Салықтық бақылау

Пән: Салық
Жұмыс түрі: Дипломдық жұмыс
Тегін: Антиплагиат
Көлемі: 64 бет
Таңдаулыға:

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТІРЛІГІ

ЕУРАЗИЯ ГУМАНИТАРЛЫҚ ИНСТИТУТЫ

Экономикалық және математикалық пәндер кафедрасы

ДИПЛОМДЫҚ ЖҰМЫС

Тақырыбы: «ҚАЗІРГІ ЖАҒДАЙДАҒЫ САЛЫҚ ОРГАНДАРЫНЫҢ ЭКОНОМИКАЛЫҚ-БАҚЫЛАУ ҚЫЗМЕТІ»

Орындаған: Фк-4-12 тобының

студенті

Ғылыми жетекші: оқутышы

Қоғауға жіберілді :

Кафедра меңгерушісі

э. ғ. к., профессор

Астана 2008

Мазмұны

Кіріспе

І. Салық органдары - салық жүйесінің басты буыны ретінде . . .

Салық жүйесі: түсінігі, құрылымы және құру принциптері . . .
Салық органы қызметін ұйымдастыру . . .
Салық бақылау және оны жүргізудің негізі . . .

ІІ. Салық органдарының экономикалық-бақылау қызметінің қазіргі жағдайы . . .

2. 1 Қазақстан Республикасының Салық органдары қызметінің қалыптасуы мен дамуы . . .

2. 2 Салық органдарның салықтарды дұрыс есептеу мен уақытылы төлеуге жүргізетін бақылау нәтижелеріне талдау . . .

2. 3 Салық органдарының экономикалық-бақылау қызметінің тиімділігін бағалау . . .

ІІІ Бөлім. Салық органдарының экономикалық-бақылау қызметін жетілдіру . . .

3. 1 Салықтық бақылаудың шетелдік озық тәжірибесі . . .

3. 2 Салықты бақылауды жүргізу тиімділігін арттыру . . .

Қорытынды . . .

Қолданылған әдебиеттер тізімі . . .

ҚОСЫМШАЛАР

Кіріспе

Экономиканың тұрақты дамуы үшін мемлекет межелеген стратегиялық бағдарламалар мен жобалар дер кезінде жүзеге асырылып отыруы тиіс. Оған қол жеткізуде бюджет бүйірінің бүлкілдеп тұрғаны аса маңызды. Ал бюджетке салықтың уақтылы түсіп отыруын және түсімдер көлемінің ұлғаюын қамтамасыз ету салық органдарының жұмысымен тікелей байланысты.

Қазiр салық органдарының алдында маңызды мәселе салықты өндiрiп алудың дұрыстығына, уақыттылығына және толықтылығына бақылауды күшейту мен жетiлдiрудiң мәселесi тұр.

Бюджеттерде қарастырылған шаралардың үздiксiз қаржыландыру республикалық және жергiлiктi деңгейлерде қаржылық ресурстардың жүйелi толтыруды талап етедi. Бұл негiзiнен жеке және заңды тұлғалардың салық және басқа мiндеттi төлемдердi төлеу есебiнен жүргiзiледi. Әрекет етушi салықтық заң шығару және басқа нормативтiк актiлерге сәйкес төлеушiлер көрсетiлген төлемдердi белгiлi уақытта және белгiленген мөлшерде төлеуi мiндеттi.

Дипломдық жұмыстың мақсаты:

Қазіргі жағдайғы салық органдарының экономикалық-бақылау қызметтерінің мәнін ашу, бақылауына талдау, тиімділігін бағалау.

Алға қойылған мақсаттқа сәйкес келесідей міндеттер қалыптасады:

- салық жүйесінің құрылымы және құру принциптерін түсініктеу;

- салық органы қызметін ұйымдастыру;

- салық бақылау және оны жүргізудің негізі;

- Қазақстан Республикасының Салық органдары қызметінің қалыптасуы мен дамуы;

- салық органдарның салықтарды дұрыс есептеу мен уақытылы төлеуге жүргізетін бақылау нәтижелеріне талдау;

- салық органдарының экономикалық-бақылау қызметінің тиімділігін бағалау;

Дипломдық жұмыс кіріспеден, үш тараудан, қорытындыдан, қолданыланған әдебиеттер тізімінен құралған.

