҚЫЛАУ ЖӘНЕ МЕТРОЛОГИЯ65

5 ЕҢБЕКТІ ҚОРҒАУ, ТЕХНИКАЛЫҚ ҚАУІПСІЗДІГІ72

6 ЭКОЛОГИЯ (ҚОРШАҒАН ОРТАНЫ ҚОРҒАУ) 80

7 ТЕХНИКО-ЭКОНОМИКАЛЫҚ БӨЛІМ89

ҚОРЫТЫНДЫ99

ҚОЛДАНЫЛҒАН ӘДЕБИЕТТЕР100

ЖАБДЫҚТАР СПЕЦИФИКАЦИЯСЫ102

НОРМАТИВТІК СІЛТЕМЕЛЕР

КРСТ 984- 2008 «Бидай ұнынан жасалған нан. Жалпы техникалық шарттар»;

МЕМСТ 24901-89 «Печенье. Жалпы техникалық шарттар»;

КРСТ1482-2005 «Бидай ұны. Техникалық шарттар»;

МЕМСТ26574-85 «Бидай ұны. Техникалық шарттар»;

МЕМСТ27839-88 «Бидай ұны. Желімшенің саны мен сапасын анықтау тәсілдері»;

МЕМСТ 171 - 81 «Наубайханалық сығымдалған ашытқы. Жалпы техникалық шарттар»;

МЕМСТ 51574 - 2000 «Тағамдық ас тұзы. Жалпы техникалық шарттар»;

МЕМСТ 7169-66 «Бидайдың кебегі»;

МЕМСТ 53438-2009 «Сүт сарысуы. Техникалық шарттар» ;

МЕМСТ27669-88 «Зертханалық сынақ нан пісіру» ;

МЕМСТ5667-65 «Нан және нан өнімдері. Қабылдау ережелері, сынамаларды іріктеу әдістері, органолептикалық көрсеткіштер мен масса өнімдерін анықтау әдістері»;

МЕМСТ 21094-75 «Нан және нан өнімдері. Ылғалдықты анықтау әдәстері»;

МЕМСТ5669-96 «Нан және нан өнімдері. Кеуектілікті анықтау әдәстері»;

МЕМСТ5670-96 «Нан және нан өнімдері. Қышқылдықты анықтау әдәстері»;

МЕМСТ 1180 - 2003 «Ауыз су стандарты»;

СанПИН 2. 1. 4. 1071-01. Ауыз су. Орталықтандырылған ауыз суымен жабдықтау жүйесінің сапасына гигиеналық талаптар

БЕЛГІЛЕУЛЕР МЕН ҚЫСҚАРТУЛАР

МЕМСТ - мемлекеттік стандарт

ТШ - технологиялық шарттар

л- литр

мл - миллилитр;

сағ- сағат;

кг- киллограмм;

г- грамм;

т -тонна;

%- пайыз;

дм ³ - көлем бірлігі;

м ³ - көлем бірлігі;

мин - минут;

рН - активті қышқылдық;

⁰ С - Цельсий градусы;

тг - теңге;

ЕЕТ- еңбеккердің еңбекақы төлемдері;

ҚҚС- қосымша құн салығы;

кДж - жылу өлшем бірлігі

КІРІСПЕ

Тақырыптың өзектілігі: Нантоқаш-кондитер өнеркәсібінде кәсіпшіліктердің саны, көлемі және өнімінің маңызы және де негізгі кәсіпшілік процестерінің механизациясының деңгейі бойынша тағам өнеркәсібінің негізгі саласының бірі болып табылады. Нан зауытын механизациялау отызыншы жылдардан басталды. Өткен жылдар бойы кәсіпорындар жоғары өндіргіш техникасымен жабдықталған, жаңа өндіріс технологиялары өңделді, автоматты зауыттарын салуға алғы шарттар жасалды. Мұнда маңызды рольді ғылыми зерттеу және оқу институттарының, өндірістік кәсіпорындардың ұжымдары және жеке өнертапқыштар атқарды. Бұған байланысты халықтың нан тағамдарымен қажеттілігін толығырақ қанағаттандыру міндеті - яғни әрдайым оның санын көбейту мәселесі қойылады. Бұл мәселені шешуді тек қана ғылыми - техникалық процесті жылдамдатудың, өндірісті механизациялау және автоматизациялау дәрежесін көтерудің негізінде іске асыруға болады.

