Жылуалмастырғыштан шығардағы мұнайдың температурасы

Жұмыс түрі: Дипломдық жұмыс
Тегін: Антиплагиат
Көлемі: 90 бет
Таңдаулыға:

Мазмұны

Аннотация

Мазмұны

Нормативтік сілтемелер

Анықтамалар

Қысқартулар мен белгілеулер

Кіріспе

Ғылыми-зерттеу бөліміЖобаланушы объект конструкциясы бойынша әдебиеттік-патенттік шолу және инновациялық шешімдерді талдауНегізгі объектіні қабылдау тұжырымдамасы. Негізгі объект конструкциясын баяндау
Технологиялық бөліміТехнологиялық схема және процестің және жылулық жабдықтарды қабылдауНегізгі объект бойынша , жылулық және гидродинамикалық есептеулерТүйіндер мен бөлшектерді беріктікке және тұрақтылыққа есептеуМашина-аппаратжасау, жөндеу және монтаждау технологиясы (таңдау бойынша)
Тіршілік қауіпсіздігі
Қоршаған ортаны қорғау
Экономика және бизнес-жоспарлау

Қорытынды

Әдебиеттер

Спецификация

Аннотация

Бұл дипломдық жұмыста С-100 секциясының ректификациялау блогындағы 230-300 ^о С фракциясының суыту жылуалмастырғышындағы жылуалмасу процесінің қарқындылығын арттыру қарастырылған және дипломдық жұмыстың есептеу түсіндірме жазбасы мына төмендегідей негізгі тарауларды құрайды: жобаланушы объект конструкциясы бойынша әдебиеттік-патенттік шолу және инновациялық шешімдерді талдау, негізгі объектіні қабылдау тұжырымдамасы, негізгі объект конструкциясын баяндау, технологиялық схема және процестің сипаттамасы, материалдық және жылулық баланстар, технологиялық жабдықтарды қабылдау, технологиялық, жылулық және гидродинамикалық есептеулер, түйіндер мен бөлшектерді беріктікке және тұрақтылыққа есептеу, машина-аппаратжасау, жөндеу және монтаждау технологиясы, тіршілік қауіпсіздігі, қоршаған ортаны қорғау, экономика және бизнес-жоспарлау тараулары қарастырылған.

Дипломдық жұмыстың сызба бөлімі А1- форматқа сызылған 6-бет сызбадан және бір кесте техника-экономикалық көрсеткіштен тұрады.

- кіріспе бөлімінде жалпы мұнай өндірісінің даму тарихы, зауыт тарихы қарастырылды

- ғылыми-зерттеу бөлімінде негізгі объектіні қабылдау тұжырымдамасы, конструкциясын баяндау мен әдеби - патенттік ізденіс жүргізілді. .

- технологиялық бөлімде технологиялық схема мен процес сипаттамасын және қондырғының материалдық және жылулық тепе - теңдіктері құрастырылды, технологиялық және конструктивті механикалық есептеулер жүргізілді.

- тіршілік қауіпсіздігін қорғау бөлімінде қондырғымен жұмыс істейтін адамдардың қауіпсіздігі туралы мәліметтер берілген.

- қоршаған ортаны қорғау бөлімінде атмосфераға шығарылатын зиянды заттар, қалдықтар мөлшері мен қондырғының қоршаған ортаға тигізетін зияны көрсетілді.

- экономикалық бөлімінде өнімнің өзіндік құны, калькуляция, қондырғының рентабельділігі және күрделі шығындардың өтелу мерзімі есептелді.

Жұмыстың графикалық бөлімінде келесі сызбалар берілген:

Өндірістің технологиялық схемасы көрсетілген технологиялық сұлба, Жылуалмастырғыштың жалпы көрінісі, түйін сызбалары, бөлшек сызбалары, техника-экономикалық көрсеткіштер кестесі.

