Мұнай құрамы бойынша күрделі

МАЗМҰНЫ

КІРІСПЕ

1 ГЕОЛОГИЯЛЫҚ БӨЛІМ

1. 1 Жалпы мәлімет . . .

1. 2 Стратиграфия . . .

1. 3 Тектоника . . .

1. 4 Өнімді горизонттардың коллекторлық қасиеттері . . .

1. 5 Мұнай, газ және судың физика-химиялық қасиеттері . . .

1. 6 Гидрогеологиялық сипаттамасы . . .

2 ТЕХНИКАЛЫҚ-ТЕХНОЛОГИЯЛЫҚ БӨЛІМ

2. 1 Скважиналарды пайдалану кезіндегі күрделі жағдайлармен күресу. Скважиналарды жер асты жөндеу . . .

2. 2 Скважиналардың сулануымен күресу . . .

2. 3 Скважинадағы құм тығынының пайда болуымен күресу . . .

2. 4 Парафин және асфальтен шөгінділерімен күресу . . .

2. 5 Тұз шөгінділері және олармен күресу . . .

2. 6 Скважинаны жер асты жөндеудің басқа да түрлері . . .

2. 7 Жөндеудің техникасы. Көтеріп - түсіру операцияларының механизмімен автоматизациясы . . .

3 ЕҢБЕК ҚАУІПСІЗДІГІ ЖӘНЕ ҚОРШАҒАН ОРТАНЫ ҚОРҒАУ БӨЛІМІ

3. 1 Мұнайгаз кәсіпшілігіндегі қауіпсіздік техникасы . . .

3. 2 Скважиналарды жөндеу кезіндегі еңбек қауіпсіздігі . . .

3. 3 Қоршаған ортаны және жер қойнауын қорғау . . .

4 ЭКОНОМИКАЛЫҚ БӨЛІМ

4. 1 «Октябрьмұнай» МГӨБ - ның ұйымдық сипаты . . .

4. 2 Негізгі және қосымша өндірісті ұйымдастыру . . .

4. 3 «Октябрьмұнай» МГӨБ - ның еңбекті және еңбекақы төлемін ұйымдастыру ерекшеліктері . . .

4. 4 Жанажол кен орнын пайдаланудың техникалық-экономикалық көрсеткіштерін сараптау . . .

4. 5 Мұнай мен газды өндіру көлемі . . .

4. 6 Жобаны іске асыру тиімділігінің көрсеткіштері . . .

ҚОРЫТЫНДЫ

ПАЙДАЛАНЫЛҒАН ӘДЕБИЕТТЕР

КІРІСПЕ

Қазақстан-ірі мұнай елдеріне жатады. Геологиялық қоры бойынша ол ТМД ішінде екінші орынды алады. (бірінші орынды Ресей) . Дүние жүзінде оныншы орында. Алайда 164 кен орынның 58-і ғана игерілуде. Барлық кен орындарын пайдаланса Қазақстан мұнай өндіру жағынан Ирак, Кувейт, Ливия, БАЭ секілді елдермен тең болар еді.

Ерте кездің өзінде-ақ батыс аймақ тұрғындары мұнай және оның қасиеттерін білген. Олар тайыз шұңқырлардан мұнайды жинап кейбір тері ауруларын емдеген.

1899 ж. Қаракүңгіл кен орнында 21 ұңғыма 38-275 м тереңдіктерде қазылған. №7 Ұңғымадан 40 м тереңдіктен бірінші фонтан алынған, дебиті 22-25 тн, бұл Қазақстан мұнай кәсіпшілігінің бастауы болды.

Ақтөбе облысы негізігі бөлігі Каспий маңы ойысының шығыс шегінде орналасқан, мұнайдағы іздеу барлау жұмыстары бұнда 70 жылдық тарихқа ие. Тұз асты түзілімдерінің алғаш кен орындары Шұбар-Құдық және Жақсымайда 1931, 1933 ж. ж. ашылған.

Геофизика өрістерінің және бұрғылаудың техникалық дамуы 60 жылдары бұл аумақты өте терең геологиялық зерттеуге мүмкіндік берді. Мұнайгаздылық ауданы 100 мың болды.

Кенқияқ тұзасты кешені 1959 ж. ашылып, 1966 ж. игеруге берілді. Мұнайы құмдылы жоғары тұтқырлы.

