Кіші оқушылар темпераменті

Жұмыс түрі: Материал
Тегін: Антиплагиат
Көлемі: 23 бет
Таңдаулыға:

Темперамент жөнінде түсінік.
Темперамент – 25 ғасырдан бері ғылыми ойды қызықтырған мәселелердің
бірі. Оған деген қызығушылықтың төркіні – адамдар бойында болатын дара
өзгешеліктер. Әр адамның, баланың жан дүниесі өз алдына бір болмыс. Оның
қайталанбастығы, бір жағынан, адам тәнінің биологиялық және физиологиялық
құрылымы мен дамуына байланысты болса, екіншіден - әлеуметтік ерекше
байланыстар мен қатынастарға негіз бола алуында. Темперамент адамның
биологиялық сипатынан көрінеді. Адамдар арасындағы көптеген психикалық
айырмашылықтар: эмоция тереңдігі, қарқындылығы, тұрақтылығы, ауыспалы –
қозғалғыштығы – бәрі осы темперамент табиғатымен түсіндіріледі. Дегенмен,
осы күнге дейін темперамент мәселесінің шешілмеген, талас – тартысты
қырлары баршылық. Бірақ проблемаға байланысты көзқарастардың көпшілігіне
қарамай, ғалымдардың бәрінің мойындайтыны:темперамент – жеке адамның
әлеуметтік тұлға ретінде қалыптасуының биологиялық, яғни табиғи ірге тасы.
Темперамент көбіне адамға тума берілген әрекет – қылығының ұдайы
қозғалыстағы сипатын белгілейді. Сондықтан, темпераменттік қасиеттер басқа
психикалық құбылыстарға қарағанда тұрақтанған, өзгеріске келе бермейді.
Назар аударарлықтай ерекшелік, темпераменттің әрқилы қасиеттері бір –
бірімен кездейсоқ қосылмай, заңдылықтар негізінде түрлі темпераменттің
белгілі құрылымын түзеді. Сонымен, темперамент – адамның психикалық
әрекетінің нақты динамикасын айқындайтын психиканың дара қасиеттерінің
жиынтығы.бұл психикалық ерекшеліктер адамның барша іс - әрекетінде оның
мазмұны, мақсаты және себеп – салдарына тәуелсіз бір қалыпты көрінеді.
Есейген шақта да, өзгеріске түспей, өзара байланыста темперамент кейпін
өрнектейді. Темперамент түрінің жақсы не жаманы болмайды. Олардың әрқайсысы
өзінің ұнамды тараптарына ие, сондықтан басты назар темпераментті реттеп,
түзетүге қаратылмай, нақты іс - әрекетте оның тиімді жақтарын саналы әрі өз
орнымен пайдаланудың жолдарын табуға бағытталғаны жөн. Адам ежелден – ақ
әрқилы тұлғалардың психикалық бітістерін айыра танумен, олардың барлығын
жалпыланған аз санды саналық бейнелер бірігін психология тарихында
алғашқыдан темперамент типтері деп аталады. Темпераменттің бұл бірігімдік
жүйесі өмірлік іс- әрекет Тұрғысынан өте тиімді, себебі оны пайдалана
отырып, нақты тұрмыстық жағдайларда белгілі темперамент типіне жататын
адамның болашақ әрекет – қылығын күні ілгері пайымдауға болады.
. Темперамент туралы теориялар.
Темперамент жөніндегі ғылымның ірге тасын қалаған ежелгі грек дәрігері
– Гиппократ.Оның тұжырымы бойынша, адамдар төрт дене шырындарының - қан,
шырыш, өт, запыран - өзара қатынасымен ажыратылады. Осы психологиялық
тағылымды арқау ете отырып, ежелгі дүние дәрігері Клавдий Гален алғашқы рет
темперамент түрлеріне ғылымдық сипат берді. Гален темперамент түрін
жоғарыда аталған шырындырдың бірінің басымдылығымен байланыстырды.
