Дуальды оқыту үдерісін жоспарлау

Жұмыс түрі: Материал
Тегін: Антиплагиат
Көлемі: 104 бет
Таңдаулыға:

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

М. Әуезов атындағы Оңтүстік Қазақстан мемлекеттік университеті

Жолдасбекова С. А., Нұржанбаева Ж. О., Тағаева Г. Ж., Кривенцов В. А.

«Дуальды оқыту негіздері» пәні бойынша

5В012000-Кәсіптік оқыту мамандығы студенттеріне арналған

оқу құралы

Шымкент, 2017ж.

Құрастырғандар: Жолдасбекова С. А., Нұржанбаева Ж. О., Тағаева Г. Ж., Кривенцов В. А.

«Дуальды оқыту негіздері» пәні бойыншаэлектронды оқу құралы мазмұны дуальды оқыту ұғымы туралы түсінікті, қазіргі кезеңдегі болашақ мамандарды даярлау жүйесінде пәннің алатын орны мен маңызын, дуальді оқыту әдістемесін құрайды. Бұл оқу құралы студенттерге, магистранттарға, докторанттарға, колледж оқытушылары мен ЖОО оқытушыларына арналған.

«Дуальды оқыту негіздері» пәні бойынша оқу құралы «Кәсіпке баулудың теориясы мен әдістемесі» кафедрасында талқыланған.

Хаттама №6 «05 » 01 2017ж.

«Дуальды оқыту негіздері» пәні бойынша электронды оқу құралы Жаратылыстану-педагогикалық факультетінің әдістемелік комиссиясы мақұлдаған

Хаттама № 7 «06 » 01. 2017ж.

М. Әуезов атындағы ОҚМУ-нің Оқу әдістемелік кеңесінің баспаға ұсынылған. №5хаттамасы 30. 03. 2017ж.

Мазмұны

Кіріспе.

: 1

Кіріспе.: Дуальды оқытудың мақсаты мен міндеттері. Дуальды оқыту және кәсіптік оқыту педагогтарын даярлау жүйесінде пәннің алатын орны мен маңызы.

4: 5

: 2

Кіріспе.: Дуальды оқытудың даму тарихы

4: 8

: 3

Кіріспе.: Дуальды оқыту педагінің іс-әрекетіне жалпы сипаттама

4: 11

: 4

Кіріспе.: Әдістемелік іскерліктерді қалыптастыру. Әдістемелік қызметті жүзеге асыру деңгейлері мен формалары

4: 14

: 5

Кіріспе.: Дуальды оқыту үдерісі, мазмұны, міндеттері

4: 18

: 6

Кіріспе.: Өндірістік оқыту мазмұнын оқып-үйрену

4: 22

: 7

Кіріспе.: Дуальды оқыту жүйесі

4: 27

: 8

Кіріспе.: Дуальды оқыту педагогінің өндірістер мен мекемелердегі іс-әрекетінің мазмұны.

4: 35

: 9

Кіріспе.: Дуальды оқыту әдістері

4: 38

: 10

Кіріспе.: Дуальді оқытуды ұйымдастыру қағидалары

4: 50

: 11

Кіріспе.: Дуальды оқыту ұйымдастыру формалары

4: 55

: 12

Кіріспе.: Дуальды оқыту үдерісін жоспарлау

4: 60

: 13

Кіріспе.: Дуальды оқытуды педагогикалық, құқықтық және материалдық қамтамасыз ету

4: 85

: 14

Кіріспе.: Мұғалімнің сабаққа дайындалуы

4: 93

: 15

Кіріспе.: Өндірістік іс-тәжірибе

4: 98

: 16

Кіріспе.: Тезарус

4: 104

: 17

Кіріспе.: Пайдаланылған әдебиеттер

4: 106

: 18

Кіріспе.: Қосымшалар

4: 107

19 Видео материалдары

Кіріспе

Елбасы Н. Назарбаевтың «Жалпыға Ортақ Еңбек Қоғамына қарай жиырма қадам» атты Қазақстан халқына үндеуінде нақты өнімді еңбек негізінде елді әлеуметтік жаңғыртудың жаңа бағдарламасы ұсынылады. Бәсекеге қабілетті және мықты Жалпыға Ортақ Еңбек Қоғамын құру идеясы ҚР Президентінің саясатындағы басты бағыт - әр қазақстандыққа қамқорлықты одан әрі дамыту болып табылады. Қазіргі жағдайда нақты өндірістік секторды, Жалпыға Ортақ Еңбек Қоғамын тұрақты дамыту ғана жаһандық дағдарыстың себептерінің бірі болып отырған әлеуметтік масылдыққа балама бола алады.

