Оқыту әдістер тобы әдістер

Жұмыс түрі: Дипломдық жұмыс
Тегін: Антиплагиат
Көлемі: 67 бет
Таңдаулыға:

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

Қ. А. ЯСАУИ АТЫНДАҒЫ ХАЛЫҚАРАЛЫҚ ҚАЗАҚ-ТҮРІК УНИВЕРСИТЕТІ

ӨНЕР ФАКУЛЬТЕТІ

БЕЙНЕЛЕУ ӨНЕРІ КАФЕДРАСЫ

ҚАЛДЫБАЙ ЖАНАТ

ҚАЛЫҢДЫҚ КӨЙЛЕГІН ЗАМАНАУИ НАҚЫШТА КӨРКЕМ ӨҢДЕУ ТЕХНОЛОГИЯСЫ

ДИПЛОМДЫҚ ЖҰМЫС

^{5В012000 «Кәсіптік оқыту» мамандығы}

Түркістан 2016

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

Қ. А. ЯСАУИ АТЫНДАҒЫ ХАЛЫҚАРАЛЫҚ ҚАЗАҚ-ТҮРІК УНИВЕРСИТЕТІ

ӨНЕР ФАКУЛЬТЕТІ

БЕЙНЕЛЕУ ӨНЕРІ КАФЕДРАСЫ

"Қорғауға жіберілді"

Кафедра меңгерушісі

Ауелбеков Е. Б., доцент м. а.

ДИПЛОМДЫҚ ЖҰМЫС

ТАҚЫРЫБЫ: ҚАЛЫҢДЫҚ КӨЙЛЕГІН ЗАМАНАУИ НАҚЫШТА КӨРКЕМ ӨҢДЕУ ТЕХНОЛОГИЯСЫ

^{5В012000 «Кәсіптік оқыту» мамандығы}

Орындаған: Қалдыбай Ж.

Ғылыми жетекшісі: п. ғ. д., профессор Г. Ғ. Еркибаева

Түркістан 2016

Аннотация

Дипломная работа посвящена методам обучения учащихся старших классов художественному украшению одежды невесты на уроках технологии.

В работе рассматриваются психолого-педагогические аспекты обучения учащихся старших классов художественному украшению одежды невесты, дается анализ типовой программы обучения учащихся старших классов художественному украшению одежды невесты, и, в качестве примера, предлагается модель одежды невесты.

Soyut

Tez lise öğrencilere teknoloji derslerine gelin elbise sanatsal dekorasyon öğretim yöntemlerine ayrılmıştır.

Lise öğrencilere gelin elbise sanatsal dekorasyon öğretim psikolojik ve pedagojik yönleri ile kağıt fırsatlar, bir örnek olarak, biz gelin elbise modeli öneriyoruz, lise öğrencilerinin tipik müfredat gelin elbise sanatsal dekorasyon analiz eder ve.

Аnnotation

Thesis is devoted to the methods of teaching high school students the artistic decoration of the bride dress on technology lessons.

The paper deals with the psychological and pedagogical aspects of teaching high school students the artistic decoration of the bride dress, analyzes the typical curriculum of high school students the artistic decoration of the bride dress, and, as an example, we propose a model of the bride dress.

Мазмұны

НОРМАТИВТІК СІЛТЕМЕЛЕР . . . 3

АНЫҚТАМАЛАР . . .

БЕЛГІЛЕУЛЕР МЕН ҚЫСҚАРТУЛАР . . .

КІРІСПЕ . . .

1 ОҚУШЫЛАРДЫ КИІМДІ КӨРКЕМ ЖОБАЛАУҒА ҮЙРЕТУДІҢ ТЕОРИЯЛЫҚ НЕГІЗДЕРІ

1. 1 Жоғары сынып оқушыларының белсенділіктерін технология сабағында дамытудың психологиялық-педагогикалық ерекшеліктері . . .

1. 2 «Белсенді әдістер» ұғымына сипаттама . . .

1. 3 Жоғары сынып оқушыларына киім үлгілерін көркемдеп өңдеуге үйретуде эстетикалық талғамын қалыптастырудың мүмкіндіктері . . .

2 ЖОҒАРЫ СЫНЫП ОҚУШЫЛАРЫНА КИІМ ҮЛГІЛЕРІН КӨРКЕМДЕП СӘНДЕУГЕ ҮЙРЕТУДІҢ ӘДІСТЕРІ МЕН ФОРМАЛАРЫ . . .

