Сандық өрнектер құруға үйретуде оқу есептерінің қолданылуы

Жұмыс түрі: Курстық жұмыс
Тегін: Антиплагиат
Көлемі: 28 бет
Таңдаулыға:

МАЗМҰНЫ

Кіріспе . . . 4

І Алгебра ұғымы туралы түсінік

1. 1 Алгебра жалпы ұғым ретінде . . . 4

1. 2 Сандық өрнектер құруға үйретуде оқу есептерінің қолданылуы . . . 5

ІІ Алгебралық материалды оқыту әдістемесі . . . 9

2. 1 Математикалық өрнектер . . . 9

2. 2 Амалдар тәртібінің ережелерін оқып үйрену . . . 13

2. 3 Өрнектерді түрлендірумен таныстыру . . . 15

2. 4 Теңдік, теңсіздік, теңдеулер . . . 16

Қорытынды . . . 21

Әдебиеттер . . . 22

КІРІСПЕ

Тақырыптың өзектілігі . Математика курсының алгебралық есептерін шешуде құрамында ең болмағанда бір айнымалысы бар көпмүшені екі немесе бірнеше көпмүшелердің, немесе көпмүше мен бірмүшенің көбейтіндісі түрінде жазуға болады. Көпмүшелерді көбейткіштерге жіктеуде әр түрлі әдістерді пайдаланады, атап айтқанда ортақ көбейткішті жақша сыртына шығару; көпмүшенің ұқсас мүшелерін топтау; ауыстыру; қысқаша көбейту формулаларын пайдалану және т. б. әдістер.

Алгебраның әлементтеріне жататын «теңдік», «теңсіздік», «өрнек», «өрнектің мәні» сияқты түсініктер сандар мен шамалар және олармен жүргізілетін амалдар, сондай-ақ оларды салыстыру сияқты мәселелермен тығыз байланыста карастырылады. Сонда алдымен сандарды салыстыру -заттардың екі тобын алып, яғни көрнекілікке сүйеніп, қайсы топта заттардың артық, кем немесе тең екенін анықтаумен байланыстырылады және салыстырудың нәтижесі сәйкес сандардың және қатынас таңбаларының көмегімен көрсетіледі, ал шыққан жазулар сәйкес теңдік немесе теңсіздік деп аталатыны айтылады.

Жұмыстың мақсаты. Ой-толғауы дамыған, сана-сезiмi оянған, рухани ойлау дәрежесi биiк, математика пәнінен бiлiмі жоғары деңгейде, математика пәнге деген қызығушылығы жоғары, теориялық бiлiмдi терең түсiне алатын оқушыларды тәрбиелеу.

Жұмыстың міндеттері:

Бастауыш сынып математика пәнінде алгебра элементтерін толық меңгерту арқылы оқушылардың ой - өрiсiн дамыту мүмкiндiктерiн анықтау;

2) Теңдеулерді (теңсіздіктерді т. б. ) шешу тәсілдерін үйрету және олардың көмегімен есеп шығаруды оқытып үйрету, бастауыш буын оқушыларын келесі сыныптардың талабына сай дайындауды қамтамасыз ету.

Жұмыстың зерттеу әдiсi:

1 Оқушылардың ғылыми - дүниетанымдық қабілетiн қалыптастыру;

2 Логикалық ойлау қабiлетiн жетілдіру;

3 Практикалық дағдылары дамыту және т. б. өзектi мәселелердiң iшiнде оқушылардың мектептің жоғарғы сыныптарындағы алгебра сабағына дайындығын дамыту.

Жұмыстың зерттеу нысаны. Бастауыш сынып матиматика пәніндегі алгебралық ұғымдар және оны оқыту әдістемесі.

