Банктегі бухгалтерлік есептің шоттар жоспарының ерекшеліктерін сипаттау

Жұмыс түрі: Дипломдық жұмыс
Тегін: Антиплагиат
Көлемі: 57 бет
Таңдаулыға:

МАЗМҰНЫ

КІРІСПЕ . . . 3

1 ЕКІНШІ ДЕҢГЕЙЛІ БАНКТЕРДЕГІ ЕСЕП ЖӘНЕ ЕСЕП БЕРУ НЕГІЗДЕРІ

1. 1 Банктердегі бухгалтерлік есептің атқаратын қызметі . . . 6

1. 2 Коммерциялық банктердегі бухгалтерлік есеп ақпарат жүйесі ретінде . . . 11

1. 3 Екінші деңгейлі банктердегі қаржылық және басқару есебі . . . 13

2 КОММЕРЦИЯЛЫҚ БАНКТЕРДЕГІ ҚАРЖЫЛЫҚ ЕСЕП БЕРУДІҢ ЖҮРГІЗІЛУ ЕРЕКШЕЛІКТЕРІН ТАЛДАУ ЖӘНЕ БАҒАЛАУ

2. 1 Банктегі бухгалтерлік есептің шоттар жоспарының ерекшеліктерін сипаттау . . . 17

2. 2 Қаржылық есеп берудің экономикалық тиімділігі мен қажеттілігін бағалау . . . 28

2. 3 Екінші деңгейлі банктердегі қаржылық есеп беру элементтерін және олардың түрлерін талдау . . . 31

3 БАНКТЕРДЕГІ БУХГАЛТЕРЛІК ЕСЕП БЕРУДІҢ ҚҰҚЫҚТЫҚ РЕТТЕЛУІН ЖЕТІЛДІРУ

3. 1 Банктегі бухгалтерлік есепті құқықтық реттеудің перспективалы бағыты . . . 41

3. 2 Қаржылық есеп беруді нарық талабына сай жетілдіру жолдары . . . 44

ҚОРЫТЫНДЫ . . . 53

ПАЙДАЛАНЫЛҒАН ӘДЕБИЕТТЕР ТІЗІМІ . . . 56

ҚОСЫМШАЛАР

КІРІСПЕ

Нарықтық қатынастар жағдайында екінші деңгейі банктердің тұрақты қызмет етуі үшін бухгалтерлік есептің маңызы өте зор, ол тек бухгалтерлік кітапты жүргізуді ғана емес, сонымен қатар банктің қызметіне қатысты барлық қаржылық ақпараттарды талдау, қаржылық есеп беруді өңдеу, бухгалтерлік есептің жүйесін құру, салық салу мәселелерімен бірге жоспарлар мен болжаулардың жасалынуын қамтиды. Ақша-несие саясатын анықтау және соған байланысты шешім қабылдау банктік операцияларды бейнелеуге және бірінші кезекте банк басқармасына, одан кейін пайдаланушыларға ақпараттар ұсынуға негізделген бухгалтерлік есептің жүйесін ұйымдастыру сапасы мен деңгейіне тікелей қатысты екені белгілі. Сол себепті «Екінші деңгейлі банктердегі есеп және есеп беру» тақырыбында дипломдық жұмысты таңдауыма себеп болды.

Бухгалтерлік есептің жағдайы, жеке пайдаланушылардың айрықша қажеттілігін қанағаттандыру үшін емес, айтарлықтай көп санды пайдаланушылар мүддесіне жауап беретін, жалпы мақсаттағы ақпараттарды анықтау болып табылады.

Бухгалтерлік есеп шаруашылық-қаржылық қызмет пен шешім қабылдаушы адамдар арасындағы байланыстырушы буын болып табылады. Қаржылық-шаруашылық қызметін ол туралы мәліметтерді, келешекте пайдалану үшін тіркеу жолымен өлшейді, қажет уақытқа дейін сақтайды, одан кейін тиімді ақпарат алу үшін оларды өндейді және есеп беру арқылы ақпараттарды оларды шешім қабылдау үшін пайдаланушыларға береді. Шаруашылық қызметі туралы мәлімет, бухгалтерлік есеп жүйесіне кіруді білдіреді, яғни шешім қабылдаушы тұлғалар үшін пайдалы ақпарат одан шығу жолы болып табылады.