Қазақстан мұнайгаз саласындағы оқиғалардың бірі 1979 ж. ашылған және 1991 ж. меңгерілген Тенгиз кен орны. Осының негізінде АҚШ фирмасымен бірлескен «Шеврон»-«Тенгиз Шевройл» өнеркәсібі құрылды.

Жаңа Жол кен орнының бірінші тұз асты кешені 1978 ж. ашылып, 1983 ж. пайдалануға берілді. Бұл күкіртсутегі мен көмірқышқыл газының 6%-ға дейінгі, 10%-ға дейінгі парафині бар алғаш кен орын.

Барлаушылар әрдайым жаңа кен орындар ашуда. Тек 1995 ж. АҚ «Ақботамен» Айтыртау, Мырзалы, Шығыс, Кемеркөл аудандарда барлау жүргізіліп, Төбеарал кен орны ашылған.

Мұнайдың қазақстан экономикасындағы ролі зор; Мұнай өнімдері барлық салалар бойынша қолданылады. Жыл сайын 27 млн. мұнай өндіріледі.

Мұнай құрамы бойынша күрделі. Ол тек бензин, керосин, дизель отынын алу үшін емес, басқа да мақсаттарда қолданылады. Бұл мыңдаған заттардың қоспасы. Бүгінгі күннің өзінде барлық заттар анықталмаған.

Мұнай кеуекті, жарықшақты қабаттарда болады. Оларды алу үшін тек сорапты, газды қолданбай, сонымен бірге басқа да ығыстырғыштар пайдаланылады.

Әдетте мұндай мақсатта кәдімгі немесе әр түрлі химиялық заттар қосылған минералды су қолданылады. Оның мөлшері өндірілген өнім мөлшеріне байланысты айдалады. Осылайша қабат қысымы тұрақты ұсталады.

Мұнайды толығымен өндіріп алу 30-шы ж. өзінде-ақ проблеммаға айналды. Ол мақсатта қабатқа су ғана емес, көмірсутек газын айдау ұсынылған. Өйткені бұл газдар мұнайда ериді, ал газконденсатты қоспаны алып шығу сұйыққа қарағанда жеңіл. Бұл теориялық түрде мұнай өндіруді 90%-ға дейін өсіруге мүмкіндік береді.

Пайдалану кезінде қабаттың түп маңы аймағы физикалық қасиеттерін өзгертеді. Бұл өңдеулер кезінде болады. Көбік қышқыл өңдеуді қолдану судың өндіру ұңғысына жылжуын төмендетеді. Бұл мұнай кен орындарын игерудегі ауқымды мәселелердің бірі болып табылады.

Суы минералданған және техникалық қажеттіліктерге қолданылады. Тұрмыстық қажеттіліктерге құдық сулары алынады. Жем өзені балыққа бай келеді. Онда шортандар, майшабақтар, алабұғалар мекендейді.

Тамды өзені өз бастауын Шабаева ауылы жанындағы бұлақтан алып, Елек өзеніне келіп құяды.

Бұлардан басқа төрт кішігірім өзендер бар; Сазды, Ақжар, Қаракеш, Талды-су. Олардың тұрақты ағымы жоқ сондықтан жиі кеуіп кетіп отырады.

Өсімдік әлемі тек атмосфералық шөгінділер есебінен құралады. Өсімдік әлемі кедей және негізінен бетегелер тобынан құралған.

Жылдық орташа шөгінділер 170 мм. Қыс мезгілінде жердің қату тереңдігі 1, 5-1, 8 м.

Жем метеостанция мәліметі бойынша ауаның айлық және жылдық температурасы.

Кестe 1. 1

Жел бағытының, жылдамдығының, қайталануының мәліметтері

Кестe 1. 2

Сыртқы ауаның абсолютті минималды температурасы -42 С.

Сыртқы ауаның абсолютті минималды температурасы +43 C.

Орташа айлық ауаның ылдғалдылығы сағат 13. 00-де: Салқын айда 77%, ыстық айда 29%.

Қар қалыңдығы қыс мезгілінде 20 см. Өсімдік жабыны жартылай шөл далаға тән.

1. 2 Стратиграфия

Жаңажол кен орнының геологиялық қималары шөгінді қабатқа тән жыныстармен көрсетілген.

Жоғарғы бөлік жыныстары құмтас және әктас тасмалталы суглинкалармен, әр түрлі дәнді құмдармен, әксаздылы саздармен, құмтастармен, алевролиттермен сипатталады.

