Қонақ үйді басқарудың қызметтік құрылымы


МАЗМҰНЫ
- ҚОНАҚ ҮЙ БИЗНЕСІНІҢ ҚАЛЫПТАСУЫ МЕН ДАМУЫНЫҢ ҚАЗІРГІ БЕТ АЛЫСТАРЫ
КІРІСПЕ
Тақырыптың өзектілігі. Қонақ үй бизнесі әлемде пайдалы бизнестің біріне айналды. Ол өзімен қоса туризмді дамытады. Ал туризм болса, әлеуметтік-тұрмыстық инфрақұрылымның салааралық кешені ретінде әлемдік экономикада басты рөлді алады, әлемдік ұлттық өнімнің 1/10 бөлігін қамтамасыз етеді. Сондықтан да алдағы кезеңде оның ең маңызды факторына айналмақ. Қонақ үйдің басты көзі - турист болғандықтан, қонақ үйде көрсетілетін қызметтердің сапасы әлемдік деңгейде әр түрлі болуы қажет. Тек сонда ғана қонақ үй саласы өркендеп, өз дамуын одан әрі жалғастырады. [1]
Қазіргі қонақ үйлік мекеме тұтынушыларға тек жатар орын мен тамақтандыру қызметтерін ғана көрсетіп қоймай, сонымен қатар көлік, байланыс, ойын-сауық, экскурсиялық қызмет, медициналық, спорттық, сұлулық салондары қызметі мен т. б. қызмет түрлерін көрсете алады. Шындығында, қонақ үй мекемелері туризм мен қонақжайлық индустриясы құрылымының басты функцияларын орындауда, себебі, олар тұтынушыларға дайындалған құрама қонақ үйлік өнімді ұсынады, бұл өнімді дайындап, алға жылжытуда туризм мен қонақжайлық индустриясының барлық элементтері мен бөлімшелері қатысады. Осыған байланысты, қонақ үй индустриясын немесе қонақ үй бизнесін туризм мен қонақжайлық индустриясының ең ірі құрама бөлігі ретінде қарастырған жөн.
Қонақ үй бизнесіндегі стратегиялық бәсекелестіктегі артықшылықтарды қалыптастырудың негізгі бағыттарының бірі болып өзінің бәсекелестеріне қарағанда неғұрлым жоғары сапалы қызмет көрсету болып табылады. [2]
Қонақ үй кәсіпорындары мақсатты клиенттерге, олардың күткенінен әлдеқайда асып түсетін, қызмет көрсету басты бағыт болып тұр. Осыған сүйеніп, тұтынушы әуелі қызмет көрсетушіні таңдайды, сонан соң олардың ұсынған қызметін өздерінің күткендерімен салыстырады. Егер де көрсетілген қызмет олардың күткенімен сәйкес келмесе, клиент қызмет көрсету фирмасына бар ынтасын жояды, ал егер де сәйкес келсе немесе олардың күткендерінен асып түссе, олар бұл қызмет көрсетушіге болашақта тағы келуі мүмкін. Сол себепті, қызмет көрсетуші өзінің мақсатты клиенттерінің талаптары мен ойларын мүмкіндігінше дәл айқындай алуы қажет. Бұл жерде қонақ үй басшылары әрқашан қызмет сапасымен басқаруды жақсартып, оның кеңеюіне, ғимараттарды қайта құруға, жаңа технологияларды ендіруге және т. б. аса көңіл бөліп отыруы тиіс. [3]
Қонақ үй бизнесі жағдайының туристік қызмет нарығының қазіргі талаптарына сәйкес келмеуі тұтастай ел экономикасына кері ықпал көрсетеді. Қонақ үй кәсіпорындарының бәсекелестік қабілеттілігін жоғарлату міндетін шешу олардың шаруашылық қызметін басқарудың жаңа әдістерін дайындауды талап етеді. Сондықтан қазіргі уақытта қонақ үй кәсіпорындарының табыстылық деңгейін және жүктемелігін жоғарлату үшін қызмет етіп жатқан басқару құрылымын өзгерту қажет деп танылды. Осылайша бұл мәселе өзекті болып, дипломдық жұмыстың тақырыбын таңдауға әкелді.