Банктегі пайдаланушыға бухгалтерлік есепте жинақталған, өңделген банк қызметі жөніндегі экономикалық ақпаратты мерзімдік ұсынудың маңызды әдісін талдау - дипломдық жұмыстың өзектілігін айқындайды.

Қазіргі кезеде екінші деңгейлі банктерде басқару және қаржылық есеп беру қолданылады. Басқару есебі басқарушылардың ішкі пайдалануы үшін өлшеніп, еңделіп берілетін есеп ақпараттарының барлық түрін қамтиды. Қаржылық есеп банктің ішіндегі басшылықтан тыс, сырттағы қажет етушілер пайдаланатын есептік ақпаратты қамтиды.

Дипломдық жұмыстың мақсаты - екінші деңгейлі банетердегі бухгалтерлік есептің мақсатын, қағидалары мен нысандарын, сондай-ақ қаржылық есеп берудің экономикалық ерекшеліктерін ашып көрсетуге бағытталған.

Қойылған мақсатқа қол жеткізу үшін, дипломдық жұмыстың мазмұнын және қисынды дәйектілігін анықтаған келесі міндеттерді шешу қажет:

- екінші деңгейлі банктердегі бухгалтерлік есептің ұйымдастырылуы мен жүргізілуін теориялық негіздеу;

- банктегі қаржылық және басқару есебінің өзара байланыстылығына сипаттама беру;

- қаржылық есеп берудің басты мақсаты мен негізгі міндеттерін ашып көрсету;

- қаржылық есеп беру элементтерінің жіктелуіне талдау жасау;

- коммерциялық банктердегі аналитикалық және синтетикалық есептің экономикалық ерекшеліктерін айқындау;

- нарық жағдайындағы бухгалтерлік есептің құқықтық реттелуін жетілдіруге байланысты ұсыныстар жасау.

Дипломдық жұмыс құрылымы кіріспе мен үш тарауды, қорытындыны, пайдаланылған әдебиеттер тізімі мен қосымшаларды қамтиды.

Таңдалған жұмыстың бірінші тарауында банктердегі бухгалтерлік есептің атқаратын қызметі, екінші деңгейлі банктердегі қаржылық және басқару есебі теориялық тұрғыдан сипатталады.

Екінші тарауда банктегі бухгалтерлік есептің шоттар жоспарының ерекшеліктері, қаржылық есеп берудің экономикалық тиімділігі мен қажеттілігі, екінші деңгейлі банктердегі қаржылық есеп беру элементтерін және олардың түрлері талданады.

Үшінші тарауда банктердегі бухгалтерлік есеп берудің құқықтық реттелуін жетілдіру шаралары баяндалады.

Бухгалтерлік есептің объектісі - толық шаруашылық бірлік және оның құндылықтары, қорлары, құралдары және олардың құралу көздері болып табылады.

Бухгалтерлік есеп мыналарды қамтамасыз етуі қажет:

- меншікті және тартылған қаражаттардың пайдаланылуын, банктің қаржылық құралдарының қалыптасуын және оларды басқаруды бақылау;

алдын ала бекітілген тиімділік және өтімділік деңгейі арқылы банктің табыстылық деңгейін үздіксіз бақылау және талдау;
алғашқы құжаттар түпнұсқасы бухгалтерлік жазуларды бара-бара бекіту және барлық операцияларды бухгалтерлік жазуларда көрсету;
қаржылық-шаруашылық операцияларды мерзіміне сай өз уақытында тіркеу.

