Мемлекеттік емес өртке қарсы қызметі бастығы - жол бөлімшесі шегіндегі МЕӨҚҚ бас инспекторы

Жұмыс түрі: Материал
Тегін: Антиплагиат
Көлемі: 42 бет
Таңдаулыға:

Кіріспе

Қауіпсіздік техникасы - еңбекті қорғаудың бір түрі, жұмыс атқарушыларға қауіпті өндірістік факторлардың әсеретуіне жол бермейтін ұйымдастырушылық және техникалық шаралар мен құралдардың жүйесі, еңбекті қорғау қағидаларының кұрамдас бөлігі. Жұмыскерлердің денсаулығы мен өміріне қауіп төндіретін өндіріс жағдайларының алдын алудың ұйымдастырушылық - техникалық шаралары мен құралдарының жүйесі. Барлық электрқондырғылары өртке және жануға әкеліп соғатын қысқа тұйықталудан және басқа да дұрыс емес режимнен сақтайтын аппараттармен қорғалуы қажет. Сақтандырғыштардың балқыма қоспаларының нақты тоғы таңбада көрсетіліп, калибрленген болуы қажет (таңбаны дайындаушы зауыт немесе электртехникалық зертханасы қояды) . Барлық тоқ жүретін бөліктер, бөлу қондырғылары, аппараттар мен өлшеуіш аспаптар, сондай-ақ жарылғыш үлгідегі сақтандырғыш құрылғылары, ажыратқыштар және барлық іске қосатын аппараттар мен аспаптар тек жанбайтын негізде құрастырылуы қажет (мрамор, текстолит, гетинакс) . Сымдар мен кабельдерді жалғау, тармақтау және түйіндеу өртке қатысты қауіпті жағдайларды болдырмау үшін сығымдау, дәнекерлеу, пісіру және арнайы қысқыштар көмегімен жүргізу қажет. Техникалық қызмет ету жөніндегі жұмыс түрлері: тексеру, сипаттамаларды өлшеу, реттеу, тазалау, бояу, ескірген заттарды ауыстыру, қайта қалпына келтіру болып табылады. Автоматика және телемеханика құрылғыларының техникалық қызмет көрсетуін аға электромеханиктер, электромеханиктер, электромонтёрлар атқарады. Құрылғыларды жөндеу және қызмет көрсету ретін сигнал беру және байланыс дистанциясының бастығы орнатады.

Аға электромеханиктің міндеті - автоматика және телемеханика құрылғыларын жөндеу және сапалы қызмет көрсетуін қамтамасыз ету болып табылады. Қызмет ету құрылғыларының күйін білу, техникалық қызмет көрсетуін жоспарлық-графиктік бекітілуі бойынша құрылғыларды жүйелі түрде тексеру, құрылғылар жұмысының сенімділігін арттыру, пойыздар қозғалысының қауіпсіздігін қамтамасыз ету болып табылады.

Электромеханиктің міндеті - құрылғыларды жөндеу, монтаждау, өлшеу және реттеу, қасындағы жұмысшыларды техникалық қызмет көрсету-ге үйрету қызметін қамтамасыз етеді.

Электромонтёрдiң міндеті - слесарлық және монтаждау жұмыстарын орындай білу, сонымен қатар өлшеу құрал-жабдықтарын пайдалана білу, құрылғылардың қызмет көрсетуіне байланысты электромеханиктердің тапсырмасын орындау.

1. Қауіпсіздік техникасы және өртке қарсы қауіпсіздік

1. 1 Қауіпсіздік техникасы және өртке қарсы қауіпсіздік техникасы бойынша нұсқаулық, құжаттарды жасау, кәсіпорынмен танысу

Қауіпсіздік техникасы жөніндегі шаралардың жүзеге асырылуы, сондай-ақ қауіпсіздік техникасы техникалық құрамдарының жасалуы мен қолданылуы нормативтік - техникалық құжаттаманың - стандарттардың, ережелердің, нормалардың, нұсқаулардың негізінде жүргізіледі. Қауіпсіздік техникасы - еңбекті қорғаудың бір түрі, жұмыс атқарушыларға қауіпті өндірістік факторлардың әсеретуіне жол бермейтін ұйымдастырушылық және техникалық шаралар мен құралдардың жүйесі, еңбекті қорғау қағидаларының кұрамдас бөлігі. Жұмыскерлердің денсаулығы мен өміріне қауіп төндіретін өндіріс жағдайларының алдын алудың ұйымдастырушылық - техникалық шаралары мен құралдарының жүйесі.