Мәселені зерттеу дәрежесі. Қазіргі таңда қонақ үй бизнесі қызмет көрсету аясының ерекше түрі ретінде Р. А. Браймер, С. Медлик, Х. Инграм, Л. С. Бумер, Ф. Котлер, Д. Фуллер, Д. Х. Акик, Л. С. Фентон, Н. А. Фоулер, Дж. Уокер, Г. А. Бондаренко, Ю. Ф. Волков, В. А. Квартальнов, Г. А. Гапаряна, С. С. Скобкина., Рахметов Б. А., Ахметов К. Г. еңбектерінде зерттелген. Қазақстанда қонақ үй бизнесіне мақсатты бағытталған жұмыс Р. А. Раеваның, Н. Г. Юльчеваның еңбектерінде көрінеді. Бірақта Көкшетау қаласының қонақ үй шаруашылығын басқарудың ұйымдастырушылық құрылымы толық зерттелмеген. Қазақстан Республикасында қонақ үй бизнесін басқару үрдісін ұйымдастырудың қонақ үй облысында Қазақстанда ғылыми зерттеу жұмыстарының жетіспеушілігі, Қазақстан Республикасында, соның ішінде Көкшетау қаласында қонақ үй индустриясын басқару тиімділігін өсіру жолын іздеу облысындағы толық құнды зерттеулердің болмауы, қазіргі уақытта бұл мәселені өзекті деп анықтай отырып, зерттеу тақырыбын таңдауға негіз болды.
Дипломдық жұмыстың мақсаты қонақ үй бизнесінің дамуына және жетілдірілуіне мүмкіндік беретін ұсыныстар дайындау болып табылады. Қойылған мақсатқа сәйкес келесі негізгі міндеттер қойылды:
- қонақ үй бизнесін қалыптастыру мен дамытудың негізгі бағыттарын негіздеу;
- ЖШС «Бахыт» қонақ үйінінің экономикалық қаржылық қызметін талдау;
- қонақ үй бизнесін дамытуды жетілдіру бойынша ұсыныстар дайындау.
Зерттеу обьектісі ЖШС «Бахыт» қонақ үйі болып табылады.
Зерттеу пәні қонақ үй бизнесінің басқарушылық құрылымын ұйымдастыру барысында қалыптасқан ұйымдастырушылық - экономикалық қатынастар болды.
Дипломдық жұмыстың теориялық және әдістемелік негізін қонақ үй бизнесін басқару облысындағы отандық және шетелдік ғылыми әдебиеттер және диплом тақырыбына қатысты кезеңдік басылымдар мәліметтері құрайды. Материалды өндеу барысында логикалық, салыстырушылық, жүйелік, психологиялық және статистикалық талдаудың әдістері қолданылды.
Зерттеудің нормативті - құқықтық базасын туризмге және туристтік іс - әрекетке қатысты мемлекеттік құқықтық нормативтік актілер, мемлекеттік бағдарламалар және ҚР - сының Президенттің, Үкіметтің және туризм аясында реттеушілік іс - әрекетпен айналысатын жергілікті мемлекеттік билік органдардың басқа да іс - жүзіндегі құжаттары құрады
Зерттеу жұмыстың ақпараттық базасын Қазақстан Республикасының туризм және қонақ үй бизнесін дамыту стратегиясы департаментінің, Қазақстан бойынша кәсіпкерлік және өнеркәсіп Департаментінің, ҚР статистика бойынша Агенттігінің материалдары құрады.