І Алгебра ұғымы туралы түсінік

Алгебра жалпы ұғым ретінде

Біз жиындармен, пікірлермен, сандармен және т. б. жүргізілетін операциялармен таныспыз. Демек бұл, операцияларды табиғаты әр алуан кез-келген объектілермен жүргізуге болатындығын және бұл жағдайды оның көптеген жалпы қасиеттерінің сақталатындығын білдіреді. Сондықтан табиғаты әр алуан объектілерге қолданылатын операцияларды бірізді көзқарас негізінде зерттеуді жүзеге асыру мақсатында және осыған мүмкіндік туғызу үшін берілген жиындағы алгебралық операция ұғымы енгізіледі.

Әрбір нақты операцияның өз белгісі бар. Мысалы: қосу - “+” таңбасымен, азайту - “-” таңбасымен, көбейту - “ х ” немесе “*” таңбасымен, бөлу - “:” таңбасымен белгіленеді. Дербес жағдайларда амалдарды алгебралық операциялардың мысалы ретінде қарастырғанда, бұл таңбалар сәйкес амалдардың белгіленуі ретінде пайдаланылады. Жалпы, алгебралық және дербес алгебралық операцияларды белгілеу үшін *, о, т және басқа шартты таңбалар қолданылады. Сондықтан z элементі (х, у) элементтерімен жүргізілген операцияның нәтижесі деген былай белгіленеді: х*у, хоу, хТу және т. б.

Алгебралық операцияның таңбасы компенентерінің арасына қойылады. Сонымен бірге бұл жазу операцияның нәтижесі - алгебралық операция берілген жиын элементтерінің реттелген парына сәйкес келетін оның үшінші элементін көрсетеді.

Сандық өрнектер құруға үйретуде оқу есептерінің қолданылуы

Сандық өрнектермен істелінетін жұмыстар бастауыш сыныптарда 4 жыл бойы үздіксіз жүргізіледі. Әрбір арифметикалық амалды меңгеру барысында оларға сәйкес түрдегі сандық өрнектер қарастырылады, алдымен қарапайым өрнектер, содан соң біртіндеп күрделі өрнектер туралы түсініктер қалыптастырады. Оқушылардың математикалық өрнектерді оқи білуге, өрнектің мәнін есептеуге, сандармен және басқа сандық өрнектермен салыстырулар жасауға үйренеді. Бұл аталған жұмыстар оқушыларды есеп шығаруға үйрету жұмыстарымен тығыз байланыста құрылып жүргізілуі мүмкін.

Жиындарға қолданылатын амалдарды орындау барысында, оқушылар алдымен қосынды мен айырманың нақтылы мәндерін игереді, сондықтан 1+4, 7-3 түріндегі амалдардың таңбаларын олар «қосу, азайту» сөздерінің қысқаша белгісі ретінде түседі. Бұл кезде оқушылар сандық өрнек пен оның мәнінің теңдігі түрінде берілген қарапайым сюжеттік есептердің шешуімен танысады, мысалы 5+3 түріндегі. Он көлемдегі қосу және азайту амалдарын оқығанда осындай өрнектердің мағынасы кеңінен ашыла түседі.

Оқушыларды есептер шығара білуге үйрету қосу және азайту амалдары ұғымдарын меңгертумен, осы ұғымдардың кеңейе түсумен байланыстырып жүргізіледі. Бұл жұмыстар түрі және формасы үздіксіз байланысты болады. Оқушылар сандық мысалдарды, дерексіз сандар арқылы берілген, кестелік түрде берілген сюжеттік мәтінді есептерді шығарады, кесінділердің ұзындығын өлшеуде орындалатын қарапайым амалдарды орындайды. өрнектердің дербес бір түрі ретінде «қосынды» және «айырма» атауларымен танысады, оларды бір-бірімен салыстыра білуге үйренеді. Осы кезеңде оқушылар «бірнеше бірлікке артық (кем) » ұғымдарымен танысады, «берілген саннан бірнеше бірлікке артық (кем) » болатын санды табуға берілген есептерді шығаруда бұл ұғымдарды қолдана білуге үйренеді.