Жалпы банктегі қаржы есебінің қызметі өтіп жатқан шаруашылық үдерісі туралы ақпарат беру арқылы орындалады. Ол теңгемен, нақтырақ айтсақ шаруашылық операциясы жүргізілген тұста теңгемен өлшенеді. Алайда банк бухгалтерлері нақты осы теңгені пайдаланумен шектеліп қана қоймайды, берілген жағдайға жарайтын басқа да кез келген өлшемдерді қолдана алады. Басшылықтардың көп шешімі, болжанған келешегі теңге пайдаланылатын есеп айырысуға негізделеді. Көбіне бұл шешімдер болжалды ақпараттарды талап етеді, ағымдық мәліметтердің перспективалық бағалануы және теңгенің болашақта бағаланар болжамына сүйенуі керек. Өлшемдер түрін таңдаудағы, басқару есебінде есеп беруде және талдауда барлық қызметтердің негізіне жататын жалпы өлшем осы жағдай үшін өлшегіштің пайдалылығы болып табылады.

1 ЕКІНШІ ДЕҢГЕЙЛІ БАНКТЕРДЕГІ ЕСЕП ЖӘНЕ ЕСЕП БЕРУ НЕГІЗДЕРІ

1. 1 Банктердегі бухгалтерлік есептің атқаратын қызметі

Қазіргі қоғамда бухгалтерлік есептің мәні өте зор, ол тек бухгалтерлік кітапты жүргізуді ғана емес, сонымен қатар банктің қызметіне қатысты барлық қаржылық ақпараттарды талдау, қаржылық есеп беруді өңдеу, бухгалтерлік есептің жүйесін құру, салық салу мәселелерімен бірге жоспарлар мен болжаулардың жасалынуын қамтиды. Ақша-несие саясатын анықтау және соған байланысты шешім қабылдау банктік операцияларды бейнелеуге және бірінші кезекте банк басқармасына, одан кейін пайдаланушыларға ақпараттар ұсынуға негізделген бухгалтерлік есептің жүйесін ұйымдастыру сапасы мен деңгейіне тікелей қатысты, себебі, сапалы ақпараттарды неғұрлым үлкен экономикалық пайда алу үшін тиімді пайдалану қажет.

Бухгалтерлік есеп - бұл «Бухгалтерлік есеп және қаржылық есептілік туралы» ҚР заңының Жарлығына сәйкес шығарылатын стандарттар мен басқа да нормативтік құқықтық актілерге негізделген активтер, меншікті капитал, міндеттемелер, субъектілердің табыстары мен шығыстары туралы ақпараттарды тіркеу және жинақтау жүйесі.

Бухгалтерлік есептің мақсаты бухгалтерлік ақпараттарды пайдаланушылардың мүддесі мен ыңғайына байланысты. Басқарушылардың ықпалы акционерлердің (меншік иелерінің) мүдделеріне қайшы келетін 002 салық мәлімдемесінен тұрады. Кейінгілердің мақсаты шынайы қаржылық есептілікті құру нәтижесінде таза табыс ұсыну мен есеп айырысуға тіркеледі.

Бухгалтерлік есептің жағдайы, жеке пайдаланушылардың айрықша қажеттілігін қанағаттандыру үшін емес, айтарлықтай көп санды пайдаланушылар мүддесіне жауап беретін, жалпы мақсаттағы ақпараттарды анықтау болып табылады.

Банктегі бухгалтерлік есептің халықаралық стандартпен белгілеген мақсаттарына мыналар жатады1:

акционерлерді банктің қаржылық-шаруашылық қызметі туралы толық және жеткілікті ақпаратпен қамтамасыз ету;
банк қаржылық-шаруашылық қызметін жүзеге асыру кезіндеҚазақстан Республикасының заңдарының сақталуын бақылау үшін мемлекеттік органдарды қажетті ақпараттармен қамтамасыз ету.

Бухгалтерлік есеп мыналарды қамтамасыз етуі қажет:

- меншікті және тартылған қаражаттардың пайдаланылуын, банктің қаржылық құралдарының қалыптасуын және оларды басқаруды бақылау;

алдын ала бекітілген тиімділік және өтімділік деңгейі арқылы банктің табыстылық деңгейін үздіксіз бақылау және талдау;
алғашқы құжаттар түпнұсқасы бухгалтерлік жазуларды бара-бара бекіту және барлық операцияларды бухгалтерлік жазуларда көрсету;
қаржылық-шаруашылық операцияларды мерзіміне сай өз уақытында тіркеу.