Ол біздің заманымызға дейін жеткен темперамент атауларын белгіледі:
сангвиник (sangius – қан), флегматик(phlegma – шырыш), холерик( chole -
өт), меланхолик(melaschole – запыран). Гален ендірген бұл ғажайып жаңалық
кейінгі жүзжылдықтар желісінде көптеген ғалымдар ізденісіне күшті ықпалын
тигізді.
Ежелгі дәуірлерден бастап зерттеушілер адамдардың дене құрылымы және
физиологиялық қызметінің ерекшеліктерімен сай келетін көп түрлі әрекет –
қылықтарды тастап, ретке келтіруге ат салысты. Осыған орай темпераменттің
көп түрлі типологиясы қалыптасты. Бұлардың ішінде назар саларлықтай тип –
адамның дене құрылымына байланысты дараланып, тума темперамент қасиеттеріне
негізделген – конституциялық типология (Э. Кречмер). Бұл теорияның мәні: әр
адам өз дене құрылымына орай өзіндік психикалық ерекшелікке ие. Осыдан,
дене мүшелерінің сырттай өлшемдеріне байланысты төрт конституционалды
психикалық тип белгіленген:
1Лептосоматик- бойшаң, нәзік денелі, тар иықты, қол-аяғы ұзын,
сидыйған.
2 Пикник- мығым, сезімшең, кіші не орта бойлы, қарны қампиған, домалақ
бас.
3Атлетик- бұлшық еттері күшті дамыған, денесі мығым, берік, ұзынша не
орта бойлы, кең иықты, жамбас сүйектері тартылған.
4 Диспластик-дене бітімі қисынсыз. Бұл адамдар әрқилы мүшелік
зақымдарға ұшырағандар.
Жоғарыда баяндалған конституциялық типология теориясының негізін
қалаған- Э. Кречмер. Бұл теория Батыс Европада кең қолдауын тапты. Ал осы
теорияны арықарай жалғастырған У. Шелден болды. Сонымен, әр адамның
темпераменті әртүрлі, соған байланысты адамдар да әртүрлі.
3. Кіші оқушылар темпераменті.
Егер сіз кіші оқушыларды қадағалайтын болсаңыз, олар сабақта да,
үзілісте де, ойын үстінде де, еңбек, дене шынықтыру сабақтарында да олардың
активтілігі және эмоциялары әртүрлі болады. Кейбіреуі тым қозғалғыш,
сабақта өте белсенді, өзгерістерді елемей тез араласып кетеді және олардың
эмоциялары өте айқын, ұстамсыз түрде көрінеді. Ал, екінші біреуі, байсалды,
баяу жұмыс істейді, сөйлегені созылыңқы және бірқалыпты, эмоциялары мүлде
көрінбейді деуге болады.Бұндай балалар өз жетістігі мен кемшіліктеріне мән
бермейді. Ал, енді кейбіреулері, еті тірі, сөзшең, өмірге риза, бірақ
бейқам, қозғалғыш, сезімге тез берілетін балалар. Тұйық, ұялшақ, ақырын
сөйлейтін, ренжігіш оқушылар да өздеріне назар аудартпай қоймайды. Бұл
айтылған әртүрлі темперамент белгілері төрт оқушы типін
көрсетеді:холериктер, флегматиктер, сангвиниктер, меланхоликтер.
Темперамент қозғалғыштықты бейнелейді, ал қызығушылық пен көзқарасты
бейнелемейді. Екі әртүрлі темперамент өкілдерін алайық, олардың жасаған іс-
әрекеті де әртүрлі болады.
4. Оқушылар темпераментінің физиологиясы.
Павлов ілімінің айтуынша, жүйке жүйесінің әрбір типінің үш белгісі
болады. Ол нерв жүйесінің қозу мен тежелуге негізделген.

