Мұхаммед Пайғамбар

Пән: Дінтану
Жұмыс түрі: Реферат
Тегін: Антиплагиат
Көлемі: 16 бет
Таңдаулыға:

Батыс Қазақста медициналық колледжі

Тақырыбы:Мұхаммед Пайғамбар

Орындаған:Гарабаева Г. Г

Тексерген:Танкиманов А. А

Орал 2012

Жоспар:

Өмірбаяны
Балалық шағы
Пайғамбарымыздың (оған Аллаһтың игілігі мен салемі болсын) қысқаша өмірбаян
Ағынан ақтарылу
Пайғамбарымыздың (с. ғ. с) басшылық қасиеті
Өмір жолы
Расулуллаһтың сәбилiк шағы
Пайғамбардың Исламды жасырын насихаттауы
Ислам дiнiн ашық насихаттауға көшу
Мұхаммедке құрайш руының қарсы шығуы
Пайғамбарға жасалған қастандық әрекеттер
Қабажстанға қашып барып паналау
Пайғамбарымыздың Меккеден Масжидул-Ахсаға пырақпен ұшып жетуi және көкке көтерiлуi
Ислам дiнiнiң Иасриб қаласында тарауы
Иасриб халқының Пайғамбарға серт беруi
Пайғамбардың сапарға дайындалуы және құрылған тордан құтылуы
Пайғамбардың соңынан қуғын салу
Аллаһтың Пайғамбарды қорғауы
Пайғамбардың Құбаға жетуi
Пайдаланған әдебиет
Түсініктемелер

ӨмірбаяныМұхаммедтің жылнамасы

Мұхаммедтің өміріндегі маңызды оқиғалар мен мекендер:

569 Әкесі Абдуллаһтың қайтыс болуы

570 Дүниеге келу ықтимал күн-айы: сәуірдің 20, Мекке

576 Анасы Әминаның қайтыс болуы

578 Атасы Абд әл-Муталибтың қайтыс болуы

583 Сауда жасау мақсатымен Сирияға сапары

595 Хадишамен кездесуі, кейін үйленуі

610 Құранның 1-ші аяттарының түсуі

610 Пайғамбарлықтың берілуі

613 Исләм уағызын ашық күйде жұрт арасында жүргізе бастайды

614 Меккеде мұсылмандарды қинай бастайды

615 Мұсылмандардың Ефиопияға қоныс аударуы

616 Бану Хашим тайпасының бойкоты басталады

618 Мединены мүшріктер қоршайды. Хандак шайқасы

619 Бану Хашим тайпасының бойкоты аяқталады

619 Қайғы жылы: Хадиша анамыз бен Әбу Тәліптің дүниеден өтуі

620 Исра мен Миғраж

622 Мәдинеге көшеді (Хижра)

624 Бадр шайқасы: мұсылмандар меккеліктерді жеңеді

624 Бану Қайнуқаның қуылуы

625 Ухуд шайқасы: мұсылмандар меккеліктерден жеңіледі

625 Бану Надирдің қуылуы

627 Ордағы шайқас

627 Бану Қурайзаның құрауы

628 Худайбия Келісімі

628 Меккедегі Қағбаға рұқсат беріледі

628 Хайбар шайқасы

629 Бірінші қажылық

629 Византия империясына қарсы шабуыл сәтсіз өтеді: Мұғтах шайқасы

630 Меккені қан төкпестен бағындыру

630 Хунайн шайқасы

630 Тағифтың қамауы

631 Араб түбегінің көбін билейді

632 Ғасанидтерге қарсы шабуыл: Табук

632 Қоштасу қажылығы

632 Дүниеден өтуі: маусымның 8, Мәдине

Балалық шағы

Мұхаммед 570 ж. Раби әл-әууәл айында дүниеге келген. Сол кезде ең маңызды тайпалардың бірі боп есептелген Бану Хашим тайпасынан болады. Алайда Мұхаммедтің туған уақытында тайпасының хәлі өте жақсы болмаған делінеді. Әдетте Мұхаммедтің туған жылын Піл жылымен байланыстырады. Сол жылы Аксум патшасы, Абраха, ішінде бірнеше пілі бар әскерімен Меккеге шабуыл жасайды. Бірақ әскер ауруға ұшырап шабуыл сәтсіз аяқталып, содан бері сол жыл арабтарда Піл жылы деп атанған. Бұл оқиға 568 - 569 жж орын алды деген көзқараста білдіріледі.

