Ақпараттық модельдер

Жұмыс түрі: Материал
Тегін: Антиплагиат
Көлемі: 6 бет
Таңдаулыға:

12 ЖЫЛДЫҚ МЕКТЕП ЖАҒДАЙЫНДАҒЫ ҚҰЗЫРЕТТІЛІК БІЛІМ БЕРУДІ ЕНГІЗУ
МӘСЕЛЕЛЕРІ

О.С. Сәлімбаев, М.У. Айтбекова

Тараз мемелекеттік педагогикалық институты,

№47 орта мектеп, Тараз қ.

XXI ғасыр ұлттық бәсеке,ақпараттық сайыс,инновациялық
технологиялар,күрделі экономикалық реформалар сияқты көріністерімен
ерекшеленеді. Сол кезеңге сай интеллектуалды, дені сау, ой-өрісі жоғары
дамыған, халықаралық деңгейге сәйкес білімі бар азаматты тәрбиелеу-
мемлекеттің ең маңызды стратегиясы.Сондықтан интеллектуалды ірі мемлекеттік
позицияны сақтап қалу, тіпті ұлттық қауіпсіздік пен стратегиялық
басымдылықтың бір шешімі мектеп ісінің сапасына тікелей байланысты
екендігі белгілі. Осыған орай қазіргі кезеңде Қазақстан Республикасының
білім беруді дамытудың 2005-2010 жылдарға арналған мемлекеттік
бағдарламасын жүзеге асыру жолдары қарастырылуда.

Бағдарламаның мақсаты- адам ресурстарын даярлау сапасын арттыру және
жеке тұлға мен қоғамның қажеттіктерін қанағаттандыру үшін Қазақстан
Республикасының 2010 жылға дейінгі Стратегиялық даму жоспарының
басымдықтары негізінде көп деңгейлі білім берудің ұлттық жүйесін жаңғырту
болып табылады.

Бағдарламаның негізгі міндеттері:

- халықтың барлық жіктері үшін сапалы білімге қол жеткізуді қамтамасыз
ету;

-білім беруді басқаруды одан әрі демократияландыру негізінде білім
берудің ұлттық жүйесінің жұмыс істеуінің нормативтік құқықтық базасын
жетілдіру;

-қазақстандық патриотизмге,биік мәдениетке, адам құқықтары мен
бостандықтарын құрметтеуге тәрбиелеу;

- мемлекеттік тілді басым дамыту;

-12 жылдық жалпы орта білім беруге көшу және т.б.

12 жылдық білім берудің басты мақсаты- өзінің және қоғамның мүддесінде
өзін-өзі белсенді етуге дайын, өзгермелі даму үстіндегі ортада өмір сүруге
бейім, бәсекеге қабілетті және құзіретті, шығармашыл, білімді тұлғаны
қалыптастыру.

Құзыреттілік білім беру- 12 жылдық мектепте жаңа тәсіл болып табылады
және мектеп түлегінің өзгермелі жағдайда әлеуметтік икемділігі мен әрекетін
жүзеге асыру қабілетінде пайда болатын оқушылардың сапалық кешенін дамытуды
көздейді.Онда жаңа педагогикалық технологияларда педагогтың ақпарат беруші
қызметімен бірге үйлестіруші, кеңесші, оқушының шығармашылық белсенділігі
мен өзіндік танымдық қызметін ұйымдастырушы қызметіне көшіріледі.Нәтижеде
бағдарланған білім беру моделінде негізгі қызметті оқушының оқыту
кезеңдерінде тұлғалық ішкі ресурстарын дамытуды қадағалау болып табылатын
психологиялық қызметтің рөлі артады.

Сонымен қатар 12жылдық мектепте білім беруде оны жоғары деңгейде
қалыптастырудың бірнеше құзыреттілігін игеруміз қажет.

Білім беру құзыреттілігі-білім беру қызметінде кәсіби білімді,білік пен
дағдыны,мақсат қоюшылықты игеруге деген қызығушылық және білім беру
қызметінде субьективтілік пен креативтілік дамуына ынталылық,педагогикалық
және әлеуметтік психологияның негіздерін қолдана білу қабілеті.

Арнайы құзыреттілігі- өзінің кәсіби қызметімен жоғары деңгейде
айналысатын және өзінің кәсіби дамуын одан әрі жобалай білетін қабілеті.

Әлеуметтік құзыреттілігі-бірлескен кәсіптік қызметпен айналысу қабілеті
(ұжыммен,топпен) қызмет ету,басқару кәсібінде қабылданған кәсіби қарым-
қатынас тәсілдерін қолдана білу қабілеті.

Қазақстан Республикасының білім беруді дамытудың 2005-2010 жылдарға
арналған мемлекеттік бағдарламасына сәйкес 12 жылдық жалпы орта білім беру
тұжырымдамасы бекітілген. Тұжырымдаманың негізгі мақсаты-12 жылдық мектеп
жағдайындағы Қазақстан Республикасының жалпы орта білім беру жүйесін
жаңарту жолдары мен дамыту стратегиясын айқындау.

12 жылдық білім беруге көшу кезең-кезеңімен жүзеге асырылатын болады.
2008-2009 оқу жылы бірінші сынып оқушылары жаңа бағдарлама бойынша оқи
бастайды. 2009-2010 жылдан бастап 5 және 11 сыныптарды 12 жылдық білім
беруге көшіру басталады.

12 жылдық мектепте білім берудің мазмұны мынадай білім беру өрісін
қамтиды: тіл және әдебиет, адамтану, қоғамтану, математика, информатика,
жаратылыстану, өнер, технология, дене тәрбиесі. 12 жылдық оқытуға көшу үш
сатыда жүзеге асырылатын болады.

І саты – жалпы бастауыш білім беру, оқыту ұзақтығы – 4 жыл,1-4
сыныптар. Оқыту 6 жастан басталады. Бастауыш мектептің бағдарламасы баланың
жеке тұлғасын қалыптастыруға, оның жеке қабілетін ашуға және дамытуға
бағытталған.

Білім беру мазмұны шетел тілін және информатика негіздерін ертерек (2-
сыныптан бастап) оқытумен толықтырылатын болады.

ІІ саты – негізгі жалпы білім беру, оқыту ұзақтығы – 6 жыл,5-10
сыныптар. Оқушылардың ғылым жүйесінің базистік негіздерін игеруі, олардың
бойында адамдар арасындағы және этносаралық қарым-қатынастағы биік
мәдениетті, өзін-өзі тануды және кәсіби бағдарды қалыптастыру негізгі
мектептің функционалдық қызметінің басым бағыттары болып табылады. Осы
сатыда әрбір пәннің мазмұны негізгі базалық білім беру көлеміне қисынды
түрде енеді. Оқу пәндерін таңдау бойынша зерделеу үшін оқу жоспарының
вариативтік (өзгермелі) бөлігі кеңейтіледі, бейіналды даярлық енгізіледі.

ІІ саты аяқталғаннан кейін орта білім берудің ІІІ сатысында оқудың одан
арғы бейінін таңдау үшін оқушылардың қабілеті және дайындық деңгейі
анықталады. ІІ сатыдағы оқыту оқушылардың қабілеттерін, бейімділіктерін
және өткен материалдарды игеру деңгейін анықтау үшін олардың білімін
орталықтандырылған тестілеу түріндегі аралық бақылаумен аяқталады.

ІІІ саты – жалпы орта білім беру, бейінді оқыту, оқыту ұзақтығы –2
жыл,11-12-сыныптар.

Мектепте құзыреттілік білім беруді енгізу білім берудің мазмұнын
саралау, ықпалдастыру және кәсібилендіру негізінде әзірлеуде тизізетін
ықпалы көп. Оқушыларды кәсіпке дейінгі тереңдетілген даярлауды жүзеге асыру
үшін әлеуметтік-гуманитарлық, жаратылыстану, технологиялық және басқа да
бағыттар бойынша бейінді оқытуды енгізу ІІІ сатының қағидатты жаңалығы
болып табылады.

Отандық және халықаралық мектептердің орта білім беру мазмұнын
ұйымдастырудағы тәжірибесін ескере отырып, Қазақстан Республикасының білім
беру мазмұны құрамына 8 білім саласы енгізілді: Тіл және әдебиет,
Математика, Жаратылыстану, Қоғамтану, Технология, Өнер, Дене
шынықтыру, Адамтану.

Білім беру саласының мазмұны Мемлекеттік базистік оқу жоспарында
қарастырылған пәндер арқылы іске асырылады. Білім мазұнына инварианттық
компонент (өзінің мазмұны мен жүйесі бойынша мемлекеттік базалық білім беру
стандарттарының талаптарына жауап беретін оқу бағдарламасының жалпы
міндетті бөлігі) және вариативтік компонент (оқушылар мектеп ұсынған
арнаулы курстардан өздерінің қалауы бойынша игерілетін оқу жоспарының
вариативті бөлігі) кіреді. Мұнда оқушының өзіндік зерттеушілік дағдыларын
қалыптастыруға арналған Зерттеу мәдениетінің негіздері атты арнаулы курсы
беріледі,жоғары сатыға (11-12 сыныптар) бейіндік компонент (таңдауы бойынша
өзінің мазмұны мен жүйесі бойынша бейінді білім стандарттарына жауап
беретін оқу пәндерінің,модульдердің,курстардың жиынтығы) қосылады.

Қазiргi кездегі орта бiлiм беру жүйесiндегi “информатиканың” рөлi
бүгінгі қоғамдағы ақпараттық мәдениеттiң негiзiн құрайтын ақпараттық және
коммуникациялық технологияны пайдалану дағдыларын қалыптастырудағы
ақпараттық бiлiмнiң мәнiмен анықталынатыны белгілі.Осыған сәйкес12 жылдық
мектептің I сатысында жүзеге асырылатын Ақпараттық мәдениет негіздері
немесе “Бастауыш білім берудегі информатика”пәнінің оқытылу барысына
тоқталғым келіп отыр.

Бұл пән арқылы оқушылар ақпараттық мәдениеттің негізі болып саналатын
коммуникация мен түсініктердің және ойлаудың математикалық негіздерін
меңгереді.

Пәннiң негiзгi мақсаты балалардың операциялық (логикалық) ойлау
қабiлетiн ерте бастан қалыптастыру болып табылады. Өйткені психолог
ғалымдардың анықтауы бойынша, адамның жинақтаған бiлiмiнен гөрi, оның ойлау
қабiлетiнiң дамуы, талдау жасай бiлуі, алынған ақпаратты жалпы тұрғыдан
қарастыра отырып, ... жалғасы

Сіз бұл жұмысты біздің қосымшамыз арқылы толығымен тегін көре аласыз.