Үшінші конфигурация тақша

Жұмыс түрі: Материал
Тегін: Антиплагиат
Көлемі: 63 бет
Таңдаулыға:

МАЗМҰНЫ

КІРІСПЕ5

1 HCS12 БІР КРИСТАЛДЫ МИКРОКОНТРОЛЛЕРЛЕР КЛАСЫ7

1. 1 Кластардың жалпы сипаттамасы7

2 - ЛАБОРАТОРИЯЛЫҚ ҚОНДЫРҒЫСЫ11

2. 1 Қондырғының жалпы сипаттамасы11

2. 2 Микроконтроллердің тақшасы12

2. 3 CSMB12C128 тақшасы + PBMCUSLK тақшасы17

2. 4 CSMB12C128 тақшасы + PBMCUSLK тақшасы + ELVIS II платформасы20

3 МИКРОПРОЦЕССОРЛЫҚ ЖҮЙЕЛЕРГЕ АРНАЛҒАН CODEWARRIOR ПРОГРАММАЛЫҚ ОРТАСЫ21

3. 1 Өңдеу ортасының жалпы сипаттамасы21

3. 2 CodeWarrior ортасында жоба құру техникасы23

4 МК MC9S12C128 ПЕРИФИРИЯЛЫ МОДУЛЬДЕРІН ЗЕРТТЕУ28

4. 1 Микроконтроллерлер жайлы жалпы түсінік28

4. 2 Elvis II құралдарының жиыны30

4. 4 Микроконтроллердің ШИМ(кең импульсті модуляция) модулін зерттеу37

4. 5 Берілген параметрлері бар жекелеген импульстер генерациясын зерттеу40

4. 6 Аналогты-цифрлы түрлендіргіштің модулі42

4. 7 SPI тізбекті синхронды интерфейсін зерттеу44

4. 8 SCI тізбекті асинхронды интерфейсін зерттеу46

ҚОРЫТЫНДЫ48

ҚОЛДАНЫЛҒАН ӘДЕБИЕТТЕР ТІЗІМІ49

ҚОСЫМША50

КІРІСПЕ

Қазіргі заманда микропроцессорларды қолданбайтын техника аймағын табу қиын. Олар есепетеулер жүргізу, басқару функцияларын жүргізу үшін, сонымен қатар дыбыстар мен бейнелерді қолданған кезде де пайдаланылады. Қолдану аймағына қарай микропроцесоарларға деген талаптар да өзгере береді. Бұл микропроцессордың ішкі құрылымына байланысты. Контроллер термині ағылшынның control - басқару сөзінен шыққан. Микроконтроллерлер әртүрлі жұмыс принциптарына негізделіп механикалық немесе оптикалық құрылғылардан бастап электронды аналогтық немесе цифрлық құрылғыларға дейін пайдаланылуы мүмкін. Қазіргі кезде кеңінен тараған басқару схемаларының бірі ол, сандық микросхема негізінде құрылғандар. Контроллерлерге қойылатын талаптар негізінен басқаруды керек ететін құрылғының өлшеміне байланысты болады. Контроллерлер тек үлкен жүйелер үшін ғана емес сонымен қатар өлшемі кіші құрылғылардада керек болады, мысалы радиоқабылдағыштар, радиостанциялар, магнитофондар немесе ұяшықты аппараттарда. Соңғы уақытта микропроцессорлық техникада аппараттарды және құрылғыларды программалауда микроконтроллерлер кеңінен қолданылады. Микроконтроллерлер негізіндегі шешімдер жүздеген немесе мыңдаған құрылғы шығарылатын жерлерде және соңғы қолданушыға басқару алгоритмдерін өзгерту қажетболмайтын жағдайларда бағдарланатын логикалық контроллерге қарағанда тиімдірек болады. Мысал ретінде көліктік автоматика жүйелерін алуға болады, мұнда жыл сайын миллиондаған құрылғылар шығарылады және тек солардың өндірушілері контроллерлерді бағдарламалаумен айналысады. МК негізгі қолдану аясы- өндірістік автоматика және автомобильдік электроника. Бұл жұмыста он алты разрядты МК МС9S12C128 перифериялы модулдері қарастырылады. Оның ішінде: таймер модулінің кірісін ұстап алу режимін, микроконтроллердің ШИМ (кең импульсті модуляция) модулін, аналогты-цифрлы түрлендіргіштің модулін зерттеу жұмыстарын жүргіземіз, сонымен қатар осы жұмыста МК-ді программалау үшін CodeWarrior программалау ортасын қолданамыз. CodeWarrior интеграцияланған өңдеу ортасымен танысу аспектісі өте қызықты. Себебі ассемблер, С, С++ тілдерінде программалауға да болады. Бұл CodeWarrior-ды әр түрлі оқу үдерісінде қолдануға мүмкіндік береді.