Бірінші тарауда Салық органдары - салық жүйесінің басты буыны ретінде қарастыру, оның ішінде салық жүйесі: түсінігі, құрылымы және құру принциптері, салық органы қызметін ұйымдастыру, салық бақылау және оны жүргізудің негізіне тоқталамыз.

Екінші тарауда Салық органдарының экономикалық-бақылау қызметінің қазіргі жағдайын бақылап талдау жасау, соның ішінде Қазақстан Республикасының Салық органдары қызметінің қалыптасуы мен дамуы, Салық органдарның салықтарды дұрыс есептеу мен уақытылы төлеуге жүргізетін бақылау нәтижелеріне талдау жасау, Салық органдарының экономикалық-бақылау қызметінің тиімділігін бағалау.

Үшінші тарауда Салық органдарының экономикаық-бақылау қызметін жетілдіру жолдары ұсынылған.

Дипломдық жұмысқа қолданылған әдебиеттер Қ. Қ. Ілиясовтың, С. Құлпыбаевтың «Қаржы» кітабынан, А. Д. Үмбеталиев, Ғ. Е. Керімбек «Салық және салық салу», С. М. Найманбаев «Салықтық құқық» кітабы, Қазақстан Республкасының Салық кодексінен, Қазақстан Республикасының Президентінің Қазақстан халқына Жолдауынан және интернеттен алынды.

І. Салық органдары - салық жүйесінің басты буыны ретінде

Салық жүйесі: түсінігі, құрылымы, және құру принциптері

Қазақстанның салықтық жүйесi 1991-1992 жылдары өте маңызды экономикалық қайта құру кезеңiнде құрылып елiмiздегi экономикалық және әлеуметтiк дағдарыс, заң шығарудың жүзеге асыруына жiберiлген, стаждық мерзiмдерде, нақты салықтық қатынасы құқықтық реттеудiң болмауы - осының барлығы оның пайда болуына тiкелей әсерiн тигiздi.

Салық жүйесі - салықтар, оларды белгілеу, қолдану, төлеу және салықтық міндеттемелердің орындалуына бақылауды қосатын кешен. Яғни, салық төлеушілер мен мемлекеттің мүдделерін қамтамасыз ету мақсатында бір - бірімен өзара байланысты болатын салықтардың жиынтығынан құралған жүйе. Салық қаржы категориясы ретінде «Теория финансов» еңбегінде қарастырған Б. Н. Сабанти салық жүйесіне мынандай анықтама береді: «Салық жүйесі - салықтардың өзі және олардың қатысуымен байланысты туындайтын қатынастар мен осы қатынастарды реттейтін салық органдарының жиынтығы».

Салық жүйесінің негізгі бағыттары (принциптері) :

табыстар тең болса, оған салынатын салық мөлшерлері де тең болуы керек;
салық мөлшері барлық кәсіпорындарға, меншік формасына, қызмет түріне қарамастан бірдей болады;
кешенді жүйеде салық салу әдістері тиімді қолдану керек;
жүйеде салық жеңілдіктері болады;
салық ерікті емес, нақты анықталған болу қажет, төлеу мерзімі, тәсілі, төлем сомасы әрбір салық төлеушіге және басқа тұлғаға анық болу керек;
әрбір салық салық төлеушіге ыңғайлы уақытта және тәсілмен алыну керек;
салықты минимумнан жоғары болған кезде ғана төлеу керек, яғни “төлем қабілеті” болуы қажет;
салық жеңілдіктері экономикалық саясаттың стратегиялық бағыттарына негізделеді;
салық жүйесі заңды түрде бекітіледі;
салық жүйесінің тұрақты болғаны тиімді;

Бұл принциптердің бұзылуы салықтардың ауыртпалығына, инвестициялық процестердің тежелуіне, қоғамдық бөлініске әкеледі. Әрбір салықтық жүйеде салықтан басқа алымдар да бар. Егер салықтар тек бюджеттік қорға түссе, онда алымдар біртұтас мақсатты сипатты иеленеді және мақсатты ақша қорларын қалыптастырады.