Қазақстан Республикасындағы Өрт қауіпсіздігі ережесі (бұдан әрі - Ереже) азаматтардың өмірі мен денсаулығын, жеке, заңды тұлғалардың мүлкін, меншік нысанына қарамастан, мемлекеттік мүлікті қорғау, қоршаған ортаны қорғау мақсатында меншік нысанына қарамастан, жеке тұлғалардың, сондай-ақ заңды тұлғалардың оларды қолдануы және орындауы үшін өрт қауіпсіздігі талаптарын анықтайды. Өрт қауіпсіздігін қамтамасыз ету және өрт сөндіру меншік нысанына қарамастан, ұйымдардың, кәсіпорындардың басшыларына жүктеледі. Ұйымдар мен кәсіпорындардың басшылары атқаратын лауазымы бойынша немесе қолданыстағы нормативтік құқықтық және басқа да актілер күшінде орындалатын жұмыстың сипатына қарай тиісті өрт қауіпсіздігі ережелерін орындайтын және белгілі жұмыс телім-дерінде олардың сақталуын қамтамасыз ететін тұлғаларды тағайындайды.

Ұйымның барлық жұмысшылары тек өртке қарсы нұсқаулықтан өткеннен кейін ғана жұмысқа жіберіледі, ал жұмыс сипаты өзгерген жағдайда ұйым басшылары бекіткен тәртіппен ықтимал өрттердің алдын алу және сөндіру бойынша қосымша оқудан өтеді. Ұйым жұмысшыларын объекті-лердегі өрттердің алдын алу және олармен күресу бойынша жұмысқа жұмыл-дыру үшін өрт - техникалық комиссиясы мен ерікті өртке қарсы құрамалары құрылады. Мүлік иелері, мүлікке иелік етуге, пайдалануға және билік етуге уәкілетті тұлғалар, оның ішінде ұйымның басшылары мен лауазымды тұлғалары, өрт қауіпсіздігін қамтамасыз ету үшін белгіленген тәртіппен тағайындалған жауапты лауазымды тұлғалар:

1) өрт қауіпсіздігі талаптарын сақтауға, сондай-ақ өртке қарсы қызметі органдарының ұйғарымдамалары мен басқа да заң талаптарын орындауы;

2) өрт қауіпсіздігін қамтамасыз ету жөніндегі шараларды әзірлеуге және жүзеге асыруы;

3) өртке қарсы үгіт - насихат жүргізуге, сондай - ақ өз жұмысшыларына өрт қауіпсіздігі шараларын оқып - үйретуі;

4) белгіленген нормаға сәйкес өртке қарсы қызметі бөлімшелерін құруы және ұстауы;

5) өрт сөндіру жүйелері мен құралдарын жарамды күйде ұстауы, оларды мақсатсыз пайдалануға жол бермеуі;

6) өрт сөндіру, олардың пайда болу себептері мен шарттарын және дамуын анықтау кезінде, сондай-ақ өрт қауіпсіздігі талаптарының бұзылуына және өрттердің пайда болуына кінәлі тұлғаны анықтауда өртке қарсы қызметіне көмек көрсетуі;

7) өрттерді анықтаудың және сөндірудің автоматтандырылған құралдарын енгізу жөніндегі шараларды жүзеге асыруы;

8) өртке қарсы қызметінің өкілдеріне заңнамада белгіленген тәртіппен ұйымдардың аумағында өздерінің қызметтік міндеттерін жүзеге асыру кезінде рұқсат беруі;

9) өртке қарсы қызметі органдарына өрт қауіпсіздігінің жай-күйі туралы, оның ішінде өндірілетін өнімдердің өрт қауіптілігі туралы, сондай-ақ аумақтарда болған өрттер мен олардың салдарлары туралы мәліметтер мен құжаттарды тапсыруы;

10) болған өрттер, өртке қарсы қорғаныс жүйелері мен құралдарының жарамсыздығы туралы, жолдар мен кірме жолдар жай-күйінің өзгерістері туралы өртке қарсы қызметіне дереу хабарлауы тиіс.

