Фармацевтикалық қойма ақпараттық жүйесін жобалау

Жұмыс түрі: Дипломдық жұмыс
Тегін: Антиплагиат
Көлемі: 50 бет
Таңдаулыға:

«Фармацевтикалық өнімдердің көтерме қоймасындағы тауарларды есепке алудың ақпараттық жүйесін жасау» тақырыбына жазылған

Түйіндеме

Дипломдық жұмыс . . беттен, кіріспеден, негізгі 4 бөлімнен, қорытындыдан, . . суреттен, . . кестеден, пайдаланылған әдебиеттер тізімі мен қосымшадан тұрады.

Жұмыстың мақсаты: «Farmacol» фармацевтикалық компаниясы үшін фармацевтикалық өнімдердің көтерме қоймасындағы тауарларды есепке алудың ақпараттық жүйесін жасау.

Жұмыстың өзектілігі: Ақпараттық жүйені құру өзектілігі негізінен фармацевтика нарығындағы жағдайға байланысты болып отыр, яғни дәріхана санының белсенді өсуі байқалады, ол бәсекелестіктің жоғары болуына алып келеді. Қолданыстағы заңнамаға сәйкес барлық сапа талаптарына жауап беретін дәріханаларды, медициналық мекемелерді және басқа да ұйымдарды қажетті тауармен қамтамасыз ету.

Қолданылған әдістер: талдау, модельдеу, өлшеу, жіктеу және эксперимент және т. б. әдістері қолданылды.

Кілттік сөздер: фармацевтикалық көтерме қойма, ақпараттық жүйе, фармацевтикалық тауарларды есепке алу, PHP, LARAVEL, HTML, JavaScript, AJAX, CSS, деректер моделі.

Жұмыстың дұрыстығы: жұмыс уақытпен тексерілген кең қолданыстағы кітаптарға және зерттеу жұмыстарына, ғаламтордағы материалдарға сүйеніп жасалды.

«Разработка информационной системы учета товаров на оптовом складе фармацевтической продукций»

Реферат

Дипломная работа состоит из . . страницы, введения, 4 основных разделов, заключения, иллюстрации, . . таблицы, списка использованной литературы и приложения.

Цель работы: Разработка информационной системы учета товаров на оптовом складе фармацевтической продукций для фармацевтической компании «Farmacol».

Актуальность работы: Актуальность информационной системы во многом обусловлена ситуацией на фармацевтическом рынке, то есть наблюдается активный рост аптек, что приводит к высокой конкуренции. Предоставление необходимых товаров в аптеки, медицинские учреждения и другие организации, отвечающие всем требованиям качества в соответствии с действующим законодательством.

Прикладные методы: анализ, моделирование, измерение, классификация и эксперимент и другие методы были использованы.

Ключевые слова: фармацевтический оптовый склад, информационная система, учет фармацевтических продукций, PHP, LARAVEL, HTML, JavaScript, AJAX, CSS, модель данных.

Точность работы заключается в том, что она основана на широком спектре книг и исследовательских материалов, а также онлайн-материалов.

"Development of an information system for the registration of goods in wholesale warehouse of pharmaceutical products"

Аbstract

The thesis consists of a page, introduction, 4 main sections, conclusion, illustration, table, list of references and applications.

Objective: Development of an information system for the accounting of goods in the wholesale warehouse of pharmaceutical products for the pharmaceutical company «Farmacol».

Relevance of work: The relevance of the information system is largely due to the situation on the pharmaceutical market, that is, there is an active growth of pharmacies, which leads to high competition. Provision of necessary goods to pharmacies, medical institutions and other organizations that meet all quality requirements in accordance with current legislation.

Applied methods: analysis, modeling, measurement, classification and experiment, and other methods were used.

Key words: pharmaceutical wholesale warehouse, information system, pharmaceutical products accounting, PHP, LARAVEL, HTML, JavaScript, AJAX, CSS, data model.

The accuracy of the work lies in the fact that it is based on a wide range of books and research materials, as well as online materials.

Мазмұны

Кіріспе 2

1. Фармацевтикалық өнімдердің көтерме қоймасындағы тауарларды есепке алудың өзектілігі

1. 1 Фармацевтикалық өнімдердің көтерме қоймасына сипаттама 5

1. 2 Фармацевтикалық қойма АЖ-сін әзірлеу қажеттілігі 6

1. 3 Фармацевтикалық қойма АЖ-сі үшін тұтынушылардың негізгі

талаптары 8

2. Фармацевтикалық қойма ақпараттық жүйесін жобалау 9

2. 1 Фармацевтикалық қойма АЖ-нің жалпы функционалды моделі 12

2. 2 Фармацевтикалық қойма АЖ-сі жұмысының функционалды

талаптары 15

2. 3 Фармацевтикалық қойма АЖ-нің архитектурасы 18

2. 4 Фармацевтикалық қойма АЖ-нің интерфейсін жасау. PHP

бағдарламалау тілі және фреймворкын таңдау 22

2. 5 PHP тілінің Laravel фреймворкы 25

2. 6 HTML, СSS, Javascript, AJAX, JSON қысқаша шолу 26

2. 7 PhpStorm интеграцияланған жобалау ортасы 27

3. Фармацевтикалық қойма ақпараттық жүйесінің деректер қорын құру 30

3. 1 Фармацевтикалық қойма АЖ-нің деректер қорының концептуалды

моделін әзірлеу 35

3. 2 Фармацевтикалық қойма АЖ-нің деректер қорының логикалық

моделін әзірлеу 37

3. 3 Фармацевтикалық қойма АЖ-нің деректер қорының физикалық

моделін әзірлеу 39

3. 4 «MySQL» ДҚБЖ-сінде мәліметтер енгізу 43

4. Фармацевтикалық қойма ақпараттық жүйесін ендіру 45

Қорытынды 48

Пайдаланылған әдебиеттер тізімі 52

Қосымша 55

Қысқартылған белгілеулер

АЖ - Ақпараттық жүйе

PHP - (Personal Home Page Tools) жеке веб-бетті жасау құралдары

SQL - (structured query language) құрылымдық сұраныс тілі

CSS - (Cascading Style Sheets) каскадты стиль беттері

HTML - (HyperText Markup Language) гипермәтінді белгілеу тілі

AJAX - (Asynchronous JavaScript and Еxtensible Markup Language) асинхронды JavaScript және Extensible Markup Language

JSON - (JavaScript Object Notation) мәтінді алмасу форматы

Анықтамалар

Ақпараттық жүйе - бұл есептеу техникасы мен байланыс құралдарын және бағдарламалық қамтамасыз ету мен пайдаланушылардың ақпараттық қажеттіліктерін қамтамасыз ететін ақпараттық ресурстар кешені.

Фармацевтикалық қойма - облыстық немесе қалалық басқармаға бағынатын, өз айналым капиталы бар мекемедегі медициналық мақсаттағы тауарларының сақталатын орны.

Фреймворк - ақпараттық жүйені құруды жеңілдететін және үлкен бағдарламалық жобаның әр түрлі компоненттерін біріктіретін бағдарламалық жасақтама.

PHP - бұл ашық енгізілген кодтармен берілген кең таралған бағдарламалау тілі.

Laravel - MVC архитектуралық моделін (Model View Controller - үлгі-көрініс-контроллер) пайдалану арқылы қолданылатын ашық бастапқы коды бар веб-фреймворк.

MySQL - SQL деректер қорымен жұмыс жасауға арналған бағдарламалық

қамтама жиынының бірі болып табылады.

PhpStrom - бұл PHP бағдарламашыларының жетілдірілген жобалау ортасы.

Javascript - HTML құжатқа қолданылатын веб-сайтқа интерактивтілік (мысалы: ойындар, динамикалық стильдер, анимация) беретін бағдарламалау тілі.

CSS - қолданушыға құжаттарды визуалды көрсетуге жауап беретін каскадты кестелер стилінің тілі.

HTML - интернет желісінде құжаттағы тексттер, бейнелер, кестелердің орналасуына жасауап беретін тіл.

AJAX - Asynchronous Javascript және XML аббревиатурасы, белгілі технологиялардың синтезі болып табылады.

JSON - JavaScript негізіндегі мәтіндік деректерді айырбастау пішімі.

Кіріспе

Ақпараттық жүйе қандай да бір нақты кәсіпорын үшін жүзеге асырылады. Кәсіпорынның объективті қызметінің ерекшеліктері ақпараттық жүйенің құрылымына әсер етеді, сонымен бірге әр түрлі кәсіпорындардың құрылымдары бір-біріне ұқсас болады. Әрбір ұйым өзінің қызмет түріне қарамастан компания қызметінің белгілі бір түрін тікелей жүзеге асыратын бірқатар бөлімшелерден тұрады.

Қазіргі заманғы ақпараттық технологияларды ендіру барысында нақты маркетингтік және өндірістік жобаларды дайындау үшін қажетті уақытты қысқартуға, оларды іске асыру кезінде үстеме шығындарды азайтуға мүмкіндік береді, коммерциялық компанияға тікелей экономикалық тиімділік беретін бухгалтерлік, технологиялық және басқа да құжаттамаларды дайындау кезінде қателерді болдырмайды.

Әрине, компьютерлерді қолдануға болатын барлық әлеуетті мүмкіндіктерді ашу үшін олардың жұмысында алдына қойылған міндеттерге барынша сәйкес келетін бағдарламалық және аппараттық кешенді пайдалану қажет. Сондықтан қазіргі уақытта компания басшылығының жұмысын қолдайтын компьютерлік бағдарламаларға деген қажеттілік, сондай-ақ компанияға қол жетімді компьютерлік техниканы қалай оңтайлы пайдалану жайлы мәселелер өзекті болып отыр.

Дипломдық жұмыста фармацевтикалық қоймадағы тауарларды есепке алудың ақпараттық жүйесін құру, тұтынушылармен өзара әрекеттесу үрдісін автоматтандыру сипатталады. Қойма үш өзара байланысты функцияларды орындайды: тауарға тапсырыс беру және қабылдау, оны сақтау және жөнелту.

Дәріханалар бәсекелестікке қабілетті және максималды пайдаға қол жеткізу үшін тұтынушыларды тартуға үлкен күш жұмсауы керек. Осы мақсаттарға жетудің бір жолы - клиенттермен өзара әрекеттесу үшін ақпараттық технологияларды енгізу және фармацевтикалық қоймадағы тауарларды есепке алуды автоматтандыру.

Бүгінгі күні электрондық коммерция ең жылдам дамып келе жатқан нарық сегменттерінің бірі болып табылады.

АЖ-ні құрудың мақсаты:

фармацевтикалық қойма және оның ауқымына, тауарларына қатысты ақпарат беру;
тауарларды тапсырыс берудегі қол жетімділік және тапсырыс беру мүмкіндігін қамтамасыз ету;
онлайн материалдарды басқаруды қамтамасыз ету;
сақталу мерзiмдерiн, құнының тұрақты болуын бақылау;
қоймадағы дәрiлiк заттарды және медициналық мақсаттағы тауарларды тиеп жөнелтудi, оларды уақытында iске асыруды бақылауды қамтамасыз ету.

Жұмыстың негізгі міндеттері:

пәндік саланы зерттеу;
бар шешімдерді талдау және даму қажеттілігін негіздеу;
тапсырыс берушінің талаптарын жинау;
АЖ-ні әзірлеу;
деректер қорын құру;
АЖ-нің пайдаланушылық интерфейсінің прототипін жасау;
интернет-технологияларға негізделген АЖ-нің дерекқорын және пайдаланушылық интерфейсін жасау.

Фармацевтикалық қойманың міндеттері мен функциялары. Денсаулық сақтаудың маңызды бөлігі - халықты сапалы және уақытылы қолдауды қамтамасыз етуге арналған фармацевтикалық қызмет жасау. Фармацевтикалық қызметтің міндеті - денсаулық сақтау мекемелері мен халықтың дәрі-дәрмектерге қажеттіліктерін толық қанағаттандыру, дәріхана желісін дамыту және фармацевтикалық кадрларды даярлау мен жетілдіру деңгейін арттыру болып табылады. Сапаны бақылау дәрі-дәрмектерді өндірудегі ең маңызды бөлігі болып табылады, өйткені өндірістің кез-келген сатысында жасалған қате көптеген адамдардың денсаулығына зиян келтіруі мүмкін және күтпеген салдарға әкелуі мүмкін. Сондықтан фармацевтикалық өндірістің әрбір элементі бақыланады, бұл түпкілікті өнімнің сипаты мен сапасына әсер етуі мүмкін. Өндірістік процестің барлық бөлшектері бастапқы компоненттерді, аралық өнімдерді және дайын препаратты талдау нәтижелері бойынша жазылады.

Фармацевтикалық қоймадағы дәрі-дәрмектер, медициналық тауарлар дәріханаларға, ауруханаларға, яғни лицензиясы бар мекемелерге көтерме түрде жеткізіледі. Өндірушілер арасында осындай препараттарды таратуға жалпы қабылданған әдістер жоқ. Кейбір өндірушілер барлық өндірілген препараттарын көтерме саудаға шығарады, басқалары дәрігерлермен, ауруханалармен немесе дәріханалармен ғана жұмыс істейді.

Фармацевтикалық қойма - дәрілік заттарды, медициналық мақсаттағы тауарларды медициналық мекемелерге, кәсіпорындардың фармацевтикалық ұйымдарына, дәріханаларға және т. б. қамтамасыз ету мақсатында ұйымдастырылады. Фармацевтикалық қойманың негізгі міндеті - қолданыстағы заңнамаға сәйкес барлық сапа талаптарына жауап беретін дәріханаларды, медициналық мекемелерді және басқа да ұйымдарды тауармен қамтамасыз етіп қана қоймай, сондай-ақ дәрілік заттарды, медициналық мақсаттағы құрылғыларды өндіріс кәсіпорындарынан қабылдау, сақтау және тарату.

Негізгі міндеттерге сәйкес дәріхана қоймасы келесі функцияларды орындайды:

жеткізушілермен шарттар жасалады;
дəрілер мен медициналық мақсаттағы тауарларды сатып алады;
жеткізушілер шарттық міндеттемелерді бұзған жағдайда талап-арызды орындауға және талап қоюға, айыппұл салуға құқылы;
сапасы, саны және құны бойынша жеткізушілерден дәрілік заттар мен медициналық өнімдерді қабылдайды;
дәрілік заттарды және медициналық мақсаттағы тауарларды олардың физика-химиялық қасиеттерін және талаптарды ескере отырып сақтауды ұйымдастырады;
дәрі-дәрмектерді емдеу-профилактикалық және басқа мекемелерден, сондай-ақ фармацевтикалық компаниялардан орау, жинау және дәрілік заттар мен медициналық мақсаттағы тауарларды уақытылы жеткізу үшін тапсырыстар қабылдайды;
фармацевтикалық, парафармацевтикалық және басқа да тауарларды есепке алу және беру тәртiбiн қатаң сақтайды;
өндірістік қызметтің барлық кезеңдерінде бақылауды жүзеге асырады;
уақытында жеткізуді іске асыруды бақылауды қамтамасыз етедi;
еңбек қауіпсіздігі мен еңбекті қорғау талаптарын сақтайды.

Фармацевтикалық қойманың басқарушысы қойманың негізгі функцияларын білуге, менеджерлерін және қызметкерлерін өз қызметін реттейтін нормативтік құжаттарды сақтауға, фармацевтикалық нарықта сұраныс пен ұсынысты зерделеуге, сертификаттау және сапаны бақылау рәсімін сақтауға және тиісті құжаттаманы дайындауға міндетті.

1. Фармацевтикалық өнімдердің көтерме қоймасындағы тауарларды есепке алудың өзектілігі

1. 1 Фармацевтикалық өнімдердің көтерме қоймасына сипаттама

Фармацевтикалық қойма - облыстық немесе қалалық басқармаға бағынатын, өз айналым капиталы бар мекемедегі медициналық мақсаттағы тауарлардың сақталатын орны.

Фармацевтикалық қоймалардың атқаратын қызметі:

жеткізушілерден медициналық тауарларды қабылдау;
алынған тауарларды есепке алу және сапалы түрде тексерістен өткізу;
физикалық және химиялық қасиеттерiне байланысты тауарлардың дұрыс сақталуын қамтамасыз ету;
облыстық фармацевтика басқармасының тапсырмасы бойынша облыстық әкімшіліктің, емдеу-профилактикалық және басқа да мекемелердің дәріханалық мекемелеріне, өнеркәсіптік кәсіпорындарына медициналық мақсаттағы тауарларды жеткізу;
тауарларды арнайы транспортпен дәріхана желісіне және т. б. мекемелерге жеткізу.

Қоймалардың топтары мен санаттары. Жылдық жиынтық айналымға байланысты қоймалар жұмысшылардың еңбекақысы мен құрылымына сәйкес және қызметкерлерге берілетін айлық төлемақысы бойынша бірнеше санатқа бөлінеді. Бірінші санаттағы фармацевтикалық қоймаларда қабылдау бөлімі мен экспедиция бөлімінен басқа қосымша мынадай бөлімдер ұсынылады: құрғақ медикаменттер; сұйық медикаменттер; улы дәрі-дәрмектер; дайын дәрі-дәрмектер; ампуладағы дәрі-дәрмектер; бактериялық препараттар және қан алмастырғыштар; антибиотиктер, дәрумендер және олардың препараттары; жанғыш заттар мен сығылған газдар, дезинфекциялау құралдары; таңғыштар; гигиена және мейірбике тауарлары; дәріхана жабдықтары, спектрлік оптика және медициналық құралдар; дәріхана орамасы және көмекші материалдар; рецепт бойынша шыны ыдыс.

I санаттағы қоймаларда барлығы 16 бөлімшесі болады, ІІ санаттағы қоймаларда - 15, III санаттар бойынша - 13, IV санаттағы - 10, ал Б санатындағы қоймаларда - 9 бөлімше. Сонымен қатар, барлық санаттағы қоймаларда құрғақ және сұйық дәрі-дәрмектерді тазалайтын және орайтын бөлімше болу керек.

Тауарларды сақтауды біріздендіру және тапсырыстарды жылдам орындау үшін фармацевтикалық қоймалардың оперативті бөлімшелері арқылы медициналық мақсаттағы бұйымдар топтарының бірыңғай классификациясы әзірленді. Атап айтқанда, құрғақ медицина бөлімінде Б тізімінің күшті препараттарын, жарықсезгіш, қатты иістенетін, ұшпа, гигроскопиялық, кристалды, бояуы бар, салмақты және таблетка түріндегі препараттарды сақтау ұсынылады. Дайын препараттар бөлімінде гормоналды препараттар мен дайын дәрі-дәрмектер болуы керек. Тиісті өнім тауарлары басқа бөлімдерде сақталады.

Қоймалардың дамыған құрылымына сәйкес фармацевтикалық қоймадағы лауазымдар тізімі ұсынылады, оны жоғары немесе фармацевтикалық білімі бар адамдар атқаруы тиіс.

Ұйымдастыру құрылымына сәйкес көптеген облыстық дәріхана қоймалары күрделі болып табылады. Оперативті бөлімшелерден басқа құрылымына әр түрлі қызметтер кіреді: көлік, қауіпсіздік, бухгалтерлік есеп және т. б.

Бөлім басшыларының және басқа да қызметкерлердің жұмысы тиісті бұйрықтар мен нормативтік актілермен, сондай-ақ қойма басшылығымен бекітілген лауазымдық нұсқаулықтармен реттеледі.

Фармацевтикалық қызметті автоматтандыру және тұтынушылар мен жеткізушілердің жұмысын өзара әрекеттестіру үшін ішкі процестерде ақпараттық технологияларды пайдалану фармацевтикалық индустрияны дамыту факторларының бірі болып табылады. Дәріханалық желілер санының өсуіне байланысты бәсекелестік жоғары, осыған орай дәріхана қоймасының жұмыс істеуінде ақпараттық технологияларды пайдаланбай жұмыс істеу тиімсіз болып табылады. Оларды енгізу жұмыс жылдамдығын арттыруға ықпал етеді, бұл әсіресе, табыстың артуына, дәріханаларға тұрақты бәсекелестік жағдайында өмір сүруге мүмкіндік береді. Сонымен қатар, қазіргі уақытта ақпараттың көп бөлігі электрондық түрде сақталуда, бұл оның неғұрлым жоғары қолжетімділік пен массивтілікті қамтамасыз етуіне алып келеді.

Дипломдық жұмыста «Farmacol» фармацевтикалық компаниясы зерттеу обьектісі ретінде қарастырылды. Бірыңғай орталықтандырылған басқару жүйесі бар дәріхана қоймасындағы бизнес-үдерістерді автоматтандыру жүргізілді. Тұтынушылар үшін ақпараттық сервисті құру сипатталды.

«Farmacol» фармацевтикалық компаниясының қоймасының жұмысын автоматтандыру. «Farmacol» фармацевтикалық компаниясы, оның негізгі мүмкіндіктері:

тауар кірісі (қолмен немесе электрондық жүктеумен) ;
бастапқы құжаттаманы қалыптастыру;
жергілікті және аймақтық заңнамаға сәйкес баға белгілеу;
қажет жабдықпен қамтамасыз ету;
жинақталған деректер қоры бойынша талдау жасау.

Қызметкердің автоматтандырылған жұмыс орны (АЖО), оның негізгі мүмкіндіктері:

қолданушыны АЖО-ға штрих-код арқылы тіркеу;
тауар таңдау;
тауар санын түзету, чекке позицияларды қосу және оны ашқанға дейін жою;
жеңілдіктер мен дисконттау бағдарламаларын пайдалану;
қолма-қол ақшаны енгізу және өткізу есебі;
өткізілген түбіртекті қайта қарауға мүмкіндік алу;
тауар түбіртегінің көшірмесін басып шығару.