Бухгалтерлік есептің объектісі - толық шаруашылық бірлік және оның құндылықтары, қорлары, құралдары және олардың құралу көздері болып табылады.

Философиялық тұрғыдан қарағанда банктегі бухгалтерлік есеп ұғымына түрлі қатынастарға түсе алатын және қандайда бір қасиетке ие бола алатын іс-шаралардың барлығын жатқызуға болады. Яғни бухгалтерлік есептің қызмет аясына - жекелеген әрекеттерді сипаттайтын, құрамында өзгеріс тудыратын, мүлікті және олардың қалыптасу көздерін орналастыратын шаруашылық операциялары жатады.

Бухгалтерлік есептің әдісі - осы пәннің оқытылуы және танылуына әдістер мен амалдар болып табылады. Олар экономикалық математикалық, статистикалық, үлгілеу және т. б. әдістер болуы мүмкін.

Бухгалтерлік тәртіптің негізгі элементтеріне құжаттау, түгендеу, шоттар жүйесі. Бухгалтерлік баланс, бағалау, калькуляция, есептілік жатады.

Құжаттау - операцияларды құжаттармен рәсімдеу үрдістері, ол бухгалтерлік есептің алғашқы сатысы. Бухгалтерлік құжат -шаруашылық операцияларды жүзеге асыруға немесе куәландыруға байланысты жазбаша бұйрық, бұл шаруашылық операцияларын бухгалтерлік шоттарда бейнелеуге негіз болып табылады. Егер рәсімделген құжат болмаса, бірде-бір операция есепке алынбайды.

Түгендеу - негізгі құралдарды, материалдық емес активтерді, ақша қаражатын, есеп айырысуларды тексеруді және оларды есеп мәліметтерімен салыстыруды білдіретін бухгалтерлік рәсімнің бір элементі.

Операцияларды топтастыру бухгалтерлік есепшоттарының көмегі арқылы жасалады. Шоттар - бухгалтерлік есепте ақпараттарды сақтаудың негізгі бірлігі, басқа сөзбен айтқанда, мүліктің жағдайы, олардың қалыптасу көздері және шаруашылық операциялар жайлы ағымдық ақпараттар жинақталатын, жүйеленетін экономикалық топтастыру.

Бағалау - бұл мүлік құнының және оның пайда болу көзінің ақшалай көрінісі.

Калькуляция - шығындарды топтастыруды қамтамасыз ететін және өзіндік құнды анықтайтын бухгалтерлік рәсімдеу элементі.

Бухгалтерлік рәсімдеу элементтері арасында қабылдануы қиын және түсінуде ауыртпашылық туғызатын элементтер бар, ондай элементтер шоттар және оларда шаруашылық операцияларының екіжақты сипатталуы.

Екіжақты жазу - бухгалтерлік есепшоттарында шаруашылық операцияларды тіркеу әдісі болып табылады. Және әрбір шаруашылық операция кем дегенде екі шотта бірдей сомада көрсетіледі.

Баланстың қорытынды және есеп беру. Бухгалтерлік шотта сипатталған құралдар және олардың құралу көздері туралы мәліметтерді белгілі бір мерзімге ақшалай бағалап баланстық қорытындылап отыру қажет.

Есеп беру - кәсіпорын қызметінің белгілі бір кезеңдегі қорытындысын сипаттайтын _, есептің қорытынды көрсеткіштерінің жүйесі.

Бухгалтерлік есеп мектебінің өздерінің негізін салушылары бар, әрбір кезең өзінің озық адамдарын шығарды. Басында бұлар италиялықтар болды, кейіннен оларды француздар алмастырды, одан кейін немістер болды. Қазір барлық назар бухгалтерлік есептің жақсы мектебін құрған америкалықтарға бұрылған. Бұлардың жарқын өкілдері2: Черч, Монттомери, Патон, Мэй және т. б. Олардың идеялары тоғыз негізгі принцип қалыптастыруға алып келді;

екіжақтылық;
ақшалай өлшем;
кәсіпорындардың дербестігі;
үздіксіздігі;
өзіндік құндылығы;
кертартпалығы;
материалдылығы;
өткізімділігі;
сәйкестілігі.

Тағы бір айта кететін жағдай, бухгалтерлік есеп - бұл жоспарлау, реттеу, ұйымдастыру және ынталандыру қызметтері сияқты басқару функцияларының бірі болып табылады. Бұл басқарудың жетілдірілуі, нарықтық механизмінің құрылуы барлық бухгалтерлік есеп жүйесінің дамуымен үздіксіз байланыста екенін білдіреді.

Кәсіпорынды басқару мақсаты үшін, қаржылық және өндірістік-шаруашылық қызметтері туралы ақпаратты неғұрлым тиімді пайдалану үшін бухгалтерлік есептің озық әдісін пайдалануға, шетелдік оң тәжірибеге, бухгалтерлік есептің және қаржылық есеп берудің халықаралық стандартына, есептеу техникаларын кеңінен қолдануға бағдарланған есептеу әдістерін пайдалану қажет.

Жұмыс үстінде бухгалтер шешуі қажет мынадай жағдайлар кездесуі мүмкін:

шаруашылық операциясы жүргізілген мезгілде анықтау, яғнисәйкестендіру мәселесі;
шаруашылық операциясының құнын анықтайтын бағалаумәселесі;
жіктеу мәселесі, яғни шаруашылық операциясы қандай түрдежіктелуі керек»

Сәйкестендіру мәселесі шаруашылық қай кезде тіркелуі керек екендігін шешеді. Сондықтан мұндай әрекет сауда операциясы сапасында былайша тізімделуі керек:

Банк қызметкері кеңселік құрал-жабдықтарды сатып алуүшін жабдықтау бөліміне тапсырыс береді;
Жабдықтау бөлімі тапсырысты жеткізіп берушіге жібереді;
Жеткізіп беруші кеңселік құрал-жабдықты тиеп жібереді;
Банк оны қабылдайды;
Банк жабдықтаушыдан шот алады;
Банк шотты төлейді.

Осы сұраққа жауап есепті кезеңдегі қаржы көлемінің нәтижесіне байланысты болады.

Бағалау мәселесі. Бухгалтерлік есептің мақсаты шаруашылық операциясы жүзеге асырылғаннан кейін өзгеретін бағаны табу емес _, шаруашылық операциясын жүзеге асыру барысындағы құнды немесе өзіндік құнды анықтау болып табылады.

Жіктеу мәселесі. Жіктеу кез - келген шаруашылық операциясының маңызын дұрыс талдаудан туындайды және ол кәсіпорын қызметінің нәтижесіне әсерін тигізеді.

Есептік ақпараттар банктің ішінде де және оның сыртында да шешім дабылдау үшін маңызды болып табылады. Ол бухгалтерлік есеп қызметін жүзеге асыру үшін сандық ақпараттармен қамтамасыз етеді. Бухгалтерлік есеп басқару жүйесіндегі негізгі бақылау, талдау, ақпараттық, кері байланыс қызметтерін атқарады.

Есептік ақпараттар негізінде шешім қабылдаған кезде пайдаланушылар белгілі бір тәуекелге ұшырайды. Басқару жүйесінде бухгалтерлік есеп тәуекелді шектеуге бағытталуы және операциялардың жүргізілу тәртібінің сақталуын қамтамасыз ету керек, есептің бақылау функциясы арқылы жүзеге асырылады. Банкте бақылау функциясы банк қабылдайтын тәуекелді шектеуге және операциялар мен мәмілелер жүргізілуінде тәртіптің сақталуын қамтамасыз етуге бағытталуы керек.

Бұл функция банк белгілеген заңдардың, Ұлттық банктің нормативтік-құқықтық актілерінің, мамандық қызметтік стандарты мен іскерлік қатынастар ережесінің талаптарын сақтай отырып, жалпы қадағалауда қол жеткізуге көмектеседі.

Бақылау функциясын әкімшілік және қаржылық бақылау желісінде жүзеге асыру ұсынылады.

Олар алдын ала, кейінгі және ағымдық реттерімен жүргізіледі. Олар жеткілікті дәрежеде сенімділікпен кем дегенде төмендегілерді куәландыру керек:

банк қызметкерлері банк мүлкімен жұмыс істеуі, клиент-кредитордың шотымен операцияны жүзеге асыруы қызметкер өкілеттігі қатаң түрде толық жауапкершілікке сай болғанда ғана жол беріледі.
операциялар есебі Ұлттық банктің бекіткен талабына сәйкес жүргізіліп, банктің активтері мен пассивтерінің жағдайы нақты көрсетіледі және есеп берудің белгіленген формасында құрылуы қамтамасыз етіледі.
банктің берілген активі мен пассивінің есебі олардың қамтылу жағдайына, сондай-ақ тексерудің кезеңділігіне сәйкес мақұлданады және ауытқулар болған жағдайда ауытқуларды жоюға бағытталған қажетті шаралар қолданылады.

Басқаруды жетілдіруде, нарықтық экономиканы қалыптастыруда, жеке меншіктердің санының көбеюі, ішкі экономикалық қызметтің дамуы жағдайында бухгалтерлік есеп қызметінің мәні арта түседі. Есепке алудың ғылыми жүйесі, ысыраптар мен ұрлануды ғана анықтап қоймай, банк мүлкін түгендеу жолымен жүзеге асырылатын жеке меншік құрамындағы өзгерістерді де анықтайды.

Ақпараттық қызмет мақсаты - ресурстар бойынша және олардың тиімді пайдаланылуы бойынша лайықты қаржылық ақпарат беру болып табылады. Бұл ақпарат қаржылық есеп беруде қарастырылады. Қаржылық есеп беруді дайындауда бухгалтер ақпа-раттың кімге арналғанын ескеруі керек. Ақпарат алдыңғы болжамдарды дәлелдегенде немесе түзету енгізгенде үлкен рөл атқарады. Шешімді жеке дара адам қабылдау сирек кезедеседі. Бір шешімнің нәтижесі туралы ақпарат келесі шешімді қабылдау үшін пайдаланылады. Бұндай үдеріс кері байланыс деп аталады. Бухгалтерлік ақпараттардың көмегі арқылы көрсеткіштердің нақты мәнін ашатын кері байланысты пайдалана отырып, жоспарлы көрсеткіштердің орындалуына, стандарттар, нормалар және нормативтер ресурстардың тиімді пайдаланылуына бақылау жасау, әр түрлі кемшіліктерді көрсетуге, банктің резервін анықтауға, оларды іске қосу және пайдалану жолдарын анықтауға болады.

Аналитикалық қызмет жүргізілуі бухгалтерлік есептің барлық бөліміне, соның ішінде меншікті және тартылған ресурстарды пайдалануға, банктік өнімдерге, қызмет шығындарына т. б. талдау жасауға мүмкіндік береді Есеп жүйесін құруды және «Бухгалтерлік есеп туралы» заңының талаптарына жауап беретін және жоғарыда көрсетілген міндеттердің орындалуын қамтамасыз ететін бухгалтерлік есепті ұйымдастыруды банк басшысы жүзеге асырады.