Салық жүйесі дегеніміз - салық төлеушілермен мемлекеттің мүдделерін қамтамасыз ету мақсатында бір-бірімен өзара байланысты болатын салықтардың жиынтығынан құралған кешен. Бұл жиынның құрамдас бөліктерін төмендегідей заңдық және нормативтік базадан тұрады:

Салықтық қатынастарды реттейтін ҚР салық кодексі, кодекске қосымша нұсқаулар, бұйрықтар, қаулылар.
Салықтарды құру мен салу әдістері.
Салықтық бақылау түрлері мен нысандары
Ұйымдар

Салық қаржылық субкатегориялы болғандықтан, интеграциялық сипатта салық жүйесіне мынандай анықтама беруге болады. Салық жүйесі дегеніміз ел аумағында әрекет ететін салықтар, оны төлеу барысында туындайтын міндеттемелерді жүзеге асырумен байланысты салықтық қатынастар және осы қатынастарды реттейтін салық органдардың жиынтығы. Осы анықтамаға сәйкес салық жүйесі үш элементтен тұрады:

Салықтар.
Салықтық қатынастар.
Салық органдары.

ҚР аумағында әрекет ететін міндетті төлемдер түрлері:

Салықтар:

Корпоративті табыс салығы.
Жеке табыс салығы.
Қосылған құн салығы.
Акциздер

4-1. Экспортталатын шикі мұнайға, газ конденсатына рента салығы.

Жер қойнауын пайдаланушылардың салықтары мен арнаулы төлемдері.
Әлеуметтік салық.
Жер салығы.
Көлік құралдары салығы салық.
Мүлік салығы.
Ойын бизнесі салығы.

Алымдар:Заңды тұлғаларды мемлекеттік тіркегені және филиалдар мен өкілдіктерді есептік тіркегені үшін алым. Жеке кәсіпкерлерді мемлекеттік тіркеуге алған үшін алымдар. Жылжымайтын мүлікке құқықтарды және олармен жасалған мәмлелерді мемлекеттік тіркелгені үшін алым.

3-1. Жылжымалы мүлік кепілін және кеменің немесе жасалып жатқан кеменің ипотекасын мемлекеттік тіркегені үшін алым.

Радиоэлектронодық құралдарды және жиілігі жоғары құрылғыларды мемлекеттік тіркелгені үшін алым.
Көлік құралдарын мемлекеттік тіркелгені үшін алым. Қазақстан Республикасының 2006 жылғы 11 желтоксандағы № 201-III Заңымен 61 баптың 1 тармағының 6, 6-1 және 7 тармақшалары алып тасталады.

Дәрі-дәрмек құралдаын мемлекеттік тіркелгені үшін алым.

8-1. Туындылар мен сабақтас құқықтар объектілеріне құқықтарды, туындылар мен абақтас құқықтар объектілерін пайдалануға лицензиялық шарттарды мемлекттік тіркеу үшін алым.

9. Автокөлік құралдарының Қазақстан Республикасының аумағы арқылы жүру алымы.

9-1. Бұқаралық ақпарат құралын ес есепке қойғаны үшін алым.

10. Аукциондардан алынатын алым.

11. 61 баптың 11 тармағының ҚР 2003 жылғы 4 шілдедегі № 475-ІІ Заңымен алып тасталады.

12. Жекелеген қызмет түрлерімен айналасу құқығы үшін лицензиялық алым

Телевизия және радио хабарларын тарату ұйымдарына радиожиілік спектрін пайдалануға рұқсат беру үшін алым.

Төлемақылар:Жер учаскілерін пайдаланғаны үшін төлем ақы. Жер бетіндегі көздерін су ресурстарын пайдаланғаны үшін төлемақы. Қоршаған ортаны эмиссия үшін төлемақы. Жануарлар дүниесін пайдаланғаны үшін төлем ақы. Орманды пайдаланғаны үшін төлем ақы. Ерекше қорғалатын табиғи аумақтарды пайдаланғаны үшін төлемақы. Радиожиілік спектрін пайдаланғаны үшін төлемақы.