Компанияның интернет сайты farmacol. kz - бұл фармацевтикалық өнімдердің көтерме қоймасындағы тауарлардың бар болуы бойынша интеграцияланған бағаны бақылауға және қажетті ақпаратты алуға болатын, сондай-ақ дәріханаларында қажетті дәрі-дәрмектердің бар болуы туралы интернет-анықтамалық қызметті атқаратын портал. Бұл әмбебап іздеу жүйесі, пайдаланушыға фирмалардың ассортименті мен бағасы туралы жедел ақпарат алуға, дәрілердің бағаларын салыстыруға, фармацевтикалық нарықтың дәрі-дәрмектері мен басқа да тауарлары туралы маңызды және жедел ақпарат алуға мүмкіндік береді.

Фармацевтикалық өнімдердің құнын енгізу барысында «еPrica» (http://eprica. ru/) бағдарламасын қолдандым. «еPrica» дәрі-дәрмектердің бағасын әр түрлі жеткізушілерде талдауға, оңтайлы бағаны табуға және тапсырысты қалыптастыруға мүмкіндік беретін бағдарлама.

«еPrica» бағдарламалық өнімі дәріхана мекемесінің бизнес-процестерін автоматтандыру үшін бағдарламалық қамтамасыз етумен деректерді алмасуды жүзеге асыра алады.

Жүйе қолданушылары:

- әкімші (администратор) ;

- редактор (әкімші панелінде порталға өзгеріс енгізіп отырады) ;

- фармацевтикалық өнімге тапсырыс берушілерге жауапты қызметкер.

Осылайша, автоматтандыруды жүргізу нәтижесінде дәріханада тауарлардың ассортиментінің бар-жоғы және бағасы туралы өзекті ақпараты бар электрондық деректер қоймасы пайда болды. Бұл деректер интернет-сервисті жобалау үшін пайдаланылатын болады.

1. 2 Фармацевтикалық қойма АЖ-сін әзірлеу қажеттілігі

Бүгінгі күні электрондық коммерция ең жылдам дамып келе жатқан нарық сегменттерінің бірі болып табылады. Фармацевтикалық сектор да соның қатарында: сапасы, саны және көтерме құны бойынша жеткізушілерден дәрілік заттар мен медициналық өнімдерді, дәрі-дәрмектерді тапсырыс беруші дәріхана, аурухана және т. б. мекемелер кез келген уақытта онлайн түрде тапсырыс бере алады. Көтерме қоймадағы дәрiлiк заттарды және медициналық мақсаттағы тауарларды тиеп жөнелту, оларды уақытында жеткізу толықтай қадағаланады. Сонымен қатар оған тиісті түрде түбіртектері, қажет болған жағдайда дәрілік заттардың сапасы мен қауіпсіздігін растайтын құжаттар беріледі.

Ақпараттық технологиялар фармацевтикалық бизнестің ажырамас бөлігі болып табылады: ірі тауар айналымы бар ұйымдар компьютерлік басқару кешендерінсіз жұмыс істей алмайды. Бұл автоматтандыру жүйелеріне жоғары сұраныстың болуын қамтамасыз етеді. Бүгінгі таңда көптеген дәріханаларда да автоматтандыру бағдарламалары бар. Олардың әртүрлілігімен мұндай бағдарламаларды екі топқа бөлуге болады.

Бірінші топ мамандандырылған бағдарламалар болып табылады, олардың функциялары жеткілікті. Оларды таңдау менеджердің құны, ұйымның қызметтерінің ауқымымен анықталады. Мұндай бағдарламалардың негізгі ерекшеліктері:

- электрондық шот-фактураларды алу;

- бағаны басқару;

- тауарлардың автоматты түрде бағалануы;

- аса маңызды және қажетті дәрілік заттарға бағаны бақылау;

- қабылданбаған тауарлар топтамасын іздеу;

- ақауларды есептеу (дәріханадағы қажетті тауарлардың болмауы) ;

- маркетингтік науқандарды ұйымдастыру және басқа да акциялар.

Ең танымал бағдарламалар: «M-PHARMACY Plus», «eFarma2», «Uniko», «Arm manager».

... жалғасы

Сіз бұл жұмысты біздің қосымшамыз арқылы толығымен тегін көре аласыз.