Дипломдық жұмыстың ғылыми жаңалығы келесілерге негізделеді:
- Қазақстанның қонақ үй мекемелерін басқару жүйелері анықталды және баға берілді;
- Қонақ кәсіпорындарының ұйымдастырушылық құрылымын жетілдіру бойынша жобалық үсыныстар дайындалды;
- «Бахыт» қонақ үй қызметінің сапасын жақсарту жөнінде неізгі кеңестер ұсынылды;
- Қонақ үйдің қызмет сапасы аудиті мен сапаны бақылау бағдарламасының негізгі амалдары жасалды.
Дипломдық жұмыстың ғылыми-практикалық маңыздылығы. Дипломдық жұмыстың теориялық аспектілері мен ғылыми нәтижелері қонақ үй қызметтері сапасының жоғарлауы және әрі қарай дамуына мүмкіндік беретініне негізделеді, көрсетілетін қызметтер сапасын көтеру мақсатында жеке қонақ үйлерге ұсынылған. Дипломдық жұмыстың теориялық және әдістемелік зерттеу нәтижелерін «Туризм» және «Қонақ үй бизнесі» мамандығының оқытушылары, студенттері қолдана алады.
Дипломның құрылымы және көлемі. Жұмыс кіріспеден, үш бөлімнен, қорытындыдан, қолданылған әдебиеттер тізімінен және қосымшалардан құралады.
1 ҚОНАҚ ҮЙ БИЗНЕСІНІҢ ҚАЛЫПТАСУЫ МЕН ДАМУЫНЫҢ ҚАЗІРГІ БЕТ АЛЫСТАРЫ
1. 1 Қонақ үй бизнесін басқару құрылымын қалыптастыру эволюциясы
Әлемдік қонақ үй индустриясының негізгі кезеңдеріне шолу жасайтын болсақ, саяхатта жүрген адамдарға қызмет көрсету алғашқы қонақ үйлер (Керуен сарайлар) б. э. д. 2000 жыл бұрын көне шығыс елдерінде кең таралған.
Ежелгі Греция, Ертедегі Рим кезеңінен бастап әртістерге, көпестерге, саяхатшыларға арналған ертедегі қонақ үй түрлері: хаинны, инны, пошта бекеттері т. б. болып саналған. Жоғарыдағы қонақ үйлер қазіргі қонақ үй функцияларына ұқсас қызмет түрлерін көрсеткен. [4]
Қонақ үй иелері өз жанұясымен, құлдары мен қызметшілері келген қонақтарға қызмет көрсеткен. Олардың қызмет көрсету деңгейі жоғарғы сапалы көлемді қызмет көрсетумен ерекшелінген. Сол замандағы негізгі көлік ретінде аттарды пайдалану, ат қоршаулары мен тұрақтар болуымен қатар адамдар тынығуға арналған, ас ішетін бөлмелерден тұрған. Ал орта ғасырларда саяхатшыларға арналған бұл кешендерге әжептәуір өзгерістер еңгізілген. Қосымша театр сахналары пайда болған.
Орта ғасырлар (V-VIIIғғ. ) заманында Еуропа мен Шығыс елдерінде сауда мен саяхаттың қайта жандануына орай орналастыру мен тамақтану қызмет көрсету саласы дамудың жаңа жолдарына бағытталды. Еуропалық монастырьларда арнайы қонақжайлық орындар пайда болды. Бұл кешендердің бірінші қабаты ас ішетін орын және атқора, шаруашылық қызметшілерге арналған бөлмелермен жабдықталса, ал жоғарғы қабатында жататын бөлмелер, төбесі жабық, арнайы театрлық көріністерге арналған орындар болатын.