7-1. Қалааралық және (немесе) халықаралық телефон байланысын бергені үшін төлемақы.

Кеме жүретін су жолдарын пайдалынғаны үшін төлем ақы.
Сыртқы (көрнекі) жарнаманы орналастырғаны үшін төлемақы.

Мемлекеттік баж
Кедендік төлемдер:

Кеден баж.
Кеден алымдар.
Алдын ала шешім қабылдағаны үшін төлемақы.
Алымдар.

Салық - бұл мемлекеттің органдарының қызмет етуін қамтамасыз ету мақсатында заңды және жеке тұлғалардан алынатын мемлекетпен бекітілген міндетті төлем.

Алым - белгілі бір құқықты беруге төленуі міндетті шарт болып табылатын міндетті жарна.

Баж - мемлекеттік қызмет көрсетуге айырбас ретінде заңдық мәні бар ярекеті жасағаны немесе құжатты берген үшін мемлекеттік органдарымен өкілетті тұлғалардың алатын міндетті төлемі.

Төлемақы - бұл мемлекеттік меншігінде және мемлекттік фискалдық монополияға жатқызатын объектілері қолданғаны үшін төлем. [2. 6-10]

Салық категориясы субъекті үшін мәжбүрлі төлем, алым, өтініш білдірушіге қызмет көрсеткен мемлекеттік органның шығындарын өтейтін мөлшерге болатындықтан компенсациялық сипатты иеленеді. Салық өткенсіз эквивалентсіз болса, төлем ақы өтемді эквивалентті болады.

Баж мемлекетінің қызметіне төлем емес қызмет пен байланысты төлем болып табылады.

Әлемдік тәжірибеде кеңінен қолданылатын салық жүйесін құрудың принциптерін ғалым Я. Корнай ұсынған. Салық жүйесінің келесідей принциптері бар:

Салық жүйесінің қарапайымдылығы - салық салу нысанын анықтайтын қарпайым нысанды таңдау керек, себебі салық төлеушілер салық төлеуден бас тартып, табыстарын азайтып көрсетуге тырысады.
Салық жүйесінің бейтараптылығы, яғни салық жүйесі мемлекетті қолдап, салық төлушілерді жазаламау керек.
Салық жүйесінің тиімділігі, салықтарды белгілеу және оның төленуін қамтамасыз ету экономиканың қызмет етуі мен капитал салымының өсуіне кедергі болмау керек.
Сызықтық пропорционалдық қолдану, сызықтық салықты қосылған құн салығына, табыс салығына қолдану қажет, бірақ мұндай салық ставкалары, кәсіпорын салық төлеушінің меншік нысанына тәуесіз түрде біріңғай болу қажет.
Салық жүйесі ашықтығы немесе салыстырмалылығы, экономикалық қатынастар бойынша елдің әріптес елдердің негізгі салық түрлері мен салық салудың әдіс-тәсілдерімен белгілі бір салыстыруды, қамтамасыз ету керек.

Қазақстан Республикасының салық кодексіне сәйкес салық салу принциптерінде салық жүйесінің біртұтастық принципі қарастытылады. Яғни салық жүйесі республикалық бүкіл аумағындағы барлық салық төлеушілерге қатысты біртұтас болып табылады. [ 4. 176-178]

Қазақстан Республикасының салық жүйесі Қазақстан Республикасының салық кодексіне сәйкес салықтар және бюджетке төленетін басқа да міндетті төлемдерден салықтық қатынастарды реттейтін заңнамалық базадан және мемлекеттік салық қызметі органдарынан құралады.

Салық органы қызметін ұйымдастыру

Мемлекеттің салық қызметі дегеніміз - бұл мемлекеттің салық салуды ұйымдастыру мен оның қызмет етуін қамтамасыз етуге бағытталған іс әрекеттерді ұсынады. Мемлекеттің салық қарекеті келесідей құрамдас бөліктер мен бағыттардан тұрады:

Салықтардың үйлесімді белгілеу жолымен оны әрекет етуін қамтамасыз ететін мемлекеттің салық жүйесін қалыптастыру.
Салық салу саласындағы мемлекеттік билік органдарының құзырлығы мен уәкілеттілігін анықтау.
Мамандырылған салық органдары жүйесін құрып олардың қызмет етуін қамтамасыз ету.
Салық заңдарының сақталуына салықтық міндеттемелердің орындалуына салық бақылауын ұйымдастыру мен жүргізу
Салық төлеушілердің салықтарды ерікті және мәжбүрлі төлеуін қамтамасыз ету.
Салық заңдарын бұзғаны үшін және осы заң бұзушылыққа жол берген үшін жауапты тұлғаларды заңдық жауапкершілікке тартып салық салу саласындағы заңдылықты сақтау режимін сақтау.

Мемлеттің салық қарекеті белгілі бір әдістер көмегімен жүзеге асырылады.

Салық қарекеті әдістері дегеніміз - бұл мемлекет салық салуды ұйымдастыру мен жүзеге асыруда қолданатын амалдар мен тәсілдер. Салық салудың амалдары мен тәсілдері:

Салықты белгілеу мен қолданысқа енгізу.
Салық төлеушілерді есепке алу.
салықтың окладты түрлері бойынша салық салу объектілерін есепке алу.
Окладты салық түрлері бойынша салық салуды жүзеге асыру.
Табыс алу көзінен салықты алуды ұстап қалуды ұйымдастыру.
Салық төлеушілердің кейбір категорияларына салықтық есеп беру нысанын белгілеу.
Салық төлеушілердің өзендік салық міндеттемелерін орындалуына салық агенттері мен салықты жинаушылардың салық салумен байланысты салық заңымен орындалуына бақылау жүргізу.
Салық міндеттемелерінің орындалуын қамтамасыз ететін шаралар қабылдау.
Салық органдары жүйесін ұйымдастыру
Салық заңдарын бұзғаны үшін заңдық жауапкершілікті белгілеу.
Салық заңдарын бұзылуына жауапты тұлғаларға белгіленген жауапкершілікті жіктеу.

Салық органдары - бюджетке төленетін міндетті төлемдерді есептеуді және жинауды жүзеге асыруға Қазақстан Республикасының Үкіметі уәкілеттік берген уәкілетті органдар. Салық органдары Қаржы министрлігінің құрамына енеді. Салық комитеті туралы ереже 2002 жылы 9-қазанда қабылданып, соңғы рет 2004 жылдың 13-тамызында өзгертулер мен толықтырулар енгізілген, Қазақстан республикасының Қаржы министрлігінің салық комитеті Қаржы министрлігінің ведомствосы болып табылады. Бұл ведомство, яғни комитет мемлекет алдында салық кодексіне сәйкес жұмыстардың орындалуын қамтамасыз етуге өкілетті. Салық қызметі органдары уәкілетті мемлекеттік орган мен салық органынан тұрады. Салық органдарына аймақаралық салық комитеттері, Астана және Алматы қалалары бойынша салық комитеттері, ауданаралық салық комитеттері, аудандар, қалдалардағы аудандар бойынша салық комитеттері жатады. Арнайы экономикалық аймақтар құрылған жағдайда, бұл аймақтардың аумағында салық комитеттері құрылуы мүмкін. Салық органдары тиісті жоғары тұрған салық қызметі органына төменнен жоғары қарай тікелей бағынады және жергілікті атқарушы органдарға жатпайды. Уәкілетті мемлекеттік орган салық органдарына басшылық жасауды жүзеге асырады. Салық органдарының бірініші басшыларын қызметке уәкілетті мемлекеттік органның бірініші басшысы тағайындайды. Комитет өзінің қызметін заңдарға сәйкес және ереже мен басқа нормативті құқықтық актілермен жүзеге асырады. Комитет - заңды тұлға, өз атынан азаматты-құқықтық қатынастарға қатысады. Комитеттің құрылтайшылық құжатты - оның ережесі болып табылады. Салық комитетінің құрылымы:

басшылық;
әкімшілендіру және ірі салық төлеушілердің мониторингтік басқармасы;
салықтық әкімшілендендіру басқармасы;
әдістеме басқармасы;
халықаралық салық салу басқармасы;
ішкі жұмыстар басқармасы;
анализдеу, кірістерді болжау басқармасы;
ақпарттық-технология басқармасы;
ұйымдастырушылық-қаржылық қамтамасыз ету басқармасы;
өндірістік емес төлемдер басқармасы;
заң басқармасы;
акциздерді әкімшілендендіру басқармасы.

Салық қызметі органдарының құқықтары

1. Салық қызметі органдары:

1) Салық кодексінде көзделген нормативтік құқықтік актілерді өз құзыреті шегінде әзірлеуге және бекітуге;

2) өз құзыреті шегінде салық міндеттемелерінің туындауы, орындалуы мен тоқталуы жөнінде түсіндіруді жүзеге асыруға және түсініктеме беруге;

3) Салық кодексінде белгіленген тәртіппен салық бақылауын жүзеге асыруға;

4) салық төлеушінің бухгалтерлік құжаттамасына, сметаларына ақшасының бар-жоғына, бағалы қағаздарына, есеп айырысуларына, декларацияларына және салық міндеттемелерін орындауға байланысты өзге де құжаттарына Қазақстан Республикасының заң актілерімен белгіленген талаптарды сақтай отырып, тексеру жүргізуге;

5) салық төлеушілерден уәкілетті мемелекеттік орган белгілеген нысандар бойынщша салық және бюджеттке төленетін басқа да міндетті төлемдерді есептеу және төлеу (ұстау мен аудару) жөнінде құжаттар, оларды толтыру жөнінде түсіндірмелер, сондай-ақ салық және бюджетке төленетін басқа да міндетті төлемдердің, жинақтаушы зейнетақы қорларына міндетті зейнетақы жарналарының және Мемлекеттік әлеуметтік сақтандыу қорына әлеуметтік аударымдардың дұрыс есептелгендігін және дер кезінде төленгендігін (ұсталғандығын және аударылғандығын) растайтын құжаттар беруді, сондай-ақ резидент салық төлеушінің Қазақстан Республикасының шегінен тыс Қазақстан Республикасының жерде орналасқан еншілес компанияларының қаржылық есептілігін қоса алғанда, оның шоғырландырылған қаржылық есептілігін талап етуге;

6) Қазақстан Республикасының заң актілерінде белгіленген тәртіппен салық тексеруін жүзеге асыру барысында салықтық құқық бұзушылықтар жасалғанын айғақтайтын құжаттарды салық төлеушіден алып қоюға;

7) орналасқан жеріне қарамастан табыс табу үшін пайдаланылатын кез келген салық салу объекілері мен салық салуға байланысты объектілерді тексеруге, салық төлеушінің мүліктеріне (тұрғын үй-жайлардан басқа) түгендеу жүргізуге;

8) Қазақстан Республикасының Үкіметі бекітетін тізбе бойынша уәкілетті мемлекеттік орган белгілеген тәртіппен салық төлеушіден электрондық құжаттар түріндегі ақпарат алуға;

9) мыналарға:

салық салуға байланысты мәселелер бойынша тексерілетін салық төлеушіге заңды тұлға мен дара кәсіпкерге;
қаржы нарығы қаржы ұйымдарын реттеу және қадағалау жөніндегі уәкілетті органмен келісім бойынша, уәкілетті орган белгілеген тәртіппен әрекетсіз заңды тұлғаға;
заңнамада белгіленген тәртіппен Қазақстан Республикасының Президенттігіне, Қазақстан Республикасы Парламентінің және маслихаттың депутаттығына, сондай-ақ жерілікті өзін-өзі басқару органдарының меншігіне кандидат ретінде тіркелген тұлғаға және оның зайыбына (жұбайына) қатысты комерциялық, банктік және заңмен қорғалатын өзге де құпияны құрайтын мәліметтерді жария етуге Қазақстан Республикасының заң актілерінде белгіленген талаптарды сақтай отырып, банктерден немесе банк операцияларының жекелеген түрлерін жүзеге асыратын ұйымдардан банк шоттарының бар-жоғы және олардың нөмірлері туралы, осы шоттардығы ақшаның қалдығы мен қозғалысы туралы мәліметтер алуға;

10) Салық Кодексінің ерекше бөлімінде көзделген жағдайларда салық төлеушінің салық міндеттемесін жанама әдіспен айқындауға;

10-1) салық тексерулеріне басқа да мемлекеттік органдардың мамандарын тартуға;

11) Қазақстан Республикасының заңдарына сәйкес соттарға талаптар қоюға құқылы.

