Модель - аналогтың конструктивті шешімін талдау
ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ
АЛМАТЫ ТЕХНОЛОГИЯЛЫҚ УНИВЕРСИТЕТІ
ЖЕҢІЛ ӨНЕРКӘСІП ЖӘНЕ ДИЗАЙН ФАКУЛЬТЕТІ
«Бұйымдар мен тауарлардың технологиясы мен құрастырылуы» кафедрасы
Диплом алдындағы тәжірибеден өту туралы
ЕСЕП БЕРУ
(топ)
(қолы, аты-жөні)
(қызметі)
(қолы, аты-жөні)
(қызметі)
(қолы, аты-жөні)
АЛМАТЫ, 2019 ж.
ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ
АЛМАТЫ ТЕХНОЛОГИЯЛЫҚ УНИВЕРСИТЕТІ
ЖЕҢІЛ ӨНЕРКӘСІП ЖӘНЕ ДИЗАЙН ФАКУЛЬТЕТІ
«Бұйымдар мен тауарлардың технологиясы мен құрастырылуы» кафедрасы
ӘДІСТЕМЕЛІК НҰСҚАУ
5В072600 - «Жеңіл өнеркәсіп бұйымдарының технологиясы және құрастырылуы» мамандығына диплом алдындағы тәжірибенің есеп беруін орындауға және безеніруге арналған
АЛМАТЫ, 2018 ж
Есеп беруді рәсімдеу тәртібі
Түсініктеме тілқағазы А4 (210х297 мм) ақ қағаздың бір жақ бетіне бір интервал (аралық) сақтай отырып орындалады. Шрифт- Times New Roman, кегль 14.
Есеп берудің мәтіні жан-жағынан қалдырылатын ашық орындардың (поля) мына мөлшерлерін сақтай отырып басылуы тиіс: сол жағынан - 30мм, жоғары жағынан - 20мм, оң жағынан - 10 мм және төменгі жағынан - 25мм.
Айқындалып назар аударылатын терминдерге, формулаларға, теоремаларға, компьютерлік жағдайлардағы түрлі гарнитурлы шрифтарды пайдалануға рұқсат беріледі.
- Есеп берудің құрылымы
Есеп берудің құрылымдық элементтеріне мыналар жатады:
- Титул беті , (Қосымша А) ;
- Мазмұны;
- Кіріспе;
- Кәсiпорынмен танысу;
- Материалдарды таңдау және негіздеу
- Қорытынды ;
- Қолданылған әдебиеттер;
- Қосымшалар.
Бөлімдер мен бөлімшелердің атаулары олардың мазмұнын нақты және қысқаша дәріптеуі тиіс.
Бөлімдер мен бөлімшелердің тақырыптарын абзацтан кейін бас әріппен, аяғында нүкте қоймай, астын сызбай басу қажет. Егер де атаулар екі сөйлемнен тұрса, оларды нүктемен бөледі.
Бөлімдер бір цифрмен көрсетілген, мысалы:
2 Конструкторлық бөлім
Бөлімшелер екі цифрмен көрсетілген, мысалы:
2. 1 Эскиздік жоба
Есеп берудің беттерін араб сандарымен нөмірлеу қажет. Беттің нөмері қағаздың төменгі жағының ортасына нүктесіз қойылады.
Титул беті жалпы беттердің нөмірленуіне қосылады. Титул бетіне нөмір қойылмайды.
Жекелеген беттерге орналастырылған иллюстрациялар және кестелер беттерінің жалпы нөмерлеріне қосылады.
Иллюстрациялар (суреттер, схемалар, фотографиялар) және кестелер түсініктеме тілқағазы әр бөлім көлемінде араб сандарымен белгіленеді, барлығына сілтеулер болуы қажет. Бұйымның сырт түрін көрсету үшін ақ-қара немесе түрлі түсті фотосуреттерді пайдалануға болады, оларды бөлек парақта орналастырады.
Кестелер көрнекілік ретінде және көрсеткіштерді салыстыру мақсатында қолданылады. Кестелердің атаулары оның мазмұнын ашу керек. Дәл, қысқаша болуы тиіс. Кестелердің атауын кестеден жоғары, жолдың енінен абзацтан кейінгі «кесте 1» сөзінен соң келесі жолға орналастыру керек. Кестені өзі ескертілген мәтіннен кейін орналастыру қарастырылады.
Кестелерді толтырған кезде мына ерекшеліктерді сақтау керек. Кестенің тақырыптық аталуы мен тиісті реттілік нөмері өтпелі, араб сандарымен белгіленеді және В қосымшасында жол басының сол жағында жазылуы керек. Егер кесте бір бетке симаса, екінші бетке көрсетіліп “жалғасы” деп жазылады.
Барлық кестелерге сілтемелер болуы тиіс. Сілтеме қоюда «кесте» деп нөмірлері көрсетіліп жазылуы қажет. Өтіп кеткен иллюстрация мен кестелерге байланысты болған жағдайда, қысқартылып былайша белгіленеді, мысалы: 2 суреттегі көрініс, 2 кестеде көрсетілген.
Түсініктеме тілқағазы соңында қолданылған әдебиет тізімі беріледі. Ол келесі ережелер бойынша жазылады: әдебиет нөмірі, авторлардың фамилиясы мен аты-жөні, әдебиет немесе мақаланың толық аталуы, әдебиет баспасы.
Қосымшалар жалғасы ретінде келесі парақтарына рәсімделеді. Мәтінінде барлық қосымшаларға сілтеме болуы тиіс. Қосымшалар мәтіндегі сілтемелердің ретіне қарай орналасады.
Титул беті құжат қажетті жағдайда өңдеу және іздестіру үшін қажет болып табылатын ақпарат дерек көзі ретінде қызмет етеді. Титулдық бет нөмірленбейді.
Кіріспеде Қазақстанның тігін өндірісінің қазіргі кездегі жағдайы
КӘСIПОРЫНМЕН ТАНЫСУ . Кәсiпорынның штаттық кестесiмен танысу.
Басқарудың қолданылатын әдiстерiнiң мiнездемесі және талдауы. Өндірістік процесс және қағидалары. Студенттердің жұмыс орнындағы суреттері . Өндiрiстiң құрылымы. Қызметкерлердiң еңбек жағдайы.
1 АЛДЫН АЛА ТАЛДАУ
1. 1 Жобаланатын киім моделіне техникалық тапсырма
Техникалық тапсырма - дайындалатын (өңделетін) бұйымға ұсынылатын техникалық және технико - экономикалық сипаттамалар, сапа көрсеткіші және технико - экономикалық талаптарды, негізгі белгіленуін орнататын конструкторлық құжат.
Техникалық тапсырманы дайындауға кіретіндер: бұйымды жобалау шартын талдау (жобалау жағдайы), бұйым конструкциясына қойылатын талаптар, ғылыми және өнертабыс әдебиеттерін білу, модель - аналогтарды жалпы талдау, дайындалатын киім моделіне қойылатын технико - экономикалық талаптар мен сапа көрсеткішін құру, жобалаудың келесі сатыларының мазмұнын және конструкторлық құжаттама құрамын анықтау.
Техникалық тапсырма жобалау жұмыстарын жүргізуде орындаушы мен тапсырыс беруші арасындағы келіссөзге қосымша ретінде кіретін заңды құжат және оның негізі болып табылады: жұмыс шарты мен тәртібін, оның ішінде мақсатын, тапсырмасын, күтілетін нәтижелерін және орындалу мерзімін анықтайды.
ТТ орындауда барлық жұмыс көлемін анықтап, негіздеу қажет және жобаның конструкторлық құжаттама құрамы МЕМСТ 2. 102-68. «Конструкторлық құжаттама түрлері мен жинақтылығы» сәйкес болуы керек. Техникалық тапсырманы орындау кезінде студенттер арнайы бланканың «Техникалық тапсырма» пунктын толтырады (Қосымша 5) .
Техникалық тапсырма диплом жұмысының конструкторлық құжаттамасын дайындаудың негізі болып табылады.
1. 2 Маркетингтік талдау
Маркетингтік зерттеу кәсіпорындар кездестірген, нарықтағы белгілі жағдайларды қозғайтын ақпараттарды ұсыну, жинау, талдау, жүйелі іздену болып табылады.
Нарықты маркетингтік зерттеу мақсаты - маркетингтік шешімдерді қабылдауға арналған ақпаратты-аналитикалық базаны құру, сонымен қатар осыған байланысты анықталмаушылықты төмендету.
Сатып алушы нарықтық экономиканың бөлінбес маркетинг құрушылары. Өнімнің маркетингтік зерттеулері қаншалықты тұтынушылар сұранымы техникалық және экономикалық көрсеткіштерге сай келетінін тексеру үшін, өз алдына мақсат етіп қояды. Маркетингті зерттеу келесі ақпараттарды алуға мүмкіндік береді: тауар қандай тұтынушылық қасиеттерді иеленеді, дизайны жайлы білу, түсі, формасы, эргономикалығы, функционалдығы. Маркетингті зерттеулерге және алынған мәліметтерге сүйеніп, өнімнің бәсекелестік сапасын көтеру, компания жұмысында алғашқы бағытын көрсету, тауар ассортиментін шығару ыңғайлы.
Осыған байланысты студенттер сауалнама дайындайды. Саулнаманы дайындауда экономикалық, әлеуметтік-демографиялық, биологиялық және басқа да көрсеткіштер ескеріледі.
Сауалнама үш бөліктен тұрады: сұранушы жайлы мәліметтер, нақты ассортиментке қатысты сұрақтар мен жауаптар. Сұрақтар тіке, ашық түрде құралады. Сұрақтардың түрі мен мазмұны, бұл зерттеу әдісінің маңыздылығына байланысты (сүйеніп) сұрақтың мақсаты мен талабынан алынады.
Зерттеу соңында сауалнамаға талдау жасалады және нақты бұйымды жобалау негізделеді. Маркетинг бойынша зерттеу бұл аумақты бақылау жүргізу сапасын жетілдіруге және маңызды шешімді қабылдауға мүмкіндік береді.
1. 3 Техникалық ұсыныс. Модель-аналогтарды талдау
Техникалық ұсыныс - бұл техникалық тапсырманы талдау, бұйымның мүмкіндігінше әртүрлі нұсқадағы шешімдері, дайындалатын бұйыммен қатар қолданыстағы бұйымдардың да конструктивті және қолдану ерекшелігін ескере отырып, олардың шешімдерін салыстырмалы түрде бағалау арқылы, бұйымның құжаттамасын жобалау мен техникалық негізделуі кіретін құжаттардың жиынтығы.
Техникалық ұсыныстың негізгі этаптары мыналар:
- отандық және шетелдік (моделей - аналогов МА) бұйымдардың белгіленуі бойынша жақын немесе ұқсас үлгілеріне шолу жасау;
- МА эксплуатациялық көрсеткіштері мен конструктивті ерекшеліктерін бағалау.
Модель - аналогтарды талдау, бұйымның технологиялық және конструктивті ерекшеліктерін табу мақсатында, бұйымның дайын үлгілері бойынша жүргізіледі. Кемі үш модель талданады. Базалық модель жүргізілген талдау негізінде жобаланады.
1. 3. 1 Сән бағыты
Бөлім мәтіні перспективті сән бағытын талдауға арналған.
Бұл бөлімде студент заманауи сәннің дамуының жалпы тенденциясын және келесі маусымда оның болашағын сипаттау қажет; сәнді формаларды сипаттау және бейнелеу, басты силуэттер және форма ішіндегі негізгі бөлшектер, сәнді акцентті (ерекше көңіл аударатын сәнді) көрсету (бір графикалық бет) .
Жобаланатын модельде ұсынылатын ассортименттік топтарға толық сипаттама беру. Талшық құрамын, орнаментін, түсті гаммасын көрсетіп, сәнді материалдарға сипаттама беру.
1. 3. 2 Модель - аналогтың композициялық шешімін талдау
Модель - аналогтың композициялық шешімін талдау, модельдің көркемдік орындалуына толығырақ жауап беретін, жекелеген элементтер немесе модельді айқындауға мүмкіндік береді.
Модель - аналогтардың композициялыққ сызбасын талдау, келесі бағыттардың сапалы сипаттамасын айқындайды:
- Жеңнің формасы мен пішімі, негізгі конструктивті белдеулердің: иық, кеуде, бел, бөксе (мықын) силуэтті шешімі;
- Бұйым бетінің бөлшектенуі мен пропорциясы, сәнді - конструктивті элементтердің сипаты;
- Функционалды - сәндік элементтердің көптүрлілігі( түймелік, мойын ойындысының формасы, жаға, қалта және т. б. )
- Сәнді конструктивті элементтердің болуы; техникалық үлгілеуден алыңған бөлшектер және олардың орналасуы (қатпарлар, фалдылар, жиырмалар, драпировкалар)
Кесте 1- Модель - аналогтың композициялық шешімін талдау
1. 3. 3 Модель - аналогтың конструктивті шешімін талдау
Модель - аналогтың конструкторлық шешімін талдау - конструктивті - декоративті элементтер мен негізгі бөлшектердің конструктивті шешімінің оңтайлы нұсқасын анықтау мақсатымен жүргізіледі.
Бұл талдауда студент композициялық талдауда алғандай бұйым бөлшектерінің өлшемін, анализдік сипаттамасын алады. Бұл жұмысқа студенттер диплом алдындағы тәжірибеде өту кезінде кірісу керек.
Конструкцияның негізгі параметрлерін: адам еркін тұру үшін берілген қосымшалардың көлемі мен олардың бөліктерге орналасуы, негізгі бөлшектердің өлшемі - артқы бой ені, алдыңғы бой ені, белге дейінгі ұзындық сызығы, бұйым етегі, алдыңғы - артқы және жан сызығы тепе-теңдігінің көлемі. Өлшемдерді 2- кестеге толтырады.
Кесте 2- негізгі конструктивті элементтердің сипаттамасы
Кесте 3- МА конструктивті шешімін талдау
Конструктивті шешім
(бұйымның пішім бөлшектерінің схемасы)
Ескерту: Ассортиментке сәйкес модельді жобалау мақсатында, әр кестеден
кейін талдау және қорытынды жасау керек.
1. 3. 4 Модель-аналогтың технологиялық шешімін талдау
Модель-аналогтың конструктивті шешімі таңдалынып, негізделгеннен соң, бұйымның технологиялық өңделу тәсілдері талданады.
Келесі позициялардың анализіне негізінен назар аудару қажет:
- тұтас пішілген бөлшектерді қолдануда, бөлшектерді құрамды бөліктерге тиімді бөлу
- түбегейлі мақсаттағы бөлшектерде рационалдық бөлшектерде құралған бөлшектерді қолдану;
- конструкциялық элементерді немесе бөлшектерді толық түрде қолдану;
- біркелкі өнделетін көптеген бөлшектерді қамтамасыздандыруға қолданылатын технология енгізу;
- бірнеше бөлшектерді біруақытта (параллельді) қамтамасыз ететін, алдыңғы қатарлы технологияларды қолдану;
- жаймада ең рационалды конструктивті біріктірілетін бөлшектерді қолдану және лекало аралық % шығынды қысқарту, жаңа және көбінесе сапалы негізгі және көмекші(астараралық) материалдарды қолдану ;
- типтік технологиялық процестерде конструкциялық бөлшектерді және түйіндерді қолдануын қамтамасыз етеді.
Түйіндерді өңдеу тәсілі талданады, унификацияланған технологияны қолдануға болатыны анықталады, технологиялық ағымға дайындалған сериялық киім модельдерінің технологиялық шешімі таңдалынады. Технологиялық өңдеу әдістерін талдау, кесте түрінде ұсынылады.
Кесте 4 - Модель-аналогтың технологиялық шешімдерін талдау
Бұйымды өңдеуде оның технологиясын барлық жобалау кезеңдерінен өткізу керек. Бұйымның технологиясы алдын-ала анықталып, техникалық ұсынысты және эскиздік жобаны дайындау кезінде, осыған ерекше көңіл бөлінеді
Ескерту: Ассортиментке сәйкес модельді жобалау мақсатында, әр кестеден
кейін талдау және қорытынды жасау керек.
2 КОНСТРУКТОРЛЫҚ БӨЛІМ
2. 1 Эскиздік жоба
Бұйым модельдерін эскизді жобалауда, жобаланатын бұйымның макеті дайындалып, конструктивті және композициялық жұмыстары анықталады.
Дипломдық жұмыстың эскиздік бөлімін жасауда диплом қорғаушы модель - аналогтарды талдауда жасаған, жақын жылдағы сән бағытының перспективасы жайлы материалдарды қолданады. Жобаланатын бұйым моделі толығымен дайындалады, сонымен түстік шешімі таңдалынып, материал таңдау ұсынылады, сонымен қатар екі негізгі шешім қабылданады: бұйым формасы - материал.
Негізгі көркемдік шешім екі эскиздік позицияда беріледі: техникалық эскиз және сурет түрінде (дипломның түсініктеме тілқағазында) .
Модельдің техникалық эскизі материалда орындалады және А4 форматында салынады.
Эскиз конструктивті-сызықпен орындалады, бір түспен( қара), формасы анықталған, пропорциясы, жеке бөлшектері, тігістері және т. б. Модель алдыңғы жағынан, дене бітімде толық бой ұзындығымен бейнеленеді. Оң жағында(төменде) модельдің артқы беті (дене бітімсіз), алдыңғы жағынан қарағанда жобамен 1:4 өлшемде бейнеленеді. Артқы бой толығымен (симметрия осьімен жартысы емес) бейнеленеді. Егер модель бірнеше бұйымнан тұрса, онда әр қайсысы жеке (алдыңғы және артқы түрі) бейнеленеді және оң жағында бұйымның жалпы түрі.
2. 1. 1 Модельдің конструктивті - технологиялық шешімінің сыртқы түрін сипаттау
Келесі формамен жүргізіледі:
а) Модельдің ассортименттік сипаттамасы:
- заттық жабдықтар,
- жасаралық мәлімет,
-тағайындалуы,
- ұсынылатын материалдар.
Мысалы: Күнделікті киюге, жастарға арналған, маусым аралық жартылай жүн матасынан дайындалған, әйелдер костюмі. Жакет және белдемшеден тұрады.
б) Силуэт, бұйым ұзындығы.
в) Бұйымның техникалық сипаттамасы.
- алдыңғы бой,
- артқы бой,
- жең,
- жаға,
- түймелік,
- әрлеу (сәндік) .
г) Ұсынылатын өлшем-бой ұзындығы
2. 1. 2 Материалдарды таңдау және негіздеу
Бұл бөлімде ұсынылатын негізгі, астарлық және астараралық материалдардың физико - химиялық қасиеттеріне толық сипаттама беріліп, суреттеу қажет. Материалдар ассортиментін талдау, жобаланатын бұйымға қойылатын талаптарға негізделуі қажет. Матаның техникалық сипаттамасы болмаған жағдайда, таңдалынған матаның (фактура, суретін(туше), гриф, әрлеу) қасиеттерін сапалы бағалау қажет. Бұл бөлімде болашақ модельдің сапасы қалыптасатын болғандықтан, ұсынылатын материалдар негізінен конструкторлы - технологиялық және тұтынушылар талабына сай бағалануы қажет. Мұндай бағалауға материалдардың келесі қасиеттерін жатқызуға болады: кеңістік формасын қамтамасыз ететін, формасақтағыш және қолданыста бұйымның өлшемге тұрақтылығы, оның гигиеналығы.
Сонымен қатар, материалдардың мынадай қасиеттері, талшықтық құрамы, айқаспасы, әрлеу сипаты, тоқымасы, қалыңдығы, қаттылығы, қатпарлануы, түсі, жылтыры, айқындығы.
Егер негізгі мата (сыртқы мата) тігін бұйымының тағайындалуына толығымен сәйкес келсе, ал бұйымның көпқабатты пакетін құрайтын жинақ материалдарының қасиеті, негізгі материалдың қасиетіне сәйкес келсе, таңдау негізделген, дұрыс болып табылады.
- Жобаланатын бұйымның конфекционды картасы
Ұсынылатын маталардың үлгілері қатты қағаз парағында дайындалады. Үлгілерді матаның сипаттамасында берілген бірізділіктей орналастырады. Үлгілер оң бетінен желімделеді. Матаның негізгі түрлерін тік бағытта орналастырған жөн. Астарлық матаның үлгілерін, бір-бірімен түсі таңдалынған болса, негізгі мата үлгілерінің жанына орналастыруға болады.
Үлгілер өлшемі 4 см х 6 см. Формасы - тік бұрышты.
Түсініктеме тілқағазына жобаланатын тігін бұйымының, таңдалынған материалдар (негізгі, астарлық, астараралық, сәндік, біріктіргіш, фурнитура) үлгілерінен түратын, конфекционды картасының сканерленген түрі салынады.
Кесте 5- Конфекционды карта
2. 2 Техникалық жоба
2. 2. 1 Конструкция сызбасын дайындауға арналған алғашқы мәліметтер
Конструкция сызбасын тұрғызу үшін алғашқы мәліметтерге: құрастыру әдістерін негіздеу және таңдау, конструкция сызбасын тұрғызуға арналғандене бітімнің өлшемдік сипаттамасын бекіту және еркін айналымға қосымша таңдау жатады.
Киімнің таңдалынған моделінің конструкциясын, құрастыру әдістерінің ең жетілген түрін қолданып, дайындау ұсынылады . Таңдалынған әдіс есеп күрделілігін, сызбану тұрғызу дәлдік дәрежесіне негізделеді. Осындай мақсатта қолданыстағы өндірістік құрастыру әдістері сипатталады, формуласы талданады, есептеу күрделілігі, графикалық сызба және т. б. Талдау негізінде әдістің артықшылығы мен кемшілігі анықталады және солардың біріне таңдау жасалады.
Дипломдық жұмыстың тақырыбына сәйкес, конструкция сызбасын тұрғызуға арналған, өлшем нышандарының көлемі мен еркін айналымға берілетін қосымшалар кесте түрінде ұсынылады (кестелер 4. 2 және 4. 3) .
Конструкцияны тұрғызуға қажетті өлшем нышандарының көлемі, типті дене бітімге ОСТ 17-326-81, ОСТ 17-325-86 негізделіп анықталады және 6-кестеге толтырылады.
Кесте 6 - Типті дене бітімдегі өлшем нышандарының абсолютті көлемі,
әйелдер (Р-Ог3-Об), ерлер (Р-Ог3-От), балалар (Р-Ог3)
Еркін айналымға берілетін қосымшалар модельге, силуэтке, киім түріне және оның белгіленуіне байланысты анықталады. Техникалық және конструктивті - декоративті қосымшаларға сипаттама беру қажет. Таңдалынған қосымшалардың шамасы 7-кестеге толтырылады.
Кесте 7 - Конструкция сызбасын тұрғызуда қолданылатын еркін айналымға берілетін қосымшалар
(бұйымның аталуы, силуэт, өлшем)
... жалғасыСіз бұл жұмысты біздің қосымшамыз арқылы толығымен тегін көре аласыз.
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz