Дәстүрлі оқыту әдістері

Жұмыс түрі: Материал
Тегін: Антиплагиат
Көлемі: 37 бет
Таңдаулыға:

ІІ. Информатиканы оқытудағы жаңа технологияларды пайдаланудың әдістері.

2. 1. Информатиканы дербес оқытудың әдістемелері және дәстүрлі оқытудың әдістері.

Әдісті жалпы түрде белгілі мақсатқа жетуге бағытталған әрекет тәсілі ретінде анықтауға болады.

Дидактикада оқушының іс-әрекеті, мұғалімнің іс-әрекеті және олардың бірлескен іс-әрекеті деп бөледі. Мысалы, оқушыларға арналған инструкцияны - педагогтың іс-әрекеті; инструкциямен компьютердегі программамен жұмыс істеу - оқушының іс-әрекеті; компьютерде орындалған оқушының жұмысының нәтижесін қорғау (тапсыру) - олардың бірлескен іс-әрекеті.

Информатика курсында оқушылар мен мұғалімнің бірлескен іс-әрекетінің көлемін қысқартуда іс-әрекеттің тәуелсіз түрі салыстырмалы түрде елеулі орын алады. Курстың мақсаттарының бірі компьютермен жұмыс кезіндегі оқушының педагогтан тәуелсіздігі, одан кейін программистен тәуелсіздігі, өз бетімен білім алуға дағдының қалыптасуы. Сондай-ақ, компьютер мұғалім мен оқушы арасындағы тәуелсіз іс-әрекеттің көлемін едәуір кеңейтеді. Әрине, бұл педагогты іс-әрекетінен толық босатады деген сөз емес. Педагогтың оқыту алгоритміндегі жүзеге асырылатын білімі мен тәжірибелері оқушының өз бетінділігінің жоғарылауына әкеледі.

Сондай-ақ, информатика курсында танымды басқару мен өзіндік басқару функциясы айқын көрінеді. Компьютермен жұмыс істеген оқушының өз бетінділігі басым, оның алдына қойған мақсаты бар. Мұғалімнің міндеті оқу іс-әрекетін ұйымдастырып, оқушының іс-әрекетін басқару.

Сөйтіп, оқыту әдісі жалпы мағынада, оқушының жеке тұлғалық қасиетін өзгертуге бағытталған танымдық іс-әрекетін басқару әдісі ретінде қарастырылады.

Оқыту әдісін топтауға арналған негіздер жиынтығы айтарлықтай. Оқыту әдісін оқыту мазмұны бойынша топтау өнімді (продуктивті) болып есептеледі:

әлем жайында білім;
іс-әрекет тәсілдерін жүзеге асыру тәжірибелері;
шығармашылық іс-әрекет тәжірибесі;
эмоционалдық құндылық қатынас тәжірибесі.

Оқушылардың белсенділігі мен өз бетінділігінің негізгі дидактикалық функциясы оқыту мазмұнымен тығыз байланысты. Дайын мәліметті меңгерудегі репродуктивті іс-әрекетте оқушының белсенділігі төмен болатыны, ал проблемалық іздеу тәсілінде, шығармашылық іс-әрекетте белсенділіктің жоғары болатыны белгілі.

Ю. К. Бабанскийдің еңбектерінде әдістерді топтаудың толық тізімі келтірілген. Информацияны қабылдау тәсілі бойынша топтау дәстүрге айналған: сөздік әдіс, пәндік шолу және практикалық.

Сондай-ақ, әдістерді топтаудың төмендегідей негіздері бар: білім алу тәсілі (теория мен практика), кері байланысты жүзеге асыру тәсілі (бақылау және өзіндік бақылау), оқушылардың ойлау әрекеттері (логикалық аспект) .

Информатиканың мазмұнына қатысты оқытудың нақты әдісін аталған белгі параметрлердің комбинациясы ретінде түсінуге болады.

Енді информатиканы оқытуға қатысты маңызды деп есептелетін нақты әдістерді қарастырайық.

Әлем жайында білім. Оқушының әлем жайында білімді меңгеруі қабылдау, түсіну, еске сақтау арқылы жүреді. Ал, әлемді, мысалы, адамды қоршаған заттар әлемі, оның әлеуметтік ортасы, компьютерлік әлем, адамның өзінің ішкі әлемі тәрізді ақиқаттылық арқылы түсінуге болады. Заттар әлемі мен олардың арасындағы байланысты оқушылар қоғамның информациялық ресурсына кіру арылы және компьютерде модельдеу арқылы таниды. Білім беру жүйесінің алдындағы мүмкіндіктер енді ғана ашылуда. Дәстүрлі әдіс мұғалімнің сөзі мен кітапқа сүйенеді.

Компьютерлік желілер оқушылардың алдына нақты мәліметтерді сақтау немесе меңгеру мәселесін қоймайды, информация әлемінен өзіне қажеттіні алып, информациялық іздеу жүйелеріне сұранысты дұрыс қоя білу, өзінің сұранысын әрі жылдам, әрі икемділікпен түзете білу іскерлігінің болуын талап етеді.

Әлеуметтік орта компьютерлік әлемнің тәртіп ережесі арқылы, компьютерлік желіде, ұжымдық жұмыста адамдардың бір-біріне өзара әрекеттесуі арқылы ашылады. Компьютерлік әлемді үйрену оқушылардың ізденушілік зерттеу іс-әрекеті арқылы жүзеге асырылады, мысалы, компьютердегі «ойын ережесі», логикасын меңгеру тәрізді.

Өзіндік тану компьютермен бейнеленетін жеке іс-әрекетін ойлау рефлекциясы арқылы жүзеге асырылады. Компьютер іс-әрекеттің нәтижесін жылдам бере отырып, дәл осындай ойлау сапасының дамуын қамтамасыз етеді.

І-әрекет тәсілін жүзеге асыру тәжірибелері. Іс-әрекеттің үлгісін көрсету және инструктаж жолымен компьютерлік әлемнің үнемі дамып отыратын жаңалығы мен оқушылардың ізденушілік белсенділігі арқылы беріледі. Компьютермен жұмыс істеуде әс-әрекеттің стандартты түріне бара бар оқыту әдісі ақыл-ой әрекетін сатылап қалыптастыру болып табылады. Дайын программа мен диалогты меңгеруде және пернелік тақтамен жұмыс істеу дағдысын қалыптастыру үшін де бұл әдіс қолданылады.

Шығармашылық іс-әрекет тәжірибелері. Шығармашылық іс-әрекет тәжірибелері проблемалық есептер шығару, таныс емес программалық құралдары меңгеру, модельдеу арқылы қалыптасады. Бұл жерде мұғалімге тән тәсіл - бәр мәнді анықтауды талап ететін есепті қою. Программалау мен модельдеу саласындағы шығармашылық тәжірибесі - ашық программалар әдісімен берілуі мүмкін. Бұған ұқсас тәжірибелердің көлемі шағын, ол информатиканың жас ғылым саласы екенімен түсіндіріледі.

Эмоционалды құндылық қарым-қатынас тәжірибесі. Эмоционалды құндылық қарым-қатынас тәжірибесі оқушылардың бір-бірімен және мұғаліммен қарым-қатынасы процесінде пайда болып, таратылады. Мектеп практикасында оқушыларға тікелей әсер ететін бірқатар тәжірибелер жинақталады. Педагогтың жеке басының үлгісін, оның іс-әрекетін, оқушылармен, әріптестерімен және қоғаммен қарым-қатынасын компьютерлік желі арқылы бағалау мүмкін емес.

Информатикаға тән тәрбиелік бағытта жұмыс істейтін оқыту әдісін атау қиын, бірақ, информатиканы оқыту барысында жүзеге асырылатын жағдайларды көрсетуге болады. Ол оқушыларға өзінің жұмысын жазуды ұсыну, программада қате жібермеуге қойылатын талап (жұмыс нәтижесіне оқушының жеке жауапкершілігі), сондай-ақ, эстетикалық құндылығы бар мәселе - оқушының жауабына кластың көңілін аудару болып табылады.

Дәстүрлі оқыту әдістері.

Оқытудың сөздік әдісі. Классикалық педагогика өз уақытында сөзбен білім берудің жеткіліксіз екенін мойындаған болатын. Сондай-ақ, Я. А. Коменский информацияны кітаптан, лекциядан алудың жеткіліксіз екенін, заттарды өз бетімен танып, бақылау арқылы информация алудың маңызды екенін атап көрсеткен.

Көрнекілік әдісі. Информатика курсындағы көрнекілік әдісі - оқушының жолдасының немесе мұғалімнің жұмысын бақылау, одан кейін компьютерлік ортаның жұмысының өзгерісін бақылау. Енді олардың ішіндегі негізгілерін қарастыратын болсақ:

Иллюстрация. Информатика курсында информацияның таңбалық табиғатын толық бейнелеп көрсетуге мүмкіндік береді. Бәрінен бұрын, көзге көрінбейтін нәрселерді бейнелегеннің пайдасы зор. Мысалы, тақтада сандық немесе текстік мәндермен жазылған тік төртбұрышты көрсету (компьютердің барлық зердесінің үлгісін, зерденің ұяшықтарын көрсету) . Компьютермен алғаш танысу ретінде қағазға бейнеленген пернелік тақтаны көрсету, ол өзі де көрініп тұр, бірақ пернелердің қызметі сөзбен түсіндіріледі. Бұл жерде иллюстрация сөзбен жалғастырылады.

Демонстрация . Мұғалім компьютердегі орындалатын іс-әрекеттің үлгісін үндемей-ақ, демонстрациялауға болады. Кез келген компилятор қателердің орны мен мәнін демонстрациялай алады. Оқушылар өздерінің жұмыстарының нәтижесін мұғалімге немесе жолдастарына демонстрациялып бере алады. Алгоритмнің атқарылу процесі атқарылу кестесінің көмегімен демонстрацияланады. Есептеу-практикум жүйесін кестенің атқарылу мысалы ретінде түсінуге болады. Сондай-ақ оқу орындарындағы іс-әрекет процесін демонстрациялауға да болады.

Компьютерлік демонстарцияның маңызды ерекшелігі - көрнекі бейнелерді қозғалмалы күйінде басқару. Оқушы демонстрациялауды өзінің дербес қарқынымен орындайды және қайталауына мүмкіндігі бар.

Компьютердің көмегімен модельдеу мен көрнекі бейнелеу нәтижесінің белгілі бір қаупі бар. Кез келген компьютерлік модель шынайы ақиқаттан әлдеқайда жеңіл болады. Сонымен қатар, шынайы құбылыста көрінбейтін өзіндік қасиеті болады. Кейбір жағдайда компьютерлік бейненің көрнекілігі оқушыларды шатастыруы мүмкін. Сондықтан Я. Коменскийдің «кітаптағы (компьютердегі) модель арқылы емес, шынайы құбылыстан тікелей үйрету қажет» деген тұжырымын әрдайым есте ұстаған дұрыс.

Практикалық (іс-әрекеттік) әдістер. Қарастырылып отырған жағдайда практика оқушының іс-әрекетіне қатысты теория емес, сөзбен және бақылаумен салыстырылады. Информатика білімнің үш түрлі көзін үйлесімді түрде біріктіреді: сөз, бақылау және іс-әрекет. Мысалы, нұсқауларды оқып (сөз), мұғалімнің әрекеті мен компьютердің жұмысын бақылай отырып (заттық әдіс), оқушылар компьютермен практикалық іс-әрекетті орындай бастайды. Мұнда әдістер бірін-бірі толықтырады.

Информатикадағы теория мен практика ұғымы жалпы ғылыми категориямен толық үндеседі. Информатика тілінде теория компьютерлік әлемнің жұмысын, қасиеттерін түсіндіру немесе болжау құралы, ал практика - теория мен теорияларға арналған гипотезалар көзін тексеру құралы. Мысалы, лекция сабағында мәліметтер қорын басқару жүйесіне қатысты теория: іздеуге сұранысты құру ережесі және т. б. Практикада оқушы машинамен меңгерген командаларын тексереді. Семинар сабағында алгоритмнің нақты орындалуын түсіндіру, лабораториялық сабақта алгоритмді тексереді. Компьютерсіз алгоритмнің дұрыстығын дәлелдеу таза теориялық әдіспен жүргізіледі. Бірақ, бұл тәсіл аса күрделі емес алгоритмдермен шектеледі.

Алгоритмді құру немесе түрлендіру - бұл оқушының жұмыс істеуіне, нұсқауына негізделген теориялық іс-әрекет. Практиканың негізгі түрі ешқандай ережесіз компьютерлік ортаны зерттеу болып табылады. Тіпті ағылшын тіліндегі нұсқау қолда болғанмен, оның мазмұны барлық уақытта түсінікті бола бермейді.

Жұмыстың комбинацияланған әдісі программаны жүргізу болып табылады. Бұл жерде қатенің себептерін практикалық талдау мен оны практикалық тексеру өзара үйлесім табады.

Бақылау.

Бақылауды мұғалімнің, жолдасының, компьютердің және өзіндік бақылау деп бөлуге болады.

Информатика курсындағы бақылаудың ерекшелігін төмендегідей тұжырымдауға болады: жалған жауапты оқушы мойындамайды, оны компьютердің шығарғаны деп есептейді; компьютер оқушыныың өзінің іс-әрекетін ұғынуына нәтиженің дұрыс немесе қате екендігі жөнінде хабарлама береді.

Мұғалімнің дәстүрлі бақылауымен қатар, жолдастарының бақылауының да маңызы бар. Бақылаушы басқа адамның ойлау жүрісін түсінуді үйренеді де, өзінің білімін сыртқа шығарып, сөйлеуге дағдыланады.

Компьютердің бақылауы қатеге көп көңіл аударуды талап етеді, бақылаудың келесі кезеңі - өзіндік бақылауға көшуге мәжбүр болады. Бұл бақылаудың күрделі де, ең жоғарғы түрі болып есептеледі. Әлбетте адам өзіне сенуге және өзіне баға беруге бейім келеді. Өзін бақылай білу іскерлігі, мейлі компьютердің көмегімен болсын, өзіндік ойлаудың ең жоғарғы дәрежесі.

Кері байланыс жылдам немесе баяу болуы мүмкін. Жылдам байланыс тиімді, бірақ өте жоғары жылдам реакция - мұғалімнің бұл түсініктемесі - оқушының ойлау жүрісінің ашылуына кедергі жасауы ықтимал. Оқытуды ұйымдастыруға қатысты бақылауды ауызша және жазбаша бөлуге болады. Жазба тіл пайдалы, үлкен еңбекті талап етеді. Компьютер экранындағы мәтін жазба тілдің бір түрі болып есептеледі.

Компьютердегі жұмыс және ойлау әрекеттері

Оқушылардың ойлау процесін, қателіктері мен қиындықтарының мәнін түсіну үшін компьютерге байланысты логикалық ақыл-ой әрекеттері қалай жүзеге асырылатын қарастырайық. Педагог оқушыны түсініп, оларды өзімен салыстыруы тиіс. Егер мұғалім алдын-ала оларды болжап, әрекеттерін ескеріп, үйлесімді жоспарлай білсе, онда оқытуды ұйымдастыру әлде қайда жеңіл болары сөзсіз.

Анализ және синтез. Информатика курсындағы анализ бен синтез әрекеттерінің өзіндік ерекшеліктері бар. Олардың айқын көрінетін тұстары: есептің қойылысын талдау (анализ), қолдағы бар программалық немесе синтаксистік құралдар арқылы олардың шешімін синтездеу. Кейде анализдің мақсаты қатенің себебін анықтау болуы мүмкін. Бұдан программаның орындалу процесі қадамдарға бөлінеді, ал мәліметтердің орындалу процесі қадамдарға бөлінеді, ал мәліметтердің өзгеру процесі қадамдардың тізбегін өзгертеді. Егер қатені іздеу программаны тасымалдау (трассировка) жолымен компьютердегі диалог түрінде орындалса, онда бұл талдаудың түрі - «өрескел талдау» - жіктеу болады. Егер қате компьютерде орындалғанға дейін талданса, онда оймен бөліктерге бөлу. Қатені іздеудің мәні алгоритмнің фактіден алшақтаған мезетін іздеу болып табылады.

Күрделі синтезге мысал ретінде оқушылардың компьютерлік ортаның идеялық моделін ойша құруы болып есептеледі.

Салыстыру мен топтау. Бір біріне жақын командаларды түсіндіруде салыстырудың үлкен мәні бар: электрондық кестеде көшіру мен көбейту, циклдық алгоритмдердегі «үшін» және «әзір» командалары. Бұл ұғымның мағынасын меңгерудің індетті кезеңі. Мысалы, егер, оқушы «цб үшін І бастап 1 дейін N» командасынан кейін «цс» (цикл соңы) сөзінің алдына «І:=І+1» командасын жазатын болса, онда мұғалімге «оқушының бұл командалардың айырмашылықтары мен ұқсастықтарын ашу кезеңінен өтпегендігін және талдап түсінбегені» туралы ақпарат береді. Тағы бір өрескел қате «цб егер» - салыстыру амалының тармақталу мен қайталану командаларын ажыратудан бұрын орындалмағанын көрсетеді.

Салыстыру өте тиімді дидактикалық тәсіл. Салыстырудың көмегімен жаңа ұғымдарды енгізіп, бекітуге болады. Алдымен, ұқсастығын, одан кейін айрымашылығын көрсету қажет. Мысалы, алдымен әртүрлі құрама командалар туралы әңгіме етпей тұрып, алгоритмнің үш түрін салыстыруға болады: сызықтық, тармақталған және қайталанатын алгоритмдер. Сызықтық алгоритм деп әрбір команда тек бір рет орындалатын, қайталанатын алгоритм деп бір команданың бірнеше рет орындалатынын, тармақталған алгоритм деп бірнеше команданың тек біреуі ғана орындалатын алгоритмді айтамыз. Бұл жерде алгоритмнің түрлері толық қамтылған. Тек қайталану шартының ұғымы мен таңдау кейінге қалдырылған. Ол бір команда неше рет қайталанады немесе бірнеше команданың қайсысы орындалады деген сұрақтарға жауап беру барысында түсіндіріледі.

Топтау (классификация) ойлау әрекеті ретінде үлкен көлемді материалды оқушының меңгеруі барысында білімді текітуге байланысты кездеседі. Мысалы, электрондық кестенің барлық командаларын алфавиттік ретпен есте сақтау өте қиын, ал оларды ұқсастық және айырмашылық қасиеттеріне қарай топтау түсіндіруді едәуір жеңілдетеді. Дұрыс топтай білу іскерлігі дамыған ойлау әрекетінің белгісі.

Жалпылау, индукция және дедукция. Жалпылаудың айқын мысалы - ұқсас әрекеттердің жеке қайталанулары ұғымынан қайталану командасына көшу бола алады. Жалпылаудың айқынырақ ашылған мысалы дедукция болып табылады. Мұны математикалық индукция деп түсінбеу қажет, ол толық емес индукция. Бұл практикалық информатиканың өн бойына және жиі кездесетін аса маңызды әрекет. Енді мысалмен түсіндіретін болсақ, Инженер практикке 60 санының бөлінгіштігін табу тапсырылады. Оның ойлау барысы төмендегідей болады: 60 саны 2-ге бөлінеді. 3-ке бөлінеді. 4-ке, 5-ке және 6-ға бөлінеді. Кездейсоқ сан деп 30-ды алсақ оған да бөлінеді. Бұдан 60 саны барлық сандарға бөлінеді деп қорытынды жасайды. Ал, 60 саны 7-ге бөлінбейді. Бұл компьютердің ақауы дейді. Бұл әдеттегі толық емес индукция.

Енді компьютерге оралатын болсақ, оқушы алғаш рет компьютерге отырып, мәтіндік редактормен жұмысты бастады. Оқушы оңға бағыттаушы пернесін басты. Меңзер оңға бір орын ауыстырды. Ал, енді оқушылардан оңға бағыттаушы пернені басқанда не болады деп сұрасақ, оқушылардың 99 пайызы ойланбастан бір мәнді жауап береді. «Меңзер оңға жылжиды». Оқушы меңзердің экрнанның оң жақ шетінде болған жағдайын ескермей жауап береді.

Енді оқушының ойланбай берген жауабы бойынша ойлау барысын талдайық. Оңға бағыттаушы пернесін басқанда меңзер сол мезетте оңға жылжиды. Олай болса, қалған жағдайларда да оңға жылжиды. Бұл толық емес индукцияның үлгісі.

Мұндай талқылау үлгілері практикада төмендегідей себептермен жиі нақтыланады.

1) Шын мәнінде компьютердің құрылымы солай жасалған: зерде ұяшықтар, схемалар, регистрлер алгоритмдер құрылымдары бір типті.

2) Программалық құралда да барлық уақытта белгілі бір стандарты ұстанады. Оңға бағыттаушы пернесі меңзерді оңға жылжытпайтын редактор табылмауы да мүмкін.

3) Стандарты ұстамаған программалар танымал емес және олар таратылмайды.

Бұдан, дайын программаларды іріктеуде және программа құру барысында белгілеулер мен әрекеттерде бірыңғайлылық барлық уақытта да сақталады, индуктивтік жалпылаудың негіздемесіне барады.

Аналогия және тасымал. Аналогия дегеніміз бұл индукцияның абайланған бір түрі. Талдау үлгісі төмендегідей. В жағдайында F фактісінің орны бар. В1 жағдайының қандай да бір мағынада В жағдайына ұқсастығы бар. Олай болса, олардың әрқайсысында F фактісіне орын бар деп күтуге болады.

Абстракция және нақтылау. Абстракция және нақтылау амалдары компьютерлік модельдеумен тығыз байланысты. Алғашқы берілген есеп нақты қойылады, оны информатика тіліне аудару өзіндік қиын мәселе болып табылады. Істің мәні - нақты тілден абстрактілі тілге аударылуында. Одан кейін алынған нәтиже пайдаланушыға есептің қойылған тілінде берілуі тиіс, яғни кері аударма жасалынады.

2. 2. Информатика сабағын ұйымдастырудың түрлері.

Мектептегі барлық пәндер бойынша оқу-тәрбие жұмысын ұйымдастырудың негізгі түрі сабақ болып табылады. Мектептегі сабақ сынып-сабақ жүйесінің негізін қалайды. Оның мынадай негізгі сипаттары бар:

1) оқу топтарының құрамы;

2) әр сыныптағы оқыту мазмұнын қатаң анықтау;

3) оқу сабақтарының нақты белгіленген кестесі;

4) оқушылар жұмыстарының жекелей және бірлескен түрлерін ұштастыру;

5) мұғалімнің жетекші ролі;

6) оқушылар білімін жүйелі тексеру және бағалау.

Чех халқының аса үздік педагогы Я. А. Коменскийден бастау алған сынып-сабақ жүйесі бүгінгі күнге дейін мектепті құрылымдық ұйымдастырудың негізі болып келеді. Өзінің тарихында оқыту процесін ұйымдастыру түрлері әлемдік тәжірибеде өзгеріссіз қалған жоқ. ХІХ ғасырдың басынан бастап бүгінгі дәуірге дейін шетелдік тәсілдер жинақталды. Солардың ішінде белл-ланкастерлік түрі, мангейм жүйесі, дальтон жоспары, Трамп жоспары сияқты түрлері бар. Ал, информатика негіздерін оқыту дидактиканың қалыптасқан бай тәжірибелерін пайдаланады, әрі мазмұнын өзінің ерекшеліктерімен толықтырады.

Дидактикада сабақ типтерін жүйелеуде әртүрлі айырым белгілері пайдаланылады. Сабақтың ең басты белгісі - оның дидактикалық мақсаты. Ал, дидактикалық мақсат - оқытушының алға қойған жоспарын көрсетеді. Соған сәйкес дидактикада сабақтың мынадай түрлері бар:

1) жаңа сабақ (тың хабарлар айту, түсіндіру сабағы) ;

2) оқушылардың шеберліктерін және дағдыларын дамыту, бекіту сабағы (жаттығу сабағы) ;

3) оқушылардың білімін, шеберлігін және дағдыларын тексеру сабағы.

Көптеген жағдайларда мұғалім осы аталған дидактикалық мақсаттардың біреуін ғана басшылыққа алып қоймайды, олардың бірнешеуіне немесе басшылыққа барлығына тұтастай сүйенеді. Сол себепті тәжірибе жүзінде аралас сабақ түрі кеңінен қолданылады. Аралас сабақтың құрамы әртүрлі болып келеді және оның бірқатар артықшылықтары бар. Сабақтың түрлерін араластыра қолдану жаңа білімді сапалы, әрі жылдам қабылдауды, кері байланысты және педагогикалық процесті басқаруды, бағаларды көбейтуді, оқытуды жекеше ұйымдастыруды қамтамасыз етеді.

Дегенмен, информатикадан өтілетін сабақтардың өзіндік дидактикалық ерекшеліктері бар. Егер информатика курсы орта мектепке міндетті пән ретінде енгізілгеннен бері қалыптасқан тәжірибелерге тоқталатын болсақ, М. П. Лапчик информатика курсы бойынша өтілетін сабақтарды компьютерді қолдану мөлшеріне қарай үш түрге бөледі: демонстрация, фронтальды лабораториялық жұмыс және практикум. Осы уақытқа дейінгі қалыптасқан тәжірибелер информатикадан оқу сабақтарын дидактикалық функциясы бойынша топтауға мүмкіндік береді.

Информатика курсы бойынша оқу сабақтарын топтау.

... жалғасы

Сіз бұл жұмысты біздің қосымшамыз арқылы толығымен тегін көре аласыз.