Ветеринариялық шаралардың жоспарлылығы

Жұмыс түрі: Реферат
Тегін: Антиплагиат
Көлемі: 10 бет
Таңдаулыға:

Жоспар
Кіріспе
Негізгі бөлім
Мемлекеттік ветеринария.
Шаруа немесе фермер қожалығы - жеке кəсіпкерліктің ұйымдық-құқықтық нысаны ретінде.
2.3. Жеке шаруашылық қожалықтарындағы ветеринариялық қызметті ұйымдастыру шаралары.
Қорытынды
Пайдаланылған әдебиеттер

I.Кіріспе
Біздің елімізде Мемлекеттік ветеринариялық органдар Ветеринарияны мемлекеттік Республикалық органы (ҚР АШМ ветеринариялық бақылау және қадағалау Комитеті) мен облыстардағы, аудандардағы және қалалардағы мемлекеттік ветеринариялық қызметтің жергілікті атқару органдары түрінде берілген. Органдардың заңды статусы, құқықтары, міндеттері мен функциялары Қазақстан Республикасының Ветеринария туралы заңында және Қазақстан Республикасының мемлекеттік органдар қызметін регламенттейтін өзге заңдары негізінде Үкімет бекітетін ережелермен айқындалады. Мемлекеттік ветеринариялық органдар тиісті деңгейде өз құзыреттері шеңберінде ветеринариялық істі басқарып отырады.
Мемлекеттік ветеринариялық бақылау - бұл Қазақстан Республикасының Ветеринария туралы заңы мен оған сәйкес шығарылған нормативтік актілердің бұзылуына жол бермеу және оларды жоюға бағытталынған мемлекеттік ветеринариялық басқару органдарының қызметі. Мемлекеттік ветеринариялық бақылауды жүзеге асыру тәртібі Қазақстан Республикасы Үкіметі бекітетін арнайы ережелер арқылы жүргізіледі. Осы ережеге сәйкес мемлекеттік ветеринариялық бақылауды ұйымдастырып, өткізу барлық деңгейдегі бас мемлекеттік ветеринариялық-санитарлық инспекторларға, олардың орынбасарларына және мемлекеттік ветеринариялық инспекторларға міндеттеледі.
Шаруа (фермер) қожалықтарына және азаматтардың жеке аулаларына ветеринариялық қызмет көрсетуді мемлекеттік ветеринариялық қызметтің мамандары жүзеге асырады. Олар жұқпалы және инвазиялық аурулардың әкелінуі мен таралуына жол бермеуге бағытталған міндетті эпизоотияға қарсы іс-шараларды, сондай-ақ ақылы негізде емдеу іс-шараларын орындайды. Ауыл шаруашылығы құрылымдарының ветеринариялық мамандары сондай-ақ аталған зерттеулер жүргізілген базалық аудандарында шаруа (фермерлік) және жеке қосалқы шаруашылықтарының малдарына, бірінші кезекте осы кәсіпорындар мен ұйымдардың жұмысшылары мен қызметшілерінің шаруашылықтарына қызмет көрсетеді.

II. Негізгі бөлім
2.1. Мемлекеттік ветеринария ветеринариялық шараларды құрастыру, ұйымдастыру және орындау барысында жеткші рөл атқарады. Мемлекеттік ветеринария өз иелігінде малшаруашылық шаруашылықтары мен өзге нысандары, малшаруашылығы өнімдері мен шикізаттарын өңдеу бойынша мекемелер, ветеринариялық қызметке мұқтаж және өзінің ветеринариялық жүйелері бар министрліктер мен ведомстволарға тәуелді емес. Ол мемлекеттік ветеринария бақылауында болады. Бұл мемлекеттік ветеринарияға малшаруашылығында ветеринариялық саулықты қамтамасыз ету және тұрғындарды адамдар мен жануарларға ортақ жұқпалы аурулардан қорғау бойынша шыншыл (обьективті) болуға және дұрыс шешімдер қабылдау мүмкіндігін береді.
Мемлекеттік ветеринария мемлекеттік монополияға жатқызылатын функцияларды (ветеринариялық шаралар) орындайды:
1. Республиканың ветеринариялық қызметін басқару, жануарлардың инфекциялық ауруларын диагностикалау, профилактикалау және жою бойынша ветеринариялық шаралардың жоспарларын құру, оларды ұйымдастыру және қадағалау;
2. Республика аумағында экспорттық-импорттық әрекеттер барысында мемлекеттік ветеринариялық қадағалауындағы жүктердің қозғалысын ветеринариялық-санитарлық бақылауын қамтамасыз ету;
3. Малшаруашылығы өнімдерін өндіру, өңдеу, сақтау және пайдаға асыру бойынша кәсіпорындарда ветеринариялық-санитарлық бақылау жүргізу;
4. Жануарлар арасында инфекциялық ауру қоздырушыларының айналымда болуын анықтау мақсатында және уақтылы індетке қарсы шаралар жүргізу үшін мониторингтік зерттеулер жүргізу;
5. Ұлттық микроорганизмдер штаммдарының жинағын сақтау және тиісті деңгейде ұстау;
6. Ветеринариялық препараттардың тіркеуге алынуы (қайта тіркеуге алынуы) сынақтарын өткізу, Пролардың айналымға шығуын бақылауға алу және ветеринариялық препараттардың мемлекеттік тізімін (реестрін) жүргізу;
7. Жеке кәсіпкерлік ветеринариялық қызметпен айналысатын жеке және заңды тұлғалардың қызметтерін бақылауда ұстау.

2.2. Шаруа немесе фермер қожалығы - жеке кəсіпкерліктің ұйымдық-құқықтық нысаны ретінде.
Қазақстанда жүзеге асырылып жатқан нарықтық реформа бағдарламасында шаруа (фермер) қожалығының қалыптасып дамуына үлкен көңіл бөлінген. Сөз жоқ, бұл факторлар ауыл шаруашылығы құрылымдарының түбегейлі өзгеруіне негіз болды. Бүгінгі таңда əлемдік тəжірибеде шаруа (фермер) қожалықтары аграрлық салада ең тиімді, əрі кең тараған шаруашылық жүргізуші нысан ретінде танылып отыр. Олар кəсіпкерлік үлгідегі экономикалық жəне құқықтық дербестік негізінде ауыл шаруашылық өнімдерін өндіруші шаруашылық ретінде де түсіндіріледі.
Қазақстан Республикасында шаруа (фермер) қожалықтарының күш алып кең таралуына 1990 жылы 21 мамырда қабылданған Шаруа шаруашылығы туралы заңы ұйытқы болды . Бұл заң Қазақстанда алғаш рет шаруа (фермер) қожалықтарының дамуының негізгі қағидалары мен олардың шаруашылық дербестігін жəне əлеуметтік əділеттілік құқығы мен заңды мүдделерінің қорғалуына кепілдік бере отырып қызметінің бағытын, оның өзге аграрлық кəсіпкерлік субъектілерінен ерекшелігін, сондай-ақ ауыл шаруашылығын дамытуда басымдыққа ие болатынын айқындап берді. Осы заңға сəйкес шаруа шаруашылығына ауыл шаруашылығын бірлесіп жүргізетін адамдардың семьялық, еңбек бірлестігі - деген анықтама берілді.
Ветеринариялық істі құрудың ұйымдастыру формалары, ветеринариялық қызмет көрсету принциптері, ветеринариялық шаралардың бағыты мен сипаты қоғамдағы әлеуметтік-экономикалық қарым-қатынастар негізінде қалыптасады. Қазақстан Республикасында ветеринариялық істі ұйымдастырудың ерекшеліктері:
1 Ветеринариялық қызметті ұйымдастырудың Мемлекеттік формасы. Біздің республикамызда ветеринариялық іс мемлекет қол астында шоғырланған, мемлекеттік ветеринариялық мекемелер жүйелері құрылып, барлық санаттағы шаруашылықтарға ветеринариялық қызмет түрлері көрсетіледі. Мемлекеттік ветеринария басты ветеринариялық шаралар өткізілуін ұйымдастырып, ветеринариялық бақылауды жүзеге асырады. Мемлекет ветеринар мамандарын дайындау ісін, ветеринария мәселелеріне қатысты ғылыми зерттеулерді ұйымдастырып, қаржыландырады. Мемлекеттік бюджетте жыл сайынғы ветеринариялық қызметтің қажеттіліктеріне жұмсалатын және індетке қарсы шаралар өткізілуіне көзделген ассигнациялар қарастырылады.
2 Ветеринариялық қызметтің профилактикалық бағыттылығы. Қазақстан Республикасының Ветеринария туралы Заңына сәйкес ветеринариялық қызметтің басты бағыты жануарлардың жұқпалы және жұқпалы емес ауруларын профилактикалау болып табылады. Ветеринариялық шаралардың жалпы көлеміне шаққандағы профилактикалық шаралардың үлестік салмағы 90% асады. Ветеринариялық қызметтің профилактикалық бағыттылығы жануарлардың ауруға шалдығу оқиғаларын азайту, малдар мен құстардың жекелеген аса қауіпті ауруларын жою мүмкіндігін береді.
3 Ветеринариялық шаралардың жоспарлылығы. Ветеринарияық шаралар фермерлік (шаруа қожалығын) шаруашылықты, елді мекендерге ветеринариялық қызмет көрсететін мамандардан бастап Қазақстан Республикасы ауылшаруашылық Министрлігі ветеринария Департаментіндегі елдің ветеринариялық қызметінің басшылығымен аяқтағандағы (ветеринариялық шараларды жоспарлау принципіне сәйкес) ветеринариялық қызметтің барлық тізбектерінде құрылады.
4 Ветеринариялық ғылым мен практиканың бірегейлігі. Ғылыми мекемелер практикалық ветеринариялық қызметтен ветеринарияның өзекті мәселелеріне қатысты зерттмелік тапсырыстар алады (жаң, тиімділігі жоғары вакциналар, диагностикалау, дезинфекциялау заттарын құрастыру т.с.с.). Практикалық ветеринариялық мекемелер ветеринариялық шараларды өткізу үшін жаңа әдістер мен ... жалғасы

Сіз бұл жұмысты біздің қосымшамыз арқылы толығымен тегін көре аласыз.