РЕФЕРАТ

Дипломдық жұмыс 70 беттен, 49 суреттен, 14 пайдаланған әдебиеттен тұрады.

Негізгі ұғымдар: микроконтроллер, интерфейс, CodeWarrior, порт, программа, код, импульс, микропроцессор, перифериялы модуль.

Жұмыстың мақсаты: 16 разрядты микроконтроллердің перифериялы модульдерін терең зерттеу. Оның ішінде: таймер модулі кірісін ұстап алу режимін, микроконтроллердің ШИМ (кең импульсті модуляция) модулін, берілген параметрлері бар жекелеген импульстер генерациясын, аналогты-цифрлы түрлендіргіштің модулін, SPI тізбекті синхронды интерфейсін, SCI тізбекті асинхронды интерфейсін зерттеу.

Зерттеу жұмыстарының өзектілігі: Қазіргі таңда микроконтроллерлер көптеген заманауи техникаларда кеңінен қолданылады, соның ішінде робототехникада, автоматикада, автомобильдік электроникада қарқынды қолданысқа ие. Микроконтроллерді программалау арқылы әртүрлі құрылғыларды басқаруға болады. Бұл жұмыстағы микроконтроллер бір кристаллда процессор функциясы мен перифериялы құрылғыларды байланыстырады.

Зерттеу объектісі: MC9S12C128 микроконтроллерінің перифериялы модульдері

Жұмыстың нәтижелері: Келесідей зерттеу жұмыстары жасалынды:

Таймер модулінің кірісін ұстап алу режимі
Микроконтроллердің ШИМ (кең импульсті модуляция) модулі
Берілген параметрлері бар жекелеген импульстер генерациясы
Аналогты-цифрлы түрлендіргіштің модулі
SPI тізбекті синхронды интерфейс
SCI тізбекті асинхронды интерфейсі

Зерттеу жұмысының нәтижелері құрылғыларды басқаруда және автоматтандыруда кеңінен қолданысқа ие бола алады.

1 HCS12 БІР КРИСТАЛДЫ МИКРОКОНТРОЛЛЕРЛЕР КЛАСЫ

1. 1 Кластардың жалпы сипаттамасы

Freescale Semiconductor компаниясы (Motorola компаниясының жартылай өткізгішті компоненттерінің бұрынғы секторы) бірнеше жылдар енгізілген қосымшаларға арналған жартылай өткізгішті компоненттер өндірісте көшбасшы болып келеді. Микроконтроллерлер және интегралданған процестер оның негізгі өнімдерінің бірі болып табылады. Freescale Semiconductor әлемдік өндірушілер арасында микроконтроллерлер толық портфеліне ие, және ол өзінің моделдік тізімін шығарады.

Қазіргі уақытта Freescale Semiconductor өндірушілерге микроконтроллерлердің және интегралданған микропроцессорлардың көптеген түрін ұсынады және олардың әрбір класификацияланған микропроцессорлы элементтік база категориясының келесідей түрлері бар:

8 разрядты МК HCS08 класы бойынша ұсынылған;

16 разрядты МК HCS12(X) және DSP56800/E кластары бойынша

ұсынылған;

32 разрядты ColdFire, PowerPC және iMx кластары бойынша ұсынылған.

Freescale Semiconductor портфеліндегі МК-дің кең таралған әр түрлілігіне және қарамастан алты шығысты 8 разрядты МК мен мықты 32 разрядты PowerPC қуатты, 406 шығысы бар корпустағы МК-дің арасындағы айырмашылығына қарамастан Freescale Semiconductor-дың барлық микроконтроллерлік өнімдеріне тиесілі бір қасиетке назар аударған жөн:

Әрбір кластың құрамындағы МК-дің моделдерінің көпшілігі автомобильдік сұранысқа ие, яғни ішкі электромагниттік кедергілерге төзетін қасиетке және әр түрлі қиын климаттық жағдайларда жұмыс істеу мүмкіншілігіне ие.

Freescale Semiconductor компаниясының оналтыразрядты МК-лері қазіргі уақытта екі түрлі класпен көрсетілген: архитектурасы жағынан өте қызық, екі процессорлы микроконтроллелердің HCS12(X) клас және DSP микроконтроллерлері ( DSP - Digital Signal Processor - Сигналдарды Цифрлық Өңдеу(СЦӨ) ) . Бұл лабораториялық практикумда S12 класының МС9S12C128 микроконтроллері зерттеледі [1] .

HCS12(X) класының МК негізгі қолдану аясы- өндірістік автоматика және автомобильдік электроника. Қолданылу облыс спецификасы осы клас сипатталатын үш ерекшелікті анықтайды:

МК-дің классы үдестірілген басқару жүйелерінің интелектуалды түйіндері ретінде жұмыс істеуге арналғандықтан, кристалға интегралданған, тізбектік интерфейстердің әр түрлі контроллерлерінің үлкен санының болуы; Тұтынушының қайта программаланатын тұрақтыларды сақтауға арналған

EEPROM маңызды облысындағы көптеген МК-лер моделдерінің құрамында болуы, автомобилдік қолданыста электрлік сәйкестікті қамтамасыз ете алатын, кластың көптеген моделдерінің кернеуі - 5. 0 В.

HCS12(X) класы негізінде CPU12 процессорлы ядро жатыр. CPU12 жалпы аты ретінде орталық процессордың программалы-логикалық моделін түсінген жөн, әйтсе де тактілеу жүйесі, энергия сақтау режимі және процессорлық ядро құрамындағы ішкі схемалық түзету модулі тұрақты түрде іске асырылып отырады. CPU12 адресациялау әдістерінің алуан түрлігі, ЖЕСҚ-ның толық адрестік кеңістігінде биттерді манипуляция жасау мүмкіндігі, минималды және максималды мәндер адресі бойынша таңдау және орналастыруға қатысты көптеген салыстыру командалары қолданбалы программаның орындалу кодының жинақылығын қамтамасыз етеді [1] .

CPU12 процессорлық ядросы тактілеу жиілігінің жиілігінің жоғарлауын алып жүруші технологиялық процесті іске асыру және жаңа түп нұсқалы сол прцессордың ядросының құрамында пайда болуға алып келген архитектураның жүзеге асу бағыттарында дамуын жалғастыруда. Қазіргі уақытта HCS12(Х) класында процессорлық ядроның 3 модификациясы бар:

Кластың басты секторы - ішкі шинаның жиілігі 8 МГц болатын HC12 процессоры;

Қазіргі уақытта белсенді түрде қолданылатын HCS12 процессоры - 25 МГц;

Freescale Semiconductor компаниясының МК тұтынушылары процессорлық ядро типіне сәйкес үш кластың терминологиясын жиі қолданады, олар: HC12 класы, HCS12 класы, HCS12X класы.

Процессорлық ядроның техникалық сипаттамаларының айырмашылығына қарамастан HCS12(X) класы МК-нің барлық моделі сипатты ерекшеліктерге ие:

8 және 16 разрядты операндылармен операциялар жүргізуге мүмкіншілік беретін, үнемді, 16 разрядты CISC процессорлы ядро бар. HC12 класы үшін ішкі шиналардың максимал жиілігі 8 МГц, 25 МГц - HCS12 үшін, 50МГц - HCS12(X) үшін. Тактілеу жиілігінің төменгі шекарасы жоқ, және ол енгізілген аз жиілікті тактілеу генераторының процессорлы ядрода бар болуна мүмкіндік береді. Бұл тактілеу генераторы ішкі жоғары жиілікті тактілеу генераторы істен шығып қалған жағдайда жүйенің жұмыс істеу қабілетін сақтап қалуға арналған. CPU12 командалар жүйесі ассемблер тілінің 208 нұсқаулығына ие, оның ішінде белгісі бар және белгісі жоқ он алты разрядты операдыларды бүтін санды көбейту командалары, бүтін санды және бөлшек түріндегі 16:16, 32:16 бөлу командаларының бес түрі, максималды және минималды сандарды таңдау командалары, көмескі логикалық операцияларды жүзеге асыру командалары бар. екі байтты сандарды қосу және азайту операциялары МК-дің ішкі шинасының 4 тактісінде іске асырылады. CPU12-да адресациялаудың 16 тәсілі бар, логикалық және арифметикалық командалар тобының әрбір командасының орындалуы ең аз дегенде адресациялаудың 12 тәсілін қолдану арқылы мүмкін болады. Адресациялаудың барлық тәсілдері мүмкін болатын командалары бар процессорларды ортогоналды деп атау қабылданған. Сондықтан CPU12 өзінің қасиеттеріне байланысты ортогоналдыға өте жақын. CPU12 екі жад ұяшықтары немесе екі арнайы функциялы регистрлер арасындағы 8 және 16 разрядты мәліметтерді тасымалдауға мүмкіндік беретін екі адресті командаларға ие [3] .

Программаның flash - жадысының енгізілген модулі бар. HCS12 және HCS12Х кластарының МК-лерінің 0. 25 мкм технологиясы бойынша дайындалған үшінші буынның flash-жадысының модулі (Freescale Semiconductor компаниясының классификациясы бойынша) бар. Үшінші буынның flash-жадысының модулдері температураның толық диапазонында (-40 ⁰ С-тан +125 ⁰ С-қа дейін) ішкі жоғарылатқыш кернеу регуляторын қолдану арқылы өшіру/программалау операцияларын орындайды. Flash ТЕСҚ модулінің құрамындағы басқару блогында мәліметтерді жазудың және оларды алдағы уақытта сақтаудың жоғары қауіпсіздігін қамтамасыз ететін уақытша кешігулерді құрастыру міндетін қоса алғандағы программалау іс-әрекеттерінің барлық тізімін қамтамасыз ететін, кірістірілген түпкі автоматы бар. Бұдан басқа ішкі схемалық програмалау оңайланады, соның нәтижесінде программалау алгоритмі қысқарады. Температураның толық диапазонында программалау циклдерінің кепілденген саны - 1, 256 КБ-ты жазу уақыты 5 сек шамасында. МК-дің резидентті flash-жадысы төрт сегментке бөлінген, бір сегменттен екінші сегментті программалау мүмкін болады, яғни, ЖЕСҚ-на басқару программасының фрагментін жүктеу қажет етілмейді [2] .

HSC12(X) класының көптеген моделдерінің кристалында flash ТЕСҚ-ның арнайы, EEPROM эмуляция функциясына ие модулі бар. Әдетте ол 16 разрядты сөздермен оқылуға арналған көлемі 4КБ немесе 2КБ болатын жад ұяшығының массиві болып табылады. Өшіру және программалау екі сөзден тұратын блок арқылы, яғни, әрбір блокта 4 байт бойынша жүзеге асады. Өшіру операциясын орындау барысында жад ұяшығының санының EEPROM модулінің толық көлеміне дейін үлкеюі рұқсат етіледі.

HCS12(X) класының МК-нің көлемі үлкен (512КБ-қа дейін) резидентті ТЕСҚ-сы бар болғанына қарамастан, көптеген моделдер өздерінің кристалында программалардың және мәліметтердің қосымша жадын адрестеуге мүмкіндік беретін EBUS ішкі жадының интерфейс модуліне ие [4] . Көптеген моделдерде ішкі , яғни 8 разрядты порттардың үш желісінің «орнын алады». Ішкі жадыға мәліметтердің 16 разрядты және дәл сол секілді мәліметтердің 8 разрядты магистралін қолдану арқылы жүгінуге болады.

Клас модульдерінің кітапханасының екі жаққа бағытталған жеке программаланатын желілері бар енгізу-шығару порттары бар; ішкі оқиғалардың қосымша санағышы және сегіз IC/OC каналдары бар 16 разрядты уақытша базаға ие көпфункционалды таймер; тізбекті жылжитын 8 каналды 10 разрядты АЦТ модулі; 8 немесе 16 бит қасиетін рұқсат етіп программаланатын және уақытша база таймеріне тәуелсіз жалпы тағайындау КИМ модулі; ЦАТ модулі; өзге де арнайыландырылған модульдер.