1 Күшті қозуы тежелуінен басым
2 Күшті қозуы мен тежелуі тең
3 Күшті қозуы мен тежелуі тең, қозғалысы баяу
Міне, бұл Павлов ұсынған үш тип. Бірінші типті адамдар жұмыскер, жүйке
жүйесі күшті, ондай адамдар қысқа және ұзақ қозуды және тежелуді басынан
өткізеді. Екінші типті адамдар өте ширақ болады. Үшінші типті адамдардың
кейбіреуінде қозу мен тежелу теңеседі, ал кейбіреуінде не қозу, не тежелу
болады. Және мұнда Павлов жүйке жүйесінің күштілігі мен әлсіздігіне назар
аударған. Күшті жүйке жүйесі бар адамдарды ол тағы екі типке бөлді:
1 Күшті, ұстамсыз
2 Күшті,ұстамды
Павлов өзінің ұсынған типтерін психологиялық темперамент типтерімен
салыстырғанда, ол екеуінің тура келгеніне көзі жетті.
Темпераменттердің психологиялық сипаттамасы.
Сангвиник.
Бұл тип өкілі- еті тірі, қабілетті, қозғалғыш оқушы. Ондай оқушы
ақкөңіл және қызу, жеңіл мінезді, ренжігенде тез қайтып кетеді, сәтсіздігін
жеңіл өткізеді. Коллектив арасында жүргенді ұнатады, басқа оқушылармен тез
тіл табысады. Қысылып- қымтырылмайды, кісіге қайырымды. Сангвиниктерді оқу
үрдісінде бақылаған жақсы, яғни оқу үстінде олар қасиеттерін айқын
көрсетеді. Егер оқу материалы қызықты және жас ерекшелігіне сай болса, онда
кіші оқушы жаңа берілген материалды тез қабылдайды, жеңіл есте сақтайды. Ал
егер материал қызықсыз және оны оқу үшін көп уақыт қажет болса, онда оқушы
оны есте ұзақ уақытқа сақтай алмайды. Сангвиниктерді дұрыс тәрбиелегенде,
оны жоғары дәрежеде жетілген бірлік және қайырымдылық сезімі оқуға деген
белсенділігі ерекшелендіріп тұрады. Жағымсыз жағдайларда, жүйелілік пен
бірізділік жоқ кезде, сангвиник жеңілтектік, бейбастық, шашыраңқылық
байқалады. Осындайда олар кейде оқуға жауапкершіліксіз қарайды.

3-ші сыныпта оқитын сангвиник типінің өкілін алатын болсақ, олар еті
тірі, белсенді болып келеді. Сабақ үстінде тынышсыз, жиі алаңдайды, сабақта
достарымен көп сөйлеседі. Сыныпта өтіп жатқан барлық жағдайларға мән беріп
отырады. Достарының арасында ылғи да сыйлы және оларға көптеген қызық
әңгімелер айтады. Осы оқушы жаңа ортаға тез бейімделеді. Егер берілген
жұмыс немесе тапсырма жеңіл болса, оқушы оны тез орындайды, ал жұмыс қиын,
қытымыр, ұзақ болса, жұмысқа суып кетеді. Егер математика сабағында есеп
беріле сала сол оқушы жауабын айтса, және бұл жауабы қате болса, ол
арықарай шығарып, дұрыс шешуін іздемейді, келесі жұмысқа көшеді.
Флегматик.
Бұл типтің өкілі баяу, байсалды, асықпайды. Істі ойланып, төзімділікпен
істейді. Жинақылықты, қалыпты жағдайды ұнатады. Өзгерістерді ұнатпайды.
Бастаған ісін аяғына дейін жеткізеді. Психикалық процесстер флегматикте
баяу жүреді. Бұл баяулық оған оқу жолында кедергі келтіреді, ең кедергі
келтіретін жері:тез есте сақтау, тез ойланып жауап беру. Кейде
флегматиктер жамандықты есте сақтап қалады және ұзақ мерзімге. Адамдармен
қарым-қатынаста флегматик бірқалыпты, байыпты, керек жерде тіл табысады, ал
орынсыз сөйлемейді. Көңіл- күйі тұрақты. Олардың байыптылығы мен
байсалдылығы өмірге деген көзқарасынан да көрінеді. Флегматикті ызаландыру
немесе эмоционалды әрекет жасау оңай емес, ол ұрыс- керістен аулақ жүреді,
оны әртүрлі қиыншылықтар тепе-теңдігінен шығармайды. Флегматикті дұрыс
тәрбиелегенде іскерлікті,талапшылдықты орнатуға болады. Бірақ жағымсыз
жағдайларда оларда әлсіздік, жалқаулық пайда болады.