Қиманың ортаңғы бөлігін тығыздалған әктасты саздар, ұзақ дәнділер, әктастылы құмтастар, жұқа қат-қабаттылы аливролиттер, тас тұздары және массивті, қатты ангидриттер құрайды.

Одан әрі қарай алмаспалы түрде алевролит қабатшалары бар аргиллиттер, құмтастар кездеседі. Сонымен бірге құмтас пен гравелит қабатшалары бар алевролиттер, ірі түйіршікті және пашмикті құмтастар, ұсақ сынықты карбонат құрамдас гравелиттер кездеседі. Ірі кристалды ангидриттер: әктастар, доломиттер (әр түрлі жарықшақты) де болады.

Жыныстардың сапасы, мөлшері және интервал бойынша орналасуы

3-кестеде келтірілген.

Қиманың литологиялық сипаты.

1. 3 кесте

Ортаңғы карбон (С ) - Башкир және Мәскеу жікқабаттарының түзілімдерімен көрсетілген. Жалпы қалыңдығы 224м. (3892-3668) . Олар негізінен сұры және ашық сұры, органогенді, массивті доломиттелген, сирек кездесетін аргиллит қабатшалары бар әктастармен сипатталады. Мәскеу жікқабатының (С ) құрамы екі жікқабатшаға бөлінеді: төменгі мәскеулік, жоғарғы мәскеулік. Төменгі мәскеу жікқабатшасының түзілімдері верей және кашир горизонттармен көрсетілген, №23 ұңғымамен 3803-3647м. интервалында және І-С ұңғымасымен 36668-3560м. интервалында ашылған. Жікқабатшаның ашылған қалыңдығы 108-156м. Олар кішігірім қалыңдықтағы аргиллит қабатшалары бар карбонатты жыныстардан тұрады. Жоғарғы визей - төменгі мәскеу жікқабатшасының карбонатты түзілімдер кешені (қалыңдығы 30м. ), былайша айтқанда, «төменгі қабат қатқабатын» құрайды және КТ-ІІ индексімен белгіленеді. Онда өнеркәсіптік мұнай қорлары бар екендігі анықталған.

Жоғарғы мәскеу жікқабатшасы подольск, мячков горизонттарымен көрсетілген. Подольск горизонтының төменгі бөлігі негізінен аргилиттердің, құмтастардың, алевролиттердің, гравилиттердің, сирек әктастардың (қалыңдығы

266м-ден (№33 ұңғыма) 366м-ге дейін (№23 ұңғыма) ) қатпарласуынан тұратын терригенді жыныстар қатқабатынан тұрады. Горизонттың жоғарғы бөлігі қатты, массивті әктастармен көрстілген. Подольск горизогтының карбонатты түзілімдер қалыңдығы шамамен 144-220м. аралағында ауытқиды. Мячков горизонты барлық ұңғымалармен аршылған және органогенді, сынықты, ұсақ түйірлі, массивті, қатты жыныстардан құралған. Оның қалыңдығы 115-тен 164м-ге дейін өзгереді.

Жоғарғы карбон (С ) касым және гжель жікқабаттармен көрсетілген. Метологиялық қатынаста касым жікқабаты әктас пен доломиттерден тұрады.

Солтүстік-шығыс бөлігінде саздардан, алевриттерден, сирек, қалыңдығы 24-109м. гравийлерден тұратын доломит пен әктастан құралған.

Касым жікқабатының қалыңдығы 50-97м. Гжель жікқабаты оңтүстік және оңтүстік- батыс бөлігінде 65-85%-ға балдырлар қалыңдығынан құралған аргоногенді әктастардан тұрады. Солтүстік-шығысқа қарай ангидриттену өсе отырып, толық ангридриттерге өтеді. Осы жерде аргилит тәріздес саздар кездеседі. Жікқабат қалыңдығы 53-156м. касым, гжель, мәскеу жікқабатының подольск және мячков горизонттарының карбонатты түзілімдер кешені «Жоғарғы карбонатты қатқабатқа» тіркелген (КТ-І) . Бұл жерде кен орнының негізгі кеніші орналасқан. Карбонатты қатқабаттың суммарлы қалыңдығы 427-ден (№3 ұңғыма) 537м-ге (№5 ұңғыма) дейін өзгереді. Қиманың карбонат үсті бөлгі гжель жікқабатының терригенді жыныстар будасымен сипатталған.