2. 1 Киімді көркем өңдеу үйретудегі қолданылатын белсенді әдістер туралы

2. 2Киімді көркем өңдеу әдістері

2. 3 Қалындық киімін көркем өңдеуді белсенді әдістер арқылы үйретудің ерекшеліктері

3 ҚАЛЫНДЫҚ КИІМІН ТІГУ ТЕХНОЛОГИЯСЫ ЖӘНЕ ЭКОНОМИКАЛЫҚ МӘЛІМЕТ

3. 1. Қалындық киім үлгісін тігуге қажетті материалдар және мата түрлеріне сипаттама

3. 2. Қалындық киімінің сызбасын сызу және модельдеу . . .

3. 3. Қалындық киімінің өзіндік құнын есептеу . . .

Қорытынды . . .

Пайдаланылған әдебиеттер . . .

Қосымша

НОРМАТИВТІК СІЛТЕМЕЛЕР

1. Қазақстан Республикасының «Білім туралы» Заңы Өзгерістер мен толықтыруларымен

2. Қазақстан Республикасында білім беруді дамытудың 2005-2010 жылдарға арналған мемлекеттік бағдарламасы

3. Қазақстан Республикасының 2015 жылға дейінгі білім беруді дамыту тұжырымдамасы

АНЫҚТАМАЛАР

1. Әдіс - гректің «metodos» - белгілі ақиқатқа, шындыққа, мақсатқа жетудің жолдары

2. Әдіс - білім беру, тәрбиелеу жэне дамыту барысында белгіленген мақсатка

жетуді қамтамасыз етуге, ғылымда зерттеуді жүзеге асыруға көмектесетін

тэсіл, алға қойған міндеттерді шешу үшін ұйымдастырылған адамдардың, ұжымдардың іс - әрекетінің бір жолы.

3. Окыту әдістері деп оқу - тәрбие мақсаттарына жетуге бағытталған мұғалім мен оқушылардың өзара байланысты іс - әрекеттерінің тәсілдері.

4. Әдістеме - әдістер жиынтығы

5. Оқытудың белсенді әдістері

1. оқушының іс-әрекеті өнімді, шығармашылық, ізденіс сипат таситын окыту әдістері;

2. оқушының танымдық іс-әрекетін ынталандырушы және қандай да болсын мәселенің шешу жолдары жөнінде еркін пікір алмасуды көздейтін диалогқа құрылған әдістер. Оларга әңгіме, диспут, тақырыптың семинар, іс ойын, тренинг жатқызуға болады.

6. Технология -- іскерлік, шеберлік, білгірлік.

БЕЛГІЛЕУЛЕР МЕН ҚЫСҚАРТУЛАР

ЖОО -жоғары оқу орны

ХҚТУ - Халықаралық қазақ-түрік университеті

БҮМ - Белсенді үлестірмелі материалдар

КІРІСПЕ

Зерттеудің көкейкестілігі. Елімізде білім берудің жаңа жүйесі жасалып, оның мазмұнының түбегейлі өзгеруі, оның дүниежүзілік білім кеңістігіне енуі бүкіл оқу-әдістемелік жүйеге, мұғалімдер алдына жаңа талаптар мен міндеттер қойып отыр. Бұдан шығатыны, ХХІ ғасырдың алғашқы жылдарының негізгі проблемаларының бірі - «Білім-бүкіл өміріңе» қағидасынан «Білім бүкіл өмір бойына» қағидасына өте алатын білім жүйесінің ұйымдық құрылымдарын іздеу болып табылады.

Өнердің барлық түрі өзіне тән бейнелі тілі, тәсілдері мен әсемдік әлемін ашып көрсете отырып, адам сезіміне әсер ететіні мәлім. Қазақ халқы сонау ерте заманнан-ақ күнделікті еңбек қызметінде өзінің қолданбалы өнерін дамытып отырды. Қодданбалы өнерге тән ерекшеліктер: айналадағы ортамен, өмірмен, еңбекпен тығыз байланысты болды. Ұлттық қолданбалы өнердің әлеуметтік-тәрбиелік ролі тек оның туындыларының өзіндік көркемдік, эстетикалық құндылығымен бағаланбайды, сонымен қатар адамның өз заманына сай талғамын білдіруінен, өткеңдегі мәдениетпен, ұлттық дәстүрлермен сабақтастығынан көрінеді.