Мұхаммедтің әкесі, Абдуллах, баласының туғанына 6 ай қалғанда қайтыс болады. Сол заманда, шөлдегі өмір нәресте денсаулығы үшін пайдалы деп есептелінгендіктен, Мұхаммед Бедуин тайпасына тәрбиеге беріледі: екі жасына дейін Халиман бинт Аби Дуяб пен оның күйеуі асырайды. Мұхаммедтің анасы, Әмина, ауруға шалдығып, бала алты жасында болғанда қайтыс болады. Әке-шешесінен айырылып, жетім қалған Мұхаммедті өз қамқорына атасы Абд әл-Мутталиб алады. Бірақ екі жылдан кейін атасы да дүниеден өткесін, бала ағасы Әбу Талибтың қолында қалады.

6-шы ғaсыр соңында Мекке маңызды сауда орталығы болатын. Сонымен қатар, араб құдайларының ғибадатханасына айналған Қағба да Меккеде орналасады. Қажылық кезеңінде көптеген тайпалардың саудагерлері қалаға келіп жиналатын. Мұхаммед бала кезінен ағасына еріп, Сирияға сауда етуге сапар шегетін болады. Жетім болған Мұхаммедке саудагер болудан басқа жол болмайтын.

Пайғамбарымыздың (оған Аллаһтың игілігі мен салемі болсын) қысқаша өмірбаяны

Сүйікті пайғамбарымыз (оған Аллаһтың игілігі мен салемі болсын) 571 жылдың (ешкім нақты қай күн екенін білмейді, ғалымдар арасында ана күні, мына күні деген күндер көп. Нақты күнді білмеу мұсылмандарға насихат Алладан болған, Өйткені бұл күнді тойлап адамдар дінге жаңалық енгізіп, оның соңы Аллаһқа серік қосуға апаруы мумкін), дүйсенбі күні Меккеде дүниеге келді. Әкесі - Абдуллаһ, анасы - Әмина. Дүниеге келген шағында зыр жүгіріп қызмет еткен әйелдер: Шифа, Фатима, оларға Үммү Әйман да қолғабыс жасаған. Олардың айтуынша, пайғамбарымыз (с. ғ. с. ) туыларда үй іші нұрға толып кеткен. Сүйікті пайғамбарымыз (оған Аллаһтың игілігі мен салемі болсын) ИбраҺимнің (оған Аллаһтың салемі болсын) дұғасын алған, Иса (оған Аллаһтың салемі болсын) пайғамбар оның келетіндігін алдын ала сүйіншілеген, анасы Әмина оны түсінде көрген.

Пайғамбарымыз (оған Аллаһтың игілігі мен салемі болсын) туылмай тұрып, әкесі ауырып көз жұмған. Мединеда жерленген. Сондықтан ол әкесін көре алмады. Төрт жасына дейін сүт анасы Халиманың, одан кейінгі екі жыл өз анасы Әминаның қолында өсті. Алты жасында анасы Әмина оны туған-туыстарын аралатып, әкесінің қабірін зиярат етіп қайту үшін Мединеға апарды. Пайғамбарымыздың (оған Аллаһтың игілігі мен салемі болсын) атасы Абдулмұтталибтың шешесі Сәлма мәдиналық болғандықтан, сол жақта туыстары тұратын. Әкесінің қабірі нағашы ағасы Нәбиғаның ауласында еді. Хазреті Әмина баласымен бірге күйеуі Абдуллаһтың қабірін зиярат етті. Хазреті Пайғамбарымыз (оған Аллаһтың игілігі мен салемі болсын) туыстарымен танысып қайтты. Қайтып келе жатып Әбуа атты жерге жеткенде Әмина анамыз ауырып қайтыс болады. Сүйегі сонда қойылды. Осы сапарға бірге шыққан Үммү Әйман пайғамбарымызды (оған Аллаһтың игілігі мен салемі болсын. ) Меккеге әкеліп, атасының қолына табыстайды.

Алты жасынан сегіз жасқа дейін атасы Абдумұтталибтың тәрбиесінде болды. Атасы өлер алдында әкесінің бауыры Әбу Тәліптің үйін паналауды өсиет етеді. Көкесінің қойларын бағып, зыр жүгіріп үйдегі жұмыстарға да қолғабыс тигізеді. Он үш жасынан бастап саудаға араласып, ерекше адалдығымен көзге түседі.

Жиырма бес жасқа келгенде хазреті Хадиша( р. а. ) анамызға үйленді. Ол кезде Хадишаның жасы қырықта еді. Оған үйленерде пайғамбарымыздың (оған Аллаһтың игілігі мен салемі болсын) ел ішінде сенімділігі мен танымалдығы үлкен рөл ойнайды. Отыз бес жасында Қағбаға тасты қоюға таласқан тайпалар арасын татуластырды. Әділ төрелік етті. Олардың арасында тұтанғалы тұрған қақтығысты болдырмады.

Пайғамбарымыз (оған Аллаһтың игілігі мен салемі болсын) қырық жасқа жақындағанда елден жырақ кетіп, жаратылыстың тылсым құпияларына оңашада ой жіберуге құмартты. Ара-тұра Хира тауындағы үңгірге барып-тұруды әдетке айналдырды. Қырық жасқа толған 610 жылдың Рамазан айында Жәбірейіл (ғ. с. ) періште арқылы уахи жолымен ең алғашқы «Оқы! Жаратушы Раббыңның атымен оқы!» деген аяттар түсті. Осыдан барып Жаратушы тарапынан оған «Пайғамбарлық» міндет жүктелді.

Пайғамбарымыздың (оған Аллаһтың игілігі мен салемі болсын) шақыруымен Ислам дінін алғашқылардың бірі болып хазреті Хадиша (р. а. ), Әли (р. а. ), Харисұлы Зәйд (р. а. ) және Әбу Бәкір (р. а. ) қабылдады. Артынша хазреті Оспан (р. а. ), Ауфұлы Абдуррахман (р. а. ), Әбууаққасұлы Саад (р. а. ), Талха (р. а. ) мен Зүбәйрлер (р. а. ) тілін кәлимаға келтіріп мұсылман болды. Алғашқыда Пайғамбарымыз (ғ. с. ) және оған ергендер пұтқа табынушылар тарапынан көп қиындық көрді. Тіпті хазреті Ясир мен әйелі Сүмәйя Аллаһ жолында жанын қиып, алғашқы шейіт болды. Біләл (р. а. ), Әбу Фуқаһа (р. а. ), Әратұлы Хаббаб (р. а. ) секілді ер кісілер мен қатар Үммі Абис ( р. а. ), Нәхдия (р. а. ) мен Зиннира (р. а. ) секілді әйел мұсылмандардың да басына қайғы бұлты үйірілді.

Пайғамбарлықтың алтыншы жылы Хамза (р. а. ) мен Омар (р. а. ) сияқты нағыз қаһарман ер жүрек кісілер Исламды қабылдады. Сол жылдары кейбір мұсылмандар Аллаһ елшісінің (оған Аллаһтың игілігі мен салемі болсын) рұқсатымен Эфиопияға көшті. Пұтқа табынатындар мұсылмандарды оқшаулап жұртпен араласуға шектеу қойып, құртып жіберудің айла-шарғысын жасап бақты. Олармен сауда жасауға, араласуға қатаң тыйым салды. Бұл үш жылға созылды. Пайғамбарлықтың оныншы жылы хазреті Хадиша (р. а. ) мен Әбу Тәліп қатар көз жұмды. Дін дұшпандарының зорлық-зомбылығы тіптен арта түсті. Өйткені, олар беделді де, абыройлы пайғамбарымызға (оған Аллаһтың игілігі мен салемі болсын) көп қолдау көрсеткен жақындары еді. Қатты қайғырған Пайғамбарымыз(оған Аллаһтың игілігі мен салемі болсын) өзіне қолдау іздеп Тайыф қаласына барды. Бірақ, тайыфтықтар оны келеке етіп таспен атқылап, үсті-басын қан-жоса етті. Шаһар сыртындағы тауды паналап әрең аман қалды.

Осындай аса қиын- қыстау кезеңде пайғамбарымыздың (оған Аллаһтың игілігі мен салемі болсын) өмірінде «Миғраж» оқиғасы орын алды. Аллаһ тағаланың құзырына барып, оның бірқатар бұйрықтарын тікелей Өзінен естіп-біліп қайтты. «Исра» сүресінің 22-39 аяттарында айтылатын 12 бұйрық та осы түні түскен болатын.

Қиындықтардың ешқайсысына мойымай Аллаһтың елшісі (оған Аллаһтың игілігі мен салемі болсын) Исламды уағыздауды жалғастыра берді. Арада бір-екі жыл өткенде «Ақаба анттары» қабылданды. Артынша-ақ, Аллаһ тағаланың аян беруімен пайғамбарымыздың (с. ғ. с. ) нұсқауымен мұсылмандар Меккеден Мединеға көшті. Хижра жыл санауы осылай басталған болатын. Жұрттың соңында Расулымыз (оған Аллаһтың игілігі мен салемі болсын) қасына Әбу Бәкірді (р. а. ) ертіп Меккеге жол тартады. Пұтқа табынушылар олардың ізін өкшелеп Сәуір үңгіріне дейін қуып барады.

Пайғамбарымыз (оған Аллаһтың игілігі мен салемі болсын) Меккеден Мединаға көшкен мұсылмандарды - мұһажирлар, ал, оларға қол ұшын берген мәдиналықтарды - ансарлар (бауыр) деп жариялады. Мүшріктер мен мұсылмандар арасында Бәдір, Ұхуд, Хандақ, Мүрәйсі секілді бірнеше соғыстар болды. Медине маңайын бұрыннан мекен етіп келе жатқан иаһудилер бар еді. Қайнұқа, Нәдір мен Құрайза деп аталатын бұл иаһуди тайпалары мұсылмандармен тістесіп, тіресуін қоймады. Үнемі арадағы келісімдерді орындамай бұзып отырғандықтан, олар ол маңнан қуылады. 630 жылы Меккені азат етті. Кезінде өзі қуылған Меккеге қайта басып кіргенде пайғамбарымыз (оған Аллаһтың игілігі мен салемі болсын) өзіне жаманшылық жасағандардың барлығын кешірді.

Аллаһ елшісі(оған Аллаһтың игілігі мен салемі болсын) 632 жылы қажылық кезінде Арафатта жүз мыңнан аса мұсылмандарға арнап сөз сөйледі. Исламның қысқаша түсінігі, адам құқықтары жөнінен өте үлкен мәнге ие бұл сөзі Ислам тарихында қоштасу хұтпасы деп аталды. Ислам дінін асқан сабырлылықпен, үлкен ыждағаттылықпен адамзат баласына жеткізген сүйікті пайғамбарымыз (оған Аллаһтың игілігі мен салемі болсын) 632 жылы дүйсенбі күні бақилыққа аттанды. Жаназа намазы өз үйінде оқылып, ол жерге арулап жерленді.

Ағынан ақтарылу

Батыс ойшылдары Мұхаммед (с. ғ. с. ) пайғамбар туралы

«Мен мынаны мойындаймын; Мұхаммед - ғажап бір күш. Жаратушы мұндай кісіні екінші рет жарата қоймас. Ей, Мұхаммед, сенің замандасың бола алмағаныма қатты өкінемін. Өзің таратқан мына кітап сенікі емес. Ол Құдайдікі. Бұл кітаптың Аллаһтан екенін мойындамау - ғылымды түгелдей жоққа шығарғанмен бірдей күлкілі нәрсе. Адамзат баласы сен секілді ғажап адамды бір-ақ рет көрді, ендігәрі көре алмас. Мен сенің алдыңда құрметпен бас ием» Пренс Отто Вон Бисмарк .

«Саған жапқан жаламыздың бәрі шындығында біз үшін өте ұят. Ол - жаны жайсаң, тұлғасы биік, барынша байсалды жан. Мақсаты - дүниені жарыққа бөлеу болды. Өйткені, мұны Жаратушының өзі оған бұйырған». Томас Карлиль .

«Мұхаммедтің ақыл-парасаты патшалық сән-салтанаттың өзін түкке тұрғысыз, өте қарабайыр деп білді. Аллаһтың елшісі өз отбасында қызметші секілді от жағып, үй сыпырды, қой сауып, киімдері мен аяқ киімдерін өзі тікті. Мемлекет әрі дінбасы екенін "ұмытып", таза табиғи қалпынан аумай-ақ, тақуа ғұмыр кешті». Эдуард Гиббон .

«Ол мемлекеттің де, мешіттің де басшысы. Бір өзі Цезарь, бір өзі Папа десе болады. Бірақ бітімі бөлек. Папаның жасандылықтарынан аулақ Папа, арнайы қорғаушысы, тұрақты қарулы әскері, полиция күші, не тұрақты кірісі жоқ Цезарь. Егер тарихта қай жағынан алсаңыз да, Құдайлық негізге сай үкім берген бір жан болса ол сөзсіз Мұхаммед болып шығады. Өйткені, ол ең мықты бола тұра күштілікке елеусіз қарады. Өмірі қаншалықты қарапайым болса, халықтың арасында да сол әдетінен айныған жоқ. Мұхаммедтің дінінде барлық нәрсе басқаша. Ол жайындағы тарихи мәліметтер көлеңкелі, қалтарыс-бұлтарысты емес, барынша айқын. Оның өз міндетін бастауындағы ішкі жағдаяттары да бізге жақсы аян, өйткені, оған ешқандай күмән келтірілмейтіндігі Құран арқылы қуатталған». Реверед Босуорт Смит.

«Егер мақсаттың ұлылығы сайманның аздығы, нәтиженің таңғаларлығы, адам данышпандығы арқылы өлшенетін болса, жаңа кезеңде Мұхаммедпен кім теңесе алады? Мұхаммед - философ, шешен, елші, тапқыр. Адамның ұлылығын анықтайтын өлшемдер шеңберінде қарастырып көрейікші, одан өткен ұлы адам бар ма?» Альфонс де Ламартин .

«Алдағы жүз жылдықта Англияны, жо-жоқ, бүкіл әлемді жайлайтын бір дін болса ол - Ислам болуы мүмкін. Кісі таңғаларлық шапшаңдығы үшін мен Мұхаммедтің дінін өте жоғары бағалаймын. Бұл дін тұрмыстың барлық жағдайларына бейімделе алатын, қай ғасырға да сай дін ретінде көзге түсуде. Ол ғажап кісіні мен зерттедім. Оны адамзаттың құтқарушысы деп білген жөн. Дәл сондай бір адам қазір әлемді басқарса, бейбітшілік пен татулықты орнықтыра отырып, барлық мәселелерді шешер еді. Мен былай топшылаймын: Мұхаммедтің сенімін ертеңгі Еуропа қабылдайды, оны тіпті бүгінгі Еуропаның өзі қабылдай бастағаны белгілі» Бернард Шоу.

«Әлемге үлкен өзгеріс әкелген адамдардың ең алдыңғысы ретінде Мұхаммедті қоюыма кейбір оқырмандарым таңғалуы мүмкін. Алайда, тарихта рухани әрі материалды салада бірдей жетістікке жеткен адам жалғыз ғана Мұхаммед екені даусыз. Мұхаммедтің Исламға деген ықпалы Иса Мәсіх пен Қасиетті Павелдың Христиан дініне жасаған ықпалынан әлдеқайда басым. Мемлекет жүйесі мен дін жүйесін қатар түйістіре білуінен-ақ, оның тарихтағы ең ықпалды тұлға екенін көреміз». Майкл Харт.

«Ол ұмми болса да ғалам кітабын өте жақсы оқығандықтан өзімен тайталасқан небір оқымысты, ақылдыларға дес бермеген. Сондай-ақ, ізінен ергендер арасындағы деңгейі ең төмендермен де оңай тіл табыса білген. Теңдессіз шешендік пен арды, сезімталдықты бір жерге түйістіре алуы оның ықпалын арттыра түсті. Оның риясыз, шын пейілмен іс жасайтындығы жүзінен-ақ белгі беріп тұрған. Бұл - адамға деген үлкен ізет-құрметін білдіретін. Ол оқымыстыны да, хат танымайтын адамды да баурап алатын, оларға бағыт-бағдар сілтейтін тамаша қасиетке ие болған» Чарлз Стюарт Миллс.

«Мұхаммед - өмір шындығын бүкпесіз ұғына біліп, оны ғұмырының арқауы еткен тарихтағы санаулы бақытты адамдардың бірі. Ол - Аллаһ тағаланың елшісі. Өмірінің соңына дейін өзінің кім екенін ұмытпай, жаратылыс мақсатын ұқтыратын қызметін қалтқысыз атқара білді. Хақтан алған хабарларын өте үлкен жауапкершілікті сезіне отырып, сондай бір байсалдылықпен әрі асқан кішіпейілділікпен "өте дәмді" етіп халыққа жеткізе білді». Станлэй Лан-Пул .

Пайғамбарымыздың (с. ғ. с) басшылық қасиеті

Мединеға һижрет етумен қатар басталған жаңа қоғамдық құрылыстың өзіне тән қиындықтары бар болатын. Бұл қиындықтарды жеңу белгілі бір ұстанымдарды негізге алуды қажет етті. Осы ұстанымдардың бірін Құран Кәрім: "Аллаһ сізге жеңілдік тілейді, қиындықты қаламайды", (Бақара сүресі, 185) - деп белгілейді. Әлгі ұстанымдардың ішінде ең маңыздысы - жеңілдікті таңдау болатын. Сол үшін де Пайғамбарымыз (с. ғ. с) үнемі қолайлы жолды қалайтын. Оның осы таңдауы Пайғамбарлық міндетінің сәтті жүзеге асуына жағдай жасады. Аллаһ Елшісі (с. ғ. с) сахабаларына үнемі шамалары келетін міндетті жүктейтін. Хазірет Айша анамыз: Мединеға һижрет етумен қатар басталған жаңа қоғамдық құрылыстың өзіне тән қиындықтары бар болатын. Бұл қиындықтарды жеңу белгілі бір ұстанымдарды негізге алуды қажет етті. Осы ұстанымдардың бірін Құран Кәрім: "Аллаһ сізге жеңілдік тілейді, қиындықты қаламайды", (Бақара сүресі, 185) - деп белгілейді. Әлгі ұстанымдардың ішінде ең маңыздысы - жеңілдікті таңдау болатын. Сол үшін де Пайғамбарымыз (с. ғ. с) үнемі қолайлы жолды қалайтын. Оның осы таңдауы Пайғамбарлық міндетінің сәтті жүзеге асуына жағдай жасады. Аллаһ Елшісі (с. ғ. с) сахабаларына үнемі шамалары келетін міндетті жүктейтін. Хазірет Айша анамыз: "Расулуллаһ (с. ғ. с) сахабаларға бұйрық бергенде, әрдайым атқарылуы оңай істерді әмір ететін", (Сахих-и Бухари ве тежрит тержемиси, 1, 36-б) - деп баяндайды. Пайғамбарымыз (с. ғ. с) бір сөзінде: "Сіздерге бір нәрсені тиым салсам, міндетті түрде одан қашыңыздар, бір нәрсені бұйырғанымда шамаңыз келгенше оны орындауға тырысыңыз", (Бухари, Итисам, 2) -деген. Аллаһ Расулы (с. ғ. с) үнемі айналасындағы адамдардың жағдайын ойлап жүретін. Әнес б. Малик бұл жайында: "Расулуллаһ (с. ғ. с) адамдардың ішінде намазды өте жеңіл оқытатын еді. Расулуллаһ намаз оқытып жатқанда анасының жанында жылаған бір баланың дауысын естісе қысқа сүре оқитын" (Бухари, Азан, 65) - деп айтқан.

... жалғасы

Сіз бұл жұмысты біздің қосымшамыз арқылы толығымен тегін көре аласыз.