Дуальды оқыту мақсаты - болашақ мамандарды даярлауда дуалды оқыту теориясы мен әдістемесі бойынша білім беру, оқыту жүйесін басқару мен ұйымдастыруға болашақ мүғалімдердің іскерлігін арттыру, дуальды оқытуды жүргізуге дайындау.

Дуальды оқытудағы негізгі міндеттері:

дуальды оқытудың теориясы мен әдістемесімен таныстыру, олардың негізінде кәсіби білім беру мекемелерінде оқу - тәрбие үрдісін ұйымдастыру мен басқару икемділіктерін, дағдыларын қалыптастыру;
оқыту құрылымы мен мазмұны, дуальды оқыту қағидалары, және әдістері, білім беру мекемелері басшыларының басқару қызметін жүйелілік тұрғысы негізінде ғылыми ұйымдастыру;
оқыту технологиялары, дуальды оқытуды жоспарлау құралы ретінде, кәсіби білім беру мекемелерінің материалдық - техникалық базасын басқару;
дуальды оқытуда тұлға мен ұжымның рөлі туралы білімдерді қалыптастыру;
Дуальды оқытудың теориялық сұрақтарын меңгеру магистранттарға дуальды оқыту саласында: дуальды оқыту теориясы мен әдістемесін түсіндіру.

Дуальды оқытуда білім алушыларының білім, іскерлік, дағдысын жобалау жүйесін қалыптастыруды, болашақ педагогтың дуальды оқыту бойынша әдістемелік қабілеттерін дамытуды, заманауи оқу сабақтарын модельдеу тәсілдерін келесі реттілікте меңгеруді ұсынады:

1. Дуальды оқыту әдістемесінің теориялық негіздері.

2. Дуальды оқыту әдістемесін зердалеу.

3. Жан-жақты дамыған, шығармашылық қабілеті жоғары, кәсіби бейім тұлғаны тәрбиелеу және жетілдіруге жағдай жасау; болашақ кәсіби қызметінде өзін-өзі айқындау мен өз мүмкіндігін жүзеге асыруға дайындау;

4. Магистранттарға педагогикалық еңбекті тиімді ұйымдастыруды, орта кәсіптік білім алушыларының оқыту үдерісін ұйымдастырудың әдістері мен формаларын, сабақтың түрлерін, инновациялық оқыту әдістерін сабақ мазмұнына сай таңдауға, әдістемелік және арнайы әдебиеттермен жұмыс жасауға үйрету;

5. Болашақ педагогтарды педагогикалық іс-тәжірибені ЖОО-да, орта техникалық және кәсіптік мекемелерде өтуге, ғылыми зерттеу жұмыстарды орындауға даярлау.

1. Пәнді оқытудың мақсаты мен міндеттері. Дуальды оқыту және кәсіптік оқыту педагогтарын даярлау жүйесінде пәннің алатын орны мен маңызы.