1. 2 Коммерциялық банктердегі бухгалтерлік есеп ақпарат жүйесі ретінде

Бухгалтерлік есеп шаруашылық-қаржылық қызмет пен шешім қабылдаушы адамдар арасындағы байланыстырушы буын болып табылады. Қаржылық-шаруашылық қызметін ол туралы мәліметтерді, келешекте пайдалану үшін тіркеу жолымен өлшейді, қажет уақытқа дейін сақтайды, одан кейін тиімді ақпарат алу үшін оларды өндейді және есеп беру арқылы ақпараттарды оларды шешім қабылдау үшін пайдаланушыларға береді. Шаруашылық қызметі туралы мәлімет, бухгалтерлік есеп жүйесіне кіруді білдіреді, яғни шешім қабылдаушы тұлғалар үшін пайдалы ақпарат одан шығу жолы болып табылады.

Сондықтан бухгалтерлік есеп ақпараттары біз ойлағаннан гөрі айтарлықтай кең көлемде пайдаланылады. Пайдаланушылар әр түрлі адамдар санаты болуы, мысалы, инвестицияны жүзеге асыратын немесе несие беретіндер, бірлескен экономикалық әрекет иелері болуы мүмкін. Маңызды басқару шешімін қабылдарда бұл адамдар субъектінің қаржылық және басқа да есеп берулеріне сүйенеді. Ақпаратты пайдаланушылар мынадай топтарға бөлінеді3:

субъектіні басқарушылар;
субъектіден тыс, бірақ тікелей қаржылық мүддесі барлар;

субъектіге жанама қаржылық мүдделілік білдіретін топтармен агенттіктер.

Субъектіні басқарушылар - олар банк қызметін басқаруда және банк алдында тұрған мақсаттарға жетуіне толық жауап беретін компания адамдары - әкімшілік. Банктің алдына қоятын мақсаттары жеткілікті, бірақ оның жетістіктерге жетуіне және қатая бәсекелестік жағдайында төтеп беру қажеттігі әкімшілікті негізгі екі мақсатқа: яғни пайдалылық пен өтімділікті нығайтуға барлық күшін жұмылдыруын талап етеді.

Тиімді жұмыс жасайтын менеджерлер бухгалтерлік есеп мәліметтеріне және олардың талдауын негізге ала отырып шешімдер қабылдайды. Сондықтан әкімшілік бухгалтерлік ақпаратты басты пайдаланушылардың бірі болып табыдады. Менеджер бухгалтерлер алдына келесі сұрақтарды қояды: соңғы тоқсанда банктің таза пайдасының көлемі қандай; пайда нормасы иелерінің күткеніне дайын ба; банктің ақша қаражаттары жеткілікті ме.

Тікелей қаржылық мүддесі бар пайдаланушылар. Бухгалтерлік есептің тағы бір қызметі - жалпыға арналған қаржылық есептен алынған банк жұмысының нәтижесі туралы ақпараттарды беруі, онда мынадай мәліметтер алуға болады: пайда табу жоспарында қаншалықты тиімді мақсатқа қол жетті және банктің өтімділігі қандай кредиторлар пайыз төлеу үшін және кейін карыздарын өтей алуға банкте ақша барлығын білгісі келеді. Іс жүзіндегі және мүмкіндіктері мол инвесторлар бұл есептерді талдай отырып компаняның болашақтағы қаржылық перспективасы жөнінде, қаржы салуға болатындығы жөнінде қортынды жасайды. Кредиторлар, пайыздар мен борыштарын өтеуге банктің ақшасының бар екендігін білгісі келеді.

Жанама қаржылық мүдделігі бар пайдаланушы. Кейінгі уақытта қоғам тұтастай, үкімет қызметкерлері және қоғамдық топ тұлғалары, бухгалтерлік ақпараттарды маңызды пайдаланушылар болып табылады (Қосымша №1) .

Салық органдары салықтың төленуінің және аударылуының дұрыстығын бақылайды. Әрбір салық бойынша заңға сәйкес салық декларациясын жасау немесе есеп айырысу және өте күрделі қаржылық есеп беру талап етіледі.

Демек, бухгалтерлік есеп ақпараты және банктің қаржылық есебі, банктің қаржылық тұрақтылығына және пайдалылығына мүдделі тұлғалар және мекемелер үшін өте маңызды. Мұндай жағдайда, бухгалтерлік ақпаратты пайдаланушыларға жататындар: