Банктің активті операцияларын талдау

Жұмыс түрі: Дипломдық жұмыс
Тегін: Антиплагиат
Көлемі: 57 бет
Таңдаулыға:

«Delta Bank» АҚ ТФ мәліметтері бойынша «Банктің корпоративті клиенттерін несиелендіру тәртібі» тақырыбына жазылған диплом жұмысына

Аннотация

Дипломдық жұмыста банктің корпоративті клиенттерін несиелендірудің теориялық негіздері сипатталып, «Delta Bank» акционерлік қоғамының қаржы-шаруашылық қызметіне, оның ішінде банктің несие операцияларының құрамы мен құрылымына, несие операцияларының тиімділігіне талдау жасалған. Талдау қорытындылары бойынша банктің корпоративті клиенттерін несиелендіруді жетілдіру шаралары ұсынылды.

Диплом жұмысы кіріспеден, үш бөлімнен және қорытындыдан, 60 түсіндірме беттен, 17 кестеден, 2 диаграммадан тұрады.

Аннотация

на дипломную работу по теме: «Порядок кредитования корпоративных клиентов банка» на примере данных ТФ АО «Delta Bank»

В дипломной работе рассмотрены теоретические основы кредитования корпоративных клиентов банка. В дипломной работе по материалам банка проведен анализ финансово-хозяйственной деятельности, в том числе рассмотрены состав и структура кредитных операций и дана оценка эффективности кредитных операций. Предложены мероприятия по совершенствованию кредитования корпоративных клиентов банка.

Дипломная работа состоит из введения, трех глав и заключения. Дипломная работа содержит 60 страниц пояснительной записки, 17 таблиц и 2 диаграмм.

Annotation

on diploma work on the topic: «Order of crediting of corporate clients of bank» on the example of information of «Delta Bank»

Theoretical bases of crediting of corporate clients of bank are considered in diploma work. In diploma work on materials of bank the analysis of financially-economic activity is conducted, including composition and structure of credit operations and is considered estimation of efficiency of credit operations. Measures are offered on perfection of crediting of corporate clients of bank.

Diploma work consists of introduction, three chapters and conclusion. Diploma work contains 60 pages of explе message, 17 tables and 2 diagrams.

Мазмұны

Кіріспе 8

1. Банктің корпоративті клиенттерін несиелендірудің теориялық

негіздері 10

1. 1 Шаруашылық субъектілерді несиелендірудің негізгі түрлері 10 1. 2 «Delta Bank» АҚ-ның заңды тұлғаларды несиелендіру тәртібі 16

2. «Delta Bank» акционерлік қоғамының қаржы-шаруашылық қызметінің

негізгі буыны - несие операцияларына баға беру 21

2. 1«Delta Bank» акционерлік қоғамының ұйымдық-құрылымдық

ақпараттық базасына сипаттама 21

2. 2 Банктің активті операцияларын талдау 22

2. 3 Банктің несие операцияларының құрамы мен құрылымына талдау 30

2. 4 Несие операцияларының тиімділігін талдау 37

3. Банктің корпоративті клиенттерін несиелендіруді жетілдіру

шаралары 41

3. 1 Несие операцияларын жетілдіру жолдары 41

3. 2 Банктің несиелік қызметін жетілдіру мақсатында корпоративті

клиенттер тартудағы жүргізетін шаралары 50

3. 3 Банктің проблемалы несиелерінің алдын-алу мақсатында несие

портфелін бақылау және реттеу 54

Қорытынды 57

Қолданылған әдебиеттер тізімі 59

Қосымшалар

Кіріспе

Тақырыптың өзектілігі. Мемлекеттің несие жүйесінде коммерциалық банктердің алатын орны өте зор. Олар қарыз капиталы нарығының әр түрлі саласында жан-жақты іс-әрекет етеді. Коммерциялық банктер несие ресурстарының негізгі бөлігін шоғырландырып, өз клиенттеріне несие беру, депозит қабылдау, есептесу, бағалы қағаздарды, шетел валютасын сатып алу-сату мен оларды сақтау және басқа да көптеген қаржылық қызмет көрсетеді.

Шаруашылық субъектілер бұл экономиканың белігілі бір саласында қызмет етуге, яғни шаруашылық қызметін жүзеге асыруға арнайы рұқсатнамасы бар тұлға. Яғни бұл мемлекеттік мекемелер емес, керісінше, ірі, орта, шағын кәсіпкерлік субъектілері. Олардың негізгі қаржы көздері өз меншігіндегі капитал және банктен берілетін несиелер. Қазіргі кезде банктен алынатын несиелердің басым көпшілігі ұзақ мерзімге беріледі. Ал қысқа мерзімді несиелендірудің үлесі өте төмен. Әрине қысқа мерзімді несиелерді беруде ол бойынша бекітілген пайыздық ставкалардың көлемі төмен, осыған байланысты банктің табысы төмендейді деген тұжырым бар. Дегенмен банктің активтерінің айналымдылығы мен өтіміділігі арта түседі. Сондай-ақ негізінен шаруашылық субъектілер қазіргі кезде ірі несиелерге мұқтаж. Ал ол несиені қысқа мерзімде негізгі қарызы мен сыйақы мөлшерін толық жабу қиындықтар туғызуы мүмкін.

Елбасы Н. Назарбаев 2008 жылғы Қазақстан халқына жолдауында былай деді: «Жапония, Германия, Италия, Бельгия сияқты елдерде шағын және орта бизнес олардың барлық кәсіпорындары санының 90 пайыздан астамын құрайды, көптеген дамыған елдерде олар жалпы ішкі өнімнің 50 пайыздан астамын құрайды.

Сондықтан да біз шағын және орта кәсіпкерлікті дамытудың түбірінен жаңа идеологиясын түзуге тиіспіз. Біз кәсіпкерлік ортаның бастамаларын іске асыру үшін қолайлы жағдай туғызуымыз керек.

Әрбір іскер қазақстандық осы ортаға кірігіп, инновациялық экономикадағы өз орнын табуға тиіс.

Қазақстандықтардың бастамашылығына кең өріс ашу үшін жағдай жасалды, кәсіпкерлер ендігі жерде осы мүмкіндіктерді пайдалана білсе игі! »

Осыған орай екінші деңгейлі банктер кәіспкерлікті қолдау мақсатында несиелендіру қызметін белсендіріп отыр. Ресми деректер бойынша шаруашылық субъектілердің саны артуда.

Президентіміздің 2006 жылғы жолдауында Қазақстанды әлемнің 50 бәсеке қабілетті елдерінің қатарына қосуға байланысты басымдықтарының ішінде де шаруашылық субъектілерді қолдау бойынша бірнеше мәселелер қарастырылған. Оның ішінде экономиканың тұрақты және қарқынды дамуын қолдау үшін кәсіпкерлік субъектілерін сапалы өнім шығару мен сұранысты ынталандыру үшін фискалды, ақша -несиелік құралдарды қолдану керкетігі туралы айтылған. Ақша-несиелік құралдардың ішінде басымдықтардың бірі несиелендіру болып табылады.

Міне осы жағдайлар мәселенің өзектілігі мен осы бағытта ғылыми- зерттеу жұмыстарын жүргізу қажеттілігін туындатып отыр.

Жұмыстың мақсаты мен міндеттері. Берілген дипломдық жұмыста біздің негізгі мақсатымыз шаруашылық субъектілерді несиелендіру, оның ішінде қысқа мерзімді несиелендірудің ерекшеліктері мен даму жолдарын айқындау. Осы мақсатқа сәйкес мынадай міндеттер туындайды:

қысқа мерзімді несиелендірудің мәні және ерекшеліктері
шағын субъектілерді қысқа мерзімді несиелендірудің ерекшеліктерін айқындау;
екінші деңгейлі банктердің несиелік қызметіне талдау
несие операцияларының тиімділігін талдау
банктің несие қызметінің даму бағыттары

Жұмыстың талдау объектісі - Қазақстан Республикасында қысқа мерзімді несиелендірудің даму жағдайы мен «Delta Bank» акционерлік қоғамының несиелік қызметі.

Ақпараттық базасы. Қазақстан Республикасының банктік қызмет саласын реттеу бойынша нормативтік актілері, «Delta Bank» акционерлік қоғамының қаржылық есеп берулерінің мәліметтері.

1. Банктің корпоративті клиенттерін несиелендірудің теориялық негіздері

1. 1 Шаруашылық субъектілерді несиелендірудің негізгі түрлері

Заңды тұлғаларды несиелеу қандай-да бір шаруашылық субьектілердің қажеттіліктерін алуға мүмкіндік беретін ақшалай ресурстарды белгілі-бір қағидалар мен шарттарға сәйкес беру болып табылады.

Кәсіпорындарды және басқа да ұйымдарды өндірістік және әлеуметтік қажеттіліктеріне байланысты банктік несиені беру несиелеу қағидаларын қатаң сақтау негізінде жүзеге асырылады.

Несиенің берілу процесі - бұл қоғамдағы экономикалық өзара байланыстарды алып жатқан күрделі құбылыстарды білдіреді. Сондықтан да, несиенің экономикалық категория ретіндегі мәнін тереңдей ұғыну несиелеудің негізгі қағидаларын анықтап білмейінше жеткіліксіз болып саналады. Несиелеуді ұйымдастыру негізі мынадай қағидаларға сүйенеді:

несиенің мақсаттылығы;
несиенің мерзімділігі немесе қайтарымдылығы;
несиенің ақылылығы;
несиенің қамтамасыз етілуі;
несиенің сыйақылылығы;

Несиелеудің соңғы қағидасы шетелдік банктік тәжірибеде бірінші класты қарыз алушылар үшін жиі қолданылады. Мұндай жағдайда несие сыйақы ретінде ешқандай да қамтамасыз етілмеген түрде беріледі.

Несиенің мақсаттылығы несиелеудің басты қағидасы ретінде, несиенің қандай мақсатқа сұралып отырғандығын сипаттайды [1] .

Мерзімділік - бұл белгілі экономикалық категория ретіндегі мәніне негізделетін несиенің ерекше бір белгісі. Бұл қағида несие берушінің қарыз алушыға берген қаражатының белгілі бір уақыт өткен соң қайтарылуға тиістігімен қорытындалады. Осыдан барып несиенің қайтарымдылық қағидасы туындайды.

Несиенің қайтарымдылық қағидасы оны экономикалық категория ретінде, басқадай тауарлы-ақшалай қатынастардың экономикалық категорияларынан ажыратады. Себебі, қайтарылмайтын несие болмайды.

Несиенің ақылылығы - бұл қарыз берушінің қарыз алушыға берілетін қаражатын қайтару барысында бастапқы сомадан өсіп қайтарылатындығын білдіреді. Іс жүзінде ақылылық - бұл несиені пайдаланғаны үшін төленетін пайыз түрінде беріледі. Қарыз алушының ссуданы пайдаланғаны үшін төлейтін пайызын несиенің бағасы деп атайды.

Қазіргі банктердің несие үшін пайыз мөлшерін белгілеудегі ескеретін басты факторларына мыналарды жатқызуға болады:

орталық банктің коммерциялық банктерге беретін ссудалар бойынша белгіленетін пайыздың базалық мөлшері;
банкаралық несие бойынша орташа пайыз мөлшері;
өз клиенттеріне депозиттік шоттар бойынша төлейтін орташа пайыз мөлшері;
банктің несиелік ресурстарының құрылымы;
несиеге деген сұраныс;
несиенің сұралатын мерзімі мен түрі;
еліміздегі ақша айналысының тұрақтылығы.

Сенім несиесі -- несиенің бұл түрі нақты қамтамасыз етілмейді және сондықтан да бұл несие әдетте банктен бұрын алынған несиелер бойынша шағымдары жоқ және банктің бұрынғы байланыстары бар, несие қабілеттілігі бойынша бірінші дәрежелі клиенттерге беріледі. Оларға несие қысқа мерзімге (бір айдан үш айға дейін) өндірістік процесті жүзеге асыру барысында қосымша ақша қаражаттарынан пайда болған қажеттілікті қанағаттандыру үшін беріледі. Ссуда оның қайтарылуына сәкес міндеттемелермен (залог түрінде, кепіл яғни клиент сеніміне) қамтамасыз етілмей берілетін болғандықтан, проценттік ставка басқа несиелерге қарағанда анағұрлым жоғары деңгейде бекітіледі.

Несиені рәсімдеу үшін кәсіпорын банкке өз өтінішін ұсынады, онда несиенің мақсаты, мөлшері және мерзімі көрсетіледі, және несиелік қабілеттілік пен несиелік келісім жобасын анықтау үшін баланс өтініледі. Банк (несиенің берілуіне дейінгі) несиеге қажеттіліктің туындау себептерінің негізділігін де, әрі қарайғы оның мақсатты пайдалануын да тексермейді. Ссуда валютасы не банк қарыз алушының есеп айырысу шотына, не ұсынылған есептік ақша құжаттар бойынша төлемдер жүргізуге тікелей бағытталады. Мерзімі жеткен кезде ссуда қарыз алушының есеп-айырысу шотынан алынады. Ссудалық қарызды өтеу мерзімін кешіктірген әр күн үшін (несие үшін процент) банк несиелік келісімде белгіленген мөлшерде өсім алады. Қарыз алушыда берілген бланктік несие бойынша мерзімі өткен қарыздың пайда болу фактісінің өзі клиентке банк сенімінің төмендеуіне және әрі қарай мұндай несиелерді беруден бас тартуына әкеледі [2] .

Контокоренттік несие - банктік тәжірибеде контокорренттік шоттарды қолданудың шет елдік тәжірибесі келесілерді дәлелдейді:

Біріншіден, банк контокоренттік шоты ұзақ мерзімді және берік қатынастары бар және де банктік несиеде үнемі қажеттілігі болатын клиенттерге ашады;

Екіншіден, клиент және банк арасындағы контокорренттік қатынастар ерікті болып табылады, яғни олар қандай да бір нұсқау, бұйрық бойынша, сондайақ осы қатынастардың бір тарабынан өтінуі бойынша жасалынбайды;

Үшіншіден, контокорренттік шот шаруашылық органдарының төлемдік айналымын рационализациялау үшін пайдаланылатын болғандықтан, контокорренттік несие өз табиғаты бойынша бұл шоттың теріс сальдосын жабуға арналған бланктік несие және сәйкесінше, контокорренттік шот бірінші кезекте несиелік репутациясы (атағы) жоғары кәсіпорындарға ашылуы, ал содан соң шоттың дебеттік саоьдосының лимиттелген мөлшерін қамтамасыз етуі ретінде үшінші тұлғалардың кепілдігін, құнды қағаздарды немесе мүліктің белгілі бір бөлігін кепілге қоюы келісімін ұсынған клиенттерге ашылуы қажет;

Төртіншіден, банк өтімділігін қамтамасыз ету мақсатында контокорренттік несие негізінен ағымды өндіріс және айналымды қаржыландыру үшін беріледі және инвестицияларды қаржыландыруымен байланысты емес;

Бесіншіден, клиентке шот бойынша міндеттемелер мен талаптарды теңестіру үшін қарыз қаражаттарын тарту құнын оперативті пайдалану мүмкіндігін қамтамасыз етуіне байланысты контокорренттік несие анағұрлым қымбат несиелер қатарына жатады. Сонымен бірге, контокорренттік шотқа қызмет еткені үшін банк міндетті түрде қарыз алушыдан тағы да айналымдық комиссияны алады;

Алтыншыдан, қарыз алушының контокорренттік несиелерді қолдануы банкте басқа несиелерді рәсімдеуін шектемейді; егер контокоррент бойынша дебеттік сальдоның жоспарланған мөлшерінен асатын қарыз қаражаттарына қажеттілікті уақытша көбейту күтілетін болса;

Жетіншіден, контокоррентік қатынастардың дұрыс жүргізілуі банк және клиент арасында ерекше келісіммен сипатталады, онда бірнеше келіссөздер жасалған, банк несиенің бұл ормасы кезінде жауапкершіліктің пайдасыз құқтық салдарынан анағұрлым тәуекелге ұшырайтын тұлға ретінде қаралады. Келісімдегі маңызды пункт банктің бұл шотты жабуға ешқандай мерзіммен шарттастырған құқығы болып табылады.

Шет елдегі контокорренттік қатынастарды құрудың жоғарыда аталған принципиалдық жағдайлары біздің де коммерциялық банктермен әрекеттегі несие, қаржы, банк, салықтар, есепжәне есеп беру және т. б. Облыстағы заңдылықтар есебінен контокорренттік несиелерді беру тәртібі туралы меншікті (өз) нұсқауларын өңдеу үшін тиімді қолданылуы мүмкін. Әзірше мұндай несиелеу локальдық (жергілікті) сипаттағы тәжірибе, эксперименттер шегінен шықпайды.

Вексельді несие - вексельдік несиелер ұсынушы және вексель беруші несиелерге бөлінеді. Ұсынушы вексельдік несиелер екі түрлі болады: есептік және кепілдік.

Вексельдер есебі - бұл оларды банктің сатып алуы, оның нәтижесінде вексельдер банктің қарамағына толығымен өтеді, онымен бірге вексель берушілерден төлемді талап ету құқы да өтеді. Банкке вексельді есепке ұсынған вексель ұстаушы ол бойынша тез арада төлем яғни вексель бойынша төлем мерзімі жеткенге дейін алатындықтан, ол үшін бұл банктен несие алуды білдіреді. Сондықтан банктермен вексельдерді есепке алу бұл ссуда берудің әдістерінің бірі болып табылады. Мұндай операция үшін банк есептік процент немесе дисконт деп аталатын процент алады. Оның мөлшері клиентпен келісу бойынша анықталады. Есептік процент банкпен вексель сомасынан оны есепке алу (сатып алу) уақытында ұстанылады [3] .

Шаруашылық субъектілерінен есепке тауарлық және коммерциялық келісімдерге негізделген вексельдер ғана қабылданады. Банкке соңғыларын сату вексель иесінің бланктік индоссаментімен және вексельді есепке алуға банкпен келісім бекітумен бірге жүреді. Келісімде есепке қабылданатын вексельдер саны және жалпы соммасы; вексельді төлеу мерзіміне дейін қалған әр күн үшін вексельдік сомадан жеңілдік мөлшері (дисконт) ; вексельдер есепке алынатын жағдай бойынша мезгіл; есептік несиенің сомасын аудару тәртібі мен мерзімі. Қарыз алушы- вексель ұстаушы сондай-ақ банкке вексельді индоссациялауға осы немесе басқа қызмет тұлғасына құқық беретін расталған сенімхат және басқа құжаттар көшірмелері ұсынылады.

Вексельдер банкке белгіленген формадан реестрлер кезінде есепке ұсынылады. Реестрдегі тізілген вексельдер бойынша жазбалар тіркелген вексельдер реквизиттерімен салыстырылады. Содан соң вексельдер олардың экономикалық және заңдық сенімділігі көзқарасынан тексеріледі. Заңдық жағынан барлық реквизиттердің дұрыс толтырылуы, содай-ақ вексельде қойылған қолдары бар тұлғалардың өкілдіктері және бұл қолтаңбалардың туралығы тексеріледі. Вексельдің экономикалық сенімділігін тексеру мақсаты вексельде аудармалы жазбалар қалдырған барлық индоссанттармен оны төлеудің толық сенімділігін орнату болып табылады. Бұл үшін банктер аудиторлық фирмалардың қызметтері және бұл шаруашылық органдардың несие қабілеттілігі туралы басқа да мәліметтер көздері пайдалану қажет. Тексеру кезінде қанағатсыз болып шыққан вексельдер (өз вексельдерін наразылыққа дейін жіберген заңды және жеке тұлғалармен берілген, коммерциялық емес вексельдер дұрыс рәсімделмеген және т. с. с) реестрдегі осы вексельдердің сомасы туралы банк жетекшісінің (немесе оның орынбасарының) рұқсат ету жазбасымен есепке қабылданады. Бұдан кейін қарыз алушымен келісім жасалады.

Баланстың шоттарда вексельдерді есепке алу төлемнің мерзімінің жетуі бойынша жүзеге асырылады, ал әр аналитикалық шотта жай вексельдердің вексель берушілері және аудармалы вексельдер акцептанттары тұрғысында жүргізіледі.

Есепке алынған вексельдер бойынша төлемдерді уақытылы алуды бақылау үшін банк әр күнге арнайы ведомостер екі данада толтырады, онда барлық вексельдер бойынша мәліметтер толтырылады, банкте оның тіркелу кітабы бойынша вексель нөмері, вексель берушілердің ұсынушылардың атауы және әр вексельдің сомасы көрсетіледі. Төлемді алу кезінде ведомосте сәйкес белгілер жасалады, ал вексельдр төлеушіге қайтарылады. Вексельдерді төлеуге түсетін соммалар баланстық шоттардың сатып алу құнының кредитіне есепке алынады, ал вексельдің номиналы және оның сатып алу құны арасындағы айырмашылық банк кірісіне есепке алынады.

Егер төлем тез арада түссе, онда төлеушіге төлемнің мерзіміне дейін қалған уақытқа проценттер төленеді. Төлемнің вексельде көрсетілген мерзімнен кеш түсуі кезінде банк төлеушіден кешіктіргені үшін өсім және вексельдің наразылығы бойынша шығыстар болса өндіріп алады.

Аналитикалық есепте баланстық шоттарға мерзімінде төленбеген вексельдер бойынша жеке дербес шоттар жүргізіледі. Уақытында төленбеген және наразылық көрсетілген вексельдер бойынша дербес шоттар вексельдік соманың вексель бойынша проценттердің, есептелген өсім, айыппұлдарды толық төлеу және вексель протесті боынша шығыстарды жабу, наразылық туралы жазбаша хабарлама, сот шығыстары немесе мүмкін жоғалтуларға резерв есебінен белгіленген тәртіпте баланстан қарызды есептен шығару шығындарын толық төлегеннен кейін жабылады.

Вексельдер кепіліне берілетін саудалар вексельдер есебінен ажыратылады, біріншіден, вексельге меншік банкке берілмейді, ол тек вексель ұстаушымен сауданы өтегеннен кейін кезекті сатып алумен белгілі бір мерзімге салынады; екіншіден, сауда вексельдің толық соммасы шегінде емес, тек оның номиналдық құнының 60-90 %- не ғана беріледі.

Кепілге алынған вексельдерге банк есепке алынатын вексельдерге қойылатын заңдық және экономикалық тәртіптегі талаптарды қояды.

Коммерциялық вексельдер кепілдігіне ссуда беру біржолғы, сондай-ақ несиелік және кепілдік келісімдерін рәсімдеумен тұрақты сипатта да болады. Вексельдер банкке кепілдік индоссаментпен («кепілдік сома» немесе «қамтамасыз етуге сома») қабылдау - өткізу актісі негізінде беріледі. Соңғы жағдайда банк клиентке вексельдермен қамтамасыз етуге арналған ссудалық шот ашады. Ссуда беру осы шоттық дебеті бойынша, ал өтелуі кредит бойынша көрсетіледі.

Арнайы ссудалық шот талап етілге дейінгі шот болып табылады, осылайша, ссуданың мерзімсіздігі банкке кез-келген уақытта оны толық не болшектеп өтеуін талап етуге, сондай-ақ қосымша қамтамасыз етуді талап етуге құқы бар. Сондықтан вексельмен қамтамасыз етуге арнайы ссудалық шот ашу кезінде банк алдын-ала бұл шот бойынша несиені пайдаланудың барлық шарттарын қарыз алушымен келісіп алады. Несиенің бұл түрі бойынша несиелік келісімде бұл несиенің мынадай арнайы белгілерін табулары қажет:

арнайы ссудалық шот бойынша қамтамасыз ету және қарыз арасындағы қатынастың жоғарғы шегі;
несиені қамтамасыз етуге қосымша вексельдер ұсынуды талап етуге банк құқығы;
қарызды өндіріп алумен кез-келген уақытта шотты жабуға банк құқығы;
есеп-айрысу шоттардағы қатынастар есебінен арнайы ссудалық шот бойынша қарызды өтеуге клиенттің құқығы;
клиенттің бір вексельді оның мерзіміне дейін басқалармен ауыстыруға рұқсат талап етуге құқығы.

Вексельдер кепілдігіне несие беру банкпен әр клиентке белгіленген несиелеу шарты негізінде жүргізіледі. Сондықтан клиенттің арнайы ссудалық шоты бойынша осы не басқа төлем операцияларын жүргізу алдында банк қарыз және қамтамасыз ету арасындағы арақатынастың келісімде бекітілуі есебімен несиенің бос қалдығының есебі жасайды [4] .

Бүгінде тәжірибеде коммерциялық банктермен вексельдер кепілдігіне несие беру үшін арнайы ссудалық шот қолданылмайды, өйткені банктермен оны ұсыну тек бір жылғы сипатта болады. Негізінен бұл банктер үшін қарыз алушының қаржы жағдайының тұрақсыздығынан, банкке салынған вексельдерді жүргізу процедурасының, сондай-ақ несиелердің бұл түрі бойынша банктің өзінің нормативтік базасының жеткіліксіз өңделуінен мұн-дай операциялардың тәуекелділігімен байланысты.

Несиені пайдалану кезеңінде оған несиені пайдалану мерзіміне байланысты жалпы тәртіпте проценттер есептелінеді. Қарыз алушының несиені мерзімінде өтеуі кезінде банк оған кепілдік құнын есептен шығара отырып, вексельдерін қайтарады. Бұл жағдайда қарыз алушы өзінің кепілдік индоссаментін сызып тастауға құқығы бар, ол сызып тасталғаннан кейін жазылмаған болып есептелінеді.

Несиені бекітілген мерзімде өтелмеген кезде банк кепілдікті жүзеге асыруға құқыгы бар, яғни вексель бойынша төлем мерзімі жеткен кезде вексель берушіге оны ұсынуға және несиені өтеуге төлем алуға не соңғысы-ның төлем қабілетсіздігі жағдайында вексельге наразылық білдіруіне болады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.