Диплодық жұмыс «Ректификациялау блогындағы суыту жылуалмастырғышындағы жылуалмасу процесінің қарқындылығын арттыру» тақырыбына арнала отырып ТМЖ кафедрасының тапсырмасына сай орындалған. Жұмыста жылуалмастырғыш құбырдың жаңа конструкциясы ұсынылған. Ұсынылып отырған техникалық шешім жылуалмасу процессін қарқындатып, жұмыстың өнімділігін арттыруға мүмкіндік береді. Дипломдық жұмыстың есептеу түсіндірме жазбасы мына төмендегідей негізгі тарауларды құрайды: жобаланушы объект конструкциясы бойынша әдебиеттік-патенттік шолу және инновациялық шешімдерді талдау, негізгі объектіні қабылдау тұжырымдамасы, негізгі объект конструкциясын баяндау, технологиялық схема және процестің сипаттамасы, материалдық және жылулық баланстар, технологиялық жабдықтарды қабылдау, технологиялық, жылулық және гидродинамикалық есептеулер, түйіндер мен бөлшектерді беріктікке және тұрақтылыққа есептеу, машина-аппаратжасау, жөндеу және монтаждау технологиясы, тіршілік қауіпсіздігі, қоршаған ортаны қорғау, экономика және бизнес-жоспарлау тараулары қарастырылған.

Дипломдық жобалаудың сызу бөлімі А1- форматқа сызылған 6-бет сызбадан және бір кесте техника-экономикалық көрсеткіштен тұрады.

Берілген дипломдық жоба 109 бет есептеу-түсіндірме жазбадан, соның ішінде 33 кестеден, 11 суреттен және спецификация сызулары құрайды.

Нормативтік сілтемелер

Бұл курстық жобада төмендегі нормативті сілтемелер қолданылды:

МЕМСТ 10679-76 Компоненттік құрамды анықтау.

МЕМСТ 2177-87 Тұрақсыз бензиннің фракциялық құрамын анықтау.

МЕМСТ 11011-85 Күкіртсутек мөлшерін анықтау.

МЕМСТ 6521-79 Лап ету температурасын анықтау.

МЕМСТ 19211-73 Мыс пластинкасында коррозияны анықтау.

МЕМСТ 2477-85 Мұнай өнімдері құрамындағы су мөлшерін анықтау.

МЕМСТ 6511-69 Кинематикалық тұтқырлықты анықтау.

МЕМСТ 20287-74 Мұнай өнімдерінің қату температурасы.

МЕМСТ 3985-79 Қышқылдықты анықтау.

МЕМСТ 19121-79 Жалпы күкірт мөлшерін анықтау.

МЕМСТ 6856-75 Корреляция индексін анықтау.

МЕМСТ 3100-85 Тығыздықты анықтау.

ҚНжЕ ІІ-90-81 Өндірістік кәсіпорындардың өнеркәсіптік ғимараттары.

Жобалау шараттары.

ҚНжЕ ІІ-106-79 Мұнай және мұнай өнімдерінің қоймалары. Жобалау шарттары.

ҚНжЕ 2. 04-08-86 Жылуты жүйесі, вентиляция және ауаны кондиционерлеу.

Жобалау шарттары.

ҚНжЕ 2. 09. 03-85 Ғимараттар мен құрылғылардың өртке қарсы жобалаудың

шарттары.

ҚНжЕ ІІ-89-90 Өндірістік кәсіпорындардың бас жоспары. Жобалау шарттары.

ҚНжЕ ІІ-4-79 Өндірістік бөлмелердегі жарықтандыру шарттары.

МЕМСТ 12. 1. 021-80 Өрт қауіпсіздігі.

МЕМСТ 12. 4. 103-83 Арнайы киім.

МЕМСТ 12. 1. 005 76 Өндірістік жұмыс бөлмелеріндегі метеорологиялық шарттар.

МЕМСТ 12. 1. 003-73 Шу және вибрация.

СН-245-71 Өндірістік кәсіпорындарды жобалаудың санитарлық шарттары.