12) Қазақстан Республикасының Азаматтық кодексінің 49-бабы 2-тармағының 1), 2) және 4) тармақшаларында көзделген негіздер бойынша заңды тұлғаны тарату туралы сотқа талап-арыз беруге құқылы.

1-1. Салық қызметі органдары Қазақстан Республикасының заңнамалық актілерінде жүктелеген міндеттерді іске асыруды уәкілетті орган белгілеген тәртіппен электрондық тәсілмен жүзеге асыруға құқылы.

2. Салық қызметі органдарының Қазақстан Республикасының заңдарында көзделген өзег де құқықтары бар.

Салық қызметі органдарының міндеттері

1. Салық қызмет органдары:

1) салық төлеушінің құқықтарын сақтауға;

2) мемлекетің мүделерін қорғауға;

3) салық төлеушінің салық міндеттемелерін орындауына, Мемлекеттік әлеуметтік сақтандыру қорына әлеуметтік аударымдардың толық есептелуіне және уақытылы төленуіне, сондай-ақ жинақтаушы зейнетақы қорларына міндетті зейнетақы жарналарының де кезінде ұсталуына және аударылуына салық бақылауын жүзге асыруға;

4) салық төлеушілердің, салық салу объектілері мен салық салуға байланысты объектілердің есебін, есептелген және төленген салық және бюджетке төленетін басқа да міндетті төлемдердің есебін белгіленген тәртіппін жүргізуге;

5) белгіленген салық есептілігінің нысандарын толтыру тәртібін түсіндіруге;

6) салық тексеруін қатаң нұсқамалар бойынша жүргізуге;

7) Салық кодексінің ережелеріне сәйкес салық құпиясын сақтауға;

8) Салық кодексінде көзделген мерзімдер мен жағдайларда салық төлеушіге салық міндеттемелерінің орындалуы жөнінде хабарлама тапсыруға;

9) салық төлешінің өтініші бойынша үш күн мерзімнен кешіктірмей салық міндеттемелерін орындау жөніндегі бюджетпен есеп айырысуларының жай-күйі туралы оның жеке шотынан көшірмені беруге;

10) салық төлеушіге берілетін, салық және бюджетке төленетін басқа да міндетті төлемдер бойынша салық міндеттемелерінің орындадалу фактісін растайтын квитанциялар көшірмесінің бес жыл бойы сақталуын қамтамасыз етуге;

11) мемлекет меншігіне айналған мүлікті есепке алу, сақтау, бағалау, одан әрі пайдалану және өткізу тәртібінің сақталуын, оның Қазақстан Республикасының заңдарына сәйкес тиісті уәкілетті органға толық және уақытылы тапсырылуын, сондай-ақ ол сатылған жағдайда ақшаның толық және дер кезінде түсуін бақылауды жүзеге асыруға;

12) салық міндеттемелерінің орындалуын қамтамасыз ету тәсілдерін қолдануға және салық төлеушіден салық берешегін Салық кодексіне сәйкес мәжбүрлеп өндіріп алуға;

13) Қазақстан Республикасының Әкімшілік құқық бұзушылық туралы кодексіне сәйкес салық төлеушіге әкімшілік айыппұлдар міндетті;

2. Салық тексеруі барысында салық және бюджетке төленетін басқа да міндетті төлемдерді төлеуден қасақана жалтару фактілері, сондай-ақ қылмыс белгілерін көрсететін әдейі, жалған банкроттық фактілері анықталған кезде, салық органдары Қазақстан Республикасының заң актілеріне сәйкес іс жүргізу шешімін қабылдау үшін тиісті құқық қорғау органдарының тергеуіне жататын материалдарды жібереді.

3. Салық қызметі органдары Қазақстан Республикасының салық заңдарымен көзделген өзге де міндеттерді орындайды. [2. 14-16]