HSC12(X) класының барлық МК-лері кристалда BDM ішкі схемалық дұрыстау модулінің бар болғандығынан жүйеде дұрыстау және програмалау режимдерін жүзеге асыруға мүмкіндік береді. Қазіргі уақытта Freescale Semiconductor компаниясы HCS12 процессорлы ядросы бар 40-тай МК-лер шығарады. Стандартты периферияның әр түрлі жиынтығының (таймерлер, АЦТ, тізбектік енгізу-шығару контроллерлері, КИМ модуляторлары) негізінде модельдік қатарды жасау процесі тоқтатылды деп есептеуге болады. HCS12 класының соңғы модельдері арнайыландырылған периферияларымен шығарылуда. HCS12 процессорлық ядросының алғашқы нұсқасы бар МК-лер өзінің шығарылуын жалғастыруда. Оқушы модельдік қатармен http://www. freescale. com сайтында таныса алады. Freeescale Semiconductor үшін әдеттегідей бір клас ішіндегі микроконтроллерлерді бір серияға топтастыру келісілген. Бір сериялы МК-лер перифериялардың сол бір жиынтығына ие, бірақ олардан резидетті жад көлемімен және енгізу/шығару порттарының желілер санымен ерекшеленеді. HCS12 класының модельдік қатарын өңдеу барысында өңдеушілер МК сәйкестігіне мұқият қарады [1] .

2 - ЛАБОРАТОРИЯЛЫҚ ҚОНДЫРҒЫСЫ

2. 1 Қондырғының жалпы сипаттамасы

ELVIS_S12C128 эксперименталды қондырғының сыртқы көрінісі 2. 1 суретте көрсетілген. Қондырғы электронды компоненттері бар 3 тақшадан тұрады [1] . CSMB12С128 тақшасы Freescale Semiconductor компаниясының 16 разрядты микроконтроллерінде микропроцессорлық техниканың негізін үйретуге негізделген. Осы тақшада зерттеліп отырған MC9S12C128 типінің ИС орнатылған, сондай-ақ интерфейсті дұрыстау және Turbo BDM Light USB бағдарламауы жинастырылған. CSMB12С128 тақшасында енгізу-шығару ақпаратының құрылғысы бар. Бұл үйренудiң бастапқы кезеңiнде осы тақшаны екі басқа тақшалардан бөлек зертханалық тәжiрибелер үшiн қолдануға мүмкiндiк береді.

Екінші тақша - PBMCUSLK әмбебап платформасы. Бұл платформа Freescale Semiconductor компаниясының әртүрлі типтегі микроконтроллерлерін зерттеуге қолданылады. Платформа өзіне 5. 0 және 3. 0 В тұрақтандырылған қоректенуді, Turbo BDM Light USB бағдарламасын дұрыстау интерфейсін және әртүрлі құрылғыларды алып жүреді. PBMCUSLK қосымша енгізу-шығару құрылғысына ие, ол зерттеліп отырған микроконтроллер мен қолданушы арасындағы интерфейсті кеңейте түседі. PBMCUSLK платформасы дербес құрылғы ретінде қолданылмайды, тек CSMB12С128 тақшасымен бірге ғана қолдануға болады. Конструкцияның негiзiндегi сұр модуль - бұл National Instruments компаниясының Elvis II оқу қондырғы. Оның құрамында LabVIEW ортасында құрылған виртуалды құрылғы мен PBMCUSLK тақшасы арасындағы байланысты жүзеге асыратын электрондық схемасы бар. Оларды микроконтроллер үшін басқару сигналдары ретінде қолдануға өте ыңғайлы. ELVIS_S12C128 оқу қондырғысының толық жиынтығында, аталған 3 құрылғыдан тұратын, кейбір аяқталған қосымшаларды С тілінде немесе ассемблер тілінде құруға қабілетті және микроконтроллерлерді программалаудың негізін игерген оқушы қолдана алады. Аталған құрылғылардың негізінде экспериметалды қондырғының 3 конфигурациясын құруға болады:

CSMB12С128 тақшасы + ДК. Екі компонент бір-бірімен USB кабелдің көмегімен жалғанады. Бұл ретте CSMB12С128 тақшасы ДК-дан осы интерфейс арқылы қоректенеді.