Мысалы 2-ші сынып оқушысы – флегматик, ол барлық істі баяу, байыппен,
асықпай істейді. Одан сабақ сұраған кезде, ол баяу орнынан тұрып, азғана
үндемей тұрады да, сабақты үйден қараған болса, бірқалыпты дауыспен сабақ
айта бастайды; ал егер үйде оқымаған болса, мұғалімнің қойған сұрақтарына
жауап қайтармай үнсіз тұрады. Кейде ондай оқушылар мұғалімді ызаландырады,
ал достары оның баяулығына күледі. Бірақ, флегматик оқушы – жақсы дос,ашық
және өте ұстамды, оны ренжітіп алу немесе күлдіру өте қиын.
Холерик.
Бұл темперамент өкілі тездігімен, шапшаңдылығымен, ұстамсыздығымен, тым
қозғалғыштығымен ерекшеленеді. Оларда психикалық процестер шапшаң өтеді.
Күйгелектік сондай акдамдарға тән. Ол жұмыс істеуге жақсы қарқынмен
кірісіп, күші таусылғанда оны тастап кете береді. Адамдармен қарым-
қатынаста тынымсыз, агрессивті,шамданғыш болып келеді. Сондықтан, холерик
болған жерде ұрыстар жиі болады, Холерик темпераментінің жағымды жағы –
энергия, белсенділік, құштарлық, инициативтік. Жағымсыз жағы –
ұстамсыздығы,қаталдық, қатаңдық, шамдану, ыза.
Мысалы, кіші холерик оқушыда талпыныс пен құштарлық ерекше көзге
түседі. Тіпті партада мұғалімді тыңдап отырған холерикті анық мимика мен
энергетикалық белгілер арқылы ажыратуға болады. Тақтада жауап бергенде,
кіші оқушы бір аяқтан екіншісіне ауыстырып тұрады, өте жылдам жауап береді.
Ондайлар тез істеуге, үлкен өзгерістерге құлшынып тұрады. Міне, мұғалім
кезекшіні бор әкелуге жіберді делік, ол жиналып барғанша, холерик оқушы
орнынан тұрып борға өзі жүгіріп кетеді. Бұл оқушы әр нәрсеге құштар, істі
бастағанда, оны өте тез және беріліп істейді де, түрлі кедергілерден жеңіл
өтеді. Ол өте ұстамсыз, өте қарапайым қиыншылықтар үшін күйіп-пысады,
мұғалімдер мен ата-аналарына айқайлап сөйлейді. Бірақ ол агрессиялық күйден
қайта қалпына келгенде, олай істеуге болмайтынын түсінеді, сонда да ол
өзіне ештеңе істей алмайды. Оның ұстамсыздығы оған көп кедергі жасайды
және ол үнемі достарымен ойын үстінде ұрсысып, мұғаліммен сабақ үстінде
ұрсысады.

Психиатрия, темперамент , психология және психотерапия бойынша қысқаша
атаулық сөздік
Адаптация (лат. adaptatio- бейімделу) – қоршаған орта жағдайларына
бейімделу. Психологиялық А. адам өзімен, қатынас бойынша серіктестерімен
(партнерлерімен) және жолығу алдында қоршаған әлеммен үйлесімді болуын
қалайды. Дезадаптация – А. бұзылуы.
Абыржу, алаңдау – белгісіз қауіптің, оқиғаның қолайсыз даму
мүмкіндігінің сезімі. Конституциялық тұлғалық алаңдау, абыржу (бұл тұлғаға
оның ғұмыры бойына тән) және оқиғалық А. (бұл тұлғада қазіргі кезде
байқалады) ажыратылады.
Абыржулық, алаңдаулық ауытқулар- клиникалық көріністерінде абыржу,
алаңдау жетекші рөл атқаратын психика ауытқуларының тобы.
Аналитикалық (психоаналитикалық) психотерапия –теориялық база ретінде
психоанализді –З.Фрейдтің психиканың санадан төменгі бөлігінде басып
тастаған қызығулардың, олардың тұмшаланған түрде сана бетіне жарып шығуы
мүмкін симптомдар түрінде болуы, сана мен санадан төменгі бөлік туралы
психотерапевтік тәсілдер тобы. Қазіргі заманғы авторлар тұлға өмір сүретін
және дамып жетілетін социалдық жағдайларға зор мән береді (қатынас шеңбері,
отбасылық қатынастар, қоғамдағы жағдайлар және с.с.)
Гипноз (грек. hypnos- ұйқы) - әдетте жасанды түрде шақырылатын
психиканың ерекше жағдайы. Гипнозға түсушінің санасының өзгеруімен, оның
сендіруді қабылдауының артуымен және басқа әсерлерді қабылдауының
төмендеуімен сипатталды. Психотерапияда жеке тәсіл ретінде немесе басқа
емдік әдістермен бірге қолданылады.
Гипнотерапия - (грек. hypnos- ұйқы, terapia – емдеу, қамқорлық)
–гипноздағы емдік сендіруді қолдануға негізделген психотерапевтік әдіс.
Депрессия (лат. depresso- басып тастау, тұқырту) –пәс көңіл-күймен,
қимыл және психикалық тежелумен өзін қазіргі және болашақ өзінің орнын
пессимистік бағалаумен сипатталатын сырқаттың жағдайы. Д. әр түрлі құрамдас
бөліктері әр қилы дәрежеде көрінуі мүмкін.
Ипохондрия (грек. hypochondrion)- жалған немесе реалды бар, бірақ
әсіреленген дертті пациент ауыр және (немесе жазылмайтын деп есептейтін
кесел бойынша негізсіз мазасыздану. Әр түрлі жан дүниелік ауытқулардың
шеңберінде байқалады.
Истериялық ауытқулар (лат. hystera- жатыр) пациенттердің жоғары
иланушылығы және өз нанымдылығы байқалатын психикалық ауытқулар тобы.
Психикалық жарақаттану фонында симптомдар пайда болады, олардың
көрнекілігі, дерттің сыртқы көріністерінің организмдегі объективтік
өзгерістерге сәйкес келмеуі.
Конформизм (лат. conformis – ұқсас, сәйкес келетін) – бұл социалдық
қоршаудағы нормативтерге бейімделу мақсатындағы айналасындағылардың әсеріне
байланысты тұлғаның өз мінез –құлқын өзгерту бейімділігі.
Мінез акцентуациясы (лат. accentus- лептену, ұру - психиатриялық
норманың шеткі нұсқалары. Мұнда мінездің әр түрлі тұрпаттары, белгілері
біртегіс дамымаған және тұлға құрылымында оларға психожарақаттаушы
факторлар әсер еткенде тұлғаны дезбейімделуі (дезадаптациясы) болуы мүмкін
осал тұстары болады. Психопатиямен кейбір ұқсастығында (ұқсас мінездік
радикалдар болады, ғұмыр бойына байқалады) парциалдығымен (даму
дисүйлесімділігі барлық мінезді қамтымайды, тек оны кейбір белгілерін
қамтиды), дезбейімделудің аздаған тереңдігімен ерекшеленеді.
Маскүнемдік (алкоголизм) (араб. Al Kohol) мастануды тудыратын мөлшерде
спирті бар ішімдіктерді шектен тыс жүйелі тұтыну. Созымалы М. алкогольді
ішімдіктерді ұзақ тұтынумен, алкогольден психикалық және денелік
тәуелділіктің қалыптасуымен, оның бойға сіңуінің, оны көтере білудің
өзгеруімен, жани және тәни сферада қайтымсыз бұзылулармен (алкогольдік
деградация) сипатталады.
Мінез (грек. сharacter- айырмашылық белгі, ерекшелік) – тұлғаның
тұрақты (стабильді) жеке ерекшеліктерінің жиынтығы, оның қайталанбас
психикалық тұрпаты. Іс-әрекетте және қатынаста қалыптасады және білінеді,
бұл тұлғаға тән мінез құлық формасының негізі болып табылады.
Қорқыныш - қауіп төндіретін оқиғаларлы күтудегі ішкі кернеудің, өмір
үшін тікелей қауіптің сезімі.
Психиатрия (грек. рsyke - жан, iatreia – емдеу, шипалау) –медициналық
ғылымның психотерапиямен жапсарлас облысы. Психикалық кеселдердің
себептерін, таралуын, түрлерін, көрністерін зерттеумен айналысады, оларды
диагностикалаудың, емдеудің және профилактикасының әдістерін құрастырады.
Психология (грек. рsyhe - жан, logos-ғылым, ілім)- психотерапиямен
жапсарлас психикалық даму және қызмет ету заңдылықтарын зерттейтін білім
аумағы (облысы).
Психопатия (грек. psyhe- жан, patos- зардап тарту, дерт) – мінез
кемістігі, барлық тұлғалық тұрпаттың дисүйлесімділігімен бірге аномалиясы.
п. тұрақтылықпен, стабильділікпен (ғұмыр бойына байқалады), тотальдықпен
(тұлғаның тек жеке белгілері емес, мінездің барлық тұрпаты дисүйлесімді),
социалдық дезбейімделу- дезадаптациямен (стеротиптік жиі кикілжіңдер, тұлға
қоғамдағы өз орнын кейде қиындықпен табады) сипатталды. П. қалыптасуында
тектік бейімділік те, тәрбиелену жағдайлары да маңызды мән иеленеді.
Психосоматика (грек. psyhe- жан, soma-тән) – тұлғаның психикалық
ерекшеліктерінің өзара байланысын, тұқыртылған, басып тасталған сезімдерін,
мүдделерін, қызығушылықтарын, психикаішілік кикілжіңдерін және олардың
денелік деңгейде символикалық сипат иеленетін симптомдар түрінде білінуін
зерттейтін қазіргі заманғы психотерапияның бағыты.
Психосоматикалық ауытқулар (психосоматоздар) –психожарақаттаушы әсер
мен психиканың белгілі бір ерекшеліктерінің болуы дененің ағзалары мен
жүйелерінің қызметінің ауытқуларын тудыратын кеселдер тобы. Организмнің
жасушалары мен тіндерінде тұрақты өзгерістер болатын органикалық П.
(гипертониялық кесел, ойық жара дерті және басқ.), функциялардың бұзылуы
органикалық өзгерістермен бірге жүрмейтін функционалдық П. (мысалы, вегето
қан тамырлы дистония, логоневроз) және кең мағынадағы П. (мысалы, жоғары
жарақаттану, пациенттің тұлғалық ерекшеліктерінен туындаған) ажыратылады.
Психотерапевт –психотерапия бойынша білікті маман. Біздің елде П.
жоғары медициналық білім, психиатрия мен психотерапия бойынша мамандану
иеленуі және бұл мамандықта оның жұмыс істеу қабілетін анықтайтын сынақ
тапсыруы керек.
Психотерапия (грек.psyhe- жан, terapia – емдеу, қамқорлық) – жан
құралдарымен емдеу, олардың психикалық жағдайын, өмір сүру сапасын және
қоғамдағы бейімделуін жақсарту мақсатындағы жеке адамға немесе адамдар
тобына психологиялық әсер ету тәсілдерін қолданатын білім саласы, П.өзінің
арсеналында өмір талдауы мен пациенттің күйзелістерін, эмоционалдық
демеуді және мінез-құлықтың жаңа үлгілеріне үйрету үлгілері бар (әр түрлі
пропорцияда) 2000-ға жуық тәсіл иеленеді. П. әр түрлі психикалық
ауытқуларды емдеуге де, сондай-ақ тұлғаның психологиялық проблемаларын
шешуге де бағытталған. Алғашында медицина саласы болған П., қазіргі кезде
медициналық шеңберден шықты, дені сау адамдарда П. белсенді дамып келеді.
Психикалық жарақат (психожарақат) психологиялық қорғаныс
механизмдерінің тапшылығында және тұлғаның белгілі бір тұрпатында (мінез
құрылымындағы осал тұстар) психикалық кеселдердің дамуына жетелей алатын
тұлғалық мәнді ақпараттар адам психикасына әсер етуі.
Стигматизация (грек. stygma–таңба)- таңбаларды ілу процессі, қоғамнан
стигмасы барларды олардың тұлғалық потенциалдарын (мүмкіндіктерін) елемеу
арқылы жарамсыздыққа (бракқа) шығару. С.стигманы иеленуші қоғамда мәні
төмендеу мүше соның нәтижесінде стигмасыз ұқсас индивидке қарағанда аздау
құқық иеленетінін білдіреді. С. ұлттық, ментальдық, діни, мүліктік,
жыныстық, жас шамалық және басқа белгілер бойынша жүзеге асуы ықтимал.

Темперамент (лат. tempera- mentum - өлшемдестік) – оның
эмоционалдығымен және олардың динамикалық өзара байланысының
белсенділігімен (психикалық процестердің интенсивтілігі, екпіні, ырғағы,
жылжымалылығы) анықталатын тұлғаның жеке ерекшеліктері.
Фобиялар (грек. phobos – қорқыныш) – жабысқақ қорқыныштар, қауіпті
әсірелеумен сипатталады, пациентпен бөгде (түкке тұрғысыз –қисынсыз) және
жеңуге болмайтындай субъективтік қабылданады.

4 типқа бөлінеді:
1. ерекше жағдайлар мен қатынас Ф.
2. қоршаған әлем қаупінің Ф.
3. сол немесе басқа ағза немесе жүйесінің дисфункциясының Ф.
4. өзі немесе басқа әлдекім бойынша зорлық –зомбылық жасау Ф.т

Меланхолик.
Бұл темперамент өкілінде психикалық процесстер өте баяу жүреді. Қатты
тітіркендіргіштерге жауап бере алмайды, ұзақ және қатты күш түсірсе, олар
жұмыс істей алмайды. Олар өте тез шаршайды. Бірақ қалыпты қоршаған ортада,
мысалы,үйде ондай балалар өздерін жақсы ұстап, іс-әрекеттерді жақсы
орындайды. Эмоциялары баяу туады, бірақ тереңдігімен және күштілігімен
ерекшеленеді. Олар өте сезімтал, реніштерін іште сақтап, оларды көп ойлай
береді, бірақ сондай қиыншылықтар бар екенін ешкімге көрсетпейді.
Меланхоликтер тұйық,таныс емес адамдармен сөйлеспейді, жаңа ортада қатты
қысылады. Жағымсыз жағдайларда ауруға айналған осалдық, қысылу,
көңілсіздік, пессимизм пайда болады. Меланхолик кіші оқушы коллектив
арасында болуды ұнатпайды. Ал егер оны дұрыс тәрбиелесе, қызығушылығы,
эмоция сезімі, қабылдауы арта түседі.
Мысалға мен 4-ші сынып оқушысын алайын. Ол тұйық, ұялшақ және ол
ешкімге көрінгісі келмейді. Біреуден қорқып жүрген сияқты. Проблемаларды
терең сезініп, көп уайымдайды. Сабақ айтып тұрған кезде қызарып кетеді,
сабақты біліп тұрса да сасқалақтап жауап бере алмай қалады. Істегісі
келмейтін жұмыспен айналысса, тез шаршап кетеді. Достарына көмектесуді
ұнатады.
6. Оқу ісінде темпераменттерді тәрбиелеу.
Әр мұғалім оқушының темпераментін білу керек.
Холерик кіші оқушыда ұстамсыздықты тежеуді жаттықтыру керек. Оған талап
қойған кезде, жұмсақ және байыппен сөйлеу керек. Еңбек сабағында
ұқыптылыққа тәрбиелеу қажет.
Меланхоликтерде белсенділікті арттыру керек. Оларды қоғамдық жұмысқа
барынша кірістіру керек.
... жалғасы

Сіз бұл жұмысты біздің қосымшамыз арқылы толығымен тегін көре аласыз.