Жарияланған капитал есебі



Жұмыс түрі:  Курстық жұмыс
Тегін:  Антиплагиат
Көлемі: 20 бет
Таңдаулыға:   
Жоспар:

І. Кіріспе бөлім

ІІ. Негізгі бөлім

І Тарау. Капитал туралы негізгі түсінік
1. Капитал және операция шотына сипаттама
1.2. Капиталдың түрлері
ІІ Тарау.
2.1. Шығарылған капиталды қалыптастыру.
2.2. Жарияланған капитал есебі

ІІІ. Қорытынды

ІV. Пайдаланылған әдебиеттер

Кіріспе
Капитал деп келешек игілікті өндіруді молайту үшін пайдаланатын
қазіргі игілікті айтуға болады. Капитал – латын сөзінен басты мүлік деген
ұғымды білдіреді.
Капиталдың өсуі капиталистердің ақысыз иемденетін жалдамалы
жұмыстарының еңбектерінен өндірілетін қосымша құн. Заттай және моральдық
жағынан тозған, ескерген құрал-жабдықтарға кеткен шығындары амотизация
жолы арқылы өтеліп отырады.
Нарықтық капиталға көшкен кезде капитал сөзі жиі айтылатын болады,
бірақ капитал деп кез келген ақшаны айтады. Қандай да бір капитал болмасын
өз қозғалысын белгілі ақша сомасы түрінде бастайды. Алайда ақшаның ақшамен
және ақшаның капитал ретіндегі айырмашылығы бар. Ақшалар өз бетінше капитал
бола алмайды. Мысалы егер ақшалар тауар айырбасын Т-А-Т формуласымен қызмет
көрсетсе онда олар бұл бір жерде айналым қызметін орындайды.
Егер ақшаларды құнды еселеу құралы ретінде қолданса, яғни алғашқы
салынғанға қарағанда көп құн алу үшін көп болса, онда ақшалар капитал бола
алады.
Ақша ақша ретінде және айналым ақша капитал ретінде алғашқыда бірінен
тек біркелкі емес айналым түрінде өзгешеленеді.
Ақшаның капиталға айналуының басты шарты ақша иегерінің нарықта
сондай тауарды табу мүмкіндігі болып, ол жаңаша құнды жасауға қабілетті,
одан да көп өзінің бай тұрғысынан құнды жасайды. Сондай тауарға жұмыс күші
тауары жатады.
Экономикалық теория классикалық мектебінің негізін слаған А.Смит пен
Д.Рикардо және қазіргі белгілі американ экономистері П.Самульсон мен
У.Нордхауздың ойынша, капитал бұл өндіріс құрал-жабдығы. Француз экономисі
Жан Батист Сэй және ағылшын экономисі Джон Робинсон капиталды бұл ақша
сомасы, бағалы қағаздар, қаржылар деп есептеген. Капиталға бұдан басқа да
көзқарастар бар: капитал бұл өндіріс қолданылатын адамның білімі,
қалыптасқан әдеті, энергиясы. Капитал бұл уақыт. Уақыт фактор ретінде
табысты жасаушы. Әртүрлі уақыт кезеңіндегі көптеген экономистердің
көзқарасын жинақтап қарасақ, онда өндіріс құрал-жабдығы адамдар және
ақшалар да капитал бола алады.
Бірақ капиталдың мәнін толыққанды етіп К.Маркс ашқан. Маркс былай деп
жазған: сырттай капитал әртүрлі жақты формада өндіріс құрал-жабдығында
(тұрақты капитал), адамдар (өзгермелі капитал), ақшалай капитал (ақша
капиталы) болып келеді. К. Маркс осыдан соң капиталды күрделі ұғым деп
санаған. Барлық аталған материалдық игіліктер өз бетінше капитал бола
алмайды, олар сонда ғана капиталға айнала алады, егер иегерлері оларды
құнды еселеу үшін немесе қосымша құнды жасауға қолданылса.
Өзінің басты еңбегі "Капиталда" К.Маркс капиталдың бірқатар
анықтамасын берген. Бұл кездейсоқ емес. "Капиталдың" бірінші томында.
капитал - бұл күн, бұл өзін-өзі өсіретін күн деп көрсетілген.
"Капиталдың" екінші томында: "капитал бұл қозғалыс" екенін дәлелдеген.
Капиталдың мәні толыққанды "Капиталдың" үшінші томында ашылған. Ол
капиталды заттар жиынтығы (өндіріс құрал-жабдығы) ретінде қарастыруды
жоққа шығарып, капитал – бұл зат еместігін, ол адамдар арасындағы белгілі
қоғамдық катынастар екенін айтқан.

Негізгі бөлім
1. Капитал және операция шотына сипаттама

Құнның өзінің өсуі калай болады? Алғашқы кезде былай көрінуі мүмкін:
құнның өсуі тауардың айырбастау процесінде болмақ, ол болса кәсіпкер табысы
мен пайдасының қайнар көзі болып табылады. Тауарды бір бағаға сатып алып,
оны қымбатқа сату: міне, сонда құнның өсімшесі пайда болады. Шын мәнінде
бұл бір кәсіпкердің басқаның есебінен байығандығын көрсетеді, ал қоғам
масштабында құнның еселенуі болмайды.
Айталық, қоғамда үш тауар өндіруші құны 300 мың ақша бірлігіндегі
өнімді жасады, оның ішінде А тауар өндіруші - 100 мың ақша бірлігін, В —
100 мың ақша бірлігін. С — 100 мың ақша бірлігін.
"А" тауар өндіруші өнімді өткеру процесінде "В" тауар өндірушіге
өнімді 100 мың ақша бірлігіне 110-ға сатып, соның есебінен 10 мың ақша
бірлігін ұтады. Дәл солай "В" тауар өндірушіде жасайды: өз өнімін 100 мың
ақша бірлігіне емес. 100 - ға өткеріп, 10 мың ақша бірлігін ұтты . "С"
тауар өндірушіде дәл солай жасайды. Өз өнімін ол да "А тауар өндірушіге
100 мың ақша бірлігіне емес, 110 - ға сатып, 10 мың ақша бірлігін ұтады.
Жалған елес ой туындайды, барлық үш тауар өндіруші ұтқандай. Осы процеске
сағат тілінің қозғалысына кері көзбен карасақ, онда байқайтынымыз: "А"
тауар өндіруші өзінің өнімін 110 мың ақша бірлігіне сатқан өз өнімін С-ға
110 мың ақша бірлігіне сатып осы құнға басқа өнімді А-дан сатып алады. Дәл
осындай құбылыс тауар өндірушіде болады.
Пайдалану сипатына қарай негізгі құралдар былайша бөлінеді:
Қолданыстағы – бұл пайдалану сатысындағы негізгі құралдар
қолданылмаған консервацияға немесе басқа да себептерге байланысты уақытша
қолданылмай тұрған негізгі құралдар.
Запаста тұрған, қолданылып жүрген негізгі құралдардың жөнделуі,
жойылуы, апатқа ұшырауы жағдайында оларды алмастыру үшін запас құрайтын
негізгі құралдар.
Өндіріске қатысатын әртүрлі құрал-жабдық пен айналымды біркелкі
жасалмайды, сондықтан оларды негізгі және айналмалы деп жіктейміз.
Негізгі капитал өнімді капиталдың бір бөлігі болып табылады. Әдетте ол
жабдықтар машина, станок, үйлер мен алып құрылыстың құнынан еніп кетеді.
Оның ерекшелігі сонда, ол дайындалатын өнімге өзінің құнын бөлшектеп
енгізіп отырады. Егер станок 10 жыл қызмет етсе, ал оның құны 100 мың
долларға тең болса, ол 1 жылда өндірілген өнімге 0,1-ге өзінің құнын
бөлшектеп жайлап енгізу процесін амортизация дейміз. Табиғи тозу өндіріс
процесінің әсерінен ғана болып қоймайды, оған табиғат күші де әсер етеді.
Станок шіриді, ірі үйлер қолайды. Ал моральдық тозудың екі түрі бар:
1. бұрынғы конструкицядағыдай машинаның пайда болуы, бірақ одан
арзандай;
2. бұрынғы конструкциядағыдай машинаның пайда болуы, бірақ содан
өнімділеу және үнемділеу;
Техникалық прогресс негізгі капиталдың табиғи тозуына дейін оның
моральдық тозуын жеделдетеді. Моральдық тозуға кеткен шығынды азайту үшін
және жабдықтарға жұмсалған шығынды қысқа мерзімде қайтару үшін кәсіпкерлер
жедел амортизациялық жүйені кеңінен қолдануға мәжбүр. Негізгі капиталдың
құны кәсіпкерге бірнеше шеңбер айналымынан соң қайтарылады.
Амортизациялық төлемдер өнімнің өндірістік шығындарына енеді және
оның өткерілуінен кейін кәсіпорын есебінде ақшалай қор түрінде қорланып,
амортизациялық қорды құрайды. Амортизациялық қор негізгі капиталды толық
қалыпына келтіруінде немесе ремонт процесінде оның бөлшегінің қалпына
келтіруінде қолданылады.