Алғашқы 70 бөлмелі қонақ үй «Сити-Отель» Нью-Йорк қаласында 1794 ж. салынған. XVIII-XIX ғасырдың бас кезеңінде тек саяхатшыларға арналған орта және үлкен қонақ үйлер пайда болды. Оның ең үлкені 170 бөлмелі «Тремонт» отелі 1829 ж. Бостон қаласында іргетасын көтерген. Қайта өрлеу заманында Еуропа дүние бөлігінде кәсіпкершіліктің дамуы, ат жегілген тарантас, көлік құралының пайда болуы қонақтар тоқтайтын аулалар орындарының көбеюіне септігін тигізді. Еуропа елдеріндегі мемлекеттердің экономикалық және саяси байланыстарының дамуы барысында қонақ үй шаруашылығының қарқынды дамуы бйқалады. XVII-XVIII ғ. Америка континентіне еуропалықтардың келуіне орай Еуропалық типтегі қонақ үйлер пайда бола бастады.
Қонақ үй компаниялары, корпорациялары синдикаттардың бизнесмендерге, комерсанттарға және көшіп келушілерге арналған қонақ үй қызметі ұсынылды. Қонақ үйлердің техникалық жабдықтауға жаңалықтар енгізуден Америка Құрама Штаттары алдағы қатарда болды. Бұл елге уақытша жатын орын қажет имигранттар үздіксіз келу септігінен қонақ үйлерге сұраныс үзілмеді. Бұл үздіксіз сұраныс нәтижесінде отельдер дами түсті. XIX ғасырда Еуропа мен Америкада өндірістік революция нәтижесінде көлік түрлерінің пайда болуы (пороход, паровоз) туризмнің дамуына үлкен ықпалын тигізді. Нәтижесінде теңіз жағалауында, темір жол бойында қонақ үй құрылысы пайда болды.
XX ғасырдың бас кезінде қонақ үй құрылысы шаруашылығында жаңа идеялар, тұжырымдамалар, қонақ үй синдикаттары (Лондонда), қонақ үй иелерінің одағы (Париж), 1906 ж. құрылған қонақ үй иелерінің халықаралық қонақ үй одағы дүние жүзінің 1700 қонақ үйлерінің басын біріктірген. Осы мезгілде Еуропа қонақ үйлерінде керуендер, конференциялар, ойын-сауық кештері ұйымдастырылған, казино, мейрамханалар пайда болған. XX ғасырдың 20 жылдарында қонақ үй бизнесіндегі Конрад Хилтон үлесіне тоқталып өткен орынды. [5]
Қонақ үйлердің жаңа типтері: мотель, отель, кемпинг және т. б. пайда болуы және курортты қалаларда демалыс қонақ үйлер салына бастады. Әуежай, жол бойы қонақ үйлері, олардың құрамында тамақтану, көңіл көтеру орындары қалыптасты. Адамдардың бос уақытты пайдалану мүмкіншіліктерінің артуына байланысты емдік сауықтыру курорттары белгіленген аймақтарда пайда болды. 1930 жылдардағы қонақ үй шаруашылығының «Ұлы күйзеліс» өзіндік ықпалын тигізді. Екінші дүниежүзілік соғыс кезеңі де өз септігін тигізді. 1950-1960 жылдары көлік тасымалдау түрлерінің өркендеуі, соғыстан кейінгі халықаралық жағдайдың ретке келуі дүние жүзінде қонақ үй шаруашылығының қайта жандануына ықпалын тигізді.
ДТҰ мәліметі бойынша 17 млн. адамдар тоқтай алатын қонақ үй жүйелері қалыптасқан. Солардың ішіндегі ең ірілері «Шератон», «Мариотт», «Рамада», «Редиссон» қонақ үй класстарына орай «Апартамент», «Кондоминниум» түрлері пайда болды.
XX ғасырдың 90 жылдарында экономикалық күйзелістерге байланысты қонақ үй шаруашылығының дамуының тежелгендігі байқалды.
Қонақ үй шаруашылығын дамытудың жаңа тұжырымдамалары зор ізденіс бағытта жүргізілді. Шығыс Азия және Тынық Мұхит секторында қонақ үй шаруашылығы құрылысы жаңа технологияны пайдаланды. Отельдердің мамандандырылған, супер және экзотикалық түрлерінің шыққанын байқаймыз.