Пермь жүйесі (Р) төменгі Р1 және жоғарғы Р2 бөліктерден тұрады. Төменгі бөлік ассель, сақмар және кунгур жікқабаттарының түзілімдерімен көрсетілген. Ассель-сақмар терригенді қатқабаты Жаңажол кен орнында флюид тірегін құрайды. Негізінен саздардан тұратын бұл түзілімдердің қалыңдығы кең ауқымда өзгереді - 16м-ден (№24 ұңғыма) 598м-ге (№8 ұңғыма) дейін. Литологиялық тұрғыдан бұл қатқабат аргиллиттердің, құмтастардың, алевриттердің және саздылы әктастардың қатпарласуынан тұрады.

Кунгур жік қабаты сульфат-терригенді (ангридттер және қалыңдығы 60 метрге дейінгі аргиллит тектес саздар) жыныстармен көрсетілген. Жоғарысында аргиллит, алевролит және ангидрит қабатшалары бар галогенді жыныстар (тас тұзы) қатқабаты орналсқан. Қиманың ангридтену дәрежесі төменнен жоғары қарай жүреді.

Кунгурдың жоғары бөлігінде қалыңдығы 4-84 метр ангидридттерден құралған терригенді-сульфатты буда орналасқан. Жоғары бөлік - ( ) жеке ангидрит қабатшалары бар шұбар түсті

терригенді жыныстармен (саздар, аргилиттер, ұсақ түйіршікті құмтастар мен

алевролиттер) сипатталған. Жоғарғы пермь қалыңдығы солт. күмбез дөңесте 633 метрден (№10 ұңғыма) 1808 метрге дейін (№6 ұңғыма) өзгереді.

Триас, юра және бор жүйелерінің түзілімдері саз, құмтас, алевролиттердің алмасуымен терригенді жыныстардан тұрады. Триас қалыңдығы шамамен 67-371 метр, юра - 60-246 метр, бор - 320-560 метр арасында ауытқиды. Жоғарғы бор түзілімдері қалыңдығы 2-3 метр төрттік түзілімдерден құралған.

1. 3 Тектоника

Техтоникалық қатынаста Жанажол кен орнының ауданы Орал геосинклиналь аймағынан Ащысай мен Көкпенкті жарылымы арқылы бөлінген Каспий маңы ойпатының шығыс бөлігінде орналасқан. Геологиялық дамудың ең басты көрінісі территорияның түсуі және қалың шөгінді құндақтың түзілуі болып табылады (7-10км. ) . Шөгінді жыныстардың негізгі бөлігін тұз асты кешені құрайды. Тұз асты түзілімдердің беттігі батысқа қарай Ащысай жарылымынан 2 км-ден Беттау күмбезінің меридианында 5, 5-6, 0 км-ге дейін құлайды. Шығыстан батысқа қарай Жаңажол, Кенқияқ, Қоздысай және Шұбарқұдық саты жүйелері ерекшеленеді. Олардың тұз асты түзілімдерінің жабын тереңдігі сәйкесінше 3-3, 5 км; 3-4 км және 5 км-ден төмен болып келеді.

Жаңажол көтерілімі ось ұзындығы бойынша 28 км және субмеридианьді созылымдағы бранхиантиклинальді қатпарды құрайды. Қатпар екі шағын көтерілімдерден тұрады. Солтүстік - №50 ұңғыма ауданында, оңтүстік - №19 ұңғыма ауданында, құрылым өлшемі мұнайлылық контуры бойынша 28*7 км.

Көтерілім амплитудасы 250 м. Қиманың барлық горизонттары бойынша құрылымдық пішіні сақталады.

1. 4 Өнімді горизонттардың коллекторлық қасиеттері

Жоғарғы карбонат қатқабатының қималарын салыстыру нәтижесінде үш коллектор будалар (жоғарыдан төмен қарай А, Б, В будалары) анықталады. Олар бойынша газ, конденсат және мұнай қорлары анықталған. Стратиграфиялық тұрғыдан А және Б будалары Гжель мен Касым жікқабаттарына жатқызылған.

Құрылымның солтүстік күмбез маңында №10, 13, 50 ұңғымалар ауданында В будасы анықталады.

Литологиялық жыныстары әктастармен, доломиттермен және соларға тән түрлермен көрсетілген. Әктастар органогенді, микрокристаллды, псевдоолитті. Органогенді әктастар А будасы үшін тән (Гжель жікқабаты) . Олар органикалық қалдықтардан тұратын сұры түсті жыныстар. Кеуектілік бұрыс пішінді болып келеді, өлшемдері 0, 005-0, 5 мм., сирек 1мм., каверналы 1-5 мм. Жарықшақтық нашар дамыған. Микрокристалл әктастар әр түрлі дәрежеде саздалған, біртекті, негізінен тығыз, жарықшақтығы органогенді әктастар арасында кездеседі, сонымен бірге гжель жікқабатының төменгі бөліктерінде жеке будалар түзеді.

Доломиттер өнімді жыныстар қимасында кең тараған. Олар біртекті, массивті, қоңыр-сұрғылт жыныстар, арасында жиі битумнан қалған белгілері болады.

А, Б, В будалары керн материалдарымен қанағатты түрде қамтылған. А будасы бойынша 34 рет кеуектілік пен өткізгіштікті (8 Мg) анықтау жүргізілген. Кеуектілік сонымен бірге СКҚ арқылы да анықталады. СКҚ бойынша алынған кеуектілік көрсеткіші керн мәліметтеріне жақын. Жобалау үшін 12%-ға тең кеуектілік пен 8 Мg өткізгіштік қабылданады. Мұнайға қанығу 80% -ға тең.

Б будасы бойынша 7 ұңғымадан 215 кеуектілікті есептеуге және 186 өткізгіштікті есептеуге қажетті үлгілер алынды.

Мұндағы кеуектілік - 13, 7%, өткізгіштік - 171 Мg. Мұнайға қанығу 87%-ға тең. Осы параметрлер жобалауға қабылданады.

В будасы 164 кеуектілік пен 82 өткізгіштікті анықтау орындалған. Мұнда кеуектілік - 10, 2%, өткізгіштік - 175 Мg. Мұнайға қанығу 86%.

В1 будасы кернмен сипатталмаған. Оның параметрлері В будасымен келтірілген. Төменгі карбонатты қатқабат толық зерттелмеген. өткізгіштігі анықталмаған. Керн бойынша кеуектіліктің орташа мәні - 11%. Мұнайға қанығу 75% .

Бірінші карбонатты қатқабат (КТ-І) әктастармен, доломиттермен көрсетілген. Сирек түрде саз қабатшалары кездеседі. КТ-І қатқабатының қимасында үш өнімді коллектор будалар анықталған. (А, Б, В) .

Өнімді будалардың коллекторлық қасиеттері керн және геофизикалық зерттеулер кешені бойынша зерттелген. Керн бойынша орташа арифметикалық кеуектілік мәні А, Б және В будалары үшін сәйкесінше: 11, 5%, 13, 7% және 10, 2%.

А, Б, В будалары газ бүркемесінің газбен қанығуы 79%, 82%, 81%.

ГИС нәтижелері бойынша орташа кеуектілік : А будасы бойынша - 12%, Б - 13, 8%, және В - 11, 5% болды.

Жоғарыда келтірілген мәліметтер бойынша А және Б будалары керн мен ГИС арқылы зерттеу жүргізу нәтижелері бірдей де, ал В будасы бойынша бірдей емес. Алайда, В будасы бойынша керн 7 ұңғымадан алынғанын, ал ГИС зерттеу жұмыстары 12 ұңғыма бойынша жүргізілгендігін ескеріп, кеуектілікті 11% деп аламыз. А, Б және В будаларының өткізгіштік сипаттамасын негіздеу үшін тек қана керн мәліметтері алынды. Ораташа өткізгіштік А, Б және В будалары бойынша сәйкесінше 0, 0008 мкм ² , 0, 171 мкм ² , 0, 114мкм ² . А және В будалары бойынша бастапқы мұнайға қанығу геофизикалық зерттеулермен анықталды және сәйкесінше 80 % -ға тең. В будасы үшін 86%.

В1 будасы кернмен әлсіз сипатталған. Ол бойынша барлық параметрлер В будасындай етіп алынған.

Стратиграфикалық қатынаста Г будасы Мәскеу жікқабатының нашар горизонтына жатқызылған, ал Д будасы Мәскеу жікқабатының верей горизонтына, башкир жікқабатына және серпухов жікқабатының протвин горизонтына жатады.

Жобалау үшін кеуектіліктің келесі мәндері ұсынылады: ГІ - 9, 5%, Г _в ІІІ - 12, 6%, Д _Н І - 10, 8% және ДІІІ - 9, 8%.

Өнімді будалардың өткізгіштігін негіздеу үшін керн материалының, геофизикалық және гидродинамикалық зерттеулердің нәтижелері қолданылды. Керн мәліметтерінің шектеулі екендігі белгілі болғандықтан өткізгіштікті белгілі кеуектілік және каротаж бойынша анықталған жөн.

Жобалауға келісідей өткізгіштіктің берілгендері ұсынылады. ГІ - 0, 0185мкм ² ; Г _в -ІІІ - 0, 0824мкм2; Д _н І, Д _в І - 0, 0603мкм ² .

Жалпы мұнайға қанығу тек ГИС арқылы анықталды және будалар үшін келесідей болып келеді: Д _н І, Д _в І және ДІІІ үшін 89%, 85%, 73%; газға қанығу: Г _н ІІІ және Г _в ІІІ - 78% және 83%.

Өнімді будалардың қалыңдығы өте ауқымды көлемде өзгеріп отырады.

Мысалы, КТ-І қатқабаты бойынша А, Б, В және В1 будаларының қалыңдығы негізінен 30-60 м. Болса, кейбір ұңғыларда 5, тіпті 2 м-ге дейін төмендейді. Олардың жоғары мәндері Б және В будаларында байқалады, кейбір ұңғыларда 100-109 м-ге жетеді. Будаларды бөлгіш қабатшалардың қалыңдығы ондаған метге жетеді, тек бөлек ұңғыларда 2-5 м-ге азаяды, ал кейде 0-ге түседі.

А будасының қалыңдығы 2, 4-89, 4 м, жалпы тиімді қалыңдығы 3, 4-66, 5 м, мұнайға қанығу максимум қалыңдығы 36 м-ге жетеді.

Оташа мұнайға қанығу қалыңдығы 12 м., газға қанығу - 26 м.

Б будасы бойынша жалпы қалыңдық 4 - 104, 8 м, тиімді қалыңдық 3, 4 - 6, 4 м, мұнайға қанығу қалыңдығы 1-ден 47, 3 м-ге дейін.

Мұнайға қаныққан орташа қалыңдық кеніш бойынша 12 метр, газға қаныққан қалыңдық 14 метр.

В будасы Б будасы секілді кең ауытқуға ие қалыңдығы бар. Осылай, Б будасының жалпы қалыңдығы 10-нан 108, 8 м-ге дейін өзегерді, тиімділік қалыңдығы 6-40 м. Мұнайға қанығу қалыңдығының максимал мәні 55м.

Мұнайға қанығу қалыңдығының орташа мәні оңтүстік күмбезде 13 м., солтүстік күмбезде 20, 9 м. В1 будасының қалыңдығы 28, 2 - 73 м, мұнайға қанығу қалыңдығы 30, 8 - 88, 6м.

Мұнайға қанығу қалыңдығының орташа мәнінің оңтүстік күмбезде 5, 6 м, солтүстік күмбезде 7, 4 м. КТ-ІІ карбонатты қатқабатының интервалы құрылымының оңтүстік бөлігінде 603 м-ден және құрылымының солтүстік бөлігінде 827 м-ге дейін өзгереді. Ондағы Г және Д будалары да өз қалыңдықтарының тұрақсыздығымен ерекшеленеді: І блокта олардың қалыңдығы солтүстікке қарағанда аз. Г _в ІІІбудасының жалпы қалыңдығы

4, 2 м-ден 84 м-ге дейін, Г _н ІІІ будасы 4 м-ден 218 м-ге дейін өзегерді.

... жалғасы

Мұнайды алғашқы айдау

Мұнай өңдеу туралы

Мұнай туралы

Мұнай құрамы және мұнай фракциялары құрамындағы гетероатомды қосылыстар

Органикалық заттардың химиялық технологиясы

Мұнайлардың классификациясы

Мұнайдың молекулалық құрамы

Мұнайдың қасиеттері және ерекшеліктері

Мұнайды қолдану тиімділігін арттыру, және оны ары қарай терең өңдеуді қамтамасыз ету

Мұнай шикізаты

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс