Есептеу құрылғылары және машиналар

Жұмыс түрі: Материал
Тегін: Антиплагиат
Көлемі: 44 бет
Таңдаулыға:

Пән: 7 сынып Информатика

1. Сабақ: Тақырып: Есептеуіш техника кабинетіндегі қауіпсіздік ережесі

Оқыту мен тәрбиелеудің міндеттер:

Сабақтың типі: Практикалық элементтері бар, көрсетіп түсіндіру сабағы.

Мақсаты: Бүгінгі сабақта оқушыларға қауіпсіздік ережені жазғызу арқылы компьютерде жұмыс істеуді түсіндіру, сынып ішіндегі үкімет бағалы заттарды ерекше жолмен пайдалану.

Білімділік:Оқушылар информатика сыныбында техникалық қауіпсіздік ережесін түсіндіру және компьютерді дұрыс қолдануды көрсету, сабақ өту тәртібі.
Дамытушылық:Оқушыларға есептеуіш техника кабинетіндегі қауіпсіздік ережесі бойынша компьютерге дұрыс отыру, шаршаған кездегі жаттығуларды жасауды көрсету.
Тәрбиелік:Оқушылар информатика кабинетінде техникалық ереже бойынша тәртіп сақтау және еңбекке баулу.

Құрал - жабдықтар, көрнекті құралдар:

Компьютерлер, Информатика негіздері журналы, және бағдарламалар мен сынып техникалары.

Сабақ түрі: Лекция сабақ

Сабақтың әдісі: Түсіндіру, баяндау, сұрақ жауап, әңгімелесу, жазбаша жұмыс, өзіндік жұмыс, әңгіме

Сабақ барысы. 1. Ұйымдастыру кезеңі

Сәлемдесу, оқушыларды түгелдеу.

Жаңа сабақ

Есептеуіш техника кабинетіндегі қауіпсіздік ережесі

Есептеуіш техника кабинетінде жұмыс жасау кезінде техника қауіпсіздігін сақтау оқушылар мен мұғалімдердің негізгі міндеттерінің бірі болып табылады.

Аталған міндетті орындауға оқушы төмендегідей:

1. Жалпы ережелерді;

2. Дербес компьютерде жұмыс жасау алдындағы;

3. Жұмыс жасау кезіндегі;

4. Аппаттық жағдайдағы;

5. Жұмыс соңындағы талаптар мен ережелерді білуге тиіс.

1. Жалпы техника қауіпсіздігінің ережелеріне қойылатын талаптар төмендегідей:

Компьютерді тоққа қосатын сымдарға, қос тілді розеткілерге, штеккерлерге тиісуге және жабдықтарды мұғалімнің рұқсатынсыз жылжытуға тыйым салынады;

Мұғалімнің рұқсатынсыз сыныптан шығуға және кіруге болмайды;

Дербес компьютерде суланған қолмен және дымқыл киіммен жұмыс істеуге болмайды;

Дербес компьютердің жанына портфельдер, сумкалар, кітаптар қоюға тыйым салынады. Үстелде қалам мен дәптер ғана болуы тиіс;

Пернелік тақта үстінде артық заттар қоюға болмайды;

Компьютерлік сыныпта жүгіруге, ойнауға, жанындағы құрбыларын алаңдатуға, бөгде жұмыстармен шұғылдануға тыйым салынады.

Оқушы компьютермен жұмыс жасау кезінде техника қауіпсіздігі талаптарын орындау ережесімен танысқандығы туралы журналды толтырады.

2. Дербес компьютерде жұмыс жасау алдындағы қауіпсіздік ережесінің талаптары:

Дербес компьютерді іске қосу кезінде оның сыртқы қорабының дұрыс жұмыс жасап тұрғандығына және сымдарының қатесіз жалғанғанына көз жеткізу керек;

Жұмыс жасау кезінде сымдардың дұрыс жалғанғанына ерекше көңіл бөлуі керек.

Жұмыс орнына бекітілген тіркеу журналына керекті мағлұматтарды енгізіп, белгі жасау қажет.

3. Оқушының дербес компьютермен жұмыс жасау кезіндегі техника қауіпсіздігінің ережесіне қойылатын талаптар:

ЭЕМ - мен жұмыс жасау кезінде көзді экраннан 60 - 70 см қашықтықта ұстау керек;

Сыныпқа кірушілермен орнынан тұрмай амандасуға рұқсат етіледі;

Көзі шаршаған жағдайда орнынан тұрмай - ақ, көз жаттығуын орындауға болады.

Электр тоғымен зақымданған алғашқы дәрігерлік көмек көрсету тәсілдерін, от сөндіру құралдарымен жұмыс істеуді және өрт сөндіру тәсілдерін білуі қажет. Көз жаттығуларын білу міндетті

4. Аппаттық жағдайдағы техника қауіпсіздінің ережелеріне қойылатын талаптар:

Жұмыс жасап отырған кезде дербес компьтерден ақау табылса, онда машинамен тоқтатып, мұғалімге хабарлау керек:

От сөндіруде көмек көрсету қажет;

Электр тогымен зақымданған аданға алғашқы көмек көрсетуді білу керек;

Компьтерлік сыныпта өртті сумен сөндіруге болмайтындығын білуі қажет. Оған құм және т. б. өрт сөндіргіш құрал - жабдықтарын пайдалануға болады;

Электр тоғының әсерімен зақымданған адамды су қолмен ұстауға болмайтындығын білу қажет. Оны әр түрлі материалдарды (электр тогы сымынан басқа) пайдалану арқылы босатып алуға болады.

5. Дербес компьютермен жұмысты аяқтаған кездегі техника қауіпсіздігі ережесінің талаптары:

Мұғалімнің нұсқауы бойынша аппратты өшіру;

Жұмыс орнын ретке келтіру; Жұмыс орнындағы тіркеу журналына белгі қою.

Бекіту: Оқушыларға техникалық қауыпсіздік ережесін жазғызып сұрақтар мен тапсырма беру

Сабақты қорытындылау: Сұрақтар мен жауаптар беру арқылы жаңа сабақты қортындылау

Үй тапсырмасын беру: Есептеуіш техника кабинетіндегі қауіпсіздік ережесі

Пән: 7 сынып Информатика

2 Сабақ: Тақырып : «Ақпарат» деген сөз адам үшін нені білдіреді. Адам

ақпаратпен не істейді. Адам ақпаратты қалай қабылдайды.

Мақсаты: а) Бүгінгі сабақта оқушыларға. Ақпарат ұғымымен, түрлерімен, үлгілерімен, өңдеу тәсілдерімен таныстыру. Ақпарат ұғымын, формаларын, көздерін, типтері мен қасиеттерін, өңдеу тәсілдерін үйрету.

ә) Табиғатта, техникада, қоғам мен адам іс - әрекетінде ақпаратты жеткізу, сақтау, өңдеу тәсілдеріне мысал келтіруді; Хабарларды кодтау мен кері кодтауды түсіндіру

б) Оқушылар информатика кабинетінде техникалық ереже бойынша тәртіп сақтау және еңбекке баулу.

Сабақ типі: Жаңа білім беру

Сабақ түрі: Аралас лекция сабақ

Құрал - жабдықтар, көрнекті құралдар:

Компьютерлер, Информатика негіздері журналы, және бағдарламалары мен компьютер құрғылары

Сабақ бары. I Ұйымдастыру кезеңі

Сәлемдесу, оқушыларды түгелдеу.

Сабаққа дайындықтарын тексеру

II Үй жұмысын сұрау

Қауіпсіздік ережесі

III Үй тапсырмасын бекіту

IV Жаңа сабаққа кіріспе

V Жаңа сабақ

VI Жаңа сабақты бекіту

VII Қорытындылау

VIII Үй тапсырмасын беру

IX Бағалау

Жаңа сабақ

Информатика - адам қызметінің әртүрлі саласында пайдаланылатын ақпаратты жылдам жинау, сақтау, өңдеу, түрлендіру және тиімді тарату әдістерін үйрететін ғылыми пән. «Ақпарат» термині латынның «түсіндіру, баяндау, білу» деген ұғымдарын білдіретін «informatio» сөзінен шыққан.

Ақпарат - қоршаған орта мен онда болып жатқан әр түрлі құбылыстар туралы мәліметтердің жиынтығы.

Ақпарат алу дегеніміз - бізді қоршаған дүниенің құбылыстары мен обьектілерінің қасиеттері, құрылымы немесе олардың бір - біріне қатысуы жөнінде нақты мәліметтер мен деректер алу. Таңба түрінде қатысуды байланыс тілі дейді. Қандайда бір алфавитті пайдаланып ақпаратты жазуды кодтау деп атайды. Кодталатын символдар тобын кодтау кестесі деп атайды.

Сигнал - адамға немесе белгілі бір құрылғыға - ақпарат қабылдаушыға әсер ететін физикалық процесс. Сигнал - ақпарат тасушы.

Ақпарат беру деген - сигналдар беру.

Адам қабылдайтын ақпаратты таңбалы және бейнелі деп, екіге бөлуге болады.

Бейнелі ақпарат деп - табиғат көріністері және кескіндерді қабылдауды, дәм, иіс сезу арқылы алынатын ақпараттарды айтады.

Таңбалы ақпаратқа адамның сөйлеу, жазу түріне алатын ақпараттарды жатады. Адамдардың қарым-қатынасы, яғни адамнан адамға ақпарат жеткізу, сөйлеу немесе хат арқылы жүргізіледі, басқаша айтқанда, дыбыс немесе таңба түрінде беріледі.

Таңба түрінде қатынасуды қатынас тілі дейді. Қатынас тілдері табиғи және жасанды болып екіге бөлінеді.

Табиғи қатынас тіліне қазақ, орыс, ағылшын, т. б. тілдері жатады. Олардың ауызекі және жазу түрлері болады.

Жасанды немесе формалды тілдерге математика, физика, музыка, компьютермен қатынасу тілдері жатады.

Компьютер - ақпараттық процестерді жүзеге асыратын негізгі құрал. Компьютерде барлық ақпараттар сандар, әріптер, арнайы белгілер т. б. сияқты таңбалардан тұрады да, әрбір таңба компьютер жадында екілік жазылады.

1 Бит - бұл физикалық екі мүмкін жағдайдан (тоқ бар немесе жоқ) бір нұсқаны ғана таңдауға мүмкіндік беретін ақпараттар саны. 1 - тоқ бар болған жағдайда, ал 0 - тоқ жоқ болған жағдайда деп алынған.

1 Байт - бұл бір символды кодтауға қажетті ақпараттар саны . Хабарлама бір немесе бірнеше ақпараттан тұруы ықтимал. Бір хабарламаны мағынасына қарай әр - түрлі ақпараттар санымен беруге болады.

ЭЕМ деген - арифметикалық және логикалық амалдар тобын автоматты түрде орындауға, әр түрлі есептеу жұмыстарын орындауға арналған құрылғы. __

Бекіту: 1) Ақпарат алу дегенді қалай түсінесіңдер?

2) 1 Байтта қанша бит бар?

3) Компьютер, информатика дегеніміз не?

4) Адам қабылдайтын ақпаратты қанша топқа бөлуге болады?

Сабақты қорытындылау: Сабақты қорытындылау барысында сабаққа белсене қатысқан оқушыларды мадақтап, қалыс қалып отырған оқушыларға ескертпелер беру арқылы білімдерін бағалау.

Үй тапсырмасын беру: «Ақпарат» деген сөз адам үшін нені білдіреді. Адам

ақпаратпен не істейді. Адам ақпаратты қалай қабылдайды.

Бағалау:

Пән: 7 сынып Информатика

3. Сабақ: Тақырып: Ақпаратты түрлендіру. Ақпаратты кодтау. Адам ақпаратты қалай алады. Ақпарат және оны бағалау.

Мақсаты: а) Оқушылардың ақпаратты техникалық құралдар мен дербес

компьютердің көмегімен беру, сақтау және ұсыну тәсілдерімен, қабылданған екілік, он алтылық, санау жүйелері мен ASCII кодтарымен таныстыру.

ә) Оқушылар ақпаратты ұсынуды, сақтау, қабылдау түрлерін ұйымдастыру. Берілген алфавиттерді кодтауды үйрену.

б) о қушыларды, өмірге және білім алуды жалғастыруға тәртіпке, еңбекке баулу.

Сабақтың типі: Пікірлесіп түсіндіру.

Сабақ түрі: аралас сабақ

Сабақтың әдісі: Түсіндіру, баяндау, сұрақ жауап, әңгімелесу, жазбаша жұмыс, өзіндік жұмыс, әңгіме.

Құрал - жабдықтар, көрнекті құралдар:

Компьютерлер, Информатика мен есептеуіш техника негіздері әдістемелік нұсқау бағдарламалары

Сабақ барысы. 1I. Ұйымдастыру кезеңі

Сәлемдесу, оқушыларды түгелдеу.

Сабаққа дайындықтарын тексеру

II. Үй жұмысын сұрау

а) Ақпарат деген сөзге қандай мағына бересіңдер?

б ) Адам ақпараттың қандай түрлерін қабылдай алады?

в) Адам ақпаратты қалай сақтайды?

III Үй тапсырмасын бекіту

IV Жаңа сабаққа кіріспе

V Жаңа сабақ

VI Жаңа сабақты бекіту

VII Қорытындылау

VIII Үй тапсырмасын беру

IX Бағалау

Жаңа сабақ

Ақпаратты белгілі бір алфавит арқылы ұсынуды кодтау деп аталады.

Бірғана ақпаратты әртүрлі әдістермен (жолдармен) ұсынуға болады. Бір белгі тобынан екінші белгі тобына көшіру ережесін код деп атайды.

Ақпаратты сақтау қабылдау, ұсыну және өңдеу әдістері іс - жүзінде ақпараттың ұсынылу түріне байланысты болады.

Ақпараттың кодталуы (кейде оны шифрлау депте атайды) оның кері кері кодталу (декодталу - декодирование) процесімен тікелей байланысты.

Кодтауға қолданылған алфавиттің әріптері не ғұрлым аз болса, кері кодтау құрылғысы соғұрлым қарапайым болады. Техникада ақпаратты кодтау үші, МОРЗЕ әліппесін - екілік алфавиттің телеграфтық кодының таңбаларын теруді қолданудың маңызы зор.

Бұдан кейін біз екілік белгінің бірін (0 немесе 1) бит атаймыз.

Ақпаратты осы екі таңбаның көмегімен кодттау оларды сақтау мен жеткізу құрылғыларының конструкциясын мейлінше жеңілдетеді. Екілік сандар алфавитінің қарапайымдылығы оның есептеуіш техникасынада кең тарауына себеп болды. Ақпаратты екілік кодпен көрсету үшін құрылғы екі күйді айыра білуі керек.

Қазіргі ДК ЦЭЕМ - ге жатады

Жасанды немесе формалды тілдерге математика, физика, музыка, компьютермен қатынасу тілдері жатады

Бекіту: а) Кодтау дегеніміз не?

б) Жасанды немесе формалды тілдерге қандай тілдер жатады?

в) Бит дегеніміз не?

Сабақты қорытындылау: : Сабақты қорытындылау барысында сабаққа белсене қатысқан оқушыларды мадақтап, қалыс қалып отырған оқушыларға ескертпелер беру арқылы білімдерін бағалау.

Үй тапсырмасын беру: Ақпаратты түрлендіру. Ақпаратты кодтау. Адам ақпаратты қалай алады. Ақпарат және оны бағалау.

Бағалау:

Пән: 7 сынып Информатика

4 Сабақ: Тақырып: КОМПЬЮТЕР. Компьютер деген не? Программалық жабдықтамалар. Ақпараттарды компьютерде сақтау.

Мақсаты : а) Оқушыларды информатика пәнімен, негізгі ақпараттық

процестермен, компьютер өңдейтін ақпарат түрлерімен таныстыру Бағдарлама және бағдарламалық түсініктерімен таныстыру.

Оқушылар информатиканы негізгі ұғымдарын, компьютер өңдейтін ақпарат түрлерін; бағдарлама деген не екенін түсіндіру

ә) Оқушылар ақпарат түрін анықтауды, бағдарламалық жабдықтама мысалдарын келтіруді;

Ішкі және сыртқы жадқа жататын құрылқылардың мысалдарын келтіруді

б) Оқушыларды, өмірге және білім алуды жалғастыруға тәртіпке, еңбекке баулу.

Сабақ түрі: аралас сабақ

Сабақтың типі: Пікірлесіп түсіндіру.

Сабақтың әдісі: Түсіндіру, баяндау, сұрақ жауап, әңгімелесу, жазбаша жұмыс, өзіндік жұмыс, әңгіме.

Құрал - жабдықтар, көрнекті құралдар:

Компьютерлер, Информатика мен есептеуіш техника негіздері әдістемелік нұсқау бағдарламалары

Сабақ түрі: аралас сабақ

Сабақтың типі: Пікірлесіп түсіндіру.

Сабақтың әдісі: Түсіндіру, баяндау, сұрақ жауап, әңгімелесу, жазбаша жұмыс, өзіндік жұмыс, әңгіме.

Сабақ барысы. I. Ұйымдастыру кезеңі

Сәлемдесу, оқушыларды түгелдеу.

Сабаққа дайындықтарын тексеру

II. Үй жұмысын сұрау

а) Алынған хабарды қай кезде ақпарат деп есептеуге қай кезде есептемеуге болады?

ә ) Ақпараттың қандай қасиеттері бар?

III Үй тапсырмасын бекіту

IV Жаңа сабаққа кіріспе

V Жаңа сабақ

VI Жаңа сабақты бекіту

VII Қорытындылау

VIII Үй тапсырмасын беру

XI Бағалау

Жаңа сабақ

Ғылыми-техникалық прогресс әр әртүрлі есептеу машиналарын құруға себепші болды. Олар өздерінің арнаулы және функционалдық мүмкіндіктеріне қарай үлкен ЭЕМ-дерге, мини-ЭЕМ-дерге, микро-ЭЕМ-дерге және дербес компьютерлерге бөлінеді.

Үлкен ЭЕМ-дер - өте қуатты компьютерлер, олар ірі мекемелерге, кәсіпорындарға немесе халық шаруашылығының тұтастай салаларына жұмыс істеу үшін қолданылады. Үлкен ЭЕМ-дерді пайдалану үшін көптеген қызметкерлері бар есептеу орталықтары құрылады. Үлкен ЭЕМ-дер қызмет көрсетуі мен құрал-жабдықтары құнының қымбаттығымен ерекшеленеді. Олар бірнеше міндеттерді қатар шешіп, бірнеше пайдаланушымен қатар жұмыс істей алады.

Мини ЭЕМ-дердің үлкен ЭЕМ-дерге қарағанда, өлшемдері шағын және өнімділігі мен құны да төмен. Мини ЭЕМ-дер өндірістік прцестерді бақаруда, ғылыми мекемелерде, ғылыми жұмыстарды оқу ісімен үйлестіретін жоғарғы оқу орындарында қолданылады. Мини ЭЕМ-дердің жұмысын ұйымдастыру үшін де арнайы шағын есептеу орталығы қажет.

Микро ЭЕМ-дердің өнімділігі үлкен ЭЕМ-дерге қарағанда, өлшемдері шағын және олар негізінде деректер дайындау, программалық қамтамасыз етуін жетілдіру бойынша көмекші операциялар орындайды. Микро-ЭЕМ-дер үшін құрамында бірнеше адамы бар шағын лаборотория да жеткілікті.