1.2. Капиталдың түрлері

Капиталдың сонымен қатар мынадай түрлеріне тоқталайық:
Қарыз капиталы дегеніміз белгілі бір мерзімге % үстемесін өсіру
шартымен берілетін ақша капиталы.
Мемлекеттік капитал дегеніміз мемлекет бюджетінен берілетін ақша.
Кәсіпкерлік капитал дегеніміз инвестор белгілі бір мерзімге өнім
өндіру үшін берілетін капитал.
Портфельді капитал-бұл инвестор белгілі бір елдің инвестициясына
иелік етуі.
Жекеменшік капитал-жеке тұлғаның мемлекеттік емес формасы немесе
кәсіпорыны.
Тұрақты капитал-өндірісте өз құнын бірден өзгертпейтін капиталдың
бөлігі.
Өзгермелі капитал-өндіріс процесінде өз құнын дереу өзгертетін
жұмысшы күшіне сіңген капитал бөлігі.
Капиталдың техникалық құрылымы дегеніміз өндіріс құрал – жабдықтар
массасының оларлың іске қосатын жұмысшыларының санына қатынасы.
Негізгі капитал – бұл шаруашылық жүргізуші субъектіге келешекте табыс
табу мақсатында өндірістік қызмет үшін қажетті бастапқы капитал.
Бұл капитал кәсіпорынның мөлшерін және жай-күйін анықтайтын негізгі
көрсеткіш болып табылады. Ол құрылтайшылар құжаттарында қатысушылар
салымдарының жиынтығы ретінде немесе акцияларға жүргізілген жазулар
сомасына тең тіркелген сомаларда көрсетіледі. Капиталдың шамасы
кәсіпорынның қызмет барысында тұрақты болады және кей жағдайларда ғана оның
шамасы өзгеруі мүмкін. Капиталдың өзгеруі оның шамасын құрылтайшы
құжаттарында қайта бекітуі және қайта тіркеу процедурасымен келістірілген.
Капиталдың мөлшеріне өзгерту жөніндегі шешім заңдарда белгіленген тәртіп
бойынша қабылданады.
Субьектінің капиталының жағдайы және қозғалысы жөнінде ақапараттарды
жалпылау және есептеу үшін Негізгі капитал бөлімшесінің шоттары арналған.
Ол мына шоттарды қамтиды: Қарапайым акциялар, Артықшылығы бар акциялар,
Негізгі капиталға салымдар мен жарналар.
Құрылтайшылардың акционерлік қоғамның негізгі капиталына салымдары
бойынша қарыздарын есептеу үшін Төленбеген капитал бөлімшесінің
Төленбеген капитал шоты арналған. Мұның дебеті бойынша оның
құрылтайшылармен енгізілуге тиіс, капиталдың шамасы көрсетіледі.
Құрылтайшылардың салымдарының нақты түскен сомалары ақшалай қаражаттар
болып көрсетіледі.
Шаруашылық жүргізуші субьектілер іс жүзіндегі қолданыстағы заңдарға
және құрылтайшы құжаттарына сәйкес резервтік капитал құра алады. Заңмен
белгіленген резервтік капитал есебі шаруашылық серіктестіктердің резервтік
капиталының шамасы олардың құрылтайшы құжаттарында анықталады және
белгіленген тәртіп бойынша анықталады және белгіленген тәртіп бойынша
мемлекеттік тіркеуден өтуге тиіс. Осы құжаттарда есеп беру жылында табысты
бөлу тәртібі анықталады, яғни табыстың резервтік капиталға жіберілуі
мүмкін.
Шаруашылық серіктестіктер резервтік капитал құруға міндетті.
Резервтік капиталдың құрылуы және пайдалану тәртібі жарғымен анықталады.
Өндіріс көлемінің өсуі, инфляция және басқа себептерге байланысты жарғылық
капиталдың көбеюі кезінде сәйкесінше резервтік капитал да көбеюі керек.
Резервтік капитал бөлінбеген табыстан аударулар есебінде құрылады.
Резервтік капиталдың есебінен төленетін дивиденттер мен табыстардың
есептелген сомаларының реті қарастырылады.
Басқа да резервтік капитал есебі арнайы шотта жүргізіледі. Бұл шотта
заңдарда қарастырылған төменгі мөлшерден артық құрылған резервтік капитал
есепке алынады.
Акционерлік қоғамдар әрі қарай айналымнан алу мақсатында өз
акционерлерімен сатып алынған меншікті акцияларының есебін Қайтарып
алынған капитал шотында жүргізеді.
Кәсіпкердің қолдағы негізгі капиталды сатып алысымен пайдалану міндет
емес, өйткені негізгі құралдар қоймада резерв ретінде жатуы, ұзақ уақыт
бойы сақталуы немесе жалға берілуі мүмкін.
Басқаша айтқанда негізгі капитал сатып алу жолындағы кез-келген
жұмыс, кәсіпкер мен негізгі құралдар иесі арасындағы келісім шарт немесе
келісімге қол қоюдан басталады. Негізгі құралдарды есепке алу үшін талапқа
сай ресімделген бастапқы құжаттар керек. Ол қабылдау актілері, кіріс
қағаздары, есеп-фактуралары, сатып алу, сату шарттары мен тағы басқалары
болуы мүмкін.
Негізгі құралдар көптеген өндіріс құралдары бойына пайдаланылады,
қасиеті мен нысанын сақтай отырып, жанама түрде тозады, өзінің құнын
жаңадан жасалған өнімге біртіндеп көшіреді.
Айналым құралдары бір ғана өндірістік процесте тұтынылады және өзінің
құнын жаңадан жасалған өнімге толықтай көшіреді.

2.1. Шығарылған капиталды қалыптастыру.