2000 жылдары жекеменшілік, шағын әртүрлі типтегі қонақ үйлер қалыптасуы нарықтық жағдайда өтуде. ТМД елдері көлеміндегі қонақ үйлердің даму, қалыптасу тарихы төмендегідей [6] .
Ерте ғасырларда Ресей, Еуропалық бөліктегі ТМД елдерінде және Жібек жолы бойындағы қалаларда атпен серуендеушілердің, пошта т. б. мемлекеттік қызметкерлердің жол бойында тынығуға, тамақтануға ыңғайлы керуен сарайлардан басқа пошта станцияларының салынуы, қонақ үй аулаларының трактирлер құрылысы пайда болып, 1818 ж. өзінде Мәскеу қаласында 7 қонақ үй жұмыс істеген. Оған дейінгі кезеңде көрші мемлекеттерден келген шет елдік қонақтарға арналған арнайы демалатын, тамақтанатын орындар болған. Олар «армяндық», «ағылшындық», «гректік», «голандық» т. б. болып аталған. Құрылымында шағын сауда сөрелері, кішігірім дүкендер, зат сақтайтын қоймалар т. б. қызмет көрсетуге арналған нысандар болған. Калуга қаласында көненің көзі ретінде қазірге дейін сақталып, туристік экскурсиялық нысан құрайды.
Қазақстанда қонақ үйдің даму ерекшелігіне тоқталатын болсақ, 2001жылы ірі қонақ үй өкілдерінің шешімдерімен «Қонақ үй және мейрамхананың Қазақстандық Қауымдастығы» (КАГиР) бірлестігі құрылды. Ол өз кезегінде маңызды сауалдар тізімін құрайды: жаңа технологиялармен қонақ үй бизнесінқамтамасыз ету, халықаралық ұйымдарға кіру, қызмет маркетингін жүргізу және тағы басқа. Қазақстанда әр түрлі категориялы 372 қонақ үй жұмысын жасайды, олардың біруақыттық сыйымдылығы - 32876 орын. Мәселен, Алматы қаласында шетел азаматтары «Алатау», «Қазақстан», «Достық», «Astana International Hotel», «Kumbel», «The Regent Almaty», «Hayat Regency Almaty», «Ambassador» сияқты қонақ үйлердің қызметтерін пайдаланады. Өйткені, олар үшін қызмет көрсетудің толық жиналымы ауадай қажет.
Қонақ үй түрін, оның негізгі функционалдық белгіленуі, территориясына деген талаптар, қызметтер көлемі, нақты қонақ үй кешенінің мақсатты шарттарын анықтайтын саяхат мақсаты маңызды фактор болып саналады. Осыған орай мақсатты нарықты, яғни қонақ үйдің әлеуетті қонақтары ретіндегі нақты адамдар категориясына қызмет көрсету бойынша қонақ үйлер бірнеше түрлерге бөлінеді:
1. Туристтердің кәсіби ісінің негізгі мотиві мен мақсаты (коммерция, бизнес, кездесу, жиналыс, конференция, конгресс, оқу, презентация, тәжірибе алмасу, кәсіби жәрмеңкелер) саяхатына арналған қонақ үй.
Кәсіби белгіленген қонақ үй категорияларына : бизнес-отельдер, конгресс отельдер, конгресс-орталықтар, кәсіби клуб-отельдері кіреді. Қазақстанда конгресс-отельдің мысал ретінде «The Regent Almaty», «Hayat Regency Almaty» атты әлемдік желі бар отельдері кіреді.
2. Туристердің негізгі мақсаты мен мотиві - демалыс және емделу (профилактикалық) саяхатына арналған қонақ үйлер:
- курортты қонақ үйлер;
- демалыс үйлер мен пансионаттар;
- туристік-экскурсиялық қонақ үйлер (туркешендер) ;
- туристік-спорттық қонақ үйлер (туркешендер) ;
- ойынхана-отельдер (азарт ойындарына қызығұшылар үшін) ;
- арнайы;
Сапалы қызмет көрсету мәселесіне зор көңіл бөлетін көптеген шетел қонақ үйлерінде сапа белгісі ретінде жасалған шағымдарды санайды, бұл жалпы сапаның аталып кеткен үш құрамдас бөлігінің қайсысы жөнінде клиенттердің көбірек шағымдары түсетінін анықтауға мүмкіндік береді. Мамандардың пікірінше, бұл қонақ үйлерде аталған жағдайлардың 70% -да клиенттер үрдіс пен мәдениеттің сапасына шағым жасайды. Мұнда потенциал сапасы жоғары деңгейге жетеді де, «баға-қызмет» арақатынасы клиенттерді қанағаттандыратын жағдайда болады. [7]
Қазақстандағы қонақ үй мекемелерінің қызмет көрсету сапасының өз ерекшеліктері бар. Бұл қызмет көрсету аясындағы қызметшілердің кеңес дәуірінен кейінгі қалыптасқан менталитетіне байланысты болып отыр. Аталған қызметшілердің арасында жасы үлкен адамдарға қарағанда жастар көбірек икемділік танытады. Қызмет көрсету аясындағы қызметшілер «жұмсақ өнімнің» ерекше рөлі мен мағынасын жете білуі керек, ал оған, әрине, жылышырайлылық, коммуникабелдік және алдыналушылық жатады.
Басқару тәжірибесінде, сипаттамалары мен талаптары жоғарыда қарастырылып кеткен, «қонақ үй өнімі» термині кеңінен қолданып жүр. Бұдан бүгінде қонақ үй ұсынысының жалпы сипаттамасы, қазіргі туристік өнімді ұсыну шарттарымен - «көлік - орналастыру - тамақтандыру - ойын-сауық»-пен байланысты, ерекше өзектілік пен сұранысқа ие екендігі байқалады [8] .
Қонақжайлық индустриясында туындайтын мәселелер Қазақстанның экономикалық және әлеуметтік жағдайының ерекшеліктерімен байланысты. Маңызды мәселелер қатарында мыналарды атауға болады:
- ұсынылатын қызмет деңгейінің номенклатурасы мен сапасының дүниежүзілік стандарттарға сәйкес келмеуі;
- материалды-техникалық жабдықталу деңгейінің төмендігі;
- ақпаратты-техникалық жаңалықтарды енгізу деңгейінің төмендігі (орын тағайындау жүйесінің тар қолданысы, компьютерлік картотекалар және т. б. ) ;
- өзіне-өзі қызмет көрсету терминалдарының болмауы;
- туристік өнімнің маусымдылығымен байланысты мәселелер, түрлі деңгейдегі қонақ үйлердің бөлме қорының шектен тыс пайдаланылуы;
- қазақстанның көпшілік қонақ үйлері төтенше жағдайларда туристердің қауіпсіздігін қамтамасыз етудің дүниедүзілік стандарттарына сәйкес келмеуі, мысалы, жер сілкінісі, өрт және т. б.
- іскер мақсаттармен ел аралап жүрген туристер үшін қонақ үйлерде тұруы мен қызмет алуының қымбаттылығы;
- амортизациялық мерзімі 10-15 жыл бұрын өтіп кеткен қонақ үй қорының, жабдықтарының тозушылығы;
- шағын орналастыру мекемелері күрделі жөндеуді талап етеді, олардың көбісі қалыптасқан санитарлық нормаларға сәйкес келмейді;
- жастар жатақханаларының шектен тыс орналастырылуы.
Қонақжайлық индустриясының жағдайын зерделей отырып, дәрежелілік қонақ үйдің абыройына, клиенттер құрамына және бағалануына әсер ететінін байқауға болады. Бұл ел кезіп жүрген адамға Қазақстанның туристік ұсыныс нарығында, атап айтқанда Алматы қ. еркін бағыт табуға мүмкіндік береді: қонақ үйлерді сапасы мен қызмет көрсету бағасы бойынша салыстырып, өзіне сәйкес келетін жатақ орнын таңдау. Басқару органдары қонақ үй дәрежесін қаржылық шығындар мен инвестицияларды бөлу белгілері ретінде пайдаланып, сонымен қатар оны қонақ үй бизнесі аясындағы баға саясатын жасауда ескеріп отырады.
Тұрмыс қолайлылығы мен көрсетілетін қызмет түрлері бойынша қонақ үйлерді жүйелеу бүкіл өркениетті әлемде қабылданған. Европа елдерінің көпшілігінде мұндай жүйелер мемлекеттік құрылымдардың құзыретінде болады да (Франциядағыдай-орталық, Испаниядағыдай- жергілікті), арнайы заң шығаратын актілермен қарастырылады. Басқа елдерде (атап айтқанда, Қазақстанда) мұндай жүйелер ресми сипатта болмайды да, қонақ үй бизнесі өкілдерінің бастамасымен және қонақ үй иелерінің арасындағы келісім бойынша енгізіледі. Көптеген қонақ үй тізбектерінде, ассоциациялары мен одақтарында өзінің жіктеулері болады. Олардың жалпы саны 30-дан асады, оның ішінде жұлдыздар жүйесі (бірден бастап, беске дейін), әріптер жүйесі (А-В-С-D), «тәж» немесе «кілт», балл жүйелері және т. б. Олар бір-бірінен тек символикалар, категориялар санымен ғана емес, сонымен қатар қызмет көрсету стандарттарымен де ерекшеленеді. Бұл ерекшеліктер мемлекеттің тарихи-мәдени ерекшеліктерінен туындап, ұлттық әдет-ғұрыптарымен түсіндіріледі.
- Қазақстанда қонақ үй бизнесінің қалыптасу және даму ерекшеліктері
Қазақстанда қонақ үйдің даму ерекшелігіне тоқталатын болсақ, 2001 жылы ірі қонақ үй өкілдерінің шешімдерімен «Қонақ үй және мейрамхананың Қазақстандық Қауымдастығы» (КАГиР) бірлестігі құрылды. Ол өз кезегінде маңызды сауалдар тізімін құрайды: жаңа технологиялармен қонақ үй бизнесінқамтамасыз ету, халықаралық ұйымдарға кіру, қызмет маркетингін жүргізу және тағы басқа. Қазақстанда әр түрлі категориялы 372 қонақ үй жұмысын жасайды, олардың біруақыттық сыйымдылығы - 32876 орын. Мәселен, Алматы қаласында шетел азаматтары «Алатау», «Қазақстан», «Достық», «Astana International Hotel», «Kumbel», «The Regent Almaty», «Hayat Regency Almaty», «Ambassador» сияқты қонақ үйлердің қызметтерін пайдаланады. Өйткені, олар үшін қызмет көрсетудің толық жиналымы ауадай қажет.
Қонақ үй түрін, оның негізгі функционалдық белгіленуі, территориясына деген талаптар, қызметтер көлемі, нақты қонақ үй кешенінің мақсатты шарттарын анықтайтын саяхат мақсаты маңызды фактор болып саналады. Осыған орай мақсатты нарықты, яғни қонақ үйдің әлеуетті қонақтары ретіндегі нақты адамдар категориясына қызмет көрсету бойынша қонақ үйлер бірнеше түрлерге бөлінеді:
1. Туристтердің кәсіби ісінің негізгі мотиві мен мақсаты (коммерция, бизнес, кездесу, жиналыс, конференция, конгресс, оқу, презентация, тәжірибе алмасу, кәсіби жәрмеңкелер) саяхатына арналған қонақ үй.
... жалғасы- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат
Қосымша
Email: info@stud.kz