Объектілерге материал тағайындау

Жұмыс түрі: Материал
Тегін: Антиплагиат
Көлемі: 62 бет
Таңдаулыға:

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

МЕХАНИКА-МАТЕМАТИКА ФАКУЛЬТЕТІ

Математикалық және компьютерлік пішіндеу кафедрасы

Бітіру жұмысы

3DS Max-та компьютерлік модельдеу және анимациялау: қирау мен катастрофаларды көрсетушіліктендіру

Орындаған: Ж. Ш. Ельгезеков

Ғылыми жетекшісі: Н. Н. Түнғатаров

Норма бақылаушы: Қ. Е. Идирисова

Кафедра меңгерушісінің

рұқсатымен қорғауға жіберілді

ф. -м. ғ. к., доцент: Н. Н. Түнғатаров

«» 2011ж.

Алматы 2011

РЕФЕРАТ

Жұмыстың көлемі: Бітіру жұмысы 75 беттен тұрады. Ол, өз кезегінде, бөлімшелерден құралған 4 бөлімнен тұрады. Жұмыстың бөлімдерінде 76, ал қосымшада 6 сурет бар.

Кілттік сөздер : Компьютерлік модельдеу, анимация, симуляция, 3D-моделдеу, 3D-графика, примитивтер, модификаторлар, материалдар, Material Editor, визуализация, бөлшектер жүйесі, RayFire, After Effects.

Жұмыстың мақсаты:

● 3DS MAX программасында қирау мен катастрофаларды қалай визуалдауға болатынын түсіну;

● RayFireTool плагинінің функционалды мүмкіншіліктерін танып білу және қолдану;

● Терезенің шағылуын анимациялау және максималды шынайылылыққа сай көрсету;

● Өрт пен түтінді плагиндардың көмегінсіз, бөлшектер жүйесі арқылы баптау;

● Бағанаға оқ атқан кездегі сынықтардың пайда болуын визуализациялау;

● Bliz бөлшектер жүйесін қолдану;

Жұмыстың дұрыстығы:

Жұмыс, біршама кітаптарға, материалдарға және интернеттік ресурстарға сүйеніп құрылған. 3D-модельдер және олардың анимациялары шындыққа сәйкес келеді.

МАЗМҰНЫ

Кіріспе . . . 4

1 Autodesk 3ds Max программасы . . . 7

1. 1 3DStudio Max негізгі мүмкіндіктері …… . . . …. …. . . . . 7

1. 2 Жүйелік талаптар …. . ……… . . . ………. . . . . 9

1. 3 Autodesk 3ds Max Design-нің Autodesk 3ds Max-тан өзгешелігі . . . 10

1. 4 3D Studio Max 2011 жаңалықтары . . . 11

2 Терезенің шағылуы . . . 15

2. 1 Эффекттің жүзеге асырылуы………. ……… . . . . . . ……… . . . …. 16

2. 2 Геосфераны модельдеу . . . 16

2. 3 Объектілерге материал тағайындау . . . 21

2. 4. Сплайндармен бөлме құру және Lathe модификаторын қолдану . . . 25

2. 5 RayFireTool плагинін қолдану . . . 27

2. 6 Симуляцияның жүзеге асуы . . . 29

3 «Мега» ойын-сауық кешенінің өртке орануы . . . 32

3. 1 Эффект сараптамасы . . . . . . . 32

3. 2 Сахнаның негізгі элементтерін модельдеу . . . 34

3. 3 Бөлшектер жүйесін баптау . . . 37

3. 4 Сахнаны жарықтандыру . . . 42

3. 5 От пен түтін үшін материалдар жасау . . . 45

3. 6 Фондық бейнені эффект үстіне орналастыру . . . 49

4 Бағананың сынуы . . . 52

4. 1 Бағананы модельдеу . . . ……. . . . 52

4. 2 Bliz бөлшектер жүйесі . . . 55

4. 3 Анимация: атылған оқтан бағананың бөлінуі . . . 58

4. 4 Камера орнату мен жарықтандыру . . . 65

4. 5 Текстура салу . . . 67

4. 6 Adobe After Effects . . . 69

Қорытынды . . . 73

Пайдаланылған әдебиеттер тізімі . . . 74

Қосымшалар . . . 75

КІРІСПЕ

Информатика мен компьютерлік технологиялардың біздің өміріміздегі орасан зор рөлі туралы қайта-қайта айта берудің жөні жоқ. Расында да, бүкіл әлемді қазір компьютерлік құралдарсыз елестету мүмкін емес екендігін мақұлдауымыз керек. Егер осыдан 10-20 жыл бұрын компьютер адамға тек есептеп шығару және есептесу үшін көмектессе, қазіргі күрделі процестерді экраннан көру мүмкіндігі компьютерлік өркениеттің дамуындағы жаңа кезеңге жол ашады. Бізді қоршаған ортадағы салалардың бірде бірі компьютерлік анимация немесе 3D объектілерінсіз қатынаса алмайды. Өзіңіз ойлаңыз, кино, тв, машина жасау, осының барлығы ғалым-компьютершілердің тынымсыз еңбегінің арқасында. Және біртіндеп енгізілетін мәтіннің шамадан тыс үлкен болуы әрі компьютерді жан-жақты білуді талап ететін, адам түсінбейтін күрделі программалардан, толығымен визуалданған және автономдық программаларға ауысты. Осылай, үш өлшемді модельдер мен объектілерді жобалау ерекше қабілеті жоқ адамдар үшін де қолжетімді болды.

Қазіргі күні программалық қамтамасыз ету нарығы пайдаланушыға қажет нәрсенің бәрін ұсына алады. Бірақ бұл жерде де өз көшбасшылары бар. Кез келген салады эталондық өнім болады, ол ең ыңғайлы, тез және сенімді программа. 3D модельдеу және визуализациялау үшін программалар әлемінде осындай өнім 3D Studio Max. 3D Studio Max ең қияли армандар мен ойларды іске асыратын құралдардың қатарына жатады. Бұл мәтіндік редактор немесе электронды кесте емес! Оның көмегімен әлем көлемденіп тіріледі десе де болады. Бастысы, ол адамдағы шығармашылықты өлтірмейді, шығармашылыққа шабыт бере отырып, күш жұмсамай іске асыруға көмектеседі.

Мұндағы ең ұтымдысы, алдыңғы ұрпақтың программаларын жасайтын инженерлік есептеулер енді визуалданған. Сол себепті «тапсырыс беруші-орындаушы» командасының жұмысы неғұрлым қарапайым және реттелген, бұл жерде жобаның кейбір ерекшеліктерін сызба арқылы түсіндірудің қажеті жоқ.

3D Studio Max негізін салушы Autodesk компаниясы алдымен DOS 4. 0 версия үшін 3D Studio жобасын жасаған, кейін тыңғылықты жетілдіру арқасында 3D модельдеу үшін заманауи аппараттық құралы болды. Одан басқа Blender, Houdini, Maya бар . . . Бірақ неге 3D Studio Max графикалық жұмыстар үшін керемет программалық пакет ретінде көшбасшы орнын алды? Шындығында ол қолжетімді. Біз барлығымыз лицензиялық программалармен қамтамасыз етуді қолдағанымызбен, өмірдің шындығы басқаша . . .

Оның екінші маңызды ерекшелігі: қарапайымдылығы. Барлық 3D - программаларға тән нәрсе бір-бірімен байланысты көптеген түймешелер, менюлер, орнықтырулар, осыларды игеру үшін асқан ақыл қажет. Мысалы, Maya логикасы кез-келген жәй адамға түсініксіз, ал Houdini пакетіне арнайы тригонометриялық функция немесе векторлы алгебраны білмейінше аяқ баса алмайсыз.

Ал 3D Studio Max игеруге өте оңай. 3D - да модельдеу үшін біріктірілген стандартты объектілердің бірі - teapot, яғни қарапайым шәугім болғандығы жайдан-жай емес. Қазіргі заманда 14 жастағы жасөспірім өз компьютерінде 3D Studio Max-ты орнатып, өзі құрастырған суретіне қалай «жан бітетінін» бақылай алады. Ол тек цилиндр мен параллелепипедтен тұрса да, оны жан-жағынан тіпті астынан да көруге болады. Бұл жерде қалайша өзіңді ұлы жаратушы ретінде сезінбейсің! Ал одан кейін күрделі графикалық объектіні жасау цилиндр мен конустардан да қиын екендігін түсінгенде, осыны танып білу барысы қызықтыратыны сонша, тіпті өмірінің бар ісіне және кәсіби қажеттікке айналады. Мысалы, логотип немесе фирма белгісі 3D Studio Max көмегімен тамаша әзірленеді. Бірақ бұл жерде фирмаға логотип қана емес, фирмалық стиль қажет екенін ұмытпау керек.

Осы программаны қалай және қай салаларда қолдануға болады деген сұрақ туу мүмкін. Атап өту керек, 3D Studio Max әмбебап программалар тізіміне кіреді. Үш өлшемді графиканы қолдану аясы кең - ғылыми зерттеулер, физикалық есертерді модельдеу, дизайн әзірлемесін жасау, бейнеойындар жасау, үш өлшемді көпірлерді жобалау және т. б. Өздеріңіз көріп отырғандай бір ғана программаны оқып білу арқылы 3D модельдеу техникасын толық меңгере аласыз. Осы программа қозғайтын аспектілердің бірнешеуі мыналар:

архитектуралық жобалауда;
телевидение үшін жарнамалық және ғылыми - танымдық роликтерді дайындауда;
компьютерлік мультипликация мен көркем анимацияда(арнайы эффект және т. б) ;
компьютерлік ойындарда;
компьютерлік графика мен web-дизайнда;

Программаны қолдана отырып қарапайым күрделі емес заттарды да одан үлкен көлемді заттарды модульдей аласыз. Бұл құрастырма ойынына ұқсас, сіз қарапайым заттарды(үш өлшемді) алып құрастыра бастайсыз. Сіз әлдебір объект немесе сахнаны модельдеп болған соң, сізге модельді «қаптайтын» материал қажет болады. Мысалы, пластик, ағаш, тас, т. б және осы материалдарды объектілерге қолдану керек. Материалдарды өзіңіз ойлап құрасаңыз да болады, ол үшін сіз (Material Editor) деп аталатын материалдар редакторын қолданасыз. Бұл программалар пакетінің басты артықшылығы, сахналар мен модельдерді әзірлеу үшін мұнда кейбір құрамдас бөлшектердің және т. б көптеген нәрселердің болуы. Сізге бар жоғы керек материал деректива, параметр таңдау ғана қалады, басқаша мұны нысаналы-белгіленген модельдеу деп атауға болады.

Модельдерді құрастыру үшін көптеген программалар бар және 3D Max-ты пайдалану жеке бастың ісі. Оқып білместен бұрын осы программалар пакетін әзірлеу ұзақ уақыт жүргізілгенін атап өту керек, әзірлеу компьютерлік графика пайда болғаннан бастап қазірге дейін жүргізілуде. Әзірлеушілер әр жаңа версиясын шығарарда, ең басты мақсат-жұмыс қарапайымдылығына мүмкіндік беретіндей өзгерістер енгізіп отырды, ғылыми тілмен айтқанда, яғни әр келесі адымды көрнекі бейнелеу арқылы. Сіз кез келген уақытта өзіңіздің моделіңізге өзгерістер енгізе аласыз. Жыл өткен сайын программалық қамтамасыз етуді әзірлеушілердің басым бөлігі өздерінің программаларын қарапайым пайдаланушыларға қолжетімді етуді көздеп отыр.

1 Autodesk 3ds Max

Autodesk 3ds Max - бұл 3D модельдер, 3D анимация мен рендерингті өңдеу және құрауды кешенді шешуге арналған толық функционалды кәсіби сайман. Программаны кәсіпқойлардың басым бөлігі үш өлшемді графика саласында қолданады: ойындар, бейне эффект пен дизайн. Программада түрлі пішінді әрі күрделі 3D модельдерді, түрлі тәсілдер мен механизмдер қолданылған өмірде бар немесе ойдан шығарылған заттарды құрастыруға арналған кең ауқымды құралдар бар.

3DStudio Max негізгі мүмкіндіктері

3D модельдеу - Autodesk 3ds Max пен Autodesk 3ds Max Design-де 3D модельдеу үшін неғұрлым толық саймандар жиынтығы берілген:

Полигон, сплайн және біртектес емес рационалды B-сплайн (NURBS) көмегімен модельдеу мүмкіндігі параметрлік және органикалық объектіні құру мүмкіндігін береді.
Graphite модельдеу саймандарының жиынтығына кіретін полигондар комегімен модельдеуге әрі 3D еркін формаларын құруға арналған 100-ден аса саймандар, шығармашылық шабыттың дамуына жол ашады.
ProOptimizer технологиясы модельденетін объектінің нүктелері мен қырларын дәл басқаруды қамтымасыз етеді. Белгіленген объектілер санын 75% дейін бөліктерін азайтпай-ақ қысқартуға мүмкіндік береді.
Полигональді торларды жаймалау мен сабдив-беттермен жұмыс істеу саймандары ұсақ бөліктерді мұқият пысықтауға және интерактивті манипуляция рендеринг үшін желіні оптимизациялау мүмкіндігін береді.

Күңгірттеу және текстурамен жұмыс - бояу құралдарының кең таңдауы, текстура қабатын салу мен конфигурациялау, сахнадағы объектілерді қарап отыру.

Текстурамен шығармашылық жұмыс жасау мүмкіндігі оның ішіне мозайка орналастыру, айналық шағылысу, декаль, шайылу, сплайндар салу, UV текстурасын созу, бұрмалауларды жою, UV текстурасын белгілеу, UV - шаблонын экспорттау және т. б. кіреді.
Slate материалдар редакторы текстура, бейнелер, материалдар үлгілері мен процедуралық текстуралардың мол кітапханаларын пайдалана отырып, кез келген күрделік деңгейін күңгірттеуді модельдеуге мүмкіндік береді.
Текстурадағы рендеринг қызметі әр нысананың материал параметрі мен жарықтығын текстураның жаңа картасына салуға көмектеседі.

Анимация - озық саймандар интеллектуалды, шынайы кейіпкерлерді жасауға және жоғары сапалы анимацияны орындауға көмектеседі.

Кейіпкерлерді, екі аяқты тіршілік иелерін және тобырды анимациялау саймандары процедуралық анимациямен жабдықтауды тиімді орындауға мүмкіндік береді.
Skin CAT Muscle модификаторлары сүйектер қозғалғандағы қаңқаның түр өзгерісін дәл әрі байыппен басқаруға мүмкіндік береді.
3ds Max сүйектерін пайдаланып күрделі механизм мен кейіпкерлерді стандарт емес қаңқалармен жабдықтауға болады, олар кері кинематика (IK) есебін шешу модульдері және жабдықтаудың икемделетін құралдары болып табылады.
Контроллерлер арасындағы бір немесе екі жақты байланысты біріктіру анимацияның қарапайымдалған интерфейсін құруға мүмкіндік береді.
CAT, Biped және 3ds Max нысаналары қабаттарды қолдана отырып анимациялануына болады, ол негізгі кадрларды бұзбай-ақ қозғалысты қолға алу тығыз деректерімен жұмыс істеуге мүмкіндік береді.

Динамика мен эффекттерді нұсқалау - тексерілген нәтижелі саймандар динамика мен эффект құруға көмектеседі.

Киімді үлгілеуге арнап енгізілген модуль, кез келген 3D объектілерін киімге түрлендіре алады әрі киім керек-жарақтарын басынан бастап құра алады. Содан соң оларға өзгертулер енгізіп анимациялауға болады.
Сіз тері немесе шаш жамылғы әсерін әрі бір тұтам шаш негізінде басқа эффект (м-лы шөп) жасай аласыз, жоғары дәлдікпен стильге салып күрделі оқиғалы-басқару эффектінің бөлшектерін (м-лы су, от, тамшы, қар) әзірлеп, оларды сөздердің, сценарий мен қимыл-қозғалыстың көмегімен басқара аласыз.

Рендеринг - 3D рендерингінің зор мүмкіншіліктері қысқа уақытта керемет сапалы бейне алуға көмектеседі.

Сіз жоғары сапалы визуализация мен анимацияны орындай аласыз, Quicksilver инновациялы жоғары өнімді рендерін қолданып маркетингтік материалдар дайындай аласыз.
Mental ray® рендерингінің модулі фото шынайы жарық пен пайдаланушылар шейдерін тез дәлдеуге мүмкіндік береді.
Mental ray пакетті рендерингіндегі шексіз мүмкіндіктер желі қорын тиімді әрекет етуіне және рендерингті жылдамырақ орындауға мүмкіндік береді.
Reveal™ жүйесі бөлек аумақтарды көрінетін экранда да, кадр буферінде де визуалдауға мүмкіндік береді.
Рендердің бірнеше өткелдерінен біруақытта нәтижелерді архитектуралық және дизайндық материалдардан кең динамикалық диапазонды (HDR) бейнелерді қоса, 3ds Max® Composite модуліне шығарады.

Жұмыс барысының интеграциясы - түрлі көздерден деректерді импорттау және Autodesk 3ds Max пен 3ds Max Design деректерін файлдар, қосымшалар, пайдаланушылар мен жұмыс орындары арасында реттелген тасымалдау.

Autodesk® FBX® технологиясы жетекші 3D қосымшаларымен деректер алмасу мүмкіндігін береді, оның қатарында Autodesk® Maya® - 3D анимациясы, модельдеу, визуалды эффект жасау, рендеринг пен композитинг программасымен; Autodesk® Mudbox™ - сандық 3D мүсіндеу мен текстураны салу программасымен, ал Autodesk® Revit® Architecture - ғимараттарды программалаумен.
Файлдарды байланыстырудың құрылымсыз процедуралары Autodesk қосымшаларында жасалған, FBX форматында экспортты қолдайтын бастапқы жобалық деректердегі өзгерістермен тиімді жұмыс істеуге мүмкіндік береді.
3D САПР Autodesk® Inventor® -дан қатты денелерді импорттау тікелей Autodesk 3ds Max пен Autodesk 3ds Max Design түседі.
30 - дан аса деректерді 2D және 3D форматтарында, 3ds, AI, DEM, XML, DDF, DWG, DXF, FBX, DAE, IGES, IPT, IAM, OBJ, STL, VRML, FLT, SAT және SKP қоса біріктіру мүмкіндігі.

Бірлескен жұмыс - бірнеше пайдаланушылар бірігіп деректермен алмаса отырып күрделі сахналарды жасайды.

Сіз сахналармен жұмыс жылдамдығын көтеріп, жад шығынын азайта аласыз, ол үшін көрінетін экраннан контейнерлерді уақытша алып тастап, сахнамен байланысын сақтай отырып және қажет болғанда қайта жүктейсіз.
Сіз контейнер түйіндерін аударыстыра, жоя, көшірмесін жасай және сақтай аласыз.
Сіз контейнерлерді сахнаны ұйымдастырғанда нысана қасиеттерін қайта анықтау үшін пайдалана аласыз.
Түрлі пайдаланушылар жасаған контейнерлерді бір сахнаға байланыстыру мүмкіндігі әрі басқа пайдаланушылардың контейнерлерін өзгерту, бірігіп істеген жұмысты неғұрлым орамды және рұқсатсыз өзгертулердің алдын алады.

1. 2 Жүйелік талаптар

Операциялық жүйе: Microsoft® Windows® 7 Professional, Microsoft® Windows Vista® Business (SP2 н/е жоғары), немесе Microsoft® Windows® XP (SP2 н/е жоғары) .

Жеке бөлшектер мен кіші және орташа күрделіліктегі заттарды жалпы анимациялау мен қайта орындау үшін (1000 бөл. көп емес н/се 1 полигон) :

Intel® Pentium® 4 1, 44 жиіліктегі немесе соған ұқсас SSE2 технологиясымен жасалған AMD®.
2 Гб оперативті жады(4 Гб ұсынылады)
2 ГБ ауытқу файлында(4 Гб ұсынылады)
Қатты дискте 3 Гб бос орын
Direct3D® 10, Direct3D 9 немесе OpenGL® қолдайтын графикалық адаптер(бейнетөлем үшін 256 Мб жадтан кем емес, 1 Гб ұсынылады н/се одан көп)
Үштүймелі тышқан драйверімен
DVD-ROM жетегі
Браузер Microsoft® Internet Explorer® 7. 0 немесе кейінгі версиясы, болмаса Mozilla® Firefox® 2. 0 немесе кейінгі версиясы
Файлдарды жүктеу және Autodesk® Subscription Aware кіру үшін Интернетке қосылу

1. 3 Autodesk 3ds Max Design-нің Autodesk 3ds Max-тан өзгешелігі

Exposure жарығын есептеу мен модельдеу технологиясы

Exposure жарығын есептеу технологиясы күн, аспан және жасанды жарықты архитектуралық құрылыс 3D жобалауында модельдеуге мүмкіндік береді.

Сіз жарық деңгейін кез келген жерде еркін пішіндегі арнайы өлшеу торын құру арқылы өлшей аласыз.
Бұл мүмкіндік ғимарат ішіндегі жарыққа қойылатын талаптарды есепке алуда көмегін тигізеді.
Exposure функциясының жиынтығы экологиялық тиімді жобалауда таптырмайтын нәрсе, себебі ол дәлме-дәл болжай алады.
Күрделі архитектуралық жобаларға тікелей түскен жарықтың ықпалын аналитикалық зерттеудің интерактивті нәтижелері көрінетін экранда шығады.

Civil Visualization Extension кеңеюі

Civil Visualization Extension кеңеюі инфраструктура күрделі жобаларын дәл 3D визуализациялауды тез әрі тиімді орындауға мүмкіндік береді. Стильдер мен арнайы параметрлік объектілер мен материалдардың кең ауқымды кітапханалары негізіндегі қарапайым функциясының арқасында Civil Visualization Extension тіпті 3ds Max Design - пен таныс емес пайдаланушыға әсерлі тұсаукесерлер жасауға көмектеседі. Civil Visualization Extension AutoCAD® Civil 3D® және басқа қосымшалар деректерімен инфраструктура объектілерін жобалау үшін динамикалық байланыс орналастырады, мысалы Bentley® MXROAD®. Бұл жобаны визуализациялауға өзгертулер енгізуді жеңілдетеді.

1. 4 3D Studio Max 2011 жаңалықтары

Slate материалдар редакторы

Slate - Autodesk 3ds Max 2011 мен Autodesk 3ds Max Design 2011 - дегі жаңа құрылымдық материалдар редакторы - материалдың кешендік желілерін редакциялау мен оны құрудағы өнімділікті жоғарылатуға мүмкіндік береді. Интуитивті сызбалы құрылым визуализацияға заманауи талаптарға сай көп мөлшердегі материалдарды қолдау үшін әзірленген.

Контейнерлерді локалді редакциялау

Контейнерлермен жұмыс істеудің жетілдірілген барысы сыртқы деректерге бұзбайтын локалді редакциялауды қондыруға мүмкіндік береді. Жобаларды орындау мерзімін қысқартуға параллель жұмыс істеу арқылы жетуге болады: бір пайдаланушы контейнердің блоктан шығып кеткен жақтарын итерациялы редакциялағанда, екіншісі осы уақытта базалық деректерді нақтылауды орындайды. Бірнеше пайдаланушылар біруақытта бір контейнердің түрлі элементтеріне өзгеріс енгізе алады, осы кезде біруақытта бір компонентті редакциялауға тыйым салынады.

Жақсартылған модельдеу мен текстуралау

Autodesk 3ds Max 2011 мен Autodesk 3ds Max Design 2011 - де Graphite пен Viewport Canvas саймандар жинақтары 3D модельдеуді және текстурамен жұмысты жылдамдатуға көмектесетін жаңа мүмкіндіктермен толықтырылған:

Кеңейтілген саймандар жиынтығы көрінетін экранда 3D бояу мен текстураны редакциялау үшін.
Сахнада объектілік қылқаламдар көмегімен геометрияны салу.
UVW - координаттарын редакциялауға арналған қылқаламдардың жаңа интерфейсі.
Ұзартылған қабырғалық ілмектердің интерактивті қызметі.

Көрінетін экранда материалдарды бейнелеу

Көрінетін экранда 3ds Max пен Autodesk 3ds Max Design текстураларының картасы мен материалдарын көру мүмкіндігі интерактивті ортадағы сахналарды рендерингті ұдайы қайталамай-ақ нақтылауға және әзіллеме жасауға мүмкіндік береді. Суретшілер мен дизайнерлер жобаның ақырғы вариантына жақын контекстінде шешім қабылдауы мүмкін, ол қателер санын азайтуға көмектеседі және жұмыс барысының шығармашылығын арттыруға сеп болады.

Autodesk 3ds Max Composite

Рендеринг өтуін жақсартуға және оны шынайы қозғалыстағы кадрларға енгізуге Autodesk 3ds Max Composite мүмкіндік береді - толық функционалды жоғары тиімді Autodesk Toxik технологиясы негізінде әзірленген, HDR қолдайтын құрастырғыш. 3ds Max Composite қызмет жиынтығы кодтау, түс түзету, трекинг, камераны проекциялау, растрлық және векторлық сурет салу, сплайн негізінде ауытқушылық, объектілердің жырмалануы, айқындық тереңдігін дәлдеуді, сонымен қатар стереоскоптық бейнелерді қолдау мүмкіндігін береді.

Autodesk FBX арқылы Autodesk Revit Architecture-мен файлдық байланыс

Autodesk Revit Architecture - дан жобалық өзгертулерді алу Autodesk FBX файлдық байланыс технологиясы арқасында мүмкін. Деректерді осылай интеллектуалды басқару, бастапқы жобаға әлдебір өзгерістер енгізілгенде, визуализацияға түзетулер жасауды азайтуға көмектеседі. Осылайша шешім қабылдаудың желілік емес процестері іске асырылады да итерациялы ұжымдық жұмыс барысы қалыптасады. Дизайнерлер де келіп түскен материалдарды топтастыру үшін импорттаудың жаңа опциясын қолдана алады, ол деректердің кешендік жиынтықтарын басқаруды жеңілдендіруге және оңтайландыруға көмектеседі.

Тікелей манипуляция үшін контексті интерфейс

Полигоналді модельдеу үшін жаңа контексті пайдаланушы интерфейсі уақытты үнемдеуге және шығармашылық мәселелерге көп көңіл бөлуге көмектеседі. Ол тышқанның артық қозғалысын жоюға мүмкіндік береді. Модельдеу мамандары қасиеттерді интерактивті қозғалысқа сала алады, көрінетін экранның қажетті нүктесінде деректерді енгізе алады және өзгертулер енгізерде нәтижені алдын-ала қарап шығу мүмкіндігі болады.

Кейіпкерлерді анимациялау үшін енгізілген саймандар жиынтығы (CAT)

... жалғасы

Сіз бұл жұмысты біздің қосымшамыз арқылы толығымен тегін көре аласыз.