CSMB12С128 тақшасы + PBMCUSLK платформасы + ДК. Бірінші компонент екіншінің арнайы тіркеуіші орнатылады. CSMB12С128 тақшасының қоректенуі әмбебап платформаның кіріктірме тұрақтандырғышы арқылы жүзеге асады. Соңғысы, энергияны тұтынады немесе электр желісінен адаптер арқылы ~ 220 В / 9 В, немесе ДК-мен байланыс USB интерфейсі арқылы жүзеге асады [9] . Осы тақшада зерттеліп отырған MC9S12C128 типінің ИС орнатылған.

CSMB12С128 тақшасы + PBMCUSLK тақшасы + ELVIS платформасы + ДК. Қондырғыдағы барлық компоненттердің қоректенуі Elvis II платформасына қосылған адаптердің көмегімен жүзеге асады. Компьютермен байланыс екі USB кабельдің көмегімен жүзеге асады: біреуі - виртуалды құрылғыларды басқаруға, ал екіншісі - микроконтроллерді ретке келтіруге жауап береді.

2. 1 сурет - ELVIS_S12C128 қондырғының сыртқы көрінісі

MC9S12C128 микроконтроллерімен зерттеу жүргізудің 4 нұсқасы бар. Бұл жұмыс енгізу-шығару виртуалды құрылғысын қолданумен толық программалық симуляция режимінде орындалады. Толық программалық симуляция микроконтроллерді қолданбай-ақ, үлкен емес программаларды ретке келтіріп орындауға мүмкіндік береді.

2. 2 Микроконтроллердің тақшасы

80 шығысымен QFP корпусында - MC9S12C128 біркристалды микроконтроллер. Ретке келтіру интерфейсі және микроконтроллердің кіріктірме тұрақтандырғыш кернеу қоректенуімен Turbo BDM Light USB программалау. BDM адаптері MC908JB16FAE тақшасының арғы жағында орналасқан MC908JB16FAE микроконтроллердің негізінде орындалған [5] . Пайда болған бетте Software &Tools қосымша бетті таңдаймыз. Аталған құрылғылардың негізінде экспериметалды қондырғының 3 конфигурациясын құруға болады.

2. 2. 1 сурет - CSMB12С128 тақшасының сыртқы көрінісі

4-жарықдиод(LED1. . LED4) . Осы элементтерді жағатын активті деңгей логикалық нөл болып табылады.

4-ауыстырып-қосқыш(SW3-1. . SW3-4) . Олардың схемотехникалық құрылғысы дрезбергтен аппараттық қорғауды қамтымайды. Қажет болған жағдайда студент осы функцияларды программалық деңгейде орындай алады.

2-белгіленбеген батырмалар (SW1 және SW2) . Олардың схемотехникалық құрылғысы дрезбергтен аппараттық қорғауды қамтымайды. Қажет болған жағдайда студент осы функцияларды программалық деңгейде орындай алады.

1-потенциометр(RV1) . Микроконтроллердің AD портының 5-ші кірісіне кернеудің аналогты деңгейін тапсыруға мүмкіндік береді.

1-фотодатчик(RZ1) . Фототранзисторды негізінде орындалған. Сигнал одан операциялық күшейткішпен күшейеді және AD микроконтроллердің 4-ші аяғына аналогты түрде келіп түседі.

RS-232 интерфейсі тізбекті асинхронды интерфейс бойынша микроконтроллер мен компьютер арасындағы жіберетін мәліметтерді зерттеу үшін қолданылады.

CSMB12С128 тақшасының компьютермен бірге жұмыс режимі келесідей түрде жүзеге асады. Ең алдымен CodeWarrior Development Studio for S12(X) программалық пакетін орнату керек. Программалық пакетті freescale. com сайтынан жазамыз. Products → 16 - bit Microcontrollers → S12 and S12X → S12C таңдаймыз. Пайда болған бетте Software &Tools қосымша бетті таңдаймыз. Осыдан CodeWarrior for HCS12(X) Microcontrollers белгісі бар сілтемені басып таңдауымыз қажет. Пайда болған бетте CodeWarrior пакетінің әртүрлі версиялары бар салыстырмалы кестесі көрсетіледі. Тегін Special редакциясын таңдап және осы сөздің жанындағы Get сілтемесіне басамыз. Одан кейін жаңа кестенің Special Edition: CodeWarrior for S12(X) Microcontrollers V5. 0 қатарындағы Download батырмасын басамыз. Осыдан кейін программамыз жүктеледі.

2. 2. 2 сурет - CSMB12С128 тақшасында құрылғыларды қосудың функционалдық схемасы

Аталған құрылғылар мен зерттеліп жатқан микроконтроллердің функционалдық схемасы 2. 2. 2 суретте келтірілген.

2. 2. 3 сурет - CSMB12С128 тақшасында ұстатқыштардың орналасуы

Тақшаны компьютерге қоспас бұрын оған 2. 2. 3 суретте көрсетілгендей ұстатқыштарды орнатамыз. Суретте орнатылған ұстатқыштар қызылмен белгіленген. Осыдан кейін CSMB12C128 тақшасында тіркеуіш кабелімен қосу керек. ОС Windows ортасы жаңа белгісіз құрылғысын тауып және ол үшін драйверді орнатамыз.

2. 2. 4 сурет - CSMB12C128 тақшасы үшін драйверді орнату мастерінің бірінші терезесі

Жаңа құрылғыны орнату мастерінде ең алдымен интернет жүйесінен драйверді іздеуден бас тарту қажет (2. 2. 4 сурет) .

2. 2. 5 сурет - CSMB12C128 тақшасы үшін драйверді орнату мастерінің бірінші терезесі

содан кейін “Далее >” батырмасын басамыз (2. 2. 5 сурет) .

2. 2. 6 сурет - Драйверді іздеу және оны орнату

Ары қарай драйверді іздеу және оны орнату іске асырылады (2. 2. 6 сурет) .

2. 2. 7 сурет - CSMB12C128 тақшасы үшін драйверді орнатудың аяқталуы

2. 3 CSMB12C128 тақшасы + PBMCUSLK тақшасы

PBMCUSLK тақшасы - Freescale Semiconductor компаниясының микроконтроллерлерін зерттегенде қолданылатын әмбебап платформа. Бұл модуль қосымша енгізу-шығару құрылғыларын қолдануға мүмкіндік береді: 8 батырма, 8 жарық диодтары, 8 ауыстырып-қосқыш және тағы басқа элементтер.

сурет - CSMB12C128 модулінің J1 тіркеуішін ажырату

CSMB12C128 тақшасы 5В кернеуге ие, ал PBMCUSLK платформасы 3. 3-5В кернеуге ие. CSMB12C128 модулінің J1 тіркеуішін ажырату 2. 3. 1 суретте көрсетілген. Бұл тіркеуішпен микроконтроллердің тақшасын PBMCUSLK платформасының J5-не қосу керек. Енді компьютермен байланыc SMB12С128 тақшасы арқылы емес, PBMCUSL платформасының USB-тіркеуіші арқылы қамтамасыз етіледі.

2. 3. 2 сурет - CSMB12С128 және PBMCUSL тақшаларында және олардың компьютермен бірге қолдануындағы ұстатқыштардың орналасуы

Қондырғыдағы элементтерді қосар алдында ұстатқыштарды 2. 3. 2 суреттегідей орнату керек [11] .

2. 3. 3 сурет - PBMCUSL тақшасы үшін драйверді орнату

Осыдан кейін PBMCUSLK тақшасындағы тіркеуіштерді және компьютерді USB-кабельмен қосу керек. ОС Windows ортасы жаңа белгісіз құрылғыны табуы керек. Егер бұрын CodeWarrior Development Studio for S12(X) ортасы орнатылған болса, онда драйвер автоматты түрде табылуы керек (2. 3. 3 сурет) .

2. 4 CSMB12C128 тақшасы + PBMCUSLK тақшасы + ELVIS II платформасы

ELVIS II қондырғысы микроконтроллерді зерттеу барысында виртуалды құрылғыларды қосуға мүмкіндік береді. ELVIS II платформасындағы негізгі стандартты құрылғылар:

... жалғасы

Сіз бұл жұмысты біздің қосымшамыз арқылы толығымен тегін көре аласыз.