Н. Ә. Назарбаевтың "Қазақстан экономикалық, әлеуметтік және саяси жедел жаңару жолында" атты Қазақстан халқына жолдауында "XXI ғасыр деңгейінде білім беру мен кәсіптік даярлауда білімін дамыта алмаған елдің тығырыққа тірелері анық. Сондықтанда біз болашақта жоғары технологиялық және ғылыми қамтымды өңдірістері үшін кадр қорын жақсартуымыз қажет деп атап өтіп, барлық техникалық және кәсіптік білім беруді дамытуға бағытталған тиісті шаралар қолдануымыз шарт" деп айтты [1] .

Қазақстан Республикасының жалпы және кәсіптік білім беретін мектептерге арналған тұжырымдамасында "мектептің мақсаты жас ұрпақгы, жастарды ұлттық игіліктермен адамзат мәдени мұрасының сабақтастығын сақтай отырып оқыту, тәрбиелеу және әрбір шәкіртті жеке тұлға деп санап, оның ой-өрістерінің жан-жақгты дамуына жағдай жасау қажет" деп атап көрсетілген [2 ] .

Бүгінде заман талабына сай жастарды киім тігуге, модельдеуге, пішуге үйретіп, әрі эстетикалық талғамын, көркемдік білім деңгейін көтеру, халық қолөнерінің мұрасын қайта жаңғыртып түрмыста сән құра білуге үйрету маңызды мәселелердің бірі болып отыр.

Қазақстан халықтары ассамблеясының республика азаматтары үндеуінде жастарды ертеңгі күннің өлшемдеріне сай өмір сүруге дағдыландырып, халықгың мәдениетін меңгерген, жаны да, тәні де сұлу адам тәрбиелеуге, жалпы ұлттық сана-сезімі мен ұлтаралық қатынас мәдениетінің биік деңгейіне жете алатындай білім беретін жүйесін қайта құруға бағытталған.

Қазіргі уақытта халықтың өнерге деген ынта-ықыласы анағұрлым жоғарылады. Себебі, қоғамның даму барысында мәдени, экономикалық, саяси-жағдайлардың бәрі де үлттық психология мен көзқарастар адамның сана-сезімінің, талғамының дамуына әсер етеді. Ал, тұтынушылардың арта түсуіне байланысты, мода ағымы да үнемі жаңарып отырады.

Қазақстан Республикасының Білім министрлігінің тәлім-тәрбие тұжырымдамасында "Ұлттық мәдениет пен өнер негізінде жан-жақгы эстетикалық тәрбие беру, сұлулыққа, тазалыққа үйрету, адамзат қоғамында бұрын-соңды жасалмаған мәдени мұраны жүйелі меңгеруге жалпы әлемдік рухани игіліктерді бағалай білуге тәрбиелеу" - жақтары қарастырылады [3] .

Ал "Еңбекке оқыту және тәрбиелеу" тұжырымдамасында "Еңбек негіздерін мектеп жасында қалыптастырмай олардан іскер мамандар шықпайды" - деп окушыларды мектеп қабырғасында тігуге, токуға, бастырмалауға т. б., үйрету жұмыстары бағдарламаларда қамтылған [4] .

Оқушыларға киімді көркем жобалауға үйретудің мазмұндық, композициялық, техникалық, конструкциялық, технологиялық ерекшеліктерін терең меңгерту олардың танымдық түсініктерінің кеңеюіне, ұлттық киімдерге және оны әзірлеуге ынталарының артуына, ұлттық мәдени мұраға, еңбекке оң қатынасын дамытып, еңбекке бағыттылығын қалыптастыруға ықпал етеді.

Ғылыми әдебиеттерді талдау барысында біздің анықтағанымыз: еңбек, еңбек тәрбиесі, мамандық таңдау мен еңбекке дайындаудың теориялық аспектілері де жан-жақты қарастырылған. Оқушыларға кәсіптік бағдар беруде еңбекке оқыту мен тәрбиелеу (О. Сатқанов, С. Жолдасбекова, М. Х. Балтабаев, Т. А. Қышқашбаев, Ф. Жұмабекова [2; 3; 4; 5; 6] ; еңбекке оқытудың тарихи педагогикалық аспектілері (Г. А. Уманов, А. К. Ақышев, В. В. Радлов, А. Янушкеевич, А. Левшин және т. б. ) мәселелерін зерттеген [7; 8; 9; 10; 11] ; кәсіптік-техникалық білім берудегі еңбекке баулу, еңбек мәдениетін қалыптастыру (Б. Момынбаев пен Қ. М. Арынғазин, Ж. Балкенов, Г. Т. Хайруллин, Л. К. Керимов, Ш. Таубаева, Б. А. Әлмұхамбетов, М. А. Құдайқұлов, ) [12; 13; 14; 15; 16; 17; 18] .

Қазақ халық педагогикасындағы еңбек дәстүрлеріне аса мән берген С. А. Ұзақбаева [19], Ұ. М. Әбдіғапбарова сәндік-қолданбалы өнер арқылы халықтың балалар мен жастарды еңбекке тәрбиелеу жүйесін негіздеп жасаған [20] .

Біздің ұлттық киімдеріміздің шығу, даму тарихын, әлеуметтік мәнін, мазмұндық, технологиялық, стильдік ерекшеліктерін ғалымдар Ө. Жәнібеков, С. Қасиманов, Ә. Марғұлан, М. С. Муканов және т. б. ) [21; 22; 23; ] ой елегінен өткізсе, қазақ ұлттық киімдеріне бейнеленетін ою-өрнектердің тәлім-тәрбиелік мүмкіндіктерін, ұлттық киім саласынан білімдерді жоғары оқу орнының оқу-тәрбие үрдісінде пайдаланудың жолдарын педагогтар (А. А. Бейсенбаева, С. Н. Илюсизова, Б. Т. Ортаев) жасап ұсынған [24; 25; 26] .

Ұлттық киім модельдеу, тігу, жасау мәселелерін (А. И. Ұзақова, Р. А. Наурызбаева, Н. А. Салыбекова; А. И. Ұзақова, Г. А. Байғабыл, Н. А. Салыбекова) [27; 28] ; технология пәнін өтіудің әідстемесін (Е. Асылханов, Қ. Әмірғазин, А. Д. Райымқұлова, М. Мырзаханов, А. Ш. Манабаева, П. Г. Демочка, Ұ. М. Әбдіғаппарова мен С. А. Ұзақбаева, В. П. Овечкин, В. С. Безрукова, Б. Т. Ортаев, О. Сыздықов, Д. Пошаев, Б. Ортаев) [29; 30; 31; 32; 33; 34; 35; 36; 37; 38; 39] . Қазіргі кездегі киім әзірлеу технологиясын жүзеге асыруда келесі арнайы әдебиеттерге талдау жасалынды: киімге қолданылатын маталар бойынша А. Байбатшаева [40], киімді көркемдеп сәндеу С. Жолдасбекова [41], толығымен өңдеудің жалпы кезеңдерін қамтитын және оларға қолданылатын тігін машиналарының түрлері туралы мағлұматтарға А. И. Зюзин [42], балалар және әйелдер киімдерін сәндеу А. Бағжаева [43], сырт киімдерді әзірдеуде В. Литвинова [45], киімді конструкциялау және модельдеу бойынша К. Махмутова [46], ал стильдерді қазіргі талабына сай таңдауға А. Б. Гофман «Мода и люди» [47] .

Қазіргі білім беру ісінің басты шарттарының бірі болып оқушының өзіне керекті мәліметті өзі іздеп табуына үйретіп, олардың өз оқу траекторияларын өзінің таңдай білуі есептеледі. Осы тұрғыдан алып қарасақ оқушыларға білім, білік, дағдыны қалыптастыруда белсенді әдістердің маңызы зор.

Сондықтан оқушыларға белсенді әдістер арқылы жоғары сынып оқушыларына киімді жобалау және модельдеуді үйрету барысында біз окушылардың бойындағы әсемдікті түсіну және сезіну, эстетикалық көзқарасқа, ұқьптылыққа, сұлулыққа, іскерлікке, еңбек сүйгіштікке т. б. баулимыз. Сонымен қатар жан-жақты белсенді әдістер арқылы оқушылардың жобалау және модельдеу тұрғысынан танымын кеңейтіп, дағдысын қалыптастырамыз.

Осыған орай біз диплом жұмысымызды «Қалыңдық көйлегін заманауи нақышта көркем өңдеу технологиясы» деп таңдадық.

Зерттеудің мақсаты: әртүрлі ( белсенді) әдістер арқылы оқушыларға киімді көркем өңдеуді үйретуде олардың қызығушылығын қалыптастыруды теориялық тұрғыда негіздеу және оның мазмұны мен әдістемесін жасау.

Зерттеудің міндеттері:

Оқытудағы белсенді әдістерді зерделеу;
Киімді көркем өңдеу әдістерін анықтау;
Жоғары сынып оқушыларына белсенді әдістер арқылы қалындық киімін көркем өңдеуді үйретудің ерекшеліктерін айқындау;
Белсенді әдістер арқылы жоғары сынып оқушыларына қалындық киімін көркем өңдеуді оқыту барысын мазмұндау.

Зерттеудің нысаны:

Технология сабағында белсенді әдістер арқылы жоғары сынып оқушыларына киімді көркем өңдеуді үйрету әдістемесі

Зерттеудің пәні: Белсенді әдістер арқылы технология сабағында киімді көркем өңдеу тәсілдері барысында оқушылардың ептілігі мен дағдысын қалыптастыру жолдары.

Диплом жұмысының құрылымы: кіріспеден, 3 бөлімнен, қорытындыдан, әдебиеттер (47) тізімінен, қосымшадан, жасалған бұйымнан тұрады.

1 Оқушыларды киімді көркем жобалауға үйретудің теориялық негіздері

1. 1 8-сынып оқушыларына киімді жобалау және модельдеуді үйретудің мазмұны

«Технология» білім саласының басты мақсаты - оқушыларды еңбек тіршілігіне өз бетінше әзірлеуге даярлау, кәсіпкерліктің мол түрін үйрету. Ол мына негізде:

қоғамның жаңа технологиялық жолмен дамудың перспекгивалары мен энергиялықдаму, информация, экономикалық, экологиялық, кәсіпкерлік білімді үйрету, коғам дамуына керекті еңбек дағдыларын меңгерту;
оқушылардың өз бетінше іздемпаздылық, эстетикалық және шығармашылық жағынан дамуын қалыптастыру;
оқушыларды мұғалімнің берген білімі мен және жаңа технологиялық ғылым жетістіктерін өз бетнше оқып білімін жетілдіруге дүние жүзіндегі ғылым және білім саласына енген жаңа техникамен технологияларды оқып кәсіпкерлікті игеруде кәсіпкерліктің сарамандық негіздерін үйрету;
үй шаруасындағы және жанұядағы экономиканың алғашқы қарапайым түрлерін игеріп, жүргізе білуді уйрету;
қазіргі өндіріс пен өнім түрлерін игеру, оны күнделікті тұрмыста пайдалана білу жолдарын игеру;
оқушыларды өзі қалаған кәсіптің теориялық жане сарамандық білімм алу жолдарын өз бетінше шығармашылық негізде бағдарлама талабына сай меңгеру, үйрену жолдарын зерттеу, кәсіптің өзі қалаған түрін өз бетінше дамыту жолдарын жоспарлау оны әрі қарай дамыту, жетілдіру;
оқушылардың бағдарлама талабы негізінде кәсіптік білімін дамытуға, дүние жүзіндегі кәсіп түрлерін оқып үйренуге, кәсіпкерлікті таңдай білуге, сол кәсіп түрлерін өз республикамыз Қазақстанда ұлттық негізде дамыту, оларды аймақтық негізде жүргізе берудің жаңа әдістерін меңгерту;
қоғам дамуындағы сауда экономикасы менеджменті, маркетингі жөнінде терең түсінік беру, оны игерудегі түрлі әдістерді, оның жеке өндірістік және шаруашылық негіздерін ұйымдастыру жолдары мен қызмет түрлерін үйрету.

Білім стандарты бойынша технология пәнін оқыту төмендегі міндеттерге негізделуі керек:

тігін материалдарын өңдеу жайында кәсіби білімді және ақыл-ой, сезімдік әрекеттер жүйесін қалыптастыру;
үй шаруашылығы мен отбасы экономикасын жүргізуге қажетті білім мен біліктіліктерін қалыптастыру;
материалды өңдеуде қазіргі өндіріс негіздеріжәне қызмет көрсету аясымен таныстыру;
тігін материалдарын өңдеуде жобалау мен конструкциялау мәселелерін шешу бойынша жас жеткіншектердің ізденімпаздығы мен қабілеттілігін дамыту;
еліміздің ұлттық және аймақтық ерекшеліктерін ескере отырып, кәсіби өзіндік айқындалуы мақсатында кәсіптік бағдарын анықтай алуын қалыптастыру;
оқушыларға нарықтык экономикалық, менеджмент, маркетинг туралы негізгі түсініктерді білуіне және қызмет көрсету мен аз өнімдерді өндіру және іске жарата алу біліктілігіне үйрету;
тігін материалдарын еңбек объектісі ретінде пайдалана алуға және оларды дизайн мен сәндік қолданбалы өнердің талаптарына сай әсемдей алуға үйрету;
компьютерлік технологияны меңгеру арқылы графикалық сызуды орындай алуы, жоба құжаттарын құра білуге ықпал ету.

Осындай міндеттерді орындауда нақты білім беру үшін оқу бағдарламасы ауыл және қала мектептерінде ұлдар мен қыздарға арналған бірнеше бөлімге адам-табиғат, адам-белгілер жүйесі, адам-адам, адам-көркем бейне, адам-белгілер жүйесі типі бойынша бағыттап оқытады.

Білім мазмұнын анықтайтын басты құжаттар стандарт пен типтік бағдарламадағы сипатталған оқу материалдары мен іс-әрекеттердің ғылыми негізінің ашылуы мен түсіндірулер, орындалу тәртібі оқулықтар мен оқу кұралдарында беріледі.

Мемлекеттік құжат - оқу жоспарларында 1) оқытылуға тиісті оқу пәндерінін тізімі белгіленеді, 2) әр оқу жылдары (сыныптар) бойынша осы оқу пәндерінің өту тәртібі және реті анықталады, 3) әр жетіде әр пәнге бөлінетін сағаттардың өлшері көрсетіледі.

Қазіргі білім беруде қолданыстағы "Технология" білім саласынын міндеттері:

оқушыларды өзіндік практикалық іс-әрекетпен жаңаны жасау, өзіндік жүзеге асыру ұмтылысын қаруландыру;
қазіргі заман өндірісінің технология, экономика, ұйымдастыру және экология саласындағы технологиялық мәдениетті және жалпыенбектік білім мен ептілікті игеруін, оның даму перспективалары жөнінде түсінікті қалыптастыруды қамтамасыз ету;
адамгершілік-еңбектік сапаны, кәсіпті тандау және еңбек сүйгіштік қоғамдық-құнды мотивтерді тәрбиелеу.

Бұл міндеттерді шешу, жүзеге асыру оқу-тәрбие үдерісінде оқушылардың технологиялық дайындығын ұйымдастыруда оқытудың казіргі заманғы педагогикалық технологиясын және дамыта оқыту әдістерін тиімді пайдалануда болып табылады. Оның ішінде білім мазмұны бағдарламадағы оку материалдарының толық мәнді көрсетілуіне байланысты болады.

«Технология» оқу пәні бағдарлама мазмұны төмендегідей оқу материалдарынан тұрады және олар теориялық мағлұматтар құрамын көрсетеді:

графикалық және бейнелеу сауаттылығы;
еңбекті ұйымдастыру мен жоспарлау;
техника (құрал-жабдықтар және т. б. ) ;
технологиялық үдерістер;
технологиялық үдерістер мен іс-әрекет барысында болатын экологиялық қасиет мағлұматтары (жұмысты орындаудағы әдістер мен тәсілдер; көркем өңдеу түрлері - әшекейлеу, әрлеу) ;
материалдар-жөніндегі негізгі мағлұматтар;
экономикалық білім элементтері;
бақылау және өзіндік бақылау.

Мұндай оқу материалдарының құрамы бағдарламаның базалық бөлігін кұрайды.

Бағдарламаға сәйкес практикалық іс-әрекеттерді төмендегідей етіп елестетуге болады:

графикалық, бейнелеу жұмыстарын орындау;
өлшемдерді анықтау;
еңбек объектісін таңдау мен іс-әрекетті жоспарлау;
технологиялық үдерістерді еңбекті қорғау талаптарына және үнемділік қағидасына сәйкес орындау;
өзіндік және бұйым сапасын бақылау.

«Технология» пәні бағдарламасы мазмұнындағы теориялық мағлұматтар мен практикалық іс-әрекеттер бағдарлама мазмұнында ғана қамтылып коймай, сондай-ақ, оқу үдерісінде оқыту технологиясына, әдістемесіне байланысты ашады.

«Технология» пәнінің мазмұны адамның кәсіби іс-әрекет түрлерін оқытатын болғандықтан міндетті түрде кәсіп саласы, мамандық түрі жөнінде мағлүматтарды қамтиды.

Сондай-ак аталған пән жоғарыда айтылған міндетіне сәйкес материалдык өндіріске тән технологиялык мәдениетті қалыптастыруды қарастырады. Адамның технологиялык мәдениеті - бұл мәдениет материалдық және рухани күндылыктарды әзірлеу бойынша түрлендіруші, шығармашылығы, экологиялық расталған, табиғи сәйкестіктегі іс-әрекеттер (Ю. Л. Хотунцев) :

«Технология» оқу пәнінің бағдарламалары мына төмендегі жағдайлар барысында жүзеге асырылады. Қазақстанның жалпы білім беретін мектептерінің оқу жоспарының инвариантты бөлімінде «Технология» білім саласын оқытуға барлық сыныптарға 2 сағаттан бөлінген. Жоғары сыныпта оқушыларға белгілі бір кәсіп саласы бойынша оқытуды терең қолға алуға сәйкес қолөнер бұйымдарындағы атқарылатын жұмыстарды іріктеудің нәтижесінде көпшілік орында жұмыс жасауға қажетті іс - әрекеттерге баулу қарастырылады.

Оқушылардың табиғи бейімділіктеріне қарай оқыта тәрбиелеу келешекте мамандығын таңдай білуіне бағыт-бағдар беру Білім Министрлігінің 2015 жылға дейінгі білім беру тұжырымдамасында көрсетілген кәсіптік бағдар беруінің негізі болып табылады.

Жоғарыда көрсетілгендей « Сәндік қолданбалы өнер элементтері негізіндегі көркемдік қолөнер технологиясы. Тігін бұйымдарын модельдеу » тарауы қыздарды оқыту мақсатында 5-9 сыныптар үшін өтіледі. Сабақта қыздар қолөнер бұйымдарын әзірлеуде қолданылатын еңбек операцияларын меңгереді. Мысалы, кестелеу, бастырмалау, тоқу, кесу, қию, пішу, көктеу, үтіктеу, желімдеу т. б. Көркем еңбек бұйымдарын дайындағанда оқушылар шығармашылық талғамын арттырады, заттың экологиялық және экономикалық қасиеті туралы білімдерін де қалыптастырады, сәндік - қолданбалы өнердің элементтерін қолдану арқылы бұйымды өрнектеп сәндейді.

Бағдарламада « Сәндік қолданбалы өнер элементтері негізіндегі көркемдік қолөнер технологиясы. Тігін бұйымдарын модельдеу » тарауында қолөнердің даму кезеңдері, және қолөнер бұйымдарының әзірлену барысы қарастырылады.

6-сыныпта Маталармен танысу. Тігін машинасымен жұмыс жасау. Киімді жобалау, дайындау және көркем әшекейлеу үшін 16 сағат бөлінген

Тігін машинасының құрылымы, қызметі, жұмыс істеуі принципі. Қол және машина тігістерінің түрлері. Инелерді орналастыру.

Белді бұйымдар (юбка, алжапқыш, қысқа шалбар) . Юбка тігу үшін материал тандау, қажетті өлшемдерді алу. Үлгі дайындау, пішу. Қол және машина тігістерін қолданып бұйымдар тігу. Юбка дайындаудың нұсқаулық-технологиялық картасын жасау.

Белді бұйымдар дайындау үшін сәндік-қолданбалы өнер элементтерін қолдану: кестелеу, түрлі қиқымдардан құрастырылған өрнектер жасау, інжу-маржанмен кестелеу, таспалар, шырмауық тігу. Сәнді жастықтар дайындау.

7-сыныпта Киімді жобалау және дайындау -12 сағат)

Иықтың жасамдары. Оның түрлері: түнгі көйлек, бешпет, қамзол, желет. Мата тандау. Адам ағзасына матаның экологиялық әсері. Моделді таңдау. Бұйымның сыртқы түріне сипаттама.

... жалғасы

Сіз бұл жұмысты біздің қосымшамыз арқылы толығымен тегін көре аласыз.