Өндіріс көлемін анықтауға республика халқының көбеюіне және де ауыл тұрғындарының өнеркәсіптік өндірісінің нанын тұтынуының өсуіне байланысты нан өндірісінің көбеюі есепке алынған. Сонымен қатар кейбір тұрғындардың қоректі өнімдерді пайдалануының өсуі себебінен нанды пайдалануы төмендеуін есепке алуы қажет. Өндірістік цикілін қарастыруда оның процестерін интенсификациялау, нан өндіру барысында технологиялық шығындарды және механикалық жоғалуды азайту арқылы шикі заттардың барлық түрлерін жанжағынан тимді пайдалану, сондай-ақ өнім сапасын жоғарылату және түрлерін көбейту өндірісті жетілдірудің негізгі тенденциясы болып табылады.

Өнім сапасын жақсарту мақсатында үстірт-белсенді заттардың, перментті препараттардың және басқа да белсенді қоспалардың қышқылдандыру-қалпына келтіру әрекеті, өндірістік процестерді жетілдіру үшін технологиялық әдістерді, тұрақтандыру және автоматтық реттеу мен бақылау мүмкіндіктерін енгізу көзделеді. Болжап отырған кезеңдегі нан пісіру өндірісінің техникалық жаңадан жабдықталуы механизациядағы жеке құралдардан қолданудан автоматтандырылған өндіріс және бақылау жүйелерімен қамтамасыздандырылған кешенді-механизацияланған желге, автоматтандырылған кәсіпорын құрастыруға заңдылықты ауысуының негізін қалайды. [3, 9]

Жобаның мақсаты: Қуаттылығы тәулігіне 22-26 тонна өнім өндіретін тоқаш-кондитер өнеркәсібінің технологиялық қамтылуы. Өндіріс өнеркәсібін жобалау, экономикалық тиімділігін шығару.

1 ТОҚАШ-КОНДИТЕР ӨНЕРКӘСІБІНІҢ СИПАТТАМАСЫ

Қазіргі таңда заман талабына сай кәсіпорындар механикаландырылған қондырғыларға қол жеткізуде. Қазақстандағы өндірілетін өнімдер проценттік көрсеткіштерін, бәсекеге лайықты, жоғары сапалы өнімдер шығарылады.

Қуаттылығы тәулігіне 22-26 т өнім өндіретін тоқаш-кондитер өнеркәсібінің қысқаша сипаттамасы.

Жобаланып отырған өнеркәсібі келесі өнімдерін өндіреді:

Дарха-нан, 1/с, m = 0, 9 кг, табанды, қамыры қою ашытпада дайындалады;
Жоғарғы сұрыпты өрме, табанды, m = 0, 4 кг, қамыры қою ашытпада дайындалады;
Калач “Достық”, ж/с, табанды, m = 0, 5 кг, қамыры қою ашытпада дайындалады;
Қантты печенье “Айша”, 1/с.

Өндірісте ұнды қапсыз сақтайды. Тиеу және түсіру операциялары механикаландырылған, сондықтан жұмысшы саны азайып ұнның шашылып төгілуі төмендеп, қапқа кететін шығынды азайтады, өндірістің санитарлық жағдайын жақсартады. Ұнды өндірістік силостарда сақтаудың технологиялық ерекшелігі: ұнды бір силостан екінші силосқа араластыру тез жүреді, елеу, сорттау, ыстық ауа ағының қолдану арқылы жылдам жылытылады.