ПТУС-02-62 Ғимараттар мен құрылғылардың, аппараттардың ара қашықтығы. Өртке қарсы шаралар.

Анықтамалар

Ректификация - қайнау температуралары бойынша бір бірінен ерекшеленетін сұйықтықтарды булар және сұйықтықты көпретті және тікелей жанастыру есебінен бөлудің диффузиялық процесін айтады.

Флегма - ректификациялық колоннаның қалыпты жұмыс істеуі үшін колоннаның жоғарысынан үздіксіз төменде жатқан табақшаларға ағушы сұйықтық болып табылады.

Мұнай - көміртегілер қоспасы болатын, жанатын майлы сұйықтық; қызыл-қоңыр, кейде қара түске жақын, немесе әлсіз жасыл-сары, тіпті түссіз түрі де кездеседі; өзіндік иісі бар; жерде тұнбалық қабатында орналасады; пайдалы қазбалардың ең маңызды түрі.

Эвапорация - пеште немесе жылуалмастырғышта қыздырылған қоспаны булы және сұйық фазаға мұнай өнімдеріне бір ретті буландыру процесі болып табылады.

Дистилляция немесе айдау деп бір бірінен, сонымен қатарбастапқы қоспадан қайнау температураларымен ерекшеленетін өзара еритін сұйықтықтардың қоспасын бөлу процесін айтады.

Сутекті газдың берудің жиілігі (немесе рециркуляциялаудың жиілігі) деп 0 ⁰ С температурада және 0, 1 МПа қысымдағы сутекті газдың көлемі және реакторға келіп түсетін 20 ⁰ С температурадағы шикізат көлемінің қатынасын айтады.

Жөндеу аралық цикл - сағатта көрсетілген екі жөндеу арасындағы жұмыс уақыты.

Жөндеу аралық кезең - кезкелген түрдегі екі жөндеулер арасындағы жұмыс уақыты.

Жөндеу циклының құрылымы - жөндеу аралық циклдағы орындалатын барлық жөндеулер түрінің реттілігі мен мазмұны.

Белгілеулер мен қысқартулар

Бұл курстық жұмыста төмендегі белгілеулер мен қысқартулар қолданылды:

Қысқартулар:

СНиТ - санитарлы нормалар және талаптар

ЭЛТС- электротұзсыздандыру.

МЕМСТ- мемлекеттік стандарт

ТЖК - табиғи жарықтандыру коэффициенттері

ТН - құбырлы торлары қозғалмайтын

ТК - қаптамада температура теңестіргіші бар

ТП - басжағы қозғалмалы

ТС - қозғалмалы басы сальникпен

ТУ - U - тәрізді құбырлы

Белгілеулер:

- орталогарифмді температуралық күш

- құбыр бетінің қалыңдығы

- жылу ағынының тығыздығы

- Грасгоф саны

- төсемнің орташа диаметрі

- Рейнолдьс саны

- нормативті мүмкін кернеу

- гидравликалық сынаудағы мүмкін кернеу

- гидравликалық сынаудағы байқау қысымы

u - нормативті қуыс

- ұзындық

- төсемнің сыртқы диаметрі

- фланецтің сыртқы диаметрі

- фланец биіктігі

- болттың есептемелі ұзындығы

- қатаңдық коэффициенті

- фланецтердің икемділігі

- төсемнің икемділігі

- жұмысшы жағдайдағы болттық жүктеме

- ию моменті

- фланец сақинасындағы шеңберлік кернеу

- фланецтік қосылыстың герметикалық шарты орындалады

s ^/ - қабырғаның қалыңдығы

h - биіктік

«ПКОП» ЖШС - «ПетроКазахстан ойл Продактс» жауапкершілік шектеулі

серіктестігі

АВҚ - атмосфера-вакуумдық құбырлы қондырғы

ЛК-6у -жылына 6 млн. т мұнай өңдейтін құрама эмбебап қондырғы

ББФ - бутан-бутиленді фракция

ЖЭО - жылу электр орталығы

ШТ - шартты тұтқырлық

ТШ - техникалық шарттар

ССТ - салалық стандарт

К-1, К-2 - колонналар

Т-1 - жылуалмастырғыш

Н-1 -сорап

КХ-1 - ауа конденсаторы

ЦК-201-1 3 - ортадан тепкіш қыздырғыш

Е-1 - сыйымдылық

ИТК - шын қайнау температурасы

КЕО - табиғи жарықтандыру коэффициенті

МӨЗ - мұнай өңдеу зауыты

МХЗ - мұнай химиясы зауыты

МЭА - моноэтаноламин

Кіріспе

Тақырыптың өзектілігі ҚР Президентінің Қазақстан халқына арналған «Жаңа онжылдық - жаңа экономикалық өрлеу - Қазақстанның жаңа мүмкіндіктері» атты жолдауында, мұнай-газ саласындағы мына мәселелерге тоқталып өткен. Негізгі стратегиялық жоспарымыз - 2014 жылға қарай біз барлық 3 мұнай өңдеу зауытын реконструкциялап және бүкіл мұнай өнімдерінің түр-түрі бойынша ішкі қажеттілігімізді толық қамтамасыз ете алу мәселелерін жүиелі түрде шешу.

Мұнай газ өңдеу өнеркәсіптерінің екіншілік процестерді едәуір ауқымды енгізуменен технологиялар мен жабдықтарды жетілдіруменен мұнай мен газды қолдану тиімділігі ұдайы өсуде. Өндірілуші өнім сапасының артуы және өндірістің техникалық деңгейінің өсуі халық шаруашылығына үлкен экономикалық әсер береді.

ЛК-6у кешенін іске қосу бірнеше кезеңге созылды. 1984 жылдың желтоқсанында ЛК-6у кешені қондырғысының 100-секциясы іске қосылды. 1985 жылы тамызында эксплуатацияға тағы 2 секция беріледі, олар 200-ші каталитикалық өзгерту секциясы және 300/1, 300/2 дизельдік жанармай мен керосинді сумен тазарту секциясы іске қосылады.

Мұнай өнімдерінің сұрыпталымына бензиннің түрлі сұрыптары (Aи-80, Aи-85, Aи-92 және Aи-96), дизельдік отын, авиациялық керосин, сұйылтылған газ, вакуумдық газойль мен мазут кіреді.

«ПетроҚазақстан» компаниясының сондай-ақ «ҚазТрансОйл» Шығыс филиалының құбыр өткізгіш жүйесін пайдалану мүмкіндігі бар, ол арқылы мұнай Шымкент мұнай өңдеу зауытына («ПетроҚазақстан Ойл Продактс») қайта өңдеу үшін тасымалданады. Шымкент мұнай өңдеу зауытында компания жылына 2 млн тоннаға жуық мұнайды қайта өңдейді де, содан кейін бензин, дизельдік отын, отындық мазут, авиациялық керосин, вакуумдық газойль және сұйылтылған газ сияқты өнімдерін сатып өткізеді. Жыл сайын Шымкент мұнай өңдеу зауытынан 3, 8 млн тоннадан астам мұнай өнімдері ішкі және сыртқы нарықтарға тиеп жөнелтіледі.

Мұнай өнімдері маркетингінің басым бағыттары ішкі нарық, атап айтқанда, елдің Оңтүстік Қазақстан, Жамбыл, Алматы, Қызылорда облыстары сияқты халық тығыз қоныстанған аймақтары, сондай-ақ Шығыс Қазақстан, Қарағанды облыстары, Алматы мен Астана қалалары болып табылады, бұлар мұнай өнімдерін жалпы сатып өткізу көлемінің 70%-ын құрайды.