Сонымен қатар «қаншасы артық (кем) ?» сұрақтары бойынша айырманы табуға берілген есептермен де танысады. Мұндай есептерді шығару барысында 8-2, 8+3, т. с. с. түрдегі өрнектер құрылады және осы өрнектердің нақты мәндері кеңінен айқындала түседі. Қосу мен азайту амалындағы белгісіз компонентті табуға берілген есептерде, сондай-ақ, берілген саннан бірнеше бірлікке артық (кем) санды табуға берілген есептерде бұл өрнектердің нақты мағынасы одан әрі кеңінен ашыла түседі. Мұндай есептер «жүз көлемдегі сандар» тақырыбын өткен оқи және жанама формасында беріледі.

Бастауыш сыныптарда сандық өрнектерді оқи және жаза білуге үйретуге берілген есептермен жұмыс жасау әдістемесі ғылыми-әдістемелік журналдарда жарияланған бірнеше мақалаларда ашып көрсетілген. Бұл мақалаларда есептер мен өрнектер арасындағы байланыстарды ашып көрсетуге тырысқан, сандық өрнектердің нақты мағынасын ұғындыруды көздейтін жаттығулар жүйесін белгілеуге (тағайындауға), есептерді өрнек құру арқылы шығарудың және берілген өрнектер бойынша есеп құрастырудың жолдарын көрсетуге жұмыстанған. Алайда, бұл мақалаларда көрсетілген сюжетті есептер бойынша өрнек құру деп айтылатын есептер мен өрнектердің арасындағы байланыстың сипаталуы және жекелеген жағдайларда өрнектер бойынша есептер құру, сандық өрнек ұғымын қалыптастыратын жаттығулар жүйесі, сонымен бірге мәтінді есептермен жұмыс жасау тәсілдері бастауыш сыныптарда есеп шығару барысында сандық өрнектерді оқып-меңгеру әдістемесінің жеткілікті талдамасы (кейде қажетті деп те айтады) болып табылмайды.

Мұндай әдістеменің талдамасын дайындау үшін қажетті және жеткілікті шарттар деп төмендегі шарттарды атауға болады: біріншіден, сандық өрнек ұғымын кез - келген формада - мазмұнды, кестелік, сызбалық және аналитикалық - берілген есептердің математикалық құрлымы деп түсіну. Бұл әдістемелік талдама жасауда нақты амалдарды қарастыратын сандық өрнектердің байланыстарын неғұрлым кең түрде алып қарастыруға мүмкіндік береді. Екіншіден, сандық өрнектерді нәрселердің жиындары арасында орындалатын практикалық іс-әрекеттердің жазылуын қамтып көрсететін сандар арасындағы бір немесе бірнеше арифметикалық амалдардың жазылуы деп ұғынуы керек.

Осы аталған екі шарттың негізінде, есептерді шығаруға үйрену әдістемесін арифметикалық амалдарды меңгертудің және сандық өрнектер ұғымын қалыптастырудың әдістемесімен өзара тығыз байланыста құру керек. Мұнда оқушыларды сандық өрнектермен алғаш таныстыру нәрселер және олардың топтарымен істелетін практикалық іс әрекеттерден басталған жөн.

Есеп шығаруға үйретуде күшейтілген абстракциялау әдісінің қолданылуы әдістемелік талдама жасаудың үшінші шарты болып табылады, ал бұл есептің мәтіні бойынша ғана емес, оның кез-келген формада берілуі бойынша да өрнектер құруға мүмкіндік береді және керсінше, сандық өрнектер бойынша түрлі формада берілуі бойынша да өрнектер құруға мүмкіндік береді және керсінше, сандық өрнектер бойынша түрлі формада есептьер құрастыра білуге мүмкіндік береді.

Ал, мұның өзі оқушылардың сандық өрнектердің мағынасын ұғынуға және берілген сандық өрнектерден мағынасын ұғынуға және берілген сандық өрнектерден әр түрлі есептерде көрсетілетін, бізді қоршаған өмірден алынған және математикалық нақты жағдайларды тани білуге тәрбиелейді. Құрама есептерді шығару барысында күшейтілген абстракциялау әдісін қатынастар санын азайту әдісімен үйлестіріп, ойластырып, бірге қолдана білу кеорек.

Жоғарыда көрсетілген негізгі шарттарды басшылыққа ала отырып, сандық өрнектерді оқып үйренумен байланысты жай есептерді шығаруға үйретудің де әдістемелік талдамасын жасауға болады. Оқушылардың өрнектердің мәнін есептеп шығару үрдісінне оларды түрлендіруге үйретеді, мысалы: 10-4+1=6+1=7. Мұндай жазулар теңбе тең түрлендірулерге жасалған алғашқы қадам болып табылады. Басында бұл өрнектер амалдарды орындау тәртібімен таныстыруда пайдаланылады, кейінен өз алдына бөлек жаттығулар түрінде беріледі. «Жүз көлемдегі сандар» тақырыбын оқып үйренуде оқушылар күрделі өрнектердің мынадай түрлерімен танысады: (8+3) +4 13+(7+2) Бұл өрнектердің нақты мағынасын көрнекіліктер арқылы көрсетуге болады. Мұғалім қалталы жолаққа 9 төртбұрыш қояды да, оқушылардан оның бесеуін алып тастауын сұрайды. Бұл әрекет 9-5 жазумен қосылады. Оқушылар мұғалімнің көмегімен жазылған өрнекті оқиды: «9 бен 5 айырмасы». Мұғалім айырманың көрнекі кескінделуін көрсетуді оқушылардан сұрайды, содан соң жолаққа тағы үш дөңгелекті әкеп қоюды ұсынады. Бұл әрекеттің жазылуын көрсетеді, яғни 10 мен 3 сандарының айырмасының қасына «+3» жазуын қосып жазады, сонда (9-5) +3 жазуы алынады.

Мұғалім енді оқушыларға алынған жазуды оқуды ұсынады. Оқушылар оқиды: «9 бен 5 санына емес, 9 бен 5 сандарының айырмасына қосылатыны көрініп тұруы үшін жақша қойылады деп түсіндіріледі. Одан әрі мұғалиманың жетекшілігімен осындай жаттығулар орындалады, яғни мына үлгідегі есептер қолданылады:

Қалталы жолаққа 2 дөңгелек орналастырыңдар. Жанына 8 дөңгелекті жақын қойыңдар. Жасаған әрекетті жазып көрсетіңдер: 4 дөңгелекті алып тастаңдар. Өрнекті жалғастырып жазыңдар. Алынған өрнекті оқыңдар. Сандарға амалдар қолдануды орындаңдар.
Есепшоттың 7 тасын қарсы жағына ығыстырып қойыңдар. Оның 2-ін алып тастаңдар, тағы үш тасты жақындатып қосыңдар. Орындалған іс-әрекетті жазып көрсетіңдер. Өрнекті оқыңдар.
Санау таяқшаларының көмегімен төмендегі әрекеттерді орындап, өрнекті жазыңдар:

а) 6 мен 2 сандарының қосындысына 1 санын қос.

ә) 6 мен 2 сандарының қосындысынан 5-і азайт

б) 13 пен 6 сандарының айырмасын 2-і азайт.

10+(6+2) түріндегі өрнектермен оқушыларды жоғарыдағыдай тәсілмен таныстыруға болады. Жақшасы бар өрнектер жөніндегі білімді бекітуді төмендегідей есеп шығару арқылы орындауға болады:

Төмендегі өрнектерді жазыңдар және мәнін есептеңдер:

а) 5 пен 2 сандарының қосындысына 3-ті қос.

ә) 9 мен 7 сандарының айырмасына 4-ті қос

б) 14тен 6 мен 3 сандарының қосындысын азайт

в) 4-ке 8 бен 2 сандарының айырмасын қос.

Өрнекті оқыңдар және амалдарды орындаңдар:

(9+2) -4 (19-10) +3 18-(5+5) 2+(5-5) (8+3) +2 (16-6) -8 10+(5+2) 13-(16-6)

Өрнектер жөнінен алынған білімдері сюжетті есептер шығаруда қолданылады. Осы мақсатта, көп жағдайда есептің қысқаша жазылуы жазылады да, ол бойынша өрнек құрылады. Алынған өрнектің мәнін есептеп табу берілген есептің шешуі болып табылады.

Екінші сынып оқушыларын екі амалмен шығарылатын есептермен таныстыру екі түрлі жолмен жүргізілуі мүмкін: жай есептерді шығару арқылы немесе бірден екі амалды есеп шығару арқылы. Екі амалмен шығарылатын есептерді көмегі арқылы таныстыруда берілгенде бір артық мәліметі бар жай есеп мысал бола алады. Есеп шығарылып болған соң, мұғалім оның сұрағына өзгертеді, бұл сұраққа жауап бере отырып, оқушылар екі амалды орындайды. Есеп бойынша өрнек құрастыруға есептің қысқаша жазылу және есепті шешу үрдісіндегі оны құра білу көмегін тигізеді.

Оқушыларды құрама есептермен, оларды шешуде өрнек құра білумен оқушыларды қалай таныстыруға болатындығын көрсетелік. Оқушыларға екі амалмен шығарылатын есеп ұсынылсын:

Маралда 5 алмұрт бар еді. Көкесі оған тағы 2 алмұрт береді. 3 алмұртты Марал жеп қойды. Сонда Маралда қанша алмұрт қалды?

Мұғалім оқушыларға есепті ауызша шығаруды ұсынады. Оқушылар есепті шешеді, жауабын айтады: «Маралда 4 алмұрт қалды». Мұғалім әңгіме жүргізеді:

Маралда 4 алмұрт қалғаны қалай есептеп білдіңдер? (5-ке 2-ні қостық, шыққан 7 санынан 3-ті азайттық, сонда 4 қалды) .

Есептің шешуін тақтаға жазайық. Алдымен қандай амалды орындадыңдар? (5-ке 2-ні қостық) . Мұғалім тақтаға 5+2 деп жазады.
5 және 2 сандарының қосындысы нені білдіреді? (Маралда қанша алмұрт болғанын білдіреді) .
Маралда қанша алмұрт болды? (7 алмұрт) .
Есептемес бұрын Маралдың қанша алмұрты болғанын қалай айтамыз? (5+2) .
Есепті әрі қарай қалай шығарамыз? (7-ден 3-ті азайтамыз) .
Алмұрттың қанша екенін білдіретін саннан 3-ті азайтамыз: 5+2-3.

Оқушылар есеп бойынша сандық мысал немесе сандық өрнек құрды. Егер осы мысалды шығарса, онда олар есепті де шығарған болады.

Әрі қарай шешуші жазылады: 5+2-3. Оқушылар осылайша екі амалмен шығарылатын есеппен және жақшасыз өрнек құрумен танысады. оқушыларды жақшасы бар өрнек құру арқылы шығарылатын есептермен таныстыру үшін мынадай есеп құрастыруға болады:

Дәуреннің 7 қызыл қаламы және 4 көк қаламы бар еді. Ол 2 қаламын Аружанға беріп қойды. Дәуренде неше қалам қалды?

Мұғалім есептің берілген қайталаған соң, әңгіме жүргізеді:

Есепте қандай қаламдар туралы айтылып тұр? (Дәуренде бар болған қаламдар, Аружанға берілген қаламдар және қалған қаламдар туралы) .
Есептің шартын қысқаша жазу үшін қандай тірек сөздерін таңдап аламыз? («Барлығы», «берді». «қалды») .
Мұғалім тақтаға бұл сөздерді жазады:

Барлығы-

Берді-

Қалды-

Әңгімені жалғастырады:

- Дәуренде қанша қалам болды? (7 қызыл қалам және 4 көк қалам) .

Өрнек түрінде оны қалай жазамыз? (7+4)
Дәурен неше қаламды Аружанға берді? (2 қалам) .
Оның неше қаламы қалды? (Белгісіз, табу керек) .

Мұғалім әңгіме барысында берілгендерді жазып қояды, сонда есептің шартының қысқаша жазылуы алынады:

Барлығы - 7+4

Берді - 2

Қалды - ?

Осы қысқаша есеп шартының жазылуынан «барлығы», «берді», «қалды» сөздеріне сәйкес берілген сандардың (өрнектердің), қай амалдың қандай компоненттері болатынын білу қажет.

Сөйтіп, қарастырылып отырған есепті шығару жұмыстарын жалғастыра отырып, мұғалім оқушылардан егер сандар «барлығы», «берді», «қалды», сөздермен беріліп тұрса, қандай амалды орындауды керек деп сұрайды. Оқушылар бұл жағдайда азайту амалының орындалатынын біледі. Мұғалім азайту амалындағы сандардың қалай аталатындықтарын оқушылардан түсіндірулерін сұрайды (азайғыш, азайтқыш, айырма) және осы атауларды есеп шартының қысқаша жазылуына тіркеп жазады, сонда ол мынадай түрге келеді:

Барлығы - 7+4 (азайғыш)

Берді - 2 (азайтқыш)

Қалды - ? (айырма)

Енді мұғалім оқушылардан есептің шартының қысқаша жазылуының дерексездірілінген формада оқуды ұсынады (басқаша айтқанда, азайту амалының компоненттерінің атаулары және нәтижелері бойынша оқуды) ұсынады. Оқушылар оқиды: «Азайғыш-7 мен 4 сандарының қосындысы, азайтқыш -2-ке тең. Айырма табу керек». Есептің осы формада берілумен оқушылар сандық өрнекті оңай құра алады: (7+4) -2.

Мұғалімнің нұсқауы бойынша оқушылар өрнекті оқиды және әрбір сандардың немесе өрнек есептің берілуі бойынша нені білдіретінін түсіндіреді, содан соң өрнектің мәнін есептейді, сонымен есепті шешу аяқталады. Әрі қарай мұндай түрдегі есептер осындай жоспармен шығарылады, бірақ онда есепті талқылау, талдау бірте-бірте қысқара түседі. Ең соңында оқушыларды есептің мәтіні бойынша тікелей өрнек құруға үйрету ақырғы мақсат болып табылады.

Есеп күрделене түскен сайын оқушылар есепті талқылаудың осы үлгісіне қайта-қайта оралып отырады. Үлгіні мынадай түрде ұсынуға болады:

Есепті оқимын да, тірек сөздерін табамын. Бұл сөздерді баған түрінде жазамын, қасына сандарды тіркеп жазамын.
Тірек сөздеріне қарап есепте берілген сандардың қандай амалмен байланысты екенің анықтаймын. Осы амалдағы сандардың аталуын есіме түсіндірем де, оларды қысқаша жазылуын тіркеп жазамын.
Есептің шартының қысқаша жазылуы бойынша есепті дерексездірілінген түрде оқимын және өрнекті жазамын.
Өрнектің мәнін есептеймін және есептің сұрағына жауап беремін.

Екінші сыныпта мәтінді есептер шығаруға үйрету жұмыстары, оларды дерексіздірілген түрде жаза білу, істің шындылығына келгенде оқушыларды күрделі өрнектерді соңғы амал бойынша, оқи білуге үйретудегі алғашқы қадам болып табылады. Кейін 3 және 4 сыныптарда теңдеуді шеше білуге үйретуде оқушылардың мұндай жұмыстарымен таныс болы қажетті. 2 сыныпты оқушыларды соңғы амал бойынша күрделі өрнекті оқи білуге үйрету арнайы жүргізілуі тиіс.

II. Алгебралық материалды оқыту әдістемесі

1969 жылғы бағдарламаға сәйкес математиканың сәйкес математиканың бастауыш курсында алгебра әлементтерді енгізіледі. Алгебралық материал 1-ші сыныптан бастап арифметикалық, шама және геометриялық материалдармен тыыз байланыста оқылады.

Алгебра элементтерін енгізу сан, арифметикалық амалдар, математикалық қатынастар туралы ұғымдарды жалпылауға көмектеседі, сонымен қатар балаларды келесі сыныптарда оқуға дайындалады. Негізгі алгебралық ұғымдарға курста «санды теңсіздік және теңдік», «өрнек», «сандық өрнектің мәні», «әріпті өрнек», «әріпті өрнектің мәні», «әріптің әрбір мәніне өрнектің бір ғана мәнінің сәйкес болатындығы», «қарапайым теңдеулер және оларды шешу тәсілдері», «алгебралық тәсілмен есептер шығару» және тағы басқалар жатады.

Бұл ұғымдарды бастауыш сыныптарда анықтама берілмейді, олар көрнекілік, жаттығулар арқылы қалыптастырылады.

Тақырыпты оқытып үйретудің міндеттері:

Теңдік, теңсіздік ұғымымен таныстыру;
Өрнектерді оқи, жаза және салыстыра білу біліктерін қалыптастыру;
Санды өрнектермен жүргізілетін жұмыстардың табиғи жалғасы ретінде қарапайым әріпті өрнектерді бір - бірімен ажырату, оларды оқу, жазу және құру, әріпті өрнектің берілген мәнінде мәнін табу жайында түсінік қалыптастыру, тәжірибе жинақтау.
Алгебра элементтерінің ішінде дидактикалық тұрғыдан алғанда аса маңыздысы - теңдеу жайында түсінік беру және оны шешудің тәсілдерін оқытып - үйрету.
Жақша, амал ретімен оқытып үйрету.
Есепті алгебралық тәсілмен шешудің мән мағанасын ашу. Теңдеулер құруға келтірілетін арифметикалық есептер шығару.
Арифметикалық амалдардың белгісіз компоненттерін табу, теңдеудің жәрдемімен шығару.

Теңдеулерді шешу тәсілдердін қарастыратын ретпен оқытып үйрету және олардың көмегімен есеп шығаруды қарастыру бастауыш буын оқушыларын келесі сыныптардың талабына сай дайындауды қамтамасыз етеді. Өйткені олар теңдеуді шешуге дағдыланады және теңдеу құру арқылы есеп шығарудың тәсілінің мән - мағанасы, ерекшелігі жайында бастама түсінік алды. Соның нәтижесінде алгебра элементтерін оқытудың басты мақсатына жетудің негізі қаланады.

2. 1 Математикалық өрнектер

Математика бағдарламасы бойынша І-ІІІ кластарда балаларды математикалық өрнектерді оқуға және жазуға үйрету; амалдарды орындау тәртібімен таныстыру және есептеулерде оларды пайдалануға үйрету, оқушыларды өрнектерді теңбе-тең түрлендіру мен таныстыру жағы қарастырылады.

Оқушыларға математикалық өрнек жайлы түсінігін қалыптастырғанда сандар арасында қойылған амал таңбасының екі түрлі мағанасы бар екендігін ескеру қажет: ол бір жағынан сандар арасына қойылған амал таңбасының екі түрлі мағанасы бар екендігін ескеру қажет: ол бір жағынан сандар қолданылатын амалды білдіреді (мысалы, 6+4 алтыға төртті қосу) ; екінші жағынан амал таңбасы өрнекті белгілеу қызметін атқарады (6+4 6 мен 4 сандарының қосындысы) .

Төменгі класс оқушыларының өрнек жайындағы түсінігі арифметикалық амалдар туралы ұғыммен тығыз байланыста қалыптасады және оларды жақсы игерулеріне көмектеседі.

Өрнектермен жұмыс әдістемесінде екі кезең қарастырылған. Олардың біріншіснде қарапайым өрнектер (екі санның қосындысы, айырмасы, көбейтіндісі, бөліндісі) туралы ұғым, ал екіншісінде күрделі өрнектер ( көбейтінді мен санның қосындысы, екі бөліндінің айырмасы т. б. ) туралы ұғым қалыптастырылады.

Бірінші өрнекпен - екі санның қосындысымен таныстыру І класта 10 көлемінде қосу және азайтуды оқығанда болады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.