Ұн сақтауға арналған өндірісінде А2-Х2Е-160 маркалы бункер металдан жасалған конусты және цилиндрлі бөліктірден тұрады. Конустың қыры горизонталь жазықтығына 60º бұрыш жасайды. Силосы: қақпақ, қысқыш, люк, корпус, ұн деңгейін көрсету құралы, жең, сүзгі жалғайтын орын, түсіру жеңі, швеллерлі белдеу, тірек бағаналары, конусты негіз, түтік, коллектор, жалғау құрылымынан тұрады. [8, 10, 13]

Шығарылатын нантоқаш өнімдерге өндірісте кең тараған 2 фазалы ашытпада қамыр дайындау тәсілдер қолданған. Нантоқаш өнімдерінің ассортиментінің қамыр дайындамасын пісіруге Ш2-ХПА-25 маркалы пеш және қантты печенье пісіруге ШПГ маркалы пеш қолданған.

Өндірісте қосымша шикізаттарды қабылдау және сақтау келесідей жүреді:

Ас тұзының сақталуы қол еңбегін көп қажет етеді және де ол өндірістің көп аумақты алып жатыр. Сондықтанда тұз ерітіндісінің тазалығы санитарлық шартқа сәйкес келеді. Қант, өсімдік майы, ашытқы және т. б. арнайы ыдыстарда сақталады. Қант қапта, престелген ашытқы жәшіктерде, тоңазытқыштарда 0 - 4º С сақталады. Өсімдік майы бөшкелерде сақталады. Бөлішкелерді шығаруда дежалар қолданылады. Қамырды ашытпалы әдіспен дайындайды.

Жобада өндірісте кең қолданатын ашытпалы технология мен жабдықтар қолданған. Барлық пісірілген өнімдер ауаның салыстырмалы ылғалдылығы 70-75%, температурасы 18-20º С бөлмелерде сақталады. Нанды ХКЛ - 18 маркалы 18 астауы бар қозғалмалы контейнерлерде сақтайды. Астаушаның өлшемі 740-450 мм., бұл жерде өнімдер ауаның белгілі бір параметрлеріне байланысты 30-35º С дейін суыйды, бұл құрғақтануды төмендетеді, ескеруді тежейді, нан сапасының сақталуына оң әсер етеді. Қантты печенье сиымдылығы 15-20 кг гофра коробтарда қапталып сақталады.

Өндірістің жалпы тәулік өнімділігі 23, 031 тонна құрайды.

2 ӨНДІРІСТІК ТЕХНОЛОГИЯЛЫҚ СЫЗБАЛАРДЫ ТАЛДАУ ЖӘНЕ ҚҰРАСТЫРУ

2. 1 Нан пісіру кезіндегі технологиялық операциялардың орындалу реті мен мақсаты.

Нан өнімдерінің кез келген түрлерінің технологиялық сызбасы жақсы сапалығымен ерекшеленетін өнім алуды қамтамасыз ете отырып, реті мен орындалатын жеке технологиялық сатылар мен операциялардан құралады. [3, 9]

Нан және нан-бөлішке өнімдері өндірісін:

Негізгі және қосымша шикізаттарды қабылдау және сақтау;
Шикізаттарды өндіріске дайындау;
Жартылай фабрикатты дайындау;
Қамырды бөлшектеп өңдеу;
Қамыр дайындамаларын пісіру;
Салқындату, сақтау және сауда орындарына жіберу сияқты сатыларға бөлуге болады.

Осы технологиялық сатылардың өзі жеке-жеке ретімен орындалатын әртүрлі операциялардан тұрады. Негізгі технологиялық операциялардың реті мен мәні технологиялық сызбада келтірілді.

Шикізаттарды қабылдау және сақтау. Наубайханаға келіп түсетін барлық негізгі және қосалқы шикізаттар қабылданып, қоймаларға сақтауға жіберіледі. Негізгі шикізаттарға - ұн, ашытқы немесе химиялық қопсытқыштар және тұз, ал қосалқы шикізаттарға - қант, май өнімдері, жұмыртқа, сірне, мейіз, сүт өнімдері және өндірілетін нанның рецептурасына қажетті басқа да шикізаттар жатады. Барлық шикізаттардан, бірінші кезекте ұн мен ашытқыдан сынама алып, зертхана қызметкерлері сапасының талаптарға сай екендігіне талдау жүргізіледі.

Шикізаттарды өндіріске дайындау. Ұнның жеке партияларын алдып керегінше араластырады. Ұнды араластыру арнайы қондырылған араластырғышта жасалып, содан кейін бақылау таразысына, магниттен өткізуге жіберіледі. Дайын болған ұнды нан дайындауға қажетті мөлшерде өндірістік шанақтарға салып қояды.

Су қамыр дайындауға керекті температураны сақтап тұратын салқын және жылы болып жеке бөшкелерден мөлшерлегішке жіберіліп тұрады.

Тұз алдын ала ерітіліп, сүзіліп, белгілі концентрацияда қамыр дайындауға жіберіледі.

Престелген ашытқыны алдын ала ұсақтап, сумен араластырғыш арқылы ерітінді жасайды.

Май майеріткіште ерітіліп, сүзіледі.

Сұйық шикізаттар құбырларға насостар арқылы сорылып, тұрақты деңгейде бөшкелерде тұрғызылып, мөлшерлегішке жіберіледі.

Қамырды дайындау . Бұл сатыда рецептура компоненттері мөлшерленіп, қамыр иленіп, ашытылуға қойылып, доғаланып, жетілдіреді. Бидай ұны мен қара бидай ұндарының нандарын дайындаудың технологиясында ерекшеліктер бар.

Қазіргі кезде наубайхана өндірістерінде бидай, қара бидай, бидай мен қара бидай ұндарының қосындысынан қамыр илеу әдістері көп фазалы (екі) және бір фазалы, үздікті және үздіксіз болып бөлінеді.

Бір фазалы қамыр дайындау әдісінде рецептура бойынша қарастырылған барлық шикізаттар бірден қосылып қамыр иленеді. Бір фазалы қамыр дайындау әдісіне қамыр ашу ұзақтығы максималды қысқартылған ашытпасыз және тездетілген әдіс жатады. Бидай қамырын дәстүрлі әдіспен дайындауға ашытпалы және ашытпасыз әдіс кіреді.

Ашытпаның ылғалдығына қарай үш түрі болады: өте қою ашытпа - ашытпа дайындауға жалпы ұнның 65-70%-ы қосылады, қою ашытпа - ұнның 45-55%-ы қосылады, сұйық ашытпа - ұнның 30%-ы қосылады.

Барлық шикізаттар қажетті температурада мөлшерлегішпен өлшеніп, қамыр илегіш машинаға түседі де, қамырилегіш машинада иленеді. Иленген қамыр ашытуға қойылады, онда спирттік божу процесі жүреді. Өндірістік тәжірибеде ашу қамырды иленгеннен бөлшектеуге дейінгі уақытты қамтиды. Бұл операцияның негізгі мақсаты - бөлшектеу және пісіру кезінде дәмдік, хош иістік заттардың түзілуі, газ түзілу қабілеті мен реологиялық қасиеті бар қамырға айналдырады. Қамыр ашыған кезде онда күрделі микробиологиялық, коллоидтық, биохимиялық процестер жүреді. Микробиологиялық процестерге спирттік және сүтқышқылды ашу процесі жатады. Ашу барысында спирттік ашу нәтижесінен қамырда көмірқышқыл газ көптеп бөлініп, қамырдың көлемін өсіреді. Қамырдың реологиялық қасиетін жақсарту үшін ашу барысында бірнеше рет қайта илеу жасалады. Доғалау деп ашудың әрбір сағатында қамырды 1-3 минут қайта илеу процесін айтады. Осы кезде қамырдан бөлінетін көмірқышқыл газ сыртқа шығып көлемі алғашқы қалпына келіп, механикалық әрекет етудің әсерінен қамырдың құрылысы, реологиялық қасиеті жақсарады. Доғаланудан кейін қамыр әрі қарай ашытылуға қойылады. Ашытпасыз дайындалатын қамырдың жалпы ашу ұзақтығы қосылатын ашытқының мөлшеріне қарай 2-4 сағатқа созылады. Ашытпаның ашу ұзақтығы 3, 5-4 сағатты құрайды.

Бөлшектеп өңдеуге дайын, ашыған және жетілген қамыр технологиялық процестің ары қарайғы сатылары және сапасы жақсы нан алу үшін оптималды, жақсы қасиетке ие болу керек. Қамырдың бөлшектеп өңдеуге дайын болғандығын оның реологиялық қасиеті мен органолептикалық сапасын ескере отырып, титірленетін қышқылдығы арқылы анықтайды.

Қамырдың қышқылдығы оның бөлшектеуге дайын болғандығын анықтайтын маңызды көрсеткіш бола алмайды. Жақсы ашыған және жетілген қамырда ашымай қалған қанты жеткілікті мөлшерде және газ түзілу қабілеті жоғары болу керек. Мұндай қамырдың реологиялық қасиеті жақсы, газ және пішін ұстағыш қабілеті жоғары болу керек, сонымен қатар нанға жақсы спецификациялық дәм мен хош иіс беретін, спиртті ашу кезінде негізгі және жанама өнімдер де жинақталуы қажет.

Дайын ашылған қамырды қамыр бөлшектеу машинасына қарай жібереді.

Қамырды бөлшектеп өңдеу . Қамырды бөлшектеп өңдеу операциясы деп нанның пісірілетін түріне қарай керекті салмақта қамырды бөлшектеп, пішіндеп, қамыр дайындамаларын (тестовых заготовок) жасауды айтады.

Қамырды бөліктерге бөлшектеу қамыр бөлгіш машинасының көмегімен жүргізіледі. Қамыр дайындамасын пішіндеу өнімнің түріне қарай: домалақтау, алдын-ала жетілдіру, қалыптарға орналастыру, созып-жаймалау, пішін беру, соңғы рет жетілдіру, әрлеу сияқты әртүрлі операциядан тұрады.

Қалыптағы нандарды шығарғанда қамыр бөлшектенеді, қалыптарға салынып соңғы жетілдіруге (кей жағдайда домалақтанады) .

Бидай ұнынан домалақ нан жасау өндірінде бөлшектенгеннен соң, қамыр бөліктері домалақтанады.

Бөлішке және ұсақ өнімдер үшін керекті салмақта бөлшектенген бөліктер қамыр домалағышта домалақтанады да, қамыр дайындамалары алғашқы жетілдіруге: өнімнің түріне қарай 3-5 минут шкафта, таспалы тасмалдағышты, вагонеткаларда және басқа да жабдықтарда тұрғызылады. Батон тәрізді өнімдерді домалақтаған соң қамыр дайындамасын созып-жаймалаудан өткізеді.

Пішіні берілген қамыр дайындамалары көлемі көтерілу үшін соңғы рет температурасы t=35 ⁰ С, ауасының салыстырмалы ылғалдығы φ=75-80% жетілдіру шкафына қойылады. Соңғы жетілдірудің мақсаты пішін беру кезіндегі бұзылған қамырдың құрылысын қалпына келтіру, арнайы жағдайдағы ашудың нәтижесінен қамыр дайындамаларын қопсыту болып табылады.

Жетілдіру ұзақтығы өнімнің массасына, ылғалдығына, рецептурасына, пішініне және басқа да көрсеткіштерге байланысты жүргізіледі. Жетілдірудің ұзақтығын дұрыстап анықтау нан өнімдерінің сапасына тікелей әсер етеді. Жетілдіру ұзақтығы жеткілікті болмаған жағдайда өнім көлемі, жұмсақ ортасының қопсуы төмен, сыртқы қабығында жырықтар пайда болады. Жетілдіру ұзақтығы шектен тыс болып кеткен жағдайда да нанның сапасы нашарлайды. Домалақ өнімдер жайылып кеткен, ал қалыптағы нанның үстіңгі беті көтерілмеген немесе ойыс болып қалады.

Пешке қояр алдында нанның түріне қарай қамыр дайындамаларын әрлейді (тілу, тесу, жағу және т. б. ) .

Қамыр дайындамаларын пісіру . Қамыр дайындамаларын пісіру наубайханалық пештерде нанның пішіні мен салмағына байланысты белгілі температура мен ұзақтықта жүргізіледі. Бұл сатыда қамыр дайындамаларында жүретін биохимиялық, микробиологиялық, коллоидтық және жылу алмасу процестерінің жүруі нәтижесінен серпімді, ұстағанда құрғақ жұмсақ ортаның түзілуінен, қабықтың қалыңдығы және оның түсінің қалыптасуынан, дәмдік хош иістік заттардың жинақталуын дайын піскен нан пайда болады.

Дайын нанды салқындату, сақтау және сауда орындарына жіберу . Піскен нандарды арнайы жағдай жасалған бөлімде салқындатып, тұтынушылардың тапсырысымен экспедицияға, ары қарай арнайы жабдықталған автокөліктермен сауда орындарына жібереді.

Ұнды нан зауытына пневматикалық түсіру мен аэрозоль тасымалдағыш көмегімен жеткізуге арналған екі жүйесі бар К-1040Э жеткізіледі. Ұн сақтау А2-Х2Е-160А (2) маркалы силос қолданған, ұнның 7 тәулік қорын қамтамасыз етеді Автоұнтасымалдағыш ХШП(1) қабылдау қалқаншасына жұқа шлангімен қосылады да, ұн өткізгіштер арқылы А2-Х2Е-160А(2) силосқа келіп түседі. Ұн зауытында ұнды қапсыз сақтау бөлмеде, ХМП-М (5) ұн қабылдағыш орнатылған. Силостың (2) астында А2-ХПШ (4) роторлық қоректендіргіштер (бөлгіштер) орнатылған. Ұн Ш2-ХМБ-50(6) өткізгіштер арқылы елегіш бөлмеге келіп түседі. Ұн елегіш ПБ-1, 5 (9) үстінде сілкімелі сүзгіш ХЕ-162(7) жабдықталған. Бункерден ұн ПБ -1, 5 маркалы бурат типті елегішке (9) түседі. Еленген ұн автотаразы үстіндегі бункерге (10) келіп түседі. Одан кейін 041-АВ-50НК (11) маркалы автотаразыға түсіріледі. Бұл жерден ұн өлшеніп, сынақтан өтеді, содан кейін ғана өндіріске жіберіледі. Өлшенген ұн ауа көмегі арқылы ХЕ-112 (28) өндірістік ұнды бункерге бағытталады.

Тұз нан зауытында самосвалмен әкелініп, Т1-ХСТ -20 (14) тұз еріткіш қондырғысы секцияларына түсіріледі. Су шанақ (13) 30-32 ⁰ С температурасымен келіп түседі. Су тұз еріткішке келіп түсіп, сүзгіленеді де, секцияларда толтырады. Тығыздығы 1, 2 кг/л дайындалған тұзды ерітінді 36МЦ6-12(15) насос арқылы аралық өндірістік шанаққа ХЕ - 48 (23-26) сорылып, жіберіледі.

Қағаз бен жәшіктерге қапталған ашытқы салқындатқыш камерада 0-4 ⁰ С температурада сақталады. Өндіріске жіберілер алдында ашытқы еріткіш СЖР(21) сумен араласып ерітіндіге айналады. СЖР (22) еріткіште қант ерітіндісі дайындалады. СЖР(20) еріткіште маргарин ерітіндісі дайындалады. Дайын ашытқы суспензиясы, қант ерітіндісі, май ерітіндісі насос арқылыХЕ48(23-26) өндірістік шанақтарға жіберіліп тұрады. Ш2-ХДН (27)

Барлық сұйық компоненттер мөлшерлеу станцияларына өздігінен ағызылып, жіберіліп тұрады.