Компанияның мұнай өнімдерін ішкі нарықта тұтынатындар ірі және ұсақ автомай құю бекеттері мен автомай құю бекеттері желілерінің иелері, әуежайлар, отын-энергетикалық, газ компаниялары, зауыттар, көлік-тасымалдау ұйымдары, фермерлік қожалықтар болып табылады. Экспортқа негізінен мұнай өңдеу зауыттарына арналған вакуумдық газойль және тұрмыстық мақсаттар мен мұнай химиясына арналған сұйылтылған газ сатып өткізіледі. Экспортқа вакуумдық газойльді шығару негізінен Шығыс Еуропаға, ал сұйылтылған газды шығару - Орталық Азия елдеріне жүзеге асырылады.

«ПКОП» ЖШС шығаратын безиндер мен дизельдік жанармайдың барлық маркалары ҚР, ТМД жерінде әрекеттегі нормативтік құжаттар талабына сәйкес. Қоршаған орта мен адам денсаулығына әсер ететін зиянды заттар мөлшері, өте төмен, экологиялық таза өнім болып табылады.

Өнеркәсіпте шығарылатын өнімнің сапасына аса назар аударады, барлық өнім жыл сайын сертификаттаудан және әр кварталдық сапа инспекциясынан өтеді, оны техникалыққа аккредиттелген және атесттатталған, ШНОС зертханасы Мемлекеттік стандарт органдар тарапынан жасайды. Міндеттісінен бөлек өз еркімен сертификаттау жасалады, өнеркәсіпті аналитикалық бақылаудан және әрбір резервуарды өнімдерімен құжаттандырудан өткізді. Өнеркәсіптің өнімінің сапасына ешқашан шағым білдірілмеген.

ЛК-6у кешені қондырғысының 100-секциясы мұнайды тұзсыздандыру және атмосфералық айдау процестері жүреді. Бұл секция ЛК-6у кешенінің басты секциясы болып табылады. 100-секциясына тұзсыздандыру, ректификациялау және фракцияны тұрақтандыру блогтарынан тұрады. Мұнайды сораптар арқылы ректификациялау бағанасына жеткізу барысында олар жылуалмастырғыштар және электродегидратор арқылы өтеді. Мен жобалап отырған жылуалмастырғыш аппаратымнан мұнай шикізатын ысытып оны ректификация бағанасына беріледі. Осы ректификация бағансынан шыққан дизелдік фракцияны суытуға арналған.

Бұл- дипломдық жұмыстың (жобаның) мақсаты «Петро Казахстан Ойл Продактс» мұнай өңдеу зауытының С-100 секциясындағы К-103/3 бағанасынан шыққан фракцияны суытуға арналған жылуалмастырғыш құрылысын жетілдіру, жұмыс сенімділігін және процестің тиімді жүруін арттыру, мұнай өнімдерінің сапасын жақсарту және оның пайдалану көрсеткіштерін жоғарлату мақсатында инновациялық шешімдерді ұсыну, осының нәтижесінде аппараттың жұмыс қабілетті күйін арттыра отырып, жылуалмастырғыштың жылу алмастыру қарқындылығын жоғарылату болып табылады.

Алға қойылған мақсатқа жету үшін жұмыста келесі мәселелер шешілуі тиіс:

Жылуалмастырғыштың жұмысын талдау және конструктивті кемшіліктерін анықтау;
Анықталған кемшіліктер бойынша инновациялық шешімдерге шолу жасау және жинақталған материалдарды талдау;
Заманауи технологилық талаптарға жауап беретін озық инновациялық шешімдерді теника-экономикалық тұжырымдап ұсыну.

1. Ғылыми-зерттеу бөлімі.

1. 1. Жобаланушы объект конструкциясы бойынша әдебиеттік-патенттік шолу және инновациялық шешімдерді талдау.

Жылу алмасу процестері, конструкциялары әр түрлі жылу алмастырғыштарда жүргізіледі. Жылу беру тәсіліне қарай жылу алмастырғыш аппараттары бетті және араластырушы болып бөлінеді.

Бетті аппараттарда жылу тасымалдағыштарға (орталарға) жылу өткізгіш материалдардан жасалған қабырға арқылы беріледі, ал араластырушы аппаратта жылу жылу-тасымалдағыштарды аралатыру арқылы беріледі. Араластырушы аппараттар конструкциялары бойынша бетті аппараттарға қарағанда қарапайым болып келеді және оларда жылу толық пайдаланады. Дегенмен олар тек қана өнеркәсіптердің шарты бойынша жылу тасымалдағыштарды араластыруға мүмкін болған жағдайда ғана пайдаланады.

Бетті жылу алмастырғыштар рекуперативті және регенеративті болып бөлінеді. Рекуперативті аппараттарда жылу тасымалдағыштардың арасындағы жылу алмасу оларды бөліп тұрған қабырға нүктелеріндегі әр жылу тасымалдағыштар өзінің бағытын сақтайды. Ал регенеративті жылу алмастырғыштарда жылу тасымалдағыштардың әр қайсысы кезек-кезек бір жылу бетіне жанасады. Бұл жағдайда қабырға нүктелеріндегі әр жылу тасымалдағыштар өзінің бағыттарын оқтын-оқтын өзгертіп отырады.

Өнеркәсіптерге ең көп таралған түрі үздіксіз жұмыс істейтін рекуперативті бетті жылу алмастырғыштар.

Жұмыс орталарының ағымына қарай бұл аппараттар бір бағытты, қарама-қарсы бағытты, айқасқан немесе араласқан түрі болып бөлінеді.

Материалдар конструкциясына байланысты металды және металл емес (кей жағдайларда графитті) болып келуі мүмкін.

Дайындау технологиясының және конструкциясының қарапайымдылығына қарай ең кең тарағаны қаптама құбырлы жылуалмастырғыш. Қаптама құбырлы жылу алмастырғыштардың төмендегідей белгілері болады: ТН - құбырлы торлары қозғалмайтын (қатты қаптама және қатты бекітілген құбырлы торлар) ; ТК - қаптамада температура теңестіргіші бар; ТП - басжағы қозғалмалы; ТС - қозғалмалы басы сальникпен; ТУ - U - тәрізді құбырлы.

Жылу алмастырғыштар өндірістің барлық салаларында пайдаланылады және қызметіне қарай олар қыздырғыш, суытқыш, конденсатор, қайнатқыш және буландырғыш деп аталады.

1. 1. 1 - сурет. «Құбыр ішінде құбырлы» типті

жылу алмастырғыш.

Екі құбырлы «құбыр ішінде құбыр» типті жылуалмастырғыш (9930-67 МЕСТ жылуалмастырғыш) сыртқы және ішкі жылу тасымалдағыш құбырлардан бөлек түйін болып жиналып олардың элементтері тік қатар секция ретінде байланысады. Жылу тасымалдағыштың біреуі кіші құбыр арқылы, ал екіншісі құбырлар арасындағы сақиналы кеңістік арқылы өтеді. Ішкі құбырлар (диаметрі әдетте 57 - 108 мм) бір-бірімен қалаштар арқылы, ал сыртқы құбырлар (диаметрі 76 - 159 мм) келте құбыршалар арқылы фланецтермен бекітіледі. Түйін бөлектері қапсырмамен үшбұрышты немесе швеллерден жасалған металды тірекке пісіріп бекітіледі.

Жылу тасымалдағыштардың бірін (әдетте жоғары қысымдағысы) ішкі құбыр арқылы, ал екіншісі (конденсатор болса-су) сақиналы кеңістік арқылы құбырлар арасына беріледі.

Құбыр және құбырлар арасындағы кеңістіктердің көлденең қималарының аздығына байланысты жылу тасымалдағыштардың аз мөлшерінде де олардың жылдамдықтары көп болады. Осының нәтижесінде жылу өту коэффициенттері жоғары болады және аппараттың масса бірлігіне сәйкес келетін жылу мөлшері қаптама құбырлы аппараттарға қарағанда көп болады. Сонымен бірге жылу тасымалдағыштардың жылдамдығы көп болғандықтан, құбырлардың беттері ластанбайды. Мұндай аппараттар р = 2, 5 МПа және t = 450 ^о С-қа дейін пайдаланады.

Қос құбырлы жылуалмастырғыштың артықшылығы: жылу беру коэффициентінің жоғарылығы, жоғары қысымда ортаны қыздыруға немесе суытуға мүмкіншілігі, дайындауының, жинауының және қызмет етуге қарапайымдылығы.

Кемшіліктері: Өлшемінің үлкенділігі, құбырлар арасындағы кеңістікті тазалау қиындығы; жылу алмасу бірлігіндегі металл шығынының көптігі және қымбаттығы.

Спиральды жылуалмастырғыш. (1. 1. 2-сурет) Екі жұқа табақты металл 1, 2 спираль бойынша оралған. Спиралдардың ішкі шеті бөгетке 3, ал сыртқы беті бір-біріне пісіру арқылы біріктірілген. Спиральдың екі жағы қақпақпен 4, 5 бекітілген.

1, 2 - спираль етіп оралған табақша металл; 3 - бөгет; 4, - қақпақ ; 5- фланец; 6 - төсем; 7- аралық төсем; 8- қүбыршалар. I, II - жылутасымалдағыштар

1. 1. 2 - сурет. Спиральді жылу алмастырғыш.

Сонымен аппарат ішінде бір-бірінен бөлінген ені 2-8 мм спиралды екі канал пайда болады да, олардың ішімен әдетте қарама-қарсы бағытта жылутасымалдағыштар (I және II) өтеді.

Спиральды жылуалмастырғыштардың артықшылықтары ықшамдылығы, гидравликалық кедергісінің аздығы және жоғарғы жылдамдығында жылу алмасу қарқынды жүруі.

Бұл аппараттардың кемшіліктері дайындаудың және жөндеудің қиындығы, 1МПа-дан артық қысымға пайдалануға болмайтындығы.

Пластиналы жылу алмастырғыштар (1. 1. 3-сурет) бөлек пластиналардан 7, екі жылжымалы 6 және жылжымайтын 9 плиталардан тұрады, олар бір-бірімен көлденең штанга 1 және 2, гайка 3, төлке 4 және жанындағы тартта 8 көмектері арқасында бекітіледі.

а б

1 - жылжымайтын плиталар; 2, 8 - бірінші жылу тасымалдағыш кіретін және шығатын құбыршалар; 3, 7 - екінші жылу тасымалдағыш кіретін және шығатын құбыршалар; 4 - жұп пластиналары; 5 - жылжымалы плиталар; 6 - қысу құрылғы; 9 - тақ пластиналар. б) -жылуалмастырғыш пластиналары: 1, 3- төсемдер; 2, 6- бірінші сүйық жүретін тесік; 4, 5- екінші сүйық жүретін тесік

1. 1. 3 - сурет. Пластиналы жылу алмастырғыш.

Жылу тасымалдағыштар кіретін және шығатын құбыршалар 2, 8 және 1 плиталарға орналасқан. Жылу алмасу бетін пластиналар қамтамасыз етеді, әр екеуінен ені 3-6 мм канал пайда болады.

Пластиналарды жұқа болаттан (қалыңдығы 0, 7 мм) штамптап дайындайды. Жылуалмастырғыштардың жылу алмасу беттерін көбейту үшін және жылу тасымалдағыштың ағынының турбуленттілігін арттыру үшін олардың ағынды беттерін кеңірдекті немесе қабырғалы болып келеді. Кеңірдектер көлденең немесе шыршалы орналасуы мүмкін. (кеңірдек қадамы 11, 5; 22, 5; 30 мм)

Пластиналы жылуалмастырғыштарда жылутасымлдағыштар қарама қарсы ағында, бір бағытта және араласқан бағытты схемада қозғалуы мүмкін. Пластиналы жылуалмастырғыштардың артықшылығы: қарқынды жылуалмасу (жылу өту коэффициенті 3800 Вт/м ² К дейін жетеді) ; гидравликалық кедергісі төмен; дайындаудың қарапайымдығы, ықшамды; жинауға ыңғайлы және ластығын тазалау оңай.

Олардың кемшіліктері: жоғары қысымда қолданылу мүмкін емес (1 МПа дейін) төсемдерінің химиялық берік және температураға шыдамды материалдардан жасалатындығы.

Сырттан сумен шайылатын бірімен бірі қалаштар арқылы жалғасқан түзу құбырлардан құралған. Бұл жылуалмастырғыштар негізінен сұйықтарды және газдарды суыту үшін немесе конденсатор ретінде пайдалануға болады.

1 - түзу құбырлар; 2 - тарнау; 3 - жалғастырушы қалаштар;

4 - рама; 5 - су жиналатын астау.

1. 1. 4 - сурет. Сұйықпен шайылатын жылу алмастырғыш.

Сығылатын сұйық төмендегі құбырға беріліп, жоғарғысынан шығарылады. Тарнау 2 арқылы берілетін суытатын сұйық (әдетте су) тамшы немесе ағын түрінде құбырлардың сыртқы бетін шайып төмен қарай ағып, астауға 5 жиналады. Жылу алмасу бетін көбейту үшін бұл аппараттарды көп секциялы етіп жасайды. Бұл аппараттарда жылу алмасу қарқындылығы төмен болады, оларды өнімділігі аз мөлшерде қажет болғанда пайдаланады.

Артықшылығы: жасалуы, орнатуы, тазалануы және пайдалануы оңай.

Кемшілігі: өлшемдері үлкенділігі, судың көп мөлшерде булануы.

1. 1. 5 - суретте ТП типті қаптама құбырлы жылуалмастырғыш көрсетілген. Жылу алмастырғыш қаптамадан 5, шоғырланған құбырлардан 6 және екі құбырлы тормен 4 және 11 тұрады.

Сол жақ құбырлы торы 4 қаптама 5 мен бөлгіш камерасының 3 фланецтерімен қысылып бекітілген. Оң жақ қозғалмалы құбырлы торы 11 қаптама ішіне өзіне бекітілген қақпақпен 10 бірге (жүзуші қақпақ) емін еркін қозғалып жүреді, және оларды жөндеу, тазалау және алмастыру үшін шығарып алу оңай. Құбырлар арасына қозғалмалы бөгеттер 7 қойылған. Қаптаманың оң жағы қақпақ фланецімен бекітілген. Мұндай аппараттар температура минус 30 ^о С - тан плюс 450 ^о С - қа және Р = 1, 6 - 6 МПа аралығында қолданылады.

1 - жалпақ қақпақ; 2, 15 - су кіретін және шығатын құбыршалары;

3 - бөлгіш камерасы; 4, 11 - құбырлы торлар; 5 - қаптама; 6 - құбырлар; 7 - бөгеттер; 8, 14 - бу кіретін және конденцат шығатын құбыршалар; 9, 10 - қақпақ; 12 - трек платформасы; 13 - трек.

1. 1. 5 - сурет. ТП типті көлденең екі жолды қаптама құбырлы жылуалмастырғыш.

Жылуалмастырғыштардың бөлшектері мен түйіндері жұмыс ортаның түріне қарай болаттың барлық түрлерінен, түрлі-түсті балқымаларынан, бейметалдан, сондай-ақ металл емес материалдардан (фторопласт, көмірлі графит және т. б. ) жасалуы мүмкін.

Аппарат корпусы цилиндрлі қаптама ретінде жалпақ материалдардан жасалады.

І з д е н і с ж ө н і н д е г і а н ы қ т а м а

... жалғасы

Сіз бұл жұмысты біздің қосымшамыз арқылы толығымен тегін көре аласыз.