. Қазіргі ДК көлемі шағын, құны жоғары емес бола тұрып, 70-жылдардың үлкен ЭЕМ -деріне, 80-жылдардың мини ЭЕМ-деріне және 90-жылдардың бірінші жартысының микро-ЭЕМ-деріне қарағанда, өнімділіктері жоғары. Қазіргі кезде дербес компьютерлер адам әрекетінің барлық салаларында қолданылады.

IBM фирмасының анықтамасы бойынша компьютерлік есептеу жүиелер 4 негізгі компоненттен тұрады.

есепті мәселе ретінде қойып, соның нәтижесін алатын адам ;
компьютердің ақпараттық жабдықтары. (Hardware) ;
деректер, яғни керекті мәліметтер файлы ;
компьютердің программалық жабдықтары (Software)

Компьютерлік жүйелер немесе деректерді өңдеу жүйелері ұғымдары осы төрт бөлікке адамның қатысуынан тұратын кешен ретінде қарастырылады.

Бекіту: а) Есептеу машиналары қанша топқа бөлінеді?

б) Компьютерлік есептеу жүйелерінің негізгі қанша компоненттен тұрады?

Үй тапсырмасын беру: : КОМПЬЮТЕР. Компьютер деген не? Программалық жабдықтамалар. Ақпараттарды компьютерде сақтау.

Бағалау:

Пән: 7 сынып Информатика

5 Сабақ: Тақырып: Есептеу құрылғыларының даму тарихы. Есептеу

құрылғылары және машиналар

Мақсаты : а) Ақпарат ұғымымен, оның түрлерімен, үлгілерімен және өңдеу тәсілдерімен таныстыру. Арнаулы, сипаты мен қабылдау тәсілдері бойынша әр түрлі ақпарат түрлерімен таныстыру. Бейнелік және таңбалы ақпаратты кодтау тәсілдерімен таныстыру.

ә) Әр түрлі буындағы ЭЕМ мысалдарын келтіруді; ЭЕМ элементтік базасы бойынша қандай да бір машина қай буынға жататынын анықтауды. ЭЕМ - ді қоғам оміріне қолдану мысалдарын келтіру.

б) Оқушыларды, өмірге және білім алуды жалғастыруға тәртіпке, еңбекке баулу.

Сабақ түрі: аралас сабақ

Сабақтың типі: Пікірлесіп- түсіндіру.

Сабақтың әдісі: Түсіндіру, баяндау, сұрақ жауап, әңгімелесу, жазбаша жұмыс, өзіндік жұмыс, әңгіме.

Құрал - жабдықтар, көрнекті құралдар:

Компьютерлер, Информатика мен есептеуіш техника негіздері әдістемелік нұсқау бағдарламалары

Сабақ барысы. I Ұйымдастыру кезеңі

Сәлемдесу, оқушыларды түгелдеу.

Сабаққа дайындықтарын тексеру

II Үй жұмысын сұрау

а) Компьютердің бағдарламалық жасақтамасына нелер кіреді?

б) Қолданбалы бағдарламалардың міндеттері қандай?

Бағдарламалау жүйелері не үшін қолданылады?

III Үй тапсырмасын бекіту

IV Жаңа сабаққа кіріспе

V Жаңа сабақ

VI Жаңа сабақты бекіту

VII Қорытындылау

VIII Үй тапсырмасын беру

X Бағалау

Жаңа сабақ

Есептеудің, оған пайдаланылатын аспаптар мен құрылғылардың тарихы өте көне заманда жатыр. Есептеу құрылғылары пайда болмай тұрып, адамдар әр түрлі есептеуді жүргізу мүмкіндіктерін іздеді. Бұл үшін олар қол саусақтарын, тастарды, ағаш таяқшаларды пайдаланды.

Есептеу көлемінің күн санап артуы есептеулерді қалайда бір құралдың көмегімен жүргізуді талап етті. Бәрімізге белгілі есептеу құралы есепшот болып табылады. Деректерге қарағанда есепшоттың жасы 2000-5000 жылдар шамасында. 1642 жылы француз математигі Блез Паскаль он тоғыз жасында қосу машинасын құрастырды. Ол жетектер мен дөңгелектерден тұратын механикалық есептеу машинасын құрастырды. Одан кейін 1694 ж. Неміс математигі Лейбниц механикалық есептеу машинасын - арифмометрді құрастырды. Есептеуіш техникаларының қарқындап дамуы ХІХ ғасырдан басталды. Есептеуіш техниканың дамуындағы келесі қадам алдын ала жасалған бағдарлама бойынша адамның қатысуынсыз есептеулер орындайтын құрылғылар жасау болды. Мұндай алғашқы есептеуіш автоматтың авторы ағылшын оқымыстысы Чарлз Бэббидж еді, сондықтан көптеген адамдар оны қазіргі компьютердің атасы деп атайды. 1833 ж. Ол бағдарлама арқылы басқарыла алатын «Аналитикалық машина» жобасын жасады. Бұл машинада қазіргі компьютерлерде бар барлық негізгі құраушылар: бастапқы сандар мен аралық нәтижелерді сақтауға арналған жад, жадтан алынған сандармен амалдар орындайтын арифметикалық құрылғы, берілген бағдарлама бойынша есептеу барысын қадағалап отыратын басқару құрылғысы, деректерді енгізу мен оларды басып шығару құрылғылары болды.

ХХ ғасырдың 1- жартысында радиотехника қарқындап дамыды. Радиоқабылдағыштар мен радио арқылы хабар беретін құралдардың негізгі элементі - эллектронды - вакумды шамдар алғашқы электрондық есептеуіш машина 1946 жылы АҚШ - тың Пенсилван университетінде жасалды, оны ENIAC - тың конструкторлары - Дж. Моучли мен Дж. Экерт. Ол соншалықты үлкен болғандықтан, оны әуелі орнынан қозғау мүмкін емес еді.

Бекіту: а) бірінші электронды-есептеуіш машина қалай аталған? Ол қай жылы

жасалды?

б) «Марк-1» машинасы қалай элементтерден жасалды?

в) Бұрынғы Кеңестер Одағында бірінші ЭЕМ қай жылдары жасалды?

Оны кім жасады?

Үй тапсырмасын беру: . Есептеу құрылғыларының даму тарихы. Есептеу

құрылғылары және машиналар

Бағалау:

Пән: 7 сынып Информатика

6. Сабақ: Тақырып: Электронды есептеуіш машиналар. ЭЕМ-буындары.

б) Оқушыларды, өмірге және білім алуды жалғастыруға тәртіпке, еңбекке баулу.

Сабақ түрі: аралас сабақ

Сабақтың типі: Пікірлесіп- түсіндіру.

Сабақтың әдісі: Түсіндіру, баяндау, сұрақ жауап, әңгімелесу, жазбаша жұмыс, өзіндік жұмыс, әңгіме.

Құрал - жабдықтар, көрнекті құралдар:

Компьютерлер, Информатика мен есептеуіш техника негіздері әдістемелік нұсқау бағдарламалары

Сабақ барысы. I Ұйымдастыру кезеңі

Сәлемдесу, оқушыларды түгелдеу.

Сабаққа дайындықтарын тексеру

II Үй жұмысын сұрау

а) бірінші электронды-есептеуіш машина қалай аталған? Ол қай жылы жасалды?

б) «Марк-1» машинасы қалай элементтерден жасалды?

в) Бұрынғы Кеңестер Одағында бірінші ЭЕМ қай жылдары жасалды? Оны кім жасады?

III Үй тапсырмасын бекіту

IV Жаңа сабаққа кіріспе

V Жаңа сабақ

VI Жаңа сабақты бекіту

VII Қорытындылау

VIII Үй тапсырмасын беру

X Бағалау