Дарха-нан, 1/с, салмағы 0, 9 кг технологиялық дайындау сызбасы

Қамыр ашытпа әдіспен дайындалып, А2-ХТБ (31) қамыр илеу машинасында иленеді. Қамыр дайындау үшін ХЕ -112 (28) өндіріс бункерден ұн шнек қондырғысынан Ш33 ШПР (29) ұн мөлшерленгіштен МД-100 (30), мөлшерленгішінен қамыр илеу машинасына А2-ХТБ (31) келіп түседі.

Ашытпа дежаларда Т1-ХТД-2Д (32), ашытпаның ылғылдылығы 46-48%, температурасы 28-30 ⁰ С, ашу ұзақтығы 180-240 минут, қышқылдығы 3, 0-4, 0 град дейін ашиды.

Дайын болған ашытпаға қалған ұнды, тұз ерітіндісін, т. б. рецептура бойынша шикізаттар ерітінділерін қосып қамыр илейді. Қамыр илеу ұзақтығы 10-15 минут, ылғалдығы 44-45%, ашу ұзақтығы 60-90 минут, қышқылдығы 3, 0-3, 5 град жеткенше ашиды.

Қамыр ашып болғаннан кейін, Т1-ХТД-2Д (32) дежамен әкелініп А2-ХПД-2 (33) дежа аударғышқа салынады. Дежа аударғыштан қамыр бөлшектегіш А2-ХТН (34) машинаға түседі. Содан кейін бөлшектенген қамыр дайындамалары транспортер (36) арқылы Т1-ХТН (35) қамыр дөңгелектегіш машинаға түседі. Дөңгелектенген қамыр дайындамалары транспортер арқылы өндірістік (38) үстелге жеткізіліп, табаларға салынып толықсыту (жетілдіру) шкафқа Т1-ХР2-48 (41) орналастырылады. Толықтыру шкафта ауаның температурасы 35-40ºС аралығында, ал салыстырмалы ауаның ылғалдығы 75-85% болады. Толықтыру шкафта қамыр дайындамаларының жетілдіру мерзімі 40-50 минут. Толықсыту шкафынан шыққан қамыр дайындамаларын Ш2-ХПА-25(42) пешінде пісіріледі. Пісіру температурасы 220-280ºС пісіру ұзақтығы 40-45 минут. Пісіп дайын болған нан өнімдері айналмалы өндірістік үстелден дайын өнімді сақтайтын ХКЛ -18(45) контейнеріне жинайды да, дайын нанды сақтайтын қоймасына жіберіледі. Суыған дайын өнімдер экспедиция және рамка арқылы сауда орындарына жөнелтіледі.

Жоғарғы сұрыпты бидай ұнды өрме, салмағы 0, 4 кг және калач “Достық”, ж/с, салмағы 0, 5 кг технологиялық дайындау сызбасы

Қамыр ашытпа әдіспен дайындалып, А2-ХТБ (31) қамыр илеу машинасында иленеді. Қамыр дайындау үшін ХЕ -112 (28) өндіріс бункерден ұн шнек қондырғысынан Ш33 ШПР (29) ұн мөлшерленгіштен МД-100 (30), қамыр илеу машинасынаА2-ХТБ (31) келіп түседі.

Ашытпа 7-10 мин 45-55% ұннан, ашытқы ерітіндісінен және судан біркелкі масса болғанша иленеді. Ашытқы ерітіндісі және су Ш2-ХДН(27) автоматты сұйық заттар мөлшерлегіштен келіп тұрады. Ашытпа дежаларда Т1-ХТД-2Д (32), ашытпаның ылғылдылығы 46-48%, температурасы 28-30 ⁰ С, ашу ұзақтығы 180-240 минут, қышқылдығы 3, 0-3, 5 град дейін ашиды.

... жалғасы

Сіз бұл жұмысты біздің қосымшамыз арқылы толығымен тегін көре аласыз.