Заттарды, материалдарды, бұйымдар мен жабдықтарды дайындаушылар (жеткізушілер) тиісті техникалық құжаттарда осы заттардың, материал-дардың, бұйымдар мен жабдықтардың өрт қауіпсіздігінің көрсеткіштерін, сондай-ақ оларды пайдалану кезінде өрт қауіпсіздігі шараларын көрсетеді.

Барлық өндірістік, әкімшілік, қойма мен қосалқы үй-жайларда телефондар-дың жанында өртке қарсы қызметті шақыратын телефон номері көрсетілген кесте ілінеді. Әрбір ұйымда бұйрықпен (нұсқаумен) олардың өрт қауіптілігі-нің тиісті өртке қарсы тәртібі орнатылады, оның ішінде:

1) ашық отты пайдалану тәртібі мен қауіпсіздік шаралары анықталады;

2) темекі шегуге арналған орындар анықталады және жабдықталады;

3) өрт сөндіру автокөліктерінің объектіге өту тәртібі анықталады;

4) үй-жайларда бір мезгілде сақталатын шикізат пен толық және жартылай дайын өнімдердің орны мен саны анықталады;

5) жанармай қалдықтары мен тозаңдарды тазалау, майлы арнайы киімдердің сақталу тәртібі белгіленеді;

6) өрт болған жағдайда және жұмыс күнінің соңында электр жабдықтарын ток көзінен ажырату тәртібі анықталады;

7) уақытша отты және басқа да өрт қаупі бар жұмыстарды жүргізудің тәртібі белгіленеді;

8) жұмыс аяқталғаннан кейін бөлмелерді тексеру, жабу тәртібі белгіленеді;

9) өрт кездегі жұмысшылардың іс-қимылдары белгіленеді;

10) мамандықтар (лауазымдар) тізбесі, өртке қарсы нұсқаулық пен өрт-техникалық минимумы бойынша сабақтар өткізудің мерзімі мен тәртібі анықталады, сондай-ақ оны өткізуге жауаптылар тағайындалады.

Өрт қауіпсіздігі шаралары туралы нұсқауларға қойылатын талаптарға сәйкес әр объектіде әрбір өрт жарылыс қаупі және өрт қаупі бар телімдерге (шеберханаларға, цехтарға) арналған өрт қауіпсіздігі талаптарына сай нұсқаулар әзірленеді. Бір мезгілде оннан астам адам болатын ғимараттар мен құрылыстарда (тұрғын үйлерден басқа) өрт болған жағдайда адамдарды көшіру жоспарлары (кестелері) әзірленіп, көрнекті жерге ілінеді, сондай-ақ адамдарды өрт туралы құлақтандыру жүйесі (қондырғысы) қарастырылады.

Жарықтандырылған, дыбысты және көрнекті хабарландырушы дабыл қаққыштар аталған санаттағы тұлғалар болатын үй-жайларға, сондай-ақ әрбір көшіру, авариялық шығу және көшіру жолдарында орнатылуы тиіс. Жарық беруші белгілер түріндегі жарық дабылдары дыбысты дабылдармен бір мезгілде қосылады. Жарық дабылының жыпылықтау жиілігі 5 Гц аспауға тиіс. Көрнекті ақпараттар қарама-қарсы түстегі жерлерге көру қашықтығына сәйкес келетін белгілер өлшемімен орнатылады. Мұндай ұйымдарға қызмет көрсетуші тұлға өртке қарсы қызметі органдарымен келісілген нұсқау бойынша қозғалысы нашар санатқа жататын тұлғаларды көшіру бойынша арнайы оқудан өтуі тиіс. Ұйым жұмысшылары, сондай-ақ азаматтар:

1) өрт болған жағдайда өртке қарсы қызметі бөлімшесіне хабарлауы және адамдарды, мүліктерді құтқаруға қажетті шараларды қолдануы және өртті жоюы;

2) газ құралдарын, тұрмыстық химия заттарын пайдалану, тез тұтанғыш және жанғыш сұйықтықтармен, басқа да өртке қатысты қауіпті заттармен, материалдармен және жабдықтармен жұмыс істеу кезінде сақтану шараларын орындауы тиіс.

1. 2 Кәсіпорын базасында қауіпсіздік техникасы бойынша кіріспе нұсқаулығы

Электр желілерін, электр қондырғылары мен электртехникалық бұйымдарын жобалау, монтаждау, іске қосу, пайдалану, сондай-ақ олардың техникалық жай-күйін тексеру, тұтынушылардың электрқондырғыларын техникалық пайдалану нормаларына (бұдан әрі - ТПН), тұтынушылардың электрқондырғыларын пайдалану кезіндегі техникалық қауіпсіздік норма-ларына (бұдан әрі - ТҚН) сәйкес жүзеге асыруы қажет. Электр қозғалтқыш-тардың, электр шамдарының, басқару аппараттарының, іске қосуды реттеу-шінің, бақылау өлшеу және қорғау аппаратурасының, қосалқы жабдықтар-дың, электр сымдары мен кабель желілерінің электр қозғалтқыштардың техникалық нормалары бойынша аймақтардың класына сәйкес қорғау қабаты болуы қажет. Барлық электрқондырғылары өртке және жануға әкеліп соғатын қысқа тұйықталудан және басқа да дұрыс емес режимнен сақтайтын аппараттармен қорғалуы қажет.

Сақтандырғыштардың балқыма қоспаларының нақты тоғы таңбада көрсетіліп, калибрленген болуы қажет (таңбаны дайындаушы зауыт немесе электртехникалық зертханасы қояды) . Барлық тоқ жүретін бөліктер, бөлу қондырғылары, аппараттар мен өлшеуіш аспаптар, сондай-ақ жарылғыш үлгідегі сақтандырғыш құрылғылары, ажыратқыштар және барлық іске қоса-тын аппараттар мен аспаптар тек жанбайтын негізде құрастырылуы қажет (мрамор, текстолит, гетинакс) . Сымдар мен кабельдерді жалғау, тармақтау және түйіндеу өртке қатысты қауіпті жағдайларды болдырмау үшін сығым-дау, дәнекерлеу, пісіру және арнайы қысқыштар көмегімен жүргізу қажет.

Электр желілерін уақытша пайдалануға және қондыруға болмайды. Құрылыс және уақытша жөндеу-құрастыру жұмыстарында иллюимнациялық қондырғылар мен электр сымдары уақытша қойылуы мүмкін. Тасымалды шамдар қорғаушы шыны қалпақтармен және торлармен жабдықталуы қажет. Осы шамдар мен басқа да тасымалды электр аппараттары үшін ықтимал механикалық әсерді есепке ала отырып, осы мақсатқа арналған иілгіш кабельдер мен мыстан жасалған сымдар қолданылады. Үй-жайларда жұмыс соңына қарай кезекші қызметкердің болмайтындығына байланысты электр қондырғылар мен тұрмыстық электр құралдары тоқтан ажыратылуы тиіс, бұдан басқа кезекшілік жарық көздері, өрт сөндіру мен өртке қарсы сумен қамтамасыз ету қондырғылары, өрт және күзет дабылдары ғана тоқ көзіне жалғанады. Басқа да электр қондырғылары мен электртехникалық бұйымдар (оның ішінде тұрғын үйлерде де) тек қана олардың қызмет ету мақсатына немесе пайдалану нұсқауына сәйкес болса ғана тоқ көзінен ажыратылмайды.

Электр берілісінің (оның ішінде уақытша және салынған кабельмен) ауа жолдарын жанғыш жабынның, шатырдың, сондай-ақ жанғыш заттар, материал мен бұйымдар сақтайтын ашық қоймалардың (қатарлардың, маялардың) үстінде пайдалануға және орнатуға жол берілмейді. Жарық беруші электр желісі ғимараттардың жанғыш құрылыстары мен жанғыш материалдарға тимейтіндей етіп құрастырылуы тиіс. Электр қозғалтқыш-тары, электр шамдары, сымдар мен бөліп тарату қондырғылары тозаңнан айына кемінде екі реттен, ал едәуір тозаң бөлінетін үй-жайлар айына кемінде төрт реттен тазартылып тұруы қажет. Электр қондырғыларын пайдалану кезінде:

1) дайындаушы ұйымдардың нұсқаулықтарының талаптарына сәйкес келмей-тін немесе пайдалану жөніндегі нұсқаулықпен сәйкес өрттің шығуына әкеп соғатын ақауы бар электр қабылдағыштарды пайдалануға, сондай-ақ зақым-далған немесе оңашалаудың қорғағыштық қасиетін жоғалтқан электр сымдары мен кабельдерді пайдалануға;

2) бүлінген розеткаларды, ажыратқыштарды, басқа да электр қондырғыш бұйымдарын пайдалануға;

3) электр шамдары мен шырақтарды қағазбен, матамен немесе басқа да жанғыш материалдармен орауға, сондай-ақ құрылымда қарастырылған шырақтарды қалпақсыз пайдалануға;

4) өрт қаупін болдырмайтын жанбайтын жылу оқшаулағыш материалдан жасалған тіреуі мен жылу қорғағыш қондырғысы жоқ электр үтіктерін, плиталарын, шәйнектері мен басқа да жылытқыш құралдарды пайдалануға жол берілмейді. Құрылымда қарастырылған термореттегіші жоқ немесе жарамсыз электржылытқыш құралдарын пайдалануға;

5) стандартқа сай келмейтін (қолдан жасалған) электр жылытқыштарды қолдануға, қысқа тұйықталу мен артық салмақтан қорғайтын қолдан жасалған аппараттарды пайдалануға;

6) электр қалқандарының, электр қозғалтқыштары мен іске қосушы аппаратуралардың жанында жанғыш (оның ішінде тез тұтанғыш) заттар мен материалдарды орналастыруға (жинауға) ;

7) транзиттік электрсымдары мен кабельдік желілерді қойма бөлмелері арқылы, сондай-ақ электр қозғалтқыштардың техникалық нормалары бұза отырып жарылыс және өрт қаупі бар аймақтар арқылы орнатуға;

8) электр жылытқыш құралдарын барлық жарылыс және өрт қаупі бар орындарда пайдалануға жол берілмейді. Софитты орналастыру кезінде тек жанбайтын материалдарды пайдалану қажет, ал олардың қаңқалары зақымдаушы арқандармен оқшаулануы қажет.

Прожекторлар мен софиттерді жанғыш материалдар мен құрылыстар-дан кемінде 0, 5 м, ал линзалық прожекторларды кемінде 2 м қашықтықта орналастыру керек. Прожекторлар мен софиттерге арналған жарық сүзгіштер жанбайтын материалдардан болуы қажет. Қысқа тұйықталу мен ұшқын шығаратын, кабельдер мен сымдарды қыздыратын электр желілері мен аппараттары тез арада кезекші тұлға арқылы қауіпті жағдайға жеткізбестен сөндірілуі тиіс. Ақауы бар электр жүйесі өрт қауіпсіздігі жағдайына келтіріл-генше ажыратылуы тиіс.

Теміржол көлігінде өрт қауіпсіздігі бойынша профилактикалық жұмыстар жүргізу және өрттердің салдарын жою қағидалары (бұдан әрі - Қағидалар) Қазақстан Республикасының «Қазақстан Республикасындағы көлік туралы» 1994 жылғы 21 қыркүйектегі және «Азаматтық қорғау туралы» 2014 жылғы 11 сәуірдегі заңдарына сәйкес әзірленген.

Қағидалар теміржол көлігіндегі мемлекеттік емес өртке қарсы қызметі (бұдан әрі - МЕӨҚҚ) үшін теміржол көлігіндегі өрт қауіпсіздігі және өрттердің салдарын жою бойынша профилактикалық жұмыстарды ұйымдас-тыру және жүзеге асыру тәртібін айқындайды. Өрт қауіпсіздігі бойынша профилактикалық жұмыстарды жүзеге асыратын МЕӨҚҚ лауазымды тұлғалары болып мыналар табылады:

1) Мемлекеттік емес өртке қарсы қызметі бастығы - МЕӨҚҚ бас инспекторы;

2) Мемлекеттік емес өртке қарсы қызметі бастығының орынбасары - МЕӨҚҚ аға инспекторы;

3) Мемлекеттік емес өртке қарсы қызметі бас мамандары, мамандары - МЕӨҚҚ инспекторы;

4) жол бөлімшесі шегіндегі Мемлекеттік емес өртке қарсы қызметі бастығы - жол бөлімшесі шегіндегі МЕӨҚҚ бас инспекторы;

5) жол бөлімшесі шегіндегі Мемлекеттік емес өртке қарсы қызметі бастығының орынбасары - жол бөлімшесі шегіндегі МЕӨҚҚ аға инспекторы;

6) Мемлекеттік емес өртке қарсы қызметі өрт профилактикасы жөніндегі аға нұсқаушы, нұсқаушы, өрт сөндіру пойызының бастығы және оның орынбасары, жол бөлімшесі шегінде өрт сөндіру пойызының немесе бекетінің қарауыл (бөлімше) бастығы (қызмет көрсету аймағы шегінде) - жол бөлімшесі шегінде МЕӨҚҚ инспекторы.

Мемлекеттік емес өртке қарсы қызметі лауазымды тұлғалары өз қызметінде «Азаматтық қорғау туралы» Қазақстан Республикасының Заңын, өрт қауіпсіздігі саласындағы Қазақстан Республикасының өзге де нормативтік құқықтық актілерін және осы Қағидаларды басшылыққа алады.

Мемлекеттік емес өртке қарсы қызметі теміржол көлігі ұйымдарының стационарлық объектілері мен жылжымалы құрамында (бұдан әрі - объект) өрт қауіпсіздігі бойынша профилактикалық жұмыс жүргізуді ұйымдастыруға жалпы басшылықты және бақылауды Мемлекеттік емес өртке қарсы қызметі бастығы жүзеге асырады. Жол бөлімшесі шегінде Мемлекеттік емес өртке қарсы қызметі өрт қауіпсіздігі бойынша профилактикалық жұмыстарды ұйымдастыру мен жүргізуге басшылықты және бақылауды жол бөлімшесі шегінде МЕӨҚҚ бастығы жүзеге асырады. Мемлекеттік емес өртке қарсы қызметі функцияларын жүзеге асыру кезінде МЕӨҚҚ жоғары тұрған инспекторларының нұсқаулары мен өкімдері МЕӨҚҚ төмен тұрған инспекторлары орындауы үшін міндетті. Өзге лауазымды адамдардың олардың қызметіне араласуына жол берілмейді.

Мемлекеттік емес өртке қарсы қызметі жоғары тұрған инспекторлары қажет болған жағдайларда МЕӨҚҚ төмен тұрған инспекторларының шешімдерін жоя алады. Мемлекеттік емес өртке қарсы қызметі лауазымды адамадары өздеріне жүктелген міндеттерді өрт сөндіру техникалық комиссияларымен (бұдан әрі - ӨТК), объектілердің өртке қарсы ерікті құралымдарымен (бұдан әрі - ӨҚЕҚ), мемлекеттік өртке қарсы қызмет органдарымен тығыз өзара іс-қимылда шешеді.

Өрт қауіпсіздігі жөніндегі мәселелерді шешуге байланысты құжаттар-ды куәландыру үшін МЕӨҚҚ бөлімшелеріндегі мөрлер пайдаланылады. Мемлекеттік емес өртке қарсы қызметі лауазымды адамдары оларға жүктелген өрт қауіпсіздігі бойынша профилактикалық жұмыстарды жүргізу функцияларын орындамағаны үшін жауапкершілікте болады. Мемлекеттік емес өртке қарсы қызметі қызметкерлерін осы Қағидалармен байланысы жоқ, оларға тән емес жұмыстар мен функцияларды орындауға тартуға жол берілмейді. Мемлекеттік емес өртке қарсы қызметі лауазымды адамдарының қызметін ұйымдастыру МЕӨҚҚ тиісті деңгейлерінде жүзеге асырылады. Профилактикалық жұмысына тікелей басшылықты, оны жоспарлауды, өрттерді және объектілердің өртке қарсы жай-күйін талдауды Мемлекеттік емес өртке қарсы қызметі бастығы, жол бөлімшесі шегінде тиісті жол бөлім-шесінің МЕӨҚҚ бастығы жүзеге асырады.

Өрт қауіпсіздігі бойынша профилактикалық жұмысты жүзеге асыру үшін МЕӨҚҚ басқарушы құрамына МЕӨҚҚ бастығы бекіткен тізбе бойынша өртке қатысты аса қауіпті объектілер бекітіледі. Өрт қауіпсіздігі бойынша профилактикалық жұмысын жүзеге асыратын МЕӨҚҚ лауазымды адамдары қызмет көрсетілетін объектілердің өзіндік ерекшелігін зерделейді, өрттердің шығу себептерін, объектілердің өрт қауіпсіздігі жай-күйі мен жоюға ұсыныл-ған өрт қауіпсіздігі талаптарын бұзушылықтарды, оның ішінде өрт қауіпсіз-дігі саласындағы бақылау жөніндегі мемлекеттік инспекторлардың ұсынған талаптарын орындау дәрежесін талдайды, олардың өрт қауіптілігін азайту жөніндегі іс-шараларын әзірлейді, өрттің алдын алуға бағытталған іс-шара-ларды бірлесіп өткізу мақсатында объект басшыларымен байланыста болады.

Өрт қауіпсіздігі бойынша профилактикалық жұмыстарды ұйымдастыру мен жоспарлау МЕӨҚҚ және оның бөлімшелерінде жүзеге асырылады. Мемлекеттік емес өртке қарсы қызметі мынадай жұмыс жоспарлары әзірленеді:

1) МЕӨҚҚ-да - өрт қауіпсіздігі бойынша профилактикалық іс-шаралардың жылдық жоспары;

2) МЕӨҚҚ бөлімшелерінде өрт қауіпсіздігі бойынша профилактикалық іс-шаралардың тоқсандық (жол бөлімшелерінде) және айлық (жол бөлімше-лерінде МЕӨҚҚ инспекторлары үшін) жоспарлары.

Мемлекеттік емес өртке қарсы қызметі инспекторларының жұмыс жоспары жедел-қызметтік жұмыс мәселелерінің песпективалық және ағым-дағы шешімдерін есепке ала отырып, өрт жағдайларын, объектілердегі өрт қауіпсіздігінің жай-күйін талдау негізінде әзірленеді.

Мемлекеттік емес өртке қарсы қызметі жұмыс жоспарларын жетекші-лік ететін басшысы, жол бөлімшелерін-дегі МЕӨҚҚ бөлімшелерінің жұмыс жоспарларын тиісті жол бөлімшелерінің МӨҚҚ бастығы, өрт сөндіру пойыз-дары мен пойыздар бастықтарының, МЕӨҚҚ инспекторларының жеке жұмыс жоспарларын - тиісті жол бөлімшесінің МЕӨҚҚ бастығы бекітеді. Айлық жұмыс жоспары өрт қауіпсіздігі жөніндегі профилактикалық іс-шараларды жеке жоспарлаудың негізгі құжаты болып табылады, онда ұйымдастырушылық-профилактикалық іс-шаралар, зерттелуі жоспарланған барлық объектілердің атауы, сондай-ақ жоспардан тыс жұмыстар мен тапсырмаларды орындау үшін қажет уақыт резерві көзделеді. Қағидаларға 1-қосымшаға сәйкес айлық жұмыс жоспарлары профилактикалық жұмыстарды есепке алу күнделігінде тіркеледі. Ұйымдастырушылық-профилактикалық іс-шаралар азаматтық қорғау саласындағы уәкілетті орган бекіткен Өрт қауіпсіздігі шараларына ұйымдардың қызметкерлері мен халықты оқыту қағидалары және өрт қауіпсіздігі шараларына оқыту жөніндегі оқу бағдарла-маларының мазмұнына қойылатын талаптар негізінде жүргізіледі. Объекті-лерді өрт қауіпсіздігі талаптарын сақтау тұрғысына тексеру жергілікті жағдайларды және объектілердің өрт қауіптілігін есепке ала отырып, жыл бойы бірқалыпты жоспарланады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.