Білім жүйесін жаңғырту аясында дуальді кәсіби білім беруді дамыту, жұмысшы кадрларының зәрулігін еңсеру үшін қолданбалы мамандықтардың заманауи орталықтарын құру мндеттері қойылды. Дуальді жүйенің негізі оқу орны мен өндірісте қатар оқыту болып табылады. Бұл кәсіптік-техникалық білім берудегі басты проблема - жоғары оқу орнындағы теория мен заманауи өндіріс практикасы арасындағы алшақтықты жоюға мүмкіндік береді. Дуальді оқытуда теория мен практиканың өзара байланысы қағидаі жүзеге асырылады, мұның өзі болашақ маманға кәсіпорында жұмыс істеу кезінде қажетті біліктілікке ие болуға көмектеседі. Мұндай оқыту өндірістің нақты сұраныстарына барынша жақындатады да жұмыс берушілер дайын мамандарға ие болады. Еңбек нарығында өз міндеттерін өзгеріп отырған экономикалық жағдайларға жылдам бейімделе отырып сапалы әрі жауапкершілікпен орындайтын жоғары кәсіби білікті мамандарға сұраныс артып отыр. Өйткені, әлемдік нарықта бәсекеге төтеп бере алатын сапалы өнім шығарудың алғышарттарының бірі жоғары білімді және кәсіби деңгейі жоғары, еңбек құндылықтарын бойына қалыптастырған, өз еңбегінен материалдық ғана емес, сонымен қатар рухани қанағаттанатын, адам ресурстарын даярлау екендігі дау туғызбайтын дәлел болып отыр. Бұл өз кезегінде ұлттың зияткерлік әлеуетіннің, қоғамда әлеуметтік тұрақтылық деңгейінің артуын қамтамасыз етуге ықпал етеді. Дуальді оқыту - бұл әлеуметтік серіктестіктің (білім беру мекемесі мен кәсіпорын арасындағы) іс-әрекеттерін дұрыс ұйымдастырылған механизмі нәтижесіндегі студенттерге білім беру үдерісі ретінде сипатталады.

Студенттердің еңбек етуге құлшыныстарының артуына ықпал ететін аксиологиялық фактор маңызды орын алады, себебі студенттердің құндылықтар жүйесінде еңбек құндылықтарының маңыздылығы қаншалықты екендігімен тікелей байланысты.

Осыған байланысты, қазіргі қоғамдағы құндылықтарды қабылдаудаға өзгерістерді ескеру керек. Сонымен қатар, әлеуметтік-еңбек саласына кәсіптік даярлығымен енуі, өзін еңбек ортасында анықтауы, кәсіптік шеберлігін жетілдіруге құлшынысының артуы барысында студенттердің құндылық бағдарлары айқындалып және өздерін құндылық тұрғысынан анықтауы қалыптасады (Сурет - 1) . Еңбек құндылықтары еңбек құлшынысының артуының өзегі, дегенмен қазіргі кезеңдегі студенттер алдында маңызды құндылықтар: материалдық құндылықтар, жалақы құндылығы еңбек мазмұны, еңбек арқылы өзін анықтауы, еңбек ету арқылы өзінің білімі мен қабілеттіліктерін жүзеге асыру мүмкіндіктері құндылықтарын артқа тастағанын байқаймыз.

Сурет - 1. Тұлғаның бойында еңбек құндылықтарының қалыптасуы

Дуальді оқыту - теория мен практиканың өзара байланыс қағида. «Дуаль» ұғымы «екі бірлік, екі жақтылық», «ұйымдасқан бір бүтін» дегенді білдіреді. Кәсіптік оқытудың бұл формасы еңбек нарығының талаптарына сәйкес жоғары білікті мамандарды даярлау бойынша мемлекет, жұмыс беруші, кәсіподақ және түрлі қоғамдық бірлестіктердің өзара тығыз байланысты механизмі болатын әлеуметтік серіктестік өнімі ретінде пайда болды.

Бақылау сұрақтары:

1. Жалпыға Ортақ Еңбек Қоғамын құру идеясын қалай түсінесіз?

2. Дуальді оқытудың бүгінгі күнгі кәсіптік білім беру саласындағы қажеттілігін қалай түсінесіз?

3. Еңбек құндылықтары ұғымына өз пікіріңізді білдіріңіз.

4. «Дуаль» ұғымына түсінік беріңіз.

Тақырыпты меңгеруге арналған тест сұрақтары

1. Дуальді оқытуды алғаш рет кәсіптік білім беру үдерісіне ендірген ел:

Германия
Италия
Испания
Австрия
Франция

2. «Дуаль» ұғымының мәні:

«екі бірлік, екі жақтылық»
«бір бірлік, үш жақтылық»
«бес бірлік, екі жақтылық»
«төрт бірлік, екі жақтылық»
«екі бірлік, үш жақтылық»

3. Дуальді оқыту негізделеді:

Әлеуметтік серіктестік
Жауапкершілік серіктестік
Жеке серіктестік
Қоғамдық серіктестік
Саяси серіктестік

4. Дуальді оқытуда басты нысан:

Студент
Жұмысшы
Кәсіпкер
Жұмыс беруші
Шебер

5. Кәсіптік оқытудың жаңа формасы:

Дуальді оқыту
Дәстүрлі оқыту
Қайталап оқыту
Біржақты оқыту
Кезеңдеп оқыту

2. Дуальды оқытудың даму тарихы

Дуальды оқытудың Қазақстан Республикасы мен шет елдер дамуы. Отандық дуальды оқыту жүйесінің даму кезеңдері

Кәсіптік білімнің дуальді формасының даму тарихы өзінің тамырын тереңге жайған. Кәсіптік білімнің дуальді формасының пайда болуының талдауы оған байланысты күрделі құрылым мен көпқырлы мәселелер жиынтығын көруге мүмкіндік берді.

Азия мен Еуропада құқықтық ретке келтірілген кәсіптік білім мыңжылдықтан астам уақыт болған. Және де бұл кәсіптік білімді шеберге оқуға келіп, оның шәкірттері болған жасөспірімдер алған. Шебер өзі игерген бір қолөнер түрін меңгерулері үшін оларға қажетті білім мен дағдыны баулуға міндетті. Алайда, барлық қолөнер түрлерінде болған және бір қолөнер түрінің екінші қолөнер алдындағы артықшылықтарды қамтамасыз ететін сырлар көбінесе құпия түрінде сақталған, оларды ашу оқушыларға да рұқсат етілмеді. Кәсіптік білімді құрудың мұндай реті біздің жыл санауымыздың басына қарай Ежелгі Грецияда болған және де бұл жалпы мойындалған шындық болып табылады.

Кәсіптік білімнің дуальді формасының оқу үдерісінің дидактикалық-әдістемелік аспектілері еліктеу қағида бойынша ұйымдастырылған: шебер техникалық әдісті көрсеткен, ал оқушы еліктей отырып оны қайталауға тырысқан. Оқу орны кәсіпорын болған. Оқу үдерісі жұмыс цикліне интегралданған болатын.

Кәсіптік оқытудың бұл формасы ғасырлар бойы тіпті мыңжылдықтар бойы көзге түсетін мәселелерсіз болған. Мұндай оқытуды алмастыру бірінші мыңжылдыққа жатады. Кәсіптік білімдегі түбегейлі өзгерістер себебі кафедралы ғибадатханаларды тұрғызу барысында архитектуралық стильдердің өзгеруі болды, романтиканың қарапайым құрылыстық стильі анағұрлым күрделі готикаға ауысты. Сол кезде шеберлер алдында күрделі мәселелер тұрды, себебі жаңа архитектуралық стиль негізінде жаңа құрылыстық технология мен құрылыстық теорияны (статиканы) талап етті. Осыған орай, оқу мәселесі де көкейкесті болды, және де мыналар арқылы шешілді:

- Құрылыс кәсіптерін көлденең және тігінен дифференциациялау (кәсіптік дифференциациялау) ;

- Әртүрлі кәсіптік деңгей мен дидактиканы қалыптастыру үдерістерінің коммуникативтілігі (жазба құралдарының пайда болуы - құрылыс және архитектура бойынша кітаптар; техникалық құралдардың пайда болуы - құрылыс модельдері мен шаблондар) ;

- Бірінші өндірістік үйренушілік шеберханаларды құру кафедралы шіркеу құрылысы үлкен құрылыс алаңында өткен, олардың қасынан оқушылар оқитын арнайы шеберханалар құрылған) .

Осылайша, екінші мыңжылдықтың басында кәсіптік оқытудың екінші орны белгіленген - оқушылар «теориялық» оқу өтетін үйренушілер шеберханасы. Еуропада Ренессанс дәуірінің келуі (шамамен 1400ж. ) көркемөнердің мүлде басқа архитектуралық стилін, оның жаңа бағыттарын бекітуді белгіледі. Қолөнершілер, мысалы, алтын ұстасы қиын жағдайда қалды, себебі, жаңа стиль қысқа мерзімде жаңа техника мен дайындау технологиясын меңгеруді талап етті.

Бұл жағдайдан шығу жолы мынадай болды:

- Басқа шеберден біліктілігін жоғарлату (көркемөнердің жаңа стилі қалыптасқан көбінесе Италияға сапарлар болды) ;

- Оқытудың графикалық құралдарын дамыту, кітап бастыру ашылғаннан кейін білімнің таралуына септігін тигізген;

- Алғашқы кәсіптік мектептерді ұйымдастыру (көркемөнер мектебі), мұнда қолөнершілер мен суретшілер бірге оқытылды. Осылайша, кәсіптік білімде жаңа оқу орны - кәсіптік мектеп пайда болды, бұл атты кәсіптік мектеп бес жүз жылдан соң алды.

Бұл екі кәсіптік білімнің батыс еуропалық тарихынан келтірілген мысалдар келесі қорытындыны шығаруға мүмкіндік береді: әрдайым қоғамдық өмірде жаңа нормалар мен құндылықтық ойлар пайда болғанда кәсіптік білімнің алдында оқытудың дәстүрлі формасы арқылы шешіле алмайтын күрделі мәселелер тұрады, сондықтан белсенді түрде басқа жолдар іздестіріледі, олар мынаған әкеледі:

- Оқу үдерісінің жақсаруы мен кәсіптік білімнің жаңа әдіс-тәсілдерін құруға (дидактизация) ;

- Оқу орындарының дифференциациясына (оқу тек қана кәсіпорында ғана емес немесе жұмыс процесінде емес, басқа да орындарда, мысалы, үйренушілер шеберханаларында) ;

- Кәсіптік білім«мектебінің», оқу үдерісін теориялық тұрғыда зерделеуді енгізу.

Батыс еуропалық кәсіптік білімнің тарихы оның алғашқы формаларын кәсіптік-имманенттік (бір нәрсеге іштей, жаратылысына тән, тиісті) тәсілдерменшешу жолдары жеткілікті болмайды.

Еуропада және де оның әртүрлі бөліктерінде (аймақтарында) саяси құрылымдар - мемлекеттер пайда болуымен олардың арасында экономикалық бәсекелестік үдерісі басталады. Ұсақ пайдакүнемшілдік дәуірінде (ХVII-XVIII ғ. ғ. ) кәсіптік білім мемлекеттің маңызды құралы болды, себебі, оның экономикалық ықпалын алу үшін және өзінің тәуелсіздігін құруды көздеді. Мемлекет пеншіркеу діншіл адамдардың эмоционалды сезімдерін, кәсіптік білім көмегімен діни қарым-қатынастарды тұрақтандыру мен ынталандыру үшін діни этикалық нормаларды (XVIII ғ. қайырымдылық) пайдалануға тырысады.

Кәсіптік білім ғаламдық демократиялық процестер 1789 жылғы Француз революциясы кезенінде жаңа маңызға ие болады. Мемлекеттің жалпы мектептік білім тұжырымдамасын дайындау, оны шіркеулік қамқорлықтан босату, мазмұнды жаңарту. Кәсіптік білім мәселелері күн тәртібіне де қойылды. Сол кездегі демократиялық процестердің нәтижесі Франциядағы кәсіптік білімге ғана емес, басқа да батыс еуропалық елдерге Германияны қоса алғанда әсер еткен.

Бақылау сұрақтары:

1. Азия мен Еуропада құқықтық ретке келтірілген кәсіптік білім қандай даму сатысынан өткен?

2. Дуальді оқытудың Германияда қалыптасуы ерекшеліктері қандай болды?

3. Европада дуальді оқытудың саяси қарым-қатынастарымен байланысына өз пікіріңізді білдіріңіз.

4. Дидактизация ұғымына түсінік беріңіз.

Тақырыпты меңгеруге арналған тест сұрақтары

1. Ежелгі Грецияда кәсіптік білімді жүзеге асырды:

Шебер
Патша
Шенеунік
Саудагер
Саясаткер

2. Ежелгі Грецияда кәсіптік білімнің дуальді формасының оқу үдерісінің дидактикалық-әдістемелік аспектісі:

Еліктеу
Жаттау
Қабылдау
Оқыту
Қиялдау

3. Орта ғасырлық Европада оқушылар оқитын арнайы шеберханалар ненің қасында құрылған?

Шіркеулердің
Храмдардың
Ғимараттардың
Алаңдарда
Оқу орындарының

3. Кәсіптік білім ғаламдық демократиялық процестер қай кезеңнен бастау алады?

1789 жылғы Француз революциясы кезенінде
1668 жылға ағылшын революциясы кезеңінде
1917 жылғы қазан төңікерісі кезеңінде
1939 жылғы екінші дүниежүзілік соғысы қарсаңында
1945 жылғы екінші дүниежүзілік соғысы соңында

4. Алғашқы кәсіптік мектептер қалай аталды?

Көркемөнер мектебі
Құрылысшылар мектебі
Тігіншілер мектебі
Ұсталар мектебі
Шеберлер мектебі

5. Ортағасырлық Европалық кәсіптік мектептердің сипаты қандай болды?

Діни
Ағартушылық
Саяси
Мәдени
Экономикалық

3. Дуальды оқыту педагогінің іс-әрекетіне жалпы сипаттама

Дуальды оқыту педагогінің әдістемелік қызметі. Педагогтың әдістемелік қызметінің мәні. Әдістемелік қызмет түрлері мен функциялары.

Маманды кәсіби даярлау үдерісінің нәтижелілігі көп жағдайда мамандық бойынша негізгі кәсіптік білім бағдарламаларын жүзеге асыру моделін дұрыс таңдауға байланысты.

"Модель" (лат. "modulus") ұғымы "түпнұсқа жүйенің аса маңызды қасиеттерін өндіретін нысандар мен таңбалар жүйесі" ретінде түсіндіріледі.

bbnБолашақ кәсіптік оқыту педагогын дярлауғы дуальді оқыту жүйесінің концептуалды моделі сурет 2 көрсетілді.

В. В. Краевский моделді "зерттеу пәнінің белгілі бір жақтарын, байланыстарын, функцияларын өндіретін элементтер жүйесі" ретінде анықтайды. Кез келген үдерісті моделдеуді автор оның қозғалыс құрылымы ретінде қарастыруды ұсынады. Жүйенің құрылымы деп, автор оны әлдебір өмір сүру сәтінде суреттейтін жақтарының бүкіл жиынтығын түсінеді, ал құрылымның динамикалық табиғатын ол бір жағдайдан келесісіне өту деп ұғынады. Зертеушілер білім моделдерін

Тұлғалық-нәтижелі деңгей

Әдіснамалық деңгей

Сурет 2. Болашақ кәсіптік оқыту педагогын дярлауғы дуальді оқыту жүйесінің концептуалды моделі

(Ш. А. Амоношвили, А. Г. Асмолов, Э. Н. Гусинский, М. В. Кларин, Г. Б. Корнетов, И. А. Колесникова, Е. А. Ямбург және т. б. ) екі аспектіде қарастырады: нақты оқу мекемесінің базалық моделдері мен ұйымдастырушылық-білім моделдері. Мұнда базалық моделдер білім мекемесіндегі нақты ұйымдастырушылық-білім беру моделін құрудың негізіне айналады. Білім моделдері білім парадигмасының түрлі аясында туындайды. И. А. Колесникованың пікірінше, білім моделдері эзотерикалық, ғылыми-технократтық және гуманитарлық парадигмалар арқылы ұсынылуы мүмкін. Ш. А. Амоношвили авторитарлық-интегративтік және ізгілікті білім парадигмаларын ұсынады. Е. А. Ямбург когнитивтік және тұлғалық (аффективтік-эмоциялық-ерік) педагогика моделін қарастырады. Г. Б. Корнетов білім беру үдерісінің базалық үш моделін анықтайды, бұл моделдер авторитарлық педагогика, манипуляциялық педагогика және қолдау көрсету педагогикасы парадигмалары арқылы берілген.

Базалық білім моделдеріне жасалған салыстырмалы талдау көрсеткендей, зерттеушілер оларды екі топқа бөліп қарастырады: білім берудің дәстүрлі (қалыптастырушы) және гуманистік (тұлғалық-бағдарланған) моделдері, олардың әрқайсысына оқыту мен тәрбиелеу үдерісінің мақсатын, мазмұнын ашып көрсетен бағдарлар тән болып келеді (Н. А. Алексеев, С., В. Д. Пурин, В. В. Сериков, Д. Пошаев және т. б. )

Бақылау сұрақтары:

1. Дуальды оқыту педагогінің әдістемелік қызметіне талдау жасаңыз

2. Педагогтың әдістемелік қызметінің мәнін түснідіріңіз.

3. Әдістемелік қызмет түрлері мен функцияларына түсінік беріңі.

4. Болашақ кәсіптік оқыту педагогын дярлауғы дуальді оқыту жүйесінің концептуалды моделін талдаңыз.

Тақырыпты меңгеруге арналған тест сұрақтары:

1. Маманды кәсіби даярлау үдерісінің нәтижелілігі болуы неге байланысты?

мамандық бойынша негізгі кәсіптік білім бағдарламаларын жүзеге асыру моделін дұрыс таңдауға байланысты
тұлға таңдауы бойынша негізгі кәсіптік білім бағдарламаларын жүзеге асыру моделін дұрыс таңдауға байланысты
жоспар бойынша негізгі кәсіптік білім бағдарламаларын жүзеге асыру моделін дұрыс таңдауға байланысты
қаржылық есептеу бойынша негізгі кәсіптік білім бағдарламаларын жүзеге асыру моделін дұрыс таңдауға байланысты
дәстүр бойынша негізгі кәсіптік білім бағдарламаларын жүзеге асыру моделін дұрыс таңдауға байланысты.

2. "Модель" (лат. "modulus") ұғымының мәні:

"түпнұсқа жүйенің аса маңызды қасиеттерін өндіретін нысандар мен таңбалар жүйесі"
"көшірме жүйенің аса маңызды қасиеттерін өндіретін нысандар мен таңбалар жүйесі"
"автоматты жүйенің аса маңызды қасиеттерін өндіретін нысандар мен таңбалар жүйесі"
"ақпаратты жүйенің аса маңызды қасиеттерін өндіретін нысандар мен таңбалар жүйесі"
"көпнұсқалы жүйенің аса маңызды қасиеттерін өндіретін нысандар мен таңбалар жүйесі"

3. Моделді "зерттеу пәнінің белгілі бір жақтарын, байланыстарын, функцияларын өндіретін элементтер жүйесі" ретінде анықтаған ғалым кім?

В. В. Краевский
Э. Н. Гусинский
Н. А. Алексеев
В. В. Сериков
И. А. Колесникова

4. Білім модельдерін нақты оқу мекемесінің базалық моделдері мен ұйымдастырушылық-білім моделдері деп қарастырған ғалымдар кімдер?

Ш. А. Амоношвили, А. Г. Асмолов, Э. Н. Гусинский.
Н. А. Алексеев, С., В. Д. Пурин, В. В. Сериков
В. Д. Пурин, В. В. Сериков, Д. Пошаев
Э. Н. Гусинский, В. В. Сериков, Д. Пошаев.
Э. Н. Гусинский, В. Д. Пурин, В. В. Сериков.

5. Білім моделдері эзотерикалық, ғылыми-технократтық және гуманитарлық парадигмалар арқылы ұсынылуы мүмкін деп тұжырымдаған ғалым кім?

И. А. Колесникова
Э. Н. Гусинский
Ш. А. Амоношвили
В. В. Сериков
В. Д. Пурин

4. Әдістемелік іскерліктерді қалыптастыру. Әдістемелік қызметті жүзеге асыру деңгейлері мен формалары

"Педагог тұлғасы" ұғымыпедагогикалық іс-әрекеттіңтабысты жүргізілуіне қажетті кәсіби қасиеттер мен сапа кешені туралы түсінікті білдіреді. Педагогтың табысты іс-әрекеті жеке психологиялық алғышарттармен байланысты, оған ең алдымен тұлғаның жалпы, педагогикалық және арнайы қабілеттері кіреді.

Жалпы қабілеттертұлғаның психофизиологиялық дамуымен анықталады: темпераменті, мінез-құлқы, интеллекті арқылы. Мұның өзі іс-әрекет амалдары мен тәсілдерін меңгерудің жылдамдығынан, тереңдігінен және беріктігінен көрініс алады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.