Шығарылған капитал - бұл ұйымдастырылатын кәсіпорындардың мүлкіне
қатысушылар (меншік иелері) жарналарының (салымдарының) ақшалай түрде
көрсетілген жалпы жиынтығы. Бұл жарналардың мөлшері құрылтайшылардың
келісімшартымен белгіленіп және жарғыда жазылуы тиіс. Ұйымның сатып (өтеп)
алатын кәсіпорынның ақшалай түрдегі жарғылық капиталы клесі ретте
есептеледі: қалдық құны (тозуды шегергенде) бойынша мүліктің, есеп айырысу
және басқа шоттардағы ақшалардың, кассадағы қолма-қол ақшаның және
кредиторлық қарызға кемітілген дебиторлық қарыздардың мөлшерінде
анықталады. Егер кәсіпорын акционерлік қоғамға өткенде, онда осы жолмен
есептелген жарғылық капиталдың мөлшеріне тек қана ұжымның мүшелері арасында
(жабық акционерлік қоғам болса) орналастырылатын, немесе барлық
қалаушыларға сатылатын (ашық акционерлік қоғам болса) акциялар шығарылады.
Шығарылған капитал №50 Шығарылған капитал бөлімшесінің пассивті
баланстық шоттарында есепке алынады.
Жаңа ұйымдастырылған кәсіпорынның жарғылық капиталын қалыптастыру
кезінде қатысушылар салымдарының мөлшеріне мынадай проводка жазылады: №50
Шығарылған капитал бөлімшесі шоттарының кредиті мен №5020 Төленбеген
капитал шоты дебеті; егер салым қолма-қол ақшамен жасалса, онда №5020
шоттың кредиті мен №1010 Кассадағы теңгемен ақша қаражаттары шотының
дебеті; ал егер салым жинақ банкі арқылы жасалса, онда №5020 шоттың кредиті
мен №1040 Ағымдағы банктік шоттардағы ақша қаражаттары шотының дебеті
бойынша.
Шығарылған капиталға салым ретінде: негізгі құралдар, материалдар,
материалдық емес активтер болуы мүмкін. Мұндай жағдайға сәйкес төмендегі
бөлімшелердің шоттары дебеттеледі: №13 Материалдар, №24 Негізгі
құралдар, №27 Материалдық емес активтер.
Құралдарды салу кезінде төмендегі проводкалар жазылады:
Егер кәсіпорынның табыстары бойынша қатысушылармен есеп айырысулар
жасалса, онда төмендегі проводкалар жазылады:

Бірінші проводка бойынша салық төлемдері мен қажетті қорларды
қалыптастырудан соң қалған жиынтық табыс қатысушылармен есеп айырысу үшін
бағытталады.
Екінші проводка бойынша қатысушыларға еңбекақысын есептеумен қоса
табыстағы олардың бөлігі есептеледі, одан соң табыстың сол бөлігі касса
арқылы төленеді немесе жинақ банкісі арқылы қатысушының жеке шотына
аударылады.
Жарғылық капитал мөлшерінің өзгерістері тек қана кәсіпорынның
жарғысында оны бейнелеумен бірге жасалуы мүмкін.
Бұл мысалы, қатысушылар санының азаюы немесе көбеюімен байланысты
болуы мүмкін. Ашық акционерлік қоғамдар жарғылық капиталды арттыру мен
қаржылық ресурстарын көбейту үшін қосымша акциялар шығаруы мүмкін. Бірақ ол
кезде мұндай әрекетпен біз қатысушылардың санын көбейтетінімізді, ал
сонымен бірге олармен табысты бөлісетінімізді түсінуіміз керек.

2.2. Жарияланған капитал есебі

Бұл тараудың пассивті екені және 5 (№50, 51, 52, 53, 54) бөлімшеден
тұратындығы кестеден көрініп тұр. Капиталдың түрлері пассив болып табылады,
өйткені ол шаруашылық құралдар, ақша қаражаттары және т.б. пайда болу көзін
бейнелейді.
Капитал элементтерінің пайда болуын (есептелуін) қарастырамыз.
Бұл жағдайда олар кредит бойынша өтеді. Бұл жерде біз капиталдың
қандай элементтерден ұйымдастырылатынын немесе ол қандай баптарға ... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Меншікті капиталдың есебі туралы ақпарат
Төленбеген капитал есебі
Жарғылық капиталдың ұлғаюы
Жарғылық капиталының есебі
Қаржылық нәтиже және меншікті капитал есебі
Меншікті капитал аудитін ұйымдастыру ерекшіліктері
Жарғылық капитал есебінің шоттар корреспонденциясы
Меншікті капиталының есебі туралы
Резервтік капиталдың есебі
Жарғылық капитал есебі: шығарылған акционерлік капитал; салымдар мен пайлар
Пәндер