Салық салу механизмі

Жұмыс түрі: Курстық жұмыс
Тегін: Антиплагиат
Көлемі: 22 бет
Таңдаулыға:

Жоспар

Кіріспе ----------------------------------- -------------------------------
----------------------------------- --------------------3-4
I бөлім. Салықтар және салық салу механизм
1.1.Салықтардың экономикалық мәні және маңызы------------------------
--5-7
1.2.Салықтың атқаратын қызметі---------------------------- ----------------
----------------- 8
1.3.Лаффер қисығы----------------------------- -------------------------
----------------------------------- ----9-10
1.4.Салық салу механизмі-------------------------- ---------------------
----------------------------------1 1-12
ІІ бөлім. Салықтың түрлері
2.1. Заңды тұлғалардан алынатын табыс салығы----------------------------- -
--13-14
2.2.Жеке тұлғалардан алынатын табыс салығы----------------------------- ---
---15-16
2.3.Қосылған құнға салынатын салық------------------------------ ----------
----------------17-18
2.4.Акцизді салық------------------------------ ---------------------------
----------------------------------- ----19-20
IІI бөлім.Қазақстан Республикасының салық жүйесі
3.1.Қазақстан Республикасының салық жүйесі туралы ұғым---------20-23

3.2.Салық төлеушінің міндеттері мен құқықтары--------------------------
----24-25
Қорытынды----------------------------------- --------------------------------
----------------------------------- ----------26-27
Пайдаланылған әдебиеттер тізімі----------------------------- ----------------
-----------------------28

Кіріспе
Салықтар дегеніміз- мемлекеттік бюджетке заңды және жеке
тұлғалардан белгілі бір мөлшерде түсетін міндетті төлемдер.
Салықтар мемлекет үшін маңызды функцияларды орындауға қажетті
мемлекеттің ақшалай табысын қалыптастырумен байланысты қаржы қатынастарының
бір бөлігі. Өндірістік қатынастардың бір бөлігі ретінде салық экономикалық
негізге жатады. Салық объективті қажеттілік немесе қоғам дамуының негізіне
реттеледі. Мемлекет осы объективті қажеттілікке сәйкес салық жүйесін
қалыптастырады. Елдің қаржы жүйесіне қызмет ету механизмін оның құрылымын
жасақтайды. Әлеуметтік және экономикалық салық факторлары салыққа
байланысты өндірістік қатынастардың жаңаруына ықпал етеді. Яғни нарықтық
жүйеге көшу мемлекеттің салық жүйесіне және бюджет саясатына түпкілікрі
қайта құруды жүргізуді талап етеді. Еңбек нарығының қалыптасуы оның қызмет
етуі жұмыспен қамтуға байланысты мемлекеттік қорды құрмайынша мүмкін
болмайды. Мұндай қорлар шаруашылық жүргізуші субъектілерден алынған
міндетті медициналық сақтандыру қоры құрылады. Бұдан экономикалық базис
саяси құрылымының арасындағы өзара байланысты көреміз.
Салықтар шаруашылық жүргізуші субъекті мен мемлекет арасындағы
бюджет арқылы жүзеге асырылатын қаржы қатынастарын сипаттайды. Шаруашылық
жүргізуші субъектіден халық табысының белгілі бір мөлшерін мемлекет үлесіне
жинақтайды. Мемлекет құрылысының өзгеруі, өркендеуі қашанда салық жүйесінің
құрылуымен, жаңаруымен бірге қалыптасады.
Бұл курстық жұмыста негізінен уш бөлім қарастырылған. Бірінші
бөлімде салықтар және салық салу механизмі, Лаффер қисығы және т.б.
қарастырылады.
Екінші бөлімде салықтардың негізгі түрлері баяндалып, оларды
есептеу, төлеу, бюджетке түсу тәртібі, салық салудың тәжірибесі
көрсетілген.
Үшінші бөлімде ҚР-ның салық жүйесінің мәні, салық төлеушілердің
міндеттері мен жауапкершілігі, олардың құқықтары толық баяндалды.
Бұл курстық жұмысымның негізгі мақсаты- салықтар туралы
түсінігімді, салық салу механизмдерінің принциптері, ҚР-ның салық жүйесі,
салық кодекстеріндегі негізгі ережелер туралы түсінігімді дамытып және осы
мәселені толық баяндап зерттеу .

I бөлім. Салықтар және салық салу механизмі
1.1.Салықтардың экономикалық мәні және маңызы.

Салықтар дегеніміз- мемлекеттік бюджетке заңды және жеке
тұлғалардан белгілі бір мөлшерде түсетін міндетті төлемдер.
Салықтар– шаруашылық жүргізуші субъектілердің, жеке тұлғалардың
мемлекет пен екі арадағы мемлекеттік бюджет арқылы жүзеге асырылатын, қаржы
қатынастарын сипаттайтын экономикалық категория.
Салықтардың экономикалық мәні мынада: салықтар шаруашылық
жүргізуші субъектілер мен халық табысының қалыптасуындағы қаржылық
қатынастардың бір бөлігін білдіреді.
Экономикалық мазмұны жағынан салықтар- бұл заңды белгіленген ретпен
тұрғындардан, кәсіпорындар мен мекемелерден алынатын міндетті төлемдер
жүйесі.
Салықтарды мынадай белгілері бойынша топтастырамыз:
1. Салық салу объектісіне байланысты.
2. Қолданылуына қарай.
3. Салық салу органына байланысты.
4. Салық салу объектісін бағалау дәрежесіне қарай.
5. Экономикалық ерекшеліктеріне байланысты.
Салық салу объектісіне қарай салықтар тікелей және жанама салықтар
болып жіктеледі.
Тікелей салықтар жалғаусыз немесе тікелей табысқа немесе мүлікке
салынады.
Тікелей салықтарға мына салықтар жатады:
• Заңды және жеке тұлғалардың табысына салынатын салық;
• Мүлік салығы;
• Жер салығы;

• Бағалы қағаздармен жүргізілетін операцияларға салынатын
салық;
• Көлік құралдарына салынатын салық және т.б.;
Жанама салықтар – тікелей емес, жанама түрде тауар немесе қызмет
құны арқылы алынады. Жанама салықтарға мына салықтар жатады:
• Қосылған құнға салынатын салық..
• Акциздер.
• Баж салығы.
Жанама салықтарды сатушы емес сатып алушы, яғни тұтынушы төлейді.
Тауар немесе қызмет бағасына алдын-ала салық енгізілгендіктен, іс жүзінде
оны бюджетке сатушы аударады.
Бюджетке түскен соң қандай шараларға жұмсалатын белгісіне қарай
салықтар жалпы және арнайы салықтарға бөлінеді.
Жалпы салықтарға жататын салықтар: заңды және жеке тұлғалардан
алынатын табыс салығы, қосылған құнға салынатын салық , акциздер, т.б.
Арнайы салықтар бюджетке түскен соң алдын-ала белгіленген міндеттер
бойынша, нақтылы шараларға жұмсалады. Мысалы: көлік құралдарына салынатын
салық. Бұл салықтар жол қорын құрауға жұмсалады.
Экономикалық белгісіне қарай салықтар табысқа салынатын салық және
тұтынушыға салынатын салық болып жіктеледі.
Табысқа салынатын салықтар салық төлеушінің кез- келген салық
салынатын объектісінен түсетін табысынан алынады. Олардың қатарына мына
салықтар кіреді: жер салығы, мүлік салығы, т.б.
Тұтынуға салынатын салықты, салық төлеуші тұтынушы ретінде тауар
немесе қызмет ақысын төлеген
кезде өзінің шығынан төлейді.
Тұтынушыға салынатын салыққа қосылған құнға салынатын салық және
акциздер жатады.
Салық салу объектісін бағалау дәрежесіне қарай салықтар нақтылы
және дербес салықтар болып жіктеледі.
Нақтылы салықтар- салық төлеушінің салық салу объектісінен алынатын
табысының мөлшеріне байланысты емес, яғни салық төлеушінің мүлкінің сыртқы
белгісіне қарай алынады.
Оларға жер салығы, мүлік салығы, бағалы қағаздармен жүргізілетін
операцияларға салынатын салықтар жатады.
Дербес салықтар салық төлейтін объектісінен алынатын табыс салығы
жатады.
Салықтар мемлекеттің құрылуымен бірге пайда болады және мемлекеттің
өмір сүріп, дамуының негізі болып табылады.
Әрбір мемлекетке өзінің ішкі және сыртқы саясатын жүргізу үшін
белгілі бір мөлшерде қаражат көздері қажет. Салықтар – мемлекеттің тұрақты
қаржы көзі.
Мемлекет салықтарды экономиканы дамыту, тұрақтандыру барысында
қуатты экономикалық тетік ретінде пайдаланады.

1.2.Салықтың атқаратын қызметі.

Нарықтық жағдайда салықтар мынадай негізгі қызметтер атқарады:
1.реттеушілік;
2.фискалдық;
3.қайта бөлу;
Реттеушілік қызметі- салықтың ең негізгі қызметі. Осы қызмет
арқылы салықтар ел экономикасына өз
ықпалын тигізеді, яғни салықтық реттеу жүзеге асады. Салықтық реттеудің ең
басты мақсаты- өндірістің дамуына ықпал ету. Салық түрлері, салық
ставкалары, салық жеңілдіктері, салық салу әдістері салықтық реттеудің
тетіктері болып саналады.
Салықтық реттеуде салық ставкалары мен салық жеңілдіктерінің алатын
орны ерекше. Себебі ғылыми негізделген, шектен тыс жоғары қойылған
ставкалар кәсіпкерлердің ынтасын төмендетіп, өндірістің қарқынын
бәсеңдетеді, ал шектен тыс төмен қойылған ставкалар салық төлеушінің
жауапкершілігін азайтып, өндірістің төмендеуіне және мемлекеттік бюджет
кірісінің азаюына әкеледі.
Салықтардың екінші қызметі- фискальдық немесе бюджеттік қызметі.
Бұл қызметі арқылы мемтекеттік бюджетің кіріс бөлімі құрылып, салықтардың
міндеті артады. Себебі, салықтар мемлекеттік бюджеттің кірісін топтастыра
отырып, әлеуметтік, әскери-қорғаныс, тағы басқа да шаралардың іске асуын
қамтамасыз етеді.
Қайта бөлу қызметі арқылы түрлі субъектілер табысының бір бөлшегі
мемлекет пайдасына өтеді. Бұл қызметтің іс-әрекетінің көлемі ішкі жалпы
өнімді салықтардың алатын үлес салмағы арқылы анықтайды.
Мемлекет жоғарыда көрсетілген салықтардың қызметін пайдалана отырып
еліміздің салық жүйесін анықтайды.

1.3. Лаффер қисығы.
Салықтар үдемелі, пропорционалды және регрессивті болып бөлінеді.

Үдемелі салықтар туралы сөз болғанда табысқа салынатын жоғары
салық кәсіпкерлердің белсенділігінің төмендеуіне және т.б. жағымсыз
факторларға әкеліп соқтырмай ма деген күдіктер туады. Осы проблемаларды 80-
жылдардың бас кезінде американ экономисі Артур Лаффер зертттей келе,
жоғарғы салық нарқы қай бір елде болмасын, Оның өндірістің тоқырауына,
инфляция деңгейінің тереңдеуіне және халық байлығының төмендеуіне әкеліп
соқтырады деп тұжырымдады. Артур Лаффер салықтардың бюджетке түсуі және
оның мөлшері арасындығы тәуелділікті зерттеген. Ол тарихқа Лаффер қисығы
деген атпен белгілі, бұл графикті алғаш рет ресторанда қағаз салфеткаға
түсірген болатын

(1- сурет)

Суреттегі Лаффер қисық сызығы, салық нарығы артқанда мемлекеттік салықтан
түсетін табысы да өсетінін көретеді. Ал егер салық нарқы белгілі бір
мөлшерден асқанда (х0), салықтан түсетін табыстар да азаятынын байқатады.
Салық нарқы 50 %- тен асқанда адамдардың жұмысқа деген ынтасы азаяды және
олар қор жинамауға талпынады. Не болмаса салынатын салықтан жалтаруға,
астыртын экономика саласында жұмыс істеуге, яғни табыстарын жасыруға
талпынады. Бұның өзі мемлекеттің қазынасына салықтың аз түсуіне әкеліп
соқтырады. Егер салықтың нарығы артатын болса (х=100%), ерте ме, кеш пе,
оның мөлшері сондай жоғары деңгейге жетсе, онда қандай адам болмасын жұмыс
істегісі келмейді, сонымен мемлекет қандай болмасын салықтың түсімімен
ештеңе алмайды (0 нүктесі).

1.4. Салық салу механизмі.
Нарықтық экономиканың қалыптасу кезеңінде салық саясатының негізгі
бағыты немесе салық саясатының басты мақсаты- салық жүйесін құру және оның
тиімді қызмет етуіне мүмкіншілік беретін салық механизмін іске асыру.
Салық жүйесі компоненттерінің құрамы мынадай: қаржы
қатынастары;салық механизмі, яғни салық салу әдістері мен жолдары; салық
салуды басқару және салық қызметі органдары. Салық салудың әдістері мен
жолдары, салық салуды ұйымдастыру,салық салудың негізгі принциптері және
т.б. жатады.
Салық салу элементтері мыналар:субъект, объект, салық көзі, салық
ставкасы, салық оклады, салықтың төлеуін бақылау, салықтық жазалау
шаралары.
Салық субъекті дегеніміз- заң бойынша салық төлеу міндеті жүктелген
заңды және жеке тұлғалар.
Салық объектісі- табыс, мүлік, еңбек ету түрі, айналым, қосылған
құн және т.б..
Салық оклады- салық төлеушінің белгілі бір салық объектісінен
төлейтін салық соммасы.
Салық алудың үш тәсілі бар: кадастрлық, салық төлеушінің
декларациясы бойынша, табыс табу көзінен.
Кадастрлық тәсіл бойынша салық салу объектісін тіркеу арқылы, одан
түсетін табыстың нақты мөлшеріне байланыссыз алынады. Мысалы: жер салығы,
мүлік салығы
Декларация бойынша салық, салық төлеушінің декларацияда көрсеткен
табыс көлеміне байланысты және онда көрсетілген шегерістер мен
жеңілдіктерді ескере отырып анықталады.
Табыс көзі бойынша салқ, салық төлеуші қызмет ететін жұмыс
орнындағы бухгалтерия қызметкерлерінің есептеуімен анықталып төленеді. Бұл
үш тәсіл де салық механизмі құрамына енеді.

II бөлім. Салық түрлері.
2.1. Заңды тұлғалардан алынатын табыс салығы.

Заңды тұлғалардан алынатын табыс салығы салық жүйесінің құрамының
бір бөлігі болып табылады. Бұл салық заңды тұлғалардың табысына салынатын
тікелей салық.
Салық төлеушілер салық жылында салық салынатын табысы бар заңды
тұлғалар.
Жылдық жиынтық табыс- заңды тұлғалардың күнтізбелік жыл ішінде
түрлі көздерден алған табысы. Заңды тұлғаның жылдық жиынтық табысына
кәсіпкерлік қызметтен түскен табыстардың барлық түрі жатады. Оларға:
1.Өнімді өткізуден түскен табыс жанама салықтарсыз;
2. Сату операцияларынан тыс табыстар, соның ішінде:
• проценттер, берілген кредиттер мен алынған депозиттер үшін
төлемдер және процент бойынша басқа да табыстар;
• мемлекеттік бюджеттен алынған жәрдемақыларды қоспағанда заңды
тұлғалар алған жәрдемақылар;
• есептің жылы анықталған өткен жылдардағы табыс;
• өтелетін шегерістер;
• басқа да табыстар.
Резидент емес заңды тұлға қызметін Қазақстан Республикасында ғана
жүзеге асырып қоймай, оның үстіне олар тұрақты мекеме арқылы жүзеге
асырылатын қызметтен түсетін табысты анықтауға мүмкіндік беретін
жеке есеп жүргізбеген ретте табыс сомасы салық төлеуші өзінің бюджетке
төлейтін төлеміне бақылау жасайтын салық органымен келісілген есеп айырмасы
негізінде анықтауы мүмкін. Осы мақсаттар үшін әрбір нақты жағдайда мына
көрсеткіштердің біреуі пайдаланылады:
• резидент емес заңды тұлғаның барлық қызметінен түсетін жалпы
түсімдегі Қазақстан Республикасында өткізілген өнімнен алынатын
жалпы түсімнің үлес салмағы;
• резидент емес заңды тұлға шығысының саласындағы Қазақстан
Республикасының аумағындағы қызметке байланысты шығындардың үлес
салмағы;
• резидент емес заңды тұлға қызметкерлерінің жалпы санындағы
Қазақстан Республикасы аумағында қызметтерді жүзеге асырумен
айналысатын қызметкерлер санының үлес салмағы.
Заңды тұлғалардан алынатын табыс салығының төлеушілері:
1) қаржы-шаруашылық қызметінің бухгатерлік есебі мен есептемесін
белгіленген тәртіппен жүргізуге, салық органдарына бухгалтерлік
есеп-қисаптар мен баланстарды, заңды тұлғалардан алынатын табыс
салығы жөніндегі декларацияны және салықтарды есептеуге, төлеуге
байланысты басқа да қажетті құжаттарды, мәліметтерді табыс етуге;
2) салықтарды есептеуге және төлеуге байланысты есеп құжаттарын 5
жыл бойы сақтауға;
3) салық бойынша жеңілдіктер алуға құқығын растайтын құжаттарды
көрсетуге, ал тиісті
жағдайларда табыс етуге;
4) уақтылы және толық көлемде тиесілі салық саласын төлеуге;

Заңды тұлғалардың табыс салығы туралы заңдарды дұрыс қалдануға
бақылау жасау Қазақстан Республикасы Президентінің Заң күші бар "Салық
және бюджетке төленетін басқа да міндетті төлемдер туралы" Жарлығына және
басқа да заңдарға сәйкес асырылады.

2.2. Жеке тұлғалардан алынатын табыс салығы.

Жеке тұлғалардан алынатын табыс салығы жалпы мемлекеттік салықтар
қатарына жатады.
Жеке тұлғалардан алынатын табыс салығы азаматтардың табысынан
алынатын тікелей салық. Салық жылы салық салынатын табысы бар жеке тұлғалар
табыс салығын төлеушілер болып табылады.
Табыс салығын салу мақсатымен салық төлеуші жеке тұлғалар
резиденттерге және бейрезиденттерге бөлінеді.
Резидент- Қазақстанда салық жылы басталатын немесе аяқталатын кез-
келген тізбекті 12 айлық кезеңде 183 күн немесе одан да көп күндер бойына
Қазақстанда жүрген не шетелде Қазақстан Республикасының мемлекеттік
қызметінде жүрген жеке тұлға. Жеке тұлға өзінің келген жылының алдындағы
жылы Қазақстанның резиденті болса ғана өзінің келген кезеңінің алдындағы
кезең үшін резидент қаралады. Жеке тұлға өзінің Қазақстанда болған жылы
аяқталатын жылдан кейін резидент болса ғана ол Қазақстанда болған кезеңнен
кейінгі жылы резидент ретінде қаралады.
Салық төлеушінің бір жылғы жиынтық табысы мен табысты алуға шыққан
шығындардың арасындағы айырма
ретінде есептелген табысы табыс салығын салу объектісі болып табылады.
... жалғасы

Сіз бұл жұмысты біздің қосымшамыз арқылы